 |
|
|
Ləğv olunmuş Milli Təhlükəsizlik Nazirliyinin hazırda həbsdə olan sabiq şöbə rəisi Sahib Ələkbərov Bakı Apellyasiya Məhkəməsindəki çıxışı zamanı Baş Prokurorluğun keçmiş rəhbərliyinə bir sıra ittihamlar səsləndirib.
Sahib Ələkbərov deyib ki, onunla bərabər Zakir Qaralov və Rüstəm Usubov da cinayət məsuliyyətinə cəlb olunmalıdır.
Ələkbərov, Prokurorluqa ona qarşı ittihamların arxasında qisasçılıq hissinin olduğunu deyib. Əlavə edib ki, baş prokurorun birinci müavini Rüstəm Usubov vaxtilə Hacı Məmmədov cinayətlərində ondan ifadə ifadə aldığı üçün ondan qisas alır.
Gununsesi.info Sahib Ələkbərovun müstəntiq kimi Rüstəm Usubovdan aldığı ifadəni əldə edib.
Həmin ifadənin bir hissəsini təqdim edirik:
Azərbaycan Respublikası MTN İstintaq idarəsinin mühüm işlər üzrə baş müstəntiqi ədliyyə polkovnik-leytenantı S.Y.Oləkbərov, 404/87958 saylı cinayət işinin istintaqı ilə əlaqədar olaraq, Azərbaycan Respublikası CPM-nin 227 va 230-cu maddələrinin tələblərini rəhbər tutaraq MTN-nin 615-ci xidməti otağında 1954-cü il oktyabr ayının 4-də Gəncə şəhərində anadan olmuş, azərbaycanlı, Azərbaycan Respublikasının və- təndaşı, ali təhsilli, ailəli, sözlərindən məhkum olunmamış, AR Baş Prokurorluğunun Prokurorluqda İstintaqa Nəzarət İdarəsinin rəisi, III dərəcəli dövlət ədliyyə müşaviri, Bakı şəhəri Usubov Rüstəm Sabir oğlunu şahid qismində Dindirmə başlandı: saat 11-10 dəqiqədə Qurtardı: saat 14-50 dəqiqədə.
Dindirmə başlanmazdan əvvəl şahid Rüstəm Usubova izah edildi ki, Azərbaycan Respublikası CPM-nin 19.3, 20, 51.6, 95, 104, 105, 126, 230-cu maddələrinin tələblərinə müvafiq olaraq şahid iş üzrə müəyyən edilməli olan ona məlum olan hallar barədə dindirilə bilər və doğru ifadə verməyə borcludur.
İfadəsində 1982-ci ildən prokurorluq orqanlarında işlədiyini deyən Usubov bildirib ki, tutduğu vəzifədə isə 2001-ci ilin may ayından hal hazıra qədər işləyir.
Rüstəm Usubov 13 mart 2002-ci ildə Respublika Baş Prokurorluğunun İstintaq idarəsinin Kriminalistika şöbəsinin rəisi Rövşən Əliyevin qətlə yetirilməsi ilə bağlı bildiklərini belə nəql edir:
Rəhbərlik tərəfindən həmin işin istinatıqının aparılması mənə həvalə edilmiş, Prokurorluq və əməkdaşlarından ibarət əməliyyat-istintaq qrupu yaradılmışdır. Həmin işin DİN-in istintaqı zamanı ortaya bir sıra fərziyələr çıxmış və həmin fərziyələrlə əlaqədar istintaq-əməliyyat tədbirləri həyata keçirilmişdir.
