"Problem Azərbaycan Tibb Universitetinin tabeçiliyində olan Tədris-Terapevtik Klinikası ilə yekunlaşmır.
ATU-nun nəzdində olan bütün klinikalarda yanlış yanaşma tərzindən irəli gələn vəziyyət mövcuddur. Bu isə ümumi narazılıqlarla müşayiət olunur. Hazırda mətbuat Fərid Pirverdiyevin rəhbəri olduğu Tədris-Terapevtik Klinikasından bir neçə tənqidi məqalə yazsa da, bu o demək deyil ki, digər klinikalarda hər şey qənaətbəxşdir. ATU-nun klinikalarında tənəzzül rektor Gəray Gəraybəylinin həyata keçirdiyi kadr məsələlərindən sonra bir az da sürətləndi".

Bu fikirləri Faktinfo.az saytına Tibb Universitetindən mənbə bildirib.

Məlumatda o da qeyd edilir ki, Gəray Gəraybəyli rektor təyin edildikdən sonra baş mühasibə qədər təcürbəli kadrlar vəzifələrindən uzaqlaşdırıldı. Onları isə qohum, tanış, dost bildikləri şəxslərlə əvəzlədilər. Tədris-Terapevtik Klinikası başda olmaqla, digər klinikaların təchizatı, alınan yeməyi, ərzağı hansı MMC-lər tərəfindən veriləcəyi kimi məsələlər mühasibatlıqda müəyyənləşdi. Həkim yetişdirilməsi arxa plana keçdi.

Bir müddət sonra isə Hesablama Palatasının Azərbaycan Tibb Universitetində (ATU) 2018-2019-cu illərdə daxil olmaların və xərclərin proqnozlaşdırılması və icrasına dair apardığı maliyyə auditinin nəticələri açıqlanarkən təəssürat yaratmağa çalışdılar ki, maliyyə pozuntusu bilərəkdən edilməyib və bundan baş mühasibin xəbəri olmayıb. Sual edən olmadı ki, bəs baş mühasib kimdir, kimin qohumudur?

Amma Hesablama Palatasının açıqlamalarından məlum oldu ki, 2017/2018-ci tədris ilinin yaz semestrində 6 halda 3217,5 manat, 2018/2019-cu tədris ilinin payız və yaz semestrləri üzrə 6 halda 7849 manat, ümumilikdə 11066,5 manat tələbələrə təqaüd xərclərinə görə artıq ödəniş edilib, habelə təqaüdə görə tələbələrə artıq ödənilmiş 1581,3 manat vəsait tələbələr tərəfindən ATU-nun hesabına ödənildikdən sonra dövlət büdcəsinə qaytarılmayıb.

Həmçinin, ATU-nun Elmi Şurasının 27.11.2018-ci il tarixli iclasının 3 saylı protokoluna əsasən, ATU-nun tabeliyində olan tam təsərrüfat hesablı fəaliyyət göstərən “Tədris Terapevtik Klinikası”na 400.000 manat, “Tədris Cərrahiyyə Klinikası”na 900.000 manat, cəmi 1.300.000 manat vəsait köçürülüb. Maliyyə yoxlaması zamanı məlum olub ki, debitor borc məbləğinin klinikalar tərəfindən geri qaytarılması təmin edilməyib. Burada da sual yaranır ki, bu vəsaitlər klinikalara nə səbəbə ödənilmişdi?

Hesabatda belə nümunələr çox idi. Təəssüf ki, mühasibatlıq tərəfindən klinikaların özünü saxlama imkanları və maliyyə vəsaitlərinə sahiblənmələrinə imkan yaradılmadı. Hazırda ATU-nun bütün klinikalarında maliyyə durumu yaxşı deyil. Orada mühasibatlıqda islahatlar aparmadan, mənfi yanaşmanı aradan qaldırmadan müsbətə doğru heç nəyi dəyişmək mümkün olmayacaq. Ümumiyyətlə, Gəray Gəraybəylinin rektor təyin olunduğu dövrdən sonra ətrafına yığdığı qohum, tanış olan kadrlara yenidən bir nəzər yetirmək gərəkdir.

