Balakən rayon Mərkəzi Rayon Xəstəxanası 03.02.2024-cü il tarixdə avtomobillərin cari təmiri üçün ehtiyyat hissələrinin satın alınması üzrə keçirdiyi kotirovka sorğusunun nəticələrini açıqlayıb. Qeyd edək ki, 11.12.2023-cü il tarixdə başlanmış müsabiqənin zərflər paketi 26.12.2023-cü il tarixdə açılıb. Müsabiqənin qalibi “NUR GENERAL SUPPLIER” MMC olub və tərəflər arasında 27.452,7 manat məbləğində satınalma müqaviləsi bağlanılıb.
MMC bu satınalmada necə qalib çıxıb? Aktualinfo org bir müddət əvvəl “NUR GENERAL SUPPLIER” MMC-nin satınalmalarda şübhəli yollarla qalib çıxdığı barədə məqalə yaymışdı. Zərurət yarandığından sözügedən məqaləni yeniləməli olduq. Çünki Balakən rayon Mərkəzi Rayon Xəstəxanası redaksiyamıza verilən məlumatda bildirilir ki, bizim heç nədən xəbərimi yoxdu, MMC-ni İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti qalib müəyyən edib.
İndi gəlin görək qanun Antiinhisar və İstehlak Bazarına Nəzarət Dövlət Xidmətinin qalib seçdiyi bu MMC-nin satınalmalarda iştirakına yol verirmi?
Dövlət Vergi Xidmətinin rəsmi portalında olan məlumatlara görə “NUR GENERAL SUPPLIER” Məhdud Məsuliyyətli Cəmiyyəti 16.10.2023-cü il tarixdən Bakı şəhəri Lokal Gəlirlər Baş İdarəsi tərəfindən riskli vergi ödəyicilərin siyahısına daxil edilib. MMC-nin 22.01.2024-cü il tarixə olan 31 174.23 manat vergi borcu artıq ödənilib. Amma MMC hələ də riskli vergi ödəyicilərinin siyahısında qalmaqdadır. Balakən rayon Mərkəzi Rayon Xəstəxanası 11.12.2023-cü il tarixdə kotirovka orğusu müsabiqəsinə başlayanda da MMC riskli vergi ödəyicilərinin siyahısında olub.
“NUR GENERAL SUPPLIER” Məhdud Məsuliyyətli Cəmiyyətinə gəlincə.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “NUR GENERAL SUPPLIER” Məhdud Məsuliyyətli Cəmiyyətinin 13.10.2022-ci il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ SURAXANI RAYONU, HÖVSAN ŞTQ, MUĞAN, ev 7, GİRİŞ 72, MƏRTƏBƏ 1, m. 4, qanuni təmsilçisi kimi isə Yusifzadə Nərmin Tahir qızı qeyd olunub.
Azərbaycanın dövlət satınalmaları bazarında bir MMC girib. Təsəvvür edin, ilk addımlarını belə qanunsuzluqla atıb. Penitensiar Xidmətin 12 saylı Cəzaçəkmə Müəssisəsi tərəfindən yumşaq inventarların satınalınması üzrə keçirilmiş 33 405.4 manat dəyərində kotirovka sorğusunun qalibi olub. Hələ 2022-ci ildə.
Qeyd edək ki, 12 saylı Cəzaçəkmə Müəssisəsi tərəfindən keçirilən kotirovka sorğusu müsabiqəsinin başlanma tarixi 27.09.2022-ci ilə, zərflərin açılış tarixi isə 14.11.2022-ci il tarixə müəyyən edilib. “NUR GENERAL SUPPLIER” Məhdud Məsuliyyətli Cəmiyyəti isə 13.10.2022-ci-ci il tarixində, yəni müsabiqənin başlanılmasından 16 gün sonra dövlət qeydiyyatına alınib.
Dövlət qeydiyyatına alındıqdan cəmi bir gün sonra Ədliyyə Nazirliyi Penitensiar Xidməti tərəfindən keçirilmiş dəftərxana və təsərrüfat mallarının satın alınması keçirilmiş açıq tenderin qalibi olub və 100.000 manat məbləğində dövlət sifarişi alıb.
Hələ dövlət qeydiyyatına alınmamışdan Lerik rayon İşıqlandırma İdarəsi tərəfindən 10.11.2022-ci il tarixdə başlanmış elektrik avadanlıqlarının satın alınması kotirovkanın da qalibi olub.
MMC daha sonra Ədliyyə Nazirliyi Penitensiar Xidmətinə 11.996 manat dəyərində gül və əklillər alıb.
Dövlət qeydiyyatına alındıqdan bir ay sonra Azərbaycan Respublikası Hərbi Prokurorluğuna 4.157 manat məbləğində mətbəx ləvazimatları alıb.
Sonra Neftçala rayon İcra Hakimiyyətinə 8.760 manat dəyərində sair xərclər üzrə bayram tədbirlərinin keçirilməsini təşkil edib.
Göründüyü kimi MMC dövlət qeydiyyatına alındıqdan bir ay sonra 5 müxtəlif lot üzrə ayrı ayrı dövlət qurumlarının keçirdiyi açıq tender və kotirovkaların qalibi olub. Beləcə 14.11.2022-ci ildən 26.12.2023-cü ilə qədər, yəni bir il bir ay ərzində 45 satınalma prosedurunun iştirakçısı olub.
MMC Hacıqabul rayon Mərkəzi Rayon Xəstəxanasına 20.452,94 manat məbləğində dəftərxana və təsərrüfat malları, Yardımlı rayon Mərkəzi Rayon Xəstəxanasına 19.995,1 avtomobillər üçün ehtiyat hissələri, Bitki Mühafizə və Texniki Bitkilər Elmi-Tədqiqat İnstitutuna 39.200 manat məbləğində kimyəvi maddələr, Abşeron rayon İcra Hakimiyyətinin Mənzil Kommunal Təsərrüfat Birliyinin Abadlıq və Kommunal Xidmətlər İdarəsinə 11.351,6 manat məbləğində abadlıq, təmizlik və yaşıllıqlara qulluq işlərinin həyata keçirilməsi məqsədi ilə çiçəklər, Abşeron rayon İcra Hakimiyyətinin Mənzil Kommunal Təsərrüfat Birliyinin Abadlıq və Kommunal Xidmətlər İdarəsinə 9.006,4 manat məbləğində işçilər üçün geyim və avadanlıqlar, 201 nömrəli hərbi hissə üçün 182.453,75 manat dəyərində vacib olan ləvazimat və detallar, Gəncə şəhər İcra Hakimiyyətinin Tabeliyində “Park-Xiyaban” İstismar və Mühafizə İdarəsinə 95.119,8 manat məbləğində istehsalat nəqliyyatı vasitələri alıb.
Göründüyü kimi satınalmaların içində demək olar bütün xidmət növləri var. MMC -nin qanunun tələb etdiyi kimi müvafiq sahibkarlıq fəaliyyətinin həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olması barədə heç bir məlumat yoxdu. Amma daha maraqlı məlumatlar var.
Daha təəccüblüsü isə şirkətin riskli vergi ödəyicilərin siyahısına daxil edilməsindən, 16.10.2023-cü il tarixdən sonra MMC müxtəlif dövlət qurumlarının keçirdiyi 20 satınalma prosedurunun iştirakçısı olub. Ədliyyə Nazirliyi Penitensiar Xidməti ilə dəftərxana mallarının satınalınması üzrə 110.129,4 manat 17.10.2023-cü il tarixdə, Yardımlı rayon Mərkəzi Rayon Xəstəxanası ilə avtomobillər üçün ehtiyat hissələrinin satınalması üzrə 19.995,1 manat məbləğində 16.10.2023-cü il tarixdə, Abşeron rayon İcra Hakimiyyətinin Mənzil Kommunal Təsərrüfat Birliyinin Abadlıq və Kommunal Xidmətlər İdarəsi ilə 9.006,47 və 11.351,6 manat mələğində 03.11.2023-cü il tarixdə, Gəncə şəhər İcra Hakimiyyətinin Tabeliyində “Park-Xiyaban” İstismar və Mühafizə İdarəsi ilə 95.119,8 manat məbləğində 16.11.2023-cü il tarixdə, 29.972 manat məbləğində 07.12.2023-cü il tarixdə, Kürdəmir rayon Mərkəzi Rayon Xəstəxanası ilə 18.679,87 manat məbləğində 13.12.2023-cü il tarixdə, Salyan rayon İcra Hakimiyyəti ilə 6.274,06 manat məbləğində 30.12.2023-cü il tarixdə, Lerik rayon Yaşillaşdirma İdarəsi ilə 20.596,9 manat məbləğində 08.01.2024-cü il tarixdə ümumi olaraq 9 satınalma müqavilələri bağlayıb.
Buradan suallar yaranır. “NUR GENERAL SUPPLIER” MMC ilə satınalma müqaviləsi bağlayan bu qədər dövlət müəssisəsi bunu görməyibmi? Axı satınalmalar haqqında qanun vergilər və digər icbari ödənişlər üzrə vaxtı keçmiş öhdəliklərinin olması, Vergi Məcəlləsinə uyğun olaraq riskli vergi ödəyicisi olmasına dair barəsində qüvvədə olan qərarın olması kimi halları yolverilməz hesab edir.
Bəs necə olur ki, Bakı şəhəri Lokal Gəlirlər Baş İdarəsi tərəfindən “NUR GENERAL SUPPLIER” MMC-nin riskli vergi ödəyicisi olmasına dair barəsində qüvvədə olan 2319022459902700 nömrəli qərarı bu qədər dövlət müəssisəsi görməzdən gəlib?
Göründüyü kimi apardığımız kiçik bir araşdırmada bir MMC-nin müxtəlif dövlət qurumları tərəfindən keçirilmiş satınalmalarda ayrı-ayrı lotlar üzrə onlarla tenderin qalibi olması yol verilən qanun pozuntuları ilə bərabər açıq-aydın görsənir. Hansıki, bir xanımın qanuni təmsilçisi olduğu şirkətdir. Barəsində açıq mənbələrdə heç bir məlumata rast gəlinmir. Kimdir Yusifzadə Nərmin Tahir qızı? Bir il əvvəl yaratdığı bir MMC ilə dövlət müəssisələrinə həm yumşaq inventarlar, dəftərxana və təsərrüfat malları, elektrik avadanlıqları, avtomobillər üçün ehtiyat hissələri, sürtgü yağları alır, həm də yaşıllaşdırma və abadlaşdırma xidmətləri göstərir? Həm də heç bir qanun, qadağa bilmədən, vergi tanımadan?
Satınalmaların təşkilinə nəzarət edən dövlət qurumu kimi Antiinhisar və İstehlak Bazarına Nəzarət Dövlət Xidməti də bütün qanun pozuntularına baxmayaraq bu xanıma daim yaşıl işıq yandırır.
İyirmi səkkiz ildir Auditorlar Palatasına sədrlik edən Vahid Novruzovun işçilərinin yol verdiyi korrupsiyadan xəbəri yoxdur?
Azərbaycanda bir çox dövlət qurumlarının, özəl təşkilatların fəaliyyətinin şəffaflığını təmin etməli olan Auditorlar Palatası böhran içərisindədir.
AzFakt.com-un əldə etdiyi məlumata görə buna səbəb ölkədə müstəqil maliyyə nəzarəti həyata keçirən Auditorlar Palatasının sədri Vahid Novruzovun idarəetmə sisteminin müasir formaya uyğunlaşdıra bilməməsidir. Vahid Novruzov
"Uzun illər mühüm vəzifələrdə çalışan, 1996-cı ildən Palataya rəhbərlik edən Vahid Novruzovun qurumda baş verən ən xırda istər xidməti, istər qeyri-xidməti hadisələrdən müfəssəl formada xəbəri olur. Amma Vahid Novruzovun Palatanın Maliyyə təminatı və xarici əlaqələr idarəsində yol verilən korrupsiyada xəbərinin olmaması xeyli nüans yaradır. Hər iki halda ortada çox ciddi sual var: Palata rəhbərliyi doğrudanmı Maliyyə təminatı və xarici əlaqələr idarəsində baş verənlərdən xəbərsizdir? Əgər Palata rəhbərliyi ən böyük idarəsində baş verən yüz min manatlarla olan korrupsiyadan xəbərsiz olubsa kim zəmanət verə bilər ki, Palatada daha belə bir hal yoxdur?"
Xatırladaq ki, bir neçə müddətdir Azərbaycan Auditorlar Palatasının üç sabiq əməkdaşının cinayət işi üzrə məhkəməsi keçirilir.
Yeddi yüz min manatdan artıq vəsaiti mənimsəməkdə təqsirləndirilən şəxslər Auditorlar Palatasının Maliyyə təminatı və xarici əlaqələr idarəsinin rəisi Vəli Rəhimov, həmin idarənin maliyyəçi-mühasibi Gövhər Əhmədova və Maliyyə və təşkilati-texniki təminat idarəsinin mühasibi Fəridə Novruzovadır. Təqsirləndirilən şəxslər Cinayət Məcəlləsinin 179.4-cü (Mənimsəmə və ya israf etmə), 308.2-ci (Vəzifə səlahiyyətlərindən sui-istifadə) və 313-cü (Vəzifə saxtakarlığı) maddələri ilə ittiham edilirlər.
Bir müddət əvvəl “qara maskalı” oğlanlar bütün korrupsionerlərin, əli əyri, gözüac, tamahkar, saxtakar, dövləti deyil, özünü düşünən cinayətkar məmurların qapısını döymədən içəri girib onları qandallayıb layiq olduqları yerə aparırdı. Xüsusən də icra başçıları arasında belələri az deyildi, bəziləri həbsdən sonra çox yaşamadı, bəziləri hələ də cəzasını çəkir…. Ancaq təkcə icra başçıları olmadı, neçə-neçə vəzifəli şəxslər, memarlıq-tikinti şöbələrinin rəhbərləri dörd divarlıq hücrəyə məhkum edildilər. Və həqiqətən də xalq “qara maskalı” oğlanları alqışlayırdı, sevinirdi onların kabinetlərə daxil olub vicdansız məmurları həbs etmələrinə… Necə ki, dövlətə 30 il zərər vurmuş separatçılar – Araik, Vardanyan və başqaları həbsdədir, eləcə də korrupsiyaya bulaşmış məmurların dövlətə vurduqları ziyan onlarınkından az deyil. Yeri gəlmişkən, tikinti-memarlıq şöbəsinə rəhbərlik edənlər arasında tutulanlar olduğunu yada saldıq, amma heç demədik ki, onlar qədər Bakıya “qan udduran”, şəhərin ciyərini çıxaran, vətənə, dövlətə, xalqa zərbə vuran elə həm də Arxitektura və Şəhərsalma komitəsinin nəznində olan Ərazi Tikinti Planlaşdırma Mərkəzinin sədri Ramin Abdullayevdir. Ramin Abdullayev bəladır, kabusdur, şəhərsalma üçün gəlmiş planlaşdırılmamış məmurdur. Sanki Ağdamı necə işğalçı qüvvələr viran qoyublar, Ramin Abdullayev də Bakını o kökə salmaqdadır. Yox, biz deməzdik ki, Ramin Abdullayev ermənilik edir, amma tutduğu vəzifədə şəhərə işğalçı biri kimi yanaşmaqdadır. Əks halda paytaxt pul, rüşvət, tamah ucbatından bu günə qoyulmazdı. Məlumat üçün nəzərinizə çatdırmaq istəyirik ki, Ramin Abdullayevin təqdimatı 2019 – cu ildə Şəhərsalma komitəsinin 1-ci muavini Namiq Hümmətov tərəfindən irəli sürülmüş və bu vəzifəyə qoyulmuşdur. Namiq Hümmətov elə bu baxımdan Ramin Abdullayevin bütün çirkli işlərini daima mehafizə edir,vəzifə toxunulmazlığında ona dəstək olur. Əslində “qara maskalı” oğlanlar həm də sözügedən idarədə görünməlidir. Bu, məncə, tikinti aparmaq istəyən, başına oyun açılan hər bir vətəndaşın, sahibkarın arzusudur, hər bir Ramin Abdullayev zülmü ilə üzləşmiş şəxsin ürəyindən tikan çıxarardı. Qeyd etmək lazımdır ki, bu gün ölkəmizdə korrupsiya və rüşvətxorluğa qarşı amansız mübarizə aparılır. Cənab Prezidentin öz işinin öhdəsindən gəlməyən, şəxsi maraqlarını ön plana çəkən məmurlara qarşı sərgilədiyi sərt mövqe hamı üçün örnək olmalıdır. Dövlət başçısının yeni vəzifəyə təyiin etdiyi məmurları qəbul edərkən onların qarşısında qoyduğu tələblər hər bir vəzifə sahibi üçün gündəlik iş planı olmalıdır. Lakin bir çox məmurlar nə üzərinə düşən vəzifələri doğru-düzgün yerinə yetirir, nə də Prezidentin tələblərinə məhəl qoyurlar. Bu da ondan irəli gəlir ki, tayfabazlıq, qohumbazlıq Azərbaycan dövlət strutkurların ən böyük bəlasıdır. Hansısa məmurun qohumu, dostu, istəklisi olanlar mühüm dairələrdə önəmli kürsülər tutaraq millətin həyatına balta çalırlar. Müxtəlif yollarla idarəetmə sisteminə doluşan belə “əvəzedilməz kadrlar” haqqında elə məlumatlara rast gəlirsən ki, baş verənlərə əlaqədar qurumların susqunluq nümayiş etdirməsini heç başa düşə bilmirsən.. Xülasə, sədri olduğu idarənin adı ilə əməlləri uyğun gəlməyən Ramin Abdullayev tam bir yoxlanmalı məmurdur. Nəzərinizə çatdıraq ki, Ramin Abdullayev 2021-ci ildən Arxitektura və Şəhərsalma komitəsinin nəznində olan Ərazi Tikinti Planlaşdırma Mərkəzinin sədri vəzifəsində çalışır. Ancaq buna çalışmaq demək olmaz, çapmaq, talamaq demək olar. Ola bilsin ki, dövlət rəhbərliyi bu qədər işlərin, sıx qrafikin içində onun əməllərindən xəbərsizdir. Amma Bakının Baş Planı açıqlandığı, 2040 planları qurulduğu bir zamanda Ramin Abdullayevin fəaliyyəti araşdırılmalıdır. Bilinməlidir ki, onun Bakının Baş Planına vurduğu zərbə, dövlət əleyhinə apardığı iş nədən ibarətdir. Bilinməlidir ki, Baş Plana balta vuran, şəhəri az qala kəndə-kəsəyə çevirən, harda gəldi rüşvət aldığı üçün tikintiyə icazə verən, Şəhərin tikinti planlaşdırmasını pozan Ramin Abdullayev əslində hansı xəyanətlə, siyasi rəhbərliyə hansı pisliyi etməklə məşğuldur. Ona görə onun kabinetinin qapısı döyülməmiş içəri girilib siyirməsindəki sənədlər yoxlanmalı, qara dəftəri oxunmalıdır. Çünki Ramin Abdullayev bilmirsən Hətəmxan ağadır, bilmirsən Qurbanəli bəydir, yoxsa əsrimizin çinovniki…Abdullayevi klassiklərin çox obrazlarında təsəvvür etmək olar. İntəhası, onun əməlləri daha çox “ver, yeyim, ört, yatım” deyil, “ver, yığım” misalına bənzəyir. Çünki hörmətli oxucularımız, həmin Ramin ağa bina tikintisinə icazə vermək üçün o qədər yığıb, o qədər yığıb ki…artıq özü də hesab-kitabı itirib. Bəlkə də Məşədi İbadın zəmanəsində yaşasaydı, “məşədi, bir 5 min ver, sənə şəhərin ən gözəl yerində imarət tikməyə şərait yaradım” deyərdi Yəni, əziz və dəyərli oxucular, əgər işiniz Ərazi Tikinti Planlaşdırma Mərkəzinə düşsə qəti narahat olmayın, işləriniz yağ kimi gedəcək, yetər ki, sədr Ramin ağa razı qalsın. O razı qalsa, siz də razı qalacaqsınız. Yəqin ki bu yazını oxuyan MTK sahiblərinə və Tikinti biznesində olan sahibkarlara bu yazılanlar çox tanış gələcəkdir. Ramin Abdullayev ölkə başçısının yaratdığı şəffaf biznes mühitinə kölgə salaraq tikinti biznesinə ciddi zərbə vurur. MTK sahiblərinin ve obyekt tikmək istəyən sahibkarların hamısını zara gətirən Ramin Abdullayev yalnız öz adamları (maklerləri) tərəfindən gələn işləri qabağa salaraq digər MTK sahiblərinin işlərini vurur. Müraciətlər aylarla hətta illərlə Ramin Abdullayevin stolunda qalır və süni maneələr yaradaraq onların tikilməsinə mane olur. O zaman bu məmur kimə xidmət edir? Dövlətə, prezidentə, islahat gedən ölkəyə bu cür özbaşınalıq edən məmurlar lazımdırmı? Axı hakimiyyətə, ölkə rəhbərliyinə, dövlətə zərbə vurur, xalqda inamsızlıq yaradır, gözdən salır iqtidarı. Yəni bir qanqrena vermiş Mərkəz var, sədri Ramin Abdullayevdir, burada sağalmaz rüşvət xəstəliyi var, onu amputasiya etməkdən başqa müalicə yolu qalmayıb. Misal üçün xaricdən investisiyaların ölkəmizə cəlb olunduğu bir vaxtda Ramin Abdullayev tikinti bazarını ele hala salıb ki artıq sahibkarlar Azərbaycandan küsərək Gürcüstana, Özbəkistana və digər ölkələrə üz tutmuşdur. MTK-lardan rüşvət olaraq götürdüyü evlərin sayını itirən Ramin Abdullayev haqqında hətta belə bir söz deyildi. Artıq Ramin Abdullayev adına ev vurmağa qohum-əqrəba da tapmır. (Ölkədə şəhid və müharibə iştirakçılarına ,qazilərə növbə ilə evlərin verildiyi bir vaxtda görəsən Cənab Prezidentin və aidiyyatı qurumların Ramin Abdullayevin rüşvət olaraq götürdüyü evlərdən xəbərləri varmı? MTK-lardan soruşduqda isə niyə yuxarı şikayət etmirsiniz, cavabında necə şikayət edək, tikinti prosesi uzundu, binanın kodu var, çıxarışı var. Ondan sonra Ramin Abdullayev elə eləsin ki, işimiz lap çətinə düşsün? Həm də ikinci dəfə tikəndə yenə Ramin Abdullayevin qılıncının altından keçməliyik. Gələn müraciətlər aylarla, illərlə mərkəzdə ilişib qalır və yalan-yalnış bəhanələrlə imtina edilir. Hətta tikinti tikənlərdən birinə: mən burda olduğum müddətdə tikə bilməyəcəksən ; Digerinə isə : Ağlın olardı əvvəldən özümə çıxardın; ifadəsini işlətməkdən çəkinməyən Ramin Abdullayevin məgər kreslo şəxsi mülküdürmü? Əldə olunan məlumatlara görə, MTK- lardan rüşvət olaraa götürdüyü evlər bəs eləmirmiş kimi Ramin Abdullayev gələn müraciətləri ancaq özünün yaxını olan 2-3 Layihəçəkmə firmalarına yönəldir. Yerdə qalan firmalardan gələn işləri qəbul etmir və keçən layihələrin işlənməsindəndə öz faizini qazanır.(Nəzərinizə çatdırmaq istəyirikki 1 binanın layihələndirilməsi 100 minlərlə manata başa gəlir) Maraqlı orasındadır ki, Ramin Abdullayevin bu işlərindən inanırıq ki, Ölkə başçısının da xəbəri yoxdur. Xaricdən investisiyalar cəlb olunan vaxtda Ramin Abdullayevin kölgə siyasəti yeritdiyi tikinti bazarı artıq iflic səviyyəsindədir. Görəsən, Arxitektura və Şəhərsalma Komitəsinin sədri Anar Quliyev bu işin harasındadır? Ramin Abdullayevin havadarları kimlərdir ki, artıq Anar Quliyevi də saymır, ya da hamısı əlbirdir. Onu da qeyd edək ki, Ramin Abdullayevdən şəhid ailələri, qazilərin də ciddi narazılıqları var. Onlar tərəfindən gələn müraciətlərə biganə yanaşan Ramin Abdullayev xeyri olmadığına görə onlardan gələn işlərə də başdan sovdu yanaşır və onları qəbul belə etməkdən imtina edir. Məgər Ramin Abdullayev dəfələrlə Ölkə başçısının “şəhid ailələri və qazilərə diqqət və qayğı göstərin!” sözünü eşitmirmi. Nəzərinizə çatdırmaq istəyirikki Qısa zaman əvvəl Bakı şəhəri, Nərimanov rayonu, Ələsgər Qayıbov küçəsi, 10 L ünvanında səkkiz sot torpaq sahəsində anbar tikmək istəyən Anar Hüseynov adlı sahibkar, Ramin Abdullayevi icazə üçün 20 min manat rüşvət istəməkdə ittiham etmişdi və hal hazırdada bu məsələ Məhkəmədə davam edir. Ümid edirik ki, Ölkə başçısı və aidiyyatı qurumlar tərəfindən Ramin Abdullayevin iş fəaliyyəti ciddi araşdırılacaq və qısa müddət ərzində belə varlanması, cibə gedən milyonların aqibəti haqqında nəticə olacaq. Onu da nəzərə alaq ki, 7 fevralda prezident seçkisi olacaq. Seçki sınaqdır, xalqın namizədə, dövlətə inamı deməkdir. Müzəffər Ali Baş Komandan İlham Əliyev bu seçkidə favoritdir, nüfuzu yüksəkdir, rəqibləri ona bata bilməz və təbii ki, xalqın qalib liderə, qalib ordunun Ali Baş Komandanına böyük rəğbəti olmaqla yanaşı ondan gözləntiləri var. Eləcə də müxtəlif sahələrdə islahatlar aparılması, şəffaflıq yaradılması, sahibkarlığa dəstək verilməsi, həmçinin tikinti sahəsində nizam-intizam yaradılması, sadə vətəndaşların, iş adamlarının bu sektorda ciddi addımlar atılacağı istəkləri var. Onlar inanır ki, Prezident İlham Əliyev bu işləri seçkidən sonra daha da gücləndirəcək. Ona görə Ramin Abdullayev kimi məmurlarla işləmək çətindir, bu adamlar dövləti uçuruma aparır, prezidentin islahatçı komandasında, onun proqramında belə məmurlara yer yoxdur. Onsuz da seçki sonrası kadr dəyişiklikləri istisna deyil, o sırada isə Abdullayevin gedişi də qaçılmazdır. Amma təkcə işdən qovulması ilə bu məsələ başa çatmaz, “qara maskalı” oğlanlar da onun əməllərini araşdıra bilərlər. Hər halda bizdən demək, bizdən tənqidləri yazmaq, dövlət bilən məsləhətdir, qarşı tərəf isə öz mövqeyini açıqlaya bilər….
Elmi-Tədqiqat Mamalıq və Ginekologiya İnstitutunda kuryoz hadisə baş verib. Belə ki, yeni doğulan körpənin qan qrupu səhv təyin olunub. Bu da tibb ocağının və onun rəhbərliyinin məsuliyyətsizliyi kimi qiymətləndirilib. Tribunainfo.az bildirir ki, adını açıqlamayan vətəndaş başına gələn problemi ictimailəşdirib. Sitat: “31.07.2022ci il tarixində bu xəstəxanada qızım dünyaya gəlib, adıçəkilən xəstəxanada normal doğuş üçün bizdən 400 manat alınıb, lakin uşağın qan qrupu səhv təyin edilib. 1900-cü ildə insanların qan qruplarını düzgün təyin etdiyi bir vaxtda, 122 il sonra Bakının ən çox uşaq dünyaya gələn ən böyük xəstəxanasında uşağa səhv qan qrupu təyin edilərək, 3+ olan uşağa +1 qan qrupu təyin edilməsi ağlasığmaz dərəcədə absurddur, üstəlik dövlət xəstəxanası ola-ola ödəniş aldıqları halda. Şikayətim əsasında xəstəxananın həkimi zəng edərək, üzrxahlıq edib aldığı pulu geri vermək əvəzinə, hətta məni borclu çıxarır və deyir: “Olar da, yəqin laboratoriyada analizlər qarışıb, nə var ki burda, Allah sizi islah eləsin”. Bu dövrdə bu cür bir xəstəxana laboratoriyada analizləri qarışdırırsa, sabah uşaqları qarışdırmayacağına kim təminat verə bilər?”
İmişli şəhəri, Məhəmməd Əsədov küçəsinin sakini Mikayılova Südabə Allahyar qızı tərəfindən “Hürriyyət” qəzetinin redaksiyasına şikayət məktubu daxil olub. Şikayətçi iddia edir ki, nəvəsinin bir gözünün görmə qabiliyyəti 60 faiz, digər gözünün görmə qabiliyyəti 8 faiz olsa da, İmişli Komissarlığı tərəfindən hərbi xidmətə göndərilib:
“Yazaraq xahiş edirəm ki, müraciətimizi müvafiq orqanlara çatdırasınız.
Çox çarəsiz vəiyyətdəyik. Belə ki, nəvəm artıq 10 aydır Xudatda əsgərlikdədir. Gözlərində ciddi problemləri var, görmə qabiliyyəti olduqca zəifdir.
2016-cı ildən Zərifə Əliyev adına xəstəxanada qeydiyyatdadır. İllərlə apardığımız müalicələrin heç bir köməkliyi olmayıb. Xəstəxananın bizə verdiyi rəyi hərbi komissarlığa təqdim etsək də, qərəzli şəkildə uşağı əsgərliyə apardılar.
Maraqlanıb araşdırsalar, öyrənərlər ki, uşaq orda əsgərlik çəkmir, yəni gözü görmür deyə komandirləri ona tapşırıq vermirlər.
Mən onu deyə bilərəm ki, mənim nəvəmi hansısa pullu adamın uşağının yerinə göndəriblər. 10 aydır gözü görməyən uşaq hərbi xidmətdə saxlanılır və kimlərinsə sağlam uşaqları İmişli Komissarlığının əli ilə xəstə kimi göstərilir.
Bird aha qeyd edirik ki, uşaq hərbi hissədə əsgərlik çəkmir, yarasızdır. Bunu sübut da edə bilərik. Sadəcə uşağı tərxis etmirlər ki, sayı düz olsun.
Hər yerə müraciət etmişik, heç bir xeyri yoxdur. Uşaqda tək gözü ilə bağlı yox, ümumiyyətlə səhhətində çox ciddi problemləri var, sarılıq, “Hepotit A” və s. xəstəliklər keçirib. İstəyimiz haqq-ədalətin öz yerini tapmasıdır”.
Qarabağın suverenliyinə qovuşması ilə Bakıda , eləcə də digər şəhərlərdə məcburi köçkünlərə tikilən evlərin taleyi gündəm oldu. Və çox keçmədi, prezident sərəncamı ilə ƏƏSMN-in həmin evləri satıb, şəhid və qazi ailələrinə mənzillər alınması qərarı alındı. Maraqlıdır, mənzilləri birbaşa əlil və şəhid ailələrinə vermək olmaz? Niyə satıb, kimə satıb, alınan vəsaitlə yenidən mənzillər almaq qərara alınıb? Bu satıb-almada qaranlıq işlər çevrilmirmi? Sonuncu suala müsbət cavab vermək təcrübədən qaynaqlanır. Nədən ƏƏSMN-in , yanındakı Sosial Xidmətlər Agentliyinin mənzil dəllallığı, kimə olmasa da, ehtiyacı olan Qarabağ əlillərinə və şəhid ailələrinə yaxşı bəllidir. Rüşvətlə mənzillərin bölünməsi sınaqdan çıxmış təcrübədir. Bakının mərkəzində yaşayan Qarabağ əlilləri illərdir mənzil yiyəsi olmur, amma məcburi köçkün Qarabağ əlillərinə ƏƏSMN mənzil verir. Bu necə olur? Belə çıxır, məcburi köçkün Qarabağ əlilləri həm “ Qaçqınkom”dan mənzil alır, həm də ƏƏSMN-dən? Yəqin məcburi köçkünlərin evləri satılanda bu ikiqat təminatlı mənzil yiyələrinin rüşvəti nəzərə alınar. Bu rüşvətlə mənzil təminatında rayon icra hakimiyyətlərinin də rüşvət payı çoxdur. RİH-lər qanunsuz olaraq məcburi köçkünləri rüşvətlə mənzil növbəsinə götürür, sonra da rüşvətlə mənzil yiyəsi edir, Bakı , yerli əlillər isə mənzilsiz qalır. Məcburi köçkünlərə tikilən evlərin satılması sərəncamından iki ilə yaxın vaxt keçir. Amma hələ də nə satılan məbləğ, nə alınan mənzillərdən xəbər var. Məcburi köçkün mənzillərinin sayı isə Qarabağ əlillərinin sayından 5-6 dəfə çoxdur. /muxalifet.az/
Bakının Binəqədi rayonu Biləcəri qəsəbəsində sakinlər yolların bərbad vəziyyətindən şikayətçidirlər.
Bu barədə vətəndaşların Oxu.Az-ın redaksiyasına göndərdikləri şikayətdə qeyd edilib. Söhbət Biləcəri qəsəbəsi, Xudadat Məlikaslanov küçəsi, döngə 6 ünvanından gedir. Vətəndaş iddia edir ki, sözügedən ünvanda məhəllələrin yolları keçilməz haldadır:
“Yollarda nə asfalt örtüyü var, nə yol kənarında işıq dirəyi var. Sözün əsl mənasında bu əraziyə baxan bir nəfər şəxs, bir aidiyyəti qurum yoxdur. Dəfələrlə şikayət etmişik, sakinlər arasında imza toplayıb məktub yazmışıq, amma aidiyyəti qurumlardan şikayətimizə baxan olmayıb”. Mövzu ilə bağlı Binəqədi Rayon İcra Hakimiyyətindən Oxu.Az-ın sorğusuna cavab olaraq bildirilib ki, sözügedən ünvanda asfalt örtüyünün yenidən salınması və təmir işləri ilə əlaqədar onlar aidiyyəti qurumlara müraciət ediblər:
“Asfalt örtüyünün bərpası və yenidən qurulması tədbirlər planına uyğun olaraq, mərhələli şəkildə həyata keçiriləcək”.
Dia-az.info-dan: Dəyərli oxucu, diqqət etdinizsə, yenə də iş qaldı aidiyyəti qurumların üzərində... Bu qurum isə möhtərəm AAYDA-dır... O AAYDA ki onun rəhbərliyində Əvəz Qocayev kimi bir fiqur təmsil olunur.
İllah ki, yuxarıda barəsində danışdığımız, vətəndaşların giley-güzarına nədən olan yola dövlə büdcəsindən ayrılmış vəsait də məhz Əvəz müəllim tərəfindən çoxdan həzm-rabedən keçirilib.
Bu barədə daha geniş materialımız olacaq...
Qeyd edək ki, Əvəz Qocayev Azərbaycan Avtomobil Yolları Dövlət Agentliyinin İdarə Heyətinin Sədr müavinidir. Bizi izləyin...
İlkin Babayev adlı istifadəçi "Müştərinin Səsi" sosial qrupundakı paylaşımında neçə müddətdir üzləşdiyi nəqliyyat probleminin həll olunmamasını maraqlı formada təkrar olaraq gündəmə gətirib. Dia-az.info vətəndaşın gileyini olduğu kimi təqdim edir: "44 nömrəli marşrut haqqında 1246-cı status amma nəticə sıfır..! Azərbaycan Yerüstü Nəqliyyat Agentliyi, istənilən normal qurum, şəxs, insan və bu şəhərin ən adi bir vətəndaşı belə bu qədər şikayət sonrası ən azı bir geri dönüş edib, problemin məğzi ilə maraqlanardı... Siz isə problemi və həllini bildiyiniz halda gözünüzü yummağı və susmağı üstün tutursuz. Bu xalq, qələbəmizin simvoluna çevrilən müqəddəs 44 rəqəmini daşıyan bu xəttə lazımı diqqət etməyinizə görə sizi bağışlamayacaq. Siz də sizdən əvvəlki müvafiq qurumların aqibətini yaşayacaqsınız. Çünki məqsədiniz problem həll etmək yox, "bizdə də var" prinsipi ilə "dəftərə quş qoymaqdır"."
"DogruXeber.az" xəbər verir ki, Xətai rayon Həzi Aslanov qəsəbəsində şəhid Kazımağa Kərimovun adını daşıyan küçədə kanalizasiya suları yenə də "fontan" vurur.
Xatırladaq ki, bu kimi hallar bu ərazidə ilk dəfə baş vermir. Demək, olar ki, hər həftə bu küçə kanalizasiya suları ilə bu cür iyrənc vəziyyətə düşür. Biz bir neçə dəfə bunu yayımlamışdıq. Hər yayımdan sonra aradan qaldırılır, 4-5 gün sonra yenə eyni vəziyyət....
Hazırda da davam edən bu görüntü 8 noyabr prospektinə qədər uzanır...
Amma, eyni zamanda Əhmədli qəsəbəsinin içindən keçərək, Əhmədli Metrostansiyasının yaxınlığına qədər uzanan Kazımağa Kərimov küçəsində qanunsuz tikintilərin aparıldığı barəsində də aylar öncə həm Xətai rayon İcra Hakimiyyətinə, həm də Şəhərsalma və Arxitektura Komitəsinə (ARXKOM) məlumat vermişdik. Bundan əlavə, "DogruXeber.az" informasiya portalında bu barədəki məlumatları, fotoşəkilləri ilə birlikdə təqdim etmişdik.
ARXKOM sorğularımıza cavab olaraq, sözügedən tikintilərin dayandırıldığını bildirmişdi. Doğrusu bir müddət tikintin çöl hissəsində aparılan işlər dayandırıldı. Lakin, sən demə obyektin içərisində suvaq və digər işlər davam etdirilirmiş. Bu gün isə redaksiyamıza həmin tikintilərin yeni görüntüləri daxil olub.
Əvvəl:
Sonra:
Gördüyünüz kimi gecədən-gecəyə aparılan bu və bununla üzbəüz yolun digər tərəfində aparılan tikinti artıq başa çatdırılıb. İndi təmir işləri aparılır.
Bu isə o deməkdir ki, Xətai Rayon İcra Hakimiyyəti, eyni zamanda digər məsul qurumlar mətbuatı və ictimaiyyəti aldadaraq, qanun pozuntularına qəsdən şərait yaradırlar. Bununla da bu qanunsuzluq hallarına şahidlik edən çox insanlarda da bu cür işlər görmələri üçün fikir formalaşdırırlar.
Bəs bu dövlət qurumlarında çalışan məsul şəxsləri qanunu pozmağa, daha doğrusu qanun pozuntusuna şərait yaratmağa nə vadar edir?
Hansı maraqlar xatirinə gördüklərini görməzdən gəlir, qulaqlarını dəqiq məlumatlara qarşı qapadırlar?
Mövzuya təkrar qayıdacağıq və Xətai rayonu ərazisində aparılan digər qanunsuz tikintilərin də görüntülərini təqdim edəcəyik.
Tanınmış həkim Aydın Əliyevin səhiyyə sektorundakı nöqsanlarla bağlı videoçıxışı geniş müzakirələrə səbəb olub.
AFN.az xəbər verir ki, həkimin sosial şəbəkədə paylaşımının altında vətəndaşlar səhiyyə ilə bağlı müxtəlif problemləri qabardıblar. Onlardan ən diqqətçəkəni isə elə səhiyyə adamlarının, həkimlərin yazdıqlarıdır. Belə ki, Ədalət Rüstəm adlı həkim səhiyyənin maliyyələşdirilməsi problemindən, ortaya çıxan çətinliklərdən bəhs edib. Həkim qeyd edib ki, əslində bütün problemlər çoxhakimiyyətlilikdən qaynaqlanır. Onun fikrincə, səhiyyəyə rəhbərlik, insanların sağlamlığına məsul tək dövlət orqanı Səhiyyə Nazirliyi olmalıdır: “Bütün dünyada belədir. Azərbaycanda anomal vəziyyət yaranıb, səhiyyəni maliyyələşdirən tək orqan Maliyyə Nazirliyi əvəzinə İcbari Tibbi Sığorta Agentliyidir. Bu agentlik isə maliyyə vəsaitlərini tabeliyində olan TƏBİB-ə ayırır və dədə malı kimi pay-püş edirlər. O pay-puş edilən vəsaitlər isə mənim, sənin, onun, bizim və sizin İTSA-ya ödədiyimiz sığorta vəsaitlərindən formalasır. TƏBİB o pulları yumaqla, ogurlamaqla məşğul olur, "otkat" verməklə məşğul olur, korrupsiya əməlləri ilə məşğul olur. Mənim üçün nə fərqi var, mənim pulumu metroda cibimdən hansısa fərd, cibgir oğurlayıb, yoxsa dövlətin İTSA adlı qurumu?! Bu qurumların məşğul olmalı tək iş - insanların sağlamlığı məsələləri isə başlı-başına buraxılıb. Səhiyyə Nazirliyinin bütün səlahiyyətləri, hüquqları və vəzifələri İTSA və TƏBİB arasında paylasdırılıb.
Bu nazirlik ordusu olmayan, əsgəri olmayan, hərbi texnikası olmayan bir general və 10-15 koməkçidən ibarət, səlahiyyətsiz, hüquqsuz quruma çevrilib. Ölkə səhiyyəsi, 10 milyonun sağlamlığı isə TƏBİB-ə tapşırılıb. Ölkənin elmi-tibbi resursları, tibb professorları və dosentləri, yüksək ixtisaslı kadr potensialı müalicə, elmi-tədqiqat proseslərindən təcrid edilib, insanlarımızın taleyi xoşqədəmlərin, zaurlarin "seçdikləri" "professor"lara və "bir nömrəli həkim"lərə həvalə edilib”. Ə.Rüstəm bildirib ki, özünün işlədiyi ATU-nun Tədris Cərrahiyyə Klinikasında sığorta ödəyicisi kimi müayinə və müalicə olunmaq hüququ olduğu halda, 1 həftəlik get-gəldən sonra KT müayinəsi üçün göndəriş həmin müəssisəyə yox, özəl “EGE hospitalı”na verilib: “Daha bir fakt deyirəm: "Yeni klinika"nin arxasında, iri meydançada TƏBİB-ə, İTSA-ya məxsus 100-ə qədər təptəzə təcili tibbi yardım maşını 2020-ci ildən yağışın, qarın və günəşin altında çürüyür, paslanır. Onlar ölkə uzrə təcili yardım stansiyalarının sərəncamına verilməli idi. Az qala bir milyon əhalisi olan Abşeron rayonuna təcili tibbi xidmət göstərən 3-4 avtomobildən ikisi 1979-ci illərin istehsalı olan pikap tipli sınıq-salxaq "QAZ-24" avtomobilidir. Bir neçə gün əvvəl 2-ci mərtəbədən yıxılan uşağın çağırışına heç həmin avtomobil də göndərilməmişdi”. Bütün qeyd edilənlərlə bağlı qarşı tərəfin mövqeyini verməyə hazırıq.