11 avqust 2003-cü ildə Prokurorluğun rəhbərliyi məni mərkəzi aparata dəvət etmiş və bildirmişlər ki, bir qadın məxfi olaraq Rövşən Əliyevin qətli və digər hadisələrlə bağlı məlumat vermək istəyir. Dəvət olunmuş otaqda prokurorluğun digər əməkdaşları da vardı. Həmin otaqda sonradan bildiyim 1970-ci il təvəllüdlü, Bakı şəhərində «Knauf» firmasında menecer vəzifəsində işləyən, boşanmış, bir uşaq anası, Fatmayı kəndindəki bağ evlərində müvəqqəti yaşayan, Nəsibova Rəna Yusif qızıdır. Rǝna Nəsibova bildirdi ki, Bakı şəhərində törədilən bir çox cinayətlərin başında DİN-in əməkdaşı Hacı Məmmədov durur. Hacı Məmmədovun bir neçə cinayətkar dəstəsi vardır. Bir cinayətkar dəstənin üzvləri digər dəstənin üzvlərini tanımırlar. Hacı çeçen milliyyətindən olan 3 qardaşa – Ruslan, Sedek və Hüseynə çox saylı cinayətlərin törədilməsini tapşırmışdır. «Adam oğlurlu, avtomaşınların ‘qaçırılması. Çeçen milliyətindən olan həmin 3 qardaş hazırda bir neçə avtomaşın oğurlayıb. Oğurladıqları avtomaşınları və adamları Novxanı kəndində saxlayırlar. Cinayətləri törədəndən sonra avtomaşınları məhv edirlər. Çeçen milliyyətli həmin 3 qardaş Rənanın qonşuları olmaqla 4-cü mikrorayon, Binəqədi küçəsi ev 1 a, mənzil 4-də və ya 5-də yaşayırlar. Telefonları 69-26-68- dir. Bəzən onlar Hüseynin arvadı Raisanın 33-95-219 nömrəli mobil telefonundan istifadə edirlər. Hüseyn qardaşı Ruslana, Ruslan isə Rənaya danışıb ki, Məmmədov Hacının oğulluğu Ruslan deyib ki, Rövşən Əliyevi şəxsən özü öldürüb və bu cinayətin təşkilatçısı Məmmədov Hacıdır. Ruslanın deməsinə görə adam oğurluqları ilə bağlı olan cinayət işində Rövşən Əliyev Məmmədov Hacıya çıxmışdır. Yəni Hacının həmin cinayətlərdə iştirakını sübuta yetirmişdir. Hacının Rövşən Əliyevi görməyə gözü yox idi. Ona görə ki, Rövşən onun ayağının altını qazırdı. Hacının bütün yaxın adamları DİN-də işləyirlər, o, istədiyi adamı DİN- işə düzəldə bilir və işdən çıxartdırır. Məmmədov Hacı cinayətkarları ratsiya ilə təchiz edir, onlar cinayətləri törədərkən Hacının verdiyi ratsiyalardan istifada 3 edirlar. Güya hansısa bir nəfər oğurlanmış adamı öldürmüşlər. Məmmədov Hacı onlara demişdir ki, bu adamı mütləq aradan götürmək lazımdır. Hüseyn onun öldürülməsinin əleyhinə olmuş, lakin buna baxmayaraq həmin şəxsi öldürmüşlər. Hüseyn deyib ki, namaz qılmadığına görə Sedekin arvadını öldürmək lazımdır. Hüseynin evində səsboğucusu olan 2 ədǝd tapançası vardır. Hüseyn Cövhər Dudayevin vaxtında polkovnik rütbəsində olmaqla Çeçenistan Daxili İşlər Nazirinin müavini vəzifəsində işləmişdir. Güya Hüseynin Çeçenistan prezidenti vəzifəsinə namizədliyi irəli sürülmüşdür. Hüseynin yanına gələnlər oğurlanmış avtomaşınlarla gəlirlər. İçərisində çeçenlər olan avtomaşmın qəzası təşkil edilmişdir. Əvvəl bir avtomaşın olmuş, maşında kişi ilə qadın olmuşdur. Qəzadan sonra Məmmədov Hacının göstərişi ilə mobil telefondan Hüseynə zəng olunmuşdur ki, həmin çeçenlərlə Hüseynin arasımı vurmaqla aralarında düşmənçilik yaradılsın və bu yolla 3 qardaş aradan götürülsün. Hüseynin 52-53 yaşı olmaqla 2 arvadı və 5 uşağı var. Arvadları bütün gün ərzində bir yerdə olurlar və yalnız gecələr öz mənzillərinə gedirlər. Məmmədov Hacı qorxmadan həmin 3 qardaşla görüşür onlara cib xərcliyi verir. Ruslan öz qardaşları Hüseyn vo Sedekdən ehtiyat edir, Ruslanın 23 yaşı var. Qardaşı Sedek Xaçorayevin barəsində olan cinayət işi üzrə Ruslan dindirilmişdir. Eyni zamanda belə bir məlumat da var ki, Hacı Məmmədovun bankda işləyən Elçin adlı bacısı və ya qardaşı oğlu Hacıya məlumat vermişdir ki, bir nəfər milliyyətcə yəhudi olan şəxsin külli miqdarda pulu var və həmin şəxsi onlar oğurlamalıdırlar.
Lakin onlar hələlik qorxurlar. Ona görə ki, Hacı Məmmədov hələ onun oğurlanmasına göstəriş verməmişdir.
Həmin yəhudi keçmiş İnqilab küçəsində yaşayır. O, Malakan bağının yanında musiqi alətləri mağazasım yerleşdiyi binanın 3-cü mərtəbəsində qapısı sol tərəfdən olan mənzildə yaşayır. Mənzilin pəncərələri tündləşdirilmişdir.
Nəsibova Rəna adının məxfi saxlanılmasını xahiş edir, ona görə ki, adlarını çəkdiyi şəxslər onun yanında cinayətləri törətdikləri barədə söhbət etmişlər. Onun məlumatının yoxlanılması çox ehtiyatla aparılmalıdır ki, onun şəxsiyyəti təhlillə müəyyən edilməsin. O, şübhələnir ki, çeçenlər onu öldürmək istəyirlər ki, onların törətdikləri cinayətlər barədə məlumat yayılmasın. Rəna Nəsibovadan bu məlumatı aldıqdan sonra özümdə qeydiyyatlar aparmışam və bu haqda prokurorluğun rəhbərliyinə məlumat vermişəm. Rəhbərliyin tapşırığına əsasən mənimlə baş prokurorun birinci müavini cənab Ramiz Rzayev Milli Təhlükəsizlik Nazirinin müavini cənab Tofiq Babayevin yanında olmuşuq və bu məlumatlar tədbir görülməsi üçün ona verilmişdir. Bundan sonra MTN-in idarə rəisi Eldar Əzizov və onun tabeçiliyində işləyən Araz Piriyevlə bu məlumat ətrafında daimi əlaqədə olmuşam və müxtəlif işlər görmüşük. Nəsibova Rənanın təhlükəsizliyini təmin etməyi təbii ki, MTN əməkdaşları öz üzərlərinə götürmüşlər. Bundan sonra məndə olan məlumata görə Rəna Nəsibova ilə Eldar müəllimin mütəmadi əlaqələri, görüşləri olmuşdur və Eldar müəllim lazım olan məlumatı Rənadan alırdı. Bildiyimə görə onlar Fatmayi qəsəbəsində və şəhərin müxtəlif yerlərində görüşürdülər. Har bir görüş barədə Eldar müəllim öz rəhbərliyi, yəni Tofiq müəllimə, mən isə öz rəhbərim Ramiz Rzayevvo və cənab Baş Prokurora məruzə edirdim.
ARDI VAR….
Gununsesi.info
Sosial şəbəkələrdə Kremlə doğru saysız-hesabsız polis maşınının sirenləri qoşaraq sürətlə getməsini əks etdirən görüntülər yayılıb.
Axar.az xəbər verir ki, Kreml ətrafında yolların da bağlandığı bildirilir.
Gecə saatlarında baş verən həyəcanın səbəbi haqda heç bir səhih bilgi yoxdur.
Türkiyədə 6 fevralda baş verən zəlzələdən sonrakı ilk 6 ay ərzində yenidən güclü zəlzələnin olacağı xəbərdarlığı edilib.
Ölkənin zəlzələ üzrə mütəxəssisi Cəlal Şəngör zəlzələ bölgəsində 6,7, yaxud ,6,6 bal gücündə zəlzələnin olacağını televiziya verilişlərindən birində bildirib.
Hatayın Defne rayonunda 6,4 bal gücündə zəlzələ baş verib.
Türkiyə mediası xəbər verir ki, bu barədə AFAD məlumat yayıb. Ətraf əyalətlərdə də hiss edilən zəlzələ şəhərdə yeni xarabalıqlara səbəb olub.
Yeraltı təkan Adana, Konya, Mersin və Antalyada da hiss olunub. Əldə edilən məlumata görə, zəlzələ zamanı bəzi binalar dağılıb. Zəlzələdən əziyyət çəkən şəhər sakinləri böyük qorxu yaşayıb.
Bu zəlzələdən dərhal sonra Samandağ şəhərində 5,8 bal gücündə daha bir zəlzələ baş verib. Ardıcıl olaraq baş verən yeraltı təkanlar şəhəri xarabalığa çevirib.
