Qısa məlumat üçün qeyd edək ki, Azadxan Xanməmmədovun adı dövrü mətbuatda dəfələrlə müxtəlif cinayət əməllərində hallanıb.
Azadxan Xanməmmədov mətbuata verdiyi açıqlamalarda qeyd edirdi ki, guya onun şəriki olan
“Xaliq Faiqoğlu” MMC-nin faktiki sahibi Faiq Seydidov ona məxsus kommersiya təyinatlı daşınmaz obyekti zəbt edib.
Faiq Seyidov isə öz açıqlamalarında Azadxan Xanməmmədov ilə şərik olmadığını, onun şər-böhtan danışdığını bildirirdi.
Azadxan Xanməmmədov elədiyi şər-böhtanın işə yaramadığını görərək, konkret addım atmaq qərarına gəlib.
Belə ki, Azadxan Xanməmmədov 2017-ci ildə bir qrup kriminal şəxslə əlbir olaraq Faiq Seyidova məxsus obyektə hücum edərək külli miqdarda ziyan vurub.
Və nəticədə hücum təşkil edərək ictimai qaydanı kоbud surətdə pоzan Azadxan Xanməmmədov barəsində külli miqdarda zərər vurmaqla törətdiyi dələduzluq cinayəti ilə əlaqədar hüquq mühafizə orqanlarına müraciət edilib.
Xeyli araşdlrmalardan sonra məlum olub ki, Azadxan Xanməmmədov guya şəriki olan Faiq Seyidovu şantaj edərək ondan pul almaq istəyib.
Belə ki, şirkətin Baş direktoru Faiq Seyidov dövlət orqanlarına müraciətində bildirib ki, hazırda xuliqanlıq maddəsi ilə həbsdə olan “iş adamı” Azadxan Xanməmmədov onun etibarından sui-istifadə etməklə 2014-cü ildə razılaşma əsasında 1500 000 manata satdığı əmlakı bu günə kimi mülkiyyətinə keçirməkdən müxtəlif bəhanələrlə boyun qaçırıb: “Sonradan məlum olub ki, bu əmlak ona yox, oğlu Azər Xanməmmədova məxsus imiş və bizə satmamışdan xeyli əvvəl 2010-cu ildə “Access Bank” QSC girov qoyub külli miqdarda kredit götürübmüş. Azadxan Xanməmmədovun etibardan sui-istifadə edərək külli miqdarda ziyan vurmaq yolu ilə törətdiyi hərəkətlərlə bağlı AR Cinayət Məcəlləsinin 178-ci maddəsi ilə təqsirləndirilməsi və cinayət işinin başlanması üçün tərəfimizdən Binəqədi RPİ-nə ərizə ilə müraciət olunub”.
Faiq Seyidov müraciətində qeyd edib ki, artıq bir ildən çoxdur Azadxan Xanməmmədovun şantaj və böhtanlarına məruz qalır: “Hazırda həbsdə olmasına baxmayaraq yenə də çirkin əməllərindən əl çəkmir. Bizdə olan məlumata görə bütün əməllərinin boşa çıxdığını görən Azadxan Xanməmmədov cinayətkarlara pul vəsaiti təklif etməklə mənim və ailə üzvlərimin həyatına təhlükə yaratmağı planlaşdırır. Bu əməllərində müxtəlif media orqanlarından istifadə edərək özünü yalandan şirkətin ortağı kimi qələmə verir, razılaşma əsasında 1500 000 manata satdığı əmlakın guya zəbt edildiyini bəyan edir.
Bəli, “XALİQ FAİQOĞLU” şirkətinin uğurlarını, sərnişindaşıma sahəsində həyata keçirdiyi islahatları həzm edə bilməyən dələduz “iş adamı” Azadxan Xanməmmədov hər bir vasitə ilə fəaliyyətimizə mane olmağa çalışır.
Eyni zamanda məlum olub ki, Azadxan Xanməmmədovun külli miqdarda ziyan vurmaqla törətdiyi cinayət hadisəsinin tək qurbanı biz deyilik. Məlum olur ki, Azadxan Xanməmmədov haqqında müxtəlif istintaq orqanlarında ayrı-ayrı cinayət işləri aparılır”.
Bəli, Azadxan Xanməmmədov özünün adına olmayan, hətta kredit üçün banka qoyulmuş 1.5 MİLYON dəyərində obyekti saxta yolla satıb...
Sonra işin üstü açılanda Faiq Seyidovu oğlu vasitəsilə şantaj etməyə başlayıb.
İndi məlum oldumu, illər sonra Faiq Seyidovun oğlunun adı nə üçün mediada hallanıb..?
Çox təəssüf ki, bu işdə bəzi həmkarlarımızın, media mənsublarının da adı hallanır.
Bəs, Azadxan Xanməmmədovun digər qurbanları kimlərdir..?
Azadxan Xanməmmədovu azadlığa buraxdıran məmur kimdir..?
Bu barədə araşdırmalarımız davam edir.
Bizi izləyin.
P.S. Azadxan Xanməmmədovla Camaliya-nı nə birləşdirir?
gundelik baki.com
Teref.az olaraq məqalədə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az

