Son illər ölkəmizdə heyvandarlığın və əkinçiliyin inkişafı üçün böyük vəsaitlər ayrılır, subsidiyalar verilir və inkişaf konsepsiyaları hazırlanır. Ölkə başçısı İlham Əliyevin arardığı siyasətin əsas prioritet hissələrindən biri də ölkə ərazisində fəaliyyət göstərən sahibkarların sərbəst fəaliyyətinin tənzimlənməsidir.

Amma və lakin bir çox hallarda aidiyyatı qurumların rəhbərləri və yerlərdəki məmurlar bu konsepsiyaya qarşı çıxır, yaradılmış infrastrukturu inkişaf etdirmək əvəzinə öz qazancları naminə məhv edir.


Belə bir acınacaqlı vəziyyət Kürdəmir rayonu, “Ərəbqubalı massivi”ndəki “Qubalı yeri” adlanan qış otlaq sahəsində qeydə alınıb və nəticədə 30-40 min baş qoyun, 2700 hektardan çox qış otlaq sahəsi və böyük heyvan tövlələri, infrastruktur tamamilə məhv edilib.

Bizimxeber.az-a daxil olan müraciət əsasında aparıdğımız apaşdırma zamanı bəlli oldu ki, sözügedən ərazi əvvəllər Qarasu bataqlığı kimi tanınıb. Bu ərazi mərhum prezident Heydər Əliyevin tapşırığı ilə qurudularaq, məhz heyvandarlığın inkişafı üçün qış otlaq sahəsi hissəsi hesab olunub.

Bundan sonra 3000 hektara yaxın ərazi heyvandarlığın inkişafı naminə üçün Kürdəmir, Ağsu və diğər rayonlardan olan fermerlər arasında bölüşdürülərək müqavilə şəkilində paylanıb.

Fermərlər də özlərinə məxsus olan vəsaitlər hesabına heyvan tövlələri tikərək heyvanlarını burada saxlayıb, çoxaldıb. Qısa zamanda bu ərazidə 30-40 min baş qoyun və qara mal bəslənib.

Amma bir neçə il əvvəl Kürdəmir rayonun sabiq başçısı Ceyhun Cəfərovun bir başa göstərişi və iştirakı ilə (Ceyhun Cəfərov Baş prokuror yanında Korrupsiyaya Qarşı Mübarizə Baş İdarəsinin Kürdəmirdə keçirdiyi əməliyyat zamanı həbs edilib) bu ərazidə olan fermerlərə qarşı sözün əsl mənasında divan tutulub.

Fermərlərə qarşı qanunsuz məhkəmə iddiaları qaldıran Ceyhun Cəfərov bu torpaqları sözün əsl mənasında ələ keçirib. Məhkəmələr də icra başçısının sifarişini yerinə yetirərək icra hakimiyyətinin xeyrinə qərar çıxarıb və qış otlaq sahələri fermerlərdən qanunsuz olaraq alınıb.


Nəticədə bütün məhkəmə instansiyalarını öz vəzifə səlahiyyətlərindən istifadə edərək “qazanan” icra başçısı onlarla fermerin illərlər çəkdiyi əməyi məhv edib. Müxtəlif formada təzyiqlərə mərus qalan fermerlər heyvanlarını dəyər-dəyməzinə satmağa məcbur edilib, 10 minlərlərlə heyvan tələf olub və sairə...

Bundan sonra icra başçısının göstərişi ilə qış otlaq sahələrinin statusu dəyişdirilərək əkin sahələri statusuna salınıb və bu ərazilər öncədən planlaşdırıldığı kimi “Azər Aqro” MMC-yə icarə müqaviləsi ilə verilib.

Təsəvvür edin qurudulmuş bataqlıq, qış otlaq sahəsi statusunda olan ərazilər əkin sahəsi olaraq sənədlərşdirilir və bu ərazilərdə taxıl və pambıq əkilməsi barədə qərar verilir, subsidiyalar ayrılır, böyük xərclər tökülür, gübrələnmə işi aparılır və sairə. Amma heç bir nəticə olmur, ola da bilməz. Bu əsl cinayətdir və dövlər əmlakının külli miqdarda və planlı şəkildə məhv edilməsinə yönəlik addımdır.