Perekeşküldə Akif Axundovla Müşfiqabad bələdiyyəsinin rəhbərliyi hər cür qanunsuzluqlara qol qoyublar

Hörmətli izləyicilər!
Bir neçə ay bundan əvvəl gundemxeber.az xəbər portalının redaksiyasına Bakı şəhəri, Qaradağ rayonu ərazisində, hansı ki, Abşeron rayonunun Perekeşkül qəsəbəsinə yaxın sahədə yerləşən, həmçinin Müdafiə Nazirliyinin tabeliyində olan “N” saylı hərbi hissənin təlim keçdiyi ərazilərdəki torpaq sahələrinin, heç bir rəsmi vəzifəsinin olmadığı bildirilən Akif Axundov adlı şəxs tərəfindən kənar sakinlərə satılması barədə sensasion məlumatlar daxil olmuşdur. Daxil olan məlumatlarda bildirilir ki, bu şəxs qeyd olunan ərazilərdəki torpaq sahələrini satışa çıxarərkən Qaradağ rayonu, Müşfiqabad bələdiyyəsi ilə işbirliyinə girir və həmin sahələrə formal da olsa bələdiyyədən sərəncam əldə etməyi bacarır.

Baş verənlər onu söyləməyə əsas verir ki, Akif Axundovla Müşfiqabad bələdiyyəsinin rəhbərliyini, bu gün də Azərbaycan ordusunun hazırlıq göstəricisinin necə olub-olmaması o qədər də düşündürmür. Yəni, bu şəxslər üçün pul qazanmaq, külli miqdarda var-dövlətə sahib olmaq və s. hər şeydən üstün tutulur. Qeyd edək ki, bu yöndə məlumatlar redaksiyamıza daxil olduqdan sonra, suallarımızı Akif Axundovun WhatsApp nömrəsinə göndərdik və ondan məsələlərə münasibət bildirməsini xahiş etdik. Çox təəssüflər olsun ki, bu şəxs məsələlərə münasibət bildirmək əvəzinə daha çox susmağa üstünlük verdi. Elə ki, Akif Axundovun qol qoyduğu digər əməllərlə bağlı redaksiyamıza başqa-başqa şəxslər tərəfindən də əlavə müraciətlər daxil oldu, o halda məcbur olub qeyd olunan əraziyə baş çəkməli olduq.

Tərəfimizdən apardığımız jurnalist araşdırmaları zamanı bəlli oldu ki, Akif Axundovla Müşfiqabad bələdiyyəsi rəhbərliyinin düzüb-qoşduqları işbirliyi sayəsində Ekologiya və Təbii Sərvətlər Nazirliyinə aid torpaq sahələri, kənd təsərrüfatı təyinatlı torpaq sahələri, eyni zamanda Müdafiə Nazirliyinin tabeliyində olan “N” saylı hərbi hissənin təlim keçdiyi ərazilərdəki torpaq sahələri satılmışdır.

Satılmış torpaq sahələrində ayrı-ayrı şəxslər yaşıllıqları məhv etmişlər, özləri üçün fərdi yaşayış evləri, ictimai-iaşə obyektləri, kiçik müəssisələr, mal-qara saxlamaq məqsədilə fermalar və s. inşa etmişlər. Apardığımız araşdırmalar zamanı o da bəlli oldu ki, Akif Axundov qeyd olunan ərazidə üç nəfər şəxsə 71 sot torpaq sahəsi satmış və bunun qarşılığında o, onlardan 30 min manat nəğd pul, bir ədəd dövlət nömrə nişanı 90-TD-916 olan “Hyundai Acssent”, bir ədəd dövlət nömrə nişanı 90-VS-440 olan “Volksvagen Passat”, əlavə bir nəfər şəxsdən isə dövlət nömrə nişanı 77 –EK- 056 olan minik avtomobili alır. Bu da ümumilikdə 74 000 manat məbləğində pul vəsaiti edir.

Bütün bunlara baxmayaraq, 11 avqust 2023-cü il tarixdə Qaradağ RİH tərəfindən əraziyə ağır texnika gətirilir və aparılmış tikinti işləri dağıdılır. Həmin vaxt nəğd pul, avtomobil verib torpaq sahəsi alan şəxslər RİH-nin əməkdaşlarına “Biz torpaq sahəsini Akif Axundovdan almışıq” desələr də, bunun heç bir nəticəsi olmur. Akif Axundov isə üzə çıxmır, bir növ qaçıb gizlənir. Deməli, torpaq sahəsi alan şəxslərin olmazın oyuna düçar olmalarının kökündə Akif Axundovla Müşfiqabad bələdiyyəsi rəhbərliyi xüsusi rola malik olurlar.

Məsələnin maraqlı və düşündürücü tərəfi odur ki, belə bir qanunsuzluq əməllərinə qol qoyularkən “N” saylı hərbi hissənin komandanlığı susur, Qaradağ RİH Aparatı vaxtında qabaqlayıcı tədbirlərini görmür, digər dövlət qurumlarının səlahiyətliləri isə məsələlərə seyrçi münasibət bəsləyirlər?
Demək, həmin qurumlarda çalışanları ölkəmizin gələcəyi, ordumuzun döyüş qabiliyyətinin göstəricisi və digər amillərin varlığı heç bir halda düşündürmür. Əgər düşündürsəydi, o halda onlar Akif Axundovla Müşfiqabad bələdiyyəsi rəhbərliyinin qeyri-qanuni addımlarına qarşı qəti etirazlarını bildirərdilər.

Hörmətli oxucular!
İndi isə ərazidə həyata keçirdiyimiz video-çəkilişi və məsələrlə bağlı Akif Axundovla aramızda olan telefon danışıqlarının səsyazısını sizlərə təqdim edirik. Məsləhətdir ki, hər kəs video-çəkilişə nəzər-diqqət yetirsin və təqdim etdiyimiz səsyazısına diqqətlə qulaq asıb, bəlli münasibətini də ifadə etsin.
Mövzuya qayıdacağıq. //gundemxeber.az//

Bakının Xətai rayonu, Zeytun küçəsində içməli su xətti partlayıb.

TEREF.AZ yazır ki, Xezerxeber.az-ın məlumatına görə, bu ünvanda yaşayan sakinlər iddia edirlər ki, bir aya yaxındır, içməli su küçəyə axır, israfçılığa yol verilir.

Küçəyə axan su Zeytun küçəsinin sakinlərinə də böyük problem yaradır. Belə ki, suyun küçəyə axması nəticəsində ətrafdakı mənzillərə normal təzyiqlə su gəlmir. Bununla yanaşı, içməli suyun küçəyə axması nəticəsində torpaq yolda gölməçələr, palçıq əmələ gəlir. Bu da həm piyadaların, həm də nəqliyyat vasitələrinin hərəkətini çətinləşdirir.

Sakinlər iddia edirlər ki, dəfələrlə aidiyyəti qurumlara şikayət etsələr də, nəticəsi yoxdur.
“Azərsu” Açıq Səhmdar Cəmiyyətindən isə bildirilib ki, həmin əraziyə briqada göndərilib və problem tezliklə həll olunacaq.

