www.dunyapress.info - Diqqət mərkəzi

`İydə` üçün müştəri məmnuniyyəti ÖNƏM DAŞIMIR... - "Məsələ artıq maddi deyil, mənəvi məsələdir"

Yaradılıb 10.04.2023 09:01 | Baxış sayı: 94

"Şikayətim "İydə Perfumery" parfumeriya firmasındandır". DİA.AZ bildirir ki, bu barədə "Müştərinin Səsi" sosial qrupundakı paylaşımda qeyd olunur.

Daha sonra narazı vətəndaş yazır: "Daim "İydə Parfumeriya"dan ətir alıram. Hər səfərdə eyni ətiri almışm. Bu səfər ətiri dəyişmək qərarına gədim. İçəridə o qədər qarışıq iy vardı ki , seçim etməkdə çətinlik yarandı və satıcının tövsiyyəsi ilə biri 115 biri 135 manata 50ml ətir aldım. 135 manatlıq ətiri yerində hazırladılar, o birisi isə öncədən hazırlanmışdı. Hazırlanan ətirdən özləri şpirisin içində qalan hissəni test üçün üzərimə vurdular. 2 gün ərzində qoxu mənə çox pis təsir etdi və dükana yaxınlaşdımki istifadə etməmişəm və dəyişmək istəyirəm.

Daimi müştərisi olduğum hörmətə layiq olmayan "İydə parfüm"ün güya müdiri "gigiyenik səbəbdən dəyişə bilmərik" cavabını verdi. Bu üzqırxandır? Diş şotkasıdır? Yoxsa pudra falandırmi bunu gigiyenik əsaslandırır? 2 ətirin birini öncədən qablasdırmışdılar, dəyişmək istədiyim ətiri isə yanımda qablaşdırdılar. O ətir heç hədiyyə üçün də yararlı deyildi ki, kiməsə hədiyyə edəm.

Dükana qoyub geri qayıtdım və mərkəzlərinə zəng vurdum. İlk öncə dəyişərik daimi müştərimizsiniz dedilər. Sonradan imtina etdilər. Bununla bağlı istehlakçıların müdafiəsi üçün hasısa qurum varmı? Qeyd edim ki, məsələ artıq maddi deyil, mənəvi məsələdir".

İddia olunanlarla bağlı dia.az olaraq qarşı tərəfi də dinləməyə hazırıq...

Şabranda Heydər Əliyevin 100 illiyinə həsr olunan ağacəkmə aksiyası keçirilib

Yaradılıb 09.04.2023 20:13 | Baxış sayı: 105

Ümummilli lider Heydər Əliyevin anadan olmasının 100 illiyi və 2023-cü ilin "Heydər Əliyev ili" elan olunması ilə əlaqədar Gəndob-Xaçmaz-Yalama yolunun 121-ci km-də ağacəkmə aksiyası keçirilib.

Məlumata görə, aksiyada Şabran Rayon İcra Hakimiyyətinin rəsmiləri, hüquq-mühafizə orqanlarının rəhbərləri, YAP rayon təşkilatının sədri və könüllüləri, idarə, müəssisə, eləcə də rayon sakinləri iştirak ediblər.

Aksiya çərçivəsində Gəndob-Xaçmaz-Yalama magistralının Şabran şəhərinin ərazisindən keçən hissəsinə 350 ədəd şam ağacı əkilərək gübrələnib və suvarma işləri aparılıb.

Aksiyanın keçirilməsində əsas məqsəd ölkədə ekologiyanın qorunması və ətraf mühitin sağlamlaşdırılmasına hər zaman böyük əhəmiyyət vermiş ulu öndər Heydər Əliyevin əziz xatirəsini yad etmək, ümummilli liderin yaşıllaşdırma ənənələri irsini davam etdirmək, insanlar arasında ekoloji mədəniyyəti, təbiətə olan qayğı hissini təbliğ etməkdən ibarət olub.

