 |
|
|
Saytımızın elektron poçt ünvanına ADPU-nun Cəlilabad filalı haqqında şok effekti verən məlumat daxil olmuşdur.Sözügedən həmən məlumatı sizlərə təqdim edirik:
“Son vaxtlar ADPU Cəlilabad filialında baş verən qanunsuzluqlardan tez-tez söhbət düşür. Əslində, filialın direktoru Xudayar Sultanlının sultanlığı kimi tanınan ADPU Cəlilabad filialı dövlət orqanlarının nəzarətindən çıxmış və şəxsi məqsədlərə xidmət edən bir müəssisəyə çevrilmişdir. Bunun başlıca səbəbi filialın rəhbər kadrlarının uzun müddət vəzifə kreslolarında oturması ilə bağlıdır. Filial direktor Xudayar Sultanlının, dekan Mənzilə Rəhimovanın və keçmiş direktor müavini, indisə şöbə müdiri işləyən Eyvaz Məmmədovun şəxsi mülkiyyəti sayılır. Bəs görəsən, filialda nə baş verir? ADPU-nun rektoru Cəfər Cəfərov Cəlilabad filialında baş verən qanunsuzluqlara niyə göz yumur?
Mənbə bildirir ki, Cəlilabad rayonunda yerləşən və Azərbaycan Dövlət Pedaqoji Universitetinin Cəlilabad Filialının dekanı Mənzilə Rəhimovaya məxsus “Paradoks” tədris və inkişaf mərkəzi işçiləri (əslində ADPU Cəlilabad Filialının tələbələrini) əmək müqaviləsi (konraktı) bağlamadan işə cəlb edir, tələbələri dərslərindən ayıraraq, onlara məşğələ və təlimlər keçirilməsi ilə məşğul olur. Mənzilə Rəhimova dekan işlədiyi Filialın tələbələrini icbari şəkildə “Paradoks” şirkətinə pul köçürməyə məcbur edir. Narazılıq edən tələbələri ADPU Cəlilabad Filialından qovulacağı ilə hədələyir.
Dövlət orqanlarının, hüquq-mühafizə təşkilatlarının, ADPU rəhbərliyinin Mənzilə Rəhimovanın bu qanunsuz biznes fəaliyyətindən xəbəri yoxdur. İyirmi ilə yaxın ADPU Cəlilabad filialında pedaqoji fakültənin dekanı işləyən Mənzilə Rəhimovanın heç bir elmi dərəcəsi yoxdur, elmə və tədrisə dair kitabları da nəşr olunmayıb. Onu bu vəzifəyə yaxın qohumu, elmi dərəcəsi olmadan uzun müddət ADPU Cəlilabad filialının direktor müavini işləmiş Eyvaz Məmmədov gətirmişdir. Aqronom təhsili olan Eyvaz Məmmədov bu vəzifədən azad edilsə də, filialın şöbələrindən birinə rəhbərlik edir.
Böyük yazıçı C.Məmmədquluzadənin məşhur əsərinin prototipi olan(Xudayar bəy) Filialın direktoru Xudayar Sultanlı da aqronom təhsillidir. Buna görə də tələbələri kolxoz briqadiri kimi idarə edir, dekan Mənzilə Rəhimovanın tələbələrin çiynində qurduğu biznes fəaliyyətinə bilərəkdən göz yumur.
Mənzilə xanımın rəhbərlik etdiyi “Paradoks” tədris və inkişaf mərkəzi, yəni şirkəti işçilərə verilən əmək haqqının məbləğini dövlətdən gizlədir, vergilərdən yayınır, qanunsuz olaraq əldə etdiyi gəlir haqqında vergi orqanlarını məlumatlandırmır. Nəticədə, “Paradoks” və onun rəhbəri Mənzilə Rəhimova AR Cinayət Məcəlləsinin 162-1 (əmək müqaviləsi kontraktı hüquqi qüvvəyə minmədən işçilərin hər hansı işlərin və xidmətlərin yerinə yetirilməsinə cəlb edilməsi) maddəsinin tələblərini pozur, cinayət törədir. Mənzilənin ikinci cinayəti isə dekan işlədiyi ADPU Cəlilabad filialında tələbələri öz gəliri məqsədilə dərslərdən yayındırması və vəzifə saxtakarlığı (AR CM-nin 313-cü maddəsi) törətməsi ilə bağlıdır.
