"Bu, biznesin işinə birbaşa müdaxilədir və qanuni əsası yoxdur"

Məlum olduğu kimi, Azərbaycanda fəaliyyət göstərən xarici taksi şirkətləri - "Bolt”, "Uber” və "Yango”da gediş haqqı artırılıb. Məlumata görə, bu gündən etibarən sözügedən taksi şirkətlərində minimal qiymət 2 manat 50 qəpik təşkil edəcək.

İstənilən qiymət artımının ölkə əhalisi tərəfindən haqlı narazılıqla qarşılandığını nəzərə alsaq, özəl biznesə aid olan taksi xidmətinin bahalaşmasının kimə lazım olduğu, nəyə xidmət etdiyi və nə dərəcədə qanuni olduğu barədə suallar yaranır.

İqtisadçı Natiq Cəfərli bu məsələ ilə bağlı öz sosial şəbəkə səhifəsində maraqlı paylaşım edib: "Keçən ay rəqəmsal inkişaf və nəqliyyat naziri Rəşad Nəbiyev bəyan etdi ki, taksi xidmətində qiymətlər birmənalı olaraq qalxacaq və bəyan etdi ki, məqsədləri taksi gedişlərinin sayını azaltmaqdır.

Bu gün "Uber”, "Bolt” və "Yango” şirkətlərində yaxın məsafələrə gedişlər üçün minimal məbləğ 2,50 AZN olub, əvvəllər bu məbləğ 1-1,60 AZN aralığında dəyişirdi.

Qanunlara görə hökumət Tarif Şurasının səlahiyyətlərinə daxil olan sahələrdən başqa digər sahələrdə qiymət qoya, təyin edə bilməz. Taksi xidməti hökumət tərəfindən tənzimlənməyən xidmət sahəsidir. Əgər eyni gündə 3 müxtəlif taksi xidməti şirkəti eyni qiymət təyin edirsə, deməli bunu hökumət istəyib – yaxşı, nə əsasla hökumət bu addımı atıb?! Əslində bu biznesin işinə birbaşa müdaxilədir, qanuni əsası da yoxdur. Yəni, nazirlik əmrlə qiymət təyin edə bilməz, amma edir – ölkədə son 10 ildə qiyməti ucuzlaşan yeganə sahə olan taksi xidmətinin işinə müdaxilə edir, hətta bazara yeni daxil olmuş "Uklon” taksi şirkətinə lobbiçilik edir, çünki bu gün qiyməti artıran şirkətlər sırasında "Uklon” yoxdur. Bundan başqa "Uklon” şirkəti klassik "dumping”-lə məşğuldur, qiymətləri ucuz edib ki, digər şirkətləri bazardan çıxartsın, məntiqlə, anti-inhisar orqanları belə işlərlə məşğul olmalıdırlar, onlar isə gedib məhəllə dükanlarında mağaza sahibləri yiyəsiz Tükəzban xalaya, Mamed dayıya cərimə yazmaqla məşğuldurlar.

Bu suallara, yaranmış vəziyyətə hökumət izah gətirəcəkmi?! Təbii yox, niyə bizə hesabat-açıqlama verməlidirlər ki?! Hesabatlı hökumətin formalaşması üçün biz nə etmişik ki, açıqlama da versinlər?!

Çimərlik mövsümünün olması dənizkənarı obyektlərdə göstərilən xidmətlərin qiymətini aktuallaşdırıb.

Çəkiliş aparılan obyektlərin adminstratorları bildirdilər ki, restoranların dənizə çıxışı olduğu üçün insanlardan girişə görə pul alınmır. Üstəlik onların özləri ilə yemək-içmək gətirməsinə də məhdudiyyət yoxdur.

“Özləri ilə yemək gətirməyənlər oradan sifariş edə bilərlər. Yeməklərin qiymətləri isə müxtəlifdir.”

O da bildirildi ki, xüsusilə hava isti olduğundan təhlükəsizlik tədbirləri də artırılıb, aidiyyəti qurumlar dənizdə xoşagəlməz halların yaşanmaması üçün gücləndirilmiş iş rejmində çalışır.

