Xəbər verildiyi kimi dekabrın 17-də Azərbaycan Respublikasının Prezidenti İlham Əliyev “Rossiya-1” televiziya kanalında “Vesti nedeli” proqramının müəllifi və aparıcısı Dmitri Kiselyova genişməzmunlu müsahibə verib. “Rossiya-1” televiziya kanalında yayımlanan müsahibədə olduqca maraqlı açıqlamalar verilib və bir sıra önəmli məqamlara toxunulub. Bununla da Prezident İlham Əliyev bütün dünyaya növbəti dəfə öz mesajlarını çatdırdı.
Müsahibədə bölgədə gərginlik yaratmaqa çalışan bir sıra xarici dövlətlərin fəaliyyətinə və o cümlədən Fransa ilə münasibətlərə xüsusi yer ayrılıb. Qeyd edilib ki, bəzi dövlətlər kiminsə onlara ədalət öyrətməsinə alışmayıblar. Onlar öyrəşiblər ki, hamıya özləri dərs versinlər. Onlar alışıblar ki, qarşılarında baş əyirlər, müəyyən məsələlərdə onlardan xahiş edirlər, onlarla məsləhətləşirlər, onların icazəsi olmadan heç nə etmirlər. Beləcə keçmiş kolonial, indi isə bəzi neokolonial ölkələr bu tərzdə yaşamağa və düşünməyə alışıblar. Bu, onların şüurunda dərin kök salıb.
Prezident İlham Əliyev bildirib: “Xarici siyasətinin xüsusiyyətlərinə görə istər Qərbdə, istərsə də Şərqdə Azərbaycan müstəqil xarici siyasət yürüdən tamamilə müstəqil aktyor kimi qəbul edilir. Həm də ona görə ki, bu, eyni zamanda, həm Rusiyanın, həm də NATO üzvü Türkiyənin müttəfiqi olan yeganə ölkədir. Dünyada ikinci belə ölkə yoxdur”.
Ölkə başçısı qeyd edib ki, “Prinsipcə, bizim Fransa ilə heç vaxt problemimiz olmayıb. Hətta deyərdim ki, Fransa ilə hər hansı bir Avropa ölkəsindən daha çox əməkdaşlıq edirdik. Bu, Fransada Makronun hakimiyyətə gəlişinə qədər idi. Mənim atam 1993-cü ildə Prezident seçildikdən sonra ilk rəsmi səfərini Fransaya edib. Çünki onlar birinci olaraq onu dəvət edirdilər. Mən Prezident olduqda, 2003-cü ildə, həmçinin ilk ölkə olaraq Fransadan dəvət aldım və birinci səfərim bu ölkəyə oldu. Sonra biz fəal əməkdaşlıq edirdik, burada çoxlu fransız şirkəti işləyirdi. Bizdə Fransanın 13 şəhəri ilə qardaşlaşmış şəhərlər var.
Amma bu əndazəsiz iddialar və Makron hökumətinin əsassız olaraq özünü böyük sayması bütün bunları uçuruma yuvarlatdı. Çünki İkinci Qarabağ müharibəsi başlayanda onlar açıq şəkildə işğalçıların tərəfini tutdular. Bu, ilk belə siqnal idi ki, münasibətlərimizdə heç də hər şey qaydasında deyil. Lakin onların tərəfindən verilən siqnal idi. Sonra onlar bu nəticələri hər halda qəbul etməyə məcbur oldular, amma bununla yanaşı, əllərindən gələni etdilər ki, prosesə zərər versinlər. Bu yaxınlarda Baş nazir vəzifəsindən qovulmuş cənab Barnye hələ 2020-ci ildə fransız siyasətçisi qismində Qarabağa qanunsuz şəkildə səfər etmişdi. Yəni, bütün bu müdaxilə cəhdləri ona gətirib çıxardı ki, münasibətlərimiz, sadəcə, böhran həddinə çatdı, sonradan daha da pisləşdi.
2023-cü ilin sentyabrından sonra onlar beş dəfə bu məsələni Təhlükəsizlik Şurasına daşımağa cəhd etdilər və beş dəfə də uğursuzluğa düçar oldular. Bizi dəstəkləyən ölkələrin sayı onlara həmin məsələni hətta iclasın gündəliyinə salmağa da imkan vermədi. Sonra onlar başqa yolla getdilər, - necə deyərlər, biz başqa yolla Avropa İttifaqına gedirik, - Azərbaycana qarşı sanksiyalara cəhd etdilər. Nəyə görə? Ona görə ki, biz öz suverenliyimizi bərpa etmişik? Burada da uğursuzluğa düçar oldular. Bizə qarşı kinləri, necə deyərlər, daha çox artdıqdan sonra isə onlar indi bizi nüfuzdan salmaq üçün bütün metodlardan istifadə edirlər.
Onların kolonial keçmişinə gəldikdə, bəziləri bunu bizim cavabımız kimi qiymətləndirirlər, amma zənnimcə, bu məsələ ola bilər ki, daha dərin xarakter daşıyır. Əgər ən başlanğıcda haradasa, necəsə bu məsələni nəzərdən keçirmək mümkün idisə, indi bu mövzuya dərindən nüfuz etdiyimiz, fransız kolonializminin iyrənc simasını gördüyümüz, bizim nümayəndələrimizin fransız koloniyalarının sakinləri ilə fəal ünsiyyət saxladıqları, - həm onların ölkələrində, həm Bakıda, həm də digər məkanlarda, - vaxtda, əslində, biz görürük ki, uzun illər ərzində dünya ictimaiyyətindən nələri gizlədiblər. Nə üçün? Çünki heç kim bununla maraqlanmaq istəmirdi. Heç kim başının ağrımasını istəmirdi. Çünki onlar şantaj edirlər. Hətta bizim münasibətlərimiz soyuq müharibə fazasına daxil olduqda əvvəlcə bizə mesajlar gəlirdi ki, “unutmayın, biz böyük ölkəyik”, - dövlət başçısı vurğulayıb.