`Azercell` vətəndaşa necə PROBLEM ÇIXARIR - GİLEY

Yaradılıb 09.04.2023 09:38 | Baxış sayı: 129

"Ümumiyyətlə bizim mobil operatorlar insanlara ancaq mənasız məhdudiyyətlər qoyub insanların hüququn pozmaqla məşğuldurlar. məsələn Azercell-in reklamı ilə gözümüzü mazol etdiyi “İstəsən” tarifi haqda sizlərə məlumat vermək istəyirəm ki, mənim kimi aldanmayasız". DİA.AZ-ın məlumatına görə, bu barədə "Müştərinin səsi" sosial qrupundakı etiraz mesajında qeyd olunur.

Daha sonra narazı vətəndaş bildirir: "Məsələn, tarif çərçivəsində 10 GB internet almısız və və tarif çərçivəsində varsayılan olaraq hesablanan ölkədaxili 30 dəqiqəyə toplam 12.70 Azn hesablanıb. Təsəvvür edin ki, 25 gün sonra bu 10 Gb-ı xərcləyib bitirdiz. Məntiqli olan nədir?

Siz, təzədən 12.70 ödəyib tarifi yeniləmək istəyirsiz. Amma dur, mənasız məhdudiyyətlər qoyan Azercell bilirsiz sizə nə deyəcək? Yox, yeniləyə bilməzsən. Get, çoxdan aktuallığını itirmiş 1 Gb= 5 Azn ya da 5gb=10 Azn əlavə internet paketi al. Təbii ki, “İstəsən”. İstəməsən, gözlə 1 ayın tamam olsun, orda burda wifi dilən. Bu tarifə keçmək istəyənlər bu faktı bilsin, ona görə qərar versin..."

Məsələ ilə bağlı teref.az olaraq qarşı tərəfi də dinləməyə hazırıq...

Özü Qarabağ Qazisi... qardaşı Şəhid... - HAQQINI YEYİRLƏR.../VİDEO

Yaradılıb 09.04.2023 09:30 | Baxış sayı: 97

Facebook-da paylaş

Binəqədidə rəis iş yerində baş verən bədbəxt hadisəni gizlətməkdə ittiham edilir - TƏFƏRRÜAT

Yaradılıb 08.04.2023 12:09 | Baxış sayı: 99

Bakının Binəqədi rayonunda vəzifəli şəxs iş yerində baş verən bədbəxt hadisəni gizlətməkdə ittiham edilir.

DİA.AZ-ın Qaynarinfo-ya istinadən məlumatına görə, Binəqədi rayonun Mənzil-Kommunal Təsərrüfatı Birliyinin rəisi Zamanov Elmin Elbəyi oğlu barəsində Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən İnzibati Xətalar Məcəlləsinin 555.1 maddəsi ilə protokol tərtib olunub.

Sözügedən maddəyə görə, istehsalatda baş verən bədbəxt hadisələrin araşdırılması üçün hadisə baş verən gün işəgötürən tərəfindən əmək qanunvericiliyinə əməl olunmasına dövlət nəzarətini həyata keçirən müvafiq icra hakimiyyəti orqanına məlumatın verilməməsinə görə - min manatdan min beş yüz manatadək məbləğdə cərimə edilir.

Artıq Elmin Zamanov müfəttişliyin qərarından Binəqədi Rayon Məhkəməsində şikayət verib.

İşə hakim Vüsal Tağıyevin sədrliyi ilə baxılacaq.

Mərkəzi Bankın yeni şefi də TENDER ÇEMPİONU ilə ortaq oldu... - İLGİNC FAKT

Yaradılıb 07.04.2023 10:22 | Baxış sayı: 119

DİA.AZ: - Mərkəzi Bank dəftərxana və təsərrüfat mallarının alınması ilə bağlı iki tenderin nəticələrini elan edib.

DİA.AZ xəbər verir ki, hər iki tenderin qalibi "Ofis Plus" MMC seçilib.

Qalib şirkətə dəftərxana malları üçün 56 000, təsərrüfat malları üçün 109 885 manat ödəniləcək.

İki tenderin birlikdə dəyəri 165 885 manatdır.

Qeyd edək ki, "Ofis Plus" MMC-nin adı tender bazarında heç də yad birisi deyil. Yad birisi nədir... ümumiyyətlə "Ofis Plus" MMC kifayət qədər məşhurdur.

Hələ bir müddət əvvəl "Azərbaycanda dövlət tenderlərindən say etibarilə böyük hissəsini əldə edən daha bir şirkət aşkar edildi" deyə məlumat paylaşıldı ki, bu zaman da «Ofis Plus» MMC-dən (VÖEN: 2005881591) bəhs edilirdi.

Məlumatlardan aydın olurdu ki, sözügedən şirkət 2021-ci ilin əvvəlindən indiyədək iştirak etdiyi dövlət tenderlərində 340 min manatlıq sifariş qazanıb. Şirkət bu sifarişləri cəmi 24 tenderlə əldə edib – bir tenderin orta qiyməti 14 min manatdır.

«Ofis Plus» MMC çoxsaylı təşkilatlarla çalışıb, «xüsusi» sifarişçisi yoxdur, ən böyük sifarişi Mərkəzi Bankdan alınıb – 37 min manat.

«Ofis Plus» MMC-nin qapdığı son 4 aya qədərki tenderlərin siyahısı isə aşağıdakı kimidir:

İndi isə aydın olur ki, Mərkəzi Bankın yeni rəhbərliyi də köhnə məmurlarsayağı davranaraq ÇEMPİONLARLA iş görür. Hər halda, müvafiq qurumlar üçün araşdırma mövzusu hesab oluna bilər...

Məsələ ilə bağlı dia.az olaraq bütün maraqlı tərəfləri dinləməyə hazırıq...

Narazılıq yaradan şirkət günahını etiraf edir, amma nə olsun ki... - TƏFƏRRÜAT

Yaradılıb 07.04.2023 10:13 | Baxış sayı: 103

Türkiyədən sifarişləri həyata keçirən "SAFE EXPRESS” Məhdud Məsuliyyətli Cəmiyyəti sifarişçiləri süründürməçiliyə salıb.

Bu barədə "Arqument.az"a müştərilər məlumat veriblər.

Onlar deyiblər ki, şirkət məhsulların alışını gecikdirir, bunu isə sistemdə yaranan problemlə əlaqələndirir. Bu üzdən onlara müştəri sifariş verdiyi məhsulları ala bilməyib.

"SAFE EXPRESS” Türkiyə olan poçt bağlamalarının, həmçinin Türkiyədən internet mağazalarından sifariş edilən malların Azərbaycan ərazisinə daşınmasını həyata keçirən MMC-dir.

Şirkət sifarişləri "safex.az" onlayın platforması üzərində həyata keçirir. Bundan başqa, şirkətin "votsap", "Feysbuk" və "instaqram" səhifələri də fəaliyyət göstərir.

Sosial şəbəkələrdə aparılan reklam vasitəsilə insanları cəlb edən şirkətin əslində keyfiyyətli xidmət göstərmədiyi iddia olunur.

Məsələn, istifadəçilərdən biri deyir ki, mart ayının 23-də "safex.az" üzərindən sifarişlər verib və Türkiyədəki mağazalara onlayn ödəniş edib, amma şirkətin bank hesabında və səhifəsində yaranan problem səbəbindən sifarişlər verilməyib. Nəticədə sifariş verilən məhsullar bitib, "stok"dan çıxarılıb. Habelə sifarişlər süni şəkildə şirkət tərəfindən gecikdirildiyindən məhsulların bəzilərinin qiyməti artıb.

Şikayətçilər deyirlər ki, dəfələrlə bu cür problemlərlə qarşılaşıblar. Ödənilən məbləğin isə geri qaytarılması vədi verilsə də, nağd qaytarılmayıb, sadəcə, öz sistemlərindəki bazaya yerləşdiriblər.

"SAFE EXPRESS” Məhdud Məsuliyyətli Cəmiyyətinin vergilərdən yayınması ilə bağlı iddialar da var.

MMC-nin ünvanı isə Bakı Şəhəri, Nərimanov rayonu, Mustafa Kamal Atatürk prospekti 4A (Gənclik Metrosu) göstərilir.

Şirkətin Bakıda - Gənclik, Əhmədli, Yasamal, Masazır, regionlarda isə Gəncə və Ağıstafada fililalları fəaliyyət göstərir.

"SAFE EXPRESS”dən narazı qalan müştərilərdən bir neçəsi isə Vergilər Xidmətinə və hüquq mühafizə orqanlarına müraciət edəcəklərini də deyiblər.

Şirkətdən "Arqument.az"a bildiriblər ki, problem onların onlayn platformasında və Türkiyədəki bank kartlarında yaranıb. Yəni yaranmış problemin şirkətlə bağlı olduğunu təsdiqləyiblər. //Arqument.az//

Bakıdan Gədəbəyə kadr transferi... - əmisi də məmurdur...

Yaradılıb 07.04.2023 09:19 | Baxış sayı: 98

Gədəbəy rayon Kommunal Müəssisələri Kombinatına yeni müdir təyin olunub.

DİA.AZ bildirir ki, bununla bağlı Gədəbəy rayon icra hakimiyyətinin başçısı Oxran Mürsəlov əmr imzalayıb. Əmrə əsasən Fuad Arif oğlu Bayramov Gədəbəy rayon Kommunal Müəssisələri Kombinatına müdir təyin edilib.

O, bu təyinata qədər Sabunçu rayon MKTB-də işləyib.

Qeyd edək ki, Fuad Bayramov Gədəbəy rayon icra hakimiyyətində “Memarlıq və Tikinti Şöbəsi”nin müdiri Əlövsət Bayramovun qardaşı oğludur.

Məsələ ilə bağlı Fuad Bayramov ilə əlaqə saxladı. F.Bayramov müdir təyin olunmasını sarkazm.az-a təsdiqlədi.

"İllərdir sakinlərə deyirlər ki, çıxarış veriləcək, amma vermirlər" - NARAZILIQ VAR!

Yaradılıb 07.04.2023 08:49 | Baxış sayı: 82

“Main” yaşayış kompleksinin sakinləri kompleksdə mövcud olan ağır vəziyyətdən, üzləşdikləri haqsızlıqlardan şikayətçidirlər.

TEREF.AZ sfera.az-a istinadla xəbər verir ki, redaksiyamıza müraciət edən sakinlər bir neçə il əvvəl mənzil sahibi olmalarına baxmayaraq hələ də çıxarış ala bilmədiklərindən, sakinlərin istirahəti üçün nəzərdə tutulan boş ərazilərin zəbt olunmasından, yaşıllığın olmamasından, avtomobillərin müvəqqəti saxlanılma yerlərinin məhdud olmasından, yanğın-təhlükəsizlik qaydalarına əməl edilməməsindən gileylənirlər.

“Main” yaşayış kompleksi Bakı şəhəri, Yasamal rayonu, Moskva prospekti, 8 ünvanında yerləşir. Bu ünvan Bakı Avtovağzalı Kompleksininin yaxınlığındadır.

Ərazidə ümumilikdə 12 ədəd 23 mərtəbəli bina inşa olunub. Əldə etdiyimiz məlumatlatlara əsasən, binanın tikintisinə 2008-ci ildə başlanılıb və layihənin sifarişçisi “MAİN Construction” LTD şirkətidir. Bu şirkət keçmiş nəqliyyat naziri Ziya Məmmədovun oğlu Anar Məmmədova və onun əmisi, keçmiş millət vəkili Elton Məmmədova məxsusdur.

Sakinlərin verdiyi məlumata əsasən “Main” yaşayış kompleksinin tikintisinə 2008-ci ildə başlanılıb. Tikinti işlərinə yeni başlanıldıqda 0,46 hektar (4600 kvadrat metr) olan kiçik ərazidə 2 binanın inşaa ediləcəyi bildirilirdi. Lakin zamanla ərazidə inşaa edilən binaların sayı 4-ə, daha sonra isə 12-yə çatdırılıb.

Bu ərazidə əvvəllər kimsəsiz uşaqlar üçün ikimərtəbəli pansionat yerləşib. Sonralar pansionatın binası sökülüb və ərazidə çoxmənzilli binalar inşaa olunub.

İlk tikilən binalardan mənzil alan şəxslər yeni binaların tikintisinə etraz etsə də, Məmmədovlara məxsus şirkət tikintiləri davam etdirib. Ərazi kiçik olduğundan binalar bir-birinə çox yaxın inşa olunub.

Kompleksin lahiyə planında ərazidə park, stadion, uşaq meydançasının inşa edilməsi nəzərdə tutulmuşdu. Lakin yeni tikilən binalarda olan mənzillərin satışından sonra kompleksin lahiyə planında dəyişiklik edilərək park, stadion və uşaq meydançası üçün nəzərdə tutulan ərazilərdə də yeni binalar inşa olunub.

Sakinlər onlara verilən vədlərin həyata keçirilməməsindən narazılıqlarını ifadə edirlər. “İllərdir sakinlərə deyirlər ki, çıxarış veriləcək, amma vermirlər. Çıxarışın olmaması səbəbindən mənzil sahibləri qeydiyyat problemi ilə üzləşiblər. Bu vəziyyətdə sakinlər məcbur qalıb yaxınlarının, qohumlarının evlərində qeydiyyata düşürlər”, – deyən sakinlər kiçik ərazidə çoxlu sayda binanın tikilməsi səbəbindən kompleksin həyətində fəlakətli vəziyyətin yarandığını qeyd etdilər:

“Parkinq yerləri zəbt olunub, boş ərazi demək olar ki, qalmayıb. Xüsusən gecə vaxtı binaların önünə avtomobillərin keçməsi üçün yollar olmur. Buna görə də binaların birində yanğın olsa, yanğınsöndürənlərin əraziyə girməsi mümkün olmayacaq. Yeni binaların tikilməsindən sonra mərkəzi yoldan komplesə girən yol da xeyli ensizləşib, əraziyə giriş çətiniləşib”.

Sakinlər yaranan çətinliklərin aradan qaldırılmasını və onlara sahib olduqları mənzillərə görə çıxarışların verilməsini tələb edirlər.

Azərbaycanda gömrük generalına qarşı ŞOK DƏLƏDUZLUQ - TƏFƏRRÜAT

Yaradılıb 07.04.2023 08:29 | Baxış sayı: 81

Dövlət Gömrük Komitəsinin Aksizli mallar üzrə Baş Gömrük İdarəsinin rəisi, general Vəzir Həsənov və bacanağı İnqilab Əliyevə qarşı dələduzluq edilib.

TEREF.AZ bildirir ki, Lent.az-ın əldə etdiyi xəbərə görə, külli miqdar təşkil edən dələduzluğa görə Vladimir Müslümov ittiham olunur.

İttihama görə, Vladimir Müslümov özünü tikinti fəaliyyəti ilə məşğul olan iş adamı kimi təqdim edərək zərərçəkmiş şəxslərə ucuz qiymətə ev satacağı vədi verib. Razılaşmaya əsasən Vəzir Həsənov 4 otaqlı ev almaq üçün 391 min 754 manat verib. Vladimir Müslümov isə pulu aldıqdan sonra vədinə əməl etməyib.

General və bacanağının şikayəti əsasında Vladimir Müslümov həbs olunub.

Ona qarşı Cinayət Məcəlləsinin 178.3.2-ci (dələduzluq-külli miqdarda törədildikdə) maddəsi ilə ittiham irəli sürülüb.

Hazırda iş Bakı Ağır Cinayətlər Məhkəməsində hakim Azad Məcidovun sədrliyi ilə araşdırılır.

Baxış iclasında zərərçəkmiş general Vəzir Həsənov ifadə verib.

General deyib ki, təqsirləndirilən şəxsi Şahin adlı tanışı vasitəsilə tanıyıb, əvvəllər ədavəti olmayıb: “Vladimirlə evimin həyətində görüşdüm. Dedi Səbail rayonunda bina tikir, sərfəli qiymətlə mənə mənzil sata bilər. 4 otaqlı ev almaq üçün 391 min 754 manat verdim. Pulu götürüb getdi, ancaq vədinə əməl etmədi.”

İttiham aktına görə, Vladimir Müslümov generalın bacanağı İnqilab Əliyevə qarşı da dələduzluq edib.

Zərərçəkmiş şəxslər onlara dəymiş ziyanın ödənilməsini tələb edirlər.

Qeyd edək ki, Vəzir Həsənov 2022-ci ildən Dövlət Gömrük Komitəsinin Aksizli mallar üzrə Baş Gömrük İdarəsinin rəisidir.

O, əvvəllər Tovuz Gömrük İdarəsinin və Sumqayıt Gömrük İdarəsinin rəisi olub.

275 -dən səhifə 361