Yanvarın 24-də saat 11 radələrində paytaxtın Nizami rayonu, metronun “Koroğlu” stansiyasının qarşısındakı mağazalardan birində törədilən qətlin təfərrüatı məlum olub.

RTV-yə danışan hadisə şahidləri bildiriblər ki, qışqırıq səslərini eşidiblər:

“Mağazanın yaxınlığında dayanmışdıq. Əlində bıçaqla çıxdı, dedi yaxın gəlməyin”.

Ətraflı süjetdə:


Yanvarın 24-də saat 11 radələrində paytaxtın Nizami rayonu, “Koroğlu” metro stansiyasının qarşısındakı mağazalardan birində 1991-ci il təvəllüdlü Nurlan Məmmədovun öldürülməsi barədə rayon prokurorluğuna məlumat daxil olub.
Bu barədə Daxili İşlər Nazirliyi və Nizami Rayon Prokurorluğu birgə məlumat yayıb.

Bildirilib ki, araşdırma zamanı 1985-ci il təvəllüdlü Əhməd Hüseynovun aralarında yaranmış mübahisə zamanı Nurlan Məmmədova bıçaqla xəsarət yetirərək qəsdən öldürməsinə əsaslı şübhələr müəyyən edilib.

Hadisədən sonra Əhməd Hüseynov könüllü olaraq istintaqa təslim olub və şübhəli şəxs qismində tutulub.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmət ötən il ərzində bəzi aparıcı supermarketlər haqqında inzibati protokollar tərtib edib.

TEREF xəbər verir ki, supermarketlər haqqında inzibati protokolun tərtib edilməsinin səbəbi qida məhsulunu üzərində göstərilən qiymətdən baha satılmaları olub.

Qeyd edək ki, barəsində ən çox inzibati protokol tərtib olanan marketlər şəbəkəsi “Araz” supermarketləri olub. Bu supermarket haqqında il ərzində 7 protokol tərtib edilib.

Bundan başqa BRAVO (“Azərbaycan Supermarket” MMC) haqqında 5, “OBA Market” haqqında isə 4 protokol yazılıb. “Al Market”, “Bazarstore” və “BM Market”lər də haqqında protokol tərib edilən digər marketlər şəbəkələridir.

Supermarketlər barəsində 2023-cü ilin yanvar-dekabr ayları ərzində tərtib olunan inzibati xəta haqqında protokolların siyahısını təqdim edirik:


yeniavaz.com

“Uşaqların tərbiyəsi ilə valideyn məşğul olmalıdır. Çünki hər şey ailədən başlayır. Məgər uşaq anadan olanda məktəbdə dünyaya göz açır?! Tərbiyə evdən başlayır”.

Bu sözləri Yenisabah.az-a açıqlamasında tanınmış müğənni Akif İslamzadə deyib.

O, ötən gün Gəncədə 8-ci sinif şagirdinin qətlə yetirilməsindən sonra sosial şəbəkələrdə məktəblərlə bağlı yayılan müzakirələrə münasibət bildirib.

Xatırladaq ki, yanvarın 23-də səhər saatlarında Gəncə şəhəri M. P. Vaqif adına 8 nömrəli tam orta məktəbin XI sinif şagirdi Raul Rəhimov məktəbin önündə 17 yaşlı F. Şabanov tərəfindən bıçaqlanaraq öldürülüb. Fakta görə Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb. Polis əməkdaşlarının keçirdikləri əməliyyat-axtarış tədbirləri nəticəsində qətli törətməkdə şübhəli bilinən, 2007-ci il təvəllüdlü F. Şabanov saxlanılaraq istintaqa təqdim edilib.

Məsələyə münasibət bildirən A. İslamzadə söyləyib ki, bu gün valideynlər uşaqlarına nəzarət etmirlər:

“Bunun üçün isə vaxt olmalıdır. Ya valideynlərin özlərinə başları qarışıb və uşaqların başını buraxıb, ya da ki, çörəkpulu dalınca qaçırlar deyə axırda da belə olur. Bizim vaxtımızda uşağı məktəbə qoyanda müəllimə deyirdilər ki, “əti sənin, sümüyü mənim”. Uşaq da o təlim-tərbiyəni görüb böyüyürdü. İndi isə Avropada olan axmaq-axmaq nələr varsa, bizimkilər də baxıb təkrar edirlər. Ümumiyyətlə, təhsil sistemi bütövlükdə dəyişilməlidir. Çünki ata-anamızdan sonra bizim üçün ən müqəddəs obraz müəllim olub. Bir peşəni hörmətdən salmaq üçün onu adiləşdirmək lazımdır. Bu gün biz bir-birimizə “müəllim” deyirik, müəllimlərin cibinə pul basırıq. Ən dəhşətlisi isə budur ki, yuxarı sinif şagirdləri müəllimdən “ştuçnı” siqaret istəyirlər ki, ver, çəkim”.

Onun sözlərinə görə, bunun kökündə dayanan problem isə birdir:

“Təhsil sistemi dəyişdirilməlidir. Bizdəki təhsil sistemi Qərb təhsil sistemidir. Əvvəllər ruslara, onlardan da bizə keçib. Ona görə də bu təhsil sistemi kökündən dəyişilməlidir. Mən uşağı vurmağın tərəfdarı deyiləm, lakin, tutaq ki, müəllim uşağın qulağını burubsa, bunu problem etmək nəyə lazımdır? Yenə deyirəm, bütün təhsil sistemi dəyişilməlidir. Belə təhsil sistemi olmaz. Təlim-tərbiyə isə ailə və mühitdən başlayır”.

“Bu barədə bir misal çəkmək istəyirəm. Bir həftənin hadisəsidir. Dostumgilə gedirik, liftin qabağında gözləyirik. Bir nəfər 20-21 yaşında oğlan durub liftin qarşısında. Orada da 2-3 lift kabinəsi var. Oğlanın basdığı düymədə lift tez gəldi. Özü də başa düşdü ki, biz ona tərəf gedirik, hətta bizi də gördü. O, lifti saxlaya bilərdi, amma qalxdı yuxarı. İndi sual edirəm ki, bunun günahı kimdədir? Valideyn və məktəbdə. Bu cavan uşaqların belə günahlarının bir ucu gəlib bizə çıxır.

Bu problem bütün dünyada var. Bu dövrün adı da axır-zamandır. Bəşər tarixində bir Nuh peyğəmbərin dövründə belə mənəviyyatsızlıq olub, bir də indi. Allah o vaxtı bizi su ilə imtahana çəkdi, indi də, inşallah, odla imtahana çəkər. Çünki bu bəşər özünü doğrultmadı”, - deyə müsahibimiz fikirləriniz yekunlaşdırıb.+6

Son günlərdə sosial şəbəkələrdə içməli suyun kanalizasiya suyunun qarışması ilə bağlı məlumatlar yayılıb.

Maraqlıdır, bu məlumat nə dərəcədə doğrudur? Ümumiyyətlə vətəndaş içməli suyunun kanalizasiya suyu ilə qarışıb-qarışmadığını necə müəyyən edə bilər?

Məsələ ilə bağlı Azad İstehlakçılar Birliyinin sədri Eyyub Hüseynov Lent.az-a açıqlamasında bildirib ki, suyun təmizlənməsi normal səviyyədə gedir.
Onun sözlərinə görə, lakin su infrastrukturu o qədər köhnəlib ki, sudan qum və ya lil gəlir:

“Məlumdur ki, Bakıda su dörd atmosferlə vurulur. Kanalizasiya suyu isə öz axarı ilə gedir. Kanalizasiya suyunun içməli suya qarışması mümkün deyil. İçməli su kanalizasiya suyuna qarışa bilər. Çünki içməli su təzyiqlə vurulur. Amma kanalizasiya suyu heç vaxt içməli suya qarışa bilməz. Bur birmənalı şəkildə səhv düşüncədir. Çünki kanalizasiya suyunun qoxusundan onu müəyyən etmək olar. Vətəndaş içməli suyunun təmiz olub-olmadığını yoxlamaq üçün 1003-ə zəng edə bilərlər. Bununla yanaşı özəl laboratoriyalar Bakıda, orda da yoxlada bilərlər. Yalnız onu deyək ki, həmin testin cavabı hüquqi sayılmır”.

“Azəriqaz” İstehsalat Birliyi 7 ildir ki, yaşayış olmayan evə 140 manat borc yazdı.

Bunu Sonxeber.az-a müraciət edən Y.İ bildirib.

Y.İ qeyd edib ki, onun Sabunçu rayonun Zabrat qəsəbəsində yerləşən və 7 ildir ki, yaşamadığı evinə “Azəriqaz” İstehsalat Birliyinin işçiləri tərəfindən140 manat borc yazılıb:

“2020-ci ildə bizə mexaniki-elektron sayğac qoşdular. Bir neçə gün öncə telefonuma 140 manat borcumun olması ilə bağlı sms gəldi. Mən dərhal Zabrat qəsəbəsinin Ruslan Göyüşov 106 ünvanında yerləşən evimə getdim. Ora çatanda sayğacımın oğurlandığını gördüm. Mən dərhal “Azəriqaz” İstehsalat Birliyinin əməkdaşları ilə əlaqə saxladım. Onlar mənə sayğacımın noyabrın 28-nə kimi yerində olduğunu söylədilər. Hadisə yerinə gələn “Azəriqaz” İstehsalat Birliyinin əməkdaşları sayğacımın noyabrın 28-dən sonra oğurlana biləcəyini söylədi. Bundan əlavə mən “Azəriqaz” İstehsalat Birliyinin əməkdaşlarına bu evdə 7 ildir ki, yaşayış olmadığını və mənə necə 140 manat borc yazılma səbəbini soruşdum. Onlar mənə 2023-cü ilin 3-cü ayından qaz sərfiyyatının olduğu bildirdilər. Necə ola bilər ki, mənim 7 ildir ki, yaşamadığım evə 140 manat borc yazılır. Hər ay borcla bağlı göndərilməli olan sms də mənə bir neçə gün öncə sayğacım oğurlandıqdan sonra göndərildi. Qonşular sayğacın bir aydır ki yerində olmadığını bildirdilər. 7 ildir ki, o evdə yaşayış yoxdur. Əgər həqiqətən mənim borcum var idisə, niyə sayğac oğurlandıqdan sonra bu barədə mənə məlumat verdilər. Məsələ ilə bağlı mən artıq polisə də müraciət etmişəm”.

Məsələ ilə bağlı qarşı tərəfin mövqeyini dərc etməyə hazırıq.

“Zəfər” kurslarının Nərimanov filialında yanvarın 21-də keçirilmiş sınaq imtahanları zamanı xoşagəlməz hadisə yaşanıb.

TNS xəbər verir ki, buraxılış imtahanları əsasında sınaq imtahanında iştirak edən 11-ci sinif şagirdi olan yeniyetmə mobil telefonunu aidiyyəti üzrə nəzarətçiyə təqdim edib. Nəzarətçi isə telefonu mühafizəyə təhvil verib.

İmtahandan sonra telefonunu geri alan yeniyetmə bir az keçmiş telefonla üz qabığı arasına qoyduğu 20 manatın orada olmadığını görüb. O, dərhal kursla əlaqə saxlasa da, bildiriblər ki, bazar günü olduğundan imtahandan sonra hamı gedib, filialda heç kim qalmayıb. Məsləhət biliblər ki, ertəsi gün filiala yaxınlaşsın.

Ertəsi gün – yanvarın 22-də filiala gedən yeniyetməni xeyli gözlətdikdən sonra deyiblər ki, telefonun arxa hissəsində həqiqətən pulun olub-olmadığını müəyyənləşdirmək mümkün deyil. Buna görə məktəblinin 20 manatı qaytarılmayıb.

TNS hadisə ilə bağlı “Zəfər” kurslarının Nərimanov filialı ilə əlaqə saxlayıb. Kursdan bildirilib ki, telefonların mühafizə olunduğu otaqda kamera olmadığından məsələni dəqiqləşdirmək mümkün deyil: “İmtahanda yüzlərlə yeniyetmə iştirak edib, hamısının telefonu nəzarətçi tərəfindən toplanıb. O qədər telefonun arasında birinin arxasında pul olub-olmadığını necə müəyyənləşdirmək olar?”

Yeniyetmələrin təhvil verdiyi telefonlara hər hansı müdaxilənin qanunsuz olması barədə suala isə heç bir cavab verilməyib.

Tanınmış psixoloq Nizami Orucovun Bakının Nəsimi rayonu, Cavadxan küçəsi, 15 ünvanında 3 il 5 aydır, hərəkətsiz qalan avtomobilinə yazılan 290 manat cərimə Baş Dövlət Yol Polisi İdarəsi tərəfindən silinib.

N.Orucov bu barədə Pravda.az-a özü məlumat verib.

“Sosial şəbəkədə etdiyim müraciətimə Baş Dövlət Yol Polisi İdarəsi tərəfindən dərhal həmin gün cavab verildi. Sözün açığı, buna çox təəccübləndim ki, belə operativ əlaqə saxladılar. Həm Baş Dövlət Yol Polisi İdarəsinin Hərəkətin Təhlükəsizliyinin Təbliği və İctimai Qurumlarla Əlaqə şöbəsinin rəisi Rövşən Tağıyev, həm də Müayinə mərkəzinin baş dövlət avtomobil müfəttişi, polis mayoru Kamal Əhmədli mənimlə əlaqə saxladı. Ətraflı məlumat verdilər ki, niyə belə bir hadisə qeydə alınıb. İzah etdilər ki, “İ-Patrul” sistemi hərəkətdə oldu-olmadı, hansı vəziyyətdə olmasından asılı olmayaraq texniki baxışdan keçməyən bütün maşınların nömrələrini avtomatik oxuyub qeydə alır. Bildirdilər ki, texniki cəhətdən nasaz olduğu üçün həmin avtomobillə bağlı BDYPİ-yə məlumat verilməli idi, belə halda qeydiyyat nömrəsi cəriməyə düşməzdi. Həmçinin bildirdilər ki, çəkilişlər avtomatik baş verib, maşın istifadə edilmədiyi üçün qərarlara xitam veriləcək. Elə ilk iş günü, yəni yanvarın 22-də cərimələrlə bağlı qərarların hamısına xitam verildi. Mən də polis övladıyam, buna baxmayaraq, bilirəm ki, cəmiyyətimizdə polislər haqqında müəyyən stereotiplər çoxdur. Amma biləsiniz ki, tam qanun çərçivəsində hamısı həll olundu. Buna görə BDYPİ-nin rəhbərliyinə, əməkdaşlarına təşəkkürümü bildirirəm”, - o deyib.

15-ə yaxın kəndin sakinlərinin mütəmadi istifadə etdiyi Göyçay-Bərgüşad avtomobil yolu getdikcə bərbad hala düşür.

2017-ci ildə yolda təmir işləri start götürsə də, bu günə qədər başa çatmayıb.

Sürücülər də bu yararsız yoldan istifadə etmək məcburiyyətində qalırlar.

Onların sözünə görə, yolun bu vəziyyətdə olması səbəbindən tez-tez avtoqəzalar da baş verir.
Məsələ ilə əlaqədar Avtomabil Yolları Dövlət Agentliyinin mətbuat xidmətinin rəhbəri Anar Nəcəfli “Xəzər Xəbər”ə açıqlama verib.

Mövzu ilə bağlı daha ətraflı videomaterialı təqdim edirik: