Bu ilin iyul ayı ərzində Azərbaycandan xarici ölkələrə 2 milyon 555 min kVt/saat elektrik enerjisi ixrac edilib.

TEREF xəbər verir ki, xaricə satılan elektrik enerjisinin gömrük dəyəri 72,6 min dollar olub. Nəticədə xaricə satılan 1 kVt/saat elektrik enerjisinin gömrük dəyəri 2,8 sent və ya mövcud məzənnə (1$/1,7azn) ilə hesablandığı zaman 4,8 qəpik təşkil edib.

Bu isə daxili bazarda satılan elektrik enerjisinin qiymətindən təxminən 2 dəfə ucuzdur.

Bildiyimiz kimi, elektrik enerjisinin daxili bazardakı qiyməti 8 (200 kVt/saat-a qədər), 9 (200- 300 kVt/saat olduqda) və 13 qəpiyə (300 kVt/saat-dan artıq olduqda) bərabərdir. Bu isə o deməkdir ki, ölkə daxilində elektrik enerjisinin orta tarifi 10 qəpik təşkil edir.Yeniavaz.com

ABŞ-ın əmlak inşaatı sahəsində dünya liderlərindən sayılan “The Trump Organization” şirkətinin vitse-prezidenti, ABŞ-nın eks prezidenti Donald Trampın qızı İvanka Tramp keçmiş nəqliyyat naziri Ziya Məmmədova məxsus olan “Qarant Holdinq” şirkətini Beynəlxalq Arbitraj məhkəməsinə verir.

Sfera.az-ın məlumatına görə, buna səbəb Donald Trampın adını daşıyan “Trump International Hotel & Tower Baku” adlı binanın tiikntisinin başa çatmasına baxmayaraq, hələ də açılışın baş tutmamasıdır.

İvanka Trampın fikrincə bu, onun rəhbərlik etdiyi şirkətin işgüzar nüfuzuna böyük zərbədir.

Məlumata görə, 33 mərtəbəli, 130 metr hündürlüyü olan bu bina 2015-ci ildə inşa edilsə də, indiyə qədər istifadəyə verilməyib. Boş bina indi sadəcə mühafizə olunur.

“Trump otel”in 189 otağından ən kiçiyinin sahəsi 60 kvadrat metr təşkil edir. Hər bir nömrənin divarı təbii daş və palıd şponlar ilə işlənib. Otelin birinci mərtəbəsində konfrans zalı, nahar zalı və bar, 500 kvadrat metr sahəsi olan qəbul zalı yerləşir.

Ivanka Trump waves as she arrives at Joint Base Andrews in Maryland for US President Donald Trump’s departure on January 20, 2021. – President Trump travels to his Mar-a-Lago golf club residence in Palm Beach, Florida, and will not attend the inauguration for President-elect Joe Biden. (Photo by ALEX EDELMAN / AFP) (Photo by ALEX EDELMAN/AFP via Getty Images)
Ümumilikdə, “Trump Baku” müxtəlif növ görüş və tədbirlər üçün 2800 kvadrat metr sahə təqdim edə bilir.

Prezident İlham Əliyevin nazirlərə və yerli icra başçılarına birbaşa vətəndaşlarla ünsiyyətə dair təlimatı son illərdə vətəndaşla dövlət arasındakı uçurumu aradan qaldırmağa başlayıb.

Ancaq bəzi nazirlər ölkə rəhbərininin bu tələbinə əməl etmir. Belə şəxslərdən biri də yeni təhsil naziri Emin Əmrullayevdir.

Sosial şəbəkələrə diqqət etmək kifayyətdir ki, ölkə vətəndaşının nazirə olan münasibətinin şahidi olasan.

Gununsesi.info-ya üz tutan Bakı sakini Aygün Abdullayeva Təhsil Nazirliyinin haqsızlığına məruz qalanlardandır.