Teref.az mövzu ilə bağlı daha ətraflı videomaterialı təqdim edir:

Yuxu rejiminin mədəni şəraitdən və yaşayış coğrafiyasından asılı olduğunu göstərən araşdırma aparılıb.

Cebhe.info xəbər verir ki, araşdırmanı Cənubi Koreyanın Kanqvon Milli Universitetinin tədqiqatçıları bir neçə ölkədən olan həmkarları ilə birlikdə aparıblar.

“Scientific Reports” jurnalının məlumatına görə, beynəlxalq alimlər qrupu yuxunun keyfiyyətini yeni üsulla araşdırmaq qərarına gəlib. İlkin tədqiqatlar laboratoriyada aparılıb və ya iştirakçıların şəxsi subyektiv hissləri əsasında nəticələr çıxarılıb. Yeni təcrübə dörd il davam edib. Bura 11 ştatdan 30 mindən çox insan cəlb olunub. Onlar daim subyektlərin yuxu və digər həyat amillərinin obyektiv göstəricilərini qeyd edən smart saatlar taxıblar.

Yeni müşahidələrdən əsas nəticə bu olub ki, yuxunun müddəti yaşayış ölkəsindən asılıdır. Məlum olub ki, adambaşına düşən ÜDM-in yüksək olduğu inkişaf etmiş ölkələrdə insanlar kasıb ölkələrlə müqayisədə daha uzun, daha ağır yuxuya gediblər.

Başqa bir maraqlı müşahidə də ortaya çıxıb. Kollektivcilik mədəniyyətə malik ölkələrdə əhali də daha həyəcanlı olur, yuxuya getmək daha uzun çəkir və yuxu ümumiyyətlə, daha səthi olur. Bu iki kateqoriyada yuxu müddəti fərdilik fəlsəfəsinin hökm sürdüyü ölkələrlə müqayisədə az olub. Sonuncular daha tez yuxuya gedir və daha uzun yatır.

Yaponlar ən qısa yuxuya sahibdirlər, bu. orta hesabla yeddi saatdan azdır. Finlandiyada təxminən səkkiz saat yatırlar, onlar yuxu müddəti üçün rekordçulardır.

Hörmətli Mehriban xanım! Diqqətinizə çatdırıram ki, həyat yoldaşım Rzayev Osman Nəriman oğlu 05 iyul 2022-ci il tarixdən Göygöl rayon prokuroru İlqar Hacızadənin və məmur dostlarının istəyilə şərlənərək qanunsuz həbs olunub. Ötən 1 il ərzində ərimin pozulmuş hüquq və azadlıqlarının bərpasına dair çoxsaylı müraciətlərimiz heç bir fayda verməmişdir. Ölkə rəhbərliyinin də gücü və marağı Göygöl rayonunun hüquq mühafizə orqanlarının özbaşınalığına, rayonumuzda tuğyan edən məmur zorakılığının aradan qaldırılmasına yetməmişdir.

Hörmətli Mehriban xanım!

Sizi də başa düşməyə çalışıram. Ola bilər ki, sizin və prezident İlham Əliyevin vaxtı yoxdur ki, vətəndaşların hüquqlarının qorunması ilə məşğul olsun. Yəqin sizin digər şəxsi və siyasi işləriniz o qədər çoxdur ki, ailəmizə qarşı Baş Prokurorluq səviyyəsində ayaq açmış hüquqi-mənəvi terror aktının varlığından belə xəbər tutmamısınız.

Məlumat üçün bildirim ki, həyat yoldaşım ömrünün 20 ilini jurnalistika fəaliyyətinə həsr etmiş, mediada çalışdığı müddətdə daim dövlətçilik və milli maraqların qorunmasına üstünlük vermiş şəxsdir. Həbsi də peşə fəaliyyətinin sıradan çıxarılmasına yönələn şər-böhtan xarakterlidir. Osman Nərimanoğlu imzası rayon prokurorunun və dostlarının yaratdığı korrupsiya maraqlarının qorunması istiqamətində təşkil edilmiş çirkin bir oyunun günahsız əsiridir.

