Cümhuriyyət dövrünə aid "pryanik" satışa çıxarılıb.
14 sentyabr 1918-də istehsal olunub.
Ən maraqlısı da saat 27:04-də.
Kilosu da cəmi 2300 manat.
P.S. Dedik... güləsiniz...
dia-az.info
 |
|
|
“Araz Supermarket” vaxtından 2 həftə keçmiş yumurta satır.
Pravda.az-ın xəbərinə görə, bu iddia ilə sosial şəbəkə istifadəçilərindən biri çıxış edib.
“Diqqətsizlik edib istifadə tarixinə baxmadan almışdım. Vitrinin önünə rahat-rahat da yığıb satırlar. Bir-iki gün keçmiş olsa, hansısa işçini qınamaq olar ki, vitrinlərə baxmır və s. Amma 2 həftə ərzində vitrindən bu mal yığışdırılmırsa, deməli, “kimə gedər-gedər” deyib hər şeyi də satırlar”, - o qeyd edib.
Pravda.az “Araz supermarket” MMC—yə sorğu ünvanlayıb.
Fotoları təqdim edirik
Cümhuriyyət dövrünə aid "pryanik" satışa çıxarılıb.
14 sentyabr 1918-də istehsal olunub.
Ən maraqlısı da saat 27:04-də.
Kilosu da cəmi 2300 manat.
P.S. Dedik... güləsiniz...
dia-az.info
Növbədənkənar prezident seçkilərində Azərbaycan Respublikasının bütün ərazisində müşahidə aparılmasına dair ərizələrin Mərkəzi Seçki Komissiyasına təqdim edilməsi müddəti başa çatıb.
APA xəbər verir ki, Seçki Məcəlləsinə əsasən, seçkilərin təyin edildiyi gündən başlayaraq seçkilərin keçirilməsi gününə 10 gün qalanadək aktiv seçki hüququna malik Azərbaycan Respublikasının vətəndaşı (öz təşəbbüsü ilə, habelə qeydə alınmış namizədin, siyasi partiyanın, siyasi partiyalar blokunun, seçkilər sahəsində fəaliyyət göstərən qeyri-hökumət təşkilatının təşəbbüsü əsasında), beynəlxalq (xarici) müşahidəçilər (qanunla müəyyənləşdirilmiş qaydada müvafiq dəvət əsasında Azərbaycan Respublikasına gələrkən Mərkəzi Seçki Komissiyasında qeydiyyatdan keçməklə) Azərbaycan Respublikasının bütün ərazisində müşahidə aparılmasına dair ərizələrini Mərkəzi Seçki Komissiyasına təqdim etməlidirlər.
Növbədənkənar prezident seçkiləri ilə əlaqədar bu müddət 2024-cü il yanvarın 28-dək olan dövrü əhatə edir.
Həmçinin, səsvermə gününədək seçki komissiyalarının iclaslarını müşahidə etmək üçün qeydiyyatdan keçməklə xüsusi icazə almaqdan ötrü Mərkəzi Seçki Komissiyasına müraciət edilməsi müddəti də 2024-cü il yanvarın 28-dək nəzərdə tutulub.
"Üzərindən 1 həftə keçməsinə baxmayaraq, xadimənin haqlı tələblərinə Naxçıvan MR Səhiyyə Nazirliyi tərəfindən müsbət cavab verilməyib". Dia-az.info bildirir ki, bu açıqlama ilə tanınmış jurnalist Heydər Oğuz çıxış edib.
Jurnalis keçən günlərdə qaldırdığı problemin - vətəndaş gileyinin hələ də həllini tapmadığını vurğulayaraq əlavə edir:
"Onun tələb etdiyi yerə də hələ ki heç bir xadimə işə götürülməyib. Nazirliyin "burda mənəm, Bağdadda kor xəlifə" inadkarlığı ucbatından deyəsən kənd xəstəxanası xadiməsiz qalacaq..."
***
Dia-az.info olaraq keçən günlərdəki şikayətin mətnini də təqdim edirik...
Bir müddət əvvəl Naxçıvandakı mənbələrimizə istinad edərək, bildirmişdik ki, bu diyarın səhiyyə sistemində hətta xadiməlik belə hərraca çıxarılıb. Özü də babat qiymətə - 3000-5000 manata.
