Tehranın Türkiyənin Qırmızı Aypara Cəmiyyətinin Cənubi Azərbaycanda – Xoyda baş verən zəlzələ nəticəsində zərərçəkənlərə yardımla bağlı kömək təklifini qəbul etməyəcəyi gözlənilən idi. Tehran Türkiyənin və Azərbaycanın insani yardımını özü üçün təhlükə kimi görür. Yəqin hesab edirlər ki, qonşu dövlətlərin yardımı mərkəzi hakimiyyətin zəifliyini nümayiş etdirəcək. Onsuz da İranın dövlət qurumları ya bacarıqsızlıqlarından, ya da bilərəkdən zəlzələ nəticəsində evləri dağılan, ərzaq çatışmazlığı yaşayan və soyuqdan əziyyət çəkən vətəndaşlarına yardım etməyə tələsmirlər, başqalarına da yardıma imkan vermirlər. Bu bir daha İrandakı rejimin vəətndaşlarına qeyri-insani münasibətindən xəbər verir. Zəlzələ baş verən ərazi Azərbaycan və Türkiyəyə yaxındır, normal dövlət qonşularının yardımına etiraz etməməliydi.
/atlassam.org/

Azərbaycanda qanunsuz tikilmiş 450 min sənədsiz evlə bağlı qanun layihəsinin və digər normativ sənədlərin hazırlanıb aidiyyəti üzrə təqdim edilməsi nəzərdə tutulub.

Bunu İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestrinin İdarə Heyətinin sədr müavini Elşad Məmmədov bildirib.

"İndiyə qədər qeydiyyatdan keçməmiş daşınmaz əmlakların "bir pəncərə" prinsipi ilə tam elektron şəkildə qeydiyyata alınması üçün lazımi sistemin yaradılmasını , prosesin elektron portal vasitəsilə reallaşdırılmasını nəzərdə tuturuq", - deyə E.Məmmədov qeyd edib (report).

Ailə başçısını itirənlərə hansı hallarda müavinət verilir? - CAVAB

"Ailə başçısı vəfat edibsə, bu zaman əmək qabiliyyəti olmayan şəxsin əmək pensiyası hüququ olmadıqda müəyyən müavinət verilir".

Teref.Az xəbər verir ki, mövzu ilə bağlı Əmək və Əhalinin Sosial Müdafiəsi Nazirliyinin (ƏƏSMN) tabeliyində Dövlət Sosial Müdafiə Fondunun (DSMF) İctimaiyyətlə əlaqələr departamentinin müdiri Rəşad Mehdili lent.az-a açıqlamasında bildirib.

Onun sözlərinə görə, vəfat etmiş şəxsin uşaqlarına 18 yaşına çatanadək aylıq müavinət verilir:

“Müavinət şəxsin yaşayış yeri üzrə Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun yerli orqanları tərəfindən təyin edilir və ödənilir”.

Xəbər verdiyimiz kimi, Ümummilli lider Heydər Əliyevin anadan olmasının 100 illiyi ilə bağlı əfv sərəncamı imzalanacaq. Bunu Milli Məclisin İnsan hüquqları komitəsinin sədri Zahid Oruc deyib.

Komitə sədri bildirib ki, artıq Əfv Komissiyasının üç iclası keçirilib: “360-dan çox sənədə baxılıb. Düşünürəm ki, iclaslar may ayına kimi davam edəcək”.

Hər il olduğu kimi imzalanacaq əfv sərəncamının bu il daha çox insana şamil ediləcəyi bildirilir. Bəs onlar arasında hazırda həbsdə olan məşhurlardan kimlərsə ola bilərmi?
Əfv sərəncamının detalları ilə bağlı hazırda heç bir rəsmi məlumat olmasa da, bu siyahıda məşhur şəxslərdən kimlərinsə olacağı istisna edilmir.

hazırda həbsdə olan məşhurlar, icra başçılarını bir araya toplayaraq, onlar haqqında yenidən ictimaiyyətə xatırlatma edir:

Alimpaşa Məmmədov

Şəmkir Rayon İcra Hakimiyyətinin sabiq başçısı Alimpaşa Məmmədov Azərbaycan Respublikası Cinayət Məcəlləsinin 179.4 (mənimsəmə), 193-1.3.2 (cinayət yolu ilə əldə edilmiş pul vəsaitlərini leqallaşdırma), 308.2 (vəzifə səlahiyyətlərindən sui-istifadə), 311.3.2 və 311.3.3-cü (təkrar, külli miqdarda rüşvət alma) maddələri ilə cinayət məsuliyyətinə cəlb edilib.