Onu da bilin ki, mən evdar qadınam. 2 oğlan böyüdürəm. Ərimin həbsindən sonra ailəmizin dolanışıq səviyyəsi daha da ağırlaşıb. Quru çörəyə, təzə geyimə, adi gündəlik məişət qayğılarının həllinə möhtac qalmışıq. Borca-sələmə düşmüşük. Ərimə hər həftə sovqat aparmağa da artıq pul tapa bilmirik.

Rəhbərlik etdiyiniz hakimiyyətin ədalətsizliyi, yarıtmazlığı, şəxsi-maddi maraqları ucbatından günahsız bir jurnalist türmədə, ailəsi də evinin içində aclıqla, mənəvi işgəncələrlə, prokuror İlqar Hacızadənin başçılıq etdiyi dəstənin şantaj və təhdidləri ilə sınağa çəkilir.

Hörmətli Mehriban xanım!

Axı sizlər bu dövləti necə idarə edirsiniz?

Axı niyə şərait yaratmısınız ki, hüquq mühafizə orqanları rüşvət yığıb dövlət vəsaitlərini də talayan məmurları yox, onları ifşa edən jurnalisti "reket" adlandırıb həbs edir? Maraqlanın görün, etimad göstərdiyiniz Baş Prokuror Kamran Əliyev hansı marağına görə sizləri aldadır?! Kamran Əliyev nə üçün Göygöl rayonunda korrupsiya bataqlığı yaratmış prokurorun özbaşınalıqlarını vətəndaş hüquqlarından və qanunçuluqdan daha çox müdafiə edir? Niyə hələ də 5 ili tamam olmuş və təyinatından bəri 8 köməkçi dəyişmiş prokuror hələ də öz vəzifəsində saxlanılır? Bir prokuror ki, təkcə Göygöl xəstəxanasındakı maddi sümürgəçiliyə görə Vasif Əliyevlə(Göygöl rayon RMX-nın direktoru) hər gün prokurorluğun yanındakı parkda yeyib içir, DTX-nın yerli əməkdaşları bu məlumatları bilsə də dövlətdən niyə gizlədir? Prokurorun şər-böhtan kompaniyasında Osmanın yalandan üzünə duran şəxslərin 8 nəfəri məhz Göygöl xəstəxanasının işçiləridir.

Hazırda iş Gəncə Ağır Cinayətlər Məhkəməsinin icraatındadır. Ona görə də sizlərdən sadəcə bir mühüm xahişim var.

Rəhbərlik etdiyiniz Heydər Əliyev fondundan ayda heç olmazsa ailəmizə 1000(min) manat maddi yardım göndərin ki, biz acından ölməyək. Həyat yoldaşım və ailəmiz adından sizlərə söz veririk ki, həyat yoldaşım azadlığa çıxar-çıxmaz işləyib sizə olan borcumuzu qaytaracağıq.

demokratik.az

Rusiya kənd təsərrüfatı məhsullarının ixracına qoyulan məhdudiyyətlər aradan qaldırılarsa, taxıl müqaviləsinə qayıdacaq.

Axar.az xəbər verir ki, bu sözləri Rusiya Prezidenti Vladimir Putin deyib.

“Taxıl müqaviləsini bərpa etmək üçün onun humanitar mahiyyətini qaytarmaq lazımdır”, - Putin bildirib.

2023-2024–cü tədris ili üçün Müəllimlərin İşə Qəbul (MİQ) imtahanından narazı qalanlar var.

Teref.Az APA-ya isinadən xəbər verir ki, Elm və Təhsil Nazirliyinin qarşısına toplanan bir qrup müəllim Azərbaycan dili və ədəbiyyat fənni suallarında nöqsanlara yol verildiyini bildiriblər.

Onlar sualların çətinliyindən və quruluşundan gileyləniblər.

Təhsil İnstitutunun İnsan Resursları Mərkəzindən bildirilib ki, 14 iyul tarixində Azərbaycan dili və ədəbiyyat fənni üzrə müəllimlərin işə qəbulu üzrə test imtahanı keçirilib. Namizədlərin apellyasiya müraciətlərinə əsasən, suallar ekspertlər tərəfindən yenidən yoxlanılıb və 29-cu test tapşırığında səhv olduğu aşkarlanıb.