Babək rayonunun Sıxmahmud kənd sakini Mehdiyeva Bahar Abdulla qızının redaksiyamıza göndərdiyi səs mesajı da bu iddianı təsdiqləyir. Onun iddiasına görə, 4 ildir xadimə işləmək üçün növbədədir. Babək rayonunda xəstəxanalardan birində xadiməlik yeri də boşalıb. O, ailə vəziyyətini əsas götürüb bir çox ünvanlara müraciət edib, bu iş yerində çalışmaq istədiyini bildirib. Təsəvvür edin, hətta Naxçıvan MR Ali Məclisinin faktiki sədri Anar İbrahimov belə, onun bu istəyinə müsbət cavab verib. Amma yenə işi düzəlməyib. Niyə? Çünki onun bu işə düzəlmək üçün rüşvət verməyə pulu yoxdur.
Maraqlıdır ki, Bahar xanım bu şikayətlə Naxçıvan MR Səhiyyə nazirinin də qəbulunda olub. Nazir isə onun şəkilini çəkərək nazirliyin sosial şəbəkələrində paylaşıb. Adını da qoyub: “vətəndaşların şikayətinə baxıram”. Şikayətə baxmağının nəticəsi isə xadiməni əliboş yola salmaq olub.
dia-az.info
Nəsimi rayonu ərazisində tikinti işləri həyata keçirən qalmaqallı “Pilot-16” şirkətindən şikayətlər davam edir. Bu dəfə şirkətin tikinti işləri apardığı Novruzov qardaşları küçəsi 37 ünvanında yaşayan vətəndaş Ağayeva Fazilə “Pilot-16″nun fəaliyyətindən ciddi narazılığını ifadə edib. Editor.az-a müraciət edən vətəndaş bildirib ki, “Pilot”-16″ ərazidə tikintiyə başladığı dövrdə qısa müddət ərzində evində 2 dəfə müəmmalı şəkildə yanğın baş verib.
O qeyd edib ki, hər dəfə “Pilot-16” şirkətinə faktiki rəhbərlik edən Aslan Quliyevlə görüşdən sonra ya evimin hansısa hissəsi şirkət tərəfindən dağıdılır, ya da evində səbəbləri bəlli olmayan müəmmalı yanğınlar baş verir: “25 yanvar tarixində evimdə yanğın baş verdiyini qonşulardan eşitdim. Həmin gün günorta evimdə olmuş və evi tam təhlükəsiz şəraitdə qoyaraq tərk etmişəm. Evimdə çıxan yanğını söndürməyə gələn FHN əməkdaşları da qeyd etdilər ki, evdə elektrik naqillərində hər hansı qısaqapanma olmayıb. Eyni zamanda evdə arxa tərəfdəki pəncərələr sındırılıb. Bu məndə ciddi şübhələr yaradır. Ola bilər ki, evi kimsə yandırıb.
Ümumiyyətlə, hər dəfə Aslan Quliyevlə görüşüb evimin satılması ilə bağlı məsələləri müzakirə edib razılığa gəlməyəndə, aramızda problem yarananda başıma bu cür müəmmalı hadisələr gəlir. Bütün bunlar məni qorxuya salıb. Evimdə qorxudan qala bilmirəm. Cənab Prezident İlham Əliyev və əlaqədar dövlət qurumlarından kömək gözləyirəm. Bu məsələyə aydınlıq gətirilməsini xahiş edirəm”.
İddialarla bağlı qarşı tərəfin də mövqeyini dərc edə bilərik.
//Editor.az
Ötən ilin dekabr ayında bir sıra xəbər portallarında Lənkəran rayonunun Parakənd kəndi ərazisində yerləşən “Ceyranbulaq” restoranında baş vermiş kütləvi dava və həmin insident nəticəsində Qarabağ qazisinin xəstəxanaya yerləşdirilməsi faktı ictimailəşdirilmişdi. Xəbər verilmişdi ki, dava Lənkaran rayonundan olan 6 nəfər Qarabağ qazisi restoranda yemək yeyəndən sonra baş verib. Məlumata görə, davada 10-dan yuxarı adam iştirak edib. Qazilərdən döyülərək xəsarət alanlar vardır. Hadisə barədə polisə məlumat verilmiş, Lənkaran rayon Polis Şöbəsi tərəfindən araşdırma aparıldığı qeyd olunmuşdu.
O vaxtdan həmin məsələnin təfərrüatları və araşdırmanın nəticəsi barədə hüquq-mühafizə orqanlarından heç bir açıqlama verilməmişdi. Lakin bu günlərdə həmin hadisə vaxtı döyülmüş qazilərdən biri–Murad Rəhimov “Tik-tok” sosial şəbəkəsindəki səhifəsində paylaşım edərək, həmin faktı müşayiət edən bəzi neqativ halları açıqlayıb. Bu məsələ ilə bağlı M.Rəhimova zəng edib təfərrüatları öyrəndik. M.Rəhimov bildirdi ki, ehtiyatda olan zabitdir. 2-ci qrup müharibə əlili ola-ola, döyüşə girməkdən çəkinməyib. Hazırda dövlətdən aldığı pensiya və təqaüdündən ehtiyacı olan kimsəsizlərə, maddi vəziyyəti ağır olan qazi yoldaşlara əl tutur. Həmin gün daha 5 nəfər qazi dostları ilə birgə adı çəkilən restorana xörək yeməyə gediblər. Onlara verilən xörək keyfiyyətsiz, daha dəqiq desək, ətin yaxşı bişməmiş olduğuna görə irad bildiriblər. Bu isə restoranı işlədən Rəşad Həsənovun və Günay adlı inzibatçı xanımın xoşuna gəlməyib. Müştərilərə sərt cavab verilib: “Bizdə belədir, yeyirsiniz yeyin, yemirsiniz özünüz bilərsiniz”. Təbii ki, müştərilər öz istehlakçı hüquqlarını, xidmətə görə pul verdiklərini xatırladıblar. Söhbət çəpləşib. Mübahisəyə Rəşadın daha bir neçə nəfər qoluzorlu tanışı qoşulandan sonra davaya çevrilib və nəticədə sağlıq durumları onsuz da ürəkaçan olmayan qazilər döyülüb. Murad Rəhimov və Nəcəfli Nurlan adlı daha bir qazi xəstəxanalıq olublar, digərləri isə yüngül xəsarət alıblar. Şikayətçi ona tibbi yardım göstərildiyi Lənkəran Rayon Mərkəzi Xəstəxanasından Patoloji Anatomiya Mərkəzinə təqdim etmək məqsədilə aldığı 13 dekabr 2023-cü il tarixli arayışın da fotoşəklini redaksiyamıza göndərmişdir. Həmin arayışla təsdiqlənir ki, ona “gözünün və göz yuvasının travması, kəllənin və üz sümüyünün sınığı diaqnozu” qoyulub.
Daha sonra Murad Rəhimov onun özünü və qazi yoldaşlarını bəlkə də döyülməyin fiziki əzabından daha artıq mənəvi iztirab çəkdirən başqa bir neqativ olaydan bəhs etmişdir. Polisə şikayət etmələrindən iki gün sonra onları şöbəyə çağırıb bildiriblər ki, restoran müdiriyyəti də qarşılıqlı şikayət verib. Bildirilib ki, bəs guya qazilər xörək yeyib gedəndə onların əyləşmiş olduqları masanın üstündə içində narkotik maddə olan qutu qalıbmış. Polis əməkdaşının müşayiəti ilə qazi yoldaşların hamısı narkoloji mərkəzə aparılıb və onlar testdən keçiriliblər. Lakin testin nəticəsində onların analizində narkotik aşkarlanmayıb.
Diqqətiçəkən məqam burasıdır ki, Parakənd kəndində yerləşən insidentlərin baş verdiyi Ceyranbulaq istirahət mərkəzinin əsl sahibi, hazırda ABŞ-da yaşadığı bildirilən Astara rayonun Pensər kənd sakini Əliyev Novruz Vaqif oğludur. Həsənov Rəşad Xalıq oğlu isə Novruzun qohumudur.
Murad Rəhimovdan telefon nömrəsini öyrənib əlaqə saxladığımız 2-ci qrup Qarabağ müharibəsi əlili Nurlan Nəcəfli də qazi yoldaşının danışdıqları ilə üst-üstə düşən məlumatı verdi. Müharibədə yaralandığı vaxt sol əlinin vətərinin yırtıldığını deyən Nurlan bildirdi ki, Muradı ilk olaraq məhz Rəşad vurub və onları aralaşdırmaq istərkən, onu da döyüb məhz xəsarətli əlini əziblər. Xəsarətinin Lənkəran Mərkəzi Xəstəxanasında təsdiqləndiyini qeyd edən Nurlan Nəcəflinin sözlərinə görə, məruz qaldıqları narkotestin nəticəsi neqativ çıxandan sonra üstlərinə atılan böhtanın hansı yerə yozulması çox müəmmalıdır. 3 qız övladının atası olan Nurlan Nəcəfli deyir ki, böhtan olsa da belə, narkotik ittihamı ailə üzvlərinin, eşidib-bilən qohum-əqrəbasının, dost-tanışının yanında onun nüfuzuna xələl gətirmiş, məsələ ilə maraqlananlara izahat vermək, inandırmaq məcburiyyətində qoymuş, bir sözlə, mənəvi iztirab yaşatmışdır: “Niyə hamı eşitməliydi ki, biz narkoloji müayinəyə aparılmışıq?
Ortaya haqlı suallar çıxır: Bəyəm qanunla hamının (bizim misalda ictimai iaşə obyektinin işçilərinin) lap elə narkotik istifadəçilərini döymək ixtiyarı varmı? İaşə xidmətçisinin müştərinin oturduğu masada hansısa əşyasının qaldığını deməsi yetərli sayılırmı? Əşyanı müştəri masanı tərk edəndən sonra xidmətçinin özünün qoymadığının sübutu kimi xidmət edən dəlil varmı? Restoran müdiriyyətindən qazilərin üstünə uğursuz alınmış şər atmaq cəhdinə görə məsuliyyət tələb olunacaqmı? Ümumiyyətlə, adları çəkilən cənub rayonlarının icra hakimiyyətləri başçılarının qazilərə qarşı bu “səlib yürüşü”nə münasibəti necədir? Xaricdə hansı yolla əldə etdiyi məlum olmayan pullarla Vətəndə “qoçu dəstələri” saxlayan, Vətənin uğrunda sağlamlığını itirmiş qaziləri şil-küt etdirən iş adamlarına “gözün üstə qaşın var” deyən olacaqmı?Döyülmüş Qazilər Ölkə rəhbərinə və Daxili İşlər Naziri cənab Vilayət Eyvazova müraciət edərək kömək isdəyirlər.
Xəsarət almış qazilər bu işin ədalətli araşdırılacağına,bunlara xəsarət yetirmiş və şər böhtan atmış şəxlərin əməllərinə lazimi hüquqi qiymət veriləcəyinə inanır və çox böyük ümid bəsləyirlər./mediatv.az
Gürcüstan ötən il ixrac etdiyi mal ətinin 62 %-ni Azərbaycana satıb.
Belə ki, ötən il Gürcüstanın Azərbaycana ixrac etdiyi canlı iribuynuzlu mal-qaranın hər bir tonuna çəkilən xərc illik müqayisədə 740 dollar və ya 24,8% bahalaşaraq 3,72 min dollar təşkil edib. 2022-ci ildə isə bu, 2,98 min dollar təşkil edib. Buna səbəb olaraqda ölkəmizdə yaxın 8 ildə ət istehsalının və heyvandarlığın inkişafında müəyyən nöqsanların baş verməsidir. Buna görə də ət istehsalı azalır və nəticədə ət məhsullarının qiyməti artır. Ölkəmiz ət ixracını etmək əvəzinə ət idxalı sürətləndirir. Bundan dolayı istehlakçılar arasında sual yaranır ki, daxili bazarlarda yerli istehsal adı ilə satılan Beyləqan, Ağcəbədi və digər rayonların heyvanlarının əti əslində Gürcüstandan idxal olunan mal-qaranın ətidir?
Sözügedən məsələ ilə bağlı “Cümhuriyət”-ə kənd təsərrüfatı üzrə ekspert Akif Nəsirli bildirib ki, adıçəkilən bölgələrin ətini Gürcüstan əti ilə satmaq inandırıcı görünmür:
“İdxal ətdən əsasən hərbi hissələrdə, həbsxanalarda, çoxsaylı şəxsi heyətin olduğu yerlərdə, dövlət və qeyri-dövlət orqanlarında istifadə edilir. Həmin yerlərdə ölkəmizdə yerli ətin çox olduğu zaman da xaricdən idxal edilən ətdən istifadə olurdu. Lakin hazırda adıçəkilən qurumlarda yerli istehsal olunan ətin istifadəsi tamamilə dayanıb. Dediyim kimi, xaricdən idxal olunan ətdən istifadə edilir və yerli ət ora daxil olmur”.
Ekspertin sözlərin görə, ölkəmizdə vəziyyət o qədər kritik həddə çatmayıb:
“Vəziyyət o həddə çatmayıb ki, yerli ət adı altında xarici ət satılsın. Ölkəmizdə 90-cı illərdə donmuş ət satılırdı. Lakin indi bazarda ət baha olsa da, yeni kəsilmiş heyvanın əti satılır. Buna görə də Ağcəbədi, Beyləqan, İmişli və digər bölgələrdən gələn ət məhsullarının əslində Gürcüstandan idxal olunmuş ət olduğunu demək mənim zənnimcə həqiqətə uyğun deyil”.
TEREF yazır ki, bir qədər əvvəl yzdığımız problemin həll olmadığına görə yenə o problemlə bağlı məsələni gündəmə gətiririk.
"Azərbaycanda bankdan daha bir namərdlik: BANK VƏFAT ETMİŞ HƏRBÇİNİN 10 YAŞLI QIZINDAN PUL TƏLƏB EDİR!"
https://teref.az/manset/315244-azerbaycanda-bankdan-daha-bir-namerdlik-bank-vefat-etmis-herbcinin-10-yasli-qizindan-pul-teleb-edir.html
Vəfat etmiş hərbiçinin həyat yoldaşının Prezidentə müraciətini təqdim edirik:
"Azər Türk Bank" (ATB) vəfat edən hərbçi Məhərrəm Abbasovun ailəsini məhkəməyə verib.
Azərbaycan Respublikasının
Prezidenti Cənab İlham Əliyevə
Bakı şəhəri, Nərimanov rayonu,
Əşrəf Əliyev küçəsi, ev 37,
mənzil 44 ünvanında yaşayan
Abbasova Nazxanım Nüsrət qızı
tərəfindən
A Ç I Q M Ü R A C İ Ə T
Möhtərəm, Cənab Prezident!
Bildirirəm ki, özüm hərbçi ailəsində böyümüşəm, mərhum həyat yoldaşım da hərbiçi olub. Rastlaşdığım problemlə bağlı Sizə açıq müraciət etmək məcburiyyətindəyəm.
Qeyd edirəm ki, mərhum həyat yoldaşım Abbasov Məhərrəm Abbas oğlunun səhhətində hərbi xidmət zamanı ciddi problemlər yaranmışdı. Müdafiə Nazirliyinin Mərkəzi Hospitalına müraciət etmişdi, lakin onu əməliyyat etməmişdilər. Məcbur olub ehtiyata buraxılmışdı və təcili şəkildə əməliyyata ehtiyac yarandığı üçün maddi imkansızlıq səbəbindən kredit götürməli oldu. Bu məqsədlə “Azər-TürkBank” ASC-yə (ATB) müraciət edərək kredit götürdü və ilk əməliyyatını etdi. Bir neçə ay krediti ödədi. İkinci dəfə əməliyyata ehtiyac yarandı və yenə də ATB-dən 12.01.2022-ci il tarixində 1063570 saylı kredit müqaviləsi üzrə 5000 (beş min) manat məbləğində kredit götürdü. Mərhum həyat yoldaşım bir müddət krediti ödədi, lakin səhhətində olan problemlər ona yaşamağa imkan vermədi və həyat yoldaşım 07.02.2022-ci il tarixində vəfat etdi. 2023-cü ilin dekabr ayında “Azər-TürkBank” ASC iddia ərizəsilə məhkəməyə müraciət edərək həyat yoldaşımın banka olan 5150, 27 manat məbləğində borcunu və cərimə fazilərini vərəsə kimi məndən tələb edir.
