 |
|
|
“Təxminən 3-4 il əvvəl Bakı Nəqliyyat Agentliyi Yunanıstandan nəqliyyat mütəxəssisləri adı altında böyük bir qrupu Bakıya gətirmişdi. Bildiyim qədəriylə onlara bir neçə milyon qonarar verdilər ki, guya yunanlar Bakıda nəqliyyat problemini həll edəcək” . TİA.Az-ın verdiyi xəbərə görə, nəqliyyat eksperti Elməddin Muradlı bunu söyləyib. “Panos adlı bir yunan bir dəfə 10 bəndlik təkliflə gəlmişdi Bakı şəhər DYP İdarəsinin o vaxtkı rəisi polkovnik Nüşrəvan Səfərovun yanına. Nüşrəvan müəllim siyahıya baxan kimi dərhal 7 təklifin üstündən xətt çəkib demişdi ki, bunlar lazım deyil. Ardınca da fikirlərini əsaslandırmışdı ki, niyə lazım deyil.
Panos cənabları rəisdən küsüb getmişdi. 3 gündən sonra isə qayıdıb gəlib demişdi ki, bəli cənab rəis, siz haqlısınız. O layihələr lazım deyildi.
Deməyim odur ki, o vaxt yunanlara o boyda pul niyə verilmişdi və onun hansı faydası oldu? Arada efirlərə də çıxıb boş-boş danışırdılar”.
Qarşı tərəfin mövqeyin dərc etməyə hazırıq.
“Gəncə şəhərində fəaliyyət göstərən Azərbaycan Texnologiya Universitetində 9 ilə yaxın rektorun köməkçisi vəzifəsində çalışmışam. Təhsil Nazirliyinin Ali, orta ixtisas və əlavə təhsil sektorunun müdiri olan Yaşar Ömərov gəldikdən sonra bütün işçiləri, xüsusən də məni incitməyə başladı…”
Xalqxeber.az xəbər verir ki, bu sözləri Yenisabah.az-a şikayətçi Firuzə Qarayeva deyib.
Uzun illər Azərbaycan Texnologiya Universitetində rektor köməkçisi olaraq çalışan F.Qarayeva bildirib ki, yeni rektor Yaşar Ömərov vəzifəyə gəldikdən sonra ilk işi keçmiş rektorun kadrlarını qərəzli şəkildə işdən çıxarmaq olub:
“Yaşar Ömərov vəzifəyə gəldikdən sonra keçmiş rektorun ətrafında olan bütün işçilərə deyib ki, “ərizənizi yazıb çıxın”. Bunu xüsusilə mənə qarşı edib, masaya yumruq vuraraq işdən çıxmağımı tələb etdi. Bildirdi ki, işdən ərizənizi yazıb çıxmasanız başınıza oyun açacağam.
Mən də məcbur olub ərizəmi yazıb işdən çıxmışam. Özüm Birinci Qarabağ qazisi veteranının qızıyam, öhdəliyimdə 6 yaşlı uşaq var, məni bu vəziyyətdə işdən çıxmağa məcbur edib. Nə qədər işdə qalmağa çalışsam da, öz kadrlarını öyrədib göndərdi ki, gedin ona deyin, özü ərizə yazıb çıxmasa, başqa cür şərləyərək çıxaracağam. Məcburi şəkildə ərizə yazaraq işdən çıxmışam, hazırda işləmirəm. Səbəb isə keçmiş rektor Akif Süleymanovun ətrafında olan heç kəsin işdə qalmasını istəməməsi idi, öz komandasını yığmağa çalışırdı. Bu məsələdə ən çox hədə-qorxu isə mənə gəldi, çünki mən Akif müəllimin köməkçisi olmuşam. Dəfələrlə rektor köməkçisi olmasa da başqa vəzifəyə keçirməyini istəməyimə baxmayaraq, buna razı olmayıb, deyib ki, belə bir şey mümkün deyil və bu universitetdən getməlisən”.
Məsələ ilə əlaqədər Azərbaycan Texnologiya Universitetinə dəfələrlə zəng vurmağımıza baxmayaraq, suallarımız cavabsız qaldı. Universitetin mətbuat xidmətinə suallarımızı ünvanlasaq da, onlar dəstəyi asdı.
XalqXeber.Az
Qazax rayonu, Canallı kənd tam orta məktəbi dörd aydan artıqdır işıqsız qalıb.
Lent.az xəbər verir ki, bu barədə kənd sakinləri məlumat verib.
Canalı kəndinin bələdiyyə sədri Babək Şahmalıyev bildirdib ki, paylayıcı trasformator yanıb və aidiyyatı orqanlara, habelə, “Azərişıq”a müraciət olunsa da, nəticə yoxdur.
“Naqillər pis gündədir, xətlər qırıqdır. Heç kim probemi həll etmək istəmir. Bələdiyyə olaraq bizim də gücümüz xaricindədir”, - deyə B.Şahmalıyev bildirib.
Lənkəran şəhərinin zibil poliqonu köhnə Bakı-Astara yolunun yaxınlığında, rayonun Göyşaban kəndinin ərazisindədir. Poliqonun ərazisi 5 hektardan çoxdur. Yerli sakinlərin deməsinə görə, 40 ildən çoxdur ki, şəhərin və ətraf kəndlərin məişət tullantıları ora gətirilir.
Poliqon tullantılarla qalaqlanıb. "AzadlıqRadiosu"nun əməkdaşı ərazidə olarkən zibillik üç-dörd yerdə yanırmış. Tüstü ətrafa yayılıb. Orada mal-qara, donuzlar olub...
Zibilliyin hasarı yoxdur, hər yer açıqdır, onu digər yerlərdən kanallar ayırır. Yaxınlıqda gözətçi budkası diqqəti cəlb edir. Lakin o, danışmaq istəməyib.
"Oradan gələn zəhərli tüstüdən evdə qala bilmirik"
Göyşaban kənd sakini Füzuli Məmmədov deyib ki, zibil poliqonu xəstəlik mənbəyinə çevrilib: "Oradan gələn zəhərli tüstüdən evdə qala bilmirik, xüsusən axşam çağı. Biabırçılıqdır. Həmişə belədir. Dəfələrlə müraciət etmişik, gəlib baxış keçirdiblər. Tüstünün altındayıq. Üfunət qoxusu da bir tərəfdən. Ölmüş itlər, mal cəmdəkləri, nə istəsən orada tapmaq olar. Başqa yer versinlər köçək burdan".
Kəndin digər sakini Qəşəng Əkbərova isə deyib ki, illər keçir, problem həllini tapmır: "Kəndimizdə xəstələr var. Tüstünün əlindən həyətə düşə bilmirlər. Həyətlərdə uşaqlar var, hərə bir cür xəstə. Təmiz hava yoxdur. Avtobusla bazara gələndə pəncərəni bağlayırıq ki, tüstü içəriyə girməsin. Bir çarə qılsınlar".
"Dedilər ki, investisiya proqramı var..."
Adının çəkilməsini istəməyən Lənkəran şəhər sakininin sözlərinə görə, problem dəfələrlə müzakirə olunub: "İcra hakimiyyətinin tədbirində olmuşam. Bu məsələ müzakirə olundu. Poliqon dolub, yerini dəyişməlidirlər. Dedilər ki, investisiya proqramı var, zavodun tikilməsi orada nəzərdə tutulub. Söhbət ondan gedir ki, müasir tələblərə cavab verən yeni zibil poliqonun tikintisi böyük vəsait tələb edir. Lənkəran şəhərinin 50 min əhalisi var. Ətraf kəndlərlə birlikdə əhalinin sayı 60 min nəfərə çatır. Bu zibillik yaşayış evləri ilə əhatə olunub. Bizim üçün utancverici haldır".
Lənkəran şəhər Mənzil İstismar və Kommunal Müəssisələr İdarəsinin müdiri Emin Şahzadənin deməsinə görə də, bu sahəyə investisiya qoyulandan sonra məsələ həllini tapacaq.
Lənkəran şəhər İcra Hakimiyyəti başçısının müavini Vüqar Məmmədov isə yerli mətbuata bildirib ki, ərazidə məişət tullantılarını utilizasiya etməkdən ötrü regional zavodun tikilməsi məsələsi investisiya proqramına salınıb.