Redaksiyamıza Naxçıvan DİN-dən maraqlı məktub daxil olub. Məktub bir müddət əvvəl Naxçıvan “xan”ına sadiq olan polis əməkdaşları haqqında dərc etdiyimiz yazıya cavab xarakterlidir. Xatırladaq ki, həmin yazıda bir neçə polis zabitinin adını qeyd etmişdik. Onlardan ikisi Əli Qasımlı və Zeynal Babayev idi.

Yadınızdadırsa, həmin yazıda Zeynal Babayevin Naxçıvan Ali Məclisinə şikayətə gedən vətəndaşların qarşısının alınmasında göstərdiyi xidmətlərinə görə Naxçıvan DİN-in Cinayət Axtarışı İdarəsinə rəis müavini vəzifəsinə təyin edildiyini bildirmişdik. Bu zaman istər-istəməz ortaya belə bir sual çıxırdı: Bəs Zeynal Babayevdən sonra Naxçıvan MR-də ən mühüm polis xidmətlərindən sayılan bu işi - şikayətə gedən vətəndaşların qarşısının alınması vəzifəsini kim yerinə yetirəcək?



Naxçıvan Şəhər Polis İdarəsinin 1-ci Polis Bölməsindən Ovqat.com-a daxil olan məktubda məhz bu suala aydınlıq gətirilir. Sən demə, Zeynal Babayevin yerinə Əli Qasımlı transfer edilib.

Bildirilir ki, Əli Qasımlı Naxçıvan MR Ali Məclisinin sədrinə sadiq kadrlardan olub. Maraqlıdır ki, “xan”a bu qədər bağlı olmasına baxmayaraq, onu hansısa bəd əməlinə görə cəzalandırmış və Ordubada göndərmişdilər. Zeynal Babayevin öz “müqəddəs” vəzifəsindən ayrılmasından sonra belə bir məsuliyyətli işə ən layiqli polis əməkdaşının Əli Qasımlı olacağına qərar verilib və o, Ordubaddan MR paytaxtına, yəni Naxçıvan şəhərinə gətirilib.

Bu məktubdan sonra adı çəkilən "sadiq" kadr haqqında Naxçıvan DİN-də olan mənbələrimizdən məlumat toplamağa çalışdıq. Axı, bu Əli Qasımlı deyilən şəxs kimdir ki, belə “müqəddəs” vəzifə məhz ona həvalə edilib? Sən demə, “qəhrəmanımız” Əli Qasımlı Ovqat.com-a “yad” birisi deyilmiş. O, MR DİN-nin Cinayət Axtarışı İdarəsinin rəisi Qasım Həsənovla əlbir olub Ovqat.com saytının baş redaktoruna qarşı təşkil edilmiş söyüş kampanyasının başında duran şəxs imiş. Həmçinin mənbələrimizdən birinin verdiyi məlumata görə, Ovqat.com-un Naxçıvan MR ərazisində bloklanması təklifini verənlərdən biri də elə Əli Qasımov olub.

