www.dunyapress.info - Diqqət mərkəzi

Göyçayda fermerləri milyonlarla manat ZİYANA SALAN KİMLƏRDİR? - Nazirliyin UMRUNDA DA DEYİL...

Yaradılıb 05.09.2023 09:13 | Baxış sayı: 188

“Üç aydır ki, dayımoğlu ilə birgə səhər tezdən axşama qədər üç istixanada çalışırıq. Günə 15-20 manatdan hesablayanda, 10 min şitilə çəkdiyimiz xərci və üç ay da dolanışıq xərci ilə birgə 20 min ziyan etmişik. Ağır xəstəm var, tək ümidimiz bura idi. Gəlir yox, bunlar da çörəyimizə bais olur, özləri qazanır. Pomidor şitilini Kürdəxanıdan gətirmişdik. İndi deyirik ki, gəlin baxın. Deyirlər, yetişdirə biməmisiniz, biz nə edək? Axı tək biz deyilik, eyni toxum hər kənddə keyfiyyətsiz çıxıb”.

Göyçayın Mırtı kənd sakini, 28 yaşlı Elcan Əliyev Meydan TV-yə belə deyir.

O, 10 yaşından istixana əkdiyini, ailənin dolanışığını bununla təmin etdiyini bildirir.

Dediyinə görə, yaxın qohumu Elməddin İsayevlə birlikdə əkdiyi 10 min “Fantastina” adlı pomidor şitilinin keyfiyyətsiz çıxması onların əziyyətini və çəkdiyi xərci puç edib.

Əlavə əkdiyi “Motril” hibrid toxumundan alınan şitillər isə normal məhsul verib.

“Keyfiyyətsiz toxumla əkini məhv etdilər”

Həmkəndlisi Samir İsayev də 10 min manat ziyan edənlərdəndir. O, bu il eyni toxum pomidor şitilindən 5 min ədəd əkib və əkdiyinə də, çəkdiyi zəhmətə də peşmandır:

“Hər il eyni toxum şitilini əkirdim və keyfiyyətin bildiyimdən “Fantastina” toxumu sifariş verdim. İki ay yarım əziyyət, zülm çək və indi iki istixanada iki metrəlik yaşıl pomidor ağacı, yarpaqları var, üstündə məhsul yox. 100 ağacın üstündə 10 kiloqram məhsul belə yoxdur. Ötən il bu vaxt satışa başlayırdım, indi isə çıxarıb çölə tökürəm. 5 minə 1600 manat, 2000 manat da pestisid və gübrələrinə pul ödəməliyəm, ancaq keyfiyyətsiz toxumla əkini məhv etdilər. Vasitəçi şəxslərə deyirik, amma məsuliyyətdən yayınıb günahı bizim boynumuza atırlar”.

“Sahibkarlar həm cibimizə girir, həm də zəhmətimizi puç edirlər”

Payızlıq əkin üçün minlərlə eyni pomidor şitili sifarişini verən Ləkçıplaq kənd sakinləri də eyni problemlə üzləşiblər. Onlar deyirlər ki, külli miqdarda ziyan dəyməklə yanaşı, 40-50 dərəcə istidə çəkdikləri “cəhənnəm əzabı” da hədər gedib.

Əkdiyi 4 min pomidor şitilinin məhsul vermədiyini deyən Elnur Həmidov artıq bir neçə gündür ki, borcunu ödəmək üçün Bakıda fəhləliyə başlayıb.

Deyir ki, keyfiyyətsiz toxumlardan alınan şitillərdən təkrar götürülmə toxumlar “Kürdəxanı Şitil” MMC adlı mərkəzdə yetişdirilir və hibrid toxum adı ilə hər mövsümdə kəndlilərə satılır. Kəndlilərin isə bu maxinasiyadan xəbəri olmur və nəticədə belə xoşagəlməz hal yaşanır:

“4 min şitili Qarağıdır kəndindən Azər adlı şəxsdən aldım. O da Kürdəxanıdan gətirir və kəndlilərə satır. Deyirik ki, vəziyyət budur. Deyir, narahat olmayın, hava sərinləsin, düzələcək. Üstündə məhsul yoxdur nə düzələcək? İki dəfə məhsul yığmışam. Dörd qutu məhsul satmışam, özü də 40 qəpiyə. İndi gəl dolan. 1300 manat həmin şəxsə tək şitil pulu ödəmişəm. Ümumilikdə 4 min manat ziyana düşmüşəm. Hesablamışdım ki, bu payız 9 min qazanacağam, 4-5 ayımın dolanışığı üçün yetərli idi, amma nəticə acınacaqlı oldu. Bu gedişlə heç 1000 manat pul çıxmaz. Köhnə, keyfiyyətsiz toxuma görə əziyyət də, xərc də batıb”.

“Kəndi tərk edib Bakıya fəhləliyə gəlmişəm ki, borcları verim. Bu “Fantastina” hibrid toxumu deyil, bəlli olmayan köhnə sortdur. Etibarlı adamlar deyir ki, həmin bu toxumlar kəndlərdə ev şəraitində götürülür və sonra sahibkarlar aparıb Kürdəxanıya təhvil verirlər. Onlar da həmin ucuz toxumları yetişdirib hibrid sort adı ilə yenidən sifarişçilərə satırlar. Çox qazanc üçün sahibkarlar həm cibimizə girir, həm də zəhmətimizi heç edirlər”, – belə deyir Elnur Həmidov.

“Ağacların yarpaqları coddur, bilinir ki, köhnə sortdur”

Kəndin digər sakini Ülvi Cəlilov isə 2200 pomidor şitili yetişdirib. Üstəlik, qardaşı ilə birgə digər qohum, qonşular 30 minə yaxın pomidor şitili əkib, amma məhsul yoxdur:

“Bir pomidor ağacından 6-7 salxım saxlamışam ki, üstündə ən yaxşı halda 4-5 ədəd pomidor olur. Yaxşı sort kimi “Fantastina”nı məsləhət bildilər. Hamımıza Bakıdan gətirildi. İndi zəng edib deyirik ki, bu nə şitillərdi, ağac inkişaf edib üstündə məhsul yoxdur? Deyirlər ki, torpağınızda problem var. Hər il payızda “Fantastina” sortu əkmişəm, normal da məhsulu olub. Ötən illərə qədər bir ağacından 4-5 kq məhsul götürürdüm, indi 2200 şitildən 50 kq məhsul satmamışam. Torpaq hər il yetişdirirdi, bu il yetişdirmədi? 640 manat şitilin özünün pulu, dərmanına 500 manat, gübrə və pestisidlərlə birgə üç min öz xərcidir”.

“Planlayırdım ki, rahat 6-7 min pul götürəcəyəm. Heç 500 manat qazancım olmayacaq. İndi də satış qiyməti də 60-70 qəpikdir. Ötən il də başımıza belə bir hadisə gəlmişdi. Onda 800 şitilim yanmışdı, əvəzinə onu verən şirkət yerinə yenisini verdi. “Fantastina”nı kim əkibsə, hamısında eyni problemdir. Elə təsərrüfat var ki, ağaclar da quruyur. On nəfər qonşum da əkib, biri bezib söküb, digərləri əlacsız gözləyir. Ağacların yarpaqları coddur, bilinir ki, köhnə sortdur. Əslində, hibrid toxumlar yumşaq olmalıdır”, – deyə o qeyd edib.

“35 qəpiyə alınan şitil 2 manata başa gəlir”

Ülvinin qardaşı Nurlan Cəlilov da Meydan TV-yə deyir ki, o, sadəcə, vasitəçilik edərək 30 minə yaxın şitili gətirib qohumları ilə birgə əkib.

İndi özü də, qohumları da məhsul üzünə həsrət qalıb:

“Şirkətə demişik ki, bu sortda əvvəl bir ağacdan 50-60 dənə pomidor götürmüşük, indi 5-6 dənə pomidor ola, ya olmaya. Gəlib baxış keçirməlidirlər, gözləyirik. Kəndimizdə 200 min şitil bu gündədir. Bu il rayona 500 min şitil gətirmişdilər, çox ziyan dəyib. 35 qəpiyə alınan şitil 2 manata başa gəlir. 8-9 min ziyandayam. Ötən il 20 min şitilim yandı, amma əvəzinə 4 min şitil verdilər, yəni qismən ödədilər. İndi isə şirkət başqadır və yaxın durmur”.

