 |
|
|
Hər il ötən ilə nisbətdə yol-nəqliyyat hadisələrinin sayı artmaqdadır. Buna səbəb olaraq insanların və nəqliyyatın sıxlığının artması, sürücülərin və piyadaların diqqətsizliyi kimi amilləri göstərə bilərik. Belə cinayətlərin geniş yayılması hərəkət təhlükəsizliyinin təmin edilməsini və yol-nəqliyyat hadisələrinin qarşısının alınması üçün təşkilati və təsiredici hüquqi tədbirlərin həyata keçirilməsini zəruri edir.
Təsirli tədbir dedikdə, bu sırada həm də qaydaların pozulması nəticəsindən asılı olaraq mülki, inzibati və cinayət məsuliyyətinin düzgün müəyyən edilməsi başa düşülür. Cəzanın məqsədi sosial ədalətin bərpası, məhkumun islah edilməsi və həm məhkumlar, həm də başqa şəxslər tərəfindən yeni cinayətlərin törədilməsinin qarşısını almaqdır.
Azərbaycan Respublikasının Cinayət Məcəlləsində “Hərəkət təhlükəsizliyi və nəqliyyat vasitələrinin istismarı qaydaları əleyhinə olan cinayətlər”ə ayrıca fəsil həsr olunub. Bu fəsildə yol hərəkəti və nəqliyyat vasitələrinin istismarı qaydalarının pozulmasının hansı halda cinayət tərkibinin yaratması, yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozulması, sürücülərin yol nəqliyyat hadisəsi yerindən qaçması, nəqliyyat vasitələrini və ya yolları yararsız vəziyyətə salma və başqa cinayətlər və həmin cinayət əməllərinə görə təyin oluna biləcək cəzalar qeyd olunub.
Nəqliyyat vasitəsini idarə edən şəxs tərəfindən yol hərəkəti və ya nəqliyyat vasitələrinin istismarı qaydalarının pozulması yalnız o zaman cinayət məsuliyyətinə səbəb olur ki, bu ehtiyatsızlıqdan zərərçəkmiş şəxsin ölümü və ya onun sağlamlığına ağır, yaxud da az ağır zərər vurulması ilə nəticələnmiş olsun. Təbiidir ki, zərər yetirən tərəf özünün törətdiyi əməlin cinayət deyil, inzibatti məsuliyyət yaratmasında maraqlıdır və bundan ötrü istər hadisənin səbəbini müəyyənləşdirən vəzifəli şəxslərlə (tibb ekspertizası), istərsə hadisəyə hüquqi qiymət verən vəzifəli şəxslərlə (hüquq-mühafizə orqanları əməkdaşları), istərsə də zərərçəkmişin (on un qanuni təmsilçisinin) özü ilə sövdələşməyə (bəzən korruptiv əlaqəyə girməyə) meylli olur.
İndi çəkəcəyimiz misalda belə korruptiv sövdələşmədən şübhələnməyə əsaslar vardır:
Dəryaza verilən məlumata əsasən Avqustun 21-də Şəmkir-Tovuz şossesində yol-nəqliyyat hadisəsi baş vermiş, nəticədə Bakı şəhəri, Sabunçu rayonu, Zabrat – 1 qəsəbəsi, Yeni Məhəllə ünvanda yaşayan Elçin Xaliqi adlı gənc bir neçə gün sonra dünyasını dəyişmişdir. Maşında onunla birgə olan anası da kəllə-beyin travması alaraq koma vəziyyətinə düşmüş, hazırda Bakıdakı Neyrocərrahiyə xəstəxanasındadır. Yol-nəqliyyat hadisəsinin iştirakçısı olan qarşı tərəfin isə çəkdiyi ziyan barədə məlumat yoxdur.
Redaksiyamızın əməkdaşı Zabratda, mərhumun hüzn mərasimində iştirak etmiş və orada öyrənmişdir ki, Elçin də qəzadan sonra bir gün koma vəziyyətində qalıb, sonra ayılıb özünə gəlib, lakin həyata qayıda bilməyib. Bildirilir ki, mərhumun ölümünü Tovuz rayon mərkəzi xəstəxanasında birbaşa qəza ilə deyil, xeyli vaxtdır ki, müalicə aldığı hepatitlə (böyrək və qaraciyər çatışmazlığı) əlaqələndiriblər. Söz gəzir ki, hətta guya həkimin rəyinə görə, qəza baş verməsəymiş belə mərhumun ölümünə onsuz da üç ay vaxt qalıbmış.
Bundan başqa, öyrənmişik ki, yol-nəqliyyat hadisəsinin iştirakçısı olan qarşı tərəfin adamları mərhumun yaxınlarına hüzn xərclərini yola vermək üçün yüksək məbləğdə “əza pulu” da təklif ediblər. Amma mərhimun qohumları onları qovaraq təklifdən imtina ediblər.
Məsələ ilə bağlı araşdırma apararkən ilk növbədə mərhumun qəzadan sonra dərhal götürüldüyu Tovuz Rayon Mərkəzi Xəstəxanasının baş həkimi Paşa Muradovla əlaqə saxladıq. Paşa həkim baş redaktorumuzla fikir mübadiləsi aparanda bildirib ki, heç bir həkim insan sağlamlığına vurulmuş zərərin, xüsusilə ölümün səbəbini gizlətməyə kömək etməməli, hətta öz səhlənkarlığını, məsuliyyətsizliyini gizlətmək üçün də haqqı nahaqqa qurban verməməlidir.
Sonra isə Paşa Muradov baş redaktorumuzu mərhuma qəzaya uğradıqdan sonra ilkin diaqnoz qoymuş Mahirə həkimlə əlaqələndirib. Mahirə həkim isə Elçinin ölümünün avtoqəza nəticəsində deyil, məhz xəstəlik səbəbindən baş verdiyini deyib-durub.
Onsuz da gec-tez hamı öləcək. Belə çıxır ki, Elçin Xaliqinin xəstəliyi üç aydan sonra onun ölümünə səbəb olacaqdıysa, o halda onun məhz indi ölümünün səbəbi, yaxud, ölümünü sürətləndirən səbəb ciddi araşdırılmamalıdır? Axı burada insan həyatından söhbət gedir! Bir qarışqanı belə yarada bilməyən Mahirə həkimin məntiqindən belə çıxır ki, adam üç ay sonra öldü, ya indi öldü – heç bir fərqi yoxdur. Xeyr, adam ömrünün sonuna vur-tut üç ay qaldığını bilsə, həmin üç ayı səmərəli keçirməyə çalışar, ömrünü daha da gödəldəcək risklər etməz, yaxud, kimlərəsə yaxşılıq eləyə bilər ki, savab işlərinin sayını artırsın. Bizi qınamayın, şübhələnməyə əsas tapırıq ki, burada niyyət ya ağır nəticəyə səbəb olmuş sürücü ehtiyatsızlığını, ya da həkim səhlənkarlığını gizlətməkdir. Bir nüansa da diqqət yetirməyə dəyər: Əgər həkimlərin sözünə inansaq, yəni, mərhumun məhz xəstəlik səbəbi ilə dünyasını dəyiuşdiyini qəbul etsək, onda belə çıxır ki, Elçin Xaliqi paytaxt Bakıda müalicə olunmağa tibb müəssisəsi tapmayıb, üzünü tutub Tovuz əyalət xəstəxanasına – inandırıcı deyil. Fakt ortadadır ki, mərhumun ölümündən əvvəl Tovuz xəstəxanasına düşməsinin səbəbi məhz qəzada aldığı xəsarətdir.
İndi söz Səhiyyə Nazirliyinin, TƏBİB-in və əlbəttə ki, sözügedən yol-nəqliyyat hadisəsini araşdıran hüquq-mühafizə və cinayət təqibi orqanlarınındır. Nəzərə alınmalıdır ki, hətta ekspertiza rəyinin belə digər sübutlara münasibətdə üstünlük qüvvəsi yoxdur.Yol verilmiş pozuntu ilə baş vermiş hadisə və onun nəticələri arasında səbəbli əlaqənin mövcudluğu, şəxsin yol verdiyi pozuntuya görə cinayət və ya inzibati məsuliyyətə cəlb edilməli olması haqqında nəticə yalnız məhkəmə iclasında araşdırılmış sübutların hüquqi qiymətləndirilməsindən sonra verilə bilər. (Deryaz.az)
Turantv.az
Bu ölkədə hakimiyyət, məmurlar da xalqı başıqapazlı edir, iş adamları da. Nə istəyirlər, nə verib ala bilmədikləri var axı bu yazıq xalqdan!
Cənub bölgəsinin “böyük bəla”sı – iqtisadiyyat düşməni olan pambıq “baronu” Bahəddin Leysanov.
Leysanov 30 ilə yaxındır cənub bölgəsinin qeyri-rəsmi “qubernator”u olaraq çıxış edir.
Cənub bölgəsinin “Don Karleone”si və toxunulmaz xaç atası. Cənub rayonlarının icra başçıları, prokurorları və polis rəisləri Leysanovdan niyə çəkinirlər, onunla razılaşır, onun tovsiyyələriylə işləyirlər???
Bu müasir qolçomaq kimə güvənir və arxasında hansı məmur var?!
Bahəddin Leysanov İlham Əliyevim söz etdiyi “böyük bəla”nı yaradanlardan biridir…
Cənab Leysanov 30 ildən artıqdır ki, cənub bölgəsinin pambıqçılıq rayonlarında hökmranlıq edir, buna baxmayaraq o, özünü kölgədə saxlamağı bacarır. O, cənub bölgəsində baş verən bütün prosseslərə müdaxilə edir, lakin bu hiss olunmur.
İlham Əliyev Nazirlər Kabinetinin hər ilin sosial-iqtisadi inkişafının yekunlarına və qarşıda duran vəzifələrə həsr olunan iclasında kölgə iqtisadiyyatının ölkə iqtisadiyyatına vurduğu ziyandan danışıb. Ölkə iqtisadiyyatını xərçəng kimi saran kölgə iqtisadiyyatı “böyük bəla” adlandırıb. Lakin, çox təəssüf ki, hər kəsin gözü qarşısında özünü məğlubedilməz sayan Leysanovdan xəbər tutmur.
İlham Əliyev vurğulayıb ki, aparılan iqtisadi islahatların əsas vəzifələrindən biri və birincisi kölgə iqtisadiyyatına ziyan vurmaqdır: “Mən tam əminəm ki, aparılan islahatlar nəticəsində həm bizim gəlirlərimiz artacaq, biz kölgə iqtisadiyyatına böyük zərbə vurmuş olarıq. Bu, böyük bəladır və biz bu bəla ilə bağlı çox ciddi mübarizə aparırıq. Azərbaycanda kölgə iqtisadiyyatı olmamalıdır. Düzdür, elə bir ölkə yoxdur ki, orada kölgə iqtisadiyyatı olmasın. Biz kölgə iqtisadiyyatına qarşı həm inzibati, həm də institusional yollarla, o cümlədən islahat yolu ilə mübarizə aparırıq və aparacağıq”, deyə İlham Əliyev Nazirlər Kabinetinin sosial-iqtisadi inkişafının yekunlarına və qarşıda duran vəzifələrə həsr olunan iclasındakı yekun nitqində bildirib.
Bəzi ekspertlər hesab edirlər ki, Azərbaycanda kölgə iqtisadiyyat ölkə iqtisadiyyatının 60-70 faizini təşkil edir. Elə bu üzdən də adam başına düşən gəlir sitatistikasında Azərbaycan artıq Gürcüstandan geridə qalıb, Ermənistanla isə demək olar ki, bərabərdir. Əslində isə Azərbaycanda adambaşına düşən gəlirin əsas hissəsi məhz kölgə iqtisadiyyatda gizlənib və bu üzdəndə biz qonşularımzdan geridə qalırıq, xüsusən də bədnam qonşumuzdan geridə qalmaq üzrəyik.
Heç kimə sirr deyil ki, kölgə iqtisadiyyatı əsasən məmurların dəstəyi ilə və birbaşa iştirakı ilə çiçəklənməkdədir. Bir çox yerlərdə isə sovet dönəmində varlamış idarə müdirləri kölgə iqtisadiyyatının başında durur və genişləndirirlər. Belələrindən biri də artıq 30 ilə yaxındır ki, cənub bölgəsinin qeyri-rəsmi “qubernator”u olaraq çıxış edən Bahəddin Leysanovdur.
Cənub bölgəsinin pambıq “baronu” Bahəddin Leysanov kimdir?
Leysanov Bahəddin Dəyyan oğlu Masallı rayonunda doğulub. O zamankı İnşaat institutunu bitirib və Neftçalaya təyinat alıb. Həmin vaxt Neftçala rayonunun Aşağı Qaramanlı kəndində inşa olunan Pambıq zavodunda “prorab” olaraq əmək fəaliyyətinə başlayıb. Həddindən artıq xoşqılıqlı adam olan Leysanov həmin dönəmdə təkcə Neftçalada deyil, bütün Azərbaycanda nüfuzlu şəxs kimi tanınan, Sosialist Əməyi Qəhrəmanı Nuruş Əliyevin qılığına girib və bir müddət sonra məhz Nuruş Əliyevin köməyi ilə Neftçala Pambıq Zavodunun müdiri təyin olunub. Və gənc Leysanovun əvvəl Neftçalaya, sonra isə bütün cənub bölgəsinə sirayət edən hakimiyyəti başlayıb. 80-ci illərin əvvəlindən başlayaraq o, Neftçalada artıq qeyri-rəsmi milyoner olaraq tanınrdı.
Xalq Cəbhəsi dönəmində Leysanov (cənub bölgəsində onu hamı soyadı ilə tanıyır) yeni hakimiyyətə gələn gənc cəbhəçilərlə dil tapmağa cəhd edir. 1993-cü ildə isə Leysanov yeni azərbaycanlıların düşərgəsində yer alır.
Kolxozların ləğvindən sonra pambıqçılığın tam iflas etməsi ilə hamı düşünür ki, Leysanovun erası bitir. Lakin bu heç də olmadı. Leysanov kolxozların ləğvindən sonra Neftçalada torpaqları ələ keçirməyə başladı. Bir ildən sonra bəlli oldu ki, Neftçalada əkinə yararlı bütün bələdiyyə dövlət torpaqları, həmçinin geniş örüş sahələrinin yarıdan çoxu 99 illik müqavilə ilə Leysanova verilib. Həmin torpaqlar hələ də Leysanovun mülkiyyəti altındadır.
Lakin Leysanov təkcə Neftçala ilə kifayətlənmir. Bu gün Salyan rayonunun bələdiyyə və dövlət torpaqlarının yarısından çoxu Q.Məmmədovun verdiyi şəhadətnaməyə əsasən 99 illik müddətdə onun mülkiyyətindədir. Düşünməyin ki, Leysanov Salyan və Neftçala rayonları ilə kifayətlənib. Xeyr,bu belə deyil. Leysanov Biləsuvar, Cəlilabad, Masallı rayonlarında da minlərlə hektar torpağı özünüküləşdirib. Daha əvvəl Neftçalada dostluq münasibətləri qurduğu Taleh Qaraşov həmçinin Lənkəranda da ona ayrıcalıq saxlayır. Bundan başqa Leysanovun əli Sabirabada və İmişliyə qədər də uzanıb.
Eyni zamanda Bahəddin Leysanov Neftçala, Salyan, Şirvan, Sabirabad və Biləsuvar Pambıq Zavodlarının səhmlərinin 50 faizdən çoxuna sahibdir.
Əslində bu pambıq zavodları bütövlükdə Leysanova məxsusdur. Çünki bu günə qədər Leysanov pambıq zavodlarının keçmiş işçilərinə məxsus olan səhmlərə görə bir qəpikdə olsun dividend ödəməyib. Zavodlar yenidən qurulsa da, son 20 il müddətində ziyanla işləyir. Hər halda Bahəddin Leysanov belə iddia edir.
