Redaksiyamıza vətəndaş Qulam Kərimov Əli oğlu tərəfindən şikayət ünvanlanıb.

Hörmətli media nümayəndələri!

28 oktyabr 2017 ci ildə,Bakı şəhəri N.Nərimanov rayonu, Firdovsi Məmmədov küç 11, mən 14; 15 də daimi ailəmizlə yaşadıqımız ev pilot layihə əsasında sökülmüşdür. Pilot layihəni icra edən yani evimizi söküb tikən şirkət “İnteks”MMC olub.

Bizə evimizin söküntüsü zamanı özünü şirkətin səlahiyyətli nümayəndəsi kimi təqdim edən, Fərid Şabanov adlı şəxs verdiyi vədləri, göstərdiyi formal avropa stilli, italyan oboylu yüksək keyfiyyətli təmirli şəkilldə bizə mənzilimizin təhvil veriləcəyini vəd edərək, evimizdən çıxarmaqa razı saldı.

Təssüflər olsun ki, bu verilən vədlər elə vəd olaraqda qaldı.

Lakin binanın 3 il müddətində rəsmi müqavilə ilə hazır olacaqı deyilsə də, 3 ildən sonra illərlə gecikərək hələdə tikintisi davam edir.

Tikintisi başa çatmaq üzrə olduqu halda bizim iştirakımız olmadan, bizə düşən iki mənzili verdilər.

Biz bizə düşən mənzilə dəfələrlə baxış keçirmək istəsəkdə, hər dəfəsində süni maneələr yaradaraq mənzilə baxmaq şansının hələ olmadıqını bildirdilər.

Lakin bir müddətdən sonra, guya bizə avropa standarlarına cavab verəcək guya italyan oboylu mənzilimizi ortaya çıxardılar, Vətəndaş iddia edir ki,mənzilə daxil olanda mənzildə avropa standarlarına italyan oboylarına aid heçnə yox idi, yalnız olan keyfiyyətsiz təmirli mənzil, keçmiş SSR zamanındaki standartlara cavab verən bir mənzili xatırlatdı.

Mən mənzili qəbul etmədim ona görə ki, mənim keçmiş mənzilimdə hər bir otaqda pəncərə var idi, eyvan var idi, və təmirim isə əla vəziyyətdə idi.

Pəncərəsiz evdə insan yaşayar? yaşayarsa Fərid adlı şəxs və, “İnteks”MMC nin rəhbəri gəlsin yaşasın,deyərək vətəndaş aldadıldıqı şirkəti sərt ittiham edib.

Şirkətdən tələb etdiyim haqlı haqqımnan mənə verilən vədə düşəcək mənzili istəsəmdə, şirkətin rəsmisi israrla bildirdi ki, budur istəyirsən yaşa!

İstəyirsən imtina et! Hara istəyirsən şikayətini bildir!

Jurnalist sualı bir! Hara istəyirsən şikayətini bildir?

Demək ki, “İnteks” MMC vətəndaşın hüquqi savadsızlıqından, hətta etibarından sui istifadə edərək, vətəndaşa verdiyi vəddən dönük çıxaraq, vətəndaşın haqqını tapdalayaraq,hüquqi dövlətdə yaşadıqımızı unudaraq, israrla get hara istəyirsən şikayət et bildirir?

Sual 2 “İnteks”MMC hansı məmura və yaxud hansı əlaqələrinə bu qədər güvənlidir?

Ümid edirik ki, bu qaralnıq suallara jurnalist araşdırması apararaq işıq qata biləcəyik

Sual 3:”İnteks”MMC-nin rəhbəriprezident İlham Əliyevin sərt çıxışlarını “Vətəndaşları incitmək olmaz” çıxışlarını izləməyib? Və yaxud izləyib xəbərsiz kimi göstərir?

Araşdırmamız nəticəsində məlum oldu ki, “İnteks”MMC iş adamı kimi tanınan Ruslan Məmmədova aiddir. Etibarlı mənbədən əldə etdiyimiz məlumata görə Ruslan Məmmədov bir vaxtlar bir iki dövlət məmurları ilə biznes ortaqlıqı olduquda bildirilir.

İş adamı Ruslan Məməmdov şirkəti “İnteks”MMC bir çox vətəndaşları şikayətlərə səbəb olacaq qədər incidir narazıçılıqlar yaradir, buna şahid olmaq elədə çətin deyil.İinternet resurslarında “İnteks”MMC yazıb axtarış verə bilərsiz və əldə etdiyiniz nəticələrdən edilən şikayətlərdən haraylardan agah ola bilərsiz.

“İnteks”MMC-yə `dur` deyən olacaq?

İkinci maraqlı məlumatımız odur ki, “İnteks” MMC nin ofisinə daxil olanda sanki sərhəd buraxılış məntəqəsini gömrük postunu keçmək təssuratı yaranır.

Bilirsiz niyə? bu şirkətin ofisinə daxil olmaq elədə asand deyil ‘face kontrolu” keçdikdə özünə aid şəxsi əşyanı məlumat dolu telefonunu aşağıda təhvil vermək şərtdir yoxsa ofisin binasına buraxılmayacaqsız.