Redaksiyamıza yolladığı şikayətində Aygün Abdullayeva bildirir ki, ötən 2 ay ərzində nazirin özünə və aidiyyatı qurumlarına etdiyi müraciətlər cavabsız qalıb:

“Məlumat üçün bildirim ki, mən 98 saylı uşaq baxşasında müəllimə köməkçisi çalışıram. Böyük övladın Nuray Abdullayeva baxça ilə yan-yana olan 286 saylı orta məktəbin 6-cı sinifində təhsil alır.

Digər övladım Kamil Abdullayevi də həmin məktəbdə təhsil alması üçün müraciət etmişik. .
Məktəbə qəbul üçün bütün prosedurlardan keçib. İmtahanının nəticəsi uğurlu olub. Lakin elektron sistemdə bizim iradəmizdən kənar olaraq yaranan problem səbəbindən “Sinifdə yer yoxdur” cavabını almışıq. İndi təsəvvür edin ki, işləyən bir ana bir övladını bir məktəbə, digərini başqa bir məktəbə necə yola sala bilər, necə dərsdən götürə bilər.

Nazirliyə etdiyim müraciətlər cavabsız qaldığından Gununsesi.info xəbər saytı vasitəsilə cənab nazir Emin Əmrullayevdən xahiş edirəm ki, övladım Abdullayev Kamil Natiq oğlunu (fin kod: 80aey0n) 286 orta məktəb Əzizova İradə Behbud qızının sinifinə qəbul edilməsinə köməklik göstərsin.

Yoxlaya da bilərsiniz, qızım Abdullayev Nuray Natiq qızı həmin məktəbdə təhsil alır(fin kod: 731satd)”.

"Şabandağ" bağçılıq-yoldaşlıq təsərrüfati kollektivi pozulan hüquqlarinin bərpası ilə bağlı Prezident İlham Əliyevə və 1-ci Vitse Prezident Mehriban Əliyevaya müraciət edib.

DİA.AZ xəbər verir ki, əksəriyyəti təqaüddə olan keçmiş kollektiv üzvləri qanuni istifadələrində olan bağları üzərində mülkiyyət hüququnun verilməsini istəyirlər.

Bağçılıqda daimi yaşayanların mülkiyyət sənədləri olmadığına görə, evlərinə daimi qaz, elektrik xətti çəkilmir.

Kollektiv aidiyyəti bütün qurumlara sənədləşdirilmə üçün müraciət etsələr də, heç bir nəticə əldə edə bilməyiblər.

Daha ətraflı aşağıdakı videoda:

