Bakı Baş Səhiyyə Mərkəzi qurumun tabeliyində olan tibb müəssisələri üçün təmizlik vasitələrin satın alınması ilə bağlı tenderə yekun vurub.

Qaynarinfo xəbər verir ki, tenderin qalibi “Fuad-Kimya Servis” MMC olub. Tərəflər arasında bağlanacaq satınalma müqaviləsinin maliyyə dəyəri 174.404 AZN təşkil edir.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “Fuad-Kimya Servis” MMC 16 sentyabr 2005-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Sumqayıt şəhəri, 9-cu mikrorayon, ev29/27, mənzil 23-də yerıəşir.

MMC-nin qanuni təmsilçisi Bağırov Bağır Ağakərim oğludur.

2019-cu ildə Baş Prokurorluğun yaydığı məlumatda bildirilir ki, Sumqayıt şəhəri, Səməd Vurğun küçəsi, 1A ünvanında yerləşən “Fuad-Kimya-Servis” MMC-yə məxsus yuyucu tozların istehsalının həyata keçirildiyi sexə baxış keçirilib. Bu zaman üzərlərinə “Calgon”, “Comet”, “ACE”, “Domestos” yuyucu tozların və mayelərin adı yazılmış və həmin malların qablaşdırılmasında istifadə olunan karton materiallar, etiketlər, üzlüklər və boş polietilen paketlər aşkar edilərək götürülüb.

Məlumatda daha sonra qeyd edilir ki, məhkəmə-ekspertizanın rəyinə görə, sexdəki kimyəvi-təmizləyici maddələr tərkibinə, keyfiyyət göstəricilərinə görə standartların tələbərinə uyğun gəlməyib. Ölçüləri, çəkiləri qablaşdırmanın üzərində qeyd edilən ölçü və çəkilərlə eynilik təşkil etməyib.

İş üzrə Anar Qasımov, Natiq Novruzov, Vidadi Əliyev və Ülvi Əliyev təqsirləndirilən şəxs qismində cəlb edilib. Onlara Cinayət Məcəlləsinin 192.2.1, 197.2, 206.3.1 və 206.3.2-ci maddələrində nəzərdə tutulan ittiham elan edilib. Barələrində Binəqədi Rayon Məhkəməsinin qərarları ilə həbs qətimkan tədbiri seçilib.

Bu işin sonrakı taleyi barədə açıq mənbələrdə heç bir məlumat yoxdur.

“Dövlət satınalmaları haqqında” Qanunun 6.2.6-cı maddəsinə görə, tenderlərdə iştirak edəcək podratçılar satınalma prosedurlarının başlanmasından əvvəlki 5 il ərzində özlərinin, habelə işlərini idarə edənlərin, qulluqçularının peşəkar fəaliyyətləri ilə əlaqədar cinayətə görə məhkum olunmamalıdır.

Bu hadisə 4 il əvvəl baş verib. Göründüyü kimi qanun “Fuad-Kimya Servis” MMC-nin tenderlərdə iştirakını qadağan edir.

Publik müraciət

Sizə media üzərindən müraciət etməyim - qəbulunuza yazılmağıma qadağa qoyulması, yazılı müraciətlərin qəbul edilməməsi, poçtla göndərilən məktubların “yoxa çıxmasından” qaynaqlanır.