Göyşaban kənd sakini Füzuli Məmmədov isə, hələlik, vədlərə bir qədər şübhə ilə yanaşır. Deyir ki, onlara söz yox, iş lazımdır. //AzadlıqRadiosu//
“Cari ildə Müəllimlərin İşəq Qəbulu (MİQ) müsabiqəsində iştirak edərək, 80 bal toplamışam. Seçim turlarında da iştirak edib, ötən turda müddətli müqavilə ilə (1 illik) Sumqayit şəhər 9 saylı tam orta məktəbə qəbul olmuşam. Amma qəbul olduqdan sonra direktor və Təhsil Şöbəsindən mənə bildirildi ki, yanlış vakansiyadır, səhvən çıxarılıb, gedin gözləyin, nə vaxt Sumqayıt ərazisində vakansiya yaransa, ən yaxın müddətdə sizi işlə təmin edəcəyik”.
Bu barədə Sumqayıt şəhər sakini Əkbərova Ləman Rauf qızı tərəfindən redaksiyaya göndərilən məktubda bildirilir.
Onun sözlərinə görə, bundan bir müddət sonra ona Aşağı Güzdək və “Nasosnu” deyilən yerlərdə müəllim işləmək təklif olunub: “Aşağı Güzdək və “Nasosnu” uzaq olduğu üçün, ailə vəziyyətimlə bağlı bu təklifləri qəbul edə bilmədim. Axı, mən Sumqayıt ərazisindəki, evimə yaxın məktəbə qəbul olmuşam, niyə uzaq yerdə isləməliyəm?! Dedim ki, ancaq Sumqayıt daxilindəki məktəblərdə işləyə bilərəm, ailə durumumla bağlı. Artiq 2 həftədən çox keçib, məni hələ də işlə təmin etmirlər”.
Ləman Əkbərova deyir ki, bu barədə Təhsil Nazirliyinə müraciət etsə də, şikayətinə baxılmır: “Təzəlikcə yeni qərar qəbul olundu ki, 65 yaşı tamam olan müəllimlərin müqavilələri ilin sonunadək uzadılsın. Yəni bu o deməkdir ki, ilin sonu vakansiya yaranacaq. Nazirliyə zəng edirəm, ərizə yazıram, heç kim baxmır. Deyirəm ki, məni cənab nazirin qəbuluna yazın, deyirlər qəbul yoxdur. Hamı deyir ki, gözləyin. Axı mən nə qədər gözləməliyəm? Mənim bu isə çox ehtiyacım var”.
Hurriyyet.az
Redaksiyadan: Mövzu ilə bağlı Təhsil Nazirliyinin mövqeyini dərc etməyə çalışacağıq.
Dövlətin “BakuBus” MMC üçün aldığı 715 avtobusun yoxa çıxan 303-nün aqibəti haqda hələ də rəsmi açıqlama verilmir. Əslində Hesablama Palatası bir neçə il əvvəl bu faktı ortaya çıxarıb və məlum olub ki, Bakı Nəqliyyat Agentliyi 303 avtobusun istifadəyə yararlı müxtəlif ehtiyat hissələrini söküb digərlərinə quraşdırıb.
Yəni indiyədək 80 milyon manat vəsait hesabına alınan avtobusların 25 faizi istismara yararsız hala gətirilib. Acınacaqlısı isə odur ki, onları təmir etmək də mümkün deyil.
2015-ci ildə dövlət tərəfindən alınan 715 avtobusun 303-ü sıradan çıxıbsa, yerdə 412 avtobus qalır. Həmin avtobusların isə gündəlik 100-120 ədədi xəttə buraxılmır. Hansı səbəbdən buraxılmadığı da məlum deyil. Məsələ burasındadır ki, aidiyyəti qurumlar zəhmət çəkib nə yoxa çıxan, nə xəttə buraxılmayan avtobusları araşdırır, nə də qanunsuz addımın qarşısı alınır. Deməli burada qaranlıq məqamlar və qüsurlar var. Qəbul edilməyən isə sərnişinlərə bilərəkdən problem yaradılması və onlara etinasız münasibətdir.
Onu da qeyd edək ki, son vaxtlar BNA “BakuBus”la bağlı heç bir prosesə müdaxilə etmir. Halbuki Hesablama Palatasının araşdırıb ortaya çıxardığı məsələdə birbaşa BNA ittiham olunur.
Qurumun başqa bir məsələdə də adı çəkilir.
Bu günlərdə Bakı Nəqliyyat Agentliyinin İdarə heyətinin sədrinin müşaviri Faiq Abbasov dövlətin daşıyıcı şirkətlər üçün ayırdığı 7,5 milyon manatın “Bakubus” MMC-yə ayrıldığını bildirib. Nazirlər Kabinetinin müvafiq qərarında 7,5 milyon manatın BNA vasitəsilə sərnişindaşıma fəaliyyəti ilə məşğul olan şirkətlərə ödənilməsi tapşırılıb. Lakin vəsaitin hamısını BNA həmin vaxt öz tərkibində olan “Bakubus” MMC-yə köçürüb.
Qeyd edək ki, Bizim.Media iki həftəyə yaxındır ki, “BakuBus” MMC-yə məsələlərlə bağlı rəsmi sorğu göndərib. Qurumun mətbuat katibi Qabil Babayev sorğulara rəsmi email ünvanından cavab veriləcəyini desə də, suallarımız cavabsız qalıb.
Ümid edirik ki, avtobuslarının sayını azaldıb vətəndaşları narazı salan “Bakubus” məsələyə aydınlıq gətirəcək.
Bizim.Media
Övladları üçün "şəhidlik statusu" tələb edən bir qrup vətəndaş Milli Məclisin qarşısında toplaşıb. Valideynlərin etirazından sonra onları deputat Adil Əliyev qarşılayıb. Deputat bildirib ki, problemlər müxtəlif olduğu üçün vətəndaşlar fərdi müraciətlər etməlidirlər.
Daha ətraflı aşağıdakı videoda:
Daxili İşlər Nazirliyinin Polis Akademiyası tərəfindən keçirilən tender müsabiqəsinin qalibi məlum olub.
Yeniavaz.com açıqlanan rəsmi məlumatlara istinadən bildirir ki, dəyəri 48 min 115 manat olan tender müsabiqəsinin qalibi “NOHUR NN 2022” MMC (VÖEN- 1703383761) olub.
“NOHUR NN 2022” MMC Polis Akademiyasının sifarişi əsasında nəqliyyat vasitələrinin cari təmiri və ehtiyyat hissələrinin alınmasını həyata keçirəcək.
Nizamnamə kapitalı 10 manat olan “NOHUR NN 2022” MMC-nin hüquqi ünvanı Səbail rayonu, Abbasqulu Abbaszadə, ev 1/B-də yerləşir. MMC-nin qanuni təmsilçisi Ocaqquliyev Elçin Əli oğludur.
Tender müsabiqəsinin maraqlı və qəribə tərəfi odur ki, tender müsabiqəsinin qalibi olan şirkət –“NOHUR NN 2022” MMC cəmi 2 ay əvvəl – bu ilin iyul ayının 26-da dövlət qeydiyyatına alınıb.
Məlumat üçün onu da bildirək ki, “Dövlət satınalmaları haqqında” Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır.
Rəsmi saytı, sosial şəbəkə hesabı olmayan, adı heç bir yerdə keçməyən və cəmi 2 ay əvvəl yaranan şirkətin hansı peşəkarlığa və təcrübəyə sahib olduğu da başa düşülən deyil.
Maraqlı məqamlardan biri də odur ki, son aylarda “Səbail rayonu, Abbasqulu Abbaszadə, ev 1/B” ünvanında yüzlərlə şirkət qeydiyyata alınıb. Bu şirkətlərin bir-neçəsinin qanuni təmsilçisi eyni şəxslər olub.
Onu da qeyd edək ki, yeni yaranan, təcrübəsiz şirkətlər daha əvvəl də Polis Akademiyası tərəfindən keçirilən tenderlərdə qalib olublar.
“Final” yağ məhsullarının qiymətində son iki ay ərzində 8 manata yaxın artım müşahidə edilib.
Bu barədə sosial şəbəkələrdə görüntülər yayılıb.
Videoda danışan şəxs bildirib ki, 5 litrlik “Final” qarğıdalı yağının qiyməti 2 ay bundan əvvəl 29,70 AZN olub. Hazırda isə eyni məhsulun qiyməti 37,65 AZN təşkil edir.
Nəticə etibarilə iki ay ərzində 5 litrlik “Final” qarğıdalı yağının qiyməti 7,95 AZN bahalaşıb.
Qeyd edək ki, Bakıdakı iri marketlər şəbəkələrindən birində 5 litrlik “Final” qarğıdalı yağının qiyməti (bu günə olan qiymət) 37,55 AZN göstərilib.
Məsələ ilə bağlı “Final” yağlarının istehsalçısı “Azersun Holding”dən Yeniavaz.com-a bildirilib ki, məhsullarda qiymət artımı mövcuddur:
“Bu mövzu ilə bağlı nəzərinizə çatdırmaq istəyirik ki, dünyada mövcud iqtisadi halların təsiri nəticəsində il ərzində yağ məhsullarının xammalının kəskin qiymət artımı qeydə alınır. Məhsullarda qiymət artımı mövcuddur. Nəinki bu yağlarda, digər məhsullarda da mövcuddur”.
aztoday
Bugünkü tarixə (05.10.2022) olan məlumata görə Fövqəladə hallar nazirinin birinci müavini general-leytenant Rəfail Mirzəyevin oğlu Rəşad Mirzəyevin həmtəsisçisi olduğu “ATL Tech” MMC-nin (VÖEN – 2002575181) dövlət büdcəsinə vaxtında ödənilməyən 103 min 755 manat 73 qəpik vergi borcu var.
TEREF.AZ yeniavaz.com-a istinadən bildirir ki, “ATL Tech” MMC 22.02.2013-cü il tarixində “Nəsimi rayonu, Bülbül pr, ev 105, M12, m. 3” ünvanında dövlət qeydiyyatına alınıb. Nizamnamə kapitalı 100 manat olan MMC-nin qanuni təmsilçisi Əliyev Anar İsmayıl oğludur.
Şirkətin rəsmi veb-saytında qeyd olunur ki, şirkətin 2 həmtəsisçisindən biri general-leytenant Rəfail Mirzəyevin oğlu Rəşad Mirzəyevdir. Rəşad Mirzəyev 1988-ci ildə anadan olub. Şirkət təsis olunanda 25 yaşı olub. Mirzəyev öz şəxsi blogunda yazır ki, “ATL Group”-un təsisçisi və icraçı direktorudur. Qrupa “ATL Academy”, “ATL Tech”, “ATL Consulting”, “ATL SMS”, “ATL Trading” və “Əjdaha” fast food (dönər evləri) daxildir. Eyni zamanda bir neçə yerli və xarici start-uplarda partnyordur.
General oğlunun fəaliyyətilə bağlı maraqlı məqamlardan biri də odur ki, onun rəhbərlik etdiyi “ATL Tech” MMC atasının yüksək vəzifə (birinci müavin) tutduğu nazirlik (FHN) tərəfindən keçirilən tenderlərdə qalib olur.
“ATL Tech” MMC cəmi 3 ay əvvəl – bu ilin iyun ayında FHN-nin keçirdiyi 3 tenderdə qalib olub. 3 tenderin ümumi məbləği 804 min 663 manat 69 qəpik olub. Bundan başqa “ATL Tech” MMC ötən il FHN-nin keçirdiyi 1,4 milyon manatlıq 4 tender müsabiqəsində də qalib olub.
Qeyd edək ki, "Dövlət satınalmaları haqqında" Qanunun 11-cı maddəsində “dövlət satınalmalarında maraqların ziddiyyəti”nə dair tələblər yer alıb. Həmin maddənin 13.2.1-ci bəndində açıq şəkildə yazılır ki, satınalma prosedurlarında iştirak edən iddiaçının nümayəndəsi və ya vəzifəli şəxsi ilə birbaşa qohumluğu, qəyyumluq, hamilik və ya övladlığa götürmə, təsisçilik və
