"Dövlət İmtahan Mərkəzi təhsilə ciddi maneələr yaradır"
TEREF.AZ bildirir ki, bunu "Sherg.az"a açıqlamasında təhsil eksperti Elşən Qafarov “DİM-in fəaliyyəti dayandırılmalıdır” iddialarından danışarkən deyib.
Ekspert qeyd edib ki, DİM bəhanələr gətirərək, tədris ilinin bitməsinə 12 həftə qalmış buraxılış imtahanları keçirir:

"Tədris ilinə 12 həftə qalmış imtahan keçirilməsi ciddi problemlər yaradır. Çünki məktəblərdə tədris proqramlara tam yerinə yetirilmir və davamiyyətsizlik yaradır. Həmçinin dünyada elə bir ölkə yoxdur ki, qəbul imtahanları qruplar üzrə keçirilsin. Yəni digər ölkələrdə qəbul ixtisaslar üzrə həyata keçirilir. Bu gün abituriyentlərdən kim olduğunu soruşsaq, cavab verə bilməyəcəklər. O bizə hansı qrupa hazırlaşdığını deyəcək. Amma belə olmamalıdır. Hər bir şəxs arzuladığı ixtisas üzrə hazırlaşmalı və təhsil almalıdır. DİM-in sistemi isə insanları istəklərindən məhrum edir. Hətta ölkədə qəbul olunan abituriyentlərin hər 100 nəfərindən 95-97-i arzu etdiyi ixtisas üzrə təhsil almır. Digər tərəfdən Dövlət İmtahan Mərkəzi illərdir ki Təhsil Nazirliyi ilə rəqabətə girib. Nəticə etibarilə sanki təhsildə bir yox, iki mərkəzi icra orqanı var. Bununla yanaşı, DİM-in nəticələri manipulyasiya etmək və təsir etmək imkanı var. Yəni istədiyi ildə sualları çətinləşdirərək, cəmiyyətdə təhsilin bərbad olması fikri yarada, istəsədə sualları sadələşdirə bilir. Bunun nəticəsində isə Təhsil Nazirliyi üzərində bir basqı yaradır. Bu isə qorxulu bir məqamdır".

Ekspertin sözlərinə görə DİM-in öz standartları və ayrıca dərs vəsaitləri var:

" Bunun nəticəsində isə Dövlət İmtahan Mərkəzində milyonlarla manat pul dövriyyə edir. Digər tərəfdən DİM tərəfindən hazırlanan testlərdə hər il problemlər olur. Bu problemlər isə sualların şagirdlərin bilik və bacarıqlarına uyğun hazırlanmasından irəli gəlir. Nəticədə də şagirdlər repetitor yanına getməyə məcbur olurlar. Bu məktəblərə, təhsilə və Azərbaycan müəlliminə inamsızlıq yaradır. Səbəbi isə DİM-in hazırladığı sualların məktəbdəki təhsillə uyğun olmamasıdır.

Ortada tək qazanan isə DİM-dir. Vəziyyətdən çıxmaq üçün Dövlət İmtahan Mərkəzini ləğv etmək real deyil. Bu mərkəzi yalnız imtahanları həyata keçirən texniki bir quruma çevirmək lazımdır. Bunu üçün isə test, proqram və dərs vəsaiti hazırlamaq səlahiyyətləri DİM-dən alınmalıdır. Nazirlər Kabineti yanında testologiya mərkəzi yaradılmalı və nə DİM-ə, nə də Təhsil Nazirliyi tabe olmalıdır. Belə olduğu təqdirdə təhsil mühiti yaxşılaşacaq, abituriyentlərin istədiyi ixtisas üzrə təhsil alması mümkün olacaq. Bu isə həm təhsil sisteminə, həm də müəllimlərə inamı yenidən bərpa edəcək".

Azərbaycanda siyasi sahədə keçirilən islahatlar göz önündədir və bundan demək olar ki, bütün dövlət qurumları öz payını alıb. Bəlkə də yeganə qurum Dini Qurumlarla İş Üzrə Dövlət Komitəsidir ki, həyata keçirilən islahatlardan yayınmağa imkan tapıb. Deyəsən, bu Komitənin rəhbəri Mübariz Qurbanlı “dini üsullar”dan istifadə edərək gözəgörünməz olmağı bacarıb. Necə deyərlər, cənab Qurbanlı öz balaca köşəsinə çəkilərək “böyük işlər” görməkdədir. Onun biznes imkanlarına malik olması haqda kifayət qədər məlumatlar mövcuddur. Komitə sədrinin öz mənzilini milyonluq pəncərə sistemi ilə təchiz etməsi, onun hansı “işlər”lə məşğul olduğunu bilmək üçün kifayət edir. On ilə yaxındır ki, “gözdən uzaq, könüldən iraq” gəzməyi bacaran Mübariz Qurbanlının Dini Komitə ilə uzaqdan-yaxından bağlılığı olmadığı, din-dövlət münasibətlərinə xələl gətirdiyi, bu istiqamətdə heç bir iş görmədiyi gün kimi ortadadır. Nəzərə almaq lazımdır ki, Azərbaycan dini ideologiya cəhətdən çox həssas regionda yerləşir və cənub qonşumuz İranın bu mənada ölkəmizə təsir imkanları çox böyükdür.

Vəzifəsi QMİ ilə bərabər ölkədə dini-ideoloji mühiti sağlamlaşdırmaqdan, milli din xadimlərini yetişdirməkdən, dövlət-din münasibətlərini tənzimləməkdən və xarici təsirlərdən qorumaqdan ibarət olan Komitənin bu sahədə heç bir fəaliyyəti yoxdur. Heç Mübariz Qurbanlı özünə əziyyət verərək televiziya kanallarına çıxıb ölkədə baş verən dini proseslər haqda kəlmə kəsməyi də özünə rəva görmür. Məhz bu səriştəsiz fəaliyyətin nəticəsidir ki, ölkənin dini cameəsində İran təsiri öz sözünü deyir. Digər tərəfdən, axırıncı dəfə Mübariz Qurbanlının hansısa televiziya efirinə çıxıb Prezident tərəfindən həyata keçirilən islahatlar barədə danışdığını da xatırlamıram. Sanki cənab Qurbanlı Azərbaycanda yaşamır və ölkədə baş verən proseslərin bu şəxsə heç bir aidiyyatı yoxdur. Belə olan təqdirdə haqlı sual meydana çıxır: Görəsən, Dini Qurumlarla İş Üzrə Dövlət Komitəsi nəyə və kimə lazımdır? Ümid edirəm ki, Mübariz Qurbanlı uzun müddətlik sükutu pozaraq sualın cavabına özü şəxsən aydınlıq gətirəcək. Amma hər bir halda Komitənin və onun sədrinin fəaliyyəti haqqında aidiyyatı qurumlar araşdırmalara başlasalar, bir çox qaranlıq məqamlara aydınlıq gətiriləcəyinə şübhə etmirəm.

Mövzunu KONKRET.az-a şərh edən Müasir Müsavat partiyasının sədri Hafiz Hacıyev bu şəxsin Azərbaycan xalqının var-dövlətinə susadığını bildirib: “Dini Komitə ləğv edilməlidir, bu qurum kimə lazımdır ki? Komitə rəhbəri Mübariz Qurbanlı ayrı işlərlə məşğuldur. Komitəyə rəhbərlik etməyə layiq deyil, pivə içəndir. Bu şəxs İslam dininə layiq deyil, ancaq xəyanətlə məşğuldur. Hamısı Ramiz Mehdiyevin kadrıdır və ölkədə qarışıqlıq yaratmaqla məşğuldur. Bu gün ölkədə böyük narazılıqlar hökm sürür. Bu narazılıq dalğasını isə həmin şəxs və onun kimi digərləri yaradır. Ona görə də, hesab edirəm ki, Dini Qurumlarla İş Üzrə Dövlət Komitəsinə böyük vəsaitlərin ayrılmasına ehtiyac yoxdur”.