Vilyam Hacıyev

İmişlinin keçmiş icra başçısı Vilyam Hacıyev də Cinayət Məcəlləsinin 179.3.2-ci (külli miqdarda mənimsəmə və ya israf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə ittiham olunanlar arasındadır. Vilyam Hacıyev 12 il müddətinə azadlıqdan məhrum edilib.

Namiq Zeynalov

Cəlilabad rayon İcra Hakimiyyətinin sabiq başçısı Namiq Zeynalov Dövlət Təhlükəsizliyi Xidməti (DTX) tərəfindən keçirilən xüsusi əməliyyatla həbs olunmuşdu. O, Cinayət Məcəlləsinin 179.2.2 (Mənimsəmə və ya israf etmə təkrar törədildikdə) 179.2.3 (şəxs tərəfindən öz qulluq mövqeyindən istifadə etməklə törədildikdə); 179.2.4 (xeyli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə), 311.3.3 (külli miqdarda rüşvət alma), 311.3.2 (təkrar rüşvət alma), 313-cü (vəzifə saxtakarlığı) maddələri ilə ittiham olunur.

Mahir Quliyev

Biləsuvar Rayon İcra Hakimiyyətinin keçmiş başçısı Mahir Quliyev də Dövlət Təhlükəsizliyi Xidmətinin 2020-ci il aprelin 29-da keçirdiyi əməliyyat-istintaq tədbirləri nəticəsində saxlanılanlar arasındadır. Quliyev Cinayət Məcəlləsinin 179-cu (mənimsəmə və isriaf etmə), 308.1-ci (vəzifə səlahiyyətlərindən sui-istifadə etmə), 311.3.2-ci (təkrar rüşvət alma) və 313-cü (vəzifə saxtakarlığı) maddələri ilə təqsirləndirilib.

Qoca Səmədov

Yevlaxın sabiq icra başçısı Qoca Səmədov dasəlahiyyətlərindən sui-istifadə etmə, külli miqdarda təkrar rüşvət alma, mənimsəmə və digər faktlara görə Dövlət Təhlükəsizliyi Xidmətində Cinayət Məcəlləsinin müvafiq maddələri ilə başlanılmış cinayət işləri üzrə şübhəli şəxs qismində saxlanılıb. Onun da bir neçə ildir ki, həbsdə olduğu bilinir.

Eldar Həsənov

Həbsdə olan qalmaqallı şəxslərdən biri də Eldar Həsənovdur. Azərbaycanın Serbiya Respublikasında, Monteneqroda, Bosniya və Hersoqovinadakı səfiri Eldar Həsənov Azərbaycan Respublikası Cinayət Məcəlləsinin 179.3.2 (mənimsəmə və ya israfetmə, külli miqdarda törədildikdə), 193-1.3.2 (cinayət yolu ilə əldə edilmiş pul vəsaitlərini və ya digər əmlakı leqallaşdırma, külli miqdarda törədildikdə) 308.2 (vəzifə səlahiyyətlərindən sui-istifadə etmə, ağır nəticələrə səbəb olduqda) 308-1.1 (Dövlət büdcəsinin vəsaitindən təyinatı üzrə istifadə etməmə) və 313-cü (vəzifə saxtakarlığı) maddələri ilə həbs olunub. Eldar Həsənov 10 il müddətinə azadlıqdan məhrum edilib.

Rəşad Dağlı

Qətl törətməkdə təqsirləndirilən meyxanaçı Rəşad Əmirovun (Rəşad Dağlı) barəsində 4 ay müddətinə həbs qətimkan tədbiri seçilib. 1984-cü il təvəllüdlü R.Əmirov tanışı, 1979-cu il təvəllüdlü İskəndər Mehtiyevi şəxsi münasibətlər zəminində aralarında yaranan münaqişə zamanı bıçaqla çoxsaylı xəsarətlər yetirərək qətlə yetirib. R.Əmirov şübhəli şəxs qismində tutularaq istintaqa cəlb edilib.Onun bu siyahıda olması yeni həbs olunduğu üçün real olmasa da, cəmiyyətdə R.Dağlının azad olunması ilə bağlı böyük bir çağırış var.

Ceyhun Cəfərov

Artıq illərdir ki, həbsdə olan şəxslərdən biri də Kürdəmir rayon İcra Hakimiyyətinin keçmiş başçısı Ceyhun Cəfərovdur. Kürdəmirin sabiq icra başçısı 8 il 6 ay müddətinə azadlıqdan məhrum edilib.

Səlim Müslümov

Azərbaycanın sabiq əmək və əhalinin sosial müdafiəsi naziri Səlim Müslümov da illərdir həbsdə olanlar arasındadır. Səlim Müslümov Azərbaycan Respublikası Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə təqsirləndirilən şəxs qismində məsuliyyətə cəlb olunub.

Eldəniz Səlimov

Cinayət məsuliyyətinə cəlb olunanlar arasında Milli Məclisin Xaçmaz rayonundan olan millət vəkili Eldəniz Səlimovdur. Deputat Eldəniz Səlimov Baş Prokurorluğun İstintaq idarəsi tərəfindən saxlanımışdı. O, iyulun 29-da Xaçmaz şəhərində yerləşən “Starıy Dvor” restoranında polis əməkdaşını döyməkdə təqsirli bilinib. E.Səlimov Cinayət Məcəlləsinin 309.2-ci (vəzifə səlahiyyətlərini aşma) maddəsi ilə təqsirləndirilib.

İsmayıl Vəliyev

Neftçala İcra Hakimiyyətinin keçmiş başçısı İsmayıl Vəliyev də Dövlət Təhlükəsizliyi Xidməti tərəfindən keçirilən əməliyyat nəticəsində saxlanılar arasında olub. Onun mütəmadi olaraq vəzifə səlahiyyətlərindən sui-istifadə edib təhsil, səhiyyə və digər yerli dövlət təsisatları rəhbərlərindən müxtəlif adlar altında şəxsən pul vəsaitləri tələb edərək almasına əsaslı şübhələr müəyyən olunub. Neftçala rayon İcra Hakimiyyətinin keçmiş başçısı İsmayıl Vəliyev 10 il müddətinə azadlıqdan məhrum edilib.

"2022-ci ildə 2021-ci ilə nəzərən dializə gedən xəstələrin sayı 13% artıb. Araşdırılmalıdır ki, bu, niyə belə olub”.

"AzPolitika.info” xəbər verir ki, bunu deputat Məlahət İbrahimqızı parlamentin iclasında çıxış edərkən deyib. ”Digər tərəfdən, ölkəmizdə icbari tibbi sığortanın tətbiqi ilə bağlı uğurlu addımlar atılır. Bu gün tibb işçiləri də, seçicilər də zərfə daxil olmayan pullu xidmətlərlə bağlı şikayətlər edirlər”, - o əlavə edib.

M.İbrahimqızı buna misal olaraq sağlamlıq arayışının rüsumunun 41 manat olmasını göstərib: "Bu, kasıb ailə üçün bir kisə un deməkdir. Tarif Şurasında həkim olub-olmadığını bilmirəm. Amma bu məsələyə komitədə baxaq. Eyni zamanda təklif edirəm ki, komitədə psixoloji xidmətlə bağlı dinləmə keçirək”.

"Ali kateqoriya dövlət orqanında eyniadlı inzibati vəzifə tutan şəxslə aşağı kateqoriyalı dövlət orqanında eyniadlı vəzifə tutan şəxsin vəzifə maaşında fərq olduğuna görə bu qərar imzalanıb”.

Bunu Qaynarinfo-ya açıqlamasında Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib Məmmədov Baş nazirin dövlət orqanlarında çalışan dövlət qulluqçusu olmayan işçilərin (qeydiyyatçı, nəzarətçi, təsərrüfat işçisi, xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.) aylıq vəzifə maaşlarının artması ilə bağlı qərarını şərh edərkən deyib.

Ekspert ali kateqoriyanın ən yüksək olduğunu vurğulayıb:

"Məsələni belə qoyaq, bizim dövlət orqanları 6 kateqoriya, ali və 1-5-ci kateqoriyadan ibarətdir. Ali kateqoriya ən yüksəkdir. Həmin orqanlarda olan inzibati vəzifələrin və yardımçı dövlət qulluğu vəzifələrinin özündə də vəzifələrin adı eyni olmasına baxmayaraq, kateqoriya dəyişdikcə maaş dəyişir. Məsələn, baş məsləhətçi ali kateqoriya dövlət orqanında işləyirsə, onun əmək haqqı daha yüksəkdir, 5-ci kateqoriya dövlət orqanında işləyirsə, ondan xeyli azdır. Deyə bilərsiniz ki, ali kateqoriya dövlət orqanında işləyən eyni vəzifəni tutan şəxslə, yaxud da daha aşağı kateqoriyalı dövlət orqanında eyni inzibati vəzifəni tutan şəxsin eyni həcmdə iş gördüyü halda niyə onların arasında fərq var? Biz bu sualı verə bilmərik. Çünki kateqoriya arasında fərq var. Bu nöqteyi-nəzərdən, xadimə eyni işi görür, amma fərqli kateqoriya dövlət orqanındadır deyə həmin orqanlarda əmək haqqı fondu fərqli olduğundan bu cür müəyyən olunur”.

Liqa sədri xadimələr üçün daha böyük bir problemin olduğunu xatırladıb:

"Onlar üçün normalar müəyyənləşdirilməyib. Məsələn, bir xadimə gün ərzində neçə kv.m sahəni təmizləməlidir? Bir yüksək kateqoriya dövlət orqanında 1000 kv.m təmizləmək üçün 5 xadimə var, amma aşağı kateqoriyada 1000 kv.m təmizlik üçün 3 xadimə var. Prinsipcə, məsələyə yanaşmada fundamental dəyişiklik baş verməlidir. Xadimə harada işləməsindən asılı olmayaraq, onun üçün vahid tarif və əmək norması müəyyənləşdirilsin. Neçə kv.m təmizləyirsə, ona uyğun tarif təyin olunsun”.

Qeyd edək ki, baş Nazir yeni qərar imzalayıb. Həmin qərara görə, dövlət orqanlarında çalışan dövlət qulluqçusu olmayan işçilərin (qeydiyyatçı, nəzarətçi, təsərrüfat işçisi, xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.) aylıq vəzifə maaşları 2023-cü il yanvarın 1-dən aşağıdakı məbləğdə müəyyən edilib: 1. Ali kateqoriya dövlət orqanlarında 400 manat, 2. 1-ci kateqoriya dövlət orqanlarında 385 manat, 3. 2-ci və 3-cü kateqoriya dövlət orqanlarında 365 manat, 4. 4-cü və 5-ci kateqoriya dövlət orqanlarında 345 manat.

Azərbaycanda pensiyaçılara 2020-ci ildən əvvəl verilən artıq ödənişlər geri istənilməyəcək.

Bu, Prezident İlham Əliyevin “Əmək pensiyaları haqqında” qanuna dəyişikliyi təsdiqləməsi ilə mümkün olub.Dəyişikliklər əmək pensiyasına (əmək pensiyasına əlavəyə) görə artıq ödənilmiş məbləğin tutulması müddətinin məhdudlaşdırılması, bununla da son üç ildən əvvəlki dövrlə bağlı ödənişə amnistiyanın (güzəştin) tətbiq edilməsi məqsədi daşıyır. Yəni artıq ödənilmiş əmək pensiyasının və əmək pensiyasına əlavənin məbləğinin tutulmasında müddətli amnistiyanın tətbiqini nəzərdə tutur. Yəni əgər pensiyaçıya fərqli səbəblərdən 2020-ci ildən əvvəl artıq ödəniş olubsa, yeni dəyişikliklərə əsasən həmin ödəniş geri istənilməyəcək. Dəyişikliklər 2020-ci ildən əvvəlki dövrə amnistiyanın verilməsini nəzərdə tutur.

Qaydalara əsasən, artıq ödənilmiş əmək pensiyası və əmək pensiyasına əlavənin məbləği əmək pensiyaçısından əmək pensiyaçısının razılığı ilə əmək pensiyasını təyin edən orqanın qərarı əsasında, razılığı olmadıqda isə məhkəmə qaydasında yalnız aşağıdakı hallarda tutulur:

– rüşvət, hədə-qorxu və ya aldatma yolu ilə artıq məbləğdə əmək pensiyasının və əmək pensiyasına əlavənin təyin olunmasına nail olduqda;

– qəsdən təhrif olunmuş məlumatları əks etdirən sənədlər təqdim etməklə artıq məbləğdə əmək pensiyasının və əmək pensiyasına əlavənin təyin olunmasına nail olduqda;

– inzibati aktın qanunsuz olduğunu bildiyi və ya kobud ehtiyatsızlıq nəticəsində bilmədiyi halda.