Mənbəmizin dediyinə görə, Ə. Qasımovun Naxçıvan DİN-də işləmədiyi strukturda qalmayıb. Onun ən mühüm uğuru isə MR DİN-in məşhur 7-ci şöbəsində qeydə alınıb. Culfa Rayon Polis Şöbəsində xidmət etmiş sabiq əməkdaşlardan birinin dediyinə görə, Əli Qasımlı bu şöbədə xidmət etdiyi vaxt vaxtaşırı Culfa RPŞ-yə gəlirmiş. Təsəvvür edin, “qəhrəmanımızın” zəhmi elə ağır imiş ki, yolu Culfadan düşəndə bu rayonunun polis şöbəsinin rəisi, "qaniçən Şərif" adı ilə ün qazanmış polis polkovniki Şərif Hüseynəliyevin belə kürkünə birə dolurmuş. Hətta “Əli Qasımlı” adını eşidəndə belə ciddi həyəcan keçirən Şərif müəllim bir də zəhmli “SEDMOY” əməkdaşı sonuncu xidmət yeri Ordubad Rayon Polis Şöbəsinə “cəza batalyonu”na göndəriləndə rahat nəfəs almağa başlayıb.

Maraqlıdır ki, Ordubad RPŞ-dəki fəaliyyəti zamanı Əli Qasımlının xarakterində mühüm dəyişiklilər baş verir. O, “qaniçən Şərif”lərin kürkünə birə salan “Gestapo” nümayəndəsindən “həlim polis” nəfərinə çevrilir. Hər halda Ordubad RPŞ-dəki mənbəmizin bizə veridyi məlumatdan belə anlaşılır. Mənbəmiz iddiasına görə, Əli Qasımlı Orudubad rayonunda xidmət etdiyi dövrdə kollektiv arasında müsbət keyfiyyəti ilə tanınıb. Hətta, Əylis kəndində keçirdiyi əməliyyat tədbiri nəticəsində dövlət maraqlarını mənfur qəsdlərdən qoruduğu da bildirilir. Həmin tədbirin nədən ibarət olduğunu soruşsaq da, mənbəmiz bunun məxfi məlumat kateqoriyasına girdiyini əsas gətirərək bizə heç bir bilgi vermədi.



Əli Qasımlının ideya yoldaşı Qasım Həsənova gəlincə, sən demə, bu adam milli-azadlıq hərəkatına və onun liderlərinə həmişə sayğı ilə yanaşan demokratik fikirli bir ailədən gəlirmiş. Onun mərhum qardaşı Ələddin Həsənov uzun illər Culfada katib işləyib, öz fəaliyyəti və həyatı boyunca Əbülfəz Elçibəyə dərin məhəbbəti ilə tanınıb. Rəhmətlik Elçibəy də onun bu vətənpərvərliyinə laqeyd qalmayıb. Hakimiyyətə gələn kimi, Ələddin Həsənovu hərbi polisin rəisi təyin edib. Ələddin bəy də Elçibəyin bu etimadını ömrünün axırına qədər qorumağa çalışıb. Hətta bəyin qardaşı Almurada, bacısı uşaqlarına hər cür maddi və mənəvi dəstəyi əsirgəməyib.

Belə bir vətənpərvər ailənin üzvü olan Qasım Həsənov isə Naxçıvan MR DİN-də yüksəlmək üçün polisləri güdmək və demokratik qüvvələrə qan uddurmaqla ad çıxarıb. Yəqin ki, bu xidməti sayəsində “Xan” rejiminin onu mükafatlandıracağını umur, gözünü böyük yerlərə - ən azı Naxçıvan MR Daxili İşlər naziri vəzifəsinə dikibmiş. Di gəl ki, bütün səylərinə baxmayaraq, Naxçıvan MR DİN-in Cinayət Axtarışı İdarəsinin rəisi vəzifəsindən o tərəfə keçə bilməyib və bundan sonra keçə bilməyəcək də. Məlumata görə, Qasım Həsənov xidmət etdiyi “xan” həzrətlərinin tapşırığı ilə sentyabr ayında istefaya göndəriləcək.

Bu yerdə yadıma “Naxçıvan” adlı şeirimdən bir hissə düşdü:

“Tarixə bəxş etdin neçə igidi,

Oldular Zamanın qaranquşları.