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Bu il hədsiz dərəcədə isti keçən avqust ayının əvvəlindən Meliorasiya və Su Təsərrüfatı” ASC-nin internet saytına baxanda ilk növbədə bu tip xəbərlər diqqəti çəkir: “Tovuz rayonunda 23 min hektardan artıq əkin sahəsi suvarılır”; “Sabirabadda yeni nasos stansiya istifadəyə verilib”; “Ağdaş rayonunda 36500 ha əkin sahəsi suvarılır”; “Ağdamda mexaniki üsulla suvarma davam edir”; “Qazaxda əkin sahələrinin suvarılması davam edir”; “Biləsuvarda 39 min hektara yaxın əkin sahəsi suvarılır”; “Suqovuşandan gələn su ilə Tərtərdə əkin sahələri suvarılır” və s.
Redaksiyamıza müraciət edən fermerlər yəqin həmin xəbərlərə baxanda ya inanmırlar, ya da fikirləşirlər ki, ASC onlara münasibətdə ayrı-seçkiliyə yol verir: “Araz çayından başlanğıc götürərək Beyləqan – Ağcabədi – Füzulidən keçən “Xan Qızı” kanalı vasitəsilə Ağcabədinin Qaradolağ, Yeni Qaradolağ, Aran, Mehrablı, Kəbirli kəndlərini su ilə təminatı “düyünə düşüb”. 500 ha pambıq sahəsinin hələ heç birinci mərhələ suvarılması yekunlaşmayıb. İkinci suvarma isə suyun yoxluğu səbəbindən hələ başlamayıb. Ümumiyyətlə, bu ərazidə 1500 hektara əkilmiş pambıq yanmaq üzrədir”.
Qeyd edək ki, avqustun 6-da Azərbaycan Meliorasiya və Su Təsərrüfatı ASC-də sədr müavini Zakir Quliyevin rəhbərliyi ilə respublikanın rayonlarında pambıq sahələrinin su təminatı mövzusunda növbəti videokonfrans keçirilib. Konfransda pambıq sahələrinin su ilə təminatının mövcud hesabatı təqdim edilmiş, rayonlar üzrə suvarmanın təşkilində yaranan çətinliklərlə bağlı müzakirələr aparılmışdır. Videokonfransda Səhmdar Cəmiyyətinin şöbə və sektor müdirləri, həmçinin rayonların yerli istismar idarələrinin rəhbərləri iştirak etmişlər.
İclasda Səhmdar Cəmiyyətinin sədr müavini Zakir Quliyev pambıq sahələrinin suvarılmasının daim nəzarətdə saxlanılması, bu sahədə yerli Dövlət Aqrar İnkişaf Mərkəzləri və pambıqçılıq şirkətləri ilə əlaqəli işin təşkili, mövcud su ehtiyatlarından daha səmərəli istifadə etməklə əkin sahələrinin vaxtında suvarma suyu ilə təmin olunması və hazırda suvarmanın təşkilində mövcud çətinliklərin vaxtında aradan qaldırılması ilə bağlı müvafiq tapşırıqlar vermişdir.
Görünən odur ki, konfrans, iclas, tapşırıq – filan hamısı yalnız “gözdən pərdə asmaq” üçündür. Ortada əməli iş yoxdur. Dövlətimiz, onun başçısı cənab İlham Əliyev ölkə iqtisadiyyatı üçün xeyirli hesab olunan pambıqçılığın perspektivini nəzərə alıb bu sahənin inkişafına dair Dövlət Proqramı üzrə xeyli vəsait ayırsa da, fermerlərə subsidiyalar verilsə də, görünən odur ki, “Meliorasiya və Su Təsərrüfatı” ASC-nin yerlərdəki struktur vahidlərinin vəzifəli şəxsləri öz funksiyalarını yerinə yetirməyərək pulları göyə sovururlar.
aktualxeber

Azərlotereya ASC-nin “Misri” və “Poz, qazan” mərc oyunları artıq iflas etməyə başlayıb. Bu da təsadüfi deyil. Çünki aylarla aldadılan insanlar indi dərk etməkdədir ki, udmaq şansı sıfırdır və hər gün pul uduzurlar. TİA.Az-ın reportyor qrupu məlumat verir ki, hazırda Bakı küçələrində həmin məntəqələrin qarşısında daha izdiham müşahidə olunmur. Şəhərdə gündən-günə artmaqda olan “Poz, qazan” piştaxtaları demək olar ki, azalmağa doğru gedir. Eyni zamanda, “Misli” məntəqələrinin də sayı artmır. Görünür, Azərlotereya ASC gedişatın onların əleyhinə çevrildiyini görməkdədir. Bu tendensiya bumeranq effekti verməyə başlayıb ki, nəticə küçələrdə kiçik müşahidə ilə bəlli olur.
Həmçinin fəaliyyət göstərən obyektlərə müraciət edənlər də çox deyil. Əvvəllər “Poz, qazan” oynayanlar növbəyə düzülürdü. Bu kütləvilik qumarın təşviqi ilə bağlı idi. İnsanlar inandırdı ki, kupon alıb qalib gələcəklər. Amma aylarla davam edən fırıldaq və saxtakarlıq çoxunun gözünü açdı və məlum oldu ki, qazanan yalnız Azərlotereya ASC-dir. Bu da müsbət haldır ki, əhali qumarın zərərini hiss etdi və tez ayıldı. Ekspertlər, deputatlar, din xadimləri, ziyalılar, habelə media çağırışlar edir, küçələrdə qumarın təşkilinə etirazını bildirir, bu hallara son qoymağa çağırırdı. Amma sözügedən şirkət öz bildiyini edir, Bakının hər künc-bucağında bu piştaxtaları artırır, milləti qumara təşviq edirdi. Amma bu kuponları alanlar içində pul udanlar barmaqla sayıla bilərdi. Odur ki, ASC həm “Misli” obyektlərinin sayını artıra bilmir, həm küçələrdə, metro çıxışlarında əvvəlki izdiham yoxdur. Bu dəfə “Topaz”dan da tez qumarın fısı çıxdı. Əslində, Azərlotereyanın layihələri batdı. Bu da qumarın axırı…