“Gəlib yoxlasınlar, bizə dəyən ziyanı ödəsinlər”

Elnur İsmayılov adlı kənd sakini də 10 min ziyan edənlərdəndir. Deyir ki, kəndin onlar olan istiqamətində 20 nəfərə 100 min şitil əkiblər. Elə hər şitilin minumum xərci bir manatdan hesablayanda onlara toplam 100 min manat ziyan dəyib:

“Fantastina” adı ilə satıblar, amma götürülmə toxum çıxıb. Kəndimizdən Elçin adlı şəxs gətirib, təşkilatçıdır. Kimin gətirməyindən asılı olmayaraq Kürdəxanıdan götürürlər. Bankdan 4 min manat pul götürüb ödəmişəm, düzəlməyib, inəyimi satmışam. Dərmanı, gübrəsi, qulluğu, suyu, əkini, becərməsi, fəhlə pulu nisyə olmur. Gəlib yoxlasınlar, bizə dəyən ziyan ödənilsin. Şikayətçiyik”.

“Dəyən ziyan ödənilməyəcək”

Şikayətçilərin daha çox adını hallandırdığı təşkilatçı sahibkar Azər Xudaverdiyev isə bu işdə müştərək 10-a yaxın təşkilatçı ilə birgə çalışdığını deyir.

O, Kürdəxanıdan kəndlilərə gətirdiyi üç minə yaxın şitilin məhsul verməməsini isti hava və uyğunsuz torpaq şəraiti ilə əlaqələndirir.

Götürülmə toxumla bağlı ittihamları qəbul etməyən sahibkar deyir ki, kəndlilərə dəyən ziyan ödənilməyəcək:

“Bu toxumlar üçün istixanalarda maksimum 35 dərəcə isti olmalıdır, ancaq istixanada o anomal istilərdə 60-70 dərəcə isti olub. Ona görə də məhsul olmayıb. Çünki istidə çiçək mayalana bilmir. Elə hibrid toxumlar var istiyə dözümü var, elə toxumlar var ki, dözmür. “Fantastina” belə toxumdandır, çiçəyində mayalanma getməyib. Anomallıq da odur ki, iri gövdə kütləsi var, ancaq məhsulu yox. Hibrid toxumlardan əkilən şitillərin toxumundan götürməni şirkətlərə versən, almaz. Götürülmə toxumları almırlar, bu ittiham yalandır. Dəyən ziyanla bağlı heç bir tədbirimiz yoxdur, çünki 70 dərəcə isti ilə nə edə bilərik? Kənd təsərrüfatına ümumiyyətlə təminat yoxdur. Kəndlilərin şikayətini Kürdəxanıya da dedik. Dedilər ki, anomal istilərlə bağlıdır. Heç kim dəyən ziyanı ödəməyəcək. Biz kəndlilərə həmişə deyirik ki, yaylıq əkini ləğv edin. Digər toxumlarda da bu hal yaşanıb, “Fantastina”da daha çoxdur. Yəni bitkinin xüsusiyyətindən asılıdır, bioloqlar, aqronomlar bilər”.

“Kürdəxanı Şitil” MMC-dən isə əvvəlcə bildiriblər ki, problemdən məlumatlıdırlar.

Daha sonra isə deyiblər ki, onlara heç bir şikayət daxil olmayıb: “Bizə heç kim bu faktla bağlı müraciət etməyib. Şikayət varsa, hüquq var, gedib şikayətlərini bildirsinlər”.

“Kürdəxanıdan gələn şitillərdən bir xəstəlik müşahidə etdim”

Sahibkar, aqronom Şahin Yaqubov isə illərdir ki, bu sahədə təcrübəli mütəxəssis kimi çalışdığını deyir.

Onun sözlərinə görə, bu fakt ya toxumun keyfiyyətsizliyi, ya da düzgün aqrotexniki qaydanın olmaması üçün əsas ola bilər:

“Fantastina” toxumu bu il tez bitdi, ehtiyat az idi. Kürdəxanı bilmədim öncə alıb ehtiyatını qoymuşdu, yoxsa əldən götürmədən istifadə etmişdi – bunu dəqiq bilmirəm, yalandan ittiham edə bilmərəm. Toxumun saxtası da ola bilər, ancaq bunun üstü açılır, çünki onlarda virus aşkarlanır. Virus olmasa belə, məhsulu qeyri-standart olur və çəki normalda az olur. Kürdəxanıdan gələn şitillərdə bir xəstəlik müşahidə etdim. Bu, bakterial ləkə xəstəliyi idi, gövdəsində olur. Əgər şitilin boyu iki metr qalxıb, gövdəsi yoğun və üzərində məhsul yoxdursa, adətən, orada azot gübrəsi və peyindən çox istifadə edilir. Belə olanda da bitki məhsul verməyəcək. Yəni ot bitkisi kimi böyüyür, məhsul vermir. Tutan salxımlar da sentyabrda sərin havada az da olsa, tutacaq. Onda da gərək şitilin baş hissəsi vurulsun”.

“Fantastina” toxumundan alınan şitil çox isti hava şəraitini götürmür, 35 dərəcədən sonra bitkinin inkişaf prosesləri pozulur. Əkinçilər kölgələndiricilərdən istifadə etməlidir. Əkinçilər həm də payızda da yazlıq şitil istəyir. Şitilin boyuna görə yetişdirildiyi qabı da uyğun olmalıdır. 150-lik qabda hündür şitil normal deyil. Boy almaq və yoğunlatmaq üçün şirkətlərdə dərmanlardan istifadə olunur. Bu zaman kök sıradan çıxır. Gövdəyə görə kök olmalıdır. Torf məhsullarında qida olmur. Odur ki, əkiləndə kök sala bilmir. Payız şitilləri bir aylıq yox, 20-25 günlük gəlməlidir”, – deyə o qeyd edib.

“Oliqarxlar kəndliləri bu sahədən sıxışdırıb çıxarır”

Aqrar məsələlər üzrə mütəxəssis Vahid Məhərrəmov deyir ki, sahibkarların çoxu kəndlilərin məlumatsızlığından istifadə edir.

Ekspert deyir ki, ölkədə digər sahələrdə olduğu kimi toxumçuluq və əkin sahəsində də monopoliya ciddi əngəldir:

“Bu cür kütləvi ziyanlar kəndlini pomidor istehsalı biznesindən kənarlaşdırmağa hesablana bilər. Toxum məsələsi də monopoliyaya alınıb. Əgər hibrid toxumdan qaynaqlanırsa, bu hal şirkətin problemidir. Oliqarxlar kəndliləri bu sahədən sıxışdırıb çıxarır. Keyfiyyətsiz toxumu kəndliyə satıb onu kütləvi ziyana salmaqda bu məqsəd də ola bilər. 2020-ci ildə kəndlilər 40 milyon dollar ziyana məruz qaldı, əksinə məmurlar qazanc əldə etdi. Ölkənin tələbatı, istehsal olunan məhsuldan azdır. Rusiyada ötən ilə nisbətən pomidor ixracını azaldıb, yavaş-yavaş daxili istehsal hesabına ödəyir”.

“Yüksək vəzifəli məmurlar da iri məbləğdə pomidor istehsalına pul xərcləyir deyə daxili bazarı tam ələ keçirmək istəyirlər. Qışda, yazda Türkiyədən iki dəfə baha məhsul satırlar. Gəlirli sahə olduğu üçün kəndliləri hissə-hissə müəyyən üsullarla sıradan çıxarırlar. Bu zərər də bu üsullardan biri ola bilər. Məsələn, Şəmkirin Düyərli kəndində çox az sayda kəndli pomidor istehsalı ilə məşğul olur, çünki kəndin kəndliləri borc içindədir. Borc içində qalan kəndlinin də növbəti əkinə nə pulu, nə də marağı olur”, – Vahid Məhərrəmli qeyd edib.

“Ciddi müqavilə olmalıdır”

Mütəxəssis indiki halda ciddi problem kimi kəndlilərin sığorta və müqaviləsinin olmadığını əsas gətirir.

O, çıxış yolunu problemi məhkəmədə mühahisələndirməkdə görür.

Bundan əlavə, ekspert ölkədə peşəkar aqronom və hüquqşünas çatışmazlığı probleminin olduğunu da vurğulayır:

“Bu məsələdə ziyana məruz qalanların peşəkar aqronomu, hüquqşünası olmalıdır. Araşdırılmalıdır ki, düzgün aqrotexniki qulluq edilməyibsə, kəndlilər haqsızdır, yox əgər qulluq edib yaxşı nəticə əldə etməyiblərsə, haqlıdırlar. Təəssüf ki, Azərbaycan şəraitində bu elə də asan deyil, çünki bu sahəni peşəkar bilən mütəxəssislər, şərait yoxdur. Yüksək səviyyəli mütəxəssis orada çiçəklənmə, mayalanma prosesini araşdırıb tapmalı, bilməlidir. Müasir laboratoriya şəraitində çiçəklənmə getmədiyini, tozlanma baş vermədiyini, meyvə əmələ gəlmədiyini, hətta hibrid toxum olmadığını müəyyən etmək olur. Hibrid ən yaxşı sortlardan alınan toxumdur. Hibriddən götürülmə ilə yaxşı toxum almaq olmur, çünki keyfiyyəti olmaz. Ümumiyyətlə hər il keyfiyyətli hibrid toxuma birbaşa əlçatanlıq olmalıdır, imkan yaradılmalıdır ki, sahibkarlar, fermerlər özləri hibrid toxumları əldə etsin və özləri şitilləri yetişdirsin. Vətəndaşlar da şitil alarkən həmin sahibkarlardan, təşkilatçılardan müqavilə bağlasın ki, bitkinin vegetasiya, inkişaf, çiçəklənmə, bar vermə dövrlərində problem olsa, şirkət məsuliyyət daşısın. Ciddi müqavilə olmalıdır. Yoxsa yanan da, yaman da kəndli olur. Bu məsələ həm də Kənd Təsərrüfatı Nazirliyi səviyyəsində araşdırılmalı, ora müraciət olunmalıdır. Araşdırıb sahibkarları, şirkəti dəyən zərərə şərik etməlidirlər”.

Meydan TV-nin Kənd Təsərrüfatı Nazirliyinə göndərdiyi yazılı sorğuya isə cavab verilməyib. //meydanTV//

Elşad Həsənovun dostu həm RİH-də şöbə müdiri, həm də şirkət rəhbəridir (FOTOFAKT)

Yaradılıb 05.09.2023 09:09 | Baxış sayı: 113

Yasamal Rayon İcra Hakimiyyətinin başçısı Elşad Həsənovun 3 il əvvəl vəzifəyə təyin etdiyi şəxs hələ də şirkət rəhbəridir.
Qaynarinfo-nun məlumatına görə, Elşad Həsənovun müvafiq əmri ilə 2020-ci ildə Yasamal RİH-nin ərazi idarəetmə və yerli özünüidarəetmə orqanları ilə iş şöbəsinin müdiri vəzifəsinə Teymurov Xaqan Aydın oğlu təyin edilib.

Azərbaycanda məmurlara biznes fəaliyyəti ilə məşğul olmaq qadağan olsa da, qanunun bu tələbi Xaqan Teymurov tərəfindən kobud şəkildə pozulub. Belə ki, o, “Vest İndastris Az” Məhdud Məsuliyyətli Cəmiyyətinin qanuni təmsilçisidir.
Xaqan Teymurovun rəhbəri olduğu şirkətdə Elşad Həsənov 2006-2012-ci illərdə hüquqşünas vəzifəsində çalışıb.

Xaqan Teymurov icra başçısının ən yaxına adamı sayılır. Yasamalda bütün işlər onunla bərabər Süleymanzadə Habil Kamal oğlunun icazəsi ilə aparılır.
Habil Süleymanov da icra başçısı deputat olduğu dövrdə onun köməkçisi vəzifəsində çalışıb.

Naxçıvan səhiyyəsində TOTAL BAHALAŞMA - NARAZILIQ VAR...

Yaradılıb 05.09.2023 08:50 | Baxış sayı: 233

Naxçıvandakı Duzdağ Fizioterapiya Mərkəzində müalicə qiymətləri günü-gündən bahalanır, xidmət isə aşağı düşür. DİA.AZ bildirir ki, bu haqda „Gündəlik Naxçıvan“a mərkəzdə müntəzəm müalicə alan şəxslər məlumat verib. Onlar deyir ki, əvvəllər 80-100 manat ödəməklə, 15 gün müalicə ilə yanaşı bütün xidmətlərdən pulsuz istifadə edə bilirmişlər. Hazırda isə, 15 günlük müalicə üçün bundan üç-dörd qat artıq xərc çıxır. Duzdağda müalicə qiymətlər 2018-ci ildən bəri, yəni mərkəz dövlət balansından çıxarılıb, publik hüquqi şəxs statusu aldıqdan sonra tədricən bahalaşmağa başlayıb.

Şirvan rayonundan olan Sarvan İsmayılov deyir ki, astma xəstəliyindən bir neçə il öncə burada uğurlu müalicə alıb. Hazırda isə, 11 yaşlı oğlu həmin xəstəlikdən əziyyət çəkdiyindən, bu yaxınlarda yenidən mərkəzə üz tutmalı olub:

„Əvvəl 100 manatla iki həftəlik müalicəni başa vurumaq olurdu. Bu dəfə 11 yaşlı oğlumu gətirdim və qiymətlərdən şoka düşdüm. Böyüklərin bir günülük müalicə alması 24, uşaqlarınkı isə, 12 manat olub. Bundan əlavə, seansa girən uşaqları gözləyəndə, valideynlərdən hər saat üçün bir manat alırlar. Seans təxminən 10 saat çəkir, bu da gündəlik on manat pul edir. Yataq üzünün dəyişdirilməsi və digər xidmətlər üçün də pul alırlar. Habuki, əvvəllər hamısı pulsuz idi“.

İmişli rayon sakini Nəcəf Qurbanov da qiymətlərin bahalığından şikayətlətnir:

“Bu il 10 yaşında olan övladımı Naxçıvandakı Duzdağa aparmışdım. Qiymətlər həddindən artıq bahadır. Böyüklər günlük 24, uşaqlar 12 manatdır. Avtobuslar da pulludur. Xəstələrin sayı çox olduğu üçün,servis xidmətindən istifadə edə bilmədik. Bir neçə nəfərlə taksi xidmətindən istifadə etməli olduq. Gğzlədiyimdən 3 dəfə artıq xərcim çıxdı. Hətta yataq dəstinin üzünü dəyişmək üçün xəstələrdən hər gün 3-5 manat alırdılar”.

Pulunuzu bura əmanət edəndə ən azından 2 dəfə düşünün... - NARAZILIQ VAR!

Yaradılıb 05.09.2023 08:39 | Baxış sayı: 92

Azərbaycan Beynəlxalq Bankı açıq aşkar oğurluğa keçib. Müştərilərin hesabından vəsait çıxır.

Tribunainfo.az xəbər verir ki, problemlə üzləşən ABB müştərisi Əşrəf Elatlı bu haqda sosial şəbəkədə yazıb:

“Azərbaycan Beynəlxalq Bankında (ABB) sahibkart hesabım var. Müqavilədə daxil olan pulun 3 faizi komissiya haqqıdır. Açıq aşkar oğurluğa keçiblər. Əvvəllər az oğurlayırdılar, indi tamahları çox artıb. 30.54 manat balansımda pul var idi. Yoxlamaq üçün 15 manat çıxardım. 13.90 manat qaldı. 11% çıxdılar. Bu qədər özbaşınalıq artıq biabrçılıqdır. Azərcardın daxil etdiyi pulları karta tam oturtmadıqlarından da şübhələnirdim, artıq əmin oldum, sübutlarım da var. Bir az məsuliyyətsizlikdən baş qoşmaq istəmirdim. Amma iştahlarının bu qədər artmasından dəhşətə gəldim. Üstəlik mobil tətbiqlərində də artıq çıxılan pulları göstərmirlər. Bu dəfə ətraflı viderolik şəklində sübutlarla qarşılarına çıxacam, həm hüquqi müstəvidə, həm də geniş kütləyə yaymaqla!! Bu qədər özbaşnalıq olmaz artıq”.

Qarşı tərəfində mövqeyini işıqlandırmağa hazırıq.

BU DA TƏZƏ ÇIXDI: Vətəndaşlara əlavə problem yaradılır... - AXI NİYƏ?!

Yaradılıb 05.09.2023 08:34 | Baxış sayı: 248

DİA.AZ: - "Bələdiyyə sənədi olan Bakı və Abşeron ərazisində olan 2007-ci ilə qədər olan sənədlərdə təzəlikcə Daşınmaz əmlakın dövlət reyestri xidməti imtina verir". DİA.AZ bildirir ki, bu gileylə Humrus Ağakişiyev adlı vətəndaş çıxış edib.

Narazı vətəndaş daha sonra yazır:

"Səbəb kimi isə Abşeron və Bakıda Bələdiyyə torpaqlarının xəritəsinin olmaması, buna görədə Bələdiyyənin torpaq ayırma hüququnun yaranmaması göstərilir yəni bir sözlə Bələdiyyələr deyə bilməz bu ərazi mənə məxsusdur deyə.

Sual yaranır Bələdiyyənin onda nə kimi funksiyası qaldı?.."

Məsələ diqqətimizdədir. İddia olunanlarla bağlı dia.az olaraq bütün əlaqədar qurum və şəxsləri dinləməyə hazırıq...

Göyçayda kasıbı saya salan yoxdur... - İDDİA

Yaradılıb 04.09.2023 07:09 | Baxış sayı: 274

Göyçay rayonu 1-ci Ərəbcəbirli kənd sakini Həsənov Asif Aydın oğlu tərəfindən DİA.AZ-a müraciət ünvanlanıb. Müraciətdə deyilir:

"Mən Həsənov Asif Aydın oğlu Göyçay rayonu 1-ci Ərəbcəbirli kəndində yaşayıram. 3 ildir ki, Dövlət Məşğulluq Agentliyinin Mərkəzi Aran Regional Filialı Göyçay Məşğulluq Mərkəzinə xırda buynuzlu mal-qara üçün müraciət etmişəm. Lakin, şikayətimə baxan yoxdur. Çünki Göyçay Məşğulluq Mərkəzində kasıbları saymırlar. Məndən sonra özünəməşğulluğda qeydiyyatdan keçən vətəndaşların əksəriyyəti müəmmalı yollarla istədiklərini əldə ediblər. Məni isə get-gələ salırlar. Bəhanə gətirlər ki, hələki balın yetmir. Halbuki, hazırki yaşayış vəziyyətimə əsasən, növbəm çoxdan çatmalı idi. Sağlamlığım işləməyimə imkan vermir. Həyat yoldaşım da neçə illərdir ağır xəstədir. Qızım kollecdə oxuyur. Bir ata kimi onun maddi təlabatlarını qarşılaya bilmirəm. Özümüz də atamdan miras qalan köhnə evdə yaşayırıq.
Mən mətbuat vasitəsilə ölkə başçısı cənab İlham Əliyevdən və birinci vitse-prezident Mehriban xanım Əliyevadan çox xahiş edirəm, Göyçay rayon Məşğulluq Mərkəzi tərəfindən qısa vaxt ərzində xırda buynuzlu mal-qara (qoyun) ilə təmin olunmağım üçün köməklik göstərəsiniz. Həqiqətən də çox acınacaqlı durumdayıq. Ümid edirik ki, şikayətimə baxılacaqdır."

İddia olunanlarla bağlı dia.az olaraq qarşı tərəfi də dinləməyə hazırıq...

"Milləti zəhərləmək fikrindəsiz?" - ETİRAZ

Yaradılıb 03.09.2023 10:25 | Baxış sayı: 343

"3 gün bundan qabaq "Bravo Maştağa"dan uşaqlar üçün 2 dənə səhər yeməyi almışam, bu gün açıb birindən yeyib uşaq, indi baxıram ki, vaxtı keçmiş məhsuldur..." DİA.AZ bildirir ki, bu barədə "Müştəriyəm Şikayətçiyəm" sosial qrupundakı paylaşımında Səbinə Həsənova adlı istifadəçi giley edir...

Daha sonra narazı vətəndaş yazır: "Bundan əlavə də magazada olarkən yoldaşım özünə "Bakılı qız" dondurması götürdü, açdı ki, yesin, dondurmanın yarısı yox idi. Kassirə dedik, dedi başqasını götürün, ikinci də həmin gündə, onu da qaytardıq, tamam başqa dondurma götürdük.

Mən özümə "Limo" dondurması götürmüşdüm, bilsəydim, yerində açıb baxardım, maşında açdım ki, bu da əriyib bir damcı olub, dadı da xarab olmuş yağ dadı verir, həm dondurması, həm vaflisi...

Daha qayıtmadıq, tulladım pişiklərə yolda. Niyə nəzarət yoxdu rəflərə, məhsullara??? Milləti zəhərləmək fikrindəsiz?"

İddia olunanlarla bağlı teref.az olaraq qarşı tərəfi də dinləməyə hazırıq....

Facebook-da paylaş

Bülbülə və Əmircanı 20 gündür susuz qalıb VİDEO

Yaradılıb 03.09.2023 10:18 | Baxış sayı: 390

Facebook-da paylaş

Ya Azay Quliyev və Aygün Əliyevaya cinayət işi açılmalı, ya da Samir Adıgözəlli böhtana görə məsuliyyət daşımalıdır…

Yaradılıb 03.09.2023 09:50 | Baxış sayı: 149

Vasif Talıbov vurulan ərəfədə onun barəsində kim ağlına və ağzına nə gəldi danışırdı. Təbii ki, haqlı tənqidləri bura aid etmirəm. Məhz həmin ərəfədə məni də populyar internet televiziyalarından birinin efirinə dəvət edib, bu barədə fikir mübadiləsi apardılar. Aparıcı belə bir sual verdi: “Deyillər, Vasif Talıbov İrana işləyir, siz bu barədə nə deyə bilərsiniz?”
Cavabım belə oldu:
- Mən Vasif Talıbovun korrupsioner olduğunu, vəzifə səlahiyyətlərini aşdığını inkar etmirəm, amma onun İrana işləməsi ilə bağlı deyilənləri cəfəngiyat sayıram!
Aparıcı bu iddianı səsləndirən bir neçə publik adamın adını çəkdi. Dedim ki, belədirsə, onda Vasif Talıbova vətənə xəyanət maddəsilə cinayət işi açılmalıdır, bu sübut edilməsə, həmin iddianı səsləndirənlər böhtan atma ilə bağlı məsuliyyətə cəlb olunmalıdırlar. Nə Vasif Talıbov , nə də həmin cəfəng iddianı səsləndirənlər məsuliyyətə cəlb edilmədi. Buna təəssüf edirəm. Çünki belə hallar pis presidentlər yaratmış olur. Artıq biri ilə üz-üzəyik.
Bu hadisəni bir paralel aparmaq üçün xatırlatdım. Bir neçə gündür ki, İSBAM sədri Samir Adıgözəlli gündə bir villanın qabağından reportaj edir və dəyərli milyonlarla ölçülən həmin əmlakların QHT-lərə Dövlət Dəstəyi Agentliyi Müşahidə Şurasının sədri Azay Quliyev və həmin qurumun icraçı direktoru Aygün Əliyeva tərəfindən korrupsiya pulları ilə alındığını iddia edir. Qeyd edim ki, QHT sədri qurum tərəfindən maliyyələşdirilən layihələrdə də korrupsiya amilin olduğuna dair paylaşımlar edir.
Bunlar kifayət qədər ciddi ittihamlardı. Maraqlıdır ki, nə Azay Quliyev, nə də Aygün Əliyeva bu barədə heç bir açıqlama vermir. Qanunvericiliyin tələblərinə görə, KİV-də belə məlumatların işıqlandırılması cinayət təqibinin başlanması üçün ilkin əsas ola bilər. Nədənsə, əlaqədar hüquq-mühafizə orqanları bu istiqamətdə də hərəkətə keçmirlər. Qısası, bu vəziyyətdə ya Azay Quliyev və Aygün Əliyeva ilə bağlı cinayət işi açılmalıdır, ya da Samir Adıgözəlli barəsində böhtan atmaqla bağlı məsuliyyət müəyyənləşməlidir. Bunlardan birini edin ki, bizim də canımız qurtarsın!
Məhəmmədəli Qəribli
Teref.az

QHT rəhbərindən ritorik və rişxəndli sual: "O hansı idarənin rəhbəridir ki,..."

Yaradılıb 02.09.2023 09:24 | Baxış sayı: 181

Teref.az yazır ki, Neftçilərin Hüquqlarını Müdafiə İctimai Birliyinin sədri Mirvari Qəhrəmanlı ritorik sayıla bilən bir sualla çıxış edib.
Mirvari xanımın suallarını təqdim edirik:
O hansı idarənin rəhbəridir ki,
-bəzi pensiyaçılardan 180 manat alıb onların Əmək müqaviləsinin vaxtını 3 aylıq uzadır?
-Ustalara 11 saat yazıb və onlardan 100 manat alır .Bir ara tərgitmişdi axı? Ustalara da tapşırmışdı ki,heç kimə demə ha. Amma elə evdə deməkləri bəs edir)))
Rəis! Bu iki əmələ görə əslində işdən çıxarılmalısan
1.Əvvəl işçinin Əmək müqaviləsinə "təqaüd yaşına çatmaqla əlaqədar işdən azad olunma" öhdəliyi əlavə edib ona məcburi qol çəkdirirsən
2.Həmin müqaviləyə əlavə etdiyn bəndi əsas gətirib ,işçidən rüşvət alaraq ,onu işdə saxlama müddətini uzadırsan.
3. Rüşvət yolu ilə işçiyə əlavə iş saatı yazırsan.
Mirvari Gahramanli
Teref.az

214 -dən səhifə 358