 |
|
|
08.02.2024-cü il tarixində saat 17:50 radələrində Sumqayıt şəhərində yerləşən müəssisələrdən birində baş verən zəhərlənmə ilə bağlı Sumqayıt Tibb Mərkəzinin Təcili və Təxirəsalınmaz Tibbi Yardım Stansiyasının 4 briqadası hadisə yerinə cəlb edilib.
Bu barədə Sumqayıt Tibb Mərkəzinin İctimaiyyətlə əlaqələr bölməsinin müdiri Ramil Zeynallı bildirilib.
Qeyd olunub ki, hadisə nəticəsində 4 nəfər hospitalizasiya olunub. Dəm qazının toksiki təsiri diaqnozu ilə 1951, 1961, 1968 və 1996-cı il təvəllüdlü şəxslər (qadın cinsli) Təcili Tibbi Yardım Xəstəxanasına yerləşdiriliblər.
1996-cı il təvəllüdlü şəxsə Reanimasiya şöbəsində, digərlərinə isə Təcili yardım şöbəsində zəruri tibbi yardım göstərilib, vəziyyətləri orta ağır qiymətləndirilir.
***
Sumqayıtda istehsal müəssisələrindən birində kütləvi zəhərlənmə olub.
APA xəbər verir ki, müəssisədə işləyən 4 qadın – Behbudova Asudə Əşrəf qızı, Əliyeva Nuranə Pərviz qızı, Mahmudova Gülpəri İbrahim qızı və Yarmədova Simnarə Ağabəy qızının dəm qazından zəhərləndikləri bildirilir.
Zəhərlənənlər xəstəxanaya yerləşdirilib.
Fakt araşdırılır.
Ən yeni tarix. Maraqlı faktlar.
Riçard Xelms 1966-1973-cü illərdə ABŞ Mərkəzi Kəşfiyyat İdarəsinə rəhbərlik edib. O, kəşfiyyatçı kimi Amerika tarixinə olduqca populyar və maraqlı bir şəxs kimi düşüb. Hətta ölümündən sonra da Riçard Xelms amerikalıları təəccübləndirməyi bacarıb. Belə ki, 2023-cü ildə kəşfiyyat idarəsinin sabiq rəhbərinin qələmə aldığı xatirələrin birinci cildinin ABŞ Konqresində təqdimatı keçiriləndə Xelmsin həmin kitabdakı açıqlamaları tədbir iştirakçılarının təəccübünə səbəb olub.
Maraqlıdır, söhbət hansı açıqlamalardan, təəccübə səbəb olan hansı faktlardan gedib?
Xelms öz xatirələrində qeyd edib ki, 1970 ci ildə təkcə Amerikanın yox, bütün dünyanın ən məşhur simalarından birinə çevrilən Nil Armstronq SSRİ-yə qaçmağa cəhd edib. ABŞ vətəndaşı olan Nil Armstronq adını tarixə Ayın səthinə ilk qədəm qoyan şəxs kimi yazıb və eyni zamanda bu ilkə imza atmaqla öz ölkəsini, ABŞ-ı SSRİ-dən bir addım önə çəkib.
Qeyd edək ki, Nil Armstronq 1930-cu ildə Ohayo ştatının Uapkoneta şəhərində anadan olub. Gələcək astronavtın uşaqlıq illəri 20-dən artıq şəhərdə keçib. Atası audit vəzifəsində işlədiyindən ailə tez-tez onun xidməti işi ilə bağlı başqa-başqa şəhərlərə köçüb.
Nil Armstronq orta təhsilini başa vurduqdan sonra Perdyu Universitetinin Aviasiya sənayesi fakültəsində təhsil alıb, daha sonra təhsilini Massaçuset Texnologiya İnstitutunda davam etdirib.
ABŞ Hərbi Dəniz Qüvvələrində zabit kimi xidmət edən Nil Armstronq sınaqçı pilot vəzifəsində işləyib və reaktiv təyyarələri sınaqdan keçirib. Həmin ərəfədə Koreya müharibəsində iştirak edib. 78 dəfə döyüş uçuşu icra edən Nil Armstronq iki dəfə Qızıl ulduzla təltif olunub.
Nil Armstronq 1962-ci ildə ABŞ Aeronavtika və Kosmik Fəzanın Tədqiqi üzrə Milli İdarəsində (NASA) astronavtlar qrupuna qəbul edilib. 16 mart 1966-cı ildə “Cemini-8” kosmik gəmisinin komandiri kimi Skotla birlikdə kosmosa uçub. Uçuş 10 saat 40 dəqiqə davam edib.
1969-cu ilin 16-24 iyul tarixində isə onun orbitə ikinci uçuşu planlaşdırılıb. Orbitdə olduğu vaxtda 21 saat 36 dəqiqə Ay səthinin üzərində uçuş edən astronavt iyulun 21-də Ayın üzərinə enib. O, uçuş müddətinin 2 saat 31 dəqiqə 40 saniyəsini Ayın üzərində keçirib. İlk dəfə Ay səthinə insanın qədəm qoyması hadisəsi dünya mətbuatında möcüzə hadisə kimi işıqlandırılıb.
İlk dəfə Aya səfər edən astronavt bir ildən sonra, 24 may 1970-ci ildə SSRİ-yə səfər edib.
Siyasi ekspertlər Nil Armstronqun sosialist ölkəsinə səfərini ABŞ-la SSRİ-nin arasında olan soyuq münasibətlərə bir mülayimlik gətirən səfər kimi qiymətləndiriblər. Məhz tərəflərə məxsus “Appolon” və “Soyuz” kosmik gəmilərinin kosmosda “görüş”ünün layihəsinin ilk razılaşdırılmaları da Nil Armstronqun SSRİ-yə səfəri zamanı baş tutub.
Səfər çərçivəsində Nil Armstronq Leninqradda keçirilən Beynəlxalq Kosmik Tədqiqatlar Komitəsinin təşkil etdiyi konfransda iştirak edib. 30-dan artıq ölkənin nümayəndələrinin iştirak etdiyi tədbirdə ABŞ astronavtının məruzəsi böyük maraqla qarşılanıb.
Kommunist ölkəsinə səfər edən astronavt SSRİ-nin bir sıra şəhərlərini gəzib, maraqlı görüşlər keçirib. O, Lenin mavzoleyini ziyarət edib, Yuri Qaqarinin Kreml divarlarındakı xatirə lövhəsinin qarşısına gül dəstəsi düzüb, həmkarına ehtiramını bildirib.
Səfər çərçivəsində amerikalı astronavtın Leonid Brejnevlə görüşü də nəzərdə tutulub. Ancaq həmin ərəfədə baş katibin səhhətində yaranan ciddi problemlər bu görüşü təxirə salıb.
Baş katibin əvəzinə astronavtı SSRİ Nazirlər Sovetinin sədri Aleksey Kosıgin qəbul edib. Səmimi keçən görüşdə onların arasında maraqlı dialoq yaranıb. Kosıgin zarafatyana Armstronqdan soruşub:
- Siz ilk şəxssiniz ki, Aya düşmüsünüz. Necə düşünürsünüz, biz Ayda sosialist cəmiyyəti yarada biləcəyikmi?
Astronavtın baş nazirin sualını cavabsız qoymayıb:
- Sizin Yerdəki qurduğunuz sosialist cəmiyyəti bütün qalaktika üçün yetərlidir ki, tərəqqiyə doğru irəliləyək.
Armstronq SSRİ səfərindən Amerikaya xoş təəssüratlarla qayıdıb. Məhz elə bu səfərdən sonra o, SSRİ-yə qaçmağı haqqında düşünüb. Astronavt ən çox etibar etdiyi həmkarlarından birinə gələcək planları haqqında danışıb. “Həmkar” isə Mərkəzi Kəşfiyyat İdarəsinin gizli agentlərindən biri olub. O, Armstronqun planlarını dərhal idarəyə çatdırıb.
1970-ci ilin yay aylarında Armstronq Amerikanı hansı ərazidən tərk edəcəyini də dəqiqləşdirib. Ancaq o, son məqamda Mərkəzi Kəşfiyyat İdarəsinin əməkdaşları tərəfindən saxlanılanaq nəzarətə götürülüb. İstintaq zamanı Armstronq öz planlarını gizlətməyib:
“Mənim SSRİ-yə qaçmaq planım olub. Mən bunu gizlətmirəm. Amma siz bunun səbəbini də soruşmalısınız. Amerikada insanlar pul uğrunda mübarizə aparırlar. SSRİ-də isə tam fərqli bir mənzərədir. Bu ölkədə mənəvi dəyərlərə, insanın gələcək inkişafına daha çox diqqət yetirilir. Kim belə ölkədə yaşamaq istəməz?”
Bu hadisədən sonra Mərkəzi Kəşfiyyat İdarəsinin xüsusi nəzarətində saxlanılan Nil Armstronq 1971-ci ildə NASA-dan ayrılıb, ayrı-ayrı universitetlərdə mühazirələr söyləyib. Daha sonra o, fəaliyyətini biznesə yönəldib, “AIL Systems” şirkətinə rəhbərlik edib.
2012-ci ildə Nil Armstronqun ürəyində cərrahi əməliyyat aparılıb. Ancaq həkimlər onu xilas edə bilməyiblər. Aya ilk qədəm qoyan astronavt 82 yaşında vəfat edib.
İlham Cəmiloğlu.
Gürcüstanda leysan yağışların səbəb olduğu torpaq sürüşməsində həyatını itirənlərin sayı 11-ə çatıb.
KONKRET.az xarici KİV-ə istinadən xəbər verir ki, bu barədə Gürcüstan Daxili İşlər Nazirliyi açıqlama yayıb.
Açıqlamada İmereti bölgəsinin Bağdati Bələdiyyəsinin Nergeeti kəndində 200 nəfərlik axtarış-xilasetmə qrupunun işi nəticəsində 9 nəfərin cansız cəsədinin çıxarıldığı və torpaq altında qalanların hamısının tapıldığı üçün axtarışların sona çatdığı qeyd olunub.
Türkiyənin Zonquldak vilayətinin Kilimli rayonundakı mədəndə çökmə baş verib. Dağıntılar altında qalan iki işçidən biri xilas edilib.
Xilas edilən Erdem Yıldız Atatürk Dövlət Xəstəxanasına aparılıb. Digər işçi Murat Çetinkayanı xilas etmək üçün işlər davam edir.
Zonguldak valisi Osman Hacıbektaşoğlu mədənə gələrək əraziyə baxış keçirib.
Rusiyanın Kazan şəhərinin Yudino qəsəbəsində ağlı başında olmayan ata iki yaşlı qızını yaşayış binasının beşinci mərtəbəsinin pəncərəsindən heyətə atıb.
Körpə qızcığaz yalnız möcüzə nəticəsində sağ qalıb.
Qeyd olunub ki, uşaq mağazanın qalın qar qatı ilə örtülmüş çardağının üstünə düşdüyü üçün sağ qalıb.
Hadisənin şahidləri dərhal təcili tibbi yardım xidmətinə müraciət ediblər. Həkimlər gələnə qədər ətrafdakı insanlar uşağı çardaqdan endirərək onu donmağa qoymayıblar.
Uşaq xəstəxanaya çatdırılıb. Hüquq mühafizə orqanları qandonduran hadisəni törədən atanı saxlayıb. İnsidentin digər təfərrüatı araşdırılır.
Mənbə: KazanFirst
Mərkəzi Seçki Komissiyası Katibliyinin Seçkilər İnformasiya Mərkəzinin müdiri Fərid Orucov Azərbaycan Respublikası Prezidentinin seçkiləri ilə əlaqədar səsvermədə seçici fəallığı ilə bağlı yekun məlumatı açıqlayıb.
Fərid Orucov saat 19:00-a olan yekun məlumata görə, respublika üzrə seçicilərin 76.73 faizinin (4 milyon 971 min 32 nəfər) səs verdiyini bildirib.
Bildirilib ki, 125 seçki dairəsi üzrə 6537 seçki məntəqəsindən 6522-i hesabat verib.
Qeyd edək ki, növbədənkənar prezident seçkilərinə bu gün saat 08:00-da start verilib, seçkilər saat 19:00-da başa çatıb.
Azərbaycandakı Qərblə bağlı şəbəkənin seçki günü genişmiqyaslı gözdənsalma kampaniyasına hazırlaşdığını təsdiqləyən və bu istiqamətdə fəaliyyəti ifşa edən məlumatlar həndəsi silsilə ilə artmaqdadır.
Musavat.com Axar.az-a istinadən xəbər verir ki, yayılan ən son məlumatlarda bu prosesin Toplum TV-nin bazasında jurnalist Xədicə İsmayıl və Seçkilərin Monitorinqi və Demokratiyanın Tədrisi İB-nin sədri Anar Məmmədli vasitəsilə həyata keçirildiyi bildirilmişdi.
Qeyd edilirdi ki, Xədicə İsmayıl Bakı Jurnalistika Məktəbi nəzdində gənclərdən ibarət qrup formalaşdırır və bu qrupun əsas vəzifəsi seçki günü seçkilərin saxtalaşdırılacağına dəlalət edən faktların toplanması və yayılmasıdır. Gənclərə Gürcüstanda GİPA, Avropa ölkələrində pulsuz təhsilini davam etdirmək imkanları vəd edilir, onların seçki günü fəaliyyətinə böyük pullar xərclənir.
SMDT sədri Anar Məmmədlinin oxşar fəaliyyəti həyata keçirməsi üçün Qərb fondlarından böyük vəsait aldığı, bunun müqabilində onun 500 nəfərdən ibarət və bütün ölkə boyu fəaliyyət göstərəcək geniş şəbəkə yaradacağı, lakin üzərinə qoyulmuş vəzifənin öhdəsindən gəlmədiyi və cəmi 20 nəfərə yaxın qrup formalaşdırdığı, onların da əsasən radikal müxalifətin nümayəndələri olduğu bildirilmişdi. Məlumatda o da qeyd edilirdi ki, A.Məmmədli aldığı böyük məbləğdə qrantı mənimsədiyi və öz məqsədlərinə sərf etdiyinə görə indi çətin vəziyyətdədir.
Redaksiyamıza daxil olan son məlumatlar deyilənlərin yalan olmadığını və həqiqətən də Qərbdən maliyyələşən şəbəkə üzvlərinin, o cümlədən də Toplum TV və SMDT-nin bu istiqamət üzrə ardıcıl fəaliyyət göstərdiyini təsdiq edir. Bu məlumatlar sırasına səsvermə günü məntəqələrdə fəaliyyət göstərən gənclər üçün hazırlanmış iki təlimat xüsusi önəm kəsb edir. “Müşahidəçilər üçün davranış qaydaları ilə bağlı hazırlanmış Təlimat"da gənclərə seçki günü davranış qaydaları, hansı məsələlərə diqqət yetirilməsinin, nələrin videoya çəkilməsinin və s. məsələlərin vacib olduğu qeyd edilir.
Məsələn, bildirilir: “Sabah (yəni bu gün – red.) saat 7 tamamda artıq həmin məntəqədə olmaq lazımdır ki, prosesləri əvvəldən izləmək mümkün olsun. Mobil telefonların şarjını tam dolu saxlamaq və əgər varsa, poverbank götürmək. Sizdən kimliyindən asılı olmayaraq kimsə (hətta jurnalistlər belə soruşsa, fərq etmir) niyə və nə üçün, hansı maraqlar üçün müşahidəçi olduğunuzu sorarsa, hara ilə əməkdaşlıq etməyinizdən söz açmamağınız xüsusi xahiş olunur. Bu, hər iki tərəfin təhlükəsizliyi üçün vacibdir”.
Qrup üzvləri bütün texniki avadanlıqla təmin olunublar, onlara həmin texniki vasitələrlə necə davranmağın lazım olduğu göstərilib.
Diqqəti çəkən bir məqam da kifayət qədər ehtiyatlı davranmaq tövsiyəsidir ki, bu da ümumilikdə fəaliyyətin qeyri-leqal xarakter daşımasından irəli gəlir.
Daha sonra "seçki pozuntusu"nun necə lentə alınması barədə tövsiyələr verilir: “Əlbəttə ki, situasiya çətin ola bilər, lakin video çəkəndə telefonun əsməməsinə, fokus problemi olmamasına diqqət edin, topa bülleten və digər saxtakarlıqları edən şəxslərin üzünün videoda düşməsi lazımdır ki, ifşalamaq mümkün olsun. Videolar əsasən horizontal çəkilir, belə olması daha uyğundur, lakin bu hadisədən, həmin andan asılı olaraq, təbii olaraq dəyişə bilər. Qanunsuzluqlar əks olunan videoları çəkdikdən sonra dərhal qruplara atın və imkan daxilində qısa məlumatı (hansı məntəqə və dairədə olduğu, sizdən savayı yerli, yaxud beynəlxalq müşahidəçilərin reaksiyası, MSK nümayəndələrinin reaksiyası) yazılı, yaxud səsli şəkildə bölüşün”.
Deməli, qrup şəkilndə fəaliyyət göstərən “xəfiyyələr”ə həm də çəkilişlərin necə aparılması öyrədilir. Bu da onun üçün vacibdir ki, sonrakı mərhələdə bu görüntülər Qərbin aparıcı medialarına göndərildikdə onlar bundan istifadə edə bilsinlər. Çünki təlimatçılar çəkilişlərin standartlara uyğun olmadığı halda ciddi media tərəfindən yayımlanmayacağını çox yaxşı bilirlər.
Digər məqamların da aydın təsvir olunduğu bu təlimatda unutqanlıq problemi yaşayan “xəfiyyələrə” nə eləməyin lazım olduğu öyrədilir: “Diqqət problemləriniz varsa, kiçik kitabça götürə və diqqətçəkən məqamları qeyd edə bilərsiniz”. Həmçinin, həmin şəxslərə məntəqədən kənara çəkilməmək və 11 saat ərzində iş başında olmaq tapşırılır: “Yanınızda su və yeyəcək nəsə götürə bilərsiniz ki, yemək fasiləsi verib hansısa pozuntuları nəzərdən qaçırmaq ehtimalını minimuma endirəsiniz”.
Təlimatda səslərin sayılması zamanı nələr etmək lazım olduğu öyrədilir və təhlükəsizlik baxımından telefonda məlumat saxlamamaq və onları ötürdükdəın sonra silmək tapşırılır.
Cavid Nəbiyev adlı qeyri-ənənəvi seksual orientasiyaya malik digər təlimatçı isə qrupa aşağıdakı tövsiyələri verir:
“Seçkilərə az qalıb. Son hazırlıq üçün sizdən ricamız:
* göndərilən müşahidəçilik materiallarını bir daha təkrarlayın.
* məntəqə cütlükləri öz aralarında kommunikasiya qursun. Sabah hər cütlük seçkinin başlamasına 15-20 dəqiqə qalmış yerində olsun. Bu tədbir, workshop, seminar deyil. Qətiyyən gecikmək olmaz. Ciddi prosesdir və bu qədər əziyyətimiz hədər olmasın. Həm də vaxtında gəlin ki, məntəqə sədri başlanğıcda elan verəndə detalları unutmayasız və ilk seçicidən səsvermə aktivliyini hesablaya biləsiniz.
* Gün ərzində 2 dəfə sizə snack və su tədarükü edəcəyik. Bununla bağlı əlavə məlumat veriləcək.
* Hər birinizə poverbank tədarükü görülüb. Sabah 11-12 arası ilk snacklar çatdırılanda həmin poverbanklar da sizə veriləcək. Siz evdən çıxanda telefonunuzu tam yükləyin və özünüzlə “charging” kabeli də götürün. Poverbankların usb və tpc girişləri var.
Hər birinizə *50 azn* göndərildi (1 nəfərdən başqa). Bu sizin seçki günü "basic" (əsas - red.) ehtiyaclarınızı qarşılamaq üçün dəstəkdir. Məsələn, məntəqədə vaxtında olmaq üçün taksi tutub gəlməyiniz-filan. Seçkidən sonra hər birinizlə görüşüb həm protokollarınızı, həm də sizə veriləcək poverbankları təhvil alanda sizdən invoice formaya, yəni 50 azn almağı təsdiqləmək üçün kağıza imza atmağınızı istəyəcəm”.
Beləliklə, digər bir qrupun üzvlərinə kommunikasiyanın necə qurulması, hansı proqramlarla iş aparılması, yemək, verilən pul və s. barədə məlumat verilir.
Hazırda redaksiyamızda müxtəlif qruplar üzrə fəaliyyət göstərən şəxslər barədə ətraflı məlumat da var. Məsələn, SMDT-nin qrupuna 16 nəfər daxildir. Onlar Bakı, Gəncə, Yevlax şəhərlərində, Beyləqan, Kürdəmir, Ağdam, Lənkəran, Şəmkir, Daşkəsən və Cəlilabad rayonlarında fəaliyyət göstərirlər. Həmin şəxslərin adları, fəaliyyət növü, ev ünvanları və hətta telefonları barədə belə məlumatlar var.
Bakının Yasamal rayonunda toplaşmış digər bir qrupa 10 nəfər daxildir. Onlar Bakı, Gəncə, Yevlax şəhərləri, Abşeron, Lənkəran, Şəki, Neftçala rayonlarında fəaliyyət göstərirlər. Bu qrup üzvləri haqqında da redaksiyamıza dəqiq məlumat verilib.
Müəyyən etdiyimiz üçüncü qrup isə Toplum TV-nin nəzdində hazırlanmış və gənc jurnalistlərdən ibarət qrupdur. Onu da qeyd edək ki, Xədicə İsmayılın rəhbərliyi ilə hazırlanan bu qrup başlanğıcda xeyli gənc cəlb edə bilsə də, sonrakı mıərhələdə onların tam əksəriyyəti təlimləri tərk edib. Hazırda qrupun cəmi 5 üzvü var. Bakı şəhəri, Ağdam, Daşkəsən, Şabran və Quba rayonlarında fəaliyyət göstərən bu qrup üzvlərinin qarşısına da yuxarıda təsvir olunan vəzifələr qoyulub.
Əlavə edək ki, bu təxribat qruplarını ölkədən kənarda yaşayan məlum dəstə sosial şəbəkədəki kanalları vasitəsilə açıq çağırışlarla “motivasiya” edir. Bu dəstə də bəlli yerlərdən aldıqları qrantlarla onları qızışdırır və birdəfəlik vasitə kimi istifadə etməyə çalışır, hətta toqquşmaya getməyə təhrik edir.
Redaksiyaya qrup üzvləri, eyni zamanda onların təhrikçiləri haqda detallı məlumat da daxil olub və ehtiyac yaranacağı halda dərc edəcəyik.
Bu gün Milli Qəhrəman Mübariz İbrahimovun doğum günüdür.
Oxu.Az xatırladır ki, Mübariz Ağakərim oğlu İbrahimov 1988-ci il fevralın 7-də Biləsuvarın Əliabad kəndində anadan olub.
1994-cü il şəhid M.Piriyev adına Əliabad kənd orta məktəbinin 1-ci sinfinə daxil olaraq 2005-ci ildə orada orta təhsilini başa vurub.
Həmin il həqiqi hərbi xidmətə çağırılıb. Əsgəri xidmətini Daxili Qoşunların “N” saylı hərbi hissəsinin Xüsusi Təyinatlı Bölüyündə keçib. Həqiqi hərbi xidmətini 2007-ci ildə çavuş rütbəsi ilə başa vurub.
2009-cu ilin avqust ayında yenidən gizir rütbəsində hərbi xidmətdə çalışmağa başlayıb. Bir müddət sonra öz arzusu ilə təyinatı cəbhə bölgəsindəki hərbi hissələrdən birinə edilib.
19 iyun 2010-cu il tarixində gecə saat 23:30 radələrində gizir Mübariz İbrahimov təkbaşına Ermənistan silahlı qüvvələrinin çox sayda əsgər və zabitini gözlənilməz həmlə ilə məhv edib. Sonra isə düşmənin öz silahlarını özünə qarşı istifadə edərək beş saat onlarla təkbətək döyüşüb, düşməni ağır itkilərə məruz qoyub. O, səhər saatlarında döyüşdə qəhrəmancasına şəhid olub.
Azərbaycan Prezidenti İlham Əliyev Azərbaycan Milli Ordusunun giziri Mübariz Ağakərim oğlu İbrahimova “Azərbaycanın Milli Qəhrəmanı” adının (ölümündən sonra) verilməsi barədə sərəncam imzalayıb. Şəhid gizirə bu ad Azərbaycan Respublikasının müstəqilliyinin və ərazi bütövlüyünün qorunub saxlanılmasında müstəsna xidmətinə və göstərdiyi rəşadətə görə verilib.
Biləsuvar şəhərində lisey-məktəb kompleksi və küçə onun adını daşıyır. 2008-ci ildə Azərbaycan Müdafiə Sənayesi Nazirliyinin istehsal etdiyi “İstiqlal” snayper tüfəngləri ailəsindən olan 12.7 mm çaplı ikinci tüfəng onun şərəfinə “Mübariz” adlandırılıb.
2014-cü ildə Kanadanın Ottava şəhərində yerləşən Minto Parkında Mübariz İbrahimov adına xatirə lövhəsi vurulub.
2016-cı ildə Sumqayıtda küçələrdən birinə Milli Qəhrəman Mübariz İbrahimovun adı verilib.
2016-cı ildə Azərbaycan Dövlət Neft və Sənaye Universitetində heykəli ucaldılıb.
Türkiyənin İstanbul şəhərində məhkəmə binası yaxınlığında baş verən atışma ilə bağlı 34 şübhəli saxlanılıb.
Sfera.az xəbər verir ki, bu barədə Türkiyənin ədliyyə naziri Yılmaz Tunç açıqlama verib.
“Hazırda bizdə 34 şübhəli var. Beş prokuror və baş prokurorun müavini baş verənlərin bütün təfərrüatlarını öyrənirlər”, - Tunç jurnalistlərə bildirib.
Ötən il Konstitusiya Məhkəməsinin hakimi Ceyhun Qaracayevin konstitusiya hüququ üzrə dərsliyi nəşr olunub. Aldım, vərəqlədim və dəhşətə gəldim.
84-cü səhifədə yazır ki, Bayraq meydanındakı bayrağımız dünyada ən böyük bayraqlardan biridir (2017-ci ildən yoxdur axı orada!).
600 səhifəlik kitabda bir dənə olsun istinad yoxdur. Ramiz Mehdiyevdən (s. 77) tutmuş hüquq alimlərinədək sitatlar gətirir, amma istinad vermir.
62-ci səhifədən başlanan “Müasir Azərbaycan konstitusionalizminin mənşəyi” adlı paraqraf Azıx mağarasından başlayır. Hətta deyir ki, “Monqol imperiyasının konstitusiya aktlarının əsilləri müasir dövrədək gəlib çatmayıb” (yəqin kserosurətini hardansa tapıb). Adam konstitusiya hüququ üzrə elmlər doktorudur, amma konstitusion quruluşun (insan haqları və hakimiyyətlərin bölünməsinə söykənən quruluşun) nə olduğunu bilmir.
63-cü səhifədə yazır ki, Azərbaycan milləti Atropatenada (eramızdan əvvəl) formalaşmağa başlayıb, 64-cü səhifədə isə deyir ki, Səlcuqların gəlişi (XI əsr) ilə əhalinin türkləşməsi və Azərbaycan etnosonun formalaşması başlandı.
104-cü səhifədə yazır ki, referendumda qanunlar (əslində referendum aktı!), hansısa yerli sovetlər (əslində bələdiyyələr) və parlament (əslində, o, ancaq qanun qəbul edir) tərəfindən isə alt qanunlar qəbul oluna bilər. Yəni normativ hüquqi aktların təsnifatından belə xəbəri yoxdur!
Kitabda Naxçıvan və onun konstitusiya hüququ haqda heç nə yoxdur. Sanki muxtar respublikamız yoxdur.
Və daha nələr və nələr. Aliminə, müəlliminə, Konstitusiya Məhkəməsinin hakiminə bax millətimin...
P.S. İndi başa düşdünüz də, niyə ədliyyə naziri və Konstitusiya Məhkəməsinin sədri yazdıqları kitabları gizlədirlər. Heç kitabxanada da tapmaq olmur!
Əkrəm Həsənov - dia-az.info