Əgər əsəb xəstəsi olmaq istəyirsinizsə, CİTYNET-ə qoşulun… - Reklamda deyirsən ki, bizə QOŞULUN…
ənin nəyinə qoşulaq, ay tısbağa sürətli CİTYNET..?

Gündəlik-Bakı olaraq dəfələrlə yazmışıq ki, dünya sürətlə inkişaf edir, internetin olması dünyanı ovuc içi boyda balaca edib.
Obrazlı desək, uzaq Çində asqıranda ABŞ-da eşidilir.
Amma Azərbaycanda bu böyük sürətin əsər-əlaməti yoxdur.
Hətta bir müddət öncə yazdığımız məqalənin birində ölkəmizdəki internetin sürətini hamilə tısbağa sürəti ilə müqayisə etmişdik.
Bütün bunlara görə, məsuliyyət daşıyan Rabitə Nazirliyi isə susmağında davam edir.
Birdəfəlik bilmək lazımdır ki, İSTEHLAKÇI ilə Xidmət göstərən arasında qarşılıqlı öhdəlik, müqavilə var.
Əgər tərəflərdən biri öhdəliyi pozursa, qanun qarşısında məsuliyyət daşımalıdır.
Təəssüf ki, bizim qanunlarda istehlakçının hüququ qorunmur.
Belə ki, pulu vaxtında ödəməyən kimi cərimə gəlir, hətta işıq, qaz, internet kəsilir.
Amma səbəbsiz yerə qaz, işıq, su, internet kəsiləndə qarşı tərəf cərimə ödəmir.
Bu yazımızın mövzusu internet olduğu üçün bu sahəyə nəzər salaq.
Məlumdur ki, bu gün Azərbaycanda xeyli sayda internet provayderi var.
Bunlardan biri də CityNet internet xidmətləri provayderidir.
Şirkətin özü haqqında hazırladığı reklam məlumatlarına fikir verin:
Bakının bir neçə mərkəzi rayonlarını əhatə edən stabil, etibarlı və daim inkişaf edən provayderlərdən biridir. Biz FTTB (binaya optika) texnologiyası ilə işləyən fiber - optik şəbəkəmizi telekommunikasiya sahəsində lider şirkətlərin avadanlıqları vasitəsilə daim genişləndirir və modernizasiya edilir. Bu səbəbdən CityNet internet provayderinin istifadəçiləri yüksək sürətli internetlə yanaşı müxtəlif limitsiz internet tariflərindən də yararlanır.
240-a qədər rəqəmsal televiziya kanalı, internetə qoşulmanın 100 mbit/san qədər mümkünlüyü, 24 saat texniki dəstək, qoşulmanın rahatlığı, qoşulma üçün əlavə avadanlığın olmaması, xidmətdən avtomatik idarəetmə xidməti, onlayn ödəniş sistemi, bonus sürət və daimi kampaniyalar - bütün bu sadalanan üstünlükləri CityNet-ə qoşulan hər bir istifadəçi əldə edəcək
Sizə ən əsası - yüksək keyfiyyətli internet, Bakının mərkəzindən uzaqlığı, günün istənilən vaxtından və şəbəkə yüklənməsindən asılı olmayaraq daimi stabil və kəsintisiz internet xidmətini təmin edirik.
Bu səbəbdən CityNet internet xidmətləri provayderi qısa vaxt ərzində Bakı sakinləri arasında yüksək etimad qazanmışdır.Yüksək sürət və vahid lokal şəbəkə istifadə rahatlığını təmin edir.