Həcər Verdiyeva – Tarix elmləri doktoru, professor

“Ermənistanda türkyönümlü partiya yaratmaq istəyirlər”.

Globalinfo.az xəbər verir ki, bunu erməni bloger Artur Çaxoyan deyib.

O, əvvəl də belə bir təşəbbüsün olduğunu bildirib:

“Ölkədə açıq şəkildə türk partiyası yaratmaq istəyirlər. Sanki bir növ nəyəsə hazırlıq gedir. Daha əvvəl də belə bir partiyanın yaradılmasına cəhd göstərildi. Lakin mənim də iştirakımla qarşısını almışdıq. Hökumət nəticədə məni təqib etməyə başlamışdı. İndi məsələni təkrar gündəmə gətiriblər. Türkönümlü partiyanın yaradılması üçün yeni təşəbbüslər var”.

İsrailin Suriyaya müdaxiləsinin nəticələri ağır olacaq, müqavimət qüvvələri (proksilər – red.) mübarizəni davam etdirəcəklər.

TEREF xəbər verir ki, bu sözləri İranın dini lideri Əli Xameneyi deyib.

“Suriyada baş verən hadisələrdən istifadə edən ABŞ, sionist rejim (İsrail) və müttəfiqləri cinayətlərini davam etdirirlər. Dəməşqdə hakimiyyət dəyişikliyini müqavimətin sonu kimi təqdim etməyə çalışırlar. Bu, ən böyük səhvdir. Qəzza zolağı və Livan mübarizəni davam etdirir. İsrail Livandakı “Hizbullah” qüvvələrini mühasirəyə almaq və məhv etmək məqsədilə Suriyanın torpaqlarına hücum edir. Amma məhv ediləcək olan məhz İsrail olacaq”, - İran lideri bildirib.

Teleqraf.com

“Biz Ukraynadakı münaqişənin həlli üçün səylə çalışırıq. Bu, çox çətin məsələdir”.

Azpost.info bildirir ki, bu barədə ABŞ-ın yeni prezidenti Tramp mətbuat konfransında bildirib.

Onun sözlərinə görə,buna baxmayaraq bu məsələdə müəyyən irəliləyişə nail olublar: ” Mən münaqişənin həlli ilə bağlı Putinlə əlaqə saxlamaq niyyətindəyəm”-deyə Tramp bildirib.

Ukraynanın iştirakı Rusiya ilə ABŞ arasında danışıqları qeyri-mümkün edə bilər.

Demokrat.az xəbər verir ki, münaqişənin sülh yolu ilə həllinə dair suallardan biri də Ukraynanın bu prosesə hansı mərhələdə cəlb olunacağıdır. Bu sözləri britaniyalı politoloq deyib.

Britaniyalı politoloq Anatole Lieven bildirib ki, sülh danışıqları ilkin mərhələdə Moskva ilə Vaşinqton arasında aparılmalıdır.

Lieven hesab edir ki, Ukrayna danışıqlarda onu maraqlandıran bütün məsələləri qaldıra bilməyəcək:

“Bu proses çox mürəkkəb olacaq. Əgər Ukrayna əvvəldən danışıqlarda iştirak etsə,irəliləyiş tamamilə qeyri-mümkün olacaq. Hər hansı təklif edilən kompromis dərhal ictimailəşəcək. Nəticədə Avropada, Ukraynada, ABŞ Konqresində və Amerika mediasında etiraz fırtınasına səbəb olacaq”.

İsrail İrlandiyadakı səfirliyini bağlayıb.

Nextatv xəbər verir ki, bu barədə İsrailin Xarici İşlər Naziri açıqlama verib. Səbəb kimi ölkənin anti-İsrail siyasət yürütməsi göstərilir.

Nazir açıqlamada həmçinin, Moldovada səfirliyin fəaliyyətə başlayacağını da qeyd edib.

Dünyanın çox hissəsi ABŞ-nin hökmranlığı olmadan yeni bir nizam istəyir.

Bunu Macarıstanda partiya sədri Gyula Türmer deyib.

Onun sözlərinə görə, BRİKS dövlətləri yeni dünya qurulmasında uğur əldə ediblər, lakin bu, Qərb dövlətlərinin məhv etməyə çalışdığı Rusiyasız mümkün deyil.

“Dünyanın böyük bir hissəsi yeni dünya nizamı istəyir. Amerikanın idarə etdiyi tək dünya deyil, ölkələr arasında bərabərhüquqlu və qarşılıqlı əməkdaşlıq üzərində qurulmuş bir dünya”, - o vurğulayıb.

Mənbə: teleqraf.com

Suriyadakı yeni hakimiyyətin lideri Əhməd əl-Şaraa ölkə prezidentliyinə namizədliyini irəli sürməyə hazır olduğunu bildirib.

“Report” xəbər verir ki, bu barədə "Al Arabiyya" telekanalı məlumat yayıb.

Bildirilib ki, vətəndaşlar və ya onun ətrafındakılar xahiş edərsə, Əhməd əl-Şaraa prezidentliyə namizədliyini irəli sürə bilər.

Xatırladaq ki, noyabrın 27-də müxalifət silahlı birləşmələrinin üzvləri Hələb və İdlib əyalətlərində hökumət qüvvələrinin mövqelərinə genişmiqyaslı hücuma keçib. Dekabrın 7-də axşam saatlarında üsyançılar bir neçə böyük şəhəri - Hələb, Həma, Deyr əz-Zor, Dəra və Homsu ələ keçirdilər. Bazar günü səhər onlar Dəməşqə daxil olublar, bundan sonra Suriya ordusunun bölmələri şəhəri tərk ediblər.

Suriya prezidenti Bəşər Əsəd həmin gün ölkəni tərk edib. Bir müddət ki, onun təyyarəsini açıq mənbələr vasitəsilə izləmək mümkün olmayıb. Lakin sonra Rusiyanın TASS agentliyi Kremldəki mənbəyə istinadən onun ailə üzvləri ilə birlikdə Moskvaya gəldiyini, Rusiyanın onlara sığınacaq verdiyini bildirib.

Dekabrın 8-də Suriyanın müvəqqəti hökumətinin başçısı Əbdürrəhman Mustafa “TRT Haber” telekanalında keçid hakimiyyətinin formalaşdığını elan edib.

“Sabah parlamentdə keçiriləcək prezident seçkiləri parodiyadır”.

Teleqraf.com xəbər verir ki, bunu Gürcüstan prezident Salome Zurabişvili keçirdiyi brifinqdə deyib.

Dövlət başçısı bildirib ki, seçkilərin legitimliyi olmayacaq və konstitusiyaya ziddir.

Qeyd edək ki, sabah Gürcüstanda prezident seçkiləri parlamentdə təşkil olunacaq. Növbəti 5 il üçün dövlət başçısını 300 nəfərdən ibarət Seçicilər kollegiyası seçəcək.