Qeyd edilib ki, həmin test tapşırığı 1 280 nəfərə doğru, 3 842 nəfərə səhv hesablanıb, 959 nəfər isə tapşırığı cavablandırmayıb. Sualın hamıya doğru hesablanması nəticəsində 1 280 nəfərin nəticəsi sabit qalıb, 3 842 nəfərə 2,5 bal (səhv cavaba görə 0,5 bərpa), 959 nəfərə isə 2 bal artırılıb.

Əlavə olaraq qeyd edilib ki, 17 iyulda edilən apelyasiya müraciətləri iyulun 21-dək emal olunacaq: “Bildiririk ki, Azərbaycan dili və ədəbiyyat fənni üzrə imtahan 1 seans keçirilib və namizədlərə eyni məzmunda test tapşırıqları təqdim olunub”.

Hazırda paytaxt ərazisində sənədsiz evlərin sayı 450-600 min arasındadır. Vətəndaşların belə mənzillərə "kupça" ala bilməmələrinin əsas səbəbi isə ərazi ilə bağlı yaranan problemlərlə əlaqələndirilir. Amma əsas məsələlərdən biri isə sənədsiz evlərdə kommunal ödənişlər məsələsidir.

Maraqlıdır, bu necə tənzimlənir? Sənədsiz evlərə qanuni olaraq qaz, su, işıq və digər kommunal xidmətlər çəkilə bilər?

Məsələ ilə bağlı Qaynarinfo-ya danışan əmlak üzrə ekspert Elnur Fərzəliyev qeyd edib ki, hazırda qeyri-rəsmi rəqəmlərə əsaslansaq, Bakı və Abşeron ərazisində təqribi 500 min civarında çıxarış ala bilməyən fərdi həyət evləri var:

"Onlara qanunsuz tikililər və ya sənədsiz evlər deyilsə də, bu evlərin hər hansı bir formada sənədləri var. Evlərin bəzilərində bələdiyyə tərəfindən verilən sərəncamlar, bəzilərində illər öncə İcra Hakimiyyəti, kolxoz və sovxoz tərəfindən verilmiş sənədlər var. Bakının mərkəzi hissələri olan Yasamal, "Alatava”, "Sovetski”, "Kubinka” kimi tanınan ərazilərdə Mənzil İstismar İdarələri tərəfindən verilmiş "Ev kitabçaları" var. Vətəndaşlar bu sənədlər əsasında kommunikasiya xəttləri çəkib onlardan istifadə edirlər. Həmin ərazilərdə çıxarışlarının olmamasına səbəb bu torpaqların yaşayış üçün deyil, kənd təsərrüfatı və yaxud digər torpaq sahələri olduğu göstərilir.

Bu ərazilərə çıxarışların verilməsi üçün ilk növbətə torpağın təyinatı dəyişməlidir. Ondan sonra sonra üzərində olan tikililərə çıxarışlar verilə bilər. Bundan əlavə, bir çox qadağan olunmuş ərazilərdə böyük tikinti işləri aparılır. Bunlar vulkanik, kommunikasiya xəttləri üzərində, yüksək gərginlik xəttləri altında olan və s. qadağan olunmuş ərazilərdə tikilmiş fərdi evlərdir. Düşünürəm ki, sənədləşdirilmə zamanı bu ərazilərdə köçürülmə işləri aparılacaq və ya bu ərazilərə çıxarışlar verilməyəcək. Həmin ərazilərə çıxarışların verilməsi üçün əgər kommunikasiya xəttləri üzərində və ya al
tında tikilibsə, həmin xəttlər köçürülməlidir və ondan sonra çıxarış verilə bilər. Əks halda, həmin mənzillərə çıxarışların verilməsi qanun ilə qadağandır".

Ekspert bildirib ki, SSRİ dövründə tikilmiş Bakının mərkəzi ərazilərində yerləşən fərdi həyət evlərindən ibarət massivlərin yaşı 100 ili ötsə də, bu ərazilər kənd təsərrüfatı, əkin biçin ərazisi olmasa da, sırf yaşayış massivləri olsa da, hansısa səbəbdən bu ərazilərə kütləvi şəkildə çıxarışlar verilmir:

"Çıxarış verilməməsi səbəbi ilə dövlət büdcəsində ciddi axsamalar müşahidə olunur. Bələdiyyələr əmlak və torpaq vergisi yığırlar. Ancaq bu vergilərin yığılması üçün həmin əmlakın çıxarışı olmalıdır. Bu gün 500 min civarında olan fərdi həyət evinin çıxarışı olmadığına görə həyət evlərinin sahibləri əmlak və torpaq vergilərini ödəmirlər. Həmin əmlaklar sığortalana bilmir. Bu əmlakların satışı zamanı dövlətə vergilər ödənilmir. Hər hansısa çıxarışlı əmlakın satışı zamanı həmin əmlakın ümumi sahəsinin 30 kv.m çıxılır və qalan hissəsinə vergi ödənilir. Hər gün paytaxt ərazisində qeydə alınmayan yüzlərlə həyət evləri satılır. Burada notariuslar, banklar, sığorta şirkətləri və dövlət büdcəsi bu satışlardan yararlana bilmirlər. Vətəndaşın mülkiyyət hüququ tanınmadığına, qorunmadığına görə vətəndaş öz ailəsini evə qeydiyyata sala bilmir, sahibi dünyasını dəyişir və həmin əmlakın mülkiyyət hüququ tanınmadığına görə varislər arasında düzgün bölgü aparılmır. Həmin əmlaklar bank, ipoteka yolu ilə satıla bilmir. Bu baxımdan düşünürəm ki, problemlərin aradan qaldırılması, həmçinin dövlətin bu sahədən gəlir əldə edə bilməsi üçün mütləq şəkildə bu ərazilərin çıxarışları verilməlidir".

Elnur Fərzəliyev bildirib ki, ən azından 3 səlahiyyətli qurum bu əmlaklarda mülkiyyət hüququnu tanıyıb:

Həmin ərazilərə bütün yaşayış evləri qaz, su, işıq, kanalizasiya xəttləri çəkilib. Bu isə ona əsas verir ki, ən azından 3 səlahiyyətli qurum - "Azərsu", "Azərişıq" və "Azəriqaz" həmin mənzillərin sahiblərinə aid olduğunu sübut edir. Bu mənzillərə qaz, su, işıq xəttləri çəkilibsə, sayğaclar mənzil sahibinin adına qeydə alınır. Bu da onu deməyə əsas verir ki, artıq həmin mülkün sahibini ən azından 3 səlahiyyətli qurum tanıyır. Həmin müklərə ünvanlar verilir. Ünvan verilməsi də bir sübutdur. Lakin bütün bunlara baxmayaraq, təəssüflər olsun ki, bu ərazilərə çıxarışlar verilmir. Prosesdə ciddi yubanmalar var. Əksər hallarda vətəndaşlar çıxarışın alınması üçün məhkəməyə müraciət edirlər. Onların xeyirlərinə qərar çıxdıqdan sonra qətnamə ilə çıxarış alırlar. Bu isə Azərbaycan kimi inkişaf etmiş bir ölkə üçün xoşagəlməz haldır".

"Hər il ölkəmizdə əmlak sərgiləri olur. Xarici ölkələrdən də əmlak şirkətləri gəlir və həmvətənlərimizi öz ölkələrinə dəvət edərək əmlak satırlar. Lakin biz Azərbaycan olaraq xarici investorları öz ölkəmizə dəvət etməkdə çətinlik çəkirik. Çünki hər hansısa xarici vətəndaş digər ölkədən əmlak alarkən hüquqşünaslara müraciət edir. Həmin hüquqşünaslar hər hansısa statistik göstərici ortaya çıxararkən görünür ki, bu ölkədə çıxarış sayı azdır. Bunu görüb gələcəkdə baş verəcək neqativ hallara görə xarici investorlar ölkəmizə yatırım etmirlər. Bu baxımdan ölkənin həm büdcəsi, həm də əmlak sektoru çıxarışların olmaması səbəbilə böyük itkilərə məruz qalır", deyə ekspert vurğulayıb.