O özünü “Don Karleone” kimi aparır
Cənab Leysanov 30 ildən artıqdır ki, cənub bölgəsinin pambıqçılıq rayonlarında hökmranlıq edir, buna baxmayaraq o, özünü kölgədə saxlamağı bacarır. O, cənub bölgəsində baş verən bütün prosseslərə müdaxilə edir, lakin bu hiss olunmur.
Cənub bölgəsində Leysanovla bağlı aparılan araşdırmada onu gördük ki, bu rayonların əhalisi Bahəddin Leysanovu özlərinin bir nömrəli istismarçısı olaraq görürlər. Lakin buna baxmayaraq heç kim ona qarşı çıxmağa cəsarət eləmir. Bunu heç düşünmür də. Çünki Leysanovun Cənub bölgəsindəki əlaqələrini və gücünü hər kəs bilir. İstənilən adamı istənilən anda həbs etdirmək gücünə sahib olduğunu da hər kəs bilir.
Bahəddin Leysanovun yerlərdə gücü və şəbəkəsi o qədər böyükdür ki, cənub rayonlarına təyinat alan icra başçıları, polis rəisləri, prokurorlar onunla razılaşmağa, hətta onun tövsiyyələri ilə işləməyə məcburdurlar. Əks təqdirdə həmin vəzifəli şəxs təxribatla üzləşər və vəzifəsini itirər. Yəni Bahəddin Leysanov həm də cənub bölgəsinin bildiyimiz “Don Karleone”sidir və bölgənin xaç atası olaraq toxunulmazdır.
Biləsuvardan, Neftçaladan və Salyandan toplanan məlumatlara görə Leysanov təkcə bu rayonlarda minlərlə hektar torpağı “işğal” etməyib. Eyni zamanda Leysanov bütün cənub bölgəsində kölgə iqtisadiyyatın “baron”udur. Əldə edilən məlumata görə Bahəddin Leysanova çalışanların çox böyük əksəriyyəti qanunvericiliyin tələblərinə uyğun olaraq çalışmırlar. Buna baxmayaraq həmin adamlar bölgənin ən varlı və nüfuzlu ailələri olaraq bilinirlər. Ardı var…
Redaksiya olaraq qarşı tərəfin də mövqeyini dərc etməyə hazırıq…
1-ci hissə. Əfqan Sadıqov
Turantv.az
Sabiq dairə sədrinin Neftçalada yaralara yod sürtmək planı
Neçə günlərdir internet saytlarında əks-səda doğuran xəbərlərdən biri də Neftçalada din xadimlərinin məmur kimi və bir məmurun sanki din xadimi olması xəbəri yayılıb.
Məlumat üçün bildiririk ki, Neftçalanın əvvəlki axundu Mirseymur Əliyev may ayının əvvəllərində vəzifəsındən azad edilib. Həmən gündən etibarən o, bir iki şəhid atasını özünə yoldaş seçərək 61 saylı seçki dairəsinin sədri Zaur Kərimovla dostluq və qardaşlıq münasibətinə başladı. Hər gün səhər açılanda Mirseymurun aftomobili Zaur Kərimovun bahalı aftomobilinin yanında dayanırdı. Hətta Neftçalalılar belə güman edirdilər ki, Mirseymur da seçki dairəsinin əməkdaşıdır.
Mirseymurun gözləntisi o idi ki, Kərimov ona kömək edəcək. Çünki Zaur Kərimov Dini Qurumlarla İş üzrə Dövlət Komitəsinin sədr müavini Gündüz İsmayılovun tələbə yoldaşı və çox yaxın dostudur. Amma işlər başqa istiqamətə cərəyan etdi və Z.Kərimov rayondakı əməllərinə görə Dairə sədrliyindən uzaqlaşdırıldı, digər tərəfdən oğlu Bəxtiyar Taleh Qaraşovun tapışırığı ilə Lənkəran Dövlət Universitetinə qəbul olsa da etimadları doğruldmayıb və atasının ünvanına danlaq gətirib.
Kərimovun əlindən iş gəlməsə də vəd verib baş aldatmağı peşəkarcasına bacarır. Kərimov seçki dairəsindən qovulsa da, indi Azəryolda icraçı direktor təyin olunmaq astanasındadır...
Bəlkə də yerinə düşər qanayan yaralara yod çəkər.
Qısası KƏRİMOV rayonda bütün sahələrin kuratoru olduğu üçün axundun işdən çıxarılması və təzə axundun gətirilməsində bir başa marağı və dəstəyi var.
Sabiq dairə sədri ilə əlaqə saxlamağa çalışsaq da, telefonlarımıza cavab verən olmadı.
Qarşı tərəflərin mövqeyini dərc etməyə hazırıq.
mediaxeberleri.az
Narkotik qaçaqmalçılığına və satışı ittihamı ilə həbs edilərək 13 il müddətinə azadlıqdan məhrum edilən taksi sürücüsü Faiq Məmmədovun ailəsi onunla bağlı istintaqın qərəzli aparıldığı və ədalətsiz hökmün çıxarıldığını bildirir.
TEREF.AZ yazır ki, Azinforum.az-a müraciət edən anası Məhsəti Məmmədova bildirib ki, Lənkəran Ağır Cinayətlər Məhkəməsinin hakimi Elxan Süleymanov da işi düzgün araşdırmayıb. Faiq Məmmədovun anası qeyd edir ki, məhkəmədə işə baxılan zaman oğlu və vəkili Faiqin narkotik qaçaqmalçılığı ilə məşğul olmasını təsdiq edən sübut olmadığını bildiriblər: “Müstəntiq özündən protokol tərtib edib ki, guya oğlumun telefonunda səs yazısı aşkar olunub və narkotiki göndərən şəxsə vatsapda səs göndərib. Vəkilimiz həmin səs yazısının təqdim edilməsini tələb edəndə məlum oldu ki, protokol saxtadır. Yəni, belə bir səs yazısı yoxdur, müstəntiq özündən protokol tərtib edib. Necə olur ki, Faiqlə birgə tutulan 2 nəfər azadlığa buraxılır, avtovağzalda maşına minən adam, ümumiyyətlə, araşdırılmır. Fakt budur ki, cinayəti etiraf edənlər azadlığa buraxılıb, amma taksi kimi işləyən adam günahı olmadığı halda 13 il həbs cəzası alıb. Məhsəti Məmmədov bildirib ki, hökmdən verilən şikayətə Şirvan Apellyasiya Məhkəməsinin hakimi Məmməd Bağırov tərəfindən baxılıb və hökm qüvvədə saxlanılıb”.
Məhsəti Məmmədova bildirir ki, istintaq dönəmində müstəntiq Nicat Acalov onlardan 25 min rüşvət alıb: “Faiq saxlanılandan bir neçə gün sonra Nicat Acalov onu həbsdən buraxmaq üçün vəkil vasitəsilə bizdən 25 min manat istədi. Kiçik oğlum qardaşı ilə görüşüb pul məsələsini deyib. Nicatın cavabı belə olub ki, “yuxarıdan məndən cavab gözləyirlər”. Nicat 25 min manat rüşvət almasını dəfələrlə etiraf edib, bunun səsyazıları da var. O, 2 il bizi müxtəlif vədlərlə aldatdı. İş məhkəməyə veriləndə yalandan deyirdi ki, iş hələ məndədir, Faiqi buraxacağam. Onun barəsində Cinayət Məcəlləsinin 311.3.3-cü maddəsi (külli miqdarda rüşvət alma) ilə cinayət işi başlanıb. İş materialları baxılması üçün Bakı Hərbi Məhkəməsinə göndərilib və aprel ayının 3-də məhkəmə baxışı təyin edilib.
Teref.az.az Məhsəti Məmmədova ilə olan videomüsahibəni təqdim edir:
Narkotik qaçaqmalçılığına və satışı ittihamı ilə həbs edilərək 13 il müddətinə azadlıqdan məhrum edilən taksi sürücüsü Faiq Məmmədovun ailəsi onunla bağlı istintaqın qərəzli aparıldığı və ədalətsiz hökmün çıxarıldığını bildirir.
