 |
|
|
“Prezident Bəşər Əsədə tabe olan Suriya hökuməti istefa verməyə hazırdır”.
“Report” xəbər verir ki, bunu ölkənin baş naziri Məhəmməd Qazi Əl-Cəlali “Al Arabiya” telekanalına açıqlamasında deyib.
Onun sözlərinə görə, hazırda müxalifətlə danışıqlar davam edir: “Bizdən tələb olunan kimi səlahiyyətlərimizi ötürməyə hazırıq”.
Bundan başqa, Suriyada müxalifətin lideri, “Əbu Məhəmməd əl-Culani” ləqəbi ilə tanınan Əhməd əl-Şara deyib ki, baş nazir Məhəmməd Qazi əl-Cəlalinin rəhbərlik etdiyi hökumət keçid dövründə Suriyanın xeyrinə olacaq: “Əl-Cəlali hökuməti keçid dövründə bizə fayda verəcək”.
Türkiyə prezidenti Rəcəb Tayyib Ərdoğan, dünya siyasi arenasında yalnız iki liderin qaldığını bildirib.
Musavat.com xəbər verir ki, Ərdoğan bu barədə Qaziantepdə keçirilən gənclər toplantısında çıxış edərkən deyib.
"Dünyada hazırda cəmi iki lider qalıb - biri mən, digəri isə Vladimir Putin", - deyə Ərdoğan bildirib.
Türkiyə lideri vurğulayıb ki, bu sözləri şəxsi ambisiya ilə deyil, faktlara əsaslanaraq deyir: "Bunu özümə görə demirəm, faktı deyirəm. Bu adamın 22 il səlahiyyət müddəti var, təxminən də bir o qədər də Putinin var", - Ərdoğan çıxışında əlavə edib.
Musavat.com
ABŞ-nin yeni seçilmiş prezidenti Donald Tramp son çıxışında Ukrayna və Rusiyanı atəşkəsə və bunun üçün şərtləri açıqlamağa çağırıb.
O bu fikirləri Ukrayna lideri Vladimir Zelenski ilə görüşdən bir neçə saat sonra səsləndirib.
Qeyd edək ki, onlar arasında görüş "Paris Notr-Dam" kilsəsinin açılışından sonra baş tutub.(APA)
“Suriya kürdləri İsraillə danışıqlara başlayıb”.
Globalinfo.az xəbər verir ki, məlumatı İsrail mətbuatı yayıb.
Kürdlərin İsrailə müraciəti xarici işlər naziri Qideon Saarın çağırışından sonra baş tutub.
Qeyd edək ki, Saar bundan öncə İsrailin Suriya və İraqdakı etnik azlıqlarla ittifaq formalaşdıracağını açıqlamışdı. Sonra isə o, Təl-Əvivin Suriya konfliktinə müdaxilə etməyəcəyini bildirib.
Bununla belə, Dəməşqin müxaliflərin nəzarətinə keçdikdən sonra kürdlərlə münasibətlərini necə qurulacağı ilə bağlı suallar hələ də açıq qalır..
Gürcüstan prezidenti Salome Zurabişvili Parisə səfəri çərçivəsində ABŞ-nin yeni seçilmiş prezidenti Donald Tramp və Fransa lideri Emmanuel Makronla söhbətləşib.
Gürcüstan prezidenti bu barədə “X” hesabında paylaşım edib.
Onun sözlərinə görə, təmaslar zamanı Gürcüstandakı seçkilər, həmçinin Tbilisidəki vəziyyət müzakirə olunub.
Suriya mürəkkəb vəziyyətdədir, lakin o, bizim dostumuz deyil və ABŞ-nin bununla heç bir əlaqəsi olmamalıdır.
Sherg.az Truth-a istinadla bildirir ki, bu sözləri ABŞ-nin yeni seçilmiş prezidenti Donald Tramp bildirib.
"Görünməmiş bir sürətlə Suriyadakı müxalif döyüşçülər yüksək koordinasiya ilə hücumda bir neçə şəhəri tamamilə ələ keçirdilər və indi Dəməşqin kənarındadırlar və açıq şəkildə Əsədi devirmək üçün böyük hücuma hazırlaşırlar. Lakin bu bizim mübarizəmiz deyil, hadisələri axarına buraxmaq lazımdır. Qarışmayın!" - deyə o, bildirib.
Gürcüstanın Mərkəzi Seçki Komissiyası Mixail Kavelaşvilini prezidentliyə namizəd kimi rəsmi olaraq qeydiyyatdan keçirib.
Bu barədə Gürcüstan KİV məlumat yayıb.