Torpaqlarımıza düşmən saldırısının ilk günündən AMEA -nın aspiranturasında təhsilimi, elmi işimi atıb, iki körpə uşaqlı ailəmi Allahın ümidinə qoyub, Qarabağ uğrunda savaşa getməyimdən , bu yolda 1-ci dərəcəli Qarabağ əlili olmağımdan 30 ildən də çox keçir. Son xidmət yerim olan DİN Daxili Qoşunları və Maliyyə Plan İdarəsi hərbi qanunvericiliyin tələblərinə qarşı çıxaraq mənə nə işdənçıxarma pulu, nə geyim- əşya kompensasiyası, nə məzuniyyət, ezamiyyət pulu, nə sığorta ödənişi və əvəzində kompensasiya verib, nə rütbəm artıb, nə vəzifəm düzgün vurğulanıb (döyüş komandirinə olmayan kimya müdafiəçisi görəvi yazılıb) , nə xidmət ilim düzgün hesablanıb, nə mənzil və digər güzəştlər tətbiq edilib. Bircə tibbi təminat hüququm saxlanılırdı, ona da keçən ildən qadağa qoyulub. 1978-ci ildən leytenant hərbi rütbəsi daşıyan 45 ilin zabitinin Azərbaycan Silahlı Qüvvələrində zabit rütbəsində xidmətdə olmadığı rəsmi məktublarla bildirilir, pensiyam düzgün hesablanılmadığından , tabeçiliyimdə olanlarınkından üç dəfə azdır. DİN MPİ “Hərbi qulluqçuların pensiya təminatı haqqında” qanunun 15v və 23b maddələrinə əsasən pensiyama minimum pensiyanın uyğun olaraq 300 və 100 faizi həcmində əlavəni, 58-ci maddə əsasında dolanacaq xərcləri indeksinin dəyişilməsi ilə əlaqədar pensiyamı yenidən hesablamayıb. İnzibati və məhkəmə təminatı hüququma da qadağa qoyulub. Hərbi prokurorluq Daxili Qoşunların, məhkəmə DİN-in saxta vəkili və nümayəndəsi, Vəkillər Kollegiyasının intizam komissiyasının üzvü Əlirza Həbilovun qeyri-prosessual sifarişi ilə şikayət(lər)imə , iddia(ları)ma mahiyyəti üzrə baxılmasına imkan vermir. Özbaşınalıq o həddədir ki, Prezidentə, baş prokurora, məhkəməyə müraciət etdiyimə görə məndən – 1-ci dərəcəli Qarabağ əlilindən məhkəmə yolu ilə 30 milyon manat tələb edilir. Heç demə, Konstitusiyanın 57, 60, 68 -ci maddələri ilə təminat verilən müraciət hüququ , inzibati və məhkəmə təminatı hüququ, özbaşınalıqdan müdafiə və vicdanlı davranış hüququndan yararlanmaqla, DAXİLİ QOŞUNLAR BAŞ İDARƏSİNİN “ŞƏRƏF VƏ LƏYAQƏTİNİ” (idarənin şərəf və ləyaqəti olur?) elə ləkələmişəm ki, yalnız 30 milyon manatla yuyula bilər.

2007-ci ildən DSMF-ə keçən pensiyam DİN -də təyin olunmuş məbləğdən 45.10 manat çıxılmaqla azaldılıb. Halbuki “Əmək pensiyaları haqqında” qanunun 26.1-ci maddəsinə görə, əvvəllər təyin edilmiş pensiyanın ümumi məbləği ( bütün əlavələr, müxtəlif güzəştlərin ləğvi ilə bağlı kompensasiyalar və digər ödəmələrlə birlikdə ) dəyişdirilmədən şərti çevrilməsi aparılır. Sözügedən qanunun 19.1.4 maddəsinə görə, 1-ci dərəcəli əlillərə qulluğa görə verilən aylıq 11 manat pensiyama əlavə olunmayıb. Bu maddə 2019-cu ilin aprelindən ləğv edilib və əlilə qulluq edən şəxsə Prezident təqaüdü (hazırda 100 manat) ilə əvəz olunub .NK -nın 08.01.2013 tarixli qərarı ilə ikiqat artırılan ərzaq payı əvəzinə pul kompensasiyası da 10 ildir pensiyaya əlavə olunmur. DSMF-in Xüsusi Şərtlərlə Təyinat üzrə Mərkəzi Filialı bunu DİN -in, DİN isə DSMF-in hesablamalı olduğunu bildirir. Prezidentin 23.12.2021 tarixli 1525 saylı fərmanı ilə hərbi qulluqçuların vəzifə maaşlarına müəyyən edilmiş 20 faizlik əlavə “Əmək pensiyaları haqqında” qanunun 13.05. 2022-ci ildə ləğv edilən 29.2 maddəsi əsasında pensiyanın yenidən hesablanmasına gətirməyib.

DİN -in saxta vəkili və nümayəndəsi (vəkil dövlət orqanının nümayəndəsi ola bilməz, dövlət orqanının nümayəndəsi isə vəkil) Əlirza Həbilov Şəki İnzibati-İqtisadi Məhkəməsində 15.02.2019-cu ildə qərar qəbul edilmədiyini , iclasın növbəti tarixə təyin edildiyini “e -məhkəmə” sistemi sübut etdiyi halda, həmin tarixə keçmiş həmkarı hakim İlqar Cabbarova saxta iddianın mümkün sayılmaması haqqında qərardad qəbul etdirib və 5-ci ildir bu qərardadı bütün məhkəmə instansiyalarında Konstitusiyadan, Ali Məhkəmədən üstün “normativ hüquqi akt” kimi tətbiq etdirir. Bakı İnzibati Məhkəməsinin hakimi Orxan Həsənov bir illik süründürməçilikdən sonra 20.06.2022 tarixli qərardadla mümkün sayıb, cavabdehlər DİN və ƏƏSMN tabeliyində DSMF-in Xüsusi Şərtlərlə Təyinat üzrə Mərkəzi Filialı üzrə icraatı ayırdığı iddiamı 22.12.2022-ci il tarixli qərardadla mümkün saymayıb ki, Şəki İnzibati-İqtisadi Məhkəməsinin 15.02.2019 tarixli qərardadı hələ də qüvvədədir. Axı heç DSMF-in Xüsusi Şərtlərlə Təyinat üzrə Mərkəzi Filialı bu iş üzrə tərəf deyil! Və axı Ali Məhkəmə Plenumunun 10.04.2015 tarixli 5 saylı “ İnzibati məhkəmə icraatında iddianın mümkünlüyünə dair” Qərarının 8.3 bəndinə görə, İDDİANIN MÜMKÜN SAYILMAMASI HAQQINDA QƏRARDAD, YENİDƏN MÜMKÜNLÜK ŞƏRTLƏRİNƏ ƏMƏL ETMƏKLƏ, EYNİ PREDMET ÜZRƏ İDDİA QALDIRMAQ İMKANINI İSTİSNA ETMİR! Məhkəmə Konstitusiyaya, Ali Məhkəmə Plenumunun məhkəmə təcrübəsinin vahidliyi prinsipi haqqında qərarına istinad etmək əvəzinə, tərəflərin hüquq bərabərliyi prinsipini də pozub. DİN -in keçmiş səlahiyyətli nümayəndəsi və vəkili Əlirza Həbilov məhkəməyə 3 ilin vəkili Orxan Qılman oğlu Babayevi DİN-in nümayəndəsi kimi göndərib. Bakı İnzibati Məhkəməsinin özbaşınalığına baxın, hakim Orxan Həsənov qəbul etdiyi saxta qərardadlarını da 3 aydan sonra “tanışlıqla” verib.

Bakı Apellyasiya Məhkəməsinin Şərafət Məmmədova, Pərviz Hüseynov və Cahangir Yusifovdan ibarət heyəti hər iki işə necə təyin olunub? Aydındır ki, hakimləri də VK-nın intizam komissiyasının üzvü, fərdi vəkil Əlirza Həbilov Ədliyyə Nazirliyindəki dələduz məmurların dəstəyi ilə “seçir”. Yoxsa, 7 ildir dövlətin adından çıxardığı 20.06.2016 tarixli 2-1 (81)-1095/16 saylı qərarının icrasını təmin etməkdən imtina edən, heç 7 ildir qərarını icraya belə yönəltməyən, borclu DSMF-in iş üzrə cavabdehlik daşımayan şəxsinin saxta məktubu (?) ilə “icraata xitam verdirən” qərəz hakimi Şərafət Məmmədova yenidən hakim təyin olunmazdı. Təsəvvür edin, bu heyət də DİN-in 1-ci dərəcəli Qarabağ əlilinə dövlət hesabına vəkil ayrılmasından imtina edib, amma DİN-in hesabına (?) vəkillik edən Orxan Qılman oğlu Babayevi etibarnaməsi olmadan DİN-in nümayəndəsi kimi işə buraxıb. Və DSMF-in Xüsusi Şərtlərlə Təyinat üzrə Mərkəzi Filialına qarşı işi 02.05.2023-cü ildə şikayətvermə müddəti bitməmiş yekun məhkəmə aktı ilə apellyasiya baxışından çıxarıb. DİN -ə qarşı 17.05.2023 tarixli qərardad isə hələ də verilmir. Məhkəmə tərkibinə etirazım da sədrə verilmir. Gerçəkdə heyət özünə etiraz etməlidir. Mülki Prosessual Məcəllə, İnzibati Prosessual Məcəllə, “Məhkəmələr və hakimlər haqqında” qanunun tələblərinə görə, birinci , apellyasiya və ya kassasiya instansiyasında işin baxılmasında iştirak etmiş hakimin işə yenidən baxılmasında iştirakı yolverilməzdir və hakim mütləq işin baxılmasından kənarlaşdırılmalıdır.