TEREF.AZ yazır ki, Azinforum.az-a müraciət edən anası Məhsəti Məmmədova bildirib ki, Lənkəran Ağır Cinayətlər Məhkəməsinin hakimi Elxan Süleymanov da işi düzgün araşdırmayıb. Faiq Məmmədovun anası qeyd edir ki, məhkəmədə işə baxılan zaman oğlu və vəkili Faiqin narkotik qaçaqmalçılığı ilə məşğul olmasını təsdiq edən sübut olmadığını bildiriblər: “Müstəntiq özündən protokol tərtib edib ki, guya oğlumun telefonunda səs yazısı aşkar olunub və narkotiki göndərən şəxsə vatsapda səs göndərib. Vəkilimiz həmin səs yazısının təqdim edilməsini tələb edəndə məlum oldu ki, protokol saxtadır. Yəni, belə bir səs yazısı yoxdur, müstəntiq özündən protokol tərtib edib. Necə olur ki, Faiqlə birgə tutulan 2 nəfər azadlığa buraxılır, avtovağzalda maşına minən adam, ümumiyyətlə, araşdırılmır. Fakt budur ki, cinayəti etiraf edənlər azadlığa buraxılıb, amma taksi kimi işləyən adam günahı olmadığı halda 13 il həbs cəzası alıb. Məhsəti Məmmədov bildirib ki, hökmdən verilən şikayətə Şirvan Apellyasiya Məhkəməsinin hakimi Məmməd Bağırov tərəfindən baxılıb və hökm qüvvədə saxlanılıb”.
Məhsəti Məmmədova bildirir ki, istintaq dönəmində müstəntiq Nicat Acalov onlardan 25 min rüşvət alıb: “Faiq saxlanılandan bir neçə gün sonra Nicat Acalov onu həbsdən buraxmaq üçün vəkil vasitəsilə bizdən 25 min manat istədi. Kiçik oğlum qardaşı ilə görüşüb pul məsələsini deyib. Nicatın cavabı belə olub ki, “yuxarıdan məndən cavab gözləyirlər”. Nicat 25 min manat rüşvət almasını dəfələrlə etiraf edib, bunun səsyazıları da var. O, 2 il bizi müxtəlif vədlərlə aldatdı. İş məhkəməyə veriləndə yalandan deyirdi ki, iş hələ məndədir, Faiqi buraxacağam. Onun barəsində Cinayət Məcəlləsinin 311.3.3-cü maddəsi (külli miqdarda rüşvət alma) ilə cinayət işi başlanıb. İş materialları baxılması üçün Bakı Hərbi Məhkəməsinə göndərilib və aprel ayının 3-də məhkəmə baxışı təyin edilib.
Teref.az.az Məhsəti Məmmədova ilə olan videomüsahibəni təqdim edir:
Teref.az-ın poştuna daxil olmuş 1-ci dərəcəli Qarabağ qazisi Məğrur Bədəlsoyun şikayət məktubunu təqdim edirik. Məğrur Bədəlsoy məktubunda yazır:
3 il qabaq Azərbaycan Beynəlxalq Bankının (ABB) Nizami filialındakı bank hesabıma avro ilə köçürülən pulun bank kartına keçirilməsindən imtina edilib. Gah bankda avronun olmadığı, gah avro ilə xidmət göstərən bankomatın olmadığı bəhanə edilib. Bəs onda niyə karthaqqı adına 10 manat alınıb ? Bu kartdan pul götürmək mümkün deyilsə, niyə 10 manata satılıb? Niyə hesaba köçürülən puldan anında 0.5 faiz tutulub? Hətta milli valyuta ilə pulu götürmək istəyəndə bankın inhisarçı mövqeyindən yararlanaraq Mərkəzi Bankın rəsmi kursu ilə yox, ən aşağı alış kursu ilə müştərinin öz avrosu özünə təklif edilib? Pulu qanunsuz olaraq hissə - hissə verən ABB-nin Nizami filialı hər götürəndə əlavə faiz də tutub. Ümumiyyətlə, bankın müqavilə ilə üzərinə götürdüyü öhdəlikləri yerinə yetirməməsi və vaxtında pulu verməməsindən müştəriyə minlərlə manat ziyan dəyib . Təsəvvür edin, avronun kursu manata nisbətdə 2,09 olması hara, sonradan 1.69 həddinə düşməsi hara ? ABB-nin Nizami filialı 29.12.2000-ci ildə 1-ci dərəcəli Qarabağ qazisini dörd saat növbədə gözlədəndən sonra limit həddini aşma bəhanəsi ilə valyuta satmaqdan imtina etməsi də əlil – istehlakçı hüquqlarının kobud pozuntusudur. Həmin pozuntu baş verəndə ABB-dən zəng edib, tədbir görüləcəyini, hətta 1-ci dərəcəli Qarabağ qazisinə 10 manata kart satanda söz verilən faiz əlavələrinin tutulmayacağına söz veriblər . Lakin bu söz elə söz olaraq qalıb. Əksinə, milli valyuta ilə daxil olan vəsaitdən də faiz tutulmağa başlanıb.
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti istehlakçı hüquqlarının qorunmasını təmin edən dövlət xidməti kimi məhkəməyə müraciət etməli olduğu halda, bu hüquqdan yararlanmağı əlil-istehlakçının özünə məsləhət görüb. Bir ildir aidiyyatı üzrə Bakı şəhəri, Nizami rayon məhkəməsinə “ pozulmuş əlil – istehlakçı hüquqlarının bərpası və dəyən maddi-mənəvi ziyanın ödənilməsi” tələbi ilə qaldırılan iddianın “taleyindən” soraq yoxdur. Hakim Həqiqət Əhmədovanın qərardadı geri qaytarmasından vahid məhkəmə portalından xəbər tutmuşam və yeni iddia ərizəsini məhkəməyə təqdim etmişəm. Yenə də iddiam qanunsuz olaraq eyni hakimə verilib və yenə də qəbul edilən qərardad rəsmi və ya qeyri-rəsmi qaydada təqdim edilməyib . Ümumiyyətlə, qərardadın özünün qəbul edilməsi şübhə altındadır. Nədən bir ildir şikayət edirəm, hələ də qərardadların verilməsinə nail ola bilmirəm.
İndicə elektron poçtuma Nizami rayon məhkəməsinin sədri İlham Kərimlinin 31.03.2023 tarixli “müraciətə cavab”ını aldım. Məhkəmə sədri Məhkəmə Hüquq Şurasından 16.03.2023 -cü ildə Nizami məhkəməsinə daxil olan müraciətə (əslində şikayət edilib və qanunla şikayətin barəsində şikayət edilən quruma və ya vəzifəli şəxsə göndərilməsi qadağandır -M. B. ) saxta cavab verib ki, hər iki qərardad aidiyyat qaydalarının pozulması “əsası” ilə geri qaytarılıb və hazırkı iddia ilə Nəsimi və ya Nərimanov rayon məhkəmələrinə müraciət etmək izah edilməklə , qərardadlar elektron kabinetdə yerləşdirilmişdir. Bu cavab məhkəməyə hüquqdan , Mülki Prosessual Məcəllədən dərs keçməyə əsas verir.
Azərbaycan Respublikası Mülki Prosessual Məcəlləsinin (MPM) 36-cı (“İDDİAÇININ SEÇMƏSİNƏ GÖRƏ AİDİYYAT”) maddəsinin 9-cu bəndinə görə, İSTEHLAKÇININ HÜQUQUNUN MÜDAFİƏSİ HAQQINDA İDDİALAR İDDİAÇININ YAŞADIĞI YERƏ GÖRƏ , yaxud MÜQAVİLƏNİN BAĞLANDIĞI VƏ YA İCRA EDİLDİYİ YERƏ GÖRƏ VERİLƏ BİLƏR. 36.13 maddəsində bu Məcəllənin 36.1-36.12 maddələrində nəzərdə tutulmuş məhkəməni seçmək hüququnun İDDİAÇIYA MƏXSUS OLMASI yazılıb. Bəs niyə Nizami məhkəməsi iddiaçıya məxsus hüququ mənimsəyib, onu Nəsimi və Nərimanov məhkəmələrini seçməyə məcbur edir və bu məcburiyyət qərardadını da vermir? Yəqin məhkəmə sədri və hakim(lər)i çaşıb, “yaşayış yeri” nin qeydiyyat yeri ilə dəyişik salır(lar). Bəs iddianın bağlandığı və ya icra edildiyi yer nəyi göstərir ? Belə çıxır, Kəlbəcərdə qeydiyyatda olmaqla Bakıda yaşayan şəxsin Bakıda istehlakçı hüququ pozulanda Kəlbəcər məhkəməsinə müraciət etməlidir? Absurd deyilmi?