Mərkəzi Kahramanmaraş olan 2 böyük zəlzələdə ən böyük dağıntı və insan tələfatının yaşandığı şəhərlərdən biri də Hatay olub.
Biz bir media olaraq Azərbaycanda yüksək mərtəbəli binalar tikən MTK-ların qanunsuz əməlləri barədə neçə illərdir ki, yazırıq. Biz bu mövzuda yazanda nə qardaş Türkiyədə, nə də hansısa qonşu ölkədə bu miqyasda zəlzələ baş vermişdi. Sadəcə, biz problemi görürdük, cəmiyyətin və hakimiyyətin diqqətini buna yönəltməyə çalşırdıq. Bu gün Azərbaycanda hamı zəlzələdən, tikilən binaların riskli olmağından və daha nələrdən danışıb yazırlar. Bəs biz neçə illər öncə bu barədə haray salanda niyə kimsənin səsi çıxmırdı. İndi hamı xorla bu barədə danışır.
Bəli, Türkiyədə baş vermiş dağıdıcı zəlzələdən sonra yaşayış binalarının, eləcə də digər təyinatlı obyektlərin təhlükəsizliyi məsələsi aktuallaşıb. Mütəxəssislərin fikrincə, binalar bir-birinə nə qədər yaxın inşa edilərsə, zəlzələ zamanı dağıntı və təlafat bir o qədər çox olur. Paytaxt Bakıda da az qala bir-birinə söykənərək inşa edilən yüzlərlə bina var. Biz çətinliklə əldə etdiyimiz sənədlər əsasında yazmışdıq ki, binalar arasındakı məsafə binaların hündürlüyünün 0.6 hissəsindən az olmamalıdır. Biz rəsmi sənədlər əsasında yazmışdıq ki, məhəllə daxilində yüksək mərtəbəli binalar tikilə bilməz. Əgər sabah qəza vəziyyəti olarsa, xilasetmə qüvvələri bura necə daxil olacaq..? Təsəvvür edirsiniz, yeni tikilən binaların arasından adi avtomobil güclə keçir. İraq olsun fəlakət olarsa, vəziyyət necə olacaq..? Bir daha bildiririk ki, dünya seysmoloqlarının tərtib etdiyi xəritədə Bakı 8-9 ballıq seymsik zonada yerləşir. Başa düşdünüzmü, cənablar..? Millətin faciəsi ilə alver etməyin.
Bəli, bu gün Bakıda yüksək mərtəbəli bina tikənlərin, MTK sahiblərinin çoxunun inşaat işindən başı çıxmır. Dünən bazarlarda şortik satanlar, siqaret alverçiləri, nə bilim qəssablar hamısı bina tikintisinə girişib. Belələrindən biri də “Bizim Ev” MTK-dır. Mənə “İmişlili Mürşüd deyərlər, mənim qarşımda heç kim dayana bilməz...” deyən bu köhnə tərəkəməyə necə başa salaq ki, şəhərsalma müasir elmdir, ay adam... Sən nə bilirsən inşaat, şəhərsalma nədir..? Bu adam heç tikintinin adi-elementar qaydalarını da bilmir. Beləsinə heç toyuq hini də etibar etmək olmaz. Bu adam gecə-gündüz ətrafda yaşayan sakinləri nevroz həddinə çatdırıb, səs-küydən sakinlər evlərində otura bilmir. Bu adam məhəllədə uşaqların oynadığı xırda sahəni də zəbt edib. Əgər sabah bu uşaqların başına bir iş gələrsə kim cavab verəcək, ay Mürşüd..? Bu adam Yasamal rayonunda “Məhsul” idman stadionunun ərazisini zəbt edib. Görəsən, Yasamal İcra Hakimiyyəti, FHN, Arxitektura və Memarlıq Komitəsi hara baxır..?
Yazıq vətəndaşlar ən yuxarı instansiyalara şikayət etsələr də heç bir nəticə olmur. Axı, yuxarıda qeyd etdik ki, bu işlərin arxasında məmurlar dayanır. MTK-lar təkcə səs-küy, stress mənbəyi deyil ee... Bu MTK-la həm də yaşıllıqların qənimidir. Sakinlər bildirir ki, son günlər küləkli havaların olmasına baxmayaraq MTK Zərdabi küçəsində apardığı tikintini nəinki dayandırmayıb, əksinə aktivləşdirib. Və küləkli havada tikintinin tozu, torpağı, qumu, çınqılı, hətta beton palçığı həyətləri basıb, sakinlərin yaşadığı binanın həyəti sanki tikinti poliqonudur.
Təsəvvür edirsiniz İmişli Mürşüd idman stadionunun soyunub-geyinmə otağını da zəbt edib. Sözün qısası, biz yenə də gördüklərimizi yazırıq, haray salırıq ki, bəlkə bu məmurlar ayıla. Türkiyədəki faciə bizdə təkrar olunmaya. Buyurun bu da sakinlərə işgəncə verən obyektin ünvanı: Bakı şəhəri, Yasamal rayonu, 3155-ci məhəllə, Həsənbəy Zərdabi küçəsi, 69b ünvanında 2 girişli çoxmərtəbəli yaşayış binası. Sifarişçi: “Bizim Ev” MTK Dövlət ekspertizasının rəyi: 25693, 17.07.2018 Layihəçi: KARKAS-S MMC lisenziya İNİL-523/2017.05.06.2017 Podratçı: “Bizim Ev” MTK lisenziya EL-118/21.05.2018 Başlanma tarixi: 10.03.2022 Bitmə tarixi: 10.09.2024.gundelik-baku.com
Bakının bəzi məktəblərində rəhbərlik tərəfindən şagirdlərə aprel ayının 15-dən etibarən dərsə məktəb tərəfindən müəyyən olunmuş geyim formasında gəlmələri ilə bağlı göstəriş verilib.
Bu barədə “Qafqazinfo”ya valideynlər müraciət ediblər. Onlar bildirirlər ki, tədris ilinin sonunadək şagirdlərə yeni geyim formaları ilə yanaşı əvvəlki məktəbli formalarından istifadəyə icazə verilirdi. Lakin qəfildən verilən bu qərar onlarda narahatlıq yaradıb.
Məsələ ilə əlaqədar Bakı Şəhəri üzrə Təhsil İdarəsi ilə əlaqə saxladıq. Qurumdan sorğumuza cavab olaraq bildirildi ki, 2022-2023-cü tədris ili üçün yeni məktəbli formalarının alınması könüllülük əsasında tənzimlənir: “Şagirdlər ötən tədris ilindəki məktəbli geyimlərindən də istifadə edə bilər və ya sadəcə ağ köynək, qara (tünd göy) şalvarda (ətəkdə) gələ bilərlər.
Qeyd olunan məsələ ilə bağlı valideynləri maraqlandıran hər hansı sual olarsa, Bakı Şəhəri üzrə Təhsil İdarəsinin 146-1 Çağrı Mərkəzi vasitəsilə anonim olmadan məlumat vermələri xahiş olunur”.
Qeyd edək ki, elm və təhsil naziri Emin Əmrullayev tədris ilinin əvvəlində yeni geyim formalarının məcburi olmayacağını açıqlamışdı. Onun sözlərinə görə, artıq növbəti tədris ilindən etibarən yeni məktəbli formalarının tətbiqinə başlanılacaq. Bu qərar 2022/2023-cü tədris ilindən tətbiq edilir, hazırda istifadədə olan geyim formaları 2022/2023-cü tədris ilinin sonunadək tətbiq edilə bilər.
Azərbaycanda yeni şəhərin salınması təklif edilib. Bu təkliflə Milli Məclisin iclasında deputat Azər Badamov çıxış edib.
Deputat bildirib ki, yeni şəhər Heydərabad adlandırılmalıdır:
“Şəhərdə “göydələnlərin” olması problemli haldır. Binaların sıx tikilməsi də təhlükəsizlik baxımdan problem yaradır. Allah etməsin hər hansı fövqəladə hal baş versə, təhlükəli hal yaşanacaq. Yeni şəhər salınmalıdır. Həmçinin bu şəhərə paytaxt statusu verilməlidir. Bununla bərabər, əhəmiyyətli dövlət orqanları həmin şəhərə köçürülməlidir. Bu il “Heydər Əliyev İli” olduğundan təklif edirəm ki, bu şəhərin adı Heydərabad adlandırılsın. Bununla da ümumilli liderin adı əbədi yaşayar və ruhu şad olar”.
Qeyd edək ki, son illər paytaxtda əhali sayının artması, çox sayda yeni binaların tikilməsi, yollarda tıxacların yaranması kimi problemlərlə əlaqədar paytaxtın köçürülməsi ilə bağlı təkliflər səslənir.
Paytaxtın köçürülməsi mümkündürmü və bu, mövcud problemi aradan qaldıracaqmı?
TEREF.AZ-ın məlumatına görə, millət vəkili Azər Badamov Cebhe.info-ya bildirdi ki, Sovet dövründə Yaşma ərazisində dəniz kənarında Gənclər şəhərciyinin yaradılması ilə bağlı layihə var idi:
“Sonra bu layihə gündəmdən çıxdı. Həmin ərazisi hazırda da boşdur. Hesab edirəm ki, indi artıq həmin ərazinin gündəmə gətirilməsi vacibdir. Çünki ölkə əhalisinin əksər hissəsi paytaxt Bakıda məskunlaşıb. Bütün universitetlər, dövlət müəssisələri Bakıdadır. Şəhərin mərkəzində göydələnlər tikilir. Bu, həm tıxac probleminin yaranmasına gətirib çıxarır, digər tərəfdən binaların bir-birinə çox yaxın məsafədə tikilməsi hər hansı fövqəladə hal baş verərsə, həmin vəziyyətin aradan qaldırılmasına çətinliklər yaradacaq.
Ona görə də hesab edirəm ki, Bakıya yaxın ərazidə, məsələn, Yaşmanın dənizkənarı hissəsində, boş bir sahədə müasir plana uyğun yeni bir şəhər inşa oluna bilər. Şəhərdə yerləşən ali təhsil müəssisələri, dövlət idarələri həmin əraziyə köçürülə bilər. Əgər ali təhsil ocaqları və dövlət qurumları həmin əraziyə köçürülərsə, şəhərin yükü azalacaq. Bu gün paytaxtda mövcud olan tıxac problemi də aradan qalxacaq”.
Paytaxtın həmin əraziyə köçürülməsinə gəldikdə isə deputat Cənubi Afrikadan misal gətirib:
“Orada Yohannesburq şəhərinin yanında Pretori şəhəri salınıb və paytaxt, bütün dövlət idarələri oraya köçürülüb. Yaxud Astana da paytaxt elan edilib və dövlət idarələri, səfirliklər hamısı Astanada yerləşir. Yəni Bakıya yaxın bir ərazidə də bu layihəni reallaşdırmaq olar. Bakıdan da həmin əraziyə gediş-gəliş çətin olmayacaq. Gələcəkdə həmin istiqamətdə sürət qatarı işə düşərsə, bu, vətəndaşlar üçün daha yaxşı şərait yaradacaq. Bu, həm şəhərin genişlənməsinə, həm də rahatlığın təmin olunmasına şərait yaradar”.
Memar Cahid Həsənovun fikrincə, Bakıda memarlıq və şəhərsalma baxımından sıxlıq müşahidə edilir:
“Söhbət burada iki amildən gedir. Bu, həm regionlardan Bakıya gələn əhalinin sayının artması, həm də infrastrukturun, inzibati binaların, nazirliklər, yeni yaranan qurumların sayının artması ilə bağlıdıır. Beləliklə, iki paralel istiqamətdə Bakı dolub. Bakının paytaxt şəhəri olması əsas deyil, əsas odur ki, ya Bakı inzibati şəhər statusunu saxlamalı idi, ya da böyük sənaye şəhəri Bakıdan kənarda olmalıydı. Sənaye şəhəri olduğuna görə də yaşayış binaları, məhəllələr, qəsəbələr orada olmalı idi.
Fakt odur ki, Bakı həm inzibati, həm sıx binalar, göydələnlər şəhəri olub. Bakı yükü daşıya bilməyəcək qədər dolub. Bunun da bir-birinə tam ciddi ziyanı var. Belə ki, Xəzər sahilində yerləşən gözəl Bakı bu sıxlığın ucbatından artıq ab-havası itirilir. Şəhər turizm statusunda olmalıdır. Burada olan memarlıq abidələri, tarixi tikililər, Xəzərin sahili, şəhərin amfiteatr panoraması, klassik memarlıq abidələri ilə müasir Bakının vəhdətini saxlamaq lazımdır.
Problem inzibati binaların paytaxtda yerləşməsi, digər tərəfdən yaşayış massivlərinin çoxalmasıdır. Binalar bir-birinə sıx şəkildə yerləşir. Şəhərin viziual görünüşü, amfiteatrı, panoraması pozulur. Minilliklərlə bizə miras qalmış, dünya turistlərini cəlb edən həmin tarixi abidələr çoxmərtəbəli binaların gölgəsində qalmış kimi öz vizualizmini itirir. Mənim memar kimi təklifim odur ki, tədris ocaqları, yataqxanalar Bakının mərkəzi rayonlarından hər hansı kənar rayonlarına çıxarılmalıdır. Həmçinin Enegetika Nazirliyi və bununla əlaqəli qurumlar hamısı Mingəçevir ərazisində olmalıdır. Eləcə də Gəncə-Bərdə bölgəsində kənd təsərrüfatı ilə bağlı institutlar, nazirliklər də bu qaydada yerləşməlidir.
Ümumiyyətlə, bu gün paytaxtla bağlı müxtəlif fikirlər səslənir. Fikrimcə, tədris ocaqları, diplomatik mərkəzlərini şəhərdən kənara çıxarmaq, paytaxtın yükünü azaltmaq lazımdır. Ölkəmizi dünya turistlərinə göstərmək yalnız Bakıdan ibarət deyil. Regionların özünün də gözəlliyi var. Eyni zamanda, Bakını yüngülləşdirməklə bağlı təklifim odur ki, sahə üzrə mikropaytaxtlara, ya da sırf digər bir əraziyə köçürülsün. Bakı Xəzər sahilində, amfiteatr qoynunda olan, klassik memarlıq abidələri ilə zəngin, dünya turistlərinin gəlməsi, alış-veriş üçün ticarət mərkəzləri ilə dolduldurulmuş modern şəhər ola bilər. Yəni Xəzər dənizi sahilində ticari, turistik baxımından boşaldılmış bir Bakı ola bilər”.
Türkiyədə baş verən dəhşətli zəlzələdən sonra dağıntılar olan ərazidə oğurluq edən şəxslər “Bayraktar” PUA-sı ilə müəyyən edilib.
Teref.az Globalinfo.az-a istinadla xəbər verir ki, “Bayraktar TB-2” PUA-ları Qaziantepdə müşahidə funksiyasını yerinə yetirərkən iki şəxsin dağıntı olan ərazidən nə isə daşıdıqları müəyyən edilib.
Qusar rayonunun Torpaqkörpü kəndində yeniyetmə kiçik qardaşının tüfəngdən açdığı atəş nəticəsində yaralanıb.
Teref.az Report-a istinadən xəbər verir ki, 2012-ci il təvəllüdlü Bədəlov Emil Radik oğlu özündən yaşca balaca qardaşının tir tüfəngi ilə ehtiyatsız davranması nəticəsində açılan atəş nəticəsində sağ göz nahiyəsindən xəsarət alıb.
Yaralı xəstəxanaya yerləşdirilib və vəziyyəti ağırdır.
Faktla bağlı araşdırma aparılır.
Kahramanmaraş və Hatay istisna olmaqla digər şəhərlərdə axtarış-xilasetmə işləri başa çatıb. “Report” “Anadolu”ya istinadən xəbər verir ki, bu barədə ölkənin Fövqəladə Halların İdarə Olunması Agentliyinin (AFAD) sədri Yunus Sezer brifinqdə açıqlayıb.
“İllərin böyük qismində axtarış-xilasetmə işləri başa çatıb. Hər gün canlı bir qardaş-bacımıza yetişmək ümidi ilə fəaliyyətimizi davam etdiririk”, - o vurğulayıb.
Qeyd edək ki, zəlzələnin fəsadları ölkənin 11 şəhərini – Adana, Adıyaman, Diyarbakır, Elazığ, Qaziantep, Hatay, Kahramanmaraş, Kilis, Malatya, Osmaniye və Şanlıurfanı əhatə edib.
Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonunda olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub.
Güclü yeraltı təkanlardan sonra bölgədə 6,6 maqnitudayadək 6 000-dən çox afterşok qeydə alınıb. İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.
Təbii fəlakət Türkiyə və Suriyada böyük dağıntı və onminlərlə itkiyə səbəb olub. Son məlumatlara görə, zəlzələ nəticəsində Türkiyədə 40 689 nəfər dünyasını dəyişib.
Türkiyənin zəlzələ baş verən 10 şəhərində 3 aylıq fövqəladə vəziyyət elan olunub.
Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.
Zəlzələdən dərhal sonra Azərbaycanda qardaş ölkə üçün yardım toplanmasına başlanılıb.