Bəli bəli, düz oxuduz telefonunuzu verməlisiz təhvil!

Bİlirsiz niyə? şirkət etdiyi qanunsuzluqları ictimaiyyətdən hüquq mühafizə orqanlarından gizli saxlaya bilsin,və bu ofisdə olan söhbət elə ofisdədə qalsın.

Burdan belə qənaətə gəlmək olur ki,şirkətin rəhbəri Ruslan adlı şəxs hansısa qüvvələrə hələdə arxayındır, bu səbəbdən ölkə vətəndaşını ölkə qanunları ilə başa baş qoyaraq qanunlarla guya ki ölkədə qanunların işləmədiyini düşündürərək dövlətdən narazı salır.

Maraqlı tərəfi odur ki, qanunsuz əməlləri həyata keçirən sahibkar cildində olan MTK rəhbəri və güvəndiyi vəzifəli şəxslər cənab prezident İlham Əliyevin dəfələrlə etdiyi məmurlara və vəzifəli şəxslərə vətəndaşların incidilməsinə və öžbaşınalıqlara son qoyulması xəbərdarlıqlarından xəbərsizdirlər? və yaxud özlərini xəbərsiz göstərirlər?

İnanırıq ki, bu şikayət məqaləsindən sonra adiyyatı qurumlar məsələni nəzarətə götürərək özlərini qanundan üstün hesab edərək, vətəndaşları güc hesabına,əzən rahatlıqlarını,əlindən alan, əmlaklarını məhv edən, şəxslərlə bağlı qanun çərçivəsində ölçü götürüləcəyinə ümid edirik.

Mövzunu diqqətimizdə saxlayacaqıq.

Qarşı tərəfin mövqeyini dinləməyə hazırıq

AZƏRBAYCANREALLIĞI.COM

Hacıqabul rayonunun ən böyük qəsəbələrindən olan Muğan sosial problemlərin məngənəsində boğulur. Qəsəbə ucqar bir ərazidə deyil, Bakı-Qazax magistral yolunun düz kənarında yerləşir.

Qəsəbənin şəhid adını daşıyan məktəbi olduqca acınacaqlı vəziyyətdədir. Azinforum.az olaraq bu barədə ətraflı məlumat vermişik. Bununla yanaşı, qəsəbənin icməli su problemi də var. İş o yerə çatıb ki, qəsəbə sakinləri icməli suyu pulla alır. Maraqlıdır ki, Kür çayından Bakıya çəkilən magistral su kəməri düz qəsəbənin yanından keçir.

Zamanında Ulu Öndər Heydər Əliyevin təşəbbüsü ilə qəsəbəyə su çəkilib. Bunun üstündən xeyli müddət keçdiyi üçün, borular öz istismar müddətini başa vurub. Bu da qəsəbəyə ayrılan su kvotasının çoxunun itkiyə getməsilə nəticələnir. Eyni zamanda, qəsəbənin su problemini əsasını kəmərə müəyyən imtiyazlı və imkanlı şəxslərin qanunsuz müdaxiləsi təşkil edir.

Təəssüflər olsun ki, bu işə məsul olan əlaqədar qurumlar sadalanan neqativliklərin aradan qaldırılması istiqamətində heç bir tədbir görmür. Azinforum.az Muğan qəsəbə sakinlərinin bu yöndə olan şikayətlərini olduğu kimi təqdim edir. Ümidvarıq ki, səslənən fikirlərə “Azərsu” rəsmiləri də öz mövqelərini bildirəcəklər.

Bir neçə gün öncə "Bir bina bir provayderindir" mövzusunda yazı yazmışdım.
Bununla bağlı çox sayda müraciətlər oldu.
Problem bizim düşündüyümüzdən də dəhşətli vəziyyətdəymiş.
Elə MTK -lar var ki, özləri provayder yaradıblar, başqa provayderləri qəbul etmirlər və maraqlıdır ki, RİNN-nin bu provayderlərdən ümumiyyətlə xəbəri yoxdur.
Bəzilərini heç mən də tanımıram və ilk dəfə adlarını eşidirəm.
Hansı ki, Telekommunikasiya haqqında qanuna görə onlar RİNN-də uçota durmalı və özləri haqqında məlumat verməlidirlər.
Bu məsələ qalxandan sonra indi məlum olur ki, hətta elə deputatlar və məmurlar olub ki, MTK-ların özbaşınalığı və sayğısızlığı nəticəsində özlərinə məxsus dövlət telefonunu və interneti yeni köçdükləri binaya çəkdirə bilməyiblər.
MTK dövlət operatorunun nümayəndəsini binaya buraxmayıb.
Bildirilib ki, ancaq MTK-nın təklif etdiyi provayderdən xidmət almaq olar.
Bu cür biabırçı vəziyyətə aidiyyatı qurumlar son qoymalıdır.
Müşahidələr göstərir ki, RİNN və Antiinhisar Dövlət Xidməti sanki bu vəziyyətlə barışıb.
Hansı ki, bu, yolverilməzdir.
Düşünürəm ki, RİNN uçotda olan provayderlər və onların xidmət əraziləri ilə bağlı Antiinhisarla birgə monitorinq aparmalıdır.
Uçotda olmayan provayderlərlə bağlı tədbir görməlidir RİNN.
Xeyli sayda vətəndaşlar var ki, MTK-ların haqsız davranışı ilə bağlı rəsmi olaraq Antiinhisar Dövlət Xidmətinə müraciət etdiklərini bildirirlər.
Bildiyim qədər artıq Antiinhisar Dövlət Xidməti bununla bağlı araşdırma aparır.
Lakin hələlik bunların nəticəsi olmayıb.
Bir daha qeyd etmək istərdim ki, RİNN və Antiinhisar bununla bağlı qanunvericilikdə müvafiq dəyişikliklərin edilməsi üçün də səylərini gücləndirməlidir.
Antiinhisar Dövlət Xidmətindən və RİNN-dən bu problemin həlli istiqamətində konkret addımlar gözləyirik.
Osman Gündüz
Teref.az