Eyni zamanda cavabdehi Azərbaycan Beynəlxalq Bankı” ASC kimi qəbul edib, olduğu yer üzrə Nəsimi məhkəməsinə müraciət etməyi məsləhət görmək də məhkəmənin saxtalığını, banka vəkilliyini ortaya qoyur. Cavabdeh Beynəlxalq Bankın Nizami rayonunda (metronun Qara Qarayev stansiyasının yaxınlığında) yerləşən Nizami filialıdır və MPM-in 35.2 maddəsinə görə, hüquqi şəxsə qarşı iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinə qarşı iddia müəssisənin ünvanının olduğu yerə görə verilir. Tutaq ki, Həqiqət Əhmədova qeyri-prosessual basqıdan özünü də, iki qərardadını da itirib, bəs sədr İlham Kərimliyə nə gəlib? Niyə qanunu, Məcəlləni yox, qanunsuzluğu, saxtalığı müdafiə edir? Hətta hər iki eyni iddiaya eyni hakimin “baxması” bir yana , qərardadların verilməməsini də iddiaçının olmayan elektron kabinetinin “boynuna qoyur” ! (?) İstənilən halda məhkəmə aktları MPM-in 135- ci maddəsinə əsasən sifarişli poçt vasitəsilə verilməlidir. MPM-in 135.6 və 135.7 maddələrini bir daha oxumaq məhkəmə aktlarını itirən hakimlərə məsləhət görülür. Elektron kabinet oldu- olmadı məhkəmə aktı rəsmi qaydada verilməlidir və sms-bildirişlə bildirilməlidir. Kiminsə elektron kabinetinin olması, hələ o kabinetdən lazımi qaydada yararlana bilməsi anlamına gəlmir. Bir də kabinetdə yerləşdirilmə vaxtı da bilinmir axı! Qərardad qəbul edilibsə, onun verilməsindən niyə imtina edilir? Qərardadla iddia ərizəsi və əlavə olunan sənədlər iddiaçıya geri qaytarılıbsa, hanı bu qaytarılan ərizə və sənədlər? Onlar da kabinetdədir? Məhkəmə hüquq qoruyur, yoxsa hüquqa qadağa qoyur?
“Kapitalbank”ın Nizami filialına qarşı 8 ildir qaldırılan iddianı qoca rüşvət hakimi Fikrət Mirzəyev, 4 ildir qaldırılan iddianı “rüşvət təcrübəsi gənc” Ülkər Yusifova” , bir ildir “sütül” Qumru Əliyeva (Nizami Telefon Qovşağına da) necə itiribsə nə yeni məhkəmə sədri tapa bilir, nə Məhkəmə Hüquq Şurası.
Vallah, ritorik səslənir :Nizami məhkəməsi banklara vəkillik edir bəyəm?
Məğrur Bədəlsoy
P.S.Nizami məhkəməsinin hakimi Nigar Qədirli 7 aydır 1-ci dərəcəli Qarabağ qazisinin qanunsuz həbsdə saxlanılaraq evində “protokol qaydasında” axtarış aparılmasını , qiymətli əşyaların oğurlanmasını legitim edən 05.09.2022 tarixli qərarından apellyasiya şikayətini Bakı Apellyasiya Məhkəməsinə göndərmir. Hər halda Bakı Apellyasiya Məhkəməsi, birbaşa elektron qaydada da edilməsinə baxmayaraq, şikayətin daxil olmadığını bildirir 6 aydır. ..Görəsən, bu qərar və şikayət elektron kabinetdə niyə yerləşdirilməyib? Məhkəmə sədri buna necə cavab verir?
Teref.az olaraq şikayətdə toxunulan iddialarla bağlı qarşı tərəfin mövqeyini dərc etməyə hazırıq!
Teref.az
"Dünən oğlum Respublika Endokrinoloji Mərkəzində yenidən qan verməli oldu. Bu dəfə ac qarına. Mərkəzin baş tibb bacısından xahiş etdim ki, qanı daha təcrübəli və peşəkar tibb bacısı götürsün. Çünki keçən dəfə götürənlər uşağın qollarını dəlmə-deşik etdilər və götürdükləri qan da özlərinin dediyinə görə laxtalandı, cavabı da çıxmadı". DİA.AZ bildirir ki, bu barədə şikayətində Nadir Qocabəyli qeyd edr.
N.Qocabəyli daha sonra davam edir: "Uzun çək-çevirdən sonra həqiqətən peşəkar bir tibb bacısı tapıldı və qanı çox asanlıqla götürdü. Biz də təşəkkür edib, evə gəldik.
Bu gün saat 12-də getdik cavabı almağa. Təsəvvür edə bilməzsiniz nə oldu. Xeyli növbədə dayandıqdan sonra məlum oldu ki, cavab yenə çıxmayıb. Niyə? Səbəbini bizə demədilər və həkimin köməkçinin gəlməsini tələb etdilər.
Həkimə dedim və köməkçisini birtəhər axtarıb tapdıq. Məlum oldu ki, qanın doldurulduğu flakonu səhv salıblar. Yəni tibb bacısı qanı qısa, həm də başlığı göy rəngdə olan qaba çəkməliymiş, amma uzun və başlığı qırmızı rəngdə olan qaba çəkib.
Dedim, bacılar, nə fərqi var axı. Qabın üstünə gözümün qabağında barkod yapışdırıldı, uşağın adı dəftərə yazıldı. Dedilər indi axtarıb taparıq, tapsaq, çıxaracağıq, tapmasaq, gərək yenidən qan versin.
Oğlum da, mən də dilxor olduq. Bu boyda ölkənin Endokrinoloji Mərkəzinin gördüyü işə baxın. Bir yandan da dalağım sancdı. Bəlkə bizimilə oyun oynayırlar? Ancaq səbrimi basıb, işin sonunu gözlədim. Çünki məni təxribata da çəkə bilərdilər. Yəni əsəbləşib, dava salım, bunlar da polis çağırsın. Bunlardan nə desən gözlənir...
Yarım saatdan sonra dedilər ki, qan tapılıb, bir saat gözləyin cavab çıxsın. Bir saatdan sonra dedilər ki, 3 nəticədən biri çıxıb, əgər həkim yekun diaqnozu ona əsasən qoya bilərsə, digər ikisini heç çıxarmayaq. Ancaq həkim bununla razılaşmadı, dedi ki, voenkomat onu qəbul etməyəcək və yenidən göndərəcək. Həkimin (adı Mehriban Aslanova) bu mövqeyi xoşuma gəldi doğrusu. O razılaşsaydı da, mən razılaşmayacaqdım.
Yenə dedilər ki, əgər T1 və T2-ni çıxarmaq üçün plazma az olsa, gərək uşaq yenidən qan versin. Yarım saat gözləyin, məlum olacaq. Yarım saat da gözlədik və bəlli oldu ki, bütün nəticələr çıxıb və qan verməli olmayacağıq. Üstümüzdən dağ götürldü.
Həkim diaqnozu yazıb, imzalayıb verdi. Möhür vurdurub götürdük Bazar ertəsi, inşallah, Suraxanı rayon Səfərbərlik və Hərbi Xidmətə Çağırış idarəsinə verəcəyik.
Ancaq həkimin verdiyi sənəddə müəyyən uyğunsuzluqlar var. Məsələn, xəstənin şikayətləri arasında səhərlər ayaqlarının şişməsi, ürək döyüntüsünün olması qeyd olunmayıb. Halbuki bunları oğlumdan soruşdu və o da təsdiq cavabı verdi. Yəni bu cür şikayətləri olduğunu dedi.
Mehriban Aslanova xanım oğluma 3 dərmandan ibarət resept yazdığı halda, verdiyi çıxarışda onlardan yalnız birinin adını qeyd edib. Bizə "Eutiroks-75" qəbul etməli olduğunu dediyi halda, çıxarışa "Eutiroks-50" yazıb.
İnşallah, bunlar Suraxanı rayon Səfərbərlik və Hərbi Xidmətə Çağırış İdarəsi hərbi-tibbi komissiyasının yekun qərarına təsir etməz. Edərsə, təkrar müayinə tələb edəcək və paralel olaraq özəl tibb müəssisələrindən birində müayinədən keçəcəyik.
Bir skeptik olaraq iki qan analizinin cavablarının vaxtında çıxmamasından ciddi şəkildə şübhələnir, bunu təsadüf saymıram. Həkimin qanın laxtalanmasını toxluqla əlaqələndirməsi də doğru deyilmiş. Bunu bu gün araşdırdım. Məlum oldu ki, zob üçün tox qarına da analiz vermək olar.
Bir sözlə müəmmalı məqamlar çoxdur. Ancaq mənimlə oynamaq lazım deyil. Kim oynayacaqsa, başı ağrıyacaq. Başımı ağrıdanın başını ağrıdacağam.
31 mart, 2023-cü il"
Məsələ ilə bağlı teref.az olaraq bütün aidiyyatı qurum və şəxsləri dinləməyə hazırıq...
Bələdiyyə sədri DİN-ə, DTX-ya və Baş prokurorluğa müraciət etdi...
Bir müddət öncə, Azərbaycanda fəaliyyət göstərən aparıcı internet televiziyalarından olan Bakı TV.az İntetnet Televiziyasında diqqətimi bir xəbər cəlb etdi. Həqiqətən, yazının yükü o qədər ağır idi ki, mən o yazını qələmə almaya bilməzdim.
Mövzu yaranmış sosial problemin, cavabdeh şəxslərə seçicilərinin yazılı müraciəti əsasında qaldırılması və vəzifəli şəxslərin Hüquq Mühafizə Orqanlarının rəhbərləri tərəfindən təzyiqə məruz qalması ilə bağlıdır.
Yazıya giriş olaraq qeyd edə bilərik ki, qoy bilməyənlər də bilsin, biri var TƏYİNAT-lı vəzifə, biri də var SEÇKİ-li vəzifə...
Lap loru dildə izah edək. Bir var kəndin SEÇKİ yolu ilə seçilmiş BƏLƏDİYYƏ SƏDRİ və...həmin kəndin aid olduğu bütün rayonun TƏYİN olunan İCRA BAŞÇISI...
Təsəvvür edirsiniz, KƏND və RAYON...
Amma birinci seçilib, ikinci təyin olunub... Yəni birinci ikincidən üstündür.... Nə isə mövzudan uzaqlaşmayaq...
Təsəvvür edirsiniz, sıradan bir məmur olan QAİ-şnik cəmiyyət tərəfindən SEÇİLMİŞ bələdiyyə sədrinə deyir ki, əlini burub soxaram dalına....
Görəsən, böyük bir kəndin bələdiyyə sədrinin günahı nədir ki, QAİ-şnik ona belə tərbiyəsiz söz deyir... Yol polisinin belə bir ağır söyüş işlətməsi çox ciddi məsələdir...
Bizim bu problemin dərin qatlarına enməyə həvəsimiz və vaxtımız yoxdur...amma ciddi məsələdir...
Birincisi, belə bir ağır söyüşü nəinki seçkili orqanın nümayəndəsi olan Bələdiyyə sədrinə, hətta adi vətəndaşa da qarşı işlətmək olmaz. Gəlin görək, binəva Bələdiyyə sədrinin günahı nədir ki, QAİ-şnik ona deyir ki, əlini burub soxaram....
Deməli, İmişli rayonunun Xoşçobanlı və Murğuzalılı kəndinin 61 sakini Xoşçobanlı Bələdiyyəsinin sədri Vüqar Bağırova müraciət edərək yazıblar: Yazıb sizə məlum edirik ki, Azərbaycan Respublikası Prezidentinin sərəncamına əsasən 2014-2015-ci illərdə istifadəyə verilmiş Otuziki, Xoşçobanlı, Muğuzalılı, Mürsəlli, Qaraqaşlı kəndləri arasından keçən kəndarası yollar əsaslı təmir edilərək vətəndaşların istifadəsinə verilmişdir. Yolumuzun əsaslı təmir olunmasına köməklik göstərdiyinə görə cənab Prezidentimizə öz təşəkkürümüzü bildiririk. Ancaq təəssüflər olsun ki, ağır tonnajlı yük maşınları ( şaqmanlar) əsas magistral yolda qurulan tərəzilərdən gizlənərək yüklərin kəndarası yoldan keçməklə daşıyırlar, bunun nəticəsində kəndarası yollar ağır yüklərə davam gətirməyərək sıradan çıxır və məhv olub gedir.
Xahiş edirik ki, bu məsələ barədə aidiyyəti dövlət qurumlarına məlumat verəsiz və təcili tədbir görəsiz. Sakinlərin müraciətindən sonra bələdiyyə sədri Vüqar Bağırov icra nümayəndəsinin müavini Asif Əlişovla birgə sakinlərin şikayətini İmişli Rayon Yol Polisi İdarəsinin rəisi Eldəniz İmamyarova çatdırmaq üçün 2 dəfə qəbula getsələr də rəis onları qəbul etməyib. Axırda məcbur olub rayon prokurorunun qəbuluna gediblər. Prokurorun köməkçisi Fərzi müəllim Eldəniz İmamyarova zəng edərək vətəndaşları qəbul etməsini bildirib. Nəticədə, Eldəniz İmamyarov Vüqar Bağırovla Asif Əlişovu qəbul edərək onlara “ Niyə yalan danışırsınız, siz nə vaxt qəbula gəlmisiniz” deyərək onlarla çox kobud davranıb. Vüqar Bağırov rəisə bildirib ki, iki dəfə gəldik bizi içəri buraxmadılar. Rəis Eldəniz İmamyarov yenə bələdiyyə sədrini və kənd icra nümayəndəsinin müavini təhqir etməyə başlayıb.
Axırda bələdiyyə sədri seçkili orqanın rəhbəri olduğunu deyərək, əlini uzadaraq “Bura dövlət binasıdır, danışığına fikir ver” deyəndə rəisin gül ağzı açılıb və... Və bələdiyyə sədrinə “Əlini burub dalına soxaram... Gedin hara istəyirsinz şikayət edin..” deyərək bələdiyyə sədri ilə icra nümayəndəsinin müavinini qovub. Bələdiyyə sədri və icra nümayəndəsinin müavini bu rüsvayçılıqdan sonra Daxili İşlər Naziri Vilayət Eyvazova, Baş prokuror Kamran Əliyevə, DTX-nın rəisi Əli Nağıyevə müraciət edərək məsələnin nəzarətə götürülməsini xahiş ediblər. Bələdiyyə sədri Vüqar Bağırov deyir ki, rəisin məni təhqir etməsi bütün rayona yayılıb, mən seçicilərimin üzünə baxa bilmirəm.
Bələdiyyə sədri onu da deyir ki, bir neçə il əvvəl mən rayonda cənab nazir Vilayət Eyvazovun qəbulunda olmuşam, bizmlə elə mədəni, səmimi, mehriban danışdı ki, edəcəyimiz xahişi də unutduq. Mən nazirdən xahiş edirəm ki, belə kadrları başa salsın ki, insanlarla tərbiyəsiz davranmasınlar. Mən seçicilərimizin, kənd sakinlərinin adından haqqımızı tələb edirəm, rəisi isə pul alaraq ağırtonnajlı maşınları yolumuza yönəldir, yollar dağılır. Bəli, Bələdiyyə sədri Vüqar Bağırov və İcra Nümayəndəsinin müavini Asif Əlişov öz doğma kəndlərinə min bir əzab-əziyyət hesabına çəkilən yolların qorunması üçün müraciət ediblər.
Onlar sözün həqiqi mənasında Azərbaycan Respublikasının qanunlarında nəzərdə tutulmuş qaydalara uyğun olaraq, yolun dağılmaması üçün yük avtomobillərinin tərəzidən yayınaraq kənd yolu ilə hərəkət etməsinin qarşısını almaq uğrunda mübarizə aparırlar. Bəs görəsən, ağır tonnajlı yük maşınlarının qaydaları pozaraq, həmin kənd yolundan gizli şəkildə istifadə edərək, yolun dağılması üçün hərəkətlərinin qarşısının alınmamasında mübarizə aparan şəxslər hansı marağı güdür?
Əlbəttə ki, yerli sakinlər özlərinin gələcəyini düşünərək, yolun dağılmamasında maraqlıdırlar. İmişli QAİ-nin rəisi nədə maraqlıdır? Bəs görəsən, baş yoldan oğurlanaraq, gizlin şəkildə kənd yolları ilə ağır tonnajlı maşınlarda kommersiya məqsədi ilə daşınan yüklərin kənd camaatına hansı xeyri dəyə bilər?
Bir məsələni nəzərə çatdıraq ki, maşınların gizlin hərəkətinə şərait yaradan Yol Polisi əməkdaşları qanunla nəzərdə tutulmuş qaydada məsuliyyətə cəlb olunmalıdırlar. İkinci bir tərəfdən yükdaşımalarla bağlı qaydaları pozan sürücülər isə çox yüksək cərimələrə məruz qalmalıdırlar.
Bəli, bu gün xalqın yanında olaraq, onun qaldırdığı məsələnin müdafiə olunması üçün qəbula gedən Bələdiyyə sədrinin qolları burularaq dalına soxulması deyilirsə, deməli İmişlidə problem böyükdür. Belə məsələlərin zamanında araşdırılaraq tədbir görülməsi vacibdir və təxirəsalınmazdır.
Bələdiyyə sədri onu da deyir ki, son günlər akt tərtib edərək bizi tutdurmaq istəyirlər. Görəsən, Bələdiyyə sədri bilmir ki, Azərbaycan hüquqi dövlətdir, onun Konstitusiyası, qanunları, dövlət ərkanı var? Bu haqda növbəti yazımızda.
Biz bir media olaraq ümid edirik ki, dövlət qurumları yaxın zamanda İmişlidən olan Bələdiyyə sədri Vüqar Bağırov və İcra Nümayəndəsi Asif Əlişovun, kənd camaatının onlara ünvanladığı yazılı müraciətlərinə və onlara qarşı edilmiş ədəbsiz hərəkətə görə münasibət bildirəcəklər.
Bir müddət öncə, Azərbaycanda fəaliyyət göstərən aparıcı internet televiziyalarından olan Bakı TV.az İntetnet Televiziyasında diqqətimi bir xəbər cəlb etdi. Həqiqətən, yazının yükü o qədər ağır idi ki, mən o yazını qələmə almaya bilməzdim.
Mövzu yaranmış sosial problemin, cavabdeh şəxslərə seçicilərinin yazılı müraciəti əsasında qaldırılması və vəzifəli şəxslərin Hüquq Mühafizə Orqanlarının rəhbərləri tərəfindən təzyiqə məruz qalması ilə bağlıdır.
Yazıya giriş olaraq qeyd edə bilərik ki, qoy bilməyənlər də bilsin, biri var TƏYİNAT-lı vəzifə, biri də var SEÇKİ-li vəzifə...
Lap loru dildə izah edək. Bir var kəndin SEÇKİ yolu ilə seçilmiş BƏLƏDİYYƏ SƏDRİ və...həmin kəndin aid olduğu bütün rayonun TƏYİN olunan İCRA BAŞÇISI...
Təsəvvür edirsiniz, KƏND və RAYON...
Amma birinci seçilib, ikinci təyin olunub... Yəni birinci ikincidən üstündür.... Nə isə mövzudan uzaqlaşmayaq...
Təsəvvür edirsiniz, sıradan bir məmur olan QAİ-şnik cəmiyyət tərəfindən SEÇİLMİŞ bələdiyyə sədrinə deyir ki, əlini burub soxaram dalına....
Görəsən, böyük bir kəndin bələdiyyə sədrinin günahı nədir ki, QAİ-şnik ona belə tərbiyəsiz söz deyir... Yol polisinin belə bir ağır söyüş işlətməsi çox ciddi məsələdir...
Bizim bu problemin dərin qatlarına enməyə həvəsimiz və vaxtımız yoxdur...amma ciddi məsələdir...
Birincisi, belə bir ağır söyüşü nəinki seçkili orqanın nümayəndəsi olan Bələdiyyə sədrinə, hətta adi vətəndaşa da qarşı işlətmək olmaz. Gəlin görək, binəva Bələdiyyə sədrinin günahı nədir ki, QAİ-şnik ona deyir ki, əlini burub soxaram....
Deməli, İmişli rayonunun Xoşçobanlı və Murğuzalılı kəndinin 61 sakini Xoşçobanlı Bələdiyyəsinin sədri Vüqar Bağırova müraciət edərək yazıblar: Yazıb sizə məlum edirik ki, Azərbaycan Respublikası Prezidentinin sərəncamına əsasən 2014-2015-ci illərdə istifadəyə verilmiş Otuziki, Xoşçobanlı, Muğuzalılı, Mürsəlli, Qaraqaşlı kəndləri arasından keçən kəndarası yollar əsaslı təmir edilərək vətəndaşların istifadəsinə verilmişdir. Yolumuzun əsaslı təmir olunmasına köməklik göstərdiyinə görə cənab Prezidentimizə öz təşəkkürümüzü bildiririk. Ancaq təəssüflər olsun ki, ağır tonnajlı yük maşınları ( şaqmanlar) əsas magistral yolda qurulan tərəzilərdən gizlənərək yüklərin kəndarası yoldan keçməklə daşıyırlar, bunun nəticəsində kəndarası yollar ağır yüklərə davam gətirməyərək sıradan çıxır və məhv olub gedir.
Xahiş edirik ki, bu məsələ barədə aidiyyəti dövlət qurumlarına məlumat verəsiz və təcili tədbir görəsiz. Sakinlərin müraciətindən sonra bələdiyyə sədri Vüqar Bağırov icra nümayəndəsinin müavini Asif Əlişovla birgə sakinlərin şikayətini İmişli Rayon Yol Polisi İdarəsinin rəisi Eldəniz İmamyarova çatdırmaq üçün 2 dəfə qəbula getsələr də rəis onları qəbul etməyib. Axırda məcbur olub rayon prokurorunun qəbuluna gediblər. Prokurorun köməkçisi Fərzi müəllim Eldəniz İmamyarova zəng edərək vətəndaşları qəbul etməsini bildirib. Nəticədə, Eldəniz İmamyarov Vüqar Bağırovla Asif Əlişovu qəbul edərək onlara “ Niyə yalan danışırsınız, siz nə vaxt qəbula gəlmisiniz” deyərək onlarla çox kobud davranıb. Vüqar Bağırov rəisə bildirib ki, iki dəfə gəldik bizi içəri buraxmadılar. Rəis Eldəniz İmamyarov yenə bələdiyyə sədrini və kənd icra nümayəndəsinin müavini təhqir etməyə başlayıb.
Axırda bələdiyyə sədri seçkili orqanın rəhbəri olduğunu deyərək, əlini uzadaraq “Bura dövlət binasıdır, danışığına fikir ver” deyəndə rəisin gül ağzı açılıb və... Və bələdiyyə sədrinə “Əlini burub dalına soxaram... Gedin hara istəyirsinz şikayət edin..” deyərək bələdiyyə sədri ilə icra nümayəndəsinin müavinini qovub. Bələdiyyə sədri və icra nümayəndəsinin müavini bu rüsvayçılıqdan sonra Daxili İşlər Naziri Vilayət Eyvazova, Baş prokuror Kamran Əliyevə, DTX-nın rəisi Əli Nağıyevə müraciət edərək məsələnin nəzarətə götürülməsini xahiş ediblər. Bələdiyyə sədri Vüqar Bağırov deyir ki, rəisin məni təhqir etməsi bütün rayona yayılıb, mən seçicilərimin üzünə baxa bilmirəm.
