Bakıdakı “Karaca” mağazalar şəbəkəsi vətəndaşları aldatmaqla məşğuldur.

TEREF.AZ xəbər verir ki, vətəndaşların Yenicag.az-a ünvanladıqları şikayətə görə, şirkətin endirim kampaniyası saxtadır.

Belə ki, şirkətin elan etdiyi 70 faiz endirim kampaniyasına aldanıb məhsul seçən müştəri kassaya yaxınlaşdığı zaman tamam fərqli qiymətlə qarşılaşır.

Mağazada məhsulun üzərinə 599 AZN yazılır, müştəri məhsulu götürüb, kassaya gələndə deyirlər ki, 1400 AZN-dir. Müştərinin “məhsulun üzərində başqa qiymət yazılıb” iradına isə satıcıların cavabı “bu məhsul kampaniyadan çıxarılıb, başqa məhsullarımıza endirim edilib” olur. Bu təkcə aldatmaq yox, həm də qanunvericiliyin pozulması deməkdir.

Məsələ ondadır ki, problem təkcə dəyişkən qiymətlərlə də bağlı deyil. Belə ki, mağazalar şəbəkəsinin menecerləri müştərilərlə həqarətlə danışıb onları aşağılayırlar. Müştəri məhsulun qiymətindən narazılığını bildirəndə menecerlər: “İstəmirsinizaə çıxın mağazadan, gedin nə istəyirsinizsə, edin, hara istəyirsinizsə, yazın” tipli aşağılayıcı, həqarət dolu cavab verirlər.

Maraqlıdır ki, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti mağazalar şəbəkəsinin bu cür davranışı qarşısında heç bir tədbir görmür. Belə olan halda, sual yaranır: “Karaca” mağazalar şəbəkəsinin arxasında kim durur ki, onlar həm müştərini saxta endirimlə aldadır, həm də vətəndaşları aşağılaya bilirlər?!

Bu məsələdə diqqət çəkilməli olan bir nüans da var. Əgər hansısa məhsul endirim kampaniyasından çıxarılıbsa, əməkdaşların ondan mütləq xəbəri olmalıdır. Əməkdaşlar özləri belə etiraf edirlər ki, endirim kampaniyasından çıxan məhsul haqqında məlumatları yoxdur. Bu həm də o anlama gəlir ki, mağazalar şəbəkəsi müştərilərlə yanaşı, əməkdaşlarını da aldatmaqla məşğuldur. Dolayısı ilə əməkdaşlarla müştərilər üz-üzə qalır.

Qanunvericiliyə görə, saxta endirimlər özü də məsuliyyət yaradan haldır.

“Karaca” mağazalar şəbəkəsi həm saxta endirimlərlə müştəriləri aldadır, həm də mağazalar şəbəkəsinin menecerləri onları aşağılayır. Dövlət qurumları isə bu cür hallar qarşısında susmaqda davam edir…

Əmlak məsələləri Dövlət Xidməti hazırda ölkədə formalaşdırılan 1606 bələdiyyədən 1060-na xəritələrin təqdim etdiyini elan edib. Bununla yanaşı 120 bələdiyyənn xəritəsinin üzərində işlərin getdiyini bildirib. Bizim bu istiqamətdə apardığımız araşdırmalardan belə qənətə gəlmək olar ki, qeyd edilən 1060 rəqəmi heç də bir reallığı əks etdirmir. Bakı şəhərində formalaşan 53 bələdiyyənin heç birinə, ümumiyyətlə, xəritələr təqdim edilməyib. Onu deməyi özümə borc bilirəm deyim ki, təsdiq edilərək bələdiyyələrə təqdim edilən xəritələrin xeyli hissəsi problemlidir. Bir çox hallarda çıxılmaz vəziyyətdə qalan bələdiyyə sədrləri məcburiyyət qarşısında qalaraq xəritəni qəbul etmək zorunda qalıblar. Ən ağrılı problem isə xəritələrə bələdiyyə mülkiyyətinə aid torpaqların məhdud şəkildə qeyd edılməsidir. Əksər ərazilər konkret olaraq dövlət torpağı kimi göstərildiyindən artıq indidən bələdiyyələrə süni problem yaradıldığını ehtimal etmək olar. Yəni dövlət torpaqlarında fəaliyyət göstərən sahibkarlıq subyektləri istər-istəməz torpaq vergisini də fiziki şəxs olaraq dövlət büdcəsinə ödəməli olacaqlar.

İndisə hər kəsi narahat edən bir məsələyə toxunmaq istərdim. Yəni vətəndaş fərdi yaşayış sahəsi üçün bələdiyyəyə müraciət etdikdən sonra proses necə getməlidir və bu məqamda ləngimələr hansı istansiyada baş verir.
Ətraflı


Demək vətəndaş bələdiyyəyə müraciət etdikdə bələdiyyə vətəndaşa satmaq niyyətində olduğu torpağı xəritəsi təqdim edilmədiyi üçün ilk növbədə özü tanıtdırmalı və çıxarış almalıdır. Bunun üçün ilk olaraq "Daşınmaz Əmlakın Dövlət Kadastrı və Reyestri" publik hüquqi şəxsə və rayon icra hakimiyyətinin memarlıq şöbəsinə rəy verilməsi üçün müraciət edir. Bələdiyyənin təqdim etdiyi ərazinin kadastr xidmətinin əməkdaşı dörd nöqtə üzərində torpaq sahəsiylə bağlı bütün məlumatları toplayır və bələdiyyəyə təqdim edir. Bu xidmət pulludur və son illərdə xidmət haqqı 60 manatdan 236 manatdək artırılıb. Təəssüf ki, hansı səbəbdən tariflərin artırlıması məlum olmasa da hər halda keyfiyyət dəyişikliyi baş verməyib. Bundan sonra bələdiyyə öz növbəsində icra hakimiyyətinin memarlıq şöbəsinin rəyini, həm də “kadastr”dan aldığı cavabı çıxarış alınması üçün yenidən "Daşınmaz Əmlakın Dövlət Kadastrı və Reyestri" publik hüquqi şəxsə göndərir. “Resyestr” isə öz növbəsində daxili təlimata əsasən Əmlak məsələləri Dövlət Xidmətinə rəyin verilməsi üçün göndərir. Əlavə edim ki, bir sıra RİH başçlarının rəyləri hansısa maraq naminə ləngitdiyi barədə məlumatlar da eşidilməkdədir. ƏMDX bu rəyi torpaqların dövlət idarəetməsinin təşkili və geodeziya şöbəsi verir. Onu da xatırladaq ki, əvvəllər o rəyi çox az müddət ərzində fəaliyyət gostərmiş və özünü döğrultmadığına görə ötən il Prezidentin fərmanıyla ləğv edilmiş Torpaqların Dövlət İdarəetməsinin Təşkili üzrə Dövlət Agentliyi veirirdi.

Beləliklə, bələdiyyənin vətəndaşa satmaq niyyətində olduğu on sot torpaq sahəsinə görə sənədlər bir xidmətin müxtəlif instansiyalarında dolaşır, əslində isə “dolaşdırılır”. Üstəlik bələdiyyənin “kadastr” xidmətinə görə 236 manat, “reyestr”dən çıxarışa görə 226 manat, üstəlik “forma 1” arayışınıa görə isə 130 manata ödəməli olur. Əalvə edim ki, “forma 1” arayışının qiyməti 40 manatdan 130 manatadək artırılıb.

Əslində bələdiyyənin “kadastr” və “reyestrdən” elə də narazılığı yoxdur. Bələdiyyələrin və vətəndaşalrın əsas narazılığı Əmlak məsələləri Dövlət xidmətindən verilən rəylərin vaxtında verilməməsiylə bağlıdır. Əslində o rəyə heç ehtiyacda yoxdur. Bir haldaki bir bazada bütün məlumatlar görünürsə yenidən rəsmi cavabın verilməsinə nə ehtiyac var?

Beləliklə, hər vəchlə proses ləngidilir. Niyə ləngidirlir, bunun səbəbini özlərindən başqa bir kimsə bilmir. Nəticədə vətəndaş bələdiyyədən narazı qalır. Bələdiyyə isə vətəndaşa prosesin ondan asılı deyil, məhz Əmlak məsələləri Dövlət Xidmətinin yaratdığını izah etsə də mənası olmur, çünki vətəndaş ilk olaraq bələdiyyəyə müraciət edib və torpağı də bələdiyyədən alır.

Beləliklə, Əmlak məsələləri Dövlət Xidmətinin müvafiq qurumlarının “keyfiyyətli və operativ” fəaliyyəti bələdiyyənin sakinlə qarşı qarşıya qoyur. Bu prosesdə əsas narazılıq Əmlak məsələləri Dövlət Xidmətinin özündən və bəzi icra hakimiyyəti başçısı aparatının memarlıq şöbəsindən gedir. Ən maraqlısı odur ki, şəhid və qazi ailələri müraciət etdikdə bələdiyyə bütün prosesləri təmənnasız edir, yəni rüsumu bələdiyyə öz vəsaiti hesabına etdiyi halda Əmlak məsələləri Dövlət Xidməti torpağın şəhiq və qazi ailəsinə satılacağını bidliyi halda bələdiyyədən o rüsumları alır, yəni güzəşt tətbiq etmir. Maraqlıdır ki, xidmət bununla bağlı Tarif Şurasına niyə təkliflə çıxış edib bu məsələsi qaldırıb öz reytinqini artırmır. Hər halda təklif irəli sürülsə yaxşı olardı.

Beləliklə, məsələ ondadır ki, Əmlak məsələləri Dövlət Xidmətində bələdiyyələrə xəritələrin verilməsindən başlamış, vahid elektron xəritə bazasının hələ də formalaşdırılmaması nəticə etibariylə probemi artırmaqdadır. Necə ola bilər ki, xidmətin bir qurumundakı xəritəsi ilə digər bir qurumdakı xəritələr arasında fərq olsun. Və ya şəhərin mərkəzində örüş sahəsi necə ola bilər...
Fakt odur ki, ciddi problemlər var. Və bu problemlərin bir çoxunu süni şəkildə yaradılan problemlər olduğunu da gəlin etiraf edək.

Sual olunur. Niyə İqtisadiyyat Nazirliyinin bir qurumu və əvvəllər neqativlə dolu fəaliyyəti ilə seçilən Dövlət Vergi Xidmətinin fəaliyyəti bu gün qənaətbəxş hesab olunur və digər orqanlara örnək göstərlir, əksinə Nazirliyinin Əmlak məsələləri Dövləti Xidmətində əyər-əskiklər düzəlmək bilmir. Halbuki bununla bağlı Azərbaycan Prezidenti İlham Əliyevin 26 iyun 2021 tarixli imzaladığı Fərmanı əslində bu qurumun fəaliyətində dönüş yaratmalıydı. Amma təəssüf edirəm ki, hələ bu dönüş hiss edilmir. Nəticə də vətəndaş narazı qalır və təəssüf ki narazlığı artmaqdadır. Ümumiyyətlə, ilkin çıxarışın verilməsində bu qədər süründürməçilik kimə lazımdır? Bunu bir pəncərə sistemiylə həll etmək olmazmı? Bu qədər ötür-ötür oyunun saxlanılması kimə xidmət edir. Bilən varmı?
Yeri gəlmişkən, məhz cənab Prezidentin adıçəkilən Fərmanından sonra Əmlak məsələləri Dövlət Xidməti paytaxtın Təbriz küçəsi 10 ünvanında yerləşən Nərimanov bələdiyyəsinin inzibati binasına on beş gün ərzində binaya heç bir aidyyəti olmayan şəxsə çıxarış. Maraqlıdır ki, çıxarış bina söküləndən sonra verilib. Üstəlik bina söküldüyündən ƏMDX həmin şəxsə texniki pasport belə verə bilməyib.
Rəy verilməsi üçün bələdiyyələri aylarla gözlədildiyi halda, Əmlak məsələləri Dövlət Xidməti tərəfindən hansısa “şəxsə” on beş gün ərzində tələm-tələsik çıxarış verilir. Budurmu Prezident Fərmanının icrası. Nə isə...