ADPU Cəlilabad Filialının tələbələrinin narazılığını dinləyən yoxdur, Pedaqoji Universitet rəhbərliyinin bu işə biganə yanaşması isə baş verən cinayətə göz yummaq deməkdir. Pedaqoji fakültənin dekanı Mənzilə Rəhimovanın cinayət əməllərinə rəvac verən direktor Xudayar Sultanlı da əslində bu cinayət əməllərinin iştirakçısıdır.
Belə ki, Hədəf kurslarının buraxılış sınaq imtahanları Cəlilabad, Yardımlı, Masallı və Biləsuvar rayonlarının şagirdlərini əhatə edir və kifayət qədər maddi balans toplayır. Bu sınaq imtahanlarının ADPU Cəlilabad filialında keçirilməsinin isə həmin filiala bir qəpik xeyiri yoxdur, gəlirlər dekanın şəxsi büdcəsini möhkəmlədir. Bundan başqa, Mənzilə Rəhimovanın özəl şirkəti olan “Paradoks” TİM summativ sınaq imtahanlarını ADPU Cəlilabad filialının auditoriyalarından istifadə etməklə keçirir. ADPU Cəlilabad filialının direktoru Xudayar Sultanlının bu cür qanunsuz əməllərə şərait yaratması isə onun “Paradoks”un gəlirlərinə şərik olması ilə bağlıdır.
“Paradoks” təlim və inkişaf mərkəzinin gəlir və fəaliyyət sahələri:
1) Hədəf kurslarının 2,3,4,5,6,7,8,9,10 və 11-ci sinif şagirdləri üçün BLOK sınaq imtahanlarının ADPU Cəlilabad filialının auditoriyalarında ödənişli təşkili;
2) Summativ sınaq imtahanlarının keçirilməsi (ödənişli);
3) Kompüter dərsləri (bir aylıq ödəniş 25 manat olmaqla);
4) Ali məktəblərə hazırlıq dərsləri (repitisiya, ödənişli, bir fənn üçün aylıq ödəniş 30 manat olmaqla);
5) Rəsm dərsləri (ödənişli, dərsləri ADPU Cəlilabad filialının müəllimi Musa Əmiraslanov aparır);
6) Skripka dərsləri (ödənişli, müddəti 6 ay);
7) Əlyazma yazıların elektron variantının hazırlanması (bir səhifə üçün 0,70 manat olmaqla).
“Paradoks” TİM kursların və təlimlərin iştirakçılarına diplomlar və sertifikatlar verir ki, bu sənədlərin qanuni hüququ yoxdur. Belə sənədlər vermək üçün müvafiq dövlət orqanlarından rəsmi razılıq alınmalıdır. Diplomlar və sertifikatlar ADPU Cəlilabad filialının dekanı, “Paradoks” TİM-in rəhbəri Mənzilə Rəhimova tərəfindən imzalanır və möhürlənir.
İnanırıq ki, bu məsələlər ictimailəşəndən sonra ADPU Cəlilabad filialında pedaqoji fakültənin dekanı Mənzilə Rəhimovanın qanunsuz biznes fəaliyyəti ilə bağlı bu biabırçı cinayət əməllərinə son qoyulacaq və bu barədə ciddi tədbirlər görüləcək.
Redaksiya olaraq qarşı tərəfin də mövqeyini dərc etməyə hazırıq.
Növbəti sayımızda davam olacaq.Bizi izləyin…
Omedia.az
Azərbaycanda məmur övladlarının biznes sahəsi ilə məşğul olması barədə mətbuatda çoxsaylı məlumatlara rast gəlmək olar. Bu məmur övladları valdeynlərinin rahat şəkildə əldə etdikləri pullar hesabına rahat biznes sahələri yaradırlar.
AzFakt.com-un əldə etdiyi məlumata görə belə məmurlar övladlarından biri də Bakı Apelyasiya Məhkəməsinin keçmiş sədri İman Nağıyevin oğlu Rüstəm Nağıyevdir.
Mötəbər mənbədən əldə etdiyimiz məlumata görə Rüstəm Nağıyev Quba rayon Qəçrəş kəndində dəyəri bir neçə milyon manat olan otel və restoran biznesinə sahibdir.
Belə ki, Rüstəm Nağıyev Quba rayonunun ən prestijli zonası olan Qəçrəş kəndində 1,2 hektar ərazidə tikinti sahəsi 1144 kvadrat olan 2 mərtəbəli otel inşa etdirib.
Rüstəm Naığyevin Qubadakı mülkü bununla bitmir.
O, tikinti sahəsi 668 kvadrat metr olan daha bir restoran inşa etdirib. Bu restoran bir mərtəbədən ibarətdir.
1.2 hektar ərazidə yerləşən və ümumi sahəsi 4200 kvadrat olan otel və restoranın hazırkı bazar qiyməti bir neçə milyon manata dəyərləndirilir.
Ümumi sahəsi 857 kvadrat olan obyektin hazırkı bazar qiymətinin 1 milyon manatdan çoxdur.
Qeyd edək ki, Rüstəm Nağıyevin atası İman Nağıyev uzun müddət məhkəmə-hüquq sistemində yüksək vəzifələrdə çalışıb.
İman Nağıyev 2000-ci ildən 2007-ci ilədək Azərbaycan Respublikası Ali Məhkəməsinin hakimi, 2007-ci 2021-ci ilə qədər Bakı Apelyasiya Məhkəməsinin sədri vəzifəsində çalışıb.
Həmçinin 2005-2023-cü illərdə Hakimlərin Seçki Komitəsinin sədri vəzifəsində işləyib.
Qarşı tərəfin mövqeyini dərc etməyə hazırıq.
Bakı şəhəri, Nərimanov rayonu, Xəlil Rza Ulutürk küçəsi, ev 33Q ünvanında yaşayan Məsumova Şəfiqə Bəhlul qızı Prezident İlham Əliyevə və Birinci vitse-prezident Mehriban Əliyevaya müraciət ünvanlayıb.
Qlobal.az Şəfiqə Məsumovanın müraciətini təqdim edir:
“Mən, Məsumova Şəfiqə Bəhlul qızı 1999-cu ildən Nərimanov rayonu, Elçin İsaqzadə küçəsi, Məzahir Məmmədov adına 37 nömrəli tam orta məktəbdə Azərbaycan dili və ədəbiyyat müəllimi işləyirəm. Vətənə, millətə layiq savadlı gənclərin yetişməsində bir vətəndaş-müəllim kimi öz vəzifə borcumu layiqincə yerinə yetirirəm.
Ümumilikdə 33 illik pedaqoji stajım var. 2000-ci il tarixindən Yeni Azərbaycan Partiyasının (YAP) üzvüyəm.
2003-cü il tarixindən Bakı şəhəri, Nərimanov rayonu, Xəlil Rza Ulutürk küçəsi, ev 33Q ünvanında oğlum Nurlan Məsum və Hacılı Lamiyə ilə qeydiyyatdayıq və hal-hazırda iki azyaşlı nəvəm də bizimlə yaşayır. Yaranmış təhlükəli vəziyyətlə bağlı qızım və nəvələrim başqa yerdə yaşamağa məcbur olublar. Ailəmin rahatlığı, əmin-amanlığı, sağlam muhitdə yaşamaq hüququ əlimizdən alınıb. Bunun səbəbkarı özlərini əvvəllər “Çardağ”, daha sonra “Marbel Construction” Məhdud Məsuliyyətli Cəmiyyət kimi təqdim edən MTK-dır. Adı çəkilən MTK işçiləri heç bir yazılı bildiriş göndərmədən Nazirlər Kabinetinin ləğv olunmuş 86 saylı qərarını əsas gətirərək qeyri-qanuni söküntü işləri ilə məşğuldurlar. Qəsdən və qərəzli şəkildə yaşadığım evin ətrafında narahatlıq yaradıb, telefon, su, kanalizasiya xətlərinə zərər vurulur. Hətta su xətlərinin dəfələrlə zədələnməsi nəticəsində günlərlə su yola axıb və evimin altına su dolub.
Söküntünün qalıqlarını hər gün məktəbə gedib-gəldiyim yola və evimin qarşısına tökmüş, indi isə evimin qarşısını heç bir haqları və əsasları olmadan taxta konstruksiya ilə hasarlayıblar. 27 Yanvar 2024 tarixində evimin qarşısında qanunsuz hasarlama üçün dirəklərin basdırılmasına etirazımı bildirdikdə isə “Hara istəyirsən, şikayət et!”- dedilər. Taxta hasarlar tezalışan təhlükə mənbəyi olmaqla yanaşı qapalı, kimsəsiz bir yerdə yaşamaqdan, şirkət tərəfindən ailəmə, evimə qarşı hər hansı bir təhlükənin, təxribatın törədiləcəyindən narahatam. Mərkəzi yola çıxmaq üçün istifadə etdiyimiz piyada yolunu bağlayıb, öz məqsədləri üçün maşın yolunu açıq saxlayıblar. Öz evimizdə rahat yaşamağa bilərəkdən maneçilik yaradılır.
Azərbaycan Respublikasının Konstitusiyasına əsasən hər kəsin normal şəraitdə, sağlam ətraf mühitdə yaşamaq hüququ var. Adı çəkilən (Marbel Construction) MTK bizi normal yaşamaq hüququmuzdan məhrum edir.
Yeni Azərbaycan Partiyasının üzvü olaraq hesab edirəm ki, qarşıdan gələn prezident seçkiləri ərəfəsində belə “işgüzar” sahibkarlar öz qeyri-qanuni hərəkətləri ilə dövlət başçısının nüfuzuna, apardığı siyasətə əks mövqe tutaraq, vətəndaşların sosial rifahına, firavanlığına xələl gətirirlər.
Yuxarıda qeyd olunanları nəzərə alaraq bu özbaşınalığın qarşısını almaq üçün demokratik Azərbaycan Respublikasının vətəndaşı, bir müəllim, bir ana, bir qadın olaraq bununla bağlı müvafiq qəti tədbirlərin tərəfinizdən görülməyini xahiş edir, evimin hasarlanaraq blokada şəraitinə salınmasının qarşısının alınması üçün sizə müraciət edirəm.
Müdrik siyasətçi, ümummilli lider Heydər Əliyevin layiqli davamçısı, Müzəffər Ordunun Müzəffər Ali Baş Komandanı möhtərəm prezidentimiz İlham Əliyev və birinci vitse-prezident Mehriban xanım Əliyeva vətən uğrunda canından keçən şəhid və qazi ailələrinə etimad göstərmiş, öz diqqət və qayğılarını əsirgəməmişlər. Şəhid Elçin İsaqzadənin yaxın qohumu kimi dəyərli prezident İlham Əliyev və xanımı Mehriban Əliyevadan kömək istəyirəm”.
Dələduzluqda ittiham olunan professor Raya Nəcəfovanı Milli Məclisin deputatı Ülvi Quliyev müdafiə edir.
Bu barədə Qlobal.az-ın əldə etdiyi məlumatda deyilir.
Məlumata görə Raya Nəcəfova xeyli sayda şəxsdən külli miqdarda pul alıb. Lakin zərərçəkmiş şəxslər hüquqlarını bərpa edə bilmir.
Raya Nəcəfovaya böyük vəzifəli şəxslərin dəstək verdiyi vurğulanır.
Bu şəxslərdən biri də Milli Məclisin deputatı Ülvi Quliyevdir.
Onların həm də quda olduğu bildirilir.
Raya Nəcəfovaya digər dəstəyi isə həyat yoldaşı Rövşən Əlvəndov tərəfindən verildiyi vurğulanır.
Rövşən Əlvəndov hazırda Qaçqın və Məcburi köçkünlərin İşləri üzrə Dövlət Komitəsində Təmir tikinti İdarəsinin müdiridir.
Qeyd edək ki, bir müddət əvvəl Raya Nəcəfova barəsində Cinayət Məcəlləsinin 178.2.2-ci (Dələduzluq- təkrar törədildikdə) maddəsi ilə cinayət işi başlanıb. Artıq ibtidai istintaq yekunlaşıb və iş baxılması üçün Yasamal Rayon Məhkəməsinə göndərilib. Raya Nəcəfova barəsindəki cinayət işinin məhkəmə istintaqı hakim Rauf Daşdəmirovun sədrliyi ilə aparılacaq.
Bu barədə Vahid Məhkəmə Portalında da məlumat yerləşdirilib. Məlumatdan aydın olur ki, iş üzrə 11 nəfər zərərçəkmiş qismində tanınıb. Təfərrüatlar barədə isə bilgi yoxdur.
Qarşı tərəf mövqe sərgiləyə bilər.
Tovuz rayonu Mərdan Musayev küçəsində içməli su 2 ildir küçəyə axır.
32gun.az-a sakinlərin də bildirdiyinə görə, məsələ ilə bağlı aidiyyatı qurumlara müraciət etsələr də heç bir tədbir görülmür.
Ağstafa - Dağkəsəmən kəndində çəkilmiş görüntülər ikrah hissi oyadıb.
32gun.az xəbər verir, Zibil qablarında məişət tullantıları aşıb daşır. heç bir əncam çəkilmir. İcra nümayəndəsi və bələdiyyəsi problemi görməzdən gəlir.
Sakinlər iddia edirlər ki, tullantılar elə vaxt olur günlərlə daşınmır. Üfunətdən ərazidən keçmək olmur.
Ərazidə yaşayan sakinlərin sözlərinə görə, zibil qabları üçün ərazi düzgün seçilməyib. Üstəlik, qablar da standartlara cavab vermir.
Xatırladaq ki, Ağstafa RİH başçısı Seymur Orucovdur.
Ağstafa RİH başçısının Dağ Kəsəmən kənd İƏD üzrə nümayəndəsi Qiyasbəyov İbrahim Tofiq oğludur.
Azərbaycan Tibb Universitetinin Tədris Terapevtik Klinikasının Şüa Diaqnostikası şöbəsinin müdiri, həkim-radioloq Aydın Əliyev xəstəxanalarda reaktivlərin olmadığını iddia edir.
Yeniavaz.com xəbər verir ki, bu barədə o, sosial şəbəkə hesabında ona daxil olan müraciət əsasında paylaşım edib.
“Xəstə gedib analiz verməyə, reaktiv yoxdur deyib başqa klinikaya göndəriş veriblər, ikinci klinika da deyib ki, reaktiv qurtarıb. Axırda xəstə məcbur qalıb gedib özəl klinikada analiz verib. TƏBİB, İTS, qurduğunuz sistem budur, insanların başına oyun açırsız!”, - paylaşımda deyilir.
Daha sonra TƏBİB əməkdaşının ona müraciəti əsasında fikirlərinə aydınlıq gətirib və videomüraciətlə məsələni izah edib.
“Xəstə Respublika Endokrinoloji dispanserinə müraciət edib. Orada ona “insulinəbənzər boy faktoru” analizi lazım olub. Ona reaktivin qurtardığını bildiriblər. Xəstəyə 6 nömrəli uşaq xəstəxanasına göndəriş veriblər. Ordan 7 nömrəli uşaq poliklinikasına. Orda da reaktivin bitdiyi deyilib. Xəstə məcbur qalıb özəl klinikada analiz verməyə”, - radioloq danışıb.
Həkim belə problemlərin çox olduğunu bildirib:
“Niyə reaktiv yoxdur? Həftələrlə reaktivlər yoxdur. Xəstə nə qədər gözləməlidir? Pasiyentin hər ay öz əmək haqqından və işlədiyi müəssisənin büdcəsindən vəsait tutulur bu müayinələr üçün. Niyə təmin etmirsiz? Qurtarıb, təmin edin vaxtlı-vaxtında!”
"Sən məni işdən çıxarsan, filan sirlərini açaram",
"Alverimə mane olsan, mən də sənin rüşvətini çar çəkərəm",
"Sən öləsən, sənin zibillərini elə ifşa edərəm ki, akademiklik arzun gözündə qalar",
"Sadduqə, bax, üzə durmasan, səni doktorluq üzünə həsrət qoyaram", "Haqqımda tərif yaz, kitabına həmmüəllif qoy,səni şöbə müdiri edəcəm",
"Mən nüfuzlu akademikəm, ay Xərabəddin müəllim. Bilirəm çox savadlısan. Pulun isə yoxdur. Onda adımdan yaxşı bir kitab yaz, səni AMEA-nın müxbir üzvü edərəm, hər ay müftə 1000-2000 əlavə təqaüd alacaqsan",
"Sən mənim adamımsan. Heç kəs sənə bir söz deyə bilməz. Rüşvət almamış müzakirəni, seminarı keçirmə!",
"Saxtakarlığına şahidlik etmişəm, Bambul əfəndi, mən deyən olmasa, açacam sandığı, tökəcəm pambığı. Ondan sonra ol, görüm, akademik, necə olursan?!"
Dövləti təhdid edən qorxulu şəbəkələr məhz belə mühitdə formalaşır. Üzdə məlahət, arxada xəyanət. Akademşəbəkə bu şəbəkələşmənin bariz nümunəsidir.
Idris Abbasov
TEREF: Xocanin Blogu
Cəmilə Əhmədova: “Xanlar Vəliyev bizi çəkindirmək, pulumuzu tələb etməməyimiz üçün əlindən gələn bütün haqsızlıqları edir və qızımı həbs etdirməklə hədələyir”
“O, müstəntiqinin qanunsuz hərəkətlərinin qarşısını almaq əvəzinə, düz 11 aydan sonra tabeçiliyində olan müstəntiqlərlə birləşib dələduzların tərəfini saxlamış, onların müdafiəsinə qalxmışdır”
Bakı şəhəri, Nəsimi rayonu, Tolstoy küçəsi, ev 108-də yaşayan Cəmilə Əkbər qızı Əhmədova tərəfindən Azmedia.info.az-ın redaksiyasına şikayət məktubu daxil olub. Beləliklə, saytımız vasitəsi ilə ölkə başçısı İlham Əliyevdən və müvafiq qurumların rəhbər şəxslərindən yardım istəyən Cəmilə Əhmədovanın müraciətini olduğu kimi təqdim edirik:
“Hörmətli cənab Prezident! Mənim 73 yaşım var. Saçlarımı küçələri süpürməklə, evlər təmizləməklə ağartmışam. Bu günə kimi nə qızım, nə də özüm heç bir cinayət törətməmişik. Qızıma qarşı Mircavad Seyidov və Mirislam Seyidzadə (ata-oğul) tərəfindən törədilmiş dələduzluq hərəkətləri barəsində Tərtər Rayon Polis Şöbəsinə ərizə ilə müraciət etmişik. Müraciətimiz əsasında cinayət işi qaldırılmışdır. Cinayət işi Azərbaycan Respublikasının Baş Prokurorluğu tərəfindən araşdırılmışdır. Dələduzlardan biri Mirislam Seyidzadə əvvəllər hərbiçi olduğu üçün cinayət işi təxminən, 5 aydan sonra Baş Prokurorluq vasitəsilə Bakı Hərbi Prokurorluğuna göndərilmişdir. Cinayət işini Bakı Hərbi Prokurorluğunun müstəntiqi Məhəmməd Abbasov aparmışdır. Məhəmməd Abbasovun qanunsuz hərəkətləri, dələduzlarla əlbir olduğu barədə Azərbaycan Respublikasının Baş Prokurorluğuna müraciət etmişik. Baş Prokurorluq tərəfindən müraciətimizə baxılmışdır. Müraciətimizdə göstərdiyimiz faktlar və sübutlar təsdiqini tapdığı üçün Baş Prokurorluq tərəfindən cinayət işi Məhəmməd Abbasovdan və ümumiyyətlə, Bakı Hərbi Prokurorluğundan alınmış və Respublika Hərbi Prokurorluğuna, müstəntiq Bəxtiyar Əzimzadənin icraatına verilmişdir.
Beləcə, hüquq mühafizə orqanları iki nəfər şəxsi – qızım Aidə Qafarovanı və qonşumuz Vüsalə Fətullayevanı 11 ay zərərçəkmiş qismində tanınmışlar. Aydın məsələdir ki, Respublika Hərbi Prokurorluğu da cinayət işini, eynilə Bakı Hərbi Prokurorluğunun müstəntiqi Məhəmməd Abbasov kimi qanunsuz hərəkətlər etməklə aparmışdır. Çünki Respublika Hərbi Prokurorluğun müstəntiqi Bəxtiyar Əzimzadə tərəfindən təhqir olunan, təzyiqlərə məruz qalan, yalançı şahidlik etməyə ifadə verməyə məcbur edilən, 10-larla müxtəlif şahidlər və cinayət işinə aidiyyəti olmayan şəxslər tərəfindən müstəntiqin qanunsuz hərəkətlərindən Xanlar Vəliyevin özünə teleqramlar göndərilmiş, müraciətlər olunmuşdur. Hətta elə müraciətlərimiz var ki, səsimiz Xanlar Vəliyevə çatsın deyə, sosial şəbəkədə internet üstündən yayımlanmışdır.
Hörmətli cənab Prezident! Xanlar Vəliyev müstəntiqinin qanunsuz hərəkətlərinin qarşısını almaq əvəzinə, düz 11 aydan sonra tabeçiliyində olan müstəntiqlərlə birləşib dələduzların tərəfini saxlamış və dələduzların müdafiəsinə qalxmışdır. Belə ki, təqsirləndirilən şəxslərə – Mircavad Seyidova və oğlu Mirislam Seyidzadəyə bəraət vermiş, qızım Aidə Qafarovanı və Vüsalə Fətullayevanı yalançı xəbər verməkdə ittiham edərək, barələrində cinayət işi qaldırmış. Cinayət işini Tərtər Rayon Prokurorluğuna göndərmişdir. Qızım Aidənin və Vüsalə xanımın həbs edilmələri ilə bağlı Tərtər Rayon Prokurorluğuna göstəriş vermişdir. Aydın məsələdir ki, Tərtər Rayon Prokurorluğunun müstəntiqi qorxusundan Xanlar Vəliyevin sifarişini yerinə yetirəcəkdir. Əks təqdirdə gələcəkdə işini itirəcəyindən qorxur.
Hörmətli cənab Prezident! Xüsusilə qeyd etmək istəyirəm ki, Xanlar Vəliyev barəsində bəraət verdiyi və müdafiəsinə qalxdığı dələduzlardan biri – Mirislam Seyidzadənin əvvəllər də Azərbaycan Respublikası CM-nin 177-ci (Oğurluq) və 178-ci (dələduzluq) maddələri ilə barəsində qanunu qüvvəyə minmiş hökmün olduğunu və hazırda məhkumluq həyatı yaşadığını gizlətmişdir. Məlum məsələdir ki, Xanlar Vəliyevin icazəsi olmadan, müstəntiqin bu qədər qanunsuz hərəkətlərə yol verməsi və qanunsuz hərəkətlərinin arxasında dayanması mümkünsüzdür və inandırıcı görünmür. Xanlar Vəliyevin müstəntiqin müdafiəsinə qalxması məlum məsələdir. Ancaq Xanlar Vəliyevin dələduzları müdafiə etməsini bu gün də başa düşə bilmirik.
Hörmətli cənab Prezident! 01.02.2024-cü il tarixdə səsimizi sizə çatdırmaq üçün Prezident Administrasiyasının qabağında olmuşam. Sizə qədər bütün aidiyyəti qurumlara teleqramlar göndərmişəm, müraciətlər etmişəm. Xanlar Vəliyev Azərbaycan Respublikası Baş Prokurorunun müavini və Respublikanın Hərbi Prokuroru olduğu üçün, bütün prokurorluq orqanlarının işçiləri Xanlar Vəliyevdən qorxurlar. Ona görə də şikayətimizə baxmırlar. İşə düzəltmək üçün qızıma verdiyim pul, qəpik-qəpik yığdığım kəfən pulumdur. Kəfən pulumun alınması üçün Xanlar Vəliyevin qəbulunda olmuşam. Xanlar Vəliyev bizi çəkindirmək, pulumuzu tələb etməməyimiz üçün əlindən gələn bütün haqsızlıqları edir və qızımı həbs etdirməklə hədələyir. Düşünürəm ki, görəsən, Xanlar Vəliyevi ana doğmayıbmı? Görəsən, Xanlar Vəliyevin anası, bacısı, qızı yoxdurmu? Cavab tapa bilmirəm!…
Cənab Prezident! Hər yerdən ümüdümüz kəsilmişdir. 73 yaşlı, ağbirçək bir ana kimi Sizə müraciət edirəm. Sizdən xahiş edirəm, Xanlar Vəliyevin dələduzlarla birləşib bizi məhv etməsinə imkan verməyin! Ümid yerimiz ancaq Sizsiniz. Xanlar Vəliyevin qanunsuz hərəkətlərinin qarşısının alınması ilə bağlı aidiyyəti qurumlara göstəriş verməyinizi Sizdən xahiş edirəm”.
cumhuriyyet.net
Ən maraqlısı nədir, bilirsinizmi?
Naxçıvanın Kənd Təsərrüfatı nazir əvəzi təkcə nazirliyin hüquqşünası Gülşən Hacıyevanı işdən azad etməyib. Onu və nazirliyin aparat rəhbəri Zəkəriyyə Gözəlovu 5 nəfəri qanunsuz işə götürdüyünə görə vəzifələrindən uzaqlaşdırıb. Üstəlik, həmin 5 nəfəri də onların gözünə qatıb. Qısası bir əmrlə 7 nəfərin işinə xitam verib.
Daha sonra isə işdən çıxardığı 5 nəfəri yenidən işlərinə qaytarıb. Gülşən Hacıyeva və Zəkəriyyə Gözəlov isə indiyədək bütün instansiyalara baş vurmalarına baxmayaraq bu səadətə qovuşa bilmirlər.
Adama deyərlər, əgər o 5 nəfərin işlə təminatı qanunsuz idisə, onda özün niyə yenidən həmin səhvə yol veribsən? Yox əgər qanuni idisə, niyə onları işə götürənləri cəzalandırırdın?
Heydər Oğuz