İndi əvəz edir Hüseyn Cavidi
Dövrün Kamalları, Siyavuşları.

Oddan kül törəyər, otdansa saman,

Mənim canım, gözüm, anam Naxçıvan”.

"39 onlayn media subyektinə göstərilən dəstək bəzilərində dayandırılıb, bəzilərinə ciddi xəbərdarlıq edilib, bəzilərinə isə maliyyə sanksiyaları tətbiq edilib. Lakin biz bununla bağlı ictimaiyyətə məlumat vermədik və həmin redaktorlarla söhbət etdik. Agentliyin rəhbərliyi düşündü ki, saytlara edilmiş xəbərdarlıqla bağlı cəmiyyətə məlumat verməyimiz onların reputasiyasına təsir göstərə bilər. Monitorinqin gedişi barəsində, yalnız bizdən dəstək alan media subyektlərinin özlərini məlumatlandırırıq".

Bu fikirləri Medianın İnkişafı Agentliyinin Media subyektləri və jurnalistlərlə iş şöbəsinin müdiri Natiq Məmmədlinin mətbuata verdiyi müsahibəsində deyib.

Jurnalist Ədil Hüseynli bildirib ki, bu hal MEDİA-nın fəaliyyətinin şəffavlığını şübhə altına alır: "Belə çıxır ki, bunların məqsədi özlərinin müəyyənləşdirdiyi saytları qorumaqdır. İlham Əliyevin sərəncam ilə yaradılmış Medianın İnkişafı Agentliyi bir neçə nəfərin müəyyənləşdirdiyi 39 media subyektinə xidmət göstərir, özləri üçün yaradılıb, onlar üçün işləyirlər. Məntiq bunu deyir".

Baş redaktor bildirib ki, cəmiyyətdən informasiya gizlədən qurumun fəaliyyəti dərhal yoxlanmalıdır: "Medianın İnkişafı Agentliyinin rəhbəri Əhməd İsmayılov monitorinq məlumatlarını ictimaiyyətdən gizlədib.

Prezident İlham Əliyevin isə Milli Mətbuat Günü jurnalistləri təbrikində belə cümlə var idi - "...mətbuat vətəndaşlarımızın dolğun və düzgün məlumat əldə etmək hüquqlarını təmin etməlidir".

Buyurun, hörmətli yoxlama aparan qurumlar, yoxlayın, araşdırın, ictimaiyyətə məlumat verin. Bu məlumatları bilmək hər bir Azərbaycan vətəndaşının borcudur. Çünki büdcə həm də vətəndaşların verdiyi vergi ilə formalaşır.

Dövlət büdcəsindən mətbuat üçün ayrılan vəsait hara xərclənib?

Ayda 3 min manat alan hansı redaksiya puldan düzgün və səmərəli istifadə etməyib?

Bu neçə ay davam edib və həmin pullar hara xərclənib?

Araşdırma üçün yetərli faktlar var.

Bizimxeber.az

Bu gün DİN-in mətbuat xidmətindən yayılan məlumatda futbol oyununa qanunsuz bilet satışı edən daha 22 nəfərin saxlanıldığı qeyd olunub. Həmin şəxslər toplu şəkildə biletləri necə əldə edir?

Tanınmış idman jurnalisti Natiq Muxtarlı bu barədə “Yeni Sabah”a açıqlamasında deyib ki, “qara bazar” bütün dünyada mövcuddur və hər zaman mövcud olub:

“Tələb-təklif məsələsi var. Əgər bir oyuna maraq varsa və bu maraq böyükdürsə, orada qara bazar mütləq formalaşacaq və onlar qanunsuz üsullarla mütləq biletlər əldə edəcəklər.

Çempionlar liqasının Parisdə keçirilən finalını xatırlayaq. Həmin oyunda Fransa kimi qanunların işlədiyi bir ölkədə külli miqdarda saxta biletlər əldə olunmuşdu. O saxta biletləri əldə edənlər stadiona girmişdilər və əlində həqiqi biletlər olan adamlar qalmışdılar çöldə. Hətta bu çöldə qalan adamlar polisə müqavimət göstərdilər. Polis onlara qarşı zor tətbiq elədi, göz yaşardıcı qazdan istifadə elədi. Orada bir iğtişaş da yaşandı.

Yəni, bu, bütün dünyada baş verən proseslərdir. Avropa çempionatının oyunlarında da, dünya çempionatının oyunlarında da və Azərbaycanda da təbii ki...”

“Qarabağ”ın oyunlarına böyük maraq və tələbatın olduğundan danışan jurnalist bildirib ki, oyuna getmək istəyənlər yüz minlərlədir, ancaq stadionun tutumu isə 30 mindir:

“Bu da təəssüf ki, qara bazarın yaranması üçün bir şərait yaradır. Mən orada külli miqdarda, yəni minlərlə biletin əldə olunmasına da inanmıram. Çünki bu prosses haqqında biz idman mətbuatında dəfələrlə yazmışıq. Bu “Qarabağ”ın oyunlarında əvvəllər də olub. Yəni hər bir adam müəyyən yollarla 20-30 bilet əldə edə bilir. Əvvəllər də belə bir proses olub ki, bir nəfərə pasportla 2 biletdən artıq bilet satılmayıb. İnsanlar qohum əqrabalarını gətirirdilər stadionun qarşısına və hər adamın pasportu ilə 2 bilet alırdılar. Əllərində 20-30 bilet cəmləşdirirdilər və oyun günü onları baha qiymətə satırdılar.

Amma bu dəfəki proses bir qədər fərqli idi. Çünki problem onlayn satış prossesində yarandı. Təkcə hansısa azarkeşlərin və ya hansısa dəllalların əli ilə bu işi görmək qeyri-mümkündür. Bu onlayn bilet satışı edən sayt kimin nəzarətindədir, ora kim nəzarət edirdi, oranın təhlükəsizlik sisteminə niyə nəzarət edə bilməyibər, bu biletlər necə əldə olunub, bu məsələlər hüquq mühafizə orqanları tərəfindən araşdırılmalıdır.

Güman edirəm ki, saytın rəhbərlərinin qara bazardakı dəllallarla müəyyən əlaqəsi ola bilər və onlar o biletləri dəllallara ötürə bilərlər. Bu çox inandırıcı faktdır. Mən iddia eləmirəm, bu təbii ki araşdırılacaq, amma kassalardan ikidən çox bilet satılmırsa, onu kütləvi şəkildə almaq qeyri mümkündür”.

Natiq Muxtarlı bildirib ki, bunlar onlayn bilet satışından yaranan problemdən qaynaqlanıb:

“O sayt kimin nəzarətindədir, onun rəhbərliyi kimdir, təhlükəsizlik məsələləri niyə qorunmamışdı, niyə onlayn satış zamanı sayta kütləvi surətdə daxil olanda sayt çökdü, bu məsələlə araşdırılsa düşünürəm ki, əsl günahkarlar ortaya çıxacaq.

Stadionun qarşısında tutulanlar isə o dəllalların əldə etdiyi biletləri satanlar idi. Yəni sadə, kasıb adamlardır. Bileti dəllallar onların vasitəsi ilə satdırırlar. Ancaq əsas təşkilatçılar arxa planda qalmasın. Kiçik fiqurları tutub böyük fiqurları qorumağa ehtiyac olmamalıdır. Ümid edirəm, bu araşdırılacaq və əsl cinayətkarlar öz cəzalarını tapacaqlar”.

Natiq Muxtarlı bildirib ki, əvvəllki oyunlarda belə bir ajiotaj olmayıb. Ancaq son oyunda artıq Çempionlar Liqasının pley-off mərhələsi olduğu və maraq da həddindən çox olduğu üçün bu hal baş verib:

““Qarabağ” Çempionlar Liqasının qrup mərhələsinə düşsə və Bakıya daha böyük komandalar, “Barselona”, “Mançester sity” gəlsə ajiotajı təsəvvür edirsinizmi necə olacaq? Və təbii ki, orada qara bazara nəzarət edənlər, pul qazanmaq istəyənlər üçün fürsət yaranacaq. Yəqin ki, bununla bağlı hüquq mühafizə orqanları araşdırma aparacaq”.

Nəzrin Cavadzadə