“Vaz” adı ilə tanınan dairənin düz mərkəzində dayanmışıq. Ləğv edilsə də, izləri qalıb. Burada dayanmağımızın səbəbi qaynar xəttimizə ünvanlanan vətəndaş şikayətidir. Məsələ burasındadır ki, Bakı-Sumqayıt yolunun üzərində yerləşən Abşeron Gənclər şəhərciyində yaşayan sakinlər və ümumiyyətlə bu yolla hərəkət edən bütün sürücülər əvvəllər bax bu dairədən istifadə etməklə çox rahat formada üzü mərkəzə doğru irəliləyirdilər. Hazırda isə dairə ləğv edildiyindən onların işi bir qədər çətinləşib. Belə ki, üzü şəhərə doğru qayıtmaq üçün onlar Saray yolu ilə 3-4 kilometr də qabağa gedib geri dönmək məcburiyyətindədirlər”.

Sözügedən “VAZ” dairəsi təxminən bir aya yaxındır ki, ləğv edilib. Bu da 20 min nəfərə yaxın sakinin yaşadığı Masazır və Abşeron Gənclər şəhərciyinin, eləcə də ətraf ərazidə yaşayan sakinlərin etirazına səbəb olub. Özlərinin dili ilə desək işə gecikən kim, övladını məktəbə apararkən 1-ci dərsə çatdırmayan kim.

Bundan başqa, bu yolla hərəkət edən 199 saylı yeganə müntəzəm marşrut xəttinin fəaliyyəti də pozulub. Sözügedən yolda edilən dəyişikliyə görə, sürücülər hər gün 7 kilometr əlavə yol qət edirlər. Bu da təbii ki, onlar üçün həm əlavə vaxt itkisidir, həm də artıq yanacaq sərfiyyatı. Bütün bunların fonunda hələ işləri Təcili və Təxirəsalınmaz Tibbi yardıma düşərsə, bax əsl problem bundan sonra başlayır.

Maraqlıdır ki, bu yolda nə yol hərəkəti qaydalarını tənzimləyən lövhələr var, nə də işıqfor. Məsələ ilə bağlı əvvəlcə Baş Dövlət Yol Polisi İdarəsi ilə əlaqə saxladıq. Qurumun əməkdaşı, polis baş leytenantı Toğrul Nəsirli bildirdi ki, “VAZ” dairəsi yolda yaranan uzun-uzadı tıxaclar səbəbindən ləğv edilib.

“Nəzərə almaq lazımdır ki, layihənin icrasının sonrakı mərhələsində mövcud yol şəraiti, istiqamətlər üzrə nəqliyyat axını tam təhlil olunaraq, hərəkətin daha da təkmilləşdirilməsi istiqamətində əlavə işlərin görülməsi, daha yaxın məsafədə geriyə dönmə zolağının yaradılması nəzərdə tutulub. Lakin unutmayaq ki, həmin ərazidə əvvəllər mütəmadi sıxlıq müşahidə olunurdu ki, bu da həmin yolla hərəkətdə olan sürücülərin narazılığına, əlavə vaxt itkisinə və artıq yanacaq sərfiyyatına səbəb olurdu. Hazırda sürücülər bu istiqamət üzrə əlavə olaraq 2.8 kilometr məsafə qət etməklə heç bir sıxlıq problemi yaşamadan geri dönmə edib, hərəkətlərini davam edə bilərlər ki, bununla da tıxacda qalmadan mənzil başına rahat gedə bilərlər”.

Məsələyə digər cavabdeh qurum olan Azərbaycan Avtomobil Yolları Dövlət Agentliyi ilə əlaqə saxlamaq istəyimiz isə baş tutmadı. Çünki qurumun heç bir nümayəndəsi telefonlara cavab vermədi. Bir müddət öncə saytlardan birinə açıqlama verən qurumun mətbuat katibi Anar Nəcəfli isə yalnız bunları deyib.

"Baş Dövlət Yol Polisi ilə birlikdə qeyd edilən ərazidə yeni layihə hazırlanıb. Hazırda layihənin icrası həyata keçirilir. Günün pik saatlarında həmin ərazidə tıxaclarla bağlı çoxsaylı müraciətlər daxil olurdu. Layihə də bu müraciətlər əsasında həyata keçirilir. Hazırda sürücülər bir istiqamət üzrə əlavə 2,5 kilometr məsafə qət etməklə geridönmə edib hərəkətlərinə davam edə bilərlər. Layihə hələ tam başa çatmayıb, gələcəkdə daha yaxın məsafədən yeni geridönmə hissəsinin yaradılması da nəzərdə tutulur. Bütün bunlar əlavə vaxt itkisinə səbəb olmur, əksinə tıxacların qarşısını alır". Sitatın sonu

Əvvəla burda bir şeyi dəqiqləşdirək. Hazırda sürücülər bir istiqamət üzrə əlavə 2,5 deyil, 3 kilometr məsafə qət edir. Bu da həm əlavə vaxt itkisi, həm də artıq yanacaq sərfiyyatına səbəb olur. İkincisi isə göz önündədir. Rəsmi qurumlar nə qədər sakinlərin bu yoldan rahat şəkildə istifadə etdiyini desə də, vətəndaşlar tam əksini bildirir.

Hələ biz insanların müayinə olunmaq üçün Abşeron xəstəxanasına və ya işlərini asanlaşdırmaq üçün “DOST” mərkəzinə gedərkən qarşılaşdığı çətinlikləri demirik. Dövlət vətəndaşın işini asanlaşdırmaq üçün bir bu qədər şərait yaratsa da, bu kimi qurumlar öz fəaliyyətsizlikləri ilə bu işə kölgə salmağa çalışırlar.

Görünür Azərbaycan Avtomobil Yolları Dövlət Agentliyi xalqa xidmət etmək əvəzinə bəzi şəxslərin rahatlığını daha üstün bilir. Halbuki cənab Prezident vətəndaşların rahat gediş-gəlişini təmin etmək üçün bu quruma milyonlarla pul ayırır. Amma nə fayda... Dəfələrlə sökülüb tikilən Bakı-Quba yolu, 7 ildən artıqdır ki, davam edən və hələ də rəsmi şəkildə istifadəyə verilməyən Zığ-Hövsan yolu bu qurumun fəaliyyətinin hansı şəkildə təşkil olunduğunu gözlər önünə sərir. Elə buna görə də “Görünən köyə, bələdçi lazım olmaz”mış deyirlər.

Ümid edək ki, aidiyyəti qurum bu dəfə vətəndaşların narazılığını görməzdən gəlməyəcək. Edilən səhvlər tez bir zamanda aradan qaldırılacaq. 10 metrə görə, əlavə 7 kilometr məsafə qət olunmayacaq. Gəlin sağ qulağımızı sağ əllə qaşıyaq.

Azərbaycanda animasiya filmələri sahəsində ixtisaslaşan "NME” MMC-nin rəhbəri Nicat Manafov Mədəniyyət Nazirliyini məhkəməyə verməyə hazılaşır.

Bu barədə Qaynarinfo-ya Nicat Manafovun özü bildirib.

Onun sözlərinə görə, bir neçə gün əvvəl Bakı Kommersiya Məhkəməsində Mədəniyyət Nazirliyinə qarşı iddia qaldırsa da, icraata götürülməyib: "Belə əsaslandırdılar ki, işin Bakı Kommersiya Məhkəməsinə aidiyyəti yoxdur. Dedilər ki, ümumi məhkəməyə müraciət etməlisən. Mən də bu dəfə ümumi məhkəməyə müraciət etməyi düşünürəm. Yəqin ki, yaxın günlərdə iddiamı təqdim edəcəm”.

Nicat Manafov iddiasında Mədəniyyət Nazirliyi ilə "Salnaməfilm” studiyası arasında bağlanmış müqavilənin ləğv olunmasını tələb edir.

Məlumat üçün deyək ki, "Qarınqulu” tammetrajlı animasiya filminin çəkilişi "Salnaməfilm” studiyasına həvalə edilib. Nicat Manafov təxminən yarım milyon dəyəri olan layihənin tender keçirilmədən Mədəniyyət Nazirliyinin tabeliyində fəaliyyət göstərən və animasiya filmlərinin çəkilişində ixtisaslaşmayan "Salnafilm” studiyasına verilməsini qanunsuz hesab edir.

"NME” MMC-nin rəhbəri bununla bağlı ilk olaraq İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət ünvanlayıb. Mraciətə cavab olaraq qurum Mədəniyyət Nazirliyinə məktub göndərərək "Salnafilm” studiyası ilə müqavilənin ləğv olunmasını və "Dövlət Satınalmaları haqqında” Qanuna müvqafiq olaraq bütün podratçılara bərabər rəqabət mühitini təmin etməklə tender keçirilməsini tələb edib.

Nicat Manafov deyir ki, Mədəniyyət Nazirliyi bu tələbə əməl etmir: "Fakriki olaraq iş gedir. Ona görə də düşündüm ki, məsələnin məhkəmə müstəvisində həllinə nail olum”.

Quba “Soyqırımı Memorial Kompleksi” – Dəyərini itiribmi?
Təhlükə hardan, ya kimdən gəlir?
Dünən TRT kanalı üçün azərbaycanlıların 1918-ci il soyqırımı mövzusuna həsr olunan sənədli filmin çəkilişləri ilə əlaqədar Qubaya, Soyqırımı Memorial muzey-kompleksinə getmişdik. Bura mənim üçün son dərəcə doğma məkandır, belə ki, uzun illər azərbaycanlıların soyqırımı mövzusu ilə əlaqədar topladığım, araşdırdığım və nəşr etdirdirdiyim sənədlər, şəkillər və tədqiqatlarımın nəticələri məhz bu Memorial Kompleksdə maddiləşmiş, kütləviləşmiş və görüntü şəklində təmsil olunmuşdur. Geniş ərazilərdə yerləşən bu Kompleksin muzey ekspozisiyasının yeganə müəllifi kimi mən özümü bu Qara Yaddaş məbədimizin hər daşı, hər qarışı üçün məsuliyyətli bilirəm. Çünki bu qeyri-adi muzeyin ilkin “eksponatları" – təsadüfi tikinti nəticəsində 400 nəfərin sümükləri basdırılmış kütləvi məzarlığın aşkar edilməsindən başlayaraq, onun qeyri-adi binasının (əsas ekspozisiya zalı yerin altında yerləşir) tikintisi zamanı ortaya çıxan problemlərdən xəbərim var. Heydər Əliyev Fondunun kiçik, lakin olduqca peşəkar və mobil işçi qrupu ilə bir il yarımdan artıq müddətdə Kompleksin muzey ekspozisiysı üzərində bilavasitə iştirakımı da çox yaxşı xatırlayıram. 2013-cü ildə, Muzeyin Açılış mərasimində ölkə başçısını, Heydər Əliyev Fondunun rəhbərini və digər qonaqları muzey ekspozisiyası ilə tanış edərkən, sonrakı illərdə xarici ölkələrdən gəlmiş nüfuzli nümayəndə heyətlərini şəxsən müşayiət edərkən, bu məkanda beynəlxalq konfranslar keçirərkən, xarici və yerli qonaqlarımızla, müxtəlif çəkiliş qrupları və d. ilə bu muzeyə gələrkən – Hər Dəfə (!) onun son 100 illik tariximizin ən faciəvi, ən ağır və ən ağrılı səhifələrinin bitkin elmi-sənədli, mənəvi-insani Təcəssümü olduğunun təsdiqini tapıram. Kompleks açılandan bəri onu milyondan artıq insanın, o cümlədən 200 minə yaxın xarici qonaqların və onlarla rəsmi xarici nümayəndə heyətlərinin ziyarət etməsi, rəylər kitablarının neçə-neçə cilddən ibarət olması, Kompleksə beynəlxalq əhəmiyyətli, dövlət tərəfindən qorunan tarixi memarlıq qoruğu statusu verilməsi ölkəmizdə azərbaycanlıların soyqırımı tarixini əks etdirən yeganə təyinatlı ideoloji mərkəz kimi bu muzey-kompleksin geniş anlamda dəyərini vurğulayan amillərdir.
Amma son illər bu kompleks ətrafında baş verən bəzi hadisələr, düzü məhz bu Dəyərlə bağlı təşvişlərimizi artırır. Bu sıradan ən böyük “hadisə” təbii ki, “Soyqırımı Memorial Kompleksi”n 1918-ci ildə daha geniş miqyasda erməni vandalizmi və vəhşiliklərinə məruz qalmış şəhərlərdə - Bakıda və Şamaxıda deyil, məhz Qubada inşa edilməsini şərtləndirən əsas Sübutun – Kütləvi Məzarlığın “ləğv edilməsi” ilə bağlıdır. Belə ki, 2018-ci ildə, “Azərbaycanlıların soyqırımının 100-cü ilddönümü ərəfəsində müxtəlif yaşlı insanlara mənsub sümüklər açıldığı və 10 il ərzində müxtəlif vasitələrlə qorunduğu məzardan çıxarılaraq elə o ərazidə yenidən torpağa basdırılmış və üstünə də çox sadə bir Xatirə Daşı qoyulmuşdu.
Burada vurğulamalıyam ki, bu iş əslində yarı-gizli görülmüşdü, müxtəlif, qeyri-ciddi səbəblər gətirilməklə yalnız şaiyələr şəklində yayılaraq, sonda birdən həyata keçirilmişdi. Lakin o da məlumdur ki, torpağın içində qalmaqla yanaşı açıq hava dəydiyindən erroziyaya uğramaq təhlükəsi qarşısında bu məzar-abidənin yeni texnoloji üsullarla saxlanması proyektləri var idi və Memorial Kompleksin açılışı zamanı Fondun sifarişi ilə italiyalı mütəxəssislər tərəfindən hazırlanmış bu proyektlər nümayiş olunmuşdu. Lakin Muzeyin inzibati-idarəçiliyi Azərbaycan Mədəniyyət Nazirliyinə verildikdən sonra bu niyyət reallaşmadı və sonda məsələ ən sadə, ən asan və ən ucuz yolla “həll olundu”.
Bu “həll” Soyqırımı Kompleksinin təsir effektini yarıbayarı azaltdı desəm, inanın ki, səhv etmərəm. Çünki Komplekslə tanışlıq marşrutu elə tərtib olunmuşdu ki, qonaqlar muzey ekspozisiyası, yəni tarixi faktlar, hadisələr, sənədlər, şəkillər ilə tanış olduqdan və məlumatlandıqdan sonra kütləvi Məzarlığı seyr edirdilər və eşitdiklərinin danılmaz sübutunu görərkən sözün əsl mənasında böyük sarsıntı keçirirdilər. Bir nümunə: Görkəmli fizik – alim, Nobel mükafatı laureatı Jores Alferov muzeylə tanışlıqdan sonra məzarlıqdakı sümükləri görərkən əhvalı dəyişmiş və ona ilkin tibbi yardım göstərilmişdi.
Kütləvi məzarlığın ləğv edilməsi və muzeyin ekspozisiyası ilə bağlı bəzi digər məsələlər üzrə məsul şəxslərin indi vəzifələrində olmadığı səbəbindən adlarını çəkməyi lazım bilmirəm. Həm də müəyyən naqislikləri sonradan aradan qaldırmaq mümkün oldu, görünməyən bəzi işlər də görüldü. Bu baxımdan Kompleksin kollektivinin, başda direktor Rəxşəndə xanım Bayramova olmaqla fədakarlığı və əməyi ayrıca qeyd edilməlidir. Sanki hamı bir qədər sakitləşmişdi.
Lakin budur, yeni bir problem, narahatlıq və deyəsən bu dəfə iş yalnız Muzey kollektivinin təlaşı və müdaxiləsi ilə bitməyəcək. Belə ki, bir müddət əvvəl Kompleksin inzibati ofisi, elmi-informasya mərkəzi və kitabxanası, eləcə də yüksək gərginli avadanlıqların yerləşdiyi texniki otaqları əhatə edən binanın üst hissəsində, meşə zolağının kənarından başlayaraq, əslində Kompleksin mühafizə zolağına daxil olan torpaq sahəsindən müəyyən hissə “Spartak” MMC –nin nümayəndələri tərəfindən kiçik həyətyanı sahələrə bölünərək fərdi mənzillərin tikintisi üçün satılmışdır. Bu barədə Kompleksin müdiriyyətinə heç bir məlumat verilməmişdir. Bir müddət əvvəl isə həmin ərazidə qazıntı işlərinə və çoxsaylı fərdi evlərin tikintisinə başlanmışdır.
Burada məsələyə tam aydınlıq gətirmək üçün bir məqam xüsusi vurğulanmalıdır. Heydər Əliyev Fondu tərəfindən Kompleksin tikinti layihəsi həyata keçirilərkən 1918-ci ildə yaşanmış hadisələrin məzmunu əsas götürülərək soyqırımı qurbanlarının xatirəsinə ehtiram əlaməti kimi nəinki hər hansı dekorasiya və bəzəkli elementlərdən istifadə edilməmiş, həmçinin əraziyə sərhəd zolagi və ya hasar çəkilməmiş, bununla da Kompleks ərazisində matəm sükutunun təbiətlə ünsiyyətdə təcəssüm etdirilməsinə nail olunmuşdur. Bu baxımdan Komplekslə təbii görüntünün ahəngini qorumaq məqsədilə ətraf ərazilərdə hər hansı tikilinin inşasına icazə verilməmiş, əksnə, kütləvi məzarlığın yerləşdiyi təpənin arxasındakı bir yaşayış evi və yeməkxana, sahibləri ilə razılaşma əsasında buradan köçürülmüşdür. Beləliklə, ətrafda yalnız sanki qanlı hadisələrin günahsız qurbanlarının ruhlarını qoruyan şam ağacları saxlanılmış və artırılmışdır.
Lakin bu gün yeni yaşayış sahəsi üçün ayrılan ərazi birbaşa Kompleksin muzey binası ilə üzbəüzdə, İnzibati binanın isə düz başında yerləşir. Belə ki, inzibati binanın bir hissəsi təbii qayalığın içinə salındığı üçün, evlərdən bir neçəsinin artıq qazılmaqda olan bünövrəsi Kompleks ofisinin damına söykənməli olacaq.
Yeni yaşayış massivinin hələ suyu, kanalizasiya xətti, elekrik şəbəkəsi və s. kimi işlərin görülmədiyi, lakin artıq evlərin tikintisinə başlanıldığı nəzərə alınarsa, öz suallarına cavab üçün bu işə məsul olan şəxsləri axtaran Kompleks əməkdaşlarının narahatlığı anlaşılandır.
İlk nəzərdə bu ərazinin Soyqırımı Kompleksinin tam səlahiyyətində deyil, yalnız “mühafizə zolağına” daxil olduğu əsas götürülərsə bu narahatlığın nə dərəcədə qanunauyğun olduğu sualı ortaya çıxa bilər. Lakin burada konkret bir məsələ də var: artıq tikintisinə başlanmış yaşayış məskəninin ərazisinə heç yol da yoxdur və bu problemin həlli kimi “İnşaatçılar” tərəfindən artıq Kompleksin birbaşa ərazisinə aid və ona məxsus olan qapalı avto-dayanacaq meydanını sökməklə, 0.15 ha, 5 metr enində 2 yeni yol salmaq nəzərdə tutulur. Bu yol salınana qədər isə, tikinti materiallarını daşımaq üçün hazırda həmin ərazidə Kompleksin elektrik təchizatını təmin edən yüksək gərginlikli 6 min kvat elektrik xəttinin və internet kabel xəttinin üzərində qeyri-qanuni torpaq yol salınmışdır və ağır tonnajlı yük avtomobilləri qeyd olunan xəttlərin üzərindən hərəkət edərək Kompleksin elektrik təchizatı üçün böyük təhlükə törədirlər. Bir müddət əvvəl buna oxşar bir qəza nəticəsində Kompleks 2 gün tam işıqsız qalmış və ziyarətçilərin qəbulunu dayandırmalı olmuşdu.
Kompleksin əsas binaları ilə üzbəüz və biri ilə bitişik ərazidə yeni yaşayış məhəllələrinin salınmasının digər fəsadları da vardır. Belə ki, yer səthindən 19 metr hündürlükdə xüsusi konstruksiyalı divarları olan muzey ilə üzbəüz yaxınlıqda yerləşən, təxminən 11-12 metr hündürlüyündə olan meşə zolağında və eyni hündürlüklü pilləkənlərdə hər hansı bir cüzi səs olduqda muzey divarları vasitəsilə həmin səs yüksəlir və əmələ gələn dissonans - gurultu bəzən hətta yerin alt qatında yerləşən əsas zalda da eşidilir. İndi həmin meşə zolağında ağacların kəsilib fərdi evlər, tövlələr, hinlər və digər təsərrüfat obyektləri daxil yaşayış məhəllələrindən bütün gün ərzində gələn çoxsəsli hay-küyün Kompleksin uzun illər qorunan müqəddəs sükunətilə nə qədər “ahəngdarlıq” yaradacağını özünüz təsəvvür edin.
Bu səs-küylə yanaşı həm də xüsusi əhvalla muzeydən çıxan ziyarətçilərin nəzərləri ilk olaraq qarşı təpədə öz gündəlik həyatını yaşayan insanların ev-məişət görüntüləri, paltar zivələri, mal-qarası, toyuq-cücəsi, uşaqların oyun meydançaları və s. ilə qarşılaşacaq. Bu mənzərənin də Kompleksin təlqin etdiyi hisslər və fikirlərlə nə dərəcədə həmahəng olacağını təsəvvür etməyi yenə sizlərin öhdəsinə buraxıram.
Əlbəttə, mümkündür ki, bəziləri, xüsusilə bu əraziyə yalnız pul qazanmaq mənbəyi kimi baxanlar və onları dəstəkləyənlər Komplekslə yanaşı təsvir edilən mənzərə və səs-küyü “həyat davam edir” məntiqi ilə izah etsinlər. Amma həyat tək pul və məişət rahatlığından ibarət deyil. Quba “Soyqırımı Memorial Kompleksi” də bu məntiqi tamam başqa hissiyyat və zehniyyatla qavramaq üçün yaradılıb.
Düzü, Kompleksin əməkdaşları ilə bu yeni yaşayış məkanına “baxış” keçirərkən və burada həqiqətən tikinti işləri getdiyini öz gözlərimlə görərkən yenə də bu məsələlərə ən azı aydınlıq gətirməli olan səlahiyyətli qurumların – ilk növbədə Quba İcra Hakimiyyətinin və Azərbaycan Mədəniyyət Nazirliyinin hələ də susduğuna inana bilmirəm... Amma Kompleksin rəhbərliyinin və əməkdaşlarının bu ciddi təşvişini da anlayıram və bu səmimi ürəkyanğısı müqabilində onlara onsuz da böyük olan rəğbətim daha da artır.
Mümkündürmü ki, hansısa MMC şirkəti dövlət ərazisi sayılan bu torpaqları beləcə rahat (Quba şəhəri üçün o qədər də baha qiymətə yox) satsın, sənədləşdirsin, dərhal evlərin tikintisinə başlanılsın və...
Kimdir bu “layihənin” müəllifləri və havadarları ki, “qonşuluqdakı” mühüm bir Dövlət qurumunun – Dövlət tərəfindən qorunan tarixi memarlıq-qoruğunun maraqları ilə heç hesablaşmır, üzə çıxmır və verilən adi sualları cavablandırmağı belə lazım bilmir... Vəziyyət belə qalarsa deyəsən Qubadakı Soyqırımı Memorial Kompleksi tədqicən yaşayış məhəllələri ilə əhatə olunacaq...
Bu reallığın adını nə qoyaq, dostlar?
Bir daha vurğulayıram, mən hələ də inanmıram ki, adı çəkilən səlahiyyətli qurumlar, son nəhayətdə Soyqırımı Kompleksinin qurucusu olan Heydər Əliyev Fondu tarixi yaddaşımızın ən ağır Abidəsinin bu qədər dəyərdən salınmasına biganə qalsınlar...
Amma bu tarix hamımızın qan yaddaşıdır, biz biganə qalmayaq... Qalanları da oyadaq...
Dəstəyinizə ehtiyacımız var...
Hər birinizin...
Solmaz Rustamova-Togidi
Teref.az

Xəbər verdiyimiz kimi, bu yaxınlarda 19 özəl daşıyıcı şirkət dövlət rəhbərliyinə kollektiv müraciət ünvanlayıb və bildirilib ki, hər gün daşıdıqları sərnişin sayına görə toplanan vəsaitin 5%-ni “BakıKart”a ödəyirlər.
TEREF.AZ yeniavaz.com-a istinadla xəbər verir ki, daşıyıcı şirkətlər bunun kifayət qədər böyük faiz olduğunu bildirərək həmin rüsumun azaldılmasını xahiş ediblər.
Daşıyıcı şirkətlərin bu açıqlamasından sonra nəqliyyat sahəsi üzrə ekspert Elməddin Muradlı bildirib ki, sərnişinlərin “BakıKart” vasitəsilə ödədiyi gediş haqqının 5%-i BNA-a tərəfindən tutulur.
BNA-nın mətbuat xidmətinin rəhbəri Mais Ağayev isə Elməddin Muradlını yalan danışmaqda ittiham edib və bildirib ki, sərnişin sayına görə toplanan vəsaitin 5%-ni bu sahədə fəaliyyət göstərən ödəniş operatoru olan şirkətə ödənilir. BNA rəsmisi deyib ki, bu prosedur da daşıyıcı şirkətlə operator arasında hüquqi müstəvidə imzalanan müqavilələrlə tənzimlənir.


Məlumat üçün bildirək ki, BNA rəsmisi daşıyıcı şirkətlərdən gediş haqqının 5%-ni tutan operatorun kim olduğunu açıqlamayıb.
Yeniavaz.com-un apardığı araşdırma göstərir ki, daşıyıcı şirkətlərdən gediş haqqının 5%-ni tutan operator, yəni “BakıKart”ın sahibi olan şirkət – “K Group” MMC-dir (VÖEN – 1402954871).
Maraqlıdır ki, “BakıKart”ın rəsmi veb-saytı olan “bakikart.az”da bu şirkət barəsində heç bir məlumat qeyd olunmayıb. Veb-sayta baxdığımız zaman sanki sayt tərtib olunarkən “K Group” MMC-nin adı bilərəkdən gizli saxlanılıb. Lakin, “bakikart.az” domain adının “K Group” MMC-yə məxsus olduğunu gizlədə bilməyiblər (ya da unudublar).


Təkcə Bakı metrosundan gün ərzində orta hesabla 535 min sərnişinin istifadə etdiyini nəzərə alsaq, “K Group” MMC-nin “BakıKart” vastəsilə ödənilən vəsaitlərdən xeyli gəlir əldə etdiyini görə bilərik. Məsələn, bu rəqəm təkcə Bakı metrosundakı sərnişin sayına görə, gün ərzində 8025 manat edir. Bu da bir ayda 240 min 750 manat, bir ildə isə 2 milyon 889 min manat edir.

Adına “Bakikart.az” saytında rast gələ bilmədiyimiz “K Group” MMC-nin sahibi kimdir?
Açıqlanan rəsmi məlumatlardan belə görünür ki, “K Group” MMC 03.11.2014-cü il tarixində dövlət qeydiyyatına alınıb. Nizamnamə kapitalı 3 milyon 10 manat olan MMC-nin qanuni təmsilçisi Bayramov Orxan Xanlar oğludur. Hər il milyonlarla vəsait əldə edən “K Group” MMC kimi Orxan Bayramov haqqında da açıq internet resurslarda heç bir məlumat yoxdur.
Məlum olan isə odur ki, “K Group” MMC-nin dövlət qeydiyyatına alındığı hüquqi ünvan “Bakı şəhəri, Nəsimi rayonu, 20 Yanvar, ev 3. M. 13”də “GMSA” MMC (VÖEN – 1402774731) adlı daha bir şirkət qeydiyyata alınıb. “K Group” MMC ilə eyni ildə - 2014-cü ildə dövlət qeydiyyatına alınan şirkətin qanuni təmsilçisi BNA-nın rəhbəri Kərimli Vüsal Ağaməmməd oğludur.
Göründüyü kimi, “BakıKart” vasitəsilə ödənilən gediş haqqının 5%-i birbaşa olaraq BNA tərəfindən tutulmasa da, bu vəsait BNA rəhbərinə bağlılığı olan şirkətin büdcəsinə daxil olur.