Bizimxeber.az-ın araşdırlmaları zamanı bəlli oldu ki, bu əraziyə xərclənən milyonlar havaya sovurulub. Əkilən taxıl, pambıq məhv olub. Bu günə qədər bu ərazidə əkilən sahələrdən bir manat xeyir götürülməyib. Bütün bunlar azmış kimi, bu ərazilərdə qanunsuz olaraq bostançılıq və tərəvəzçilik sahələri sahılıb. Bu zaman da heç bir gəlir əldə etmək mümkün olmayıb.

"Azər Aqro” MMC-yə bu ərazilərdə pambıq və taxıl becərmək üçün ayrılan subsidiyaları sözün əsl mənasında havaya sovurub. Nəticədə nə heyvanbdarlıq inkişaf edib, nə əlinçilik, nə də bostançılıq və tərəvəzçilik.

İndi bu ərazilər sadəcə boş sahə olaraq qalmaqdadır. Əkinçilik üçün yararsız olan bu ərazilər hazırda qış otlaq sahəsi kimi belə yararsız halla gətirilib. Ərazidə lazımsız xəndəklər qazılıb, fermerlərə məxsus heyvan tövlələri məhv edilib.

Bir sözlə, korrupsioner icra başçısı Ceyhun Cəfərovla “Azər Aqro” MMC-nin rəhbərliyi 2700 hektardan çox olan qış otlaq sahəsini məhv edib.

Sözügedən ərazidə baş verənlər, ayrılmış milyon manatlarla subsidiyaların kimlər tərəfindən mənimsənilməsi araşdırılmalıdır. Ümid edək ki, bu araşdırılmaların aparılması üçün Dövlər Komissiyası yaradılacaq, günahkarların müəyyənləşdirilərək cəzalandırılması həyata keçiriləcək.

Araşdırmalarımız davam edir!

Bizimxeber.az

Şəkildə gördüyünüz bu adamı tanıdınızmı?

Yəqin ki, yox. Amma bu gedişlə deyəsən Rafael Əliyev Rza oğlu adlı bu adamı təkcə siz yox, bütün Azərbaycan tanıyacaq. Hələlik isə onun barəsində ilkin məlumatı bizdən öyrənə bilərsiniz.

Rafael müəllim Naxçıvan MR Maliyyə naziri vəzifəsində çalışır. 2020-ci ilin 19 avqust tarixində Naxçıvan Muxtar Respublikası Ali Məclisinin Sədri, daha yığcam şəkildə desək, Naxçıvan «xan»ı Vasif Talıbovun Fərmanı ilə indiki vəzifəsinə gətirilib. Bundan əvvəl isə o, Naxçıvan Gömrük Komitəsinin maliyyə xidmətinin rəisi olub. Görünür, gömrük sistemində yaratdığı xariqələr «qibleyi-aləm»in o qədər xoşuna gedib ki, «xan» həzrətləri Naxçıvanın bütün maliyyə işini bu adama həvalə edib. Rafael müəllim də sağ olsun, Vasif «xan»ın ona bəslədiyi etimadı tam doğruldub. Məhz Rafael müəllimin qeyri-adi, daha dəqiqi, fövqəladə istedadı nəticəsində Naxçıvan Muxtar Respublikası dövlət büdcəsinin cəmi 22%-ni toplamaq potensialını bir az da aşağı endirib. Halbuki, Prezident İlham Əliyev 2019-cu ilin 19 noyabrında Naxçıvan «xan»ı Vasif Talıbovu qəbul edərkən, ona yerli büdcəni yetərincə doldurmamasını irad tutaraq, mədəni şəkildə danlaq vurmuşdu. Prezident həmin görüşdə demişdi:

«Əlbəttə ki, Naxçıvanın uğurlu və təhlükəsiz inkişafı üçün nə lazımdırsa, biz onu da edəcəyik. Ancaq bir məsələyə diqqətinizi cəlb etmək istəyirəm. Naxçıvan büdcəsinin cəmi 22 faizi yerli gəlirlər hesabına formalaşır, yəni, 383 milyon manatdan cəmi 83 milyon manatı yerli gəlirlər hesabına formalaşır, qalan 300 milyon manat Bakıdan dotasiya verilir. Hesab edirəm ki, növbəti illərdə yerli gəlirlərin artırılması istiqamətində işlər aparılmalıdır ki, onların faiz nisbəti artsın».

