Sinəsində "Artsax qəhrəmanı" ordeni gəzdirən Zori Balayanın ağlına gəlməzdi, yatsa yuxusuna girməzdi ki, onun ideoloji lider olduğu, müəllifi olduğu Miatsum konsepsiyasına Yevlaxda son qoyulacaq.
Prezident 3 il öncə həm də məhz ona mesaj vermişdi ki, sinəsindəki dəmir-dümürü tullasın.
Amma o hələ yaşayır. Şuşada rəqsindən sonra onu gördüm deyən olmayıb.
Onlardan nə desən gözləmək olar, iflas müqaviləsinə qol çəkməyə Yevlaxa gələ də bilər.
İmkanı olanlar, hər ehtimala bu fotonu Yevlax postuna çatdırarsınız, lütfən..
Osman Gunduz
Teref.az

Sabah rəsmi Bakının təklif etdiyi kimi, ölkəmizin Konstitusiyası və qanunları əsasında reinteqrasiya məsələlərinin müzakirə edilməsi üçün Qarabağın erməni sakinlərinin nümayəndələri ilə Yevlaxda görüş keçiriləcək.

Teref.az “Qafqazinfo”ya istinadən xəbər verir ki, görüş yerinin Yevlax şəhərinə təyin edilməsi maraqla qarşılanıb və sosial şəbəkələrdə bununla bağlı müzakirələr gedir.

“Niyə məhz Yevlax?” sualı hazırda sosial şəbəkələrdə ən aktual suallardan biridir və bununla bağlı hərə öz mülahizəsini irəli sürür.

Əvvələ xatırladaq ki, rəsmi Bakının təklifi əsasında Yevlaxda Azərbaycan tərəfinin nümayəndələri ilə Qarabağda yaşayan erməni sakinlərin nümayəndələri arasında görüşün keçirilməsi avqustun əvvəllərində razılaşdırılmış və bütün logistik məsələlər yekunlaşmışdı.

Lakin bütün bu razılıqlara baxmayaraq, Qarabağın erməni sakinlərinin nümayəndələri razılıqları son anda pozmuşdu.

Bundan başqa, ermənilər görüşün neytral zonada keçirilməsi istəyirdi ki, Azərbaycan da bunun müzakirə mövzusu belə ola bilməyəcəyini bildirmişdi. Çünki Azərbaycanın daxili məsələsi heç vaxt neytral məkanda müzakirə oluna bilməzdi!

Görüşün Yevlaxa təyin olunmasına gəlincə, bunun sadəcə, məsəfə baxımından həm əlverişli, həm də logistik olaraq uyğun olduğu bildirilir.

"Satışımız çox zəifdir. Bu il bizim istehsal etdiyimizdən daha az forma satılıb".

TEREF.AZ bildirir ki, bu sözləri Cebhe.info-ya açıqlamasında “Bakı Tikiş Evi” ASC-nin satış şöbəsinin müdiri Etibar Əzimov deyib. O bildirib ki, anbarlarda çox sayda forma qalıb:

"Anbarlarda təptəzə nə qədər formamız qalıb. İndi az sayda, tək-tək forma almağa gəlirlər, amma dediyim kimi, onların sayı o qədər də çox deyil. İlboyu da onsuz gəlib alanlar olur. Keçən il böyük ajiotaj vardı, az istehsal etmişdik, tələbat çox idi. Bu il çox istehsal etmişik, tələbat azdır.

Bu il formaları işbazlar "podval"da tikib, ucuz qiymətə satıblar. Valideyn də elə bilir, harada ucuzdursa, o yaxşıdır, keyfiyyətlidir. Amma belə deyil. Bir dəfə yuyulandan sonra həmin formalar xarab olur. Buna görə də əvvəl-axır gəlib bizdən alırlar".

Nazirlər Kabinetinin İşlər İdarəsinin müdiri Hikmət Xəlilovdan külli miqdarda pul tələb etməkdə təqsirləndirilən Vahid Xələfovun cinayət işi üzrə məhkəmə prosesi davam etdirilib.

APA xəbər verir ki, Bakı Ağır Cinayətlər Məhkəməsində hakim Azad Məcidovun sədrliyi ilə keçirilən prosesdə zərərçəkmiş Hikmət Xəlilov ifadə verib.

O ifadəsində deyib ki, təqsirləndirilən Vahid Xələfovu 2006-cı ildən tanıyır: "Polkovnik dostum bizi tanış etdi. O, dedi ki, qonşum işləmək istəyir ona kömək edim. Mən də onu SOCAR-da Sosial şöbədə olan tanıdığım şəxslə tanış etdim. Dedim baxın işindən razı qalsanız buna da iş verin".

Zərərçəkmiş ona 3 sifariş verdiyini bildirib: "Əvvəl atamın evini, daha sonra oğlumun evini sifariş etdim. Sonradan qardaşım oğlunun evini də sifariş etdim. Bütün bunların pulun ödəmişəm".

H.Xəlilov ifadəsində 2015-ci ildən təqsirləndirilən şəxsin ondan pul tələb etdiyini deyib: "Bir gün zəng elədi ki, gəl görüşək. Sənin mənə borcun var. Daha sonra məktub gəldi ki, mənim ona 1 milyon borcum var. Mənim işlərimi görmək üçün kredit götürüb ödəyə bilmir".

O, sonradan təqsirləndirilən şəxslə görüşdüyünü qeyd edib: "Görüşəndə mənimlə çox aqressiv danışırdı. Üstümə bıçaq çıxardı və borcu olan pulu ödəməyimi istədi. Sonradan mənimlə bağlı araşdırma aparılmasını istəyib. Yoxlandı gördülər ki, təmizəm".

Hikmət Xəlilov təqsirləndirilən Vahid Xələfovun 2016-cı ildə onun bağ evinə hücum etdiyini deyib: "Bir axşam bağ evimdə mühafizə zəng etdi ki, evə hücum ediblər. Bütün hadisələrin video görüntüsünü polisə verdim. Daha sonra mənə zənglər etməyə, SMS-lər göndərməyə başladı. Mənə hədə- qorxu gəlirdi. Deyirdi ki, əlimdə sənədlərin var. Mən də dedim ki, sənəd var, hara istəyirsən apar ver".

Zərərçəkmiş Vahid Xələfovun iki dəfə onun maşınının qabağını kəsdiyi bildirib: "Keçən il maşınımın qabağını kəsdi. Başladı dalaşmağa. Dedi ki, 250 min ver borcunu bağlayım. Bu ilin aprelin 6-da yoldaşımla maşında gedəndə qabağımızı kəsdi. Əlində dəmir vardı. Düşdü maşından bizə tərəf gəldi. Sonradan belindən tapança çıxardı. Qışqırırdı ki, düş maşından 1 milyon manat borcumu ver. Yoldaşım qışqıranda oyandım. Qaza basdım getdim".

Təqsirləndirilən şəxs Vahid Xələləfov zərərçəkmiş Hikmət Xəlilova cavab olaraq onun 3 yox, 12 sifarişini icra etdiyini deyib.

Daha sonra hakim Azad Məcidov təqsirləndirilən şəxsin məhkəməyə təqdim etdiyi sənədlər içində Hikmət Xəlilovun ona 4 milyon manat və 324 min dollar borcu olduğunu qeyd edib.

Məhkəmə iclası oktyabrın 25-də davam etdiriləcək.

Qeyd edək ki, Vahid Xələfov Nazirlər Kabinetinin İşlər İdarəsinin müdiri Hikmət Xəlilovdan külli miqdarda pul tələb etməkdə təqsirləndirilir. Onun barəsində Cinayət Məcəlləsinin 182.4-cü və 322-ci maddələri ilə ittiham irəli sürülüb. Cinayət işi üzrə tələb olunan pul 4 milyon 600 min manatdır.

Bu müharibədə canlı olaraq nələr gördük?
1. Öz oğlunun tabutu qabağında oynayan ana.
2. Öz nişanlısının ölümündən sonra intiar edən qız.
3. Qardaşının şəhid xəbərini aldıqda, cənazənin gəlməsini gözləmədən intihar edən Neftçalalı bacı.
4.Öz ərinin cənazəsini çiynində daşıyan qadın.
5.Öz qızının bağırsaqlarını yerdən yığan ata.
6.Öz oğlunun qəbrinə girib oğlumla yatmaq istəyirəm deyən ana.
7.Əli, qolu olmaya- olmaya mən vətən üçün heçnə edə bilmədim deyən qəhrəman.
8..Ürəyində qəlpə ola -ola canım qurban bu vətənə deyən əsgər.
9. Əsgərinə bu mənim qardaşımdır deyən General.
10. Öz oğlunun məzarında Xocalı qisası almısan buna görə ağlamıram deyən ana.
11. Can verəndə qızım üçün darıxıram deyən əsgər.
12. Öz uşaqlarının corablarını cibində gəzdirib, döyüşə girəndə onları öpən əsgər.
13. Oğlunun tabutu gələndə xonça ilə qarşılayan ana.
14. Hospitalda can verərkən axı niyə Şuşanı görmədim deyib Suqovuşanda yaralanan əsgər.
15..Özü can versə də Şuşada öz döyüş yoldaşını ölümdən qutaran əsgər.
16. Siz evlisiz, mənsə subay deyərək erməni generalını öldürüb, zabit heyətimizi ölümdən qutarıb #PoladHəşimovun qisasın alan əsgər.
17. Yırtıq ayaqqabı ilə Asan xidmətə gəlib, pensiyasını əsgərlərə hədiyyə edən şəkili əmi.
18. Oğlunun cənazəsi gələn yolu əyilib öpən və "südüm sənə halal olsun oğul" deyən ana.
19. Sən idmanla məşğul olmusan, canavar kimi öldür onları, məhv et deyə nəvəsinə ruh verən nənə.
20. Döyüşə getmək üçün hərbi çağırış komissiyasının işçıləri ilə dalaşan oğullar.
21.Şuşa ugrunda döyüşdə ayagından aldıgı güllə yarasını əsgərləri ruhdan düşməsin deyə, Şuşa azad olunanacan əsgərlərindən gizləyən, komandir Fərəc Kərimli
22.Döyüş bölgəsinə könüllü yollanan həkim qadınlar.
23.Canından keçməyə hazır könüllü yazılmış cəsur qadınlar.
24.Agcabədidən Murova mənə zəng vurub, İlqar əmi, bir 011 maşınım var , bu dəyqə 1500 manat verirlər, orada kiməsə hörmət etmək lazımdırsa, satım pulu gətirim, kimə vermək lazımdırsa ver, noolar mənim də döyüşə qatılmagıma kömək elə, vallah üzünü qara çıxarmaram, döyşdə olmadıgım üçün özümü arvad kimi hiss edirəm deyən,24 yaşlı Laçınlı oglan.
25.Komandiri oldugu ordu ilə döyüşün qaynar nöqtəsinə yola düşərkən mayor qardaşı Ilqar Atakishiyevə birgə yola saldıgımız ,qardaşına- anama bildirsən haqqımı sənə halal etmərəm deyən, şəhid oglu Kəlbəcərli palkovnik Məzahir Atakişiyev.
26.Çaykəndə kəndlilərin yaratdıgı Arxa cəbhə məntəqəsinə Murovda əsgərə yollamaq üçün gətirdiyi 3 günə topladıgı 30 ədəd yumurtanın az olduguna görə, o gözəl nurlu yanaqları utandıgından pörtən, özü üçün yeməyə bir ədəd belə yumurta saxlamayıb, nəyi varsa əsgərə yollamaq üçün gətirən 70 yaşlı nənə.
27.Şəhid oglunu dəfn edərkən məzarlıqda ikinci oglunun da şəhid xəbərini alan, yeganə təsəllim Qarabagın büstbütün ermənilərdən azad olunması ola bilər deyən , eyni gündə iki ogil şəhid verib , kimsəsiz qalan ana.
28.Evini itirən, oğlunu, gəlinini, iki nəvəsindən birinin meyidlırini dağıntı altından çıxaran və digərini axtara-axtara "Vətən sağ olsun" deyən Gəncəli ANA.
29.Oģuz rayonun Xaçmaz kəndində hər qızının bir oģlunu, 2 ŞƏHID nəvəsini,TƏBRIZ, və ORXANI ,vətən sag olsun deyərək, dəfn edən Nənə və Baba
30. 44 günlük müharibədə iştirak etdiyini yalnız müharibə bitdikdən sonra valideyinlərinin xəbər tutduqları qəhrəman.
31. Sədərəkdə şəhid gələn ogluna qurban kəsən ata.
32. ……..Və nəhayət yumruq kimi birləşmiş əlli milyon azərbaycanlı, ona dəstək, qardaş olan ölkələr.
İbrahim Xəlil , İlqar Mahmud.
Teref.az