Bizim məqsədimiz cənab Prezidentin irəli sürdüyü əsas məqamı, yəni “məmur xalqın xidmətçisidir” fikrini bir daha müəyyən orqanların diqqətinə çatdırmaq və bu fikrin real olması üçün bütün qurumların çalışmasına nail olmaqdır.

Düşünürəm ki, hörmətli Mikayıl Cabbarov digər sahələrdə yaratdığı şəffaflığı və sistemi Əmlak məsələləri Dövlət Xidmətində də yaradacaqdır. Buna qəti əminəm...
Vüqar Tofiqli
“Bələdiyyələrin fəaliyyətinin təbliği” İctimai birliyinin sədri

İranlı zəvvarları daşıyan avtobus İraqda partladı.

"Unikal" xəbər verir ki, partlayışda 11 nəfər ölüb, 30 nəfər yaralanıb.


İranın Qızıl Aypara Cəmiyyətinin sədri Pirhəsən Kolivənd bildirib ki, İraqın Babil əyalətinin Şoumli şəhərində yanacaqdoldurma stansiyasında bir avobusun partlaması nəticəsində 11 iranlı zəvvar həyatını itirib, 30 zəvvar isə yaralanıb.

"Vəkillər Kollegiyasının Rəyasət Heyəti olaraq əsassız şaiyələrə, yalan məlumatlara, uydurma xəbərlərə əhəmiyyət vermədən hər zaman çalışırıq obyektiv olaq. Bütün məsələlərdə yalnız və yalnız mötəbər faktlara və qanuna söykənərək rəyimizi bildirmişik. Vəkillər də, cəmiyyətimiz də yaxşı bilir və dəfələrlə şahidi olub ki, vəkillərin fəaliyyətinə müdaxilə, onlara qarşı qanunazidd hərəkətlər olanda Kollegiya həmişə öz üzvlərini publik qaydada və təsirli müdafiə edir, bununla bağlı bir çox misallar çəkmək olar. Vəkil Elçin Sadıqovun həbsi ilə bağlı məsələ də Vəkillər Kollegiyası olaraq diqqətimizdədir. Azərbaycan hüquqi dövlətdir və əminəm ki, bütün məsələlərə qanunauyğun olaraq hüquqi qiymət veriləcək".

Bunu e-huquq.az-a açıqlamasında Vəkillər Kollegiyasının sədri Anar Bağırov vəkil Elçin Sadıqovun həbsinə münasibət bildirərkən deyib.

A. Bağırov bildirib ki, qüvvədə olan “Vəkillər və vəkillik fəaliyyəti haqqında” qanunun tələblərinə görə vəkillərin toxunulmazlıq hüququ yoxdur. Vəkillər barəsində cinayət təqibi başlanıla və qüvvədə olan qanunvericiliyə əsasən aparıla bilər. Vəkilin həbsinə gəldikdə isə, A. Bağırov qeyd edib ki, onun cinayət məsuliyyətinə cəlb edilməsi ilə bağlı “Vəkillər və vəkillik fəaliyyəti haqqında” qanunun 7-ci maddəsinə uyğun olaraq Vəkillər Kollegiyasının Rəyasət Heyətinə rəsmi qaydada məlumat verilib: "Burada qanunun tələblərinə riayət olunmuşdur və hər hansı pozuntu mövcud deyil. Bunu mən rəsmən bəyan edirəm. Bildiyiniz kimi, Qanuna görə, vəkillər fərdi qaydada, vəkil bürolarında, hüquq firmalarında və ya məsləhətxanalarda fəaliyyət göstərə bilərlər. Elçin Sadıqov fərdi qaydada fəaliyyət göstərən vəkildir və uzun müddət Göygöl şəhərində fərdi qaydada fəaliyyət göstərib. Lakin 2021-ci ilin dekabr ayının 1-dən etibarən Elçin Sadıqov fəaliyyətini Bakı şəhərində davam etdirmək istəyilə bağlı Vəkillər Kollegiyasına müraciət edib. Rəyasət Heyətinin 1 dekabr 2021-ci il qərarına əsasən Elçin Sadıqov Bakı şəhəri Binəqədi rayonu, Ə.Naxçıvanski küçəsi 44, mənzil 18-də vəkil kimi fəaliyyət göstərib. Vəkillər Kollegiyasının Rəyasət Heyəti də buna etiraz etməyib və bu ünvan reyestrdə öz əksini tapıb. Məndə olan dəqiq məlumata görə, həmin ünvanda yəni, vəkilin qeydiyyatda olduğu ofisdə heç bir axtarış, sənədlərin götürülməsi və hər hansı prosessual tədbirlər həyata keçirilməyib. Yəni, bizdə olan məlumat budur. Bizə vəkilin başqa ofisinin mövcudluğu barədə vəkilin özü tərəfindən heç bir məlumat təqdim edilməyib".