CityNet internet xidmətləri provayderi – etibarlılıq, sərfəli tariflər və yüksək sürət!
Axırdada yazır: SƏN DƏ BİZƏ QOŞUL !
Atalar bu yerdə deyib ki, avazın yaxşı gəlir...
İndi gəlin görək, CityNet-in binəva, çarəsiz istifadəçiləri nə deyir:
Çox pis xidmətləri var. Qapıda gəlib qoşulmaq üçün özləri yalvarır. Mən onların fiber optik internetindən istifadə edirəm. Surətlərindən daim narazı olmuşam. Bu yaxında özləri gəlib qapıda əlavə İPTV yə qoşulma təklif etdilər. 18 man.(internet) + 11 man (İPTV) = 29 manat. Özlərini çox tərifləyəndən sonra, aldanıb razılıq verdim. Ödəniş günüm çatanda 29 manat ödədim, amma xəttimi açmadılar. Operator dedi ki, əlavə 9 manat borcun var. İzahını da belə verdilər ki, 11 gün artıq İPTV istifadə etmişəm, əlavə tarif dəyişiblər, sistemləri belə hesablayıb və s., müxtəlif bəhanələr gətirdilər. Bir sözlə heç kimə məsləhət görmürəm.
…Əgər əsəb xəstəsi olmaq istəyirsinizsə, CİTYNET-ə qoşulun. Cəmi 2 həftəyə sizi əsəb xəstəsi etsinlər. 3 gündü internet yoxdu gəlib düzəltmirlər. 30 manat kontura pul vermişəm, 50 dəfə zəng eləmişəm maraqlanan yoxdur.
Digər istifadəçi yazır ki, nə qədər şikayət etmək olar:
Mən 2 aydır ki, CityNet internetini istifadə edirəm. 2 ay ərzində 5 dəfə getmişəm ofisə. İnternet sürəti çox zəifdir və tez tez kəsilir. Test üçün başqa modem verdilər, 1 ay istifadə etdik, sürəti, işləməsi gözəl idi. Dünən dedilər ki, onu götürməliyik, təzə modem verdilər. (Bu da texniki problem olmadığı üçün, özüm getməli imişəm ofisə, getdim) Amma yenə sürət düşüb, quruyur, atır öz özünə. O qədər zəifdir ki, whatsapp mesajı belə 10-15 saniyə sonra çatır ünvana. 18 manat ödəniş edirəm, qətiyyən dəymir o pula. Xahiş edirəm, bilən varsa, mənə normal provayder təklif etsin, əvvəlcədən minnətdaram.
Bu şikayətləri N qədər uzatmaq olar. Amma birini yazmasaq olmur.
Şikayətçi deyir ki, mənə şirkətdən bildirdilər ki, küçədə lyük işləmir, ona görə internetiniz işləmir.
Şikayətçi haqlı olaraq soruşur ki, naqilsiz internetin lyükə nə dəxli var, bunu mənə başa salın.
Sözün qısası, CİTYNET-in internerindən istifadə etməyə dəyməz. Bizə qoşulun deyən şirkətə qoşulmağa dəyməz.
Məlumat üçün qeyd edək ki, CİTYNET şirkəti vaxtilə BTRİB-in sabiq rəisi olan Beytulla Hüseynova məxsus olub və sonradan NAR mobil operatoruna satılıb.
Sonda özümüz də internet istifadəçisi olaraq Rabitə nazirliyindən tələb edirik ki, bu rəzalətə son qoyun, vətəndaşları əsəb xəstəsi etməyin.