Məgər mən bankdan pul götürmüşəm ki, bank məndən pul tələb edir? Krediti həyat yoldaşım götürmüşdü, o da xəstəlikdən dünyasını dəyişib. Qanunla şəxs vəfat edirsə öhdəliyə xitam verilməlidlir. Ondan bizə hər hansı daşınar, daşınmaz əmlak miras qalmayıb. Yeganə olaraq həyat yoldaşımın hərbi xidmət vaxtı almadığı əşya əvəzi pul kompensasiyasını almaq üçün 1 saylı Bakı “ASAN” xidmətinin nəzdində faəliyyət göstərən Notariat kontorunda 20.07.2023-cü il tarixində 10 YAŞLI (!) QIZIMIN ADINA qanun üzrə vərəsəlik hüququ haqqinda şəhadətnamə verilmişdir. Həmin şəhadətnaməyə görə ailəmizə həyat yoldaşımın 1587 manat 97 qəpik məbləğində paltar pulu verilmişdir. Bank da bunu görüb dərhal məhkəmədə iddia qaldırıb və məndən kredit borcu tələb edir.
Biz gözləyirdik ki, həyat yoldaşımın vəfat etməsindən sonra bank insafa gələrək krediti borcunu silərək öhdəliyə xitam verəcək. Lakin, BANK FAKTİKI OLARAQ DÜNYASINI DƏYİŞMİŞ HƏRBİÇİNIN 10 YAŞLI QANUNI VƏRƏSƏSI OLAN QIZINDAN PUL TƏLƏB EDİR. Qeyd edirəm ki, həyat yoldaşım vəfat etdikdən sonra ailənin bütün yükü mənim üzərimə düşmüşdür, 10 və 13 yaşlı övladlarımı dolandırmaq mənim üçün olduqca çətindir, işləmirəm, oğlumun özü də zob xəstəsi olmaqla poliklinikada uçotdadır, inkişafdan geri qalıb, maddi imkanımız olduqca ağırdır, xəstə anama da mən baxıram.
Məsələ ilə bağlı banka etdiyim bütün müraciətlər ATB-nin Məhkəmələrlə iş üzrə Departamentinə yönəldilir, həmin deparatmentin Habil Cavadov adlı direktoru isə utanıb-qızarmadan mənə bildirir ki, “yoldaşın ŞƏHİD OLMAYIB (?), ona görə də krediti də ödəməlisən”. Gərək cəbhədə güllə yarasından həlak olub tabutda evə gətiriləydi? Mərhum həyat yoldaşım sanatoriyada, kurortda, yaxud da evdə xəstələnməmişdi, o, orduda xidmət zamanı səhhətini itirmişdi, tərxis olunub iki dəfə əməliyyat olundu və dünyasını dəyişdi. Habil Cavadov kimi adamlar dəbdəbəli həyat tərzi keçirəndə, lüks avtomobillərdə gəzəndə, bahalı kostyumlarda komfort otaqlarda var-gəl edəndə mərhum hərbiçi atam, mərhum hərbiçi həyat yoldaşım gecə-gündüz, soyuqda, yağışda, qarda, şəraitsiz qarnizonlarda, səngərlərdə onların sakit həyatını təmin ediblər. İndi də vəfat etmiş hərbçinin ailəsinə göstərdikləri münasibətə baxın. Ailənin 10 yaşlı qızına vəfat etmiş hərbçi atasından qalmış paltar pulunu görüb bizi məhkəməyə veriblər. Belə adamlar vicdanın nə olduğunu bilmirlər və məsuliyyət hissini çoxdan itirərək bizim kimi aztəminatlı ailələri dövlətdən incik salırlar. Bu cür adamlar dövlət strukturlarından, əhaliyə xdimət göstərən sektorlardan, banklardan qovulmalıdır.
Cənab Prezident!
Qeyd olunanları nəzərə alaraq bu özbaşınalığın qarşısının alınmasında, mərhum hərbiçi həyat yoldaşımın adına olmuş kreditin silinməsində ailəmizə köməklik göstərməyinizi Sizdən xahiş edirəm.
İnanıram ki, Sizin müdaxilənizdən sonra məsələ müsbət şəkildə həll olunacaqdır. Əvvəlcədən Sizə öz minnətdarlığımı bildirirəm.
Hörmətlə, Abbasova Nazxanım Nüsrət qızı
22 yanvar 2024-cü il
TEREF: Xocanın Blogu
Səhifəmiz hamının üzünə açıqdır!
“Lənkəranda qarlı-şaxtalı havalarda şəhər mərkəzi də daxil olmaqla əksər kənddə işıqlar söndürülür, internet, telefon işləmir”.
