Min şükür, gözəl Tanrımız...
 |
|
|
Oktyabrın 6-da Bakıda Azərbaycan Respublikası Baş nazirinin müavini, Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri Şahin Mustafayev ilə İran İslam Respublikasının yol və şəhərsalma naziri, Komissiyanın İran tərəfdən həmsədri Mehrdad Bəzrpaş arasında görüş keçirilib.
Bu barədə Nazirlər Kabinetindən xəbər verilib.
Tərəflər bu gün Zəngilan rayonunun Ağbənd qəsəbəsi yaxınlığında təməlqoyma mərasiminin keçirilməsi, müvafiq inşaat işlərinə başlanılması və inşa ediləcək yeni dəmiryolu xətti və körpülərinin planlarının müzakirəsi ilə bağlı məmnunluqlarını ifadə etdilər.
İki ölkənin nümayəndə heyətlərinin iştirakı ilə keçirilmiş görüşdə Azərbaycanla İran arasında nəqliyyat və kommunikasiya, enerji və su ehtiyatlarından istifadə ilə bağlı ikitərəfli gündəlikdə duran aktual məsələlər müzakirə edildi.
Tərəflər regionun tranzit cəlbediciliyinin artırılmasının önəmini qeyd edərək, “Şimal-Cənub” dəhlizinin vacib komponenti olan Astaraçay üzərində inşa edilmiş körpünün yaxınlaşma yollarının tikintisi və sərhəd-gömrük infrastrukturunun yaradılması ilə bağlı təxirəsalınmaz tədbirlərin görülməsinin zəruriliyini vurğuladılar.
Eyni zamanda Astara yük terminalının tikintisinin tezliklə başa çatdırılması üçün dövlət qurumlarına müvafiq tapşırıqlar verildi. Görüşdə həmçinin “Xudafərin”, “Qız Qalası” və “Ordubad-Marazad” hidroqovşaqlarının və su elektrik stansiyalarının tikintisi layihələrinin tezliklə yekunlaşdırılması məqsədilə işlərin sürətləndirilməsinin vacibliyi qeyd edildi.
Danışıqların yekunlarına görə iki ölkə arasında aşağıdakı sənədlər imzalandı:
- İran İslam Respublikasının ərazisindən keçməklə Azərbaycan Respublikasının Şərqi Zəngəzur İqtisadi Rayonu ilə Naxçıvan Muxtar Respublikası arasında yeni dəmir yolu xəttinin və dəmir yolu körpülərinin tikintisi haqqında Niyyət Protokolu;
- Azərbaycan-İran dövlət sərhədində Ağbənd (Azərbaycan Respublikası) - Kəlalə (İran İslam Respublikası) dövlət sərhədinin buraxılış məntəqələrində Araz çayı üzərində avtomobil sərhəd körpüsünün və piyada keçidinin tikintisinə dair Birgə İşçi Qrupun həmsədrlərinin görüşünün Protokolu.
Həbs olunmuş separatçıların guya Azərbaycan istintaqına hansısa sensasion bilgilər verəcəyi ilə bağlı iddialar yalnız belə işlər haqda bilgisi, təcrübəsi olmayanlara inandırıcı görünə bilər.
Əvvəla ona görə ki, əgər hansısa azərbaycanlılar onların xüsusi xidmət orqanları ilə əməkdaşlıq edibsə, bunu əldəqayırma prezidentlər yox, separatçıların "xüsusi xidmət orqanlarının" rəhbərləri bilər.
Separatçıların "xüsusi xidmət orqanları" Ermənistan təhlükəsizlik xidmətinin tərkibində olub, amma həm də Rusiya xüsusi xidmət orqanlarının çətiri altında. Daha dəqiqi, hər ikisi adicə Rusiya agentura şəbəkəsi olub.
İkincisi, Rusiya xüsusi xidmət orqanları həm Azərbaycanın, həm də Ermənistanın bir-birinə qarşı kəşfiyyat əməliyyatları aparmaq təşəbbüsünün qarşısını daim almağa çalışıb ki, konflikti öz nəzarətində saxlaya bilsin.
Hətta belə hadisələr də olub ki, Azərbaycanın Ermənistanın bir-birinin daxilində olan agentlər haqda məlumat alan Moskva həmin məlumatları ötürərək hər iki tərəfdə olan casusları ifşa edib. Yenə də vəziyyəti öz nəzarətində saxlaya bilmək məqsədilə.
Üçüncü, Azərbaycanda, özəlliklə də orduda və hüquq-mühafizə orqanlarında yerləşdirilmiş Rusiya casus şəbəkəsidir və o da çoxdan ifşa olunub. Qalır onları cəzalandırmaq, bunu da hələlik etmək istəyinin olması görünmür.
Odur ki, separatçıların guya hansısa mühüm məlumatlar verə biləcəyi (bəzən hətta artıq verdikləri iddia olunur) nəinki yanlış, hətta hansısa niyyətlə ortaya atılmış iddia ola bilər. Təbii ki, yaxşı niyyətdən söhbət getmir.
Ərəstun Oruclu
Teref.az
Kuzbasdakı maşınqayırma zavodunun sexlərinin birində yanmış, paltarsız yeniyetmə meyiti tapılıb.
Bu barədə yerli hüquq-mühafizə orqanlarından bildirilib.
Məlumata görə, hərəkətsiz vəziyyətdə olan məktəblini xilas etmək mümkün olmayıb.
Üzərində zorakılıq əlamətləri müəyyən olunmadığı, həmçinin yanında kabeli qırmaq üçün alətlər olduğundan 17 yaşlı yeniyetmənin müəssisədən əlvan metal məftilləri oğurlamaq istədiyi ehtimal edilir.
Faciənin görüntülərinin yayımlandığı videoda məktəblinin əynindəki bütün paltarın yandığı görünür.
Hadisə ilə bağlı istintaqa başlanılıb.
Türkiyənin Qəhrəmanmaraş vilayətinin Onikişubat ilçəsində 4,3 bal gücündə zəlzələ baş verib.
Bu barədə Türkiyənin Fövqəladə Halların İdarəolunması Agentliyi məlumat yayıb.
Ölkənin daxili işlər naziri Əli Yerliqaya zəlzələ ilə bağlı hər hansı tələfat, yaxud dağıntının baş vermədiyini bildirib.
İki aktual məsələ haqqında qısa rəy:
1) İspaniyanın Qranada şəhərində baş tutacaq AB və tərəfdaş ölkələr görüşündə Azərbaycanın iştirakı yaxşı olardı, amma görünən odur ki, imzalanacaq sənəd yoxdir, Ermənistan sülhə hazır deyil, o ölkənin yeni “başbilənləri” Ermənistanı sülhə hazırlamayıblar. Bundan başqa hamı anlamalıdır ki, Türkiyə olmayan yerdə Azərbaycan, Azərbaycan olmayan yerdə isə Türkiyə yoxdur, bizim təhlükəsizlik və xarici siyasət komsepsiyamız artıq iç-içə keçib, bir-birini tamamlayır, vahid mövqedən çıxış etmək üçün tam konseptuallaşdırılıb. Burada emosiya yoxdur, sırf praqmatizmdir, Türkiyə-Azərbaycan tandemi konkret hədəflərə hesablanıb,
2) Azərbaycan Dövləti terrorçuları, qondarma rejimin “rəhbərlərini” həbs edib Bakıya gətirməsi tarixi hadisədir, böyük qələbənin iri addımlarından biridir – qürurvericidir. Arayikin məhz dünən, Gəncə terrorunun il dönəmində hıbs edilməsi, ümumiyyətlə, Dövlət ərakanına yaraşan hadisədir. Məni bir məsələ maraqlandırır – bütün bu həbs olunanlar illərdir Kremlin kuklaları, oyunçularıdırlar, indi Bakıda bül-bül kimi ötəcəklər, məsələn, Arayik rəsmi ifadəsində desə ki, Gəncəni vurmaq əmrini, hərbi-texniki dəstəyi “ivandan” almışam, o zaman Rusiya bu işin altından necə çıxacaq?! Və ya, Vardanyan Kremldən aldığı tapşırıqları, “yuyub-təmizlədiyi” Putin pullarının yerini, “yuma” mexanizmlərini danışsa, bu hansı nəticələr doğuracaq?! Həbs olunan geydirmə "generallar" hansı Rusiya generalının əmrində olduqlarını ötsələr, nələr baş verəcək?!
Məncə, yaxın günlərdə hamımız hər axşam AZTV-nin ekranı qarşısında olub maraqlı etiraflar dinləyəcəyik.
Azərbaycan Dövləti çox uğurlu, amma hələ də təhlükələr olan dövrünü yaşayır, amma əminəm ki, bu imtahanlardan da uğurla çıxacağıq!
Natig Cəfərli
Teref.az
2023-cü ildə kimya üzrə Nobel mükafatı “kvant nöqtələrinin kəşfi və sintezi”nə görə, alimlər Aleksey Ekimov, Munqi Bavendi və Lui Bryusa verilib. Bu barədə Nobel Komitəsinin mətbuat xidməti məlumat yayıb.
78 yaşlı Ekimov keçmiş Sovet İttifaqında anadan olub, Bavendi fransalı, Brüs isə amerikalıdır. Lakin onların hər üçü ABŞ-da yaşayır və Amerika universitetlərində çalışır.
Kimya üzrə Nobel Komitəsinin sədri Yohan Akist "Kvant nöqtələrinin bir çox maraqlı və qeyri-adi xassələri var. Qeyd etmək lazımdır ki, onların ölçüsündən asılı olaraq müxtəlif rəngləri olur" deyib.
Kvant nöqtələrinin ilk kəşfçisi Aleksey Ekimov olub. O, Leninqrad Dövlət Universitetinin fizika fakültəsinin Molekulyar Fizika kafedrasında təhsil alıb. Bundan sonra o, A.F. İoffe adına Fizika-Texniki İnstitutunda və S. İ. Vavilov adına Dövlət Optika İnstitutunda işləyib.
Ekimovun işləri SSRİ dövründə də tanınıb. 1976-cı ildə alim “Yarımkeçiricilərdə elektronların və nüvələrin spinlərinin optik oriyentasiyası ilə bağlı yeni hadisələrin aşkarlanması və tədqiqi” silsilə əsərlərinə görə Dövlət Mükafatı alıb.
Bryus və Bavendi 1980-ci illərdən bəri onun ideyalarını inkişaf etdirib. Hazırda kvant nöqtələri, məsələn, LED lampalar və televiziya ekranlarında istifadə olunur.
SSRİ-nin dağıldıqdan sonra, Ekimov 1999-cu ildən ABŞ-da yaşayır və işləyir.
Kimya üzrə Nobel mükafatı laureatlarının rəsmi