Meşələri qorumalı olan Ekologiya qurumlarının daha bir özbaşınalığı üzə çıxıb.

Cəlilabad rayon sakinlərinin AzToday.az-a verdiyi məlumata görə, hazırda yerli ekologiya işçiləri palıd ağacından hazırlanmış uzunluğu 50 santimetr təşkil çiyələk çubuğu düzəltməklə məşğuldurlar. El arasında “çiyələk pazı” adlandırılan sözügedən çubuqların hər biri 50 qəpiyə satılır.

Qeyd edək ki, Masallı və Cəlilabad rayonları ərazində 480 hektar çiyələk əkilib. Hər hektarda isə 500 ədəd çubuq istifadə olunduğunu nəzərə aldıqda yerli ekoloqların təkcə bu işdən 240 min manat qazandığı məlum olur…

Məlum olduğu kimi, məşhur "Clear" hotelin sabibi kimi tanınan Fəxrəddin Feyziyevə qarşı 2 milyondan çox dələduzluqda ittiham olunan Elşən İsmayılovun cinayət işi üzrə məhkəmə araşdırması 3 ay əvvəl yekunlaşdı. Bakı Ağır Cinayətlər Məhkəməsində keçirilən sonuncu iclasda oxunan hökmə əsasən, Elşən İsmayılov xeyli miqdarda ziyan vurmaqla dələduz etməkdə təqsirli bilinərək 10 il müddətinə azadlıqdan məhrum edildi. E.İsmayılov təyin olunmuş cəzanı ümumi rejimli cəzaçəkmə müəsisəsində çəkməlidir.
İttihamda deyilir ki, Elşən İsmayılov Fəxrəddin Feyziyevə Dubayda iş quracağı vədi verərək ondan 2.3 milyon manat alıb. O, sonradan vədinə əməl etməyib. Bundan başqa E.İsmayılov başqa bir şəxsə də eyni vəd verərək 1,5 milyon manat ələ keçirib.
Elşən İsmayılova qarşı Cinayət Məcəlləsinin 178.2.4-cü (Dələduzluq- xeyli miqdarda ziyan vurmaqla) maddəsi ilə ittiham irəli sürülüb, barəsində həbs qətimkan tədbiri seçilib.
Qeyd edək ki, mediada yayılmış məlumatlara görə, Fəxrəddin Feyziyev və qardaşı Fikrət Feyziyev Bakıda “Clear” və “İron” hotellərin sahibi olublar. Qardaşlar 90-cı illərdə İrana qırmızı civə satışını həyata keçirməklə yüksək gəlir əldə ediblər. Onlar 20 il əvvəl MTN tərəfindən tutulub, lakin qısa müddətdə azadlığa buraxılıblar.
Hər dəfə Bakıda keçiriləcək beynəlxalq miqyaslı tədbirlər başlamazdan əvvəl paytaxtdakı otel və restoranların əcnəbi qonaqları qarşılamağa nə dərəcədə hazır olduğu barədə təsəvvürləri dəqiqləşdirmək üçün aparılan monitorinqlər göstərir ki, Binəqədi r-nu, Dərnəgül qəsəbəsi-108 ünvanda yerləşən “Clear Hotel” turistlərdə ölkəmiz barədə mənfi təəssürat formalaşdıracaq. Mədəniyyət və Turizm Nazirliyi tərəfindən dörd ulduz kateqoriyası, müvafiq icazə sənədi, yəni lisenziya verilən “Clear” hoteli Nazirliyin müəyyən etdiyi standartlardan kənar fəaliyyət göstərir. Yüksək rütbəli şəxs (və ya şəxslər) tərəfindən himayə edildiyi heç kimdə şübhə doğurmayan bu hotel yüngül həyat tərzi keçirən xanımlar üçün ən təhlükəsiz fəaliyyət məkanına çevrilib.
Oteldə qiymətlər otaqların şərait və səviyyəsinə görə dəyişir. Ən ucuz otağın bir günlük qiyməti 60 manatdan başlayır. Qiymətə yalnız səhər yeməyi daxildir. Müştəri hoteldə 3, yaxud 4 saat qalmaq istəyirsə, yenə eyni məbləği ödəməlidir. Lüks otaqların bir gecəlik qiyməti isə 120 manatdan başlayır. Hotelin müştəriləri adətən qızları özləri ilə gətirirlər. Buna baxmayaraq, əxlaqsızlıq yuvasına çevrilən obyektin bəzi işçiləri müştərilərə zakazla qız gətirə bilirlər. Gün ərzində yüzlərlə müştərinin gəldiyi bu obyektin sahibi qadın alverindən külli miqdarda gəlir əldə etsə də, həmin vəsaitlərdən dövlətə doğru-dürüst vergi ödəhildiyinin düşünmək sadəlövhlük olardı. Amma nədənsə hoteldə mövcud olan vergidən yayınma hallarına aidiyyəti qurumlar tərəfindən göz yumulur. Əks halda, Feyziyevlərin üzünü Dubaya çevirən milyonları olmazdı.
“Clear”-ın fəaliyyətini heç bir müdaxilə olmadan davam etdirməsi həm fahişəliyə qurşanan qadınların sayının artmasına, həm də subay gənclərimizin mənəviyyatının pozulmasına gətirib çıxarır. Həyat yoldaşından ayrılan və ya əri ölən xanımların da çoxunun əyri yola düşmələri məhz bu oteldən başlayıb.
Burada Azərbaycanın əyalətlərindən gənc qızların cinsi istismara cəlb edildiyi, hətta Gürcüstandan saxta pasportla erməni fahişələrinin sifarişlə gətirildiyi barədə söz gəzirdi ki, bu da araşdırılması vacib məsələlərdəndir. Rusiya-Ukrayna müharibəsi başlayandan sonra isə bu öplkələrədn qaçıb Azərbaycana gələn qadınların “Clear”da xidmət göstərdikləri deyilir.
Otelin sahibkarları Fikrət və Fəxrəddin qardaşlarının isə kriminal aləmlə sıx bağlılıqları haqda kifayət qədər məlumatlar vardır. Onların adı hətta bir ara uran (atom enerjisinin hasil edildiyi kimyəvi maddə) alverində də hallanırdı. Oteldə müşətrilərin və onlara xidmət göstərənlərin təhlükəsizliyinin təmininə o qədər zəmanət verilir ki, hətta vəzifəli şəxslər də “dincəlmək” üçün çox vaxt məhz buranı seçirlər. 2012-ci ilin oktyabrında polisin keçirdiyi reyd zamanı burada yaxalananlar arasında məmurlar da vardı. Lakin konfidensiallıq xatirinə onların haqqında məlumatlar qorundu. Təəssüf ki, o reyd axırıncı oldu.
İbrahim Hümbətov //azeinfo.info//

"Xətai rayonunda (təxminən Əhmədli metrostansiyasının ətrafında) demək olar ki, artıq boş bir ərazi qalmayıb". Bu barədə DİA.AZ-a edilən müraciətdə qeyd olunur.

"Xətainin icra başçısı bütün boş yerləri satıb yeyib, üstündən də su içib" deyə etiraz edən naarazı sakinlər dia.az-a yazırlar: "Olmaz ki, təbiətə qarşı etdikləri vicdansızlığa bir son versinlər?!

Ağacları vəhşicəsinə soyqırım edərək yerində tikdikləri yüzlərlə kafenin əvəzinə heç olmasa bir dənə də pulsuz kitabxana, insanları maarifləndirən pulsuz dərnək açsaydılar nə olardı ki...

Təbii ki, bunu, xalqını sevən və onları düşünənlər edər. Buu məmurlar isə yalnız öz xeyirlərini, cibini düşünür...

Hər şeyin də bir həddi var axı. Bu qədər kafe, restoran bar, geyim mağazası olar?! Cəmiyyəti düşünün, gələcəyimiz , gələcəyimiz olan körpələri düşünün!!!"




Məsələ diqqətimizdədir. Bütün maraqlı tərəfləri dia.az olaraq dinləməyə hazırıq...

Teref.az olaraq poçtumuza daxil olmuş şikayət məktubunu təqdim edirik:
Sumqayıt Tibb Mərkəzinin direktoru qanun və ədaləti şəxsi ambisiyalarına qurban verir

Hörmətli redaksiya!

İstəyirik biləsiniz ki, “Sumqayıt Tibb Mərkəzi” Publik Hüquqi Şəxsin direktoru Səkinə Sadıqovanın həyata keçirdiyi “kadr islahatları” yüzlərlə sumqayıtlını işsiz qoyub. Illərdir Sumqayıtdakı tibb müəssisələrində çalışan, böyük təcrübəyə malik olan mütəxəssislər Səkinə Sadıqova tərəfindən işdən çıxarılıb, onların ailəsi aclığa və səfalətə məhkum edilib. Bu mütəxəssislərin Səkinə Sadıqova tərəfindən işdən çıxarılmasına səbəb isə Sumqayıt Tibb Mərkəzi direktorunun qanun və ədaləti deyil, öz şəxsi ambisiyalarını rəhbər tutmasıdır. Belə ki, “təmizləmə əməliyyatı”na ilk növbədə Sumqayıt Tibb Mərkəzindən başlayan Səkinə Sadıqova, Mərkəzdə kadrlar şöbəsinin rəhbəri də daxil olmaqla, xeyli sayda insanı işdən uzaqlaşdırıb. Onların yerinə Qobustan, Şamaxı və digər uzaq rayonlardan olan tanışlarını, yaxınlarını yerləşdirən Səkinə Sadıqova, TƏBİB rəhbərliyində təmsil olunan şəxslərin həyat yoldaşlarını, yaxın qohumlarını rəhbər vəzifələrə təyin etməklə öz kreslosunu daha da möhkəmləndirib.


Bu gün Səkinə Sadıqovanın müavinləri də daxil olmaqla rəhbər vəzifələrə qoyduğu şəxslərin bir neçəsinin ailə üzvü TƏBİB-də müxtəlif vəzifələrdə çalışır. Sumqayıtlıları işsiz qoymaq hesabına TƏBİB rəhbərliyindəki şəxslərə yarınan Səkinə Sadıqova bu gün Sumqayıtda sözün həqiqi mənasında ona tabe müəssisə və tibb işçilərindən ibarət nəhəng imperiya formalaşdırmağa nail olub. Son bir il içində Sumqayıtın tibb müəssisələrində çalşan 500-dən çox şəxs Səkinə Sadıqova tərfindəın işdən çıxarılaraq “yeni kadrlar”la əvəz olunub. Hansı ki, araşdırılma aparılsa, o zaman həmin şəxslərin tamamilə qanunsuz şəkildə işdən uzaqlaşdırıldığı, onların yerinə təyinat alıan şəxslərin böyük əksəriyyətinin bu vəzifələrə yaramadığı aydın olar.

Hörmətli redaksiya!

Səkinə Sadıqovanın yol verdiyi qanunsuzluqlar bununla bitmir. Sumqayıt səhiyyəsini öz dədə-baba mülkü hesab edən, bütün tibb işçiləri ilə kobud şəkildə davranan, onları kollektiv qarşısında təhqir etməkdən həzz alan Səkinə Sadıqova, xoşuna gəlməyən şəxsləri maaşlarını kəsəcəyi ilə hədələyir. Sumqayıt Tibb Mərkəzinin direktoru “unudur” ki, tibb işçilərinə maaşları o deyil, dövlət ödəyir və dövlət heç kimə, o cümlədən Səkinə Sadıqovaya kimisə təhqir etmək, kimisə işindən qanunsuz şəkildə azad etməyə icazə verməyib.

Gələn dəfə sizi Səkinə Sadıqovanın qanunsuz hərəkətləri haqqında yeni məlumat və faktlarla tanış edəcəyik. Ümid edirik ki, bu faktla rəlaqədar dövlət orqanları tərəfindən araşdırılacaq, Sumqayıt səhiyyyəsindəki özbaşınalıqlara nəhayət ki, son qoyulacaq.
Leyla Memmedova
Teref.az olaraq iddia edilənlərlə bağlı qarşı tərəfin mövqeyini dərc etməyə hazırıq!
\Teref.az