Bunu Meydan TV-yə Lənkəran sakinləri bildiriblər. Onların sözlərinə görə, qar yağandan sonra Heydər Əliyev prospektində, Tofiq İsmayılov, Füzuli küçəsində, o cümlədən, Çıxəkəran, Göyşəban, Türkəkəran, Talışlı, Kərgəlan və digər kəndlərdə günlərlə işıq, internet olmayıb, telefonlar işləməyib.
Sakinlərdən Adil Bağırov bildirib ki, rayonun Türkəkaran kəndində qar yağandan sonrakı həftə ərzində internet olmayıb. Halbuki, hər ay abunə haqqı ödəyirlər. Dəfələrlə müraciət etmələrinə baxmayaraq kabellərin zədələndiyi bildirilib.
Həmçinin rayonun Şaxlasel kəndində də interrnet və telefon olmayıb. Digər sakin Muxtar Quliyev isə bildirib ki, şəhərin içində, kəndlərdə dirəklərin bir çoxu qəzalı vəziyyətdədir. İşıq xətləri qırılandan saatlar sonra bərpa edilir.
Sakinlər deyiblər ki, obyekt və məktəblər də qəzalı vəziyyətdədir. 10 saylı məktəb qardan sonra təhlükəli vəziyyətə düşdüyündən uşaqlar valideynlərin çoxsaylı şikayətləri ilə başqa məktəbə köçürülüblər. Çünki yağan qar, yağış sinif otaqlarına, məktəbin dəhlizinə dolur. Qapı-pəncərələr qırıq olduğundan uşaqlar sinif otaqlarında üst geyimləri ilə oturmaq məcburiyyətində qalırlar.
“Azərişıq” ASC-nin açıqlamasında isə deyilir ki, qar cənub rayonlarında elektrik təsərrüfatında böyük fəsadlar yaradıb. Yağan qarın ağırlığı və külək çox sayda ağacların aşaraq xətlərin üzərinə düşməsinə səbəb olub. Elektrik xətlərinin zədələnməsi nəticəsində şəhər mərkəzlərində bəzi küçə və məhəllələr, eləcə də bəzi kəndlər işıqsız qalıb. Ancaq görülən fasiləsiz tədbirlərdən sonra enerjinin verilməsi bərpa edilib.
Lənkəran-Astara Regional Təhsil İdarəsindən isə bildiriblər ki, təhlükəli vəziyyətə düşən 10 saylı məktəbin bu ilin sonunadək əsaslı təmiri nəzərdə tutulub. Həmin müddətədək şagirdlər digər məktəbdə təhsil alacaqlar.
Lənkəran Rayon İcra Hakimiyyətindən bildiriblər ki, güclü külək və qar zamanı bəzi fəsadlar yaranır, lakin ümumilikdə ciddi problem yoxdur. Baş verən fəsadların qarşısı alınır.
Ötən il Gürcüstandan Azərbaycana 862 milyon 70,1 min dollar dəyərində məhsul ixrac olunub.
Yeniavaz.com xəbər verir ki, bu barədə məlumatı Gürcüstan Statistika İdarəsi yayıb.
Məlumat üçün bildirək ki, Azərbaycan Dövlət Gömrük Komitəsinin məlumatında isə göstərilir ki, ötən il Gürcüstandan 126 milyon 381,6 min dollar dəyərində məhsul idxal edilib.
Hər iki ölkənin açıqladığı rəsmi məlumatlardan belə görünür ki, 2023-cü ildə Gürcüstan Azərbaycana 862 milyon dollarlıq məhsul satdığı halda, Azərbaycan Gürcüstandan 126,4 milyon dollarlıq məhsul alıb.
Qeyd edək ki, iki ölkənin açıqladığı məlumat arasında təxminən 7 dəfə fərq var.
Onu da bildirək ki, daha əvvəl də Azərbaycanın digər ölklərlə ikitərəfli ticarət əlaqələrində bu cür fərqlər olub. Hətta, 2016-cı ildə Dövlət Gömrük Komitəsi ticarət dövriyyəsində yaranan fərqlə bağlı açıqlama da verib. Həmin açıqlamada qeyd olunurdu ki, MDB ölkələrinin əksəriyyəti və xarici ölkələrlə xarici ticarət statistikasının göstəriciləri arasında fərqlər 40%-ə çatır. Ancaq, yaxın qonşumuz olan Gürcüstanla ticarət əlaqələrində 7 dəfəyə yaxın fərq olduqca böyük göstərici hesab olunmalıdır.