Tovuz rayonu,Vahidli kənd sakini Şəhid və Qarabağ veteranı anası Həsənova Ceyran Məhəmməd qızı Azərbaycan Respublikasının prezidenti İlham Əliyev cənablarına,media orqanlarının rəhbərlərinə müraciət edib.
Şəhid və Qarabağ veteranı anası tərəfindən Faktinfo.az saytının elektron poçtuna göndərilən müraciətdə deyilir:

Cənab prezident!

Hörmətli Media orqanlarının rərbərləri!

Yazıb bildirirəm ki,Kənd Təsərrüfatı nazirliyi Nazirlər Kbinetinin 1994-cü il,15 yanvar tarixli,10 saylı qərarını tam əsassız sayır,şəhid və Qarabağ veteranı ailəsinin haqqını tapdalayır. Belə ki, öz təhsil, təcrübə və biliyi ilə seçilən alim-aqronom olan oğlum Həsənov Naməddin Tofiq oğlunu İnam Kərimovun rüşvətxor bandası qəsdən işdən azad etdirib,özləri də hazırda meydan sulayırlar.

Qeyd edim ki,ailə tərkibimiz altı nəfərdən ibarət olmaqla,ailədə uç azyaşlı uşaq və xəstə,daimi müalicəyə ehtiyacı olan şəhid və veteran anası var. Artıq kommunal xərcləri ödəyə bilmirik,çünki ailədə işləyən tək oğlum idi,onu da 18 aydır qanunsuz olaraq işdən azad ediblər.Dəfələrlə ölkə vətəndaşlığından imtina etmişik. Qanunsuzluqların və özbaşınalıqların tuğyan etdiyi Kənd Təsərrüfatı nazirliyində bizi eşidən yoxdur. Bu nazirlik nəinki vətəndaşın tələbini,hətta prezidentin və Baş nazirin qərarlarını belə əhəmiyyətsiz hesab edir.

Onu da vurğulamaq yerinə düşər ki,Kənd Təsərrüfatı nazirliyi yanında Aqrar Xidmətlər Agentliyinin, Laboratoriya,Ekspertiza və Sertifikatlaşdırma Mərkəzinin direktoru,ixtisasca neftçi olan Rəşad Vahabzadə sabiq millət vəkili Cümşüd Nuriyevin də dediyi kimi milyardlarla dövlət vəsaitini mənimsəyib.Belə ki, Dövlət Sort Sınaq Məntəqələrinə ayrılmış subsidiyalar və ümumiyyətlə bu sahələrə ayrılan cəmi vəsaitlər Rəşad Vahabzadənin Bakı şəhəri,Nərimanov rayonu, Nəcəf Nərimanov küçəsi 7A ünvanında,asfaltın üstündə yerləşən saxta fermer kartına köçürülmüş və mənimsənilmişdir. Bu saxtakarlığı isə hələ də araşdıran tapılmır. Hər şey saxta olaraq kağız və asfaltın üzərindədir.

Bundan əlavə Lənkəran DSSM-dən feyxoa məhsulu, Zaqatala DSSM-dən qoz,fındıq məhsulu, Kürdəmir DSSM-dən buğda məhsulu, Ağdam DSSM-dən isə 70 ton buğda məhsulu Kamaz maşınlara yüklənərək Rəşad Vahabzadənin istədiyi yerə aparılmışdır. Oradan isə satılaraq həmin məhsulların pulu Rəşad Vahabzadə tərəfindən "udulmuşdur".

İndi isə Rəşad Vahabzadə həmin Dövlət Sort Sınaq Məntəqələrinin işçilərini məcbur edir ki, məhsulun olmaması barədə saxta akt tərtib edərək yeyintini gizlətsinlər.Hamıya isə yaxşı məlumdur ki, Dövlət Sort Sınaq Məntəqələri Kənd Təsərrüfatında mühüm əhəmiyyət kəsb edən bir sahə olduğuna görə həmin Məntəqələrə Respublikanın ən keyfiyyətli torpaqları ayrılmışdır və orada məhsulun olmaması qeyri-mümkündür.

Onu da bildirim ki, Rəşad Vahabzadə respublika üzrə torpaq və toxum analizləri üçün ödənilmiş bütün vəsaitləri də mənimsəmişdir.Analiz pullarından əvvəl isə analizlər üçün reaktivlər və kimyəvi maddələr alınarkən özünə yaxın olan MMC-lərlə işbirliyi quraraq külli miqdarda dövlət vəsaitini də mənimsəmişdir.

Toxum və torpaq analizləri üçün respublika üzrə vətəndaşlardan ödənilmiş pullar milyonlarla manat təşkil edir. Yenə də kənd təsərrüfatından anlayışı olmayan Rəşad Vahabzadə yeni bir kəşfə əl atıb və külli miqdarda dövlət vəsaitini talayıb.Belə ki, dünyanın heç bir yerində səpindən sonra torpaq analizi aparılmadığı halda Rəşad Vahabzadə taxılın kollanma, boru və hətta sünbül fazasında torpaq analizləri apartdırmışdır.Həmçinin,Rəşad Vahabzadə respublika üzrə tabeçiliyində olan bütün təşkilatların dəftərxana xərclərini, maşın və texnikalara ayrılan təmir pullarını da özü basıb yeyib,heç bir təşkilata nə bir vərəq kağız, nə ehtiyat hissəsi, nə də bir manat da olsa pul verilməyib.

HÖRMƏTLİ CƏNAB PREZİDENT!

Ona görə Sizdən xahiş edirəm ki, mənim Sizə etdiyim 1000-dən artıq şikayətimi şəxsi nəzarətinizə götürərək, milyonlarla dövlət vəsaitini mənimsəyən Rəşad Vahabzadə haqqında ciddi tədbir görülməsini təmin etdirəsiniz.Çünki bunu bizdən hüquqi dövlətimiz, onun ali qanunları və Sizin bu sahədə apardığınız uğurlu siyasət tələb edir.



FAKTİNFO.AZ

"MÜSİBƏT OLURUQ BİZ, SƏHV DÜŞƏNDƏ YERİMİZ" ( Şair QABİL)

"Yol - iqtisadiyyat, mədəniyyət, bir sözlə - həyat deməkdir."
Heydər Əliyev

Respublika Prezidenti 2003-cü ildə Azərbaycan rəhbərliyinə gəldiyi ilk günlərdən xalqımızın firavan yaşayışının, rahatlığının təmin edilməsinə, respublikamızın bütün şəhərlərinin və kənd rayonlarının müasirləşdirilməsinə, yenilənməsinə, magistral, kəndlərarası və kənddaxili yolların abadlaşdırılmasına daim böyük diqqət yetirmişdir. Bu istiqamətdə dövlət başçısının son illərdə gördüyü ölkə miqyaslı tədbirlər şəhər və rayonlarımızın sosial-iqtisadi inkişafında mühüm rol oynamışdır.

Ölkənin bütün regionlarında respublikanın yol infrastrukturu tamaimlə yeni, göz oxşayan görkəm almışdır. Quba, Qusar, Xaçmazda da belədir, Lənkəran, Astara, Masallıda da, Qax, Zaqatala, Balakəndə də. Respublikanın həmin və digər rayonlarındakı kəndlərarası və kənddaxili yollar adamın ruhunu oxşayır, qəlbə rahatlıq, zövq verir, xoş əhval duyursan. Ancaq Şəkinin yolları barədə (şəhərin özünə aparan magistral yoldan başqa) bunu demək mümkün deyil. Şəkinin özündə də, kəndlərarası və kəndlərdaxili yollar da çox az istisnalarla qətiyyən xoşagələn deyildir, narahatlıq, ikrah doğurur. Xüsusilə də Baş Layısqı, Baş Göynük, Sarıca, Qayabaşı, Qaratorpaq və Bolludərə kəndlərində.

Bəli, burda kəndarası yollar uzun illərdir ki, tamamilə bərbad gündədir. Yayda kənd içindən keçən maşınların tozanağı, yaz-payız, qış aylarında isə qar-yağışın əmələ gətirdiyi keçilməz gölməçələr kənd camaatının uzun illərdir ki üz-üzə qaldığı, həll olunmayan problemlərindəndir. Bu barədə dəfələrlə yazılı və şifahi şəkildə yerli və aidiyyatı üzrə “Azəravtoyol” rəhbərliyinə müraciətlər edilsə də, hələlik heç bir nəticəsi olmayıb. Hələ əksinə, olan yollar və körpülər demək olar ki, tamamilə dağılmaq təhlükəsilə üz üzədir.

Son vaxtlar bir-neçə foto-fraqmentdə Şəkinin özünün şəhərarası bəzi yollarının da yamaq-salxaq, çala-çuxur olduğunu gördükdə bir daha inanmalı olursan ki, “Azəravtoyol”, indiki Azərbaycan Avtomobil Yolları DA-nin rəhbərliyi üçün qədim tarixə malik, Azərbaycanın tarixi mədədniyyətini az çox özündə bu günümüzədək saxlayan, turizmin əsas marşrut xəttinin üstündə yerləşən Şəki şəhəri yol infrastrukturu məsələləri onun "siyahısında" ya heç yoxdur, ya da ki ən son plandadır.

Doğrudur, Şəki rayonunun yolarının bərbad olması barədə hələ 7-8 il əvvəl də dövri mətbuatda yazılırdı: "Bu gün Şəkinin yollarından danışmağa da dəyməz. Şəhərin bütün yollarının asfaltı yamaq-yamaqdır... Şəki şəhərini ətraf kəndlərlə birləşdirən yollar bərbad vəziyyətdədir. Əhali həmin yollardan istifadə edə bilmir. Hətta bəzi kəndlərə avtobuslar da işləmir. 20-30 il bundan əvvəl çəkilmiş yolların bərpası və təmiri istiqamətində heç bir iş görülmür".

Bəli, iradlar haqlıdır. Bəs görəsən tarixi Şəkinin digər rayonlardan fərqli olaraq yollarının, körpülərinin get gedə yaxşılaşmaq əvəzinə, sürətlə yararsız vəziyyətə düşməsinin səbəbi nədir?
Bu suala cavab vermək üçün AAYDA ASC-nin tərkibində fəaliyyət göstərən 12 saylı “Şəki Yol İstismar İdarəsi” Məhdud Məsuliyyətli Cəmiyyətə 1 ildir ki, rəhbər təyin edilən tarix müəllimi cənab Rəhman Qədirzadənin fəaliyyətinə qısa nəzər salamq yetərlidir. Belə ki, vaxtilə test üsuli ilə cəmi 378 bal toplamağa intellectual potensiala sahib olan R.Qədirzadənin arzusu Bakı Dövlət Universitetinin hüquq fakultəsində təhsil almaq arzusu olsa da, göstərdiyi zəif nəticəyə əsasən o BDU-nin Şəki filialında tarix ixtisası üzrə diplom almağa məcbur olur. 2022-ci ildədk karyerasında elə də yüksəliş əldə edə bilməyən Rəhman müəllim sonda sinif yoldaşı olmuş və 2021-ci ildən Nəqliyyat və Yüksək Texnologiyalar nazirinin müavini təyin edilən Dursunun oğlu Rəhmanın AAYDA –nin İdarə heyətinin sədri cənab Saleh Məmmədova birbaşa göstərişi nəticəsində R.Qədirzadə 12 saylı “Şəki Yol İstismar” MMC_yə müdir təyin edilmişdir. Və təbii ki, cənab S.Məmmədov da birbaşa nəqliyyat sahəsinə kurasiyalıq edən nazir müavinin göstərişini müzakirə belə etmədən əmrlə həyata keçirmişdir. Budur, 12 saylı Yolİstismar İdarəsi MMC-dən verilən məlumatlarda bildirilir ki, yeni müdir idarədə uzun müddət canını qoymuş bir çox peşəkar kadrları işdən kənarlaşdıraraq yerlərinə özü kimi müəllim, həkim ixtisaslı dost tanışlarını təyin etməklə məşğuldur. Baxın, sualın cavabını artıq tapmaq üzrəyik. Bir halda ki, 12 saylı Yol İstismar İdarəsinə yol infrastrukturundan heç bir elementar anlayışı belə olmayan tarix müəllimi və komandasında da özü kimi müəllimlər və həkimlər təmsil olunursa yerli əhali bunlardan nəsə umması bizcə heç doğru olmazdı.

Son bir aydır ki, Azərbaycanda dağıdıcılıq gücünə görə 3-cü dağ çayı hesab edilən “Şin çayı” üzərində Baş Göynük –aşağı Göynük kəndinin birləşdirən 144 m uzunluqlu körpünün tam yararsız hala düşməsi barədə yerli əhalinin və rəhbərliyin çoxsaylı müraciətlərinə baxmayaraq cənab R. Qədirzadə nəhayət 1 həftə öncə eni və uzunluğu 120x120 olan bir dəmir təbəqə taparaq texniki işçilərinə tapşırmışdır ki, gedin körpünün deşilmiş yerinə qaynaqla yamaq vurun. Texniki işçilər də əmri icra etmişlər. Amma nə fayda. 17 m hündürlükdə olan körpünün üzərindən minik avtomobili keçdikdə belə, güclü silkələnmə baş verir, sanki körpü anındaca uçacaqmış. Bəli, 143 nəfərdən ibarət yerli sakinlərin 2019-cu ilin iylun 9-da aidiyyatı üzrə yuxarı orqanlara körpünün təcili olaraq əsalı təmir edilməsi barədə yazılı müraciətləri.

Nə yazıq ki, indiyədək qulaqardına vurulur. Sual oluna bilər – bəlkə dövlətin cəmi 19 il istimar edilmiş birtərəfli körpünün təmiri üçün vəsaiti yoxdur. Var. Özü də kifayət qədər. Statistik göstərici də qeyd edilir ki, hər il üçün dövlət büdcəsində avtomobil yolları və körpülərinin saxlanması ( təmiri) üçün nə az, nə çox , düz 300 milyon manat vəsait ayrılır. Yəni, təxminən AAYDA-nın balansında olan “Şin çay” üzərindəki körpünün əsaslı təmiri üçün 30000 manat ayrılsa kifayət edər. Niyə o zaman, cənab tarix müəllimi R.Qədirzadə AAYDA rəhbərliyi qarşısında vəsatət qaldırmır ki, təcili tədbirlər görülməzsə faciə baş verə bilər. Lakin verilən məlumatlardan aydın olur ki, 12 saylı Yİİ- mmc-nin tarix müəllimi olan müdiri iş görmək əvəzinə Şəkidə yolların tarixini araşdırmaqla məşğuldur. Məsələn, “Xan sarayına” yollar nə vaxt çəkilib? Və s. Axı indi yolların tarixindən kitab yazmaq yox, onları abaşdlaşdırmaq lazımdır ki, insanlar əziyyət çəkməsin. Bu arada AAYDA rəhbərini də qınamağın yeri yoxdur. Əgər Nəqliyyat nazirinin müavini Dürsunun oğlu Rəhman göstəriş veribsə ki, tarix müəllimi yol idarəsinə müdir təyin edilməlidir. Deməli edilməlidir. Saleh müəllim nə çarədir ki, əmrə tabe olmasın. Nəticədə əzab əziyyət çəkənlər isə sadə insanlarımızdır.
İfadetv.com-un araşdırma qrupu

Yelo Bank aşağı vəzifəli işçilərin bayrampayını rəhbərlikdə yer alan şəxslərə və mediaya bəxşiş göndərir. Bunu adlarının çəkilməsini istəməyən bir neçə bank əməkdaşları sarkazm.az-ın elektron poçtuna göndərdiyi şikayət məktubunda bildiriblər.
Onların sözlərinə görə, bank öz mənfəəti üçün iqtisadi oyunlara başlayıb.
“Bankda mühafizə, xadimə, sürücü kimi işləyənlərin maaşı 550-700 manat arasıdır. Hazırkı iqtisadi durumu nəzərə alaraq bu maaşla Bakıda yaşamaq çox çətindir. Bundan ziyadə, inzibati işçilərin əksəriyyəti kirayə yaşayır. Əksər işçiləri isə, bank onlara kredit ayırmaqla borclandırıb. Bütün bunlara rəğmən Yelo Bank sözgedən işçilərə bayrampayı ayırmır. Bank rəhbərliyi əsaslandırır ki, siz heç bir qazanc gətirməyən işçilərsiniz.” – deyə bank əməkdaşları bildirir.

Onlar həmçinin bildirir ki, bizə ayrılmayan pay hesabına bank şikayətçilərin səsini boğur.
“Bizlərə qazanc gətirməyən işçi deyərək bayrampayı ayırmayan bank rəhbərliyi həmin pulları rəhbərlikdə yer alanlara və mediaya ayırır. Bankın rəhbər heyətinin üzvləri bayramla əlaqədar 5000-10000 manat əlavələr alırlar. Bunu onların bankdakı xidmətlərinə bağlayırlar. Digər bir tərəfdən isə bayramlarda bir çox media qurumlarına bəxşişlər göndərilir. Təbii ki, bu bəxşişlər məqsədli şəkildə göndərilir. Bankla aralarında problem olan və bank tərəfindən haqsızlığa uğramış müştərilər əsl həqiqəti ictimaiyyətə və dövlət qurumlarına çatdırmaq üçün mediaya üz tuturlar. Bu zaman bir çox media qurumları bank tərəfindən göndərilən bəxşişə görə şikayətçinin problemini ictimailəşdirməkdən boyun qaçırırlar.” – deyə bank işçiləri qeyd edirlər.

Qeyd edək ki, Yelo Bank Rusiyada yaşayan azərbaycanlı milyarder Vahid Ələkbərova məxsusdur. Həmin bank əvvəllər “Nikoil Bank” adı altında fəaliyyət göstərib. Bu ad altında uğur qazana bilməyən və nüfuzdan düşən bank rebrending edərək “Yelo Bank” adı altında fəaliyyətə başladı.

Qarşı tərəfin söz haqqını tanıyaraq fikirlərini dərc etməyə hazırıq.

Redaksiyamıza Səfərbərlik və Hərbi Xidmətə Çağırış üzrə Dövlət Xidmətinin Göyçay rayon şöbəsinin Səbuhi və Seymur adlı əməkdaşlarından şikayət daxil olub. Rayonun Kürkənd kənd sakini Əhmədova Esmira Məhəmməd qızı bildirir ki, çağırış yaşlı oğlu Rəhimov Nicat Rəfi oğlunun uşaq yaşlarından psixi pozuntusu var. Adı Göyçay Rayon Mərkəzi Xəstəxanasında qeydiyyatda olub, müalicələr alıb, “qırmızı reseptlə” ağır psixotrop, sakitləşdirici dərmanlar qəbul edib. Nicatı hərbi komissarlığa çağıranda vaxtilə ona yazılmış həkim göstərişlərini, reseptləri təqdim edib. Bundan sonra çağırışçıya Bakı şəhərindəki 1 saylı Psixiatriya Xəstəxanasına müayinə üçün göndəriş verilib.

Ananın sözlərinə görə, Nicat Rəhimov müayinə ediləndən sonra qoyulan diaqnoza görə o, hərbi xidmətə yararsız hesab edilib. Buna baxmayaraq, SHXÇDX-nin rayon şöbəsinin əməkdaşları Səbuhi və Seymur valideyndən 2500 manat rüşvət istəyiblər. E.Əhmədova oğlunun gerçəkdən xəstə olduğunu xatırlatmaqla, o qədər pulu verməyə imkanı olmadığını bildirib. Bundan sonra onlar tələblərini 1500 manata qədər azaldıblar. Esmira xanımın sözlərinə görə, çox get-gəldə qalmaqdan bezərək onların rüşvət tələbini yerinə yetirməyə qərar verib ki, süründürməçilikdən canı qurtulsun. Bildirir ki, 1200 manat pulu şəxsən özü rayon şöbəsində Səbuhiyə, 300 manatı isə etibarnamə verdiyi vəkil Nurəddin vasitəsilə Seymura çatdırıb. Ona söz veriblər ki, fevralın 15-dən sonra Nicatın hərbi xidmətə yararsızlığının təsdiq olunduğu hərbi biletini verəcəklər. Lakin sonra SHXÇDX-nin rayon şöbəsinin əməkdaşları Nicat Rəhimovu yenidən müayinə üçün Bakıya aparıblar. Bu isə onun anasının təəccübünə səbəb olub.



E.Əhmədova məsələni aydınlaşdırmaq üçün şöbəyə üz tutub. Rəis Pərviz Feyzullayevin kabinetində o, Səbuhi və Seymur üzləşdirilib. Təbii ki, işbazlar çağırışçının valideynindən pul aldığlarını boyunlarına almayıblar. Bu hal Esmira xanımı çox hiddətləndirib və o, məsələni KİV-də ictimailəşdirmək qərarına gəlib. Şikayətçi həmçinin qeyd edib ki, Səbuhi-Seymur cütlüyü ondan başqa da bir çox vətəndaşları hərbi xidmətdən yayındıracaqlarını vəd edərək pullar alıblar.

Gələn sayımızda bu qruplaşmanın «xaladelnik» ustasının nəvəsindən aldığı 9000 manat, «Çaxırsatan Mübariz»dən aldığı 6500 manat barədə geniş məqalə dərc edəcəyik.

Qarşı tərəfin də mövqeyini dinləməyə hazırıq.

Deryaz.az

“Azəriqaz” İstehsalat Birliyinin Ağsu Regional Qaz İstismarı İdarəsinin Ucar Xidmət Sahəsi rəhbərliyinin özbaşınalığından DİA.AZ olaraq dəfələrlə yazmışıq. Amma görünəni odur ki, "Azəriqaz" rəhbərliyinin bu barədə susqunluğunu açıq HİMAYƏ kimi qəbul edən yerdəki məmurlar özlərini göydəki Allah bilib özbaşınalıqlarını daha da irəli aparıblıar. Bu da nəticəsi. Vəziyyət o həddədir ki, bu dəfə sözügedən idarədən sıravi vətəndaşlar, "Azəriqaz" abonetləri yox, elə həmin idarənin öz çalışanları giley edir.

“Azəriqaz” İstehsalat Birliyinin Ağsu Regional Qaz İstismarı İdarəsinin Ucar Xidmət Sahəsi nin işçisi Məmmədov İlkin Vidadi oğlu bildirir ki, həmin idarənin Baş mühəndisi Zaur Məmmədov onu və ailə üzvlərini açıq şəkild təhqir edib və bununla yetinməyərək, təhqir etdiyi işçinin qovulmasına da nail olub.

DİA.AZ bildirir ki, bununla əlaqədar sözügedən idarənin əməkdaşları etiraza qalxaraq bu haqsızlığın durdurulması üçün "Azəriqaz" rəhbərliyi qarşısında tələblərini irəli sürüblər və işi dayandırdıqlarını bəyan ediblər.

Daha ətraflı aşağıdakı videoda:

https://www.facebook.com/ilkin.memmedov.1401/videos/616142769858827

Məsələ diqqətimizdədir. Bütün əlaqədar qurum vəşəxsləri dinləməyə hazırıq...

Göyçay rayon 106 Peşə Liseyinin yataqxanasında məskunlaşan bir qrup şəxs video müraciət edərək məhz ölkə başçısı cənab İlham Əliyevdən kömək istəyirlər.

Onların bildirdiyinə görə, dəfələrlə rayonda fəaliyyət göstərən aidiyyəti qurumlara öz etirazlarını bildirsələr də, problemləri həll olunmur ki, olunmur. "Azərsu" ASC Göyçay Su Kanal İdarəsi (Kazım adlı cavabdeh) vətəndaşlara büdcədə vəsait olmadığını, ona görə də köməklik göstərə bilməyəcəklərini deyirlər. Üstəlik bina Elm və Təhsil Nazirliyinin balansında olduğu üçün, nazirliyə müraciət etmək lazım olduğunu tövsiyə edirlər. Həmçinin, Göyçay "Şəhər Təsərrüfatı Birliyi"nin Mənzil Sahəsi də qəzalı durumda olan yataqxana qətiyyən təmir işləri aparmaq istəmir. Halbuki binanın kanalizasiya sistemi yararsız vəziyyətdədir. Bir sözlə, məsuliyyətdən yayınmaq məqsədilə hər bir idarə cavabdehliyi digər qurumun üzərinə atmaqdadır.

Eyni zamanda sakinlər deyir ki, onlar Göyçay Rayon İcra Hakimiyyəti başçısı Natiq Ağayevin də qəbulunda olublar. İcra başçısı problemin həlli istiqamətində öz tapşırığını versə də, Göyçay Su Kanal İdarəsi yataqxana sakinlərinə nə su verir, nə də ki, binanın divarlarını rütubətli və nəmişlik içərisində saxlayan dərilmiş kanalizasiya borularının təmir olunmasına köməklik göstərirlər...

Daha ətraflı videoda:

Teref.az

Qazax rayon şəhid Famil Əhmədov adını daşıyan küçənin sakinləri tərəfindən 32gun.az-a şikayət daxil olub.

Sakinlərin şikayətində qeyd edilib ki, 3 il bundan öncə küçəyə su təchizatı və kanalizasiya sistemləri qoşularakən qazıntı işləri aparılıb.

Küçəyə borular döşəndikdən sonra qazılmış yerlər doldurulub və sadədəcə çınqıl, qırmadaş ilə möhkəmləndirilib. Ancaq nədənsə Qazax Rayon İcra Hakimiyyəti asfaltlama işlərini 3 ildir yubadir. Hazırda küçənin asfalt örtüyü bərbəd haldadır.

Sakinlər icra Hakimiyyətinə hər müraciət etdikdə isə plan əsasında işlərin getdiyi yaxın zamanda həmin küçəyə də asfalt örütüyü çəkiləcəyi bildirilib. Lakin vədlərinə 3 ildir əməl edilmir.

Onu da bildirmək lazımdır ki, rayonda "40 pilləkənin üstü" deyə tanınan şəhid Famil Əhmədovun adını daşıyan küçə ümummilli lider Heydər Əliyevin adını parkla üz-üzədir. Yağış zamanı da yığılan sular, digər çirkab suları Heydər Əliyevin adını daşıyan parka doğru axır.


Məsələ ilə bağlı Qazax Rayon İcra Başçı Rəcəb Babaşovun birinci müavini Alıyev Məmməd Oruc oğlu ilə danışdıq, Başçının müavini saytımıza danışarkən rayon daxilində asfaltlama işinin Qazax Rayon İcra Hakimiyyəti tərəfindən həyata keçirildiyini deyib.

Həmçinin M.Alıyev "Yaxın zamanda Prezident İlahm Əliyev Qazaxa gələcək. Bu zaman ondan xahiş edəcəyik ki, küçələrə kanalizasiya işləri çəkilib, asfaltlama işləri üçün köməklik göstərsin" deyə bildirib.