Görünür, İlham Əliyevin «Naxçıvanın uğurlu və təhlükəsiz inkişafı» sözlərindən məsti-xumar olan «xan» həzrətləri əslində bu sözlərin altında mədəni danlaq yatdığını 10 aydan sonra (böyük ehtimalla biz yazdıqdan sonra) anlamış və Maliyyə Nazirliyində əsaslı dönüşlər yaratmaq üçün Rafael Əliyevi gömrükdən çıxarıb indiki vəzifəsinə gətirmişdi. Rafael Əliyev də gömrükdəki əsrarəngiz təcrübələrinə əsaslanaraq dağı dağ üstünə qoymuşdu. Məhz Rafael Əliyevin qabiliyyəti sayəsində 2022-ci il üçün Naxçıvana ayrılan dotasiya 14 faiz artaraq 431.6 milyon manat təşkil etmişdir. Bu isə 2021-ci il üzrə hökumətin verdiyi proqnozdan 53.47 milyon manat artıq vəsait demək idi.

Rafael Əliyevin Azərbaycan Prezidentinin qərar və tapşırıqlarının tərsinə hərəkəti bununla da bitmir. Bu ilin may ayının 3-də MR Maliyyə Nazirliyindən redaksiyamıza daxil olan şikayət məktubunda bildirilirdi ki, yeni nazir ümumiyyətlə Prezident Fərmanını hesaba almır. Belə ki, Prezident İlham Əliyevin 1 mart 2022-ci il tarixli 1616 nömrəli fərmanına əsasən, vergi orqanlarının vəzifəli şəxslərinin aylıq vəzifə maaşına 1 misli həcmində əlavə müəyyən edilməli idi: “Lakin imzalanmasının üzərindən aylar keçməsinə baxmayaraq bu fərman hələ də Muxtar Respublika ərazində icra olunmur. Fərmanın icra olunmamasının səbabkarı isə Naxçıvan MR maliyyə naziri Rafael Əliyevdir”, - deyə şikayət məktubunda bildirilirdi.

Vasif «xan»ın tapşırıqlarını Prezident İlham Əliyevin Fərmanlarından üstün tutan Rafael Əliyevin ən uğurlu siyasəti isə nazirlik əməkdaşlarını ruhları belə incimədən işdən çıxarmaq keyfiyyəti ilə əlaqədardır. Redaksiyamıza göndərilən son şikayət məktubuna görə, Rafael Əliyev nazir təyin olunandan bəri keçən 2 il müddətində 20-dən artıq əməkdaşı işdən çıxarıb.

Onların siyahısını təqdim edirik:

1.Orxan Abbasov,

2.Qənbər Xudiyev,

3.Pərviz Babayev,

4.Xaqani Vəliyev,

5.Tural Nəcəfzadə,

6.Islam Qulam,

7.Huseyn (soyadını öyrənmək mümkün olmadı),

8.Akif (soyadını öyrənmək mümkün olmadı),

9.Safura (soyadını öyrənmək mümkün olmadı),

10.Məxmər (soyadını öyrənmək mümkün olmadı),

11.Aygün (soyadını öyrənmək mümkün olmadı),

12.Cəmilə (soyadını öyrənmək mümkün olmadı),

13.Samirə Ismayılova (soyadını öyrənmək mümkün olmadı),

14.Röya Kərimova (soyadını öyrənmək mümkün olmadı),

15.Narzadə Məmmədzadə,

16.Nərmin Məmmədli,

17.Süleyman Həsənov,

18.Azad Əliyev,

19.Zulfiyyə (soyadını öyrənmək mümkün olmadı),

20.Tofiq (soyadını öyrənmək mümkün olmadı),

Və digərləri

Deyəsən, Rafael Əliyev Muxtar Respublikanın büdcəsini yerli imkanlarla daha artıq doldurmağın yolunu insanları səbəbsiz yerə işdən çıxarmaqda görürmüş.

Soruşa bilərsiniz ki, hansı məntiqə əsaslanıb Rafael Əliyevin adının yaxın günlərdə məşhuri-cahan olacağını irəli sürürük? Məsələ burasındadır ki, aldığımız məlumata görə, paytaxtın müaviq orqanlarından Naxçıvana yollanan təftiş komissiyası Muxtar Respublikada ciddi yoxlamalara başlayıb. Yoxlanılan idarələr arasında Rafael müəllimin hazırda külüng vurduğu Maliyyə Nazirliyi də, əvvəllər rəhbərlik etdiyi Gömrük Komitəsinin Maliyyə xidməti də var. Muxtar Respublikanın hər iki qurumu isə xirtdəyə qədər korrupsiyanın içindədir. MR-də yoxlanışlar ədalətli aparılsa, bir çoxları kimi Rafael ƏIliyevi də uzun müddətli «istirahət» gözləyir. Azərbaycanda məcburi «istirahət»ə göndərilən şəxslər barədə isə adətən müvafiq qurumlar geniş rəsmi məlumatlar tirajlayırlar. Beləcə, bu zamana qədər papaq altında yatan məmurlar məşhuri-cahan olurlar. Baxmayaraq ki, bu məşhurluğa el dilində bəzən rüsvayi-cahan da deyirlər.
Ovqat.com

Zərdab rayonu Böyük Dəkkə kənd sakini Şəhid atası Abdullayev Rasim Tapdıq oğlu tərəfindən

ŞİKAYƏT

Mənim oğlum Nurlan 03 aprel 2016-cı il tarixdə şəhid olub. Nurlan ailəmizin yeganə oğlu idi.Gizir kimi hərbidə qalıb qulluq edirdi.Xüsusi təyinatlı kəşfiyyatçı idi. Zabit olmaq üçün oxuyurdu.Şəhid Nurlan hərbi xidmətdə nümunəvi xidmətinə fərqlənməyə görə dəfələrlə order və medallarla təltif olunmuşdu. Oğlum Nurlan məlum 2016-cı ilin aprel döyüşlərində Talışkənddə qəhrəmancasına şəhid oldu. Özüm isə 1-ci Qarabaö müharibısində iştirak etmişəm müharibə veteranıyam. Erməninin etdiyi vəhşiliyi təbii qarşılayırıq çünki onlar bizim tarixi düşmənlərimizdir. Ancaq Zərdab rayon icra başçısı Mərdan Camalzadənin bizim ailəyə qarşı etdiyi insanlığa yaraşmayan hərəkətlər bizi çox sarsıtdı.Biz icra başçısı Mərdan Camalzadənin bu hərəkətlərini şəhid ruhuna təhqqir hesab edirik.
Mənə təyin edilmiş 2-ci qrup əlilliyim qanunsuz olaraq dayandırldı.Buna görə işlə təmin olunmaq üçün həyat yoldaşımda məndə Məşğulluq Mərkəzində qeydiyata alındıq.Ancaq hər dəfə tez bir zamanda işlə təmin olunacaqsınız deyə-deyə bir ildən çoxdur ki, bizi süründürməçliyə məruz qoyublar.Prezident cənab İlham Əliyevi xüsusi tapşırığı var ki, şəhid ailələri növbədən kənar işlə təmin olunmalıdırlar.Ancaq Zərdabda bu əksinədir çünki rayonun yarıtmaz icra başçısı var.
Mərdan Camalzadə qəbul etməsi üçün İcra Hakimiyyətində olan zaman müavin Pərvin Mahmudova bizi qəbul etdi.Həmin vaxt mənimlə birlikdə qəbula qaynım 1-ci qrup Qarabağ müharibəsi əlili Qaraoğlan Mustafayevdə getmişdir.
Həmin vaxt İcra başçısının müavini Pərvin Mahmudova öz otağına Şəhid ailələri və qazilərlə iş şöbəsinin müdiri Zinhar Bayramovu çağırdı. Zinhar Bayramov söhbət əsasında qaynımın bunun işinin adı nədir deməsindən bərk əsəbləşib “Çaqqal mənə bax mən döyüşmüşəm mənim medallarım var” deyərək bizi söyüb təhqqir etdi.Həttda üstümüzə hücum çəkib bizi döyməyə cəhd etsədə Pərvin Mahmudova buna imkan vermədi bizi itələyib otaqdan çıxardı.
Beləcə təhqqir olunub oradan qovulduq.Bu həyasızlığı və tərbiyəsizliyi isə icra başçısı Mərdan Camalzadə qəsdən təşkil etmişdir.İcra başçısı Mərdan Camalzadə iş yerlərini pulla satır deyə mənim kimi imkansız şəhid ailəsi heç vaxt işlə təmin olunmayacaq.Zərdab rayonu zibil işində batıb gedir təmizlik işləri vaxtlı-vaxtında aparılmır.Ancaq kommunal müəssisələr idarəsində üç yüzdən çox işçi var.Bütün bu neqativ vəziyyəti Mərdan Camalzadə yaratmışdır.
Mətbuat vasitəsi ilə Prezident cənab İlham Əliyevə və Mehriban xanım Əliyevaya müraciət ünvanlayıb xahiş edirəm bizi təhqqir etdirib döydürmək istəyən tərbiyəsiz icra başçısı Mərdan Camalzadənin və onun buyruq qulu olan Zinhar Bayramovun barəsində ciddi tədbir görəsiniz.Həyat yoldaşımın və mənim işlə təmin olunmağıma köməklik göstərəsiniz.
Teref.az olaraq şikayətdə iddia edilən məsələlərlə bağlı qarşı tərəfin mövqeyini dərc etməyə hazırıq!
Teref.az

Bakının Qaradağ rayonu Lökbatan qəsəbəsində yerləşən 19 saylı şəhər xəstəxanasında baş həkimin 1 saat işləməsi barədə məlumat daxil olub.

Teref.az yazır ki, bu barədə yerli sakinlərdən biri BAKU.WS-in "qaynar xətti"nə bildirib.

O, iddia edib ki, Elçin adlı baş həkim xəstələrə icbari tibbi sığorta yolu ilə göndəriş yazmaq üçün yalnız bir saat fəaliyyət göstərir. Baş həkim vətəndaşlar ancaq 13:00-dan 14:00-a kimi göndəriş yazmaq üçün vaxt təyin edib.

Bu iddianın nə qədər həqiqəti əks etdirməsini aydınlaşdırmaq məqsədilə Tibbi Ərazi Bölmələrini İdarəetmə Birliyinə (TƏBİB) müraciət etdik. Qurumun İctimaiyyətlə əlaqələr və tədbirlərin təşkili şöbəsinin müdiri Zamira Adilova BAKU.WS-ə bildirib ki, qeyd olunan iddialar həqiqəti əks etdirmir:

"Vətəndaşlarlar şəxsiyyət vəsiqəsilə xəstəxanaya yaxınlaşaraq icbari tibbi sığorta çərçivəsində müayinə oluna bilirlər. Nəticəyə uyğun olaraq əgər əlavə müayinələrə, eləcə də stasionar yatışa ehtiyac yaranarsa aidiyyəti bölmə tərəfindən digər tibb müəssisələrinə göndərişlər verilir.

Həftəiçi 5 gün saat 09:00-dan 15:00-a qədər göndərişlərin sistemə işlənilməsi prosesi həyata keçirilir".

Ölkədə hər gün məmur islahatları, harınlamış məmurların həbsləri, vəzifələrinin öhdəsindən layiqincə gələ bilməmələri ilə yanaşı vəzifələrin də qovulanlar da bəzi məmurlara dərs olmur. Sükan arxasında oturub, qayda qanunlara riyayət edə bilməyib, dövlət yol qaydalarını pozub ,qırmızı işıqda keçən, harınlamış və qudurğan məmur övladları görmüsdük. Amma məmur görməmişdik ki, necə deyərlər bir avtomabili də idarə edə bilməyən məmur ona etimad olunan vəzifəni necə idarə edəcək?

İndi söhbət açacağmız şəxs Cəlilabad Rayonu Gigiyena və Epidemologiya mərkəzi şöbəsinin müdürü İlham Əliyevdir. İlham müəllim ona məxsus olan 99-PH-428 dövlət nömrəli maşını ilə rayonun mərkəzində qaydanı kobud surətdə pozur hətta qırmızı işıqfora belə məhəl qoymur.

“Azərbaycan Reallıgı“na video muraciət göndərən vətəndaş iddia edir ki, İlham doktorla yanaşı, rayonda avtomabil idarəçliyi demək olar ki, hər gün belədir. Sonda yazacaq və deyiləcək söz qalmadı yaqin ki, bu video görüntündən sonra sözü adiyyatı qurumlar və hüquq mühafizə orqanları deyecək .

Hazırda Dövlət Turizm Agentliyi daha çox ölkəyə xarici turistlərin cəlb olunması üzərində layihələr həyata keçirməklə yanaşı, tabeliyində olan tarixi-memarlıq qoruqlarında təmir-bərpa işləri də aparır. Son illər İsmayıllı rayonundakı “Basqal” Dövlət Tarix-Mədəniyyət Qoruğunun abadlaşdırılmasına, İsmayıllı rayonu, “Lahıc” Dövlət Tarix-Mədəniyyət Qoruğunda yerləşən 5 memarlıq abidəsində bərpa işlərinə, Şəki şəhəri, “Yuxarı Baş” Milli Tarix-Memarlıq Qoruğu ərazisində tikinti və yenidənqurma işlərinə və”Kiş” Tarix-Memarlıq Qoruğunun ərazisində tikinti, bərpa və abadlıq işləri üçün külli miqdarda dövlət vəsaitləri ayrılıb. Qurum bu məqsədlə bir neçə tender proseduru həyata keçirib ki, onlardan biri diqqətimizi daha çox çəkdi.

Dövlət Turizm Agentliyi tərəfindən dövlət satınalmalarının vahid internet portalına 06.09 2022-ci il tarixdə yerləşdirilmiş məlumata görə Quba rayonunda yerləşən “Xınalıq” Dövlət Tarix-Memarlıq və Etnoqrafiya Qoruğunda qəzalı evlərin təmiri və bərpası (44 ev) işlərinin satın alınmasının qalibi “MAQRO CONSTRUCTION” Məhdud Məsuliyyətli Cəmiyyətinin Azərbaycan Respublikasındakı fililalı olub və sözügedən şirkətlə Agentlik arasında 4 397 618.1 manat məbləğində satınalma müqaviləsi bağlanılıb.

Qeyd edək ki, şirkətin hansı ölkəyə məxsus olması barədə açıq mənbələrdə heç bir məlumat yoxdu. Kommersiya qurumunun hüquqi şəxslərin dövlət reyestrinə daxil edilmiş məlumatlarında “MAQRO CONSTRUCTION” Məhdud Məsuliyyətli Cəmiyyətinin Azərbaycan Respublikasındakı fililalının İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində 07.05.2021-ci il tarixdə dövlət qeydiyyatına alındığı göstərilir. Reyestr məlumatlarında nizamnamə kapitalı göstərilməyən MMC-nin hüquqi ünvanının BAKI ŞƏHƏRİ NİZAMİ RAYONU, ƏLİŞİR NƏVAİ, ev 17. qanuni təmsilçisi kimi isə Emrah Ucar qeyd olunub.

Göründüyü kimi filial kimi MMC Azərbaycanda cəmi 1 il 4 aydır fəaliyyətə başlayıb. Buna baxmayaraq 2022-ci ilin son 4 ayı ərzində Azərbaycanda “Azərsu” ASC-nin “Gəncə şəhərinin su təchizatı və kanalizasiya sisteminin yenidən qurulması” işlərinin satın alınması üzrə keçirdiyi tenderdə 49 476 059.86, “Azergold” QSC-nin isə Daşkəsən rayonu, Çovdar Filiz Emalı Sahəsində 4-cü topa qələviləşdirmə sahəsinin tikinti-quraşdırma işlərinin satın alınması üzrə keçirdiyi tenderdə 40 757 001 manat udub. Yəni son 4 ayda tam 90 milyon manat. Dövlət Turizm Agentliyinin keçirdiyi tenderi də bura əlavə etsək bu 94 630 678 manat təşkil edir. Ümumi dəyəri milyonlarla ölçülən dövlət satınalmalarında iştirak edən, lakin barəsində heç bir məlumat olmayan bu şirkətin qalibi olduğu tenderlərə baxdıqda isə qəribə mənzərə yaranır, birində su təchizatı və kanalizasiya sistemi işləri, digərində qələviləşdirmə sahəsinin tikinti-quraşdırma işləri, başqa birində isə qəzalı evlərin təmiri işləri.

Bunları hələlik qoyaq bir kənara. “MAQRO CONSTRUCTION” Məhdud Məsuliyyətli Cəmiyyəti Xınalıq kəndindəki qəzalı evləri Dövlət Turizm Agentliyi üçün neçəyə təmir edəcək? Bir evin bərpasına 99 945 manat. Yüz mindən 55-cə manat manat aşağı qiymətə. Çox şişirdilib, deyilmi?

Aktualinfo.org xatırladır ki, ötən il də Xınalıq kəndindəki qəzalı evlərin bərpasına külli miqdarda vəsait ayrılmışdı. Onda Dövlət Turizm Agentliyi Quba rayonunda yerləşən “Xınalıq” Dövlət Tarix-Memarlıq və Etnoqrafiya Qoruğunda qəzalı evlərin təmiri və bərpası (16 ev) işləri üzrə keçirmiş olduğu tenderdə 1 183 023.88 manat məbləğində satınalma müqaviləsini 22.07.2021-ci il tarixdə “STAR CONSTRUKTİON-12” Qapalı Səhmdar Cəmiyyəti ilə bağlamışdı. Dövlət satınalmalarının vahid internet portalına yerləşdirilmiş məlumatlara görə Dövlət Turizm Agentliyi Xınalıqdakı qəzalı evlərin təmiri və bərpası (16 ev) işlərinin satın alınmasına 04.05.2021-ci ildə də 876 181.18 manat məbləğində bir satınalma müqaviləsi də “PERLİT” Məhdud Məsuliyyətli Cəmiyyəti ilə bağlayıb. Onda belə çıxır ki, Xınalıqdakı 16 qəzalı evlərin təmir bərpasına 2021-ci ildə 2 milyon manatdan çox vəsait ayrılıb?

Xınalıq kəndində ötən il hər bir evin təmir-bərpasına Dövlət Turizm Agentliyi təxmini hesablamalarımıza görə orta hesabla 73 938 manat ayırmışdı. Həmin dövrdə yaydığımız məqaləyə Agentliyin cavabı belə olmuşdu ki, “Qışı sərt keçən Xınalıq kəndi ərazisində evlərin əksəriyyətində uçqunlar olmuşlar və vətəndaşların həyatı ciddi təhlükə altında qalmışdır. Qeyd edilənləri nəzərə alaraq, iş həcmi mərhələlərə bölünmüşdür. İlkin mərhələdə ən təhlükəli 16 ev seçilib təmir-bərpa layihəsi hazırlanmışdır. Görüləcək işlərin 16 evlə bu ildə məhdudlaşdırılmasının digər əsas səbəbi dağlıq və sərt iqlimi olan Xınalıqda tikinti işləri üçün mümkün olan hava şəraitinin 5 ay olmasıdır (May- Sentyabr). Evlərin təmir-bərpa layihəsi Azərbaycan Dövlət Memarlıq və İnşaat Universitetinin layihə institutu tərəfindən hazırlanmışdır. Layihə institutu tərəfindən hazırlanan layihələr FHN Tikintidə Təhlükəsizliyə Nəzarət Dövlət Agentliyinin Təsisatdankənar Dövlət Ekspertiza Baş İdarəsinə müvafiq rəy verilməsi üçün təqdim edilib.

Layihə smeta sənədlərinə FHN Tikintidə Təhlükəsizliyə Nəzarət Dövlət Agentliyinin Təsisatdankənar Dövlət Ekspertiza Baş İdarəsinin müvafiq rəyi alınıb. Bu rəy və smetaya uyğun olaraq FHN Tikintidə Təhlükəsizliyə Nəzarət Dövlət Agentliyinin Tikintidə Qiymətqoyma Mərkəzi tərəfindən cari qiymətlər səviyyəsində ehtimal dəyəri tərtib olunub. FHN Tikintidə Təhlükəsizliyə Nəzarət Dövlət Agentliyinin Tikintidə Qiymətqoyma Mərkəzi tərəfindən verilən qiymət əsasında Dövlət Turizm Agentliyi tərəfindən tender keçirib.”

Göründüyü kimi Agentlik qanun tələb etdiyi qaydaları sadalayır. Yəni, hər şey qanunda nəzərdə tutulan qaydada təşkil olunur. Fövqəladə Hallar Nazirliyinin qoyduğu qiymətlərə də söz yox, öz yerində. Amma bu dəfə də Xınalıqdakı qəzalı evlərin təmiri və bərpasına ayrılan vəsait ötən yazıda da qeyd etdiyimiz kimi, heç inandırıcı gəlmir bizə. Biz kəndin dağlıq ərazidə yerləşdiyini, relyefini, mal-materialların daşınmalarını və işçi qüvvəsini də nəzərə alırıq. Bununla belə ayrlan vəsait yenə də həddindən çox görsənmirmi? Bir qəzalı evin təmir bərpasına ötən il təxminən 74 min manat, bir ildən sonra isə təxminən 100 min manat vəsaitin ayrılması şişirdilmiş rəqəmlərdən başqa bir şey deyildir. Müqayisə üçün Dövlət Turizm Agentliyi tərəfindən redaksiyamıza göndərilmiş təmirli və təmirsiz evlərin şəkillərini diqqətinizə çatdırırıq. Birinci şəkildə evin tavanı köhnə qaydada olduğu kimidir. İkinci şəkildə isə tavan dəyişdirilib, divarlar isə sadəcə ağardılıb. İndi sizcə ayrılan vəsaitlərlə görülən bu işlər üst-üstə düşürmü?

Digər tərəfdən, Dövlət Turizm Agentliyi Xınalıqda tikinti işləri üçün mümkün olan hava şəraitinin 5 ay, may-sentyabr aylarının olduğunu göstərir. Elə isə tenderlər nə üçün sentyabrda keçirilir. Axı, sentyabrdan sonra Xınalıqda tikinti işləri aparmaq olmur. Sentyabrda tender keçirib, gələn ilin may ayında işə başlanılırsa ortada olan 8 ay müddətinə ayrılan pullar necə olur? Tenderləri ilin əvvəllindən, mart-aprel aylarından keçirib, may ayından işlərə başlamaq olmazmı? Hesab edirik ki, burada da bir çox qaranlıq məsələlər var.

Otən yazımızda da qeyd etdiyimiz kimi, biz kəndin qədimliyini başa düşürük. Buranın sadəcə qədim bir kənd olmaqla bərabər, həm də Dövlət Tarix-Memarlıq və Etnoqrafiya Qoruğu olduğunu da unutmuruq. Amma sadəcə kəndin qədimliyini qorumaqla qəzalı evlərdə təmir-bərpa işlərinin aparılması xatirinə ayrılan milyonları başa düşmürük. Hər şey Fövqəladə Hallar Nazirliyinin qoyduğu qiymətlərdən asılı deyil ki. Bunun İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti var, bunun Hesablama Palatası, Maliyyə Nazirliyinin Dövlət Maliyyə Nəzarət Xidməti var. Bəs bu qurumlar hara baxır?

Xatırladaq ki, Dövlət Turizm Agentliyi Azərbaycan Respublikası Prezidentinin 20 aprel 2018-ci il tarixli ” mədəniyyət və turizm sahəsində dövlət idarəçiliyinin təkmilləşdirilməsi ilə bəzi tədbirlər haqqında” Sərəncamına əsasən Mədəniyyət və Turizm Nazirliyinin əsasında yaradılıb. Elə 21 aprel 2018-ci il tarixdən Fuad Nağıyev Dövlət Turizm Agentliyinin sədri təyin edilib.Onun bu sahəyə rəhbərliyinə necə qiymət vermək olar? Bunun üçün sosial şəbəkələrdə və elektron media resusrslarında turizm obyektlərindən olunan çoxsaylı şikayətlərə baxmaq kifayət edər. Dövrü mətbuatda həmçinin yazırlar ki, Fuad Nağıyevi “yaxından tanıyanlar deyir ki, agentlik rəhbəri içki masasına oturdumu, onu oradan qaldırmaq çətin məsələdir, ayaqları sözünə baxmayanadək içəcək, yekunda isə sürücüsünün və ya masa yoldaşlarından ayıq olanların dəstəyi ilə maşına salıb evinə göndərəcəklər. İddia olunur ki, bu vəziyyət demək olar, hər gecə təkrar olunduğundan cənab Nağıyev işə adəti üzrə nahardan sonra gəlir.”

Mətbuatın yazdığından belə çıxır ki, Dövlət Turizm Agentliyinin sədri hər axşam yeyib-içməkdə olur. Hər axşam yeyib-içməyə xərclənən puların haradan gəldiyi isə bəlli deyil. Olmaya, Fuad Nağıyevin hər axşam yeyib-içməyə xərclədiyi pular Xınalıqdakı hər qəzalı evin təmir-bərpa işlərinə ayırdığı 100 minlərdən gəlir?

aktualinfo.org