...Pensiyamın düzgün hesablanmaması haqqında şikayətlərimə cavab olaraq Xüsusi Şərtlərlə Təyinat üzrə Mərkəzi Filialının direktoru Şahin Əliyev 26.01.23, onun müavini Elnur Qurbanov 22. 02. 23 tarixli məktublarla pensiyamın məhkəmə qərarı ilə ayrılan 110 manat əlavə ilə birlikdə 1112.44 manat olduğunu və 30 gün müddətində məhkəməyə müraciət etmək hüququmu bildiriblər. Bakı İnzibati Məhkəməsi (hakim Bəhlul Cəlalov) mart ayında işi icraata götürəndə isə apreldən 6 il qabaq 05.07.2017 tarixli 2-1 (81)-1889/17 saylı Bakı İnzibati Məhkəməsinin (hakim Elçin Məmmədov) qərarı ilə pensiyama 1-ci dərəcəli Qarabağ əlili kimi “Əmək pensiyaları haqqında” qanunun 19.2.5 maddəsi əsasında əlavə olunan 110 manatı kəsib, pensiyamın məbləğini yenidən 138.79 manat azaldıb 973.65 manata salıblar. Özbaşınalığa, məhkəmə təminatı hüququna qadağaya baxın, məhkəməyə müraciət etməyimi bildirirlər, məhkəməyə verəndə isə qərəzlə məhkəmə qərarı ilə pensiyama əlavə olunan əlavəni çıxıb, daha da azaldırlar. Belə sosial təminat, məhkəmə təminatı hüququ olar? Hakim Bəhlul Cəlalov obyektiv hakimdir, 02.05.2023 tarixli hazırlıq iclasında məhkəmə qərarı ilə ayrılan pensiyaya əlavənin kəsilə bilməzliyini dedi və 16.06.2023-cü ilə iclas təyin etdi. Hətta mənə qanunla müəyyən edilmiş, lakin verilməyən, özümün də xəbərsiz olduğum əlavə ödənişləri hesabladacağını vurğulayan hakimə yenə də ədliyyə, vəkil dələduzluğu ilə basqı yapılacağından çəkinirəm. Başına gələn başmaqçı olar, deyiblər, elə Bakı İnzibati Məhkəməsinin qətnamə ilə qərardadı Əlirza Həbilovun göstərişi ilə ayıra bilməyən hakimi Elvin Əliyev, qərardadla qərarı eyni sayan Orxan Həsənov və yuxarı instansiyalar da öncə “obyektiv” görünürdülər.

Ümumiyyətlə, cavabdeh DİN ilə mənim aramda mahiyyəti üzrə baxılan heç bir məhkəmə işi, qərarı yoxdur, imkan verilmir . Digər cavabdeh ƏƏSMN -ə qarşı iki iş üzrə isə mənim xeyrimə qərarlar qəbul edilib. Vurğuladığım kimi, 20.06.2016 tarixli 2-1 (81)-1095/16 saylı Bakı İnzibati Məhkəməsinin mənzillə təminat barədə qərarı 7 ildir icra olunmur, yeganə icra olunan 05.07.2017 tarixli 2-1 (81)-1889/17 saylı qərarı isə borclu Xüsusi Şərtlərlə Təyinat üzrə Mərkəzi Filialı bu ilin aprelindən icra etməkdən imtina edir. Özbaşınalığa baxın, Prezidentin, MM-in, Konstitusiya Məhkəməsinin ləğv edə bilmədiyi məhkəmə qərarını Xüsusi Şərtlərlə Təyinat üzrə Mərkəzi Filialı ləğv edib! (?)

