Masallı rayonu Boradigah qəsəbə sakini Bəyverdiyev Asif Məhərrəm oğlu özünün və həyat yoldaşının pensiyasının bərpa olunmamasından şikayətçidir.

O, bu barədə Yeniavaz.com-a müraciətində bildirib.

A.Bəyverdiyev deyib ki, problemi ilə bağlı 48 rəsmi müraciət ünvanlayıb:

“Mən 5 ildir nevroloji əsəb xəstəliyindən əziyyət çəkirəm. 5 il pensiya almışam, indi təyinatım dayanıb. Bu barədə Prezident Administrasiyasına, Dövlət Sosial Müdafiə Fonduna, TƏBİB-ə dəfələrlə rəsmi müraciətim olsa da, mənə cavab verilməyib. 48 dəfə rəsmi müraciətim olub. Şablon formada mənə cavablar verilir. Mən Sahil Babayevin müavini Anar müəllim ilə Masallı şəhərində görüşdüm. Hətta o da mənə söz verdi. Bir dənə pensiyamız var. Onu da almasaq, nə yeyək, necə dolanaq, acından ölürük”.

Vətəndaş qeyd edib ki, həyat yoldaşı Bəyverdiyeva Səbinə Mürvət qızı da eyni xəstəlikdən əziyyət çəkir və onun da pensiyası kəsilib.

Məsələ ilə bağlı Dövlət Tibbi-Sosial Ekspertiza və Reabilitasiya Agentliyinin rəsmisi Tural Qurbanov Yeniavaz.com-a bildirib ki, Bəyverdiyev Asif Məhərrəm oğlunun əlilliyinin qiymətləndirilməsi ilk növbədə tibb müəssisəsi tərəfindən elektron sistemə daxil edilmiş göndəriş əsasında, özünün iştirakı olmadan aparılıb:

“Müəyyən olunub ki, göndərişdə vətəndaşın mövcud diaqnozuna əsasən aktiv sürücülük vəsiqəsinin olması uyğunsuzluq yaradıb.

Bu baxımdan ona 22.05.2022-ci il tarixdə e-sistem üzərindən imtina qərarı verilib.

Buna baxmayaraq, vətəndaş Dövlət Tibbi-Sosial Ekspertiza və Reabilitasiya Agentliyində əyani müayinə edilib.
Müayinə nəticəsində şəxsin əlavə müayinə və müalicəyə ehtiyacın olması barədə qərar qəbul edilib”.

“Türkiyə, tək ürək” adlı yardım kampaniyası çərçivəsində Azərbaycan televiziyaları, Türkiyə, eləcə də Şimali Kiprin televiziya və radio kanallarının iştirakı ilə xeyriyyə məqsədli ortaq yayım başa çatıb.

Oxu.Az xəbər verir ki, kampaniya çərçivəsində ümumilikdə 115 milyard 146 milyon 528 min lirə vəsait toplanıb. Vətəndaşlar tərəfindən 9 milyon 10 min SMS göndərilib.

Qeyd edək ki, toplanan vəsait AFAD-ın və Qızıl Aypara Cəmiyyətinin hesabına köçürüləcək.

21:34

Azərbaycan Televiziyası, Türkiyə, eləcə də Şimali Kiprin televiziya və radio kanallarının iştirakı ilə xeyriyyə məqsədli ortaq yayıma start verilib.

Yayımı “Türkiyə, tək ürək” adlı yardım kampaniyası çərçivəsində təşkil edilib.

Yayım zamanı dünya ictimaiyyətinə Türkiyədəki zəlzələnin fəsadlarının aradan qaldırılmasına yardım məqsədilə ianələr etmələri üçün müraciət edilir.

Qeyd edək ki, toplanan vəsait AFAD-ın və Qızıl Aypara Cəmiyyətinin hesabına köçürüləcək.

"Əmək və Əhalinin Sosial Müdafiəsi Nazirliyinin 142 çağrı mərkəzinə zəng vurub dəfn pulunun ödənilməsində yaranmış ləngimənin səbəbini soruşuram. Xanım cavab verir ki, DOST-a müraciətdən sonra 15 iş günü ərzində cavab veriləcək". DİA.AZ-ın bildirdiyinə görə, bu fikirlər iqtisadçı ekspert Samir Əliyevin sosial şəbəkə hesabında paylaşdığı etirazında yer alıb.

"Xatırladıram ki, müraciətimin üstündən 3 həftə (16 iş günü) keçib. Növbəti cavab belə olur ki, yəqin 30 günlük icraata götürülüb. Sual verirəm ki, bu nə çətin bir işdir ki, 15 iş günü azlıq etdi, keçiblər 30 iş gününə? Cavab belə olur ki, bilmirəm, DOST-a müraciət edin. DOST-la necə əlaqə saxlamağı soruşanda isə cavab məni şoka saldı. Məlum oldu ki, DOST-a zəng etmək mümkün deyil. Bunun üçün Mərkəzin özünə təşrif buyurmaq lazımdır.

ƏƏSMN-nin çağrı mərkəzindən verilən cavab sadəcə biabırçılıqdır. Yəni, DOST-a zəng vurmaq üçün 142 çağrı mərkəzini yığmalısan, onlar da sənə deyir ki, özün getməlisən Mərkəzə. Üstəgəl əlavə 30 gündə nəyi yoxlayırlar?", - deyə o qeyd edib.

Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra açıqlamalar verib.

O, zəlzələdə həyatını itirənlərin yaxınlarına təcili ehtiyacları üçün 100 min lirə (təxminən 9 min azn) nağd pul veriləcəyini bildirib.

Dövlət başçısı qeyd edib ki, hazırda dövlət 1,6 milyon zərərçəkmiş vətəndaşın ehtiyaclarını qarşılayır.

Səhər 06:30-da yuxudan oyanırsan mobil telefonu açırsan və gələn ilk mesaj: "Hörmətli müştəri, "Kapitalbank"a olan borcunuzu gün ərzində ödəməsəniz müqaviləyə xitam veriləcək və məhkəməyə müraciət olunacaq". Başqa bir sms daha ardından gəlir: "Balansınızı artırmasanız xəttiniz ikitərəfli bağlanacaq"...

Mətbəxə keçirsən qaz sobasını açırsan qaz gəlmir. Qapıya çıxırsan və görürsən qaz bitib. Məcbur kredit götürüb geri dönmək istəyirsən ki, qapıya taxılmış əl boyda bir kağız parçası və iri hərflərlə "XƏBƏRDARLIQ" başlıqlı bir yazı - "Hörmətli müştəri 15.02.2023 tarixinə qədər Azərişıqa olan borcunuzu ödəməsəniz mənzilinizə elektrik enerjisinin verilməsi dayandırılacaq".

Geri mətbəxə gəlib çaydanın altını qalayırsan. Çay dəmələyb içirsən. Uşaqları oyadırsan və dərsə getmək üçün hazırlanırsan. Uşaqlardan biri kədərli halda "Ata mən bu gün məşğələyə getməyəcəm" deyir. Soruşursan niyə? "Ata müəllimə dedi ki, məşğələ pulunu verməyənlər gəlməsin sabahdan".

Bir söz tapıb ümid verirsən övladına. Ardından evdən çıxıb uşaqları da götürüb dərsə getmək istəyirsən. Nə zamansa 3-4 il öncə məhkəmədə haqqını müdafiə edib qələbə qazanıb təzminatla aldığın köhnə avtomobili işə salırsan. Yanacaq bitir. Son xəbərdarlıq işıq siqnalı işə düşüb.

Yola düzəlirsən tıxac, əsəb. Beynini "bu gün hardan pul qazana biləcəm görəsən" sualı yeyib bitirir.

Təhdid altında, qorxu altında uşaqları məktəbə düşürüb işə yollanırsan.

İşdən əmək haqqından avans almaq haqda düşünürsən və ağlına gəlir ki, artıq az qala iki ayın maaşını almısan avansla.

Saat 10:00 və "Lombard"dan "Günün sonuna qədər faizlər üzrə ödənişi etməsəniz girovunuz satışa çıxarılacaq" mesajı gəlir. Evdəki sonuncu üzüyü də "Lombard"a girov qoyaraq qaz, su, elektrik ödənişi etmişdik...

Evdən gətirdiyin yeməyi gizlincə masa arxasında yeyirsən. Günorta oldu. Ümid verəcək heç nə baş vermədi. Lənətə gəlmiş qış aylarında hava tez qaralır. Gün tez bitir...

Hər günü beləcə yola verərək yaşayarkən, üstəlik də düz söz desən, yaltaqlanmasan, susmasan da başına nələr gələr deyə fikirlər yeyir bitirir beynimizi... O zaman o övladlarına kim ən azı sevgi verəcək, kim onların umudu olacaq? ....

Hər günümüz təhdid altında yaşayırıq.

Və bir qədəh axtarırsan. İçib-içib keyləşmək. Özünü aldadıb, özünü unutmaq. İyrəndiyin o özündən qaçıb başqa bir saxta adamla yaşamaq istəyirsən...