Bələdiyyə sədri onu da deyir ki, bir neçə il əvvəl mən rayonda cənab nazir Vilayət Eyvazovun qəbulunda olmuşam, bizmlə elə mədəni, səmimi, mehriban danışdı ki, edəcəyimiz xahişi də unutduq. Mən nazirdən xahiş edirəm ki, belə kadrları başa salsın ki, insanlarla tərbiyəsiz davranmasınlar. Mən seçicilərimizin, kənd sakinlərinin adından haqqımızı tələb edirəm, rəisi isə pul alaraq ağırtonnajlı maşınları yolumuza yönəldir, yollar dağılır. Bəli, Bələdiyyə sədri Vüqar Bağırov və İcra Nümayəndəsinin müavini Asif Əlişov öz doğma kəndlərinə min bir əzab-əziyyət hesabına çəkilən yolların qorunması üçün müraciət ediblər.
Onlar sözün həqiqi mənasında Azərbaycan Respublikasının qanunlarında nəzərdə tutulmuş qaydalara uyğun olaraq, yolun dağılmaması üçün yük avtomobillərinin tərəzidən yayınaraq kənd yolu ilə hərəkət etməsinin qarşısını almaq uğrunda mübarizə aparırlar. Bəs görəsən, ağır tonnajlı yük maşınlarının qaydaları pozaraq, həmin kənd yolundan gizli şəkildə istifadə edərək, yolun dağılması üçün hərəkətlərinin qarşısının alınmamasında mübarizə aparan şəxslər hansı marağı güdür?
Əlbəttə ki, yerli sakinlər özlərinin gələcəyini düşünərək, yolun dağılmamasında maraqlıdırlar. İmişli QAİ-nin rəisi nədə maraqlıdır? Bəs görəsən, baş yoldan oğurlanaraq, gizlin şəkildə kənd yolları ilə ağır tonnajlı maşınlarda kommersiya məqsədi ilə daşınan yüklərin kənd camaatına hansı xeyri dəyə bilər?
Bir məsələni nəzərə çatdıraq ki, maşınların gizlin hərəkətinə şərait yaradan Yol Polisi əməkdaşları qanunla nəzərdə tutulmuş qaydada məsuliyyətə cəlb olunmalıdırlar. İkinci bir tərəfdən yükdaşımalarla bağlı qaydaları pozan sürücülər isə çox yüksək cərimələrə məruz qalmalıdırlar.
Bəli, bu gün xalqın yanında olaraq, onun qaldırdığı məsələnin müdafiə olunması üçün qəbula gedən Bələdiyyə sədrinin qolları burularaq dalına soxulması deyilirsə, deməli İmişlidə problem böyükdür. Belə məsələlərin zamanında araşdırılaraq tədbir görülməsi vacibdir və təxirəsalınmazdır.
Bələdiyyə sədri onu da deyir ki, son günlər akt tərtib edərək bizi tutdurmaq istəyirlər. Görəsən, Bələdiyyə sədri bilmir ki, Azərbaycan hüquqi dövlətdir, onun Konstitusiyası, qanunları, dövlət ərkanı var? Bu haqda növbəti yazımızda.
Biz bir media olaraq ümid edirik ki, dövlət qurumları yaxın zamanda İmişlidən olan Bələdiyyə sədri Vüqar Bağırov və İcra Nümayəndəsi Asif Əlişovun, kənd camaatının onlara ünvanladığı yazılı müraciətlərinə və onlara qarşı edilmiş ədəbsiz hərəkətə görə münasibət bildirəcəklər.
Məlumdur ki, 70 il yaşadığımız sovet dövlətində özəl mülkiyyət yox idi, bütün mülkiyyət dövlətə məxsus idi. Ona görə də müstəqillik əldə edən yeni dövlətlər, o cümlədən Azərbaycan Respublikası bazar iqtisadiyyatı, özəlləşdirmə yolunu tutdu. Yəni dövlətə məxsus əmlak ayrı-ayrı vətəndaşlara satılmağa başlandı. Məhz bu mürəkkəb və strateji məsələ, yəni özəlləşdirmə ilə bağlı Ulu Öndər Heydər Əliyevin 1995-ci ildə özəlləşdirməyə həsr olunmuş məşhur müşavirədəki çıxışı sözün həqiqi mənasında dəqiq kurs idi. Heydər Əliyev özəlləşdirmə ilə bağlı konkret prinsiplər ortaya qoymuşdu.
Birincisi, bəzi sahələr mütləq dövlətin nəzarətində qalmalıdır.
İkincisi, özəllşdirmədə hər bir vətəndaşın payı olmalıdır.
Üçüncüsü, özəlləşdirilən obyekt ilk növbədə kollektivin üzvlərinə təklif olunmalıdır, yəni səhmdar cəmiyyət…
Dördüncüsü, özəlləşdirilən obyektin profili dəyişdirilməməlidir.
Sözün düzü, Ulu Öndərin özəlləşdirmə məsələsi ilə bağlı qiymətli fikirlərinin hamısını bu yazıda vermək mümkün deyil. Amma fikir verdinizmi, özəlləşdirilən obyektin profili dəyişməməlidir. Heydər Əliyev 1995-ci ildəki müşavirədə qeyd edir ki, bəzi məmurlar özəlləşdirməyə mane olurlar. Bəli, sonrakı on illərdə özəlləşdirmə prosesində kimlərsə kitabxananı özəlləşdirib kababxanaya çevirdi, yaxud kimlərsə mədəniyyət və təbliğat sahəsinə aid olan kinoteatrı özəlləşdirib özü üçün ofis elədi, nə bilim yerində bina tikdi. Bax, hələ az qala 30 il əvvəl Ulu Öndər bu neqativləri gördüyü üçün xəbərdarlıq edirdi.
Sözün qısası, indi haqqında bəhs edəcəyimiz RİCH MTK da belə şirkətlərdən biridir.
Konkret olaraq onu qeyd edək ki, RİCH MTK-nın sahibi olan Azər adlı şəxs şəhərimizin gözəl mədəniyyət obyektlərindən biri olan məşhur “Sevil” kinoteatrını ələ keçirib. İndi artıq burada nə kino, nə mədəniyyət tədbiri, heç nə qalmayıb.
Məlumat üçün onu qeyd edək ki, RİCH MTK Yasamal rayonu ərazisində, Nazim Hikmət küçəsində, Musabəyov parkı ilə üz-üzə, Yasamalın ən hündür yerlərindən birində, hündür mərtəbəli binalar inşa edib satır.
RİCH MTK-nın reklamından bəlli olur ki, yaşayış kompleksinin şəhərin nisbətən yüksək hissəsində yerləşməsi bu ərazidə havanın daha təmiz olmasını və mənzillərdən şəhərə və dənizə daha gözəl mənzərənin açılmasını təmin edir. Kompleksdə ən son dünya standartlarına uyğun "Fitness və SPA" mərkəzi, müasir kafe və restoranlar, övladlarınızın təhlükəsizliyini tam təmin edə biləcək uşaq bağçası və idman meydançası nəzərdə tutulub.
Görəsən, şirkətin sahibi Azər müəllimdən soruşan yoxdurmu ki, kinoteatrı zəbt eləmək nə vaxtdan müasir dünya standartı hesab olunur..?
Kinoteatrı zəbt eləmək müasir dünya standartı deyil, cənab Azər müəllim, konkret cinayət əməlidir. Həm də şirkətinə RİCH (ingiliscə VARLI, ZƏNGİN mənasında ) adını götürən cənab Azər görünür özünü hamıdan varlı və…toxunulmaz hesab edir….
Cənab Azər müəllim bilməlidir ki, etdiyi qanunsuz əməllərə görə, gec-tez qanun qarşısında cavab verməlidir. Sevil kinoteatrının bərpasını isə yəqin ki, zaman özü yoluna qoyacaq. //gundelik-baku.com//