DİN isə nəinki ona qarşı iddiama mahiyyəti üzrə baxılmasına imkan verir, hətta tərəf olmadığı, mənim xeyrimə çıxarılan məhkəmə qərarlarının icrasına polisin, VK-nın, ədliyyə, icra məmurlarının sifarişi ilə qadağa qoyur. Təsəvvür edin, Xətai məhkəməsinin 26.05.2009 tarixli, 2 (011)-451/09 saylı və 21.06.2011 tarixli, 2 (011)-855/11 saylı 2 (!) qətnaməsi ilə mənə 1-ci dərəcəli Qarabağ əlili kimi sahibkarlıqla məşğul olmağa verilən Nizami rayonu, Bəhruz Nuriyev, 10a ünvanındakı qeyri – yaşayış otaqlarını borclular ƏMDK, Nizami RİH və Ədliyyə Nazirliyinin Xətai və Nizami icra şöbələri mütəşəkkil cinayətkar dəstə şəklində ələ keçirib, özümə isə hər 5-6 ildən bir polisin “hüquqi yardımı” ilə işgəncə verirlər. Sonuncu dəfə 03.09.2022-ci ildə məni Xətai məhkəməsinin aktını saxtalaşdırmaq adı ilə məhkəmə qərarı olmadan qoluqandallı polis şöbəsinə aparıb, 24-cü PŞ-də işgəncə veriblər, 9 qabırğamı sındırıblar, ağ ciyərimdə hematoma əmələ gəlib, açıq – qapalı kəllə beyin travması xəsarəti yetiriblər, faşistcəsinə davranıb tibbi yardıma da qadağa qoyublar. 2 sutka məhkəməsiz azadlıqdan məhrum edilmişəm. Nizami prokurorluğu ekspertiza təyin edib və müvafiq rəyi alıb, lakin 9 aydır heç bir hərəkət etmir, heç Ombudsman Aparatının məktubu ilə bildirilən cinayət işinin başlanmasından imtina barədə 06.10.2022 tarixli qərarını da rayon prokuroru Pərviz

8 aydır verməkdən imtina edir. Amma bu prokuror müstəntiq Qalib Kərimlinin vəsatəti əsasında Nizami məhkəməsinə evimdə axtarış aparılmasına təqdimat yazıbmış. Bunu da Nizami məhkəməsinin hakimi Nigar Qədirlinin adından 40 gün sonra 14.10.2022-ci ildə tərtib olunan 05.09.2022 tarixli qərardan bilmişəm. Bu saxta qərardan apellyasiya şikayətimi Bakı Apellyasiya Məhkəməsi 8 ay gizlədəndən sonra baxılmasından imtina edib ki, 3 günlük müddət ötürülüb. Məhkəmə kollegiyasının hakimləri İlqar Murquzov, Qədim Babayev və Anar Tanrıverdiyev bilmir ki, həbsdə saxlanan şəxsin iddia müddətini ötürməsi onun təqsiri yox, hakimlərin, istintaq – ittiham orqanının təqsiridir. Bu cinayətdə məni tarixi olmayan cinayət işi ilə suçlayırlar. 9 aydır cinayət işinin məhkəməyə göndərilməsini, baxılmasını tələb edirəm, baxılmır. Bu saxta cinayət işini sifariş edənlər Ədliyyə Nazirliyinin icra məmurları – Ceyhun , Elçin (tel. 0507704020) , VK-nın dələduzluqla məşğul olan vəkilləri, Bakı İnzibati Məhkəməsinin keçmiş, Xətai məhkəməsinin hazırkı sədri Rəşid Rzayev və başqalarıdır. Təsəvvür edin, Xətai məhkəməsinin keçmiş hakimi Raziyə Ataşovanı icra məmurları istintaq – işgəncə kamerasında müstəntiq Qalib Kərimlinin vasitəsilə üzümə durdurublar və o 17.07.2014-cü ildə verdiyi qətnaməni və icra vərəqəsini verdiyini danmaqla cinayətkar saxtalığa imza atıb, yalan məlumat verib. Raziyə Ataşova məhkəmə qərarı olmadan həbsdə saxlanmağım cinayətini də bilib, xəbər verməyib. Elə Nigar Qədirli kimi, rayon prokuroru Pərviz İbayev kimi. Xətai məhkəməsinin sədri Rəşid Rzayev nəinki 15 ildir icra olunmayan məhkəmə qətnamələrini icra etdirir, heç verdiyim ərizələrə belə baxmır. Bakı İnzibati Məhkəməsində olduğu kimi. Belə hakim(lər) necə başqalarına örnək ola bilər, bəyəm sədrlik kürsüsü bunların altına yazılıb?

Sizdən məhkəmə təminatı hüququma qadağanın aradan qaldırılmasını, dövlət hesabına vəkillə təminatımı diləyib, Konstitusiyanın ölkədə ən yüksək hüquqi qüvvəyə malik olduğunu məhkəmə hakimiyyətinin diqqətinə çatdırmağınızı, işlərə obyektiv baxılmasını təmin etmək məqsədilə, müraciətimdə adı keçən məhkəmə işlərini nəzarətə götürməyinizi xahiş edirəm.

Məğrur Bədəlsoy
/paralel.az/

Ata mülkündən miras payını 6 ildir ki almaqda məhkəmə çəkişmələri ilə əziyyət çəkən vətəndaş Qurbanova Cəmilə Ağaşirin qızına hər dəfə bir bəhanə gətirilir. Qeyd edək ki, Şirvan şəhər Əzizbəyov küçəsi 38 indiki Ə.Vahid küçəsində 2 sot içində 50 kv. m. 3 otaqlı fərdi yaşayış evinə dair 1961 -ci il Texniki pasportun müqabilində iddiaçının şəxsi vəsaiti hesabına DƏDRX- nin 13 saylı Şirvan ərazi idarəsində müvafiq ödəniş edilməklə Çıxarış sənədi də əldə edilmiş, İş üzrə təyin edilmiş Ekspertiza idarə əməkdaşları tərəfindən həmin evin natura şəklində bölgüsünün mümkünsüzlüyü barədə qərar da verilmişdir. Buna baxmayaraq həmin evdə 7 vərəsənin 5i , başda Qismət Ağaşirin oğlu Qafarov olmaqla digər qardaşları ilə birgə o boş qalan ata mülkünü kirayəyə verib pul qazanmaqdan ötrü öz paylarını evin kiçik qardaşı hazırda Rusiyanın İrkutsk vilayətində illərdir yaşayan Qafarov Bayram Ağaşirin oğluna bağışlamaqla guya paylarından imtina edirlər.
Digər vərəsə iddiaçı isə Qurbanova Cəmilə Ağaşirin qızı ona düşəsi 1/7 payı belə olduğu halda pul for maşında kompensasiya şəklində haqlı olaraq tələb edir.Tələbkar iddiaçı Qurbanova Cəmilə Ağaşirin qızının notarial səlahiyyətli nümayəndəsini isə keçirilən məhkəmə prosesində 11:30 30 may 2023 tarixində İrkutskdakı qardaşını müdafiə edən hazırda Şirvan şəhərindəki Real Marketin sahibi Qafarov Qismət Ağaşirin oğlu, zalda iştirakçı olaraq " Bayram gələr qarnına soxub səni öldürər !" deməklə iddiaçı vərəsəyə miras payı tələbindən boyun qaçırmağa çalışdı.
Və çox təəssüflər olsun ki Vərəsələrdən olan lakin illərdir burada yaşamayan Bayram Qafarovun bu təhdid edici diqtəsinin məhkəmə zalında səsləndirilməsinə hakim Ceyhun Mustafayev hər hansı bir qanuni tədbir görmədi.
Görünür Şirvan şəhərində sahibkar olaraq iri market sahibi kimi REALMARKETIN rəhbəri Qafarov Qismət nəyinəsə arxayın olur ki Azərbaycan Respublikasının adından qərar çıxaran bir dövlət binasında bucür təhdid edici çıxışlar səsləndirir.
Qeyd edək ki növbəti məhkəmə prosesi bir daha iddianın payçılar üzərində bağışlanma məsələsinə görə dəyişdirilməsi üzündən yenidən sözügedən fərdi yaşayış evində ölçü aparılması məqsədilə Ekspertizaya sorğu göndərilməsi üzündən təxirə salındı.
Proses keçirilən günün axşamı , bir daha İrkutskdan vatsap videozəngi ilə iddiaçı payçı Qurbanova Cəmilə Ağaşirin qızın qanuni səlahiyyətli nümayəndəsinə zəng edilərək ölüm təhdidi də edilmişdir. Məsələ artıq nəzarətə götürülməsi məqsədilə lazımi hüquq mühafizə orqanlarına müraciət də edilmişdir.
Mövzuya qayıdacağıq...

Dia.az üçün hazırladı
Xəyyam Qurbanlı.

"Şikayətin Əmlak Məsələləri Dövlət Xidmətindəndi, sözdə 14 iş günü ərzində poçtla göndərilməli olan ərizə artıq 2 ay yarımdı verilmir". DİA.AZ bildirir ki, bu barədə "Müştərinin Səsi" sosial qrupundakı paylaşımında Kamran Həsənov adlı istifadəçi giley edir.

Narazı vətəndaş daha sonra yazır: "Yerli idarə isə işlərinin çox olduğunu zamanı gələndə verəcəyik deyirlər. Bu necə olur başa düşmək olmur, qaynar xətdə yalandan şikayətlərə baxır".

İddia olunanlarla bağlı teref.az olaraq qarşı tərəfi də dinləməyə hazırıq...