 |
|
|
Son günlər Sumqayıtın icra başçısı Zakir Fərəcovun yarıtmaz idarəçiliyi, bir sıra qanunsuz hərəkətləri barədə çesidli yazılara dərc edilir. Təbii ki, bu yazılardan sonra redaksiyaya yeni şikayət dolu informasiyalar və bununla yanaşı, cənab başçının “adamlarının” xahişləri də daxil olur. Ortada isə iş adamlarının konkret ittihamı var: “Zakir Fərəcov 16 nəfər iş adamının 2 milyon 100 min manat pulunu da qaytarmır. Həmin iş adamlarının bəziləri bu borc üzündən işlərini və evlərini, mülklərini itiriblər, dost-tanış arasına çıxa bilmirlər. Əlləri hər yerdən üzülən bəzi iş adamları isə tələblərinin yerinə yetirilməsi üçün canlarına qəsd edərək aclıq aksiyası keçirirlər. Dövlət büdcəsindən və prezidentin Ehtiyat Fondundan Sumqayıt şəhərinin abadlaşması üçün ayrılan pullar isə naməlum istiqamətə xərclənir, mənimsənilir. Zakir Fərəcovun ailə üzvlərinin evlərinin, mülklərinin tikilməsinə və təmir olunmasına xərclənir. Bu mənimsəmələrin bədəli isə Sumqayıtın abadlaşdırılmasını həyata keçirən bizim – iş adamlarının hesabına ödənilir”. bütün problemlər Zakir Fərəcovun birbaşa rəhbərliyi altında Adil Xudadatov-Hümbət Məmmədov cütlüyünün iştirakı ilə aparılıb. Məsələn Sumqayıt şəhərinin girişində, Yeni Bulvar kompleksinin tikintisində, Şəhidlər Xiyabanının abadlaşdırılmasında iştirak etmiş və üzərinə götürdüyü öhdəlikləri vaxtından əvvəl yüksək səviyyədə yerinə yetirǝrǝk təhvil vermiş MMC-yə 2022-ci ilin avqust ayında fiziki şəxs kimi fəaliyyət göstərən “iş adamı” Məmmədov Hümbət Əlcavan oğlu Sumqayıt şəhərində yenidənqurma və abadlıq işləri ilə əlaqədar tenderi qazandığını bildirərək subpodrat müqaviləsi əsasənda işlərin böyük əksəriyyətini cəmiyyətə həvalə etməyi təklif edir. Ancaq müqavilə əsasında verilməli olan vəsait də artıq H.Məmmədovun hesabında yoxdur. Həmin vəsaiti hara, kimə, nə üçün ödənilməsi məlum deyildir. Digər bir halda isə Yeni Bulvar kompleksinin tikintisində baş verən qanunsuzluq yer alır. Belə ki, iş adamı Z.Fərəcovun sözlərinə inanaraq təmir-tikinti və yenidən qurma işləri ilə əlaqədar lazım olan avadanlıq və tikinti materiallarını tanıdığı iş adamlarına sifariş edir. Onların dəstəyi ilə bütün məhsulları alaraq tapşırılan işləri yüksək səviyyədə yerinə yetirir. Bu dəfə dövriyyəyə o vaxtkı şəhərin memarı Adil Xudadatov salınır və yenə də sahibkarların pulu verilmir.
Sahibkarlar problemlə bağlı dövlət qurumlarına şikayət ünlanlayanda Sumqayıtın icra başçısı sahibkarları hədələyərək, onları tutduracağını bildirirdi. Bu o zamanlar idi ki, Fərəcovun qılıncının dalı da, qabağı da kəsirdi. Lakin indi vəziyyət dəyişib.. Siyasi mövqeyinin zəifləməsi Fərəcovu narahat edir və bu səbəbdən Sumqayıtın icra başçısı mümkün qədər sahibkarların könlünü almağa çalışır. Hazırda 46 milyon manatlıq borcu qaytarmaq istəməyə Fərəcov, iş adamlarına daha bir “yumaq” verməyə başlayıb. Bir qədər əvvəl o, iddia etmişdi ki, guya, Sumqayıtda görülən işlər üçün dövlət büdcəsindən pul ayrılmayıb, həmin işlərin də xərcini özü çəkib. Daha sonra isə Fərəcovə “Qarabağda tikinti gedir, bütün pulları örə göndərmişik” bəhanəsini ortaya atıb. Amma Fərəcovun bəhanə və yalanları bununla dfa bitmir. Məsələn, yayılan məlumatlara görə, “Fərəcov borclu olduğu sahibkarlara şərt qoyub ki, “sizin pullarınız bir şərtlə verilə bilər 30% mənə qalmaqla pulunuz geri veriləcək. Amma notarial qayda pulunuzun tam aldığınız haqqında sənəd imzalayacaqsınız”. Burda deyiblər :”həm suçlu,həmdə güclü!” Təbii ki,hər şeydən əli üzülən bəziləri pullarını almaq üçün buna razı olublar. Amma haqqını tələb edənlər,öz haqqlarını hələ də tələb edirlər”. İndi isə iş adamlarının və bu layihədə çalışanların ailə üzvləri problemlərinin həlli ilə bağlı Birinci Vitse Prezident Mehriban xanım Əliyevaya müraciət edib. Müraciətdə problemdən bəhs olunaraq sonda deyilir: ” Biz icra başçısının yalan vədləri üzündən aylardır ailə olaraq böyük sıxıntılar içindəyik. Tək ümidimiz Sizədir. Bu dəfə Dövlət Təhlükəsizlik Xidmətini Sumqayıta göndərin. Onlar araşdırsınlar. Sumqayıtda baş verənləri görsəniz inanmayacaqsınız ki, sizin idarəçiliyinizdə belə bir şəhər və onu idarə edən şəxslər var.
Dərin Hörmətlə Zakir Fərəcovun əlindən zara gəlmiş bir qrup sahibkarın ailə üzvləri.”
cumhuriyyet.net
Alimpaşa Məmmədov həbs olunanda şəmkirlilər "canımız qurtardı" deyib dərindən köks ötürdü. Çünki adam aşıq-aşkar psixi çatışmazlığı olan birisi idi. Bundan o tərəfəsi olacaq adam yox idi. Amma yazıq cammat nə biləydi ki, sevincləri gözlərində qalacaq; və yeni gələn icra başçısı Rəşad Tağıyev, Alimpaşanın ölənlərinə rəhmət oxutduracaq.
***
Rəşad Tağıyevin rayona gələn kimi ilk işi Şəmkirin "gül kimi"asfalt yollarını qaşıtdırıb yerinə təzəsini tökmək oldu. Daha sonrasa kanalizasiya, qaz və başqa xətlərin yeniənməsi və.s. Halbuki rayon mərkəzindəki həmin küçələrdəki bu " yenidənqurma" işlərini bir-neçə il əvvəl Almpaşa Məmmədov, ondan bir-neçə il əvvəlsə Nazim Veysov tərəfindən "uğurla" həyata keçirilmişdi. Bu isə təzə başçının köhnə qurdlardan heç nə ilə fərqlənməyəcəyini elə ilk günlərdən agah elədi. Çünki rayon ərazisində yol, işıq, qaz problemi yaşayan 10-larla kənd var. Açın "Yutube"da baxın. Görün rayonun əksər kəndləri nə gündədir. Tək yollar deyil, kəndlərdəki uşaq bağçaları, məktəb və kitabxanalar bərbad vəziyyətdədir. Əvəzidə isə rayon büdcəsinə ayrılan pullar yalnız rayonun mərkəzi küçələrinin yenilənməsinə sərf edilir. Bu da təbii ki, yerli əhalidə haqlı olaraq qıcıq yaradır. ***
Bir sözlə desək Rəşad Tağıyevin fəaliyyəti imitasiyadan o yana keçmədi. Onun gündəlik fəaliyyəti yanına bir fotoqraf alıb Şəmkirin kəndlərinə yollanmaq, camaatı işindən edib hansısa akt zalına toplayıb guya ki, "başçı işləyir" görüntüsü yaratmaqdan ibarət oldu. Axşam isə həmin görüşdən çəkilmiş fotoları İH-nin saytında yerləşdirmək, "trol"lara isə statusun altinda bər-bəzəkli kommentlər yazmaq tapşırığı vermək oldu. Bəs əslində nə baş verir?
***Hər görüşdən əvvəl İcra başçısı kəndin "Şəhidlər abidəsi"ni və ya qəbləri ziyarət edib gül dəstəsi qoyur. Halbuku rayonda tikilən "Şəhid bulaqları" və ya abidələr yerli camat və ya iş adamlarının vəsaiti hesabına həyata keçirilib. Vaxtı ilə Şəmkirin ayrı-ayrı yerlərində inşa olunmuş "Şəhidlər abidəsi "isə bərbad gündədir. İtlərin və narkomanların toplaşdığı məkana çevrilib.Və dəfələrlə bu məsələ mediada işıqlandırılsa da rayon rəhbərliyi heç bir tədbir görməyib. Heç kosmetik təmir işləri belə aparmaqda maraqlı olmayıb. Əvəzindəsə az qala hər həftə guya ki, şəhid qəbirləri və ailələri ziyarət olunur, problemləri ilə maraqlanır görüntüsü yaradılır. Rəşad Tağıyevin paylaşdığı fotolardakı insanların bir çoxu ilə əlaqə saxlayıb nəticəsi ilə maraqlanmışam. Cavab eyni olub- "heç nə. Yəni çay içib, şəkil çəkdirib getdi". Başçının "sakinlərlə görüşdən" səxavətlə paylaşdığı fotolardakı insanlarla da əlaqə saxlamışam. Onlar da eyni sözü deyir: " nə deyirksə cavab bir olur-" bu məsələ bizim səlahiyyətimizdə deyil; ya da ki, "hələlik büdcəmizdə pul yoxdur. Amma məsələni diqqətdə saxlayacayıq". Vəssalam.*** Rəşad Tağıyev Qazi adından da sui-istifadə edir. Guya ki, onları tez-tez qəbul edir, problemləri ilə maraqlanır. Əslində bu da fotolar çəkdirmək, saxta görüntü yaratmaqdan o yana keçmir. İH-nin saytından götürdüyüm fotoya diqqət edin.
Qazilərdən biri görüşə rezin çəkələtlə gəlib. Bu bir rəzalətdir! Hamıya məlumdur ki, insanlarımız harasa gedəndə evdəki paltarlarından ən təzəsini geyinib gedir. Fotoya diqqət edəndəsə görünür ki, Qazilərimiz Başçı ilə görüşə (havanın isti olmasına baxmayaraq) əksəriyyəti qış geyimində, biri isə çəkələtdə gəlib. Necə deyərlər sözün bitdiyi an... //protest.az//
DAVAMI MÜTLƏQ OLACAQ...
Dənizkənarı Bulvar İdarəsi son illər parkı açıq bazara çevirib, ayrıca "respublika" yaradıblar. Parkın rəisi İlqar Mustafayev Bakının mirvarisini şəxsi obyekti kimi idarə edir.
Xaricdən qonaqlarım gəlmişdi, bulvarda kollektiv foto çəkdirəndə 2 mühavizəçi yaxınlaşdı, fotonu silməyimizi kobud şəkildə tələb etdi.
Təbii ki, sildik, ancaq qonaqlarda yaranan təəccübü, təəssüfü silməyi bacarmadım. Dəfələrlə müsahibə verən və ya alan dostların da bu səpkidə haqlı şikayətlərini gördüm.
Bu biabırçılıqdı, heç Şimali Koreyadakı parklarda belə qadağalar yoxdur. Bu adamın niyyəti nədir? Ölkəmizin müsbət imicini niyə bu formada "xərcləyir"? Anlamaq çətindir, ancaq buna son qoymaq, normal sistem yaratmaq lazımdır!
Sabuhi Mubarizoglu Abbasov
Teref.az
İndi yazacağımız mövzu həm də özəlləşdirmə ilə bağlı olduğu üçün, yaxın tarixə bir ekskurs edək.
Məlumdur ki, 70 il yaşadığımız sovet dövlətində özəl mülkiyyət yox idi, bütün mülkiyyət dövlətə məxsus idi. Ona görə də müstəqillik əldə edən yeni dövlətlər, o cümlədən Azərbaycan Respublikası bazar iqtisadiyyatı, özəlləşdirmə yolunu tutdu. Yəni dövlətə məxsus əmlak ayrı-ayrı vətəndaşlara satılmağa başlandı. Məhz bu mürəkkəb və strateji məsələ, yəni özəlləşdirmə ilə bağlı Ulu Öndər Heydər Əliyevin 1995-ci ildə özəlləşdirməyə həsr olunmuş məşhur müşavirədəki çıxışı sözün həqiqi mənasında dəqiq kurs idi. Heydər Əliyev özəlləşdirmə ilə bağlı konkret prinsiplər ortaya qoymuşdu.
Birincisi, bəzi sahələr mütləq dövlətin nəzarətində qalmalıdır.
İkincisi, özəllşdirmədə hər bir vətəndaşın payı olmalıdır.
Üçüncüsü, özəlləşdirilən obyekt ilk növbədə kollektivin üzvlərinə təklif olunmalıdır, yəni səhmdar cəmiyyət…
Dördüncüsü, özəlləşdirilən obyektin profili dəyişdirilməməlidir.
Sözün düzü, Ulu Öndərin özəlləşdirmə məsələsi ilə bağlı qiymətli fikirlərinin hamısını bu yazıda vermək mümkün deyil. Amma fikir verdinizmi, özəlləşdirilən obyektin profili dəyişməməlidir. Heydər Əliyev 1995-ci ildəki müşavirədə qeyd edir ki, bəzi məmurlar özəlləşdirməyə mane olurlar. Bəli, sonrakı on illərdə özəlləşdirmə prosesində kimlərsə kitabxananı özəlləşdirib kababxanaya çevirdi, yaxud kimlərsə mədəniyyət və təbliğat sahəsinə aid olan kinoteatrı özəlləşdirib özü üçün ofis elədi, nə bilim yerində bina tikdi. Bax, hələ az qala 30 il əvvəl Ulu Öndər bu neqativləri gördüyü üçün xəbərdarlıq edirdi.
Sözün qısası, indi haqqında bəhs edəcəyimiz RİCH MTK da belə şirkətlərdən biridir.
Konkret olaraq onu qeyd edək ki, RİCH MTK-nın sahibi olan Azər adlı şəxs şəhərimizin gözəl mədiyyət obyektlərindən biri olan məşhur “Sevil” kinoteatrını ələ keçirib. İndi artıq burada nə kino, nə mədəniyyət tədbiri, heç nə qalmayıb.
Məlumat üçün onu qeyd edək ki, RİCH MTK Yasamal rayonu ərazisində, Nazim Hikmət küçəsində, Musabəyov parkı ilə üz-üzə, Yasamalın ən hündür yerlərindən birində, hündür mərtəbəli binalar inşa edib satır.
RİCH MTK-nın reklamından bəlli olur ki, yaşayış kompleksinin şəhərin nisbətən yüksək hissəsində yerləşməsi bu ərazidə havanın daha təmiz olmasını və mənzillərdən şəhərə və dənizə daha gözəl mənzərənin açılmasını təmin edir. Kompleksdə ən son dünya standartlarına uyğun "Fitness və SPA" mərkəzi, müasir kafe və restoranlar, övladlarınızın təhlükəsizliyini tam təmin edə biləcək uşaq bağçası və idman meydançası nəzərdə tutulub.
Görəsən, şirkətin sahibi Azər müəllimdən soruşan yoxdurmu ki, kinoteatrı zəbt eləmək nə vaxtdan müasir dünya standartı hesab olunur..?
Kinoteatrı zəbt eləmək müasir dünya standartı deyil, cənab Azər müəllim, konkret cinayət əməlidir. Həm də şirkətinə RİCH (ingiliscə VARLI, ZƏNGİN mənasında ) adını götürən cənab Azər görünür özünü hamıdan varlı və…toxunulmaz hesab edir….
Cənab Azər müəllim bilməlidir ki, etdiyi qanunsuz əməllərə görə, gec-tez qanun qarşısında cavab verməlidir. Sevil kinoteatrının bərpasını isə yəqin ki, zaman özü yoluna qoyacaq.
Mövsümzadə Məmməd, Heyran Quliyeva, İlqar Qaracayev və başqaları...
Yazıya giriş olaraq onu qeyd edək ki, 2021-ci ilin sonunda Səfərbərlik və Hərbi Xidmətə Çağırış üzrə Dövlət Xidmətinin Bakı şəhər Sabunçu rayon idarəsinin rəisi Rövşən Babayev, Pərvanə Rəhimova, Məmməd Mövsümzadə, Yaşar Hüseynov və Heyran Quliyevanın cinayət işi üzrə məhkəmə prosesi olmuşdu.
Qeyd edək ki, Baş prokuror yanında Korrupsiyaya qarşı Mübarizə Baş İdarəsində aparılan istintaq-əməliyyat tədbirləri ilə 2016-2019-cu illər ərzində qeyd edilən vəzifədə işləyərkən Rövşən Babayevin həmin idarənin Həqiqi hərbi xidmətə çağırış şöbəsinin baş zabiti vəzifəsində işləmiş Yaşar Hüseynov, habelə Bakı şəhəri 3 nömrəli Sabunçu Şəhər Klinik Xəstəxanasının tibb işçiləri və digər şəxslərlə qabaqcadan əlbir olan bir qrup şəxs halında 11 nəfər çağırışçının hərbi xidmətə cəlb edilməməsi üçün ümumilikdə onlardan 22 min 800 manat pulu rüşvət qismində tələb edib almasına əsaslı şübhələr müəyyən edilib. İş üzrə toplanan kifayət qədər sübutlar əsasında Rövşən Babayev, Yaşar Hüseynov və başqalarına Cinayət Məcəlləsinin 311.3.1 (rüşvət alma- qabaqcadan əlbir olan bir qrup şəxs tərəfindən törədildikdə), 311.3.2 (rüşvət alma- təkrar törədildikdə) və digər maddələri ilə ittiham elan edilərək cinayət işi baxılması üçün Bakı Hərbi Cinayətlər Məhkəməsinə göndərilib....
Fikir verdinizmi, söhbət təkcə Səfərbərlik və Hərbi Xidmətə Çağırış üzrə Dövlət Xidmətinin Sabunçu idarəsindən getmir....həm də cinayət işində Bakı şəhəri 3 nömrəli Sabunçu Klinik Xəstəxanasının tibb işçilərinin adı hallanır...
İnid isə gəlin, lap son günlərin xəbərinə nəzər salaq. Bir neçə gün öncə yayılan “Rüşvət alan vəzifəli şəxslər cinayət başında yaxalandı” rəsmi xəbərdən bəlli olur ki, Səfərbərlik və Hərbi Xidmətə Çağırış üzrə Dövlət Xidmətinin Sabunçu Rayon İdarəsinin vəzifəli şəxsləri vətəndaşlardan rüşvət alarkən cinayət başında yaxalanıb.
Bildirilib ki, qeyd olunan qurumun rəis müavini - Səfərbərlik şöbəsinin rəisi, Zəngilanın keçmiş Səfərbərlik İdarəsinin rəisi, Zəngilanlılara bir bardam pul ataraq, qaçan Adil Hüseynovun saxta tibbi rəy əsasında hərbi xidmətə yararsızlıq müddətinin 3 il müddətinə uzadılması, həmin idarənin Sabunçu Rayon İdarəsinin Həqiqi hərbi xidmətə çağırış şöbəsinin rəisi Toğrul İsgəndərovun isə həqiqi hərbi xidmətə cəlb olunmama müqabilində rüşvət almasına əsaslı şübhələr müəyyən edilib. Həmin vəzifəli şəxslərin üzərində və xidməti otaqlarında axtarış aparılan zaman iş üzrə əhəmiyyət kəsb edən sübutlar aşkar edilərək götürülüb. Baş İdarədə başlanmış cinayət işi üzrə Adil Hüseynov və Toğrul İsgəndərov Cinayət Məcəlləsinin 311.3.2 və 311.3.3-cü (təkrar və külli miqdarda rüşvət alma) maddələri ilə təqsirləndirilən şəxs qismində cəlb olunaraq barələrində məhkəmə qərarı əsasında həbs qətimkan tədbiri seçilib.
Rəsmi məlumata görə, hazırda istintaq-əməliyyat tədbirləri davam etdirilir. Fikir verdinizmi, 2021-ci ildə və bir neçə gün öncə, yəni 2023-cü ildə qaldırılan cinayət işlərində Səfərbərlik və Hərbi Xidmətə Çağırış üzrə Dövlət Xidmətinin Sabunçu Rayon İdarəsi ilə bərabər 3 saylı Sabunçu Klinik Xəstəxanasının adı keçir. Əslində belə də olmalıdır. Hərbi xidmətdən yayınmaq üçün saxta sağlamlıq arayışını axı, “voyenkom” vermir, bunu xəstəxana, həkimlər verir.
Bəli, tam məsuliyyətlə demək lazımdır ki, 3 saylı Sabunçu Xəstəxanası neçə ildir ki, hərbi xidmətdən yayınmaq üçün, pensiya, əlilik üçün saxta sağlamlıq arayışları satmaqla məşğuldur. Bütün bu cinayət əməllərinin başında isə 3 saylı Sabunçu Tibbi Mərkəzini ailə biznesinə çevirən İlqar Qaracayev dayanır. Bəli, İlqar Qaracayev və yaxınları olan Kazım Qaracayev, Heyran Quliyeva və başqaları 3 saylı xəstəxananı və Tibbi Mərkəzi, sözün həqiqi mənasında bazara çeviriblər.
Təsəvvür edirsiniz, Bakının 12 rayonunda hərbi komissarlara, ümumiyyətlə, kiməsə saxta sağlamlıq arayışı lazım olursa, anındaca İqar Qaracayevə müraciət edərək, haqq-hesabını verib saxta sağlamlıq arayışları alırlar. Bir soruşan yoxdur ki, niyə bu saxta arayışları başqa rayonların tibb mərkəzlərindən almırlar, mütləq 3 saylıya üz tuturlar..?
Daha aydın şəkildə desək, kimsə hərbi xidmətdən yayınmaq istəyirsə, İlqar Qaracayevə və onun mərkəzdəki qohum-əqrəbasına müraciət edir. Yaxud kiməsə narkotik testi-arayışı lazımdırsa, mütləq İlqar doktoru axtarır. Hətta saxta yolla özünə pensiya, əlillik kağızı düzəltmək istəyənlər də İlqar Qaracayevlə dil tapır, işlərini həll edirlər. Bir sözlə, İlqar Qaracayev, Kazım Qaracayev, Heyran Quliyeva və onların yaxın çevrəsi xəstəxanada əməlli-başlı rüşvət-korrupsiya maşınını işə salıblar. Hələ bu harasıdır..?
Əgər mərkəzdə ciddi yoxlama aparılsa, İlqar Qaracayevin və onun qohum-əqrəbasının həbsi qaçılmaz olacaq. Sözümüzün canı odur ki, hər iki cinayət işində “voyenkom”lar həbs olunur, ancaq saxta tibbi arayışları satan İlqar Qaracayev və onun komandası sudan quru çıxır.
Yuxarıda qeyd etdiyimiz rəsmi xəbərdə 3 saylı xəstəxananın əməkdaşı Heyran Quliyevanın adı keçir. 2021-ci ildə Heyran Quliyeva şərti cəza ilə canını qurtara bilib, amma bu dəfə çətin olacaq. Bəli, bir neçə gün öncə baş verən həbs əməliyyatı İlqar Qaracayev üçün asan olmayacaq. Axı, bütün bu saxta sağlamlıq arayışlarını İlqar Qaracayevin adamları satıb.
Hətta məlumata görə, Heyran Quliyeva İlqar Qaracayevə deyib ki, sən kişisən, həbs oluna bilərsən, amma mən qadınam və üstəlik üstümdə şərti iş var...
Bəli, 2019-cu ildə açılan cinayət işinə görə, Heyran Quliyevanın üzərində hələ də şərti cəza var. Sözün qısası, İlqar Qaracayev və onun arayış satan şəbəkəsi yaxın zamanda həbs oluna bilər...
P.S. Əldə etdiyimiz məlumata görə, Binəqədi Rayon Hərbi Komissarlığında da vəziyyət ürəkaçan deyil.
2019-cu ilin dekabrından Suraxanı rayonu rayonuna icra başçısı təyin edilən Əziz Əzizov bu rayonda son 30 ildə görünməyən ilklərə imza atmaqdadır. Rayon sakinlərinin bəxti bu dəfə də gətirmədi ki, o rayona icra başçısı təyin olunan gündən əsas diqqəti problemlərin həllinə, abadlıq işlərinə yox, rayon ərazisinə daxil olan Yeni Suraxanı, Yeni Günəşli, Qaraçuxur, Zığ və Hövsan qəsəbələrində ticarət və kommersiya üçün nəzərdə tutulan yeni obyektlərin inşa edilməsinə yönəldib.
Məlumat üçün qeyd edək ki, bu barədə mediada dəfələrlə yazılsa da, Ə.Əzizov “Dədəm mənə “kor” deyib, “gəlib-gedəni vur” deyib” prinsipi ilə nə sakinlərin narazılığını saya salır, nə də onu bu vəzifəyə təyin edən edən dövlət başçısının qəzəbinə tuş gələcəyindən qorxur.
Bu azmış kimi, Prezident Admnistrasiyasında oturan havadarına arxalanan Əzəiz Əzizovun Hövsan qəsəbəsində genişmiqyaslı tikinti işlərinə başladığı məlum olub. Belə ki, cumhuriyyrt.az bildirir ki, hələ Hövsan qəsəbəsi son 30 ildə bu qədər çoxmərtəbəli obyekt tikintisinin şahidi olmayıb. Bu sahədə tikinti işləri elə sürətlə aparılır ki, qəsəbə sakinləri üçün hər yeni gün yağışdan sonra çıxan göbələklər kimi yeni icarəyə verilən obyekti görməli olurlar. Bu iş elə sürətlə və genişmiqyaslı aparılır ki, son 9 ildə Ağ şəhərdə aparılan tikinti işləri onun yanında sönük qalır.
Bu da bir faktdır ki, Əziz Əzizov bu rayona icra başçısı təyin olunmasından qısa müddət sonra təkcə Oqtay Şabanov küçəsində 20-dən çox yeni böyük obyekt inşa edilərək, icarəyə verilmək üçün təhvil verilib. Yerli sakinləri
cumhuriyyet.az-a bildirdiyinə görə, həmin obyektlərin bir çoxu artıq icarəyə verilib, bir çoxu da özünün icarədarını gözləyir. Ən acınacaqlısı və qəsəbə sakinlərini narahat edən isə Oqtay Şabanov küçəsində, köhnə Tural kafesinin (indiki Sərinqala) yerləşdiyi binanın həyətinin zəbt edilməsi olub. Buranı zəbt edilməsinə göz yuman Ə.Əzizov orada hələ sovet dövründn qalan və binanın balaca sakinləri olan uşaqların kiçik futbol meydançasını sataraq orada nəhəng obyekt tikilməsinə şərait yaratması olub. Hazırda uşaqların sevimlisi olan həmin meydançanın yerində böyük bir ticarət obyekti ucalır, obyektin birinci mərtəbəsində “İrşad telekom” və “Araz” supermarketi yerləşir.
Ə.Əzizovun növbəti tikinti əməliyyatı Yeni Günəşli qəsəbəsi AB massivi 50v binanın qarşısında baş verib. Belə ki, 40 ildir burda yaşayan sakinlər binanın qarşısında tikilən obyektlərə görə gün işiğına həsrət qalıblar. Deyilənə görə icra başçısı aparılan tikinti işlərinin şəhid abidəsi ilə bağlı olduğunu deyərək sakinləri aldadıb. Onu da qeyd edək ki, eyni ərazidə 9 ay öncə eyni binanın qarşısında 3 mərtəbəli obyekt inşa edilib. Bunadan hündürdə tikilən obyekt evləri qaranlığa qərq etmək və havalandırmanın qarşısını almaqla yanaşı kanalizasiya və çirkab sularının da binanın özülünə axıdır. İndi isə baş vermiş qanunsuzluğa etiraz edən sakinlər iş yerlərindən çıxarılmaqla təhdid edilir:
Daha bir maraqlı fakt odur ki, Ə.Əzizov icra başçısı təyin edildikdən bir qədər sonra Abşeron rayonunda torpaq və kommersiya sahəsində maxinator kimi məşhur olan Fuad Cəbrayılovu özünə müavin təyin etməsidir. Bütün bu tikinti işləri də məhz onun müavin təyin edilməsindən sonra geniş vüsət alıb.
Azərbaycanda ən çox yağıntı düşən rayonlarlardan biri olan Masallıda da su qıtlığı yaranıb. Səbəb isə bu sahəyə nəzarət edən məmurların merkantil maraqlar güdməsidir.
AzToday.az-a daxil olan şikayətlərdə bildirilir ki, Masallının Xirmandali, Hacıtəpə, Siğincaq, Stansiya Masallı Əhmədli, Alvadı və Tatyan oba kəndləri sudan eziyət çəkir. Yerli sakinlərin saxladığı mal-qara ilə yanaşı əkin sahələri də məhv olur.
Xüsusi ilə də rayon əhalisinin əkdiyi hektarlarla kartof sahəsi suvarılmadığı üçün məhv olmaqdadır.
Sakinlər icra başçısı Araz Əhmədovdan kömək istəyirlər. Ümid edirlər ki, Araz Əhmədov Viləşçay Su Anbarı İstismar İdarəsinin rəhbərliyinin özbaşınalığına “dur” deyə biləcək.
Qeyd edək ki, Viləşçay Su Anbarında rayonun əhalinin problemlərini həll etmək üçün kifayət qədər su ehtiyatı var. Nədənsə, idarə müdiri Rusif Kərimov sadə kəndlilərin problemini həll etmir…
Masallının kəndlərindəki susuzluğun yaratdığı fəsadların görüntülərini təqdim edirik:
Və heç kimə çek verilmir...
Bu boyda bazarda TUALET yoxdur...
Öncə ondan başlayaq ki, 70 il sovet dövründə planlı iqtisadiyyat deyilən mühitdə yaşadıq. Və Allah qoymasa keçən əsrin sonunda bazar iqtisadiyyatına qədəm qoyduq. Bizim insanlar bazar iqtisadiyyatı ilə BAZARI səhv salır. Bazar iqtisadiyyatı, iqtisadi qanunlara, sağlam rəqabətə, dövlətin qanunlarına əsaslanaraq fəaliyyət göstərməkdir. Daha bizim bildiyimiz zığın-palçığın, löhmənin içindəki bazar demək deyil.
İndicə İmişli “Mal bazarı”ndan hazırlanmış video-reportaja baxanda dəhşətə gəldik. Bu məgər bazar iqtisadiyyatıdır..?
Heç orta əsrlər, feodalizm, quldarlıq dövründə də belə bazar olmayıb. XXI əsrdə insanların belə bir şəraitdə mal-qarasını nəzərdə tutulmuş satış nöqtəsində satması, kənd təsərrüfatı məhsulları, balıq və s zığın-palçığın içində dövriyyə edilməsi heç bir qanun-qaydaya sığmır. Bu dərəcədə anti-sanitariya, pinti, xəstəlik üçün şərait yaradan məkanda qida məhsulları, toyuq-quş, qoyun-quzu satmaq harada görünüb..?
"Müasir bazar"ın həkimsiz, laboratoriyasız şıdırğı alveri...
Axı, müasir bazarın həkimi olar, Allah qoymasa laboratoriyası olar, mühasibatlığı olar, nə bilim sanitariya-gigiyena qaydalarına nəzarət edəni olar və daha nələr... Yoxsa kimsə geniş bir sahəni çəpərləyib və özü üçün Mal bazarı elan edib.
Videodan göründüyü kimi Mal bazarı, əslində Əziz Quliyev adlı birisinin çəpərlədiyi geniş ərazidir.
Təsəvvür edirsiniz, kəndli öz yanı balalı inəyini Allah qoymasa İmişli bazarında satmağa gətirib ... Və inəyə görə 5 manat, balasına görə 3 manat ondan pul alırlar və çek verimirlər. Əgər axşama kimi inək satılmasa, kəndli inəyini və balasını evinə aparır, ancaq ondan alınan 3+5=8 manat geri qaytarılmır.
Əziz Quliyev iki bazarı öz qanunları ilə necə idarə edir?...
Bir sözlə, rayonda bu bazarın sahibi sakinlərdə sosial narazılıq yaradır. Və bu narazılığın arxasında rayonun iki bazarına, “mal bazarı” və “kənd təsərüfatı məhsulları bazarı”na sahiblik edən Əziz Quliyev dayanır. İddiaya görə, əhalidə dövlətə qarşı narazılığın yaradılmasının səbəbi bu şəxsin sahib olduğu bazarlarda antisanitariya ilə bağlı Kənd Təsərrüfatı Nazirliyinin bir neçə dəfə ciddi addımlar ataraq bazarları bağlaması olub.
Baxdığımız videoda Qarabağ veteranı, hətta əlil deyir ki, satmaq istədiyimiz mallara görə, bazarın sahibi bizdən artıqlaması ilə pul alır, ancaq çek vermir. Yəni bu bazarın hesabına külli miqdarda pul qazanan bazarın sahibi dövlətin yaratdığı imkanlardan istifadə edir, amma dövlətə qarşı narazılıq yaradır.
Ayaqyolu olmayan bazarda üfunət iyi birmənalı şəkildə olmalıdır...
Təsəvvür edirisniz, yüzlərlə insanın hər gün gəlib-getdiyi mal-qara bazarında tualet yoxdur. Sakinlər soruşur ki, bizim hər gün ödədiyimiz pullar hara gedir..? Bəziləri deyə bilər ki, bu mal bazarıdır, mallar harada gəldi özlərini rahatlaya bilərlər. Burada hər inəyə tualet tikməyin əhəmiyyəti yoxdur. Biz bazar rəhbərliyinə bildirmək istəyirik ki, camaatın sizdən tələb etdiyi tualet bəzilərindən fərqli olaraq, şüursuz malların, qoyunun, keçinin, eşşəyin, atın rahatlanması üçün deyil, bazar rəhbərliyinin də özü ilə bərabər ora gələn insanların rahatlanmasını nəzərdə tuturlar. Amma və lakin camaatın qoyduğu tələblərin hər biri ən azından insanların heyvanlara qarşı yanaşma tərzidir. Buyurun, sakinlərin bildirdiyi iradlarla tanış olun.
Sakinlər soruşur ki, bu boyda zığ-palçıq, löhməyə bir maşın qum tökməyə bazarın sahibinin imkanı yoxdur..? Bəs biz verən pullar hara gedir..?
Hər gün neçə yüz insan, ayda neçə min insan bu bazara gəlib mal-qarasını satmaq istəyir. Hər inəkdən 5, balasından 3, hər qoyundan 2, hər quzudan 1 manat, balıqdan, toyuqdan və daha nələrdən pul qazanan bazarın sahibi bir maşın qumun, çınqılın alınmasına niyə xəsislik edir.
Bax bu sualın cavabı bizdə maraq doğurduğu üçün balaca bir araşdırma apardıq.
İmişlidə camaatın əzab-əziyyəti hesabına toplanan milyonlar Bakıda böyük biznesə yönəlib. Bu haqda növbəti yazımızda bəhs edəcəyik.
Bəli, bazarın sahibi Əziz Quliyev tez-tez xarici ölkələrdə olur, İrana, İraqa və Əfqanıstana səfərlər edir. Niyə hüquq-mühafizə orqanları bununla maraqlanmır..?
Niyə Vergilər Dövlət Xidməti İmişli “Mal bazarı” ilə maraqlanmır..? Suallar çoxdur. Bizi izləyin.
P.S. Növbəti yazımızda bazarda dünyasını dəyişənlər və "İstanbul" klinikası yazısı dərc olunacaq. Gundelik-baku.com
XalqXeber.Az
Milli Məclisin deputatı Cavid Osmanov haqda sensasiyalı hesab edilə biləcək və onun qanunverici orqanda fəaliyyət göstərməsini sual altına salacaq məlumatlar ortaya çıxıb.
Demokrat.az-ın redaksiyasına daxil olan məlumatlar onu deməyə əsas verir ki, Cavid Osmanovun təhsili saxta, özü isə fəraridir.
06.02.1975-ci ildə anadan olmuş Cavid Həmid oğlu Osmanovun orta məktəbi 1992-ci ildə bitirdiyi, universitetə isə 5 il sonra 1997-ci ildə qəbul edildiyi onun tərcümeyi-halında qeyd olunur. Lakin redaksiyamıza daxil olan məlumatda qeyd olunur ki, Cavid Osmanov orta məktəbi bitirdikdən 5 il sonra – 1997-ci ildə Azərbaycan Respublikası Prezidenti yanında Dövlət İdarəçilik Akademiyasına heç bir imtahan vermədən qeyri-qanuni yolla daxil olub. Həmin universiteti isə 2000-ci ildə, yəni cəmi 3 il ərzində bitirib.
Azərbaycanda bakalavr pilləsi 4 ildir, necə olur ki, Cavid Osmanov bu təhsil pilləsini 3 il ərzində bitirir və diplom ala bilir?!
Ortaya başqa bir sual da çıxır ki, bəlkə Cavid Osmanovun bundan əvvəl hansısa təhsil müəssisəsinin saxta diplomunu əldə etmiş, Dövlət İdarəçilik Akademiyasına ikinci təhsil almaq adı ilə daxil olubdur?!
Əgər belədirsə, Cavid Osmanov özünün niyə Wikipediya səhifəsində və Milli Məclisin elektron səhifəsində birinci təhsili haqqında məlumat vermir?
Bizi də maraqlandıran elə budur. Çünki redaksiyamıza daxil olan məlumatlarda qeyd edilir ki, Cavid Osmanov 1992-ci ildə orta məktəbi bitirdikdən sonra ərəb ölkələrinin birinə dini təhsil almaq adı ilə getmiş, 1 ildən sonra oradan qovulmuş və geri qayıtmışdır.
1993-cü ildə hərbi xidmətə çağırılmış Cavid Osmanov saxta arayışlar əldə etməklə hərbi xidmətdən yayınıb. Bu həmin dövr idi ki, ermənilər torpaqlarımızın işğalına davam edirdi və xalqın tələbi ilə hakimiyyətə qayıdan Ulu Öndər Heydər Əliyev Vətən oğullarını Qarabağın müdafiəsi üçün orduya yazılmağa çağırışlar edirdi. Qarabağda erməni işğalçılarına qarşı ölüm-dirim savaşı gedən vaxt Cavid Osmanov saxta sənədlərlə Vətənin müdafiəsindən yayınmış, Ordudan fərarilik etmişdi.
Diplomu saxta, keçmiş fərarinin qanunverici orqanda fəaliyyət göstərməsi, deputat kimi xalqın və dövlətin maraqlarından danışması gülünc, həm də ziyanlıdır. Məhz bu baxımdan, Azərbaycan Respublikası Milli Məclisinin spikeri, hörmətli Sahiba xanım Qafarovaya müraciət edir və ondan bəzi qaranlıq məqamlara aydınlıq gətirilməsinə köməklik etməsini xahiş edirik.
1. Milli Məclisin deputatı Cavid Həmid oğlu Osmanov 1992-ci ildə orta məktəbi bitirdikdən sonra hansı xarici ölkəyə dini təhsil almaq adı ilə getmişdir?
2. Milli Məclisin deputatı Cavid Həmid oğlu Osmanov 1993-cü ilin aprel ayından hərbi mükəlləfiyyətçi olduğu halda hansı əsaslarla Vətənin müdafiəsində iştirak etməmiş və Ordudan yayınmaq üçün hansı saxta arayışlar əldə etmişdir?
3. Milli Məclisin deputatı Cavid Həmid oğlu Osmanov orta məktəbi bitirdikdən 5 il sonra 1997-ci ildə Azərbaycan Respublikası Prezidenti Yanında Dövlət İdarəçilik Akademiyasına necə və hansı əsaslarla qəbul olunmuşdur? Bu əsaslar Azərbaycan Respublikası qanunları ilə ziddiyət təşkil edirmi?
4. Niyə həmin Akademiyadakı təhsil müddəti 3 il olmuşdur? (1997-ci ildə daxil olub 2000-ci ildə bitirdiyini özü rəsmi sənədlərdə qeyd edir )
5. Milli Məclisin deputatı Cavid Həmid oğlu Osmanovun 1-ci Ali təhsili varmı? Harada və qanuni əsaslarla təhsil almışdırmı? Əgər həqiqətən o 1-ci təhsilini qanuni şəkildə almışsa, nə üçün bütün rəsmi sənədlərdə 1-ci təhsilini gizlətməyə üstünlük vermiş və heç bir yerdə bunu qeyd etmək istəməmişdir?
Ümid edirik ki, hörmətli spiker Sahibə xanım Qafarova bu məsələlərin araşdırılması üçün təcili göstəriş verəcək və nəticəsi barədə də Milli Məclis tərəfindən bizə məlumat veriləcəkdir. Çünki Milli Məclisin hər bir üzvü Vətəni canından çox sevən, pak və təmiz, savadlı və əqidəli şəxslərdən ibarət olmalıdır. Xalq namizədi haqqında həqiqəti bilməlidir ki, seçdiyi namizədin kimliyini dəqiq bilsin.
Eyni müraciəti Yeni Azərbaycan Partiyası sədrinin müavini – Mərkəzi Aparatın rəhbəri cənab Tahir Budaqova da ünvanlayır və bu məsələlərin araşdırılmasını xahiş edirik. Çünki YAP təkcə ölkəmiz və regionumuzun yox, dünyanın ən böyük və nüfuzlu partiyalarından biridir. Ulu Öndərin qurduğu, Prezident İlam Əliyevin sədrlik etdiyi bir partiyada təhsili və hərbi xidməti haqqında şübhəli məqamlar olan bir şəxsin təmsil olunması və bu partiyanın üzvü kimi qanunverici orqanda da təmsil olunması qəbuledilməzdir.
P.S. Bu yazıda adıçəkilən deputat Cavid Osmanov əvvəlcədən ona ünvanladığımız İnformasiya Sorğumuzu cavabsız qoyub.
Demokrat.az
Bu qardaşlara qarşı niyə tədbir görülmür..?
Paytaxt Bakı şəhərində fəaliyyət göstərən kafe-restoranlar, şadlıq evləri son illər ciddi problemə çevrilib. Problem bu ictimai iaşə müəssisələrinin ətraf mühit üçün yaratdığı ekoloji problemlərlə yekunlaşmır. Hətta yaşıllıqların qırılması, müştərilərə keyfiyyətsiz xidmət, vergidən yayınma və s kimi problemlərlə də məsələ bitmir. Bəzən bu kafe və restoranlar qanunsuz olaraq ətrafdakı əraziləri zəbt edir, qanunsuz inşaat işləri aparırlar. Bütün bu problemlər azmış kimi müştərilərə verilən ərzaq və qida məhsulları da keyfiyyətsiz və vaxtı keçmiş olur. İnternet üzərindən xırda bir araşdırma zamanı məlum oldu ki, belə kafe və restoranlar, ictimai iaşə müəssisələri Nəsimi rayonu ərazisində daha çoxdur.
Məsələn bir müddət öncə Azərbaycan Qida Təhlükəsizliyi Agentliyi ( AQTA ) tərəfindən qanunvericiliyin tələblərinə nəzarət məqsədilə ictimai iaşə obyektlərində reydlər keçirilib.
Təsəvvür edirsiniz, nəzarət tədbirləri çərçivəsində ölkə üzrə 300-dən artıq ictimai iaşə obyektində 614 monitorinq keçirilib. Monitorinqlər zamanı 31 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Ən dəhşətlisi odur ki, qanunvericiliyi pozan kafelərin xeyli hissəsi Nəsimi rayonu ərazisindədir. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb. Pozuntular aşkar edilmiş ictimai iaşə müəssisələrindən biri də Bakı şəhəri, Nəsimi rayonunda Rövşən adlı fiziki şəxsə məxsus kafe-yeməkxanadır.
Ən maraqlısı odur ki, digər kafelər barəsində ciddi və ən sərt tədbirlər görülsə də Rövşənə və qardaşına məxsus kafeyə qarşı ciddi tədbir görülməyib. İstər-istəməz ortaya sual çıxır ki, görəsən, Rövşənin və qardaşının arxasında kim durur ki, bu qardaşlara gözün üstə qaşın var deyən yoxdur. Görəsən, bu qardaşların vergidən yayınması, qara mühasibatlığı və digər neqativ hallar İqtisadiyyat Nazirliyi tərəfindən niyə yoxlanılmır..?
Bütün bunlar azmış kimi Rövşən və qardaşına məxsus yeməkxana-kafe ətrafdakı əraziləri, hətta məktəbin ərazisini də zəbt edə-edə gedir.
Sakinlər deyir ki, bu qardaşların qarşısını alan olmasa, bunlar Nəsimi rayonunu zəbt edəcəklər. Biz yazdıq, ictimailəşdirdik. İndi növbə müvafiq dövlət qurumlarınındır.
Xatırladaq ki, Rövşən və qardaşı bir müddət öncə, İrandan Azərbaycana gəliblər.
gundelik baki.com