Hazırda o, hakim partiyanın prezidentliyə yeganə namizədidir. Müxalifət seçkilərdə iştirakdan imtina edir və öz namizədini açıqlamayıb, həmçinin onların seçkilərə qatılıb-qatılmayacağı hələ məlum deyil.
Namizədlərin qeydiyyatı müddəti dekabrın 8-də başa çatır.
Gürcüstanda prezident seçkiləri 14 dekabrda keçiriləcək, inauqurasiya mərasimi isə 29 dekabrda baş tutacaq. Ölkədə ilk dəfə olaraq yeni prezident beş illik müddət üçün seçicilər kollegiyası tərəfindən seçiləcək.
Ukrayna prezidenti Volodimir Zelenski bərpa işlərindən sonra Notr-Dam Kilsəsinin açılış mərasimində iştirak etmək üçün Parisə səfəri çərçivəsində ABŞ-ın yeni seçilmiş prezidenti Donald Tramp ilə görüş keçirə bilər.
TEREF xəbər verir ki, bu barədə AFP agentliyi məlumat yayıb.
Məlumatda bildirilir ki, Mərasimdə Fransa prezidenti Emmanuel Makron da daxil olmaqla, təxminən qırx dünya lideri iştirak edəcək.
“Zelenski Makronla görüşəcək və digər danışıqlar, o cümlədən Tramp ilə görüş ehtimalı da var”, – deyə yüksək rütbəli Ukrayna rəsmisi bildirib.(Musavat.com)
Türkiyə parlamentində təmsil olunan müxalif “DEVA”, “Səadət” və “Gələcək” partiyaları birləşərək fraksiya yaradıblar.
“Səadət” partiyasının başqanı Mahmud Arkan, “DEVA” partiyasının başqanı Əli Babacan və “Gələcək” partiyasının başqanı Əhməd Davudoğlu arasında keçirilmiş üçtərəfli görüşdə tərəflər “Demokratik Platforma” adlı fraksiyada birləşdiklərini elan ediblər.
Bundan əlavə, 3 partiyanın qarşıdan gələn seçkilər zamanı birgə fəaliyyət göstərməsi və ümumi proqram hazırlaması razılaşdırılıb.
Adı çəkilən müxalifət partiyalarının əməkdaşlığı Türkiyədə daha demokratik və islahat gündəmini inkişaf etdirmək məqsədi daşıyır.
Partiyaların birləşməsinin əsasını Ərdoğan administrasiyasının siyasətinə qarşı çıxmaq və yeni siyasi alternativ yaratmaq istəyi təşkil edir.
Xatırladaq ki, Əli Babacan və Əhməd Davudoğlu Türkiyənin keçmiş xarici işlər nazirləri olub. \\Redaktor.Az
Belarus və Rusiya İttifaq dövləti çərçivəsində təhlükəsizlik zəmanətləri haqqında dövlətlərarası saziş bağlayıblar.
“Report” BELTA-ya istinadən xəbər verir ki, sənədi dövlət başçıları Aleksandr Lukaşenko və Vladimir Putin Minskdə keçirilən İttifaq Dövlətinin Ali Dövlət Şurasının iclasında imzalayıblar.
“Bu saziş Rusiya və Belarusun təhlükəsizliyini etibarlı şəkildə qoruyacaq və dövlətlərimizin gələcək dinc və davamlı inkişafı üçün şərait yaradacaq”, - Putin görüşdə deyib.
O bildirib ki, saziş Rusiya və Belarusun müdafiəsini, suverenliyini, müstəqilliyini və konstitusiya quruluşunu, İttifaq dövlətinin ərazilərinin bütövlüyü və toxunulmazlığını və xarici sərhədinin qorunmasını təmin etmək üçün qarşılıqlı müttəfiqlik öhdəliklərini müəyyən edir.
“Söhbət həmçinin Belarus Prezidentinin təklifi ilə Belarus Respublikası ərazisində yerləşən Rusiyanın taktiki nüvə silahlarından gedir”, - Rusiya lideri vurğulayıb.
Onun sözlərinə görə, bu, Belarus və Rusiyanın ərazi bütövlüyünün pozulmasının qarşısını alacaq, suverenliyini və müstəqilliyini qoruyub saxlayacaq, ən əsası isə hər iki ölkə vətəndaşları üçün dinc həyat təminatı yaradacaq.
Lukaşenko isə öz növbəsində qeyd edib ki, hətta Belarus və Rusiyanın təhlükəsizlik sahəsində yeni sənədlər hazırlamaq niyyəti artıq Qərbdəki “tərəfdaşları” həyəcanlandırıb.