Hafiz Hacıyev əlavə edib ki, həm “QMİ”nin, həm də Dini Qurumlarla Komitənin sədri yerində olmayan şəxslərdir: “Mübariz Qurbanlı Ramiz Mehdiyevin kadrıdır. Bu şəxs Mehdiyevin kabinetinə girərək onun əlindən öpüb və “Boz kardinal”a sitayiş edib. Şəxsən özü mənə deyib ki, Ramiz Mehdiyev bizim ağsaqqalımızdır. Onun əlindən öpsən sənə də vəzifə verəcək. Amma biz dövləti sevən və müdafiə edən insanlarıq və hər zaman Prezidentin yanında olmuşuq. Bizə təzyiqlər olsa da, nöqsanları hər zaman dilə gətirmişik. Bir daha deyirəm, Dini Komitənin mövcudluğunun heç biri xeyiri yoxdur. Ya QMİ olmalıdır, ya da Komitə. Bu qurumların ikisindən biri ləğv edilməlidir”.

Partiya sədri Mübariz Qurbanlının çox böyük biznesə sahib olduğunu vurğulayıb: “Kabinetlərdə oturub dövlət telefonları ilə bu məsələləri həll edirlər. Onların başqa vəzifələri yoxdur. Məqsədləri ancaq büdcəni dağıdıb yeməkdir”.

Xəbər verdiyimiz kimi, Sumqayıtda fizika müəllimi şagirdin saçını kəsib.

TEREF.AZ xəbər verir ki , məktəblinin saçını kəsən 29 nömrəli məktəbin müəllimi Mədinə Məmmədova Abşeron rayon Dövlət Yol Patrul Xidmətinin inspektoru Turqay Mirzəyevin anasıdır.

Qeyd edək ki, şagird dərsə "səliqəsiz" saçla gəldiyinə görə fizika müəlliminin onu vurduğu və saçını qırxdığı bildirilib.manset.az

İki gündür Azərlotoreyanın keçirdiyi bəzi oyunları araşdırıram. Gəncliyimdə Türkiyədə 6/49 oynamışam. İnanırdım ki, udacağam. Çoxlu variantlar yazmış, kiçik bir sistem yaratmışdım. İki dəfə 4 nömrə də tutdum…

Sonradan başa düşdüm ki, fırıldaqdır. Uduş variantını əvvəlcədən müəyyən edirlər. Yəni lototrondan çıxan rəqəmlər təsadüfi deyil. Dövlət hərif deyil, heç vaxt təsadüfi adama milyonlar verməz.

Hazırda Azərbaycanda bütün televiziyalar, media 913 min manat udduğu deyilən Xaçmaz sakinin reklam edir. Bu, qumarın dövlət səviyyəsində təbliğidir. Özü də düzgün, şəffaf olmayan, şərtləri, mexanizmləri dolaşıq, müəmmalı olan qumar oyunlarının.

O xaçmazlı daşsatan adam (Kamran Məmmədsəidov) yetimin biridir, ona o qədər pulu heç kəs verməz. Öyrədib çıxardıblar efirə, deyir, 10 min Yaşat fonduna, 10 min Heydər Əliyev fonduna, 10 min də nə bilim nə fonduna köçürəcəyəm. Bədbəxt oğlu, Heydər Əliyev fondu sənin pulunu neynir? Özü ona-buna pul, ev verir. Udmusan, get problemini həll elə də, ağzında düz-əməlli dişin yoxdur, onu düzəltdir.

Deyir, daş satmağa davam edəcəyəm. Heç milyonçu da daş satar? Yenə daş biznesini genişləndirəcəyəm desəydi, dərd yarı idi. 900 min manatı olan adam da səhərdən axşamacan 5-6 yüz manat qazanmaq üçün toz-torpağın içində eşələnər? Onu qəsdən belə öyrədiblər ki, gələcəkdə kimsə araşdırsa, görsün ki, “gözütox” adamdır, milyonu olsa da, halal zəhmətlə dolanır. Halal zəhmətlə yaşamaq istəyən adam lotoreya niyə alır? Zalım oğlunun bir 20-30 minlik maşın alacağam deməyə də dili gəlmədi. Bilirsinizmi niyə? Çünki onda o pul sadəcə yoxdur. Ona uzaq başı efirə çıxdığına görə 5-6 min verəcəklər. Nə isə, yaşayaşarıq görərik…

Əgər bizdə düz-əməlli media olsaydı, o işin bütün arxa planını tapıb qoyardı ortaya. Təəssüf ki, yoxdur. Olmasında da heç kəs maraqlı deyil.

Məsələ burasındadır ki, “cek-pot” deyilən yüksək məbləği kefləri istəyən vaxt, kefləri istəyən oyunçu üçün çıxarmaq imkanları var. Müasir İT-nin, süni intellektin əlində bu heç nədir. Əgər uduş turajı keçirildikdən dərhal sonra, irili-xırdalı bütün uduşları qəpiyinə qədər elan edə bilirlərsə, lototrondan istənilən rəqəmləri çıxarmaq heç nədir.

Sual olunur: niyə cek-potdan başqa digər uduşlar çox cüzidir? Niyə oynayan adam yalnız ildə bir dəfə çıxaracağınız və milyonda bir şans verməyən cek-potda maraqlı olmalıdır? Əgər düzgün, xalqı əyləndirməyə yönəlik layihə olsaydı, aşağı və orta uduşlar da cəlbedici olardı. Amma cek-pot xaric, digər uduşlar qəpik-quruşdur.

Oyunların şərtlərini, cek-pot udma ehtimalını riyazi baxımdan hesablayanda açıq-aydın görürsən ki, bu ehtimal yox dərəcəsindədir. İnanın ki, arabir özləri yalandan kiməsə çıxdığını elan edib, hay-küy qaldırmasalar, illərlə heç kəs heç nə uda bilməz və zatən heç kəs heç nə udmur da. Çünki ehtimal nəzəriyyəsi bu şansın sıfra yaxın olduğunu təsdiqləyir.

Bir sözlə, Azərlotoreya dövlət səviyyəsində fırıldaqla, vətəndaşları aldatmaq və soymaqla məşğuldur.

Nadir QOCABƏYLİ,

Azinforum.az

Deputat Etibar Əliyev Ali Məhkəmənin səlahiyyət müddəti bitən sabiq sədri Ramiz Rzayevə ağır ifadələrlə ittihamlar səsləndirib.

Tribunainfo.az onun çıxışını təqdim edir: “Məhkəmə – ədalətin simvoludur. Ali Məhkəmənin sədri Ramiz Rzayevin səlahiyyət müddəti bitib və mən etik prinsiplərə əməl etmədən deyirəm ki, adam rədd olub gedib, bu sistemdən. Bu adam nəyinsə müqabilində saxta diplomlu hakimləri müdafiə edib. Onları irəli çəkib. Bu adam aşağı məhkəmə orqanlarının qərarlarını maddi marağı səviyyəsində dəyərləndirib. Bu adam işində hər addımda Konstitusiyamızın maddələrini kobud şəkildə pozub. Bu adam məhkəməni şəxsi mülkiyyətinə çevirmişdi. Ən varlı adamlardan biridir. Obyektlərinin, evlərinin sayının həddi- hüdudu yoxdur. Və bu adamın işdən rədd olunmasını dəstəkləyən bir müsbət fikrə rast gəlmisinizmi? Mümkün deyil…Məhkəmə sisteminə vurduğu ağır və sarsılmaz zərbələrin bərpası üçün böyük vaxt itkisi tələb olunacaq. Məhkəmə sistemində də toy- bayramdır”.