Mövzu ilə bağlı daha ətraflı videomaterialı təqdim edirik:

Belə getsə qırmızı kitaba düşən qızıl ulğun onu qoruya bilməyənlərin günahları səbəbindən tarixin yaddaşına qovuşacaq.
DİA.AZ bildirir ki, Ağstafa rayonunun çay ətrafı ərazilərini bəzəyən ulğun ağacları bilərəkdən kütləvi olaraq işbazlar tərəfindən texnika ilə məhv edilir.
Amma nədənsə bu qoçaqlara dur deyən yoxdur. Ağstafaçayının Poylu qəsəbə ilə Kol xəlfəli kəndlərinin ərazisini əhatə edən yaşıl ərazi qum karxana sahibləri tərəfindən qazılaraq xammal kimi istifadəyə aparılır.
Hələ yaşıl ərazidə olan ağacları məhv etdiyi bəs etmir ərazinidə qazaraq məhv edirlər yəni qazılmış ərazi bərpa olunmadan buraxılır.
Yaşıl göl kimi tanıdığımız restoranın əhatəsində artıq böyük bir ərazidə ulğun meşəsi məhv olub.
Ekologiya nazirliyi isə vəziyyəti deyəsən sükutla izləyir, nəyi və kimi gözləyirlər bilmirik amma bildiyimiz odur ki, özlərini meşənin məhvindən xəbərsiz kimi göstərməyə çalışırlar. Təbiətin məhvinə həmi lal həmi kor olublar.
Həyacan təbili çalınıb, lakin, təbil çalanın səsi nazirlik əməkdaşlarına çatsa belə əməkdaşları qış yuxusuna gedib.
Dərə xəlvət tülkü bəydir deyib təbiətə qənim kəsilən bu şəxslərə heçbir qurum gözün üstə qaşın var demir.
Əraziyə cavabdeh olan ekalogiya nazirliyinin yerli idarəsidə nədənsə ərazidə nəzərə çarpmır.
Ancaq öz həyətindən belə bir ağac kəssən bu yaşıl vəya quru olsa belə fərqinə varmadan Ekalogiya idarəsi və polis əməkdaşları gəlir və cərimə edir.
Ama nədənsə hektarlarla ulğun ağacı məhv edildiyi halda hərkəs görməzdən gəlir.
Bu ərazidə hərgün ağacların kütləvi məhvinin miqyası daha da artır və ümid edirik artıq ağacların məhvinin qarşısını alacaq bir qurum tapılacaq nəfəsimizi nəfsi ilə kəsən bu işbazlar tez bir zamanda hüquqi cəzalarını alacaqlar.




Məsələ ilə bağlı teref.az olaraq bütün əlaqədar qurum və şəxsləri dinləməyə hazırıq...

Dünyada 1000 doğulmuş uşaqdan 19-24-ü lal, kar olur. Azərbaycanda isə bu statistika yaxın qohumlardan nigah olduğuna görə, daha yüksəkdir. Bu uşaqlara adətən eşitmə cihazı taxılır ki, onlar əlil qalmasın. Bu proses Azərbaycanda 2010-cu ildən tətbiq olunmağa başlayıb. Əvvəllər bu say əməliyyatlar üçün ildə 200 idi. Amma artıq belə bir limit yoxdur. Bura qədər baxdığımız zaman hər şey çox yaxşıdır. Dövlətimiz vətəndaşlar üçün hər şey edir. Amma bəzi məmurlar öz şəxsi maraqları üçün nə edir?!
Bu cihazları ölkəyə gətirən ən böyük şirkət TƏBİB-in direktoru Vüqar Qurbanova məxsus "Kochlear" şirkətidir. Bizdə olan məlumata görə, bu cür əməliyyatlar ən çox "Lor hospital"da həyata keçirilir ki, buranın sahibi də bəllidir.
İcraçı direktoru Vüqar Qurbanovun yaxın dostu Hansiyar Babayevdir. Qeyd edək ki, bu cihazlar Azərbaycanda dünyadakından tam 3 dəfə baha satılır. Qurbanov bu limitin ləğvini TƏBİB-in direktoru olduqdan sonra etdi.
Bunlar vəzifəyə gəlirlər ki, öz şirkətlərini böyütsünlər.
Görəsən, hər kəsin bildiyi bu məsələləri İcbari Tibbi Sıgorta rəhbəri cənab Zaur Əliyev bilmirmi?!
gundelik baki.com