Bundan başqa, artıq ödənilmiş əmək pensiyasının və əmək pensiyasına əlavənin məbləğinin əmək pensiyaçısından tutulduğu hallar istisna olmaqla, digər hallarda vəzifəli şəxsin təqsiri, yəni kobud ehtiyatsızlığı və ya qəsdi nəticəsində artıq ödənilmiş əmək pensiyası və əmək pensiyasına əlavənin məbləği həmin vəzifəli şəxsdən onun razılığı ilə, belə razılıq olmadıqda isə məhkəmə qaydasında tutulur.

Eyni zamanda geri ödəniləcək vəsait hər ay əmək pensiyaçısına ödənilməli olan məbləğin 10 faizindən az, 20 faizindən artıq ola bilməz.

Qanun 2023-cü il yanvarın 1-dən qüvvəyə minib.

Xəbər verdiyimiz kimi, Bakıda 59 nömrəli məktəbin 6c sinifində rəzalət yaşandığını əks etdirən görüntü yayılıb.

Məktəbin dil-ədəbiyyat müəllimi nizam-intizama tabe olmayan uşaqlara qarşı ağır ifadələr səsləndirərək onlara qarşı şiddət də tətbiq edir. Amma bunun da bir xeyri olmur və sinifdəki xaos pik həddə çatır.

Maraqlıdır, dərsdə nadinclik edən şagirdlərlə bu cür davranış doğrudurmu? Müəllimlər dərsdə “ipə-sapa yatmayan” məktəblilərlə necə davranmalıdır?

Redaktor.Az-ın suallarını cavablandıran təhsil eksperti, professor Şahlar Əsgərov xatırlatdı ki, Azərbaycanda təqribən 1 600 000 şagird və 150 000-dən çox müəllim var.

“Şagird və müəllimlərin məktəblərdə kontaktları var. İstənilən çoxluq olan yerdə mübahisə ola bilər; bazarda da, mağazada da, küçədə də ola bilər. B,u təbii haldır, bunu şişirtməyin heç bir əhəmiyyəti yoxdur. Çünki bu, müəllimi hörmətdən salır. İnsanın münasibətlərini ən güclü kompüter belə proqramlaşdıra bilməz. Ən xırda bir şeydən də nəsə doğa bilər, bunun bəzilərinə fikir vermək lazımdır, bəzilərinə yox”, - deyə professor qeyd etdi.

Professorun sözlərinə görə, bu, 30-50 ilə planlaşdırılan təxribatdır:

“Bunun adına "sui-qəsd nəzəriyyəsi" deyilir. Bir var müharibə edirsən, bir də var müharibə etmirsən. Altdan su buraxırsan, 30 ildən sonra bina uçur. Bizim də binamızı uçurmaq istəyirlər, buna görə ayıq olmaq lazımdır. Əgər belə bir hadisə olursa, bunu ictimaiyyət yox, Elm və Təhsil Nazirliyinin borcudur ki, bu məsələni həll etsin və ictimaiyyətə bu haqda məlumat verməsinlər.

Hər bir ailədə qüsur ola bilər. Amma söz var bunu açmaq olar, söz də var onu böyütməzlər. Bu da təqribən böyüdülməyəcək sözdür: Uşağa müəllim şapalaq vurdu. Bu oyunu Sinqapurun başına açmaq istəyirdilər. Amma dövlətin başında duran şəxs dedi ki, məni də məktəbdə müəllim döyüb. Bunun heç bir ziyanı yoxdur. Uşağın yetişməsi üçün hər şey etməliyik. Yeri gəlsə döyməliyik. Bunu deyirəm, amma mən özüm qətiyyən uşaq döymərəm. Yəni 50 il bundan öncə bu, fiziki cəza olaraq mümkün idi. Amma indi fiziki cəza yox, mənəvi cəza ver. Dərsdən çıxar, valideyni çağır və sair. Amma bunlar gizlin olmalıdır. Açıq-aşkar bizi müharibəyə sürüyürlər, biz də gedirik”.