O qeyd edib ki, KİV-lərdə vəkilin ofisində axtarış aparılması haqqında məlumatlar həqiqəti əks etdirmir.

Türkiyənin İstanbul şəhərinin Avcılar səmtində metrobus qəzası baş verib.

Məlumata görə əvvəlcə metrobus toqquşub. Ardınca isə daha iki metrobus qəza edən nəqliyyat vasitələrinə çırpılıb.

Qəza səbəbilə hadisə yerinə çoxlu sayda qruplar sövq edilib. Qəza yerində xilasetmə işləri davam edir. İlkin məlumatlara görə, 85 yaralının olduğu qəzada təxliyyə əməliyyatları aparılır.

Sağ qalanlar arasında şüşələri sındırmağa cəhd edənlər və sınmış pəncərələrdən tullananlar da olub.

Qapalı vəziyyətdə qalan iki vətəndaş xəstəxanaya çatdırılıb. Bəzi vətəndaşların ağır yaralandığı qeyd edilir.


Mənbə: CNNTürk

Neftçilər metrostansiyanın giriş hissəsində azyaşlının qarşısına qab qoyaraq dilənməsi ilə bağlı foto yayılıb.

Məlumata görə, uşağa yaxınlaşaraq hərəkətinin səbəbini soruşmaq istənilsə də, bu an yaxınlıqda olan anasının sərt reaksiya verib. Uşağın anası dilənən uşağın fotosunu çəkən şəxsə əl-qol atıb.

Məsələ ilə bağlı Daxili İşlər Nazirliyinin mətbuat xidmətinin əməkdaşı, polis mayoru Anar Qafarov Yenisabah.az-a bildirib ki, qısa vaxt ərzində məsələni araşdırdıqdan sonra azyaşlının valideynləri müəyyən olunub və polis şöbəsinə dəvət ediliblər:

“Onların Yevlax rayon sakinləri olduğu müəyyən olunub, azyaşlını dilənçiliyə cəlb edən valideynlər barəsində qanunauyğun tədbir görülüb”.

Paytaxtın Yasamal rayonu Əli Bəy Hüseynzadə 53 ünvanında tikinti şirkəti tərəfindən vətəndaşa məxsus obyektin dağıdıldığı iddia edilir.

Obyekt sahibi Eldar Rzayev Baku TV-yə bildirib ki, şirkət ərazidə bina tikintisi zamanı onun razılığı olmadan əmlakını yararsız hala salıb.

E.Rzayev məsələ ilə bağlı məhkəməyə müraciət edib və onun xeyrinə qərar çıxardılıb.

Qərara əsasən, ya zərəçəkənin dağıdılmış əmlakı təmir edilməlidir, ya da dəyən maddi ziyan ödənilməlidir.

E.Rzayev qeyd edib ki, sözügedən şirkət məhkəmənin qərarına əməl etmir.

Ərazidə yaşayan sakinlər də həmin şirkətin qanunsuz əməllərindən şikayətçidirlər.

Daha ətraflı süjetdə: