 |
|
|
Bakı Baş Səhiyyə Mərkəzi tabeliyində olan tibb müəssisələri üçün maşın və avandanlıqların satın alınması ilə bağlı müsabiqəyə yekun vurub.
TEREF.AZ Qaynarinfo-ya istinadla xəbər verir ki, müsabiqənin qalibi "Harmony İndustrial Construction and Engineering Group” MMC olub. Tərəflər arasında imzalanacaq satınalma müqaviləsinin maliyyə dəyəri 111.991,2 AZN təşkil edir.
Bu, Bakı Baş Səhiyyə Mərkəzi ilə "Harmony İndustrial Construction and Engeering Group” MMC ilə ilk satınalma müqaviləsi deyil. Qurum 2021-ci ildə də sözügedən şirkətlə satınalma müqaviləsi imzalayıb. Həmin müqavilədə liftlərə texniki dəstəyin satın alınması nəzərdə tutulub.
Ümumiyyətlə, araşdırmalar zamanı məlum olur ki, "Harmony İndustrial Construction and Engeering Group” MMC əsasən tibb müəssisələrinin keçirdiyi satınalma müsabiqələrinin qalibi olur. Bəs bu şirkət kimə məxsusdur?
İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, 28 fevral 2005-ci ildə qeydiyyata alınan "Harmony İndustrial Construction and Engeering Group” MMC-nin qanuni təmsilçisi Orucov Əlövəst Bilal oğludur. Nizamnamə kapitalı 10 AZN olan şirkətin hüquqi ünvanı isə Ceyhun Hacıbəyli küçəsi, ev 52, mənzil 20-də yerləşir.
Bu ünvanda daha iki şirkət qeydiyyatdadır. Onlardan biri "Piramida-2001” MMC, digəri isə "A-Marble” MMC-dir. Əlövsət Orucov həm də "A-Marble” MMC-nin qanuni təmsilçisidir. "Piramida-2001” MMC də onun nəzarətindədir. Bu şirkətin qanuni təmsilçisi Orucova Maya Zülfüqar qızı olub. Ehtimal olunur ki, Maya Orucova Əlövsət Orucovun xanımıdır. Hazırda isə şirkətin qanuni təmsilçisi Əlövsət Orucovun özüdür.
Əlövsət Orucov eyni zamanda "Piramida F.R” MMC-nin qanuni təmsilçisi olub. Bu şirkət təkcə 2020-ci ildə 1 milyon manatlıq satınalma müqaviləsi imzalayıb. Maraqlıdır ki, həmin vaxt şirkətin 542 min manat vergi borcu olub. Bu barədə yerli mediada da yazılıb.
"Piramida F.R” MMC-nin adına Dövlət Vergi Xidmətinin reyestr məlumatlarında rast gəlinmir. Şirkətin VÖEN-i hazırda "Harmony İndustrial Construction and Engineering Group” MMC-nin istifadəsindədir.
Adətən bu tip şirkətlər tender oyunlarında istifadə üçün yaradılır. Bir müddət sonra isə şirkətin fəaliyyəti dayandırılır, yaxud da adı dəyişdirilir. Böyük ehtimalla "Piramida F.R” MMC ilə də bağlı belə olub. Şirkət bir neçə iri məbləğli tender əməliyyatından sonra "Harmony İndustrial Construction and Engeering Group” MMC-yə çevrilib.
Yeri gəlmişkən, Əlövsət Orucov 3 şirkətin sahibi olsa da, iş adamı kimi onun barəsində açıq mənbələrdə hər hansı məlumat yoxdur. Bu da onun əslində "proxy” şəxs olduğu barədə şübhələri artırır.
Azərbaycanda dövlət tenderlərindən böyük hissəsini əldə edən daha bir şirkət - “tender çempionu” aşkar edilib.
TEREF.AZ FED.az-a istinadla xəbər verir ki, həmin şirkətlərdən biri də "Subaru Azərbaycan"dır.
Şirkət 2019-cu ildən indiyədək 12 tender üzrə 2 834 566 manatlıq gəlir əldə edib.
Şirkət 12.09.2006-cı ildə dövlət qeydiyyatına alınıb. Nizamnamə kapitalı 3 700 020 manatdır. Qanuni təmsilçisi Elçin Əsədov Qamət oğludur. Hüquqi ünvanı, Az0100, Bakı şəhəri, Xırdalan şəhəri, Bakı-Sumqayıt Şossesində yerləşir
"Subaru Azərbaycan" MMC-nin (VÖEN: 1400968521) udduğu tenderlər aşağıdakılardır:
1."Təhlükəli Tullantılar" MMC - Dizel mühərrikli pikap tipli nəqliyyat vasitəsinin satın alınması – 56 800 manat, 17.03.2023
2 ."Sosial Xidmətlər Agentliyi" - Sosial Xidmətlər Agentliyinin Aparatı üçün xidməti avtomobilin satın alınması – 68 600 MANAT, 10.03.2023
3. Dövlət Reklam Agentliyi Gəncə Regional Reklam İdarəsi - Dövlət Reklam Agentliyinin Gəncə Regional Reklam İdarəsi tərəfindən yeni Pikap tipli nəqliyyat vasitəsinin satın alınması – 60 400 manat, 12.10.2022
4. "Dövlət Sosial Müdafiə Fondu" - Avtomobillərin satınalınması – 1 818 000 manat, 19.11.2020
5. "Bakı Şəhər Dezinfeksiya Mərkəzi" - Nəqliyyat vasitəsinin alınması – 56 900 manat, 19.10.2020
6. Aqrar Sığorta Fondu - 1 ədəd biznes sinfinə aid nəqliyyat vasitəsinin satın alınması – 56 700 manat, 03.06.2020
7 . Bakı Dövlət Universiteti - Nəqliyyat vasitələrinin satın alınması – 124 500 manat, 12.02.2020
8.Sabunçu Rayon Mühafizə İdarəsi - Mühəriki 3.2 olan sedan tipli avtomobilin satın alinması – 93 000 manat, 25.11.2019
9. Əmək Və Əhalinin Sosial Müdafiəsi Nazirliyi Yanında Dövlət Sosial Müdafiə Fondu - Xidməti minik avtomobillərinin satınalınması – 190 100 manat, 20.11.2019
10."MİDA" MMC - 1 (bir) ədəd sedan, mühərrikin həcmi 2,5 – 3,0 L, tam təchizatlı nəqliyyat vasitəsinin satın alınması - 70.000 manat, 06.11.2019
11. Sahibkarlığın İnkişafı Fondu" - Avtonəqliyyat vasitələrinin alınması – 136 700 manat, 29.10.2019
12. Dövlət Reklam Agentliyi - Avtonəqliyyat vasitələrinin satın alınması – 102 866 manat,13.09.2019
Azərbaycanda rəsmi QUMAR BİZNESİ ŞƏBƏKƏSİ hesab olunan "Azərlotoreya"nın kasıbların son qəpik-quruşuna göz dikməsi bir faktdır. Hər halda, hansısa imkanlı şəxsin və yaxud da vəzifə başında olan məmurun hər gün axşam işdən evə gedərkən "Azərlotoreya"nın hansısa qumarını oynadığını nə görən olub, nə də eşidən... Günlük gəliri 10-20 manat arası olan binəva fəhlə zümrəsidir ki, bu cür yollarla qazanacağına, birdən-birə varlanacağına ümid edir ki, bu da "Azərlotoreya" kimi qumar şəbəkələrinin işinə yarayır.
DİA.AZ bildirir ki, hər halda, bu kimi hallarda dövlətin gərəkən qurumlarının müdaxiləsi vacibdir, şərtdir. Çünki dövlət və oinun hüquq-mühafizə orqanlarının başlıca vəzifəsi ölkə vətəndaşlarının məhz bu kimi dələduzluq torundan müdafiə olunmasıdır.
Məlumdur ki, Azərbaycanda rəsmi QUMAR BİZNESİNƏ nəzarəti öz əlinə götürən və bununla da “Azərlotereya” ASC-nin idarəetməsinə nəzarət edən Türkiyənin “Demirören Holding” şirkətidir.
Bu şirkətin qardaş Türkiyədəki əməlləri ilə bağlı KİV-də yetərincə informasiyalar paylaşılıb. Elə Azərbaycandakı əməllərindən də son günlər yetərincə yazılmaqdadır...
Amma görünəni odur ki, rəsmi qurumlar, qəni bu işi araşdırmalı olan dövlət qurumlarımız “Demirören Holding” qarşısında rəsmən əl-qolu bağlı vəziyyətdədir. Bu barədə DİA.AZ-a danışan məlumatlı mənbə olduqca ilginc faktları açıqlayıb. Aydın olur ki, məhz "yuxarıda" bəlli bir qrup bu gün “Demirören Holding”in Azərbaycanda rəsmi qumar biznesini yönəltməsini aşkar şəkildə himayə etməkdədir.
Bu barədə geniş araşdırma yazımızı yaxın günlərdə təqdim edəcəyik. Bizi izləməkdə davam edin.
Məsələ ilə bağlı dia.az olaraq bütün maraqlı tərəflərin mövqelərini işıqlandırmağa hazırıq...
İmişlinin Kommunal Təsərrüfat İstehsalat Birliyinin rəisi işini hansı geyimdə icra edir?
Hörmətli oxucular:
Mən sizə İmişli rayon KOMMUNAL TƏSƏRRÜFATI İSTEHSALAT BİRLİYİNİN rəisi (KOMXOZ) Ceyhun Süleymanovdan bəhs etmək istəyirəm.
O, həmin Ceyhun Süleymanovdur ki, 2022 ci ilin sonlarında təxminən avqust ayında bu posta gətirilmişdi. Fəaliyyətə başlayandan bu günə qədər heç bir uğurlu işilə yadda qalmasada, 2023-cü ilin Fevral ayında ona tabe olan "DOST" M.M.C də biraz ara qarışan kimi, o böyrək əməliyyatı keçirməli oldu. Mən onun xəstəliyinin olub olmaması barədə heç nə deyə bilmərəm, amma mənə maraqlıdır ki, niyə məhz həmin vaxt onunda böyrəyində əməliyyata ehtiyac oldu?
Ceyhun, yuxarıda qeyd etdiyim kimi, işində heç bir uğuru ilə yadda qalmasada böyrək əməliyyatından sonra rayon mərkəzində idman şalvarı ilə işini idarə etməsilə yadda qalıb. Mənə elə gəlir ki, onun bu hərəkəti dövlət qulluğu haqqın qanuna ziddir. Mən biləni dövlət qulluqçuları haqqında qanunun müvafiq bəndi ilə dövlət qulluqçusu həm xidməti, həm davranışı və həmdə geyimilə digərlərinə nümunə olmalıdır. Amma Ceyhun dövlətin bu qanunlarına məhəl qoymur. Hətta onu müdafiə edib əməliyyat olunduğu üçün idman geyimilə iş başında olduğunu deyənlərdə tapıldı. Onu müdafiə edənlər onuda bildirdilər ki, Ceyhun iş başında olmasına baxmayaraq o bülletendədir. Mənə o da maraqlıdlr ki, bülletendə olan iş başında olub, işini necə icra edə bilər? Mən biləni əgər o həqiqətən büllətendədirsə həkim nəzarətində olmalıdır, yoxsa idman şalvarı ilə İmişlinin mərkəzində yerləşən parkda yox. Bundan başqa yox əgər o, sağalıbsa niyə bülletendə olmalıdır?
Onu da bildirək ki, qanunda nəzərdə tutulan güzəştlər hər bir işçi üçündür, tək Ceyhun üçün yox. Amma biz bildirmək istəyirik ki, ona hansı qanun icazə verir ki ictimayi yerdə, düz rayon icra hakimiyyətinin önündə və ULU ÖNDƏR H.Ə.ƏLİYEVİN heykəlinin ətrafında yerləşən parkda, insanların ən çox olduqları yerdə, dövlət qulluqçusu olaraq, idman şalvarı ilə iş başında olsun.
Bəs onun bu hərəkətinə rayon icra hakimiyyəti başçısının və rayon ictimaiyyətinin münasibəti necədir?
Mövzunu diqqətimizdə saxlayacağıq.
Mehman Məmmədoğlu.
Bakı TV.az İnternet Televiziyası
DİA.AZ: - "Büdcə pulu heç, barı ağaclar yazıqdır..." Bu sözlər DİA.AZ-a Sabirabaddan göndərilən müraciətdə yer alıb. Müraciət müəllifləri yerli ekologiya idarəsinin və yaşıllaşdırma birliyinin sözügedən rayonda yol kənarına əkdiyi, amma baxımsız vəziyyətdə saxladığı ağacların taleyindən narahat olduqlarını ifadə ediblər.
Sakinlər dia.az-a yazır: "Sabirabadda yaşıllaşdırma idarəsi illərdir yüzlərlə ağacı yolun bir üzündə yaşıllaşdırıb bir üzündə isə suya həsrət qoyub qurudur... Belə də Allahsızlıq olar... Dövlətin puluna qarşı israfçılıq edirsiniz, bu heç... Heç olmasa, ağaclara yazığınız gəlsin..."
Məsələ ilə bağlı dia.az olaraq bütün aidiyyatı qurum və şəxsləri dinləməyə hazırıq....
DİA.AZ: - Çiçək qəsəbəsi-20 Yanvar metrostansiyası istiqamətində işləyən bu avtobuslar artıq vətəndaşları çilədən çıxarıb. Hər halda BNA rəhbəri Vüsal Kərimlinin şəxsən belə bir avtobusa gündəlik minib iş-gücünün arxasınca gedə biləcəyi imkansızdır. Amma vətəndaşlar bu çiləni çəkir. DİA.AZ bildirir ki, lakin vətəndaşlar eyni zamanda etiraz da edirlər.
Oxucularımızdan biri yazır: "Əvvəla bu marşurut xəttində işləyən sürücülərə öz təşəkkürümüzü bildiririk. Zarafat deyil bu sınıq salxaq avtobusla adam daşıyırlar. Hələ marşurut 30 qəpik olanda dedilər bəs avtobus parkı yenilənsin deyə bu addımı atırıq.
Artıq qiymət daha 10 qəpik artıb, amma heç bir yenilənmə yoxdur.
Bu marşurutla hər gün yaxınlarımız mənzil başına tələsir. Amma bu avtobuslar göründüyü kimi bizi son mənzilə aparır..."
Göründüyü kimi, vətəndaşı da o artımdakı 10 qəpiyin aqibəti maraqlandırır. Yəni keyfiyyət artmasa da, qiymət artmaqdadır...
Məsələ ilə bağlı dia.az olaraq bütün maraqlı tərəfləri dinləməyə hazırıq...
Ovçular MMC-nin keçmiş əməkdaşının redaksiyamıza verdiyi məlumata görə, şirkət əhalinin sağlamlığını düşünmədən gəlir məqsədi ilə məhsulun daxilində zəhərli maddələrin olduğunu bildiyi halda qaydalardan kənar istehsalatla məşğul olmaqdadırlar. Məsələyə dəfələrlə müdaxilə etsədə bunun qarşısını ala bilmədiyin deyən əməkdaş sonda işindən olub. Xalqın sağlamlığı hər bir istehsalçının öncəlik prioriteti olması gərəksədə göründüyü qədər əmədaşdan başqa rəhbər strukturdan heç kəsi narahat etməyib. Pul qazanmaq hər bir şəxsin qoyduğu vəsaitdən əldə etmək istədiyi şeydir. Amma xalqı zəhərləməklə gəlir əldə etməyə meyili olmaq və xalqın genefonduna vurulan zərərin miqdarını hesablamadan genetiklə oynamaq isə ən böyük cinayət hesab edilir. Dünya miqyasında Ovçularda baş verən heç bir hall hələ müşahidə edilməyib. Beynəlxalq standartlardan kənarlaşan və milli dəyərlərimizi heçə sayan Ovçular MMC-nin rəhbərliyi məsələ ilə bağlı açıqlama təqdim etməyidə özünə borc bilmir. İstelakçıları aldatması azmış kimi istehsal edilmiş məhsulun saxlama müddəti keçdiyinə görə daxili yeniden emal edilməsi düzgün deyil. Bu halın mövcudluğu istehlakçını aldatmaq hesab edilir. Mənbənin verdiyi məlumata görə, bu maddə ət məhsullarına vurulma səbəbi məhsulun uzun müddət xarab olmamasına şərait yaratması ilə yanaşı onun dahada keyfiətli olmasını təmin edir. Lakin məhsulun üzərindəki müddət qeyd edildiyi gün bitdikdə məhsul yenidən emala verilməməlidir. Məhsulun üzərinə qoyulan istifadə müddəti həmin kimyəvi məhsula görə müəyyən edilir. Müddət bitdikdə məhsul tamamiilə yararsız hesab edilməklə yanaşı qoyulan qaydalara əsasən məhsul məhv edilməlidir. Amma Ovçular MMC-nin istesalında geri qaytarılmış mallar məhv edilmədən yenidən yeni məhsulla birləşdirilir və istesalata verilir. Həmin müddəti bitmiş məhsulun daxilində olan zəhərli maddələr isə müddəti bitdiyindən artıq zərərli toksinlər ifraz edərək insan genetikasına zərər verir. Maddənin daha sonralar törədə biləcəyi fəsadların tam olaraq heçkəsə məlum deyil. Ən əsası isə insan sağlamlığına həmin nitrit maddəsinin heç bir xeyrinin olmamasıdır, zərərindən başqa.
İddiayada ümumi neqativlərə görə etiraz edən işçi işindən azad edilib. Hətta Covid-19 xəstəliyinə tutulan əməkdaş Blütein təqdim etməsinə baxmayaraq təhqir edilib və öz xoşu ilə işdən azad edilməsi barədə ərizə yazmadığı təqdirdə onu 70c maddəsi ilə işdən çıxarılacağı ilədə öncədən hədələnib. Bütün bu məsələlərin subutunun mediaya təqdim edən mənbə bütün baş verən qanunsuzluqların hər birini detallı şəkildə izah etmişdir.
Ovçular MMC-nin rəhbəri Səməd Cəfərov məsələ ilə bağlı 3 aydır verilən media sorğulara cavab verməkdən yayınmaqdadır. Bəzi media qurumları Ovçular MMC-nin rəhbəri Səməd Cəfərovun susqunluğuna bir anlam verə bilmədiyindən artıq məsələnin aydınlaşması üçün Baş prokurorluğa sorğular verib. Zavod daxilində yoxlamaların aparılması məqsədi ilə Prokurorluqdan köməklik gözləyən media qrumları tezliklə buna müsbət cavab alacaqlarınada əmindirlər. İddiaların əsasız olmadığını bilsəkdə bunu rəsmi sənədlərlə təsdiqə yetirilməsi bir media qurumuna ədalət prinsiplərinin qorunması naminə vacibdir. //UluTv.info//
DİA.AZ: - Beyləqanda qanunsuz tikililər davam edir. İcra başçısı rayonun mərkəzi küçələrində qeyri-qanuni tikililərə "xeyir-dua" verib. DİA.AZ bildirir ki, bu məsələ ilə bağlı etirazını ifadə edən tanınmış jurnalist Ramin Məhəmmədoğlu ilginc bir məqamı da açıqlayıb:
"Nə əcəbdirsə, həmin qanunsuz tikililər qeyri iş və bayram günlərinə təsadüf edir. İcra hakimiyyətindəki mənbəmiz iddia edir ki, icra başçısı son 2 ildə qanunsuz tikililərdən kifayət qədər gəlir əldə edib.
Qeyd edim ki, Asif Ağayevin "xeyir-duası" ilə tikilən qanunsuz obyektlərlə bağlı apardığımız araşdırmalar yekunlaşıb, həmin obyektlərlə bağlı yazı dərc etməklə, aidiyyəti üzrə qurumlara müraciətlər hazırlanır.
Onu də qeyd edim ki, 10 gün əvvəl Beyləqan rayonunda müşahidə etdiyimiz çoxsaylı qanunsuz inşa edilən qeyri-yaşayış obyektlərinin monitorinqinin aparılması barədə ölkə başçısı cənab İlham Əliyevə və Azərbaycan Respublikasının Dövlət Şəhərsalma və Arxitektura Komitəsinə ərizə ilə müraciət etmişik".
İddia olunanlarla bağlı dia.az olaraq bütün maraqlı tərəflərin mövqelərini işıqlandırmağa hazırıq....
DİA.AZ: - "Niyə şikayət edən həmişə günahkardır? Niyə işçinin iştirakı ilə müvafiq qurumlar tərəfindən ədalətli araşdırma aparılmır? Niyə "müəllimlər"?" DİA.AZ bildirir ki, bu barədə tanınmış insan hüquqları müdafiəçisi, “Neftçilərin Hüquqlarının Müdafiə Təşkilatı” (NHMT) İctimai Birliyinin sədri Mirvari Qəhrəmanlı paylaşım edərək etirazını bildirib.
Qeyd edək ki, son bir neçə gündür sözügedən idarənin işçiləri ilə rəhbərliklər arasında ciddi toqquşmalar müşahidə olunur və artıq bununla bağlı işçilərin Prezident İlham Əliyevə son ümid yeri kimi baxdıqları da anlaşılır. Bunları vurğulayan NHMT sədri M.Qəhrəmanlı daha sonra açıqlamasında bildirir:
"Bir müddət əvvəl də Azəriqaz İstehsalat Birliyi Ağsu RQİİ işçiləri tərəfindən ölkə başçısına, SOCAR Müşahidə şurasına, SOCAR prezidentinə müraciət göndərilmişdi.
Düşünürəm ki, bu ərizə də vətəndaşların müraciətləri haqqında Azərbaycan Respublikasının Qanununa (maddə 7.13.) zidd olaraq şikayət edilən vəzifəli (Ağsu RQİİ) şəxslərinə göndərilib".
DİA bildirir ki, daha sonra açıqlamasında "Doğrudandamı, bu idarənin işçiləri günühkardır?" deyə sual edən M.Qəhrəmanlı yuxarı instansiyalara xitab edərək aşağıdakı sualına da cavab tələb edir: "Doğrudandamı rəislər "toxunulmazlar" qrupuna aiddirlər?"
Məsələ diqqətimizdədir. İddia olunanlarla bağlı dia.az olaraq bütün aidiyyatı qurum və şəxsləri dinləməyə hazırıq...
Azərbaycan Qida Təhlükəsizliyi Agentliyi (AQTA) keçirdiyi monitorinqlər zamanı ölkədə istehsal olunan və ölkəyə idxal edilən enerji içkilərindən və sərinləşdirici içkilərdən nümunələr götürülərək laborator müayinələr aparıb.
Bu barədə MEDİAYA AQTA-dan məlumat verilib.
Araşdırmalar nəticəsində aşağıdakı içkilərin də enerji içkisi olmadığı müəyyən edilib:
1. “Caucasus Energy” MMC tərəfindən istehsal edilən “Roarx Gold Punch” – enerji içkisi deyil;
2. “Caucasus Energy” MMC tərəfindən istehsal edilən “Roarx Red Fire” – enerji içkisi deyil;
3. “ENNA” MMC tərəfindən istehsal edilən “Plus Power” – enerji içkisi deyil;
4. “Berg Energy” MMC tərəfindən istehsal edilən “Berg the great Power” – enerji içkisi deyil.
Onu da bildirək ki, AQTA tərəfindən aparılmış ilkin monitorinqin nəticəsinə əsasən, markalanmasında aşkarlanan uyğunsuzluqlarla əlaqədar “A+CO” MMC tərəfindən istehsal olunan “Full Energy” içkisinin ticarət şəbəkələrindən geri çağırılması və məhv edilməsi təmin olunub. Hazırda “Full Energy” içkiləri tələblərə uyğun yeni qablaşdırmada istehsal edilir. Buna baxmayaraq, aparılan təkrar monitorinqlər zamanı “A+CO” MMC tərəfindən oxşar pozuntulara yol verildiyi aşkarlanıb. Belə ki, həmin müəssisədə istehsal edilən “Enershock”un enerji içkisi olduğu təsdiqini tapsa da, enerji içkilərinə dair qanunvericilikdə nəzərdə tutulan markalanma tələblərinin pozulduğu aşkarlanıb. Qeyd edilən halla bağlı müəssisədə zəruri tədbirlərin görülməsinə başlanıb.
Qeyd edək ki, qazlı və alkoqolsuz içkilərin qablarının üzərində istehlakçıların hüquqlarının pozulmasına səbəb olan, sanki enerji içkisi olması təəssüratını yaradan ifadələrin yazıldığı aşkarlandıqda, həmin məhsullar və istehsalçı müəssisələrlə bağlı qanunvericilik çərçivəsində tədbirlər görülür.
AQTA istehlakçıların nəzərinə çatdırır ki, qeyd edilən məhsulların enerji içkisi olmadığını nəzərə alsınlar və müvafiq qabın üzərində yazılan enerji içkisi təəssüratı yaradan məlumatlara aldanmasınlar. Agentlik tərəfindən isə ticarət şəbəkələri və ictimai iaşə obyektlərində aparılacaq monitorinqlər zamanı bu kimi hallar aşkarlandıqda, qanunvericiliyə uyğun ciddi tədbirlərin görülməsi davam etdiriləcək.
2022-ci ilin yoxlamalarının nəticəsini bu gün baxdıqda AQTA öz rəyini göz ardı etdiyi müşahidə edilir. verdiyi qərardan sonra İqtisadiyyat nəzarət departementinə məhsulun bazardan çıxarılması ilə bağlı hansı tədbirləri görməsi hələdə müəmma olaraq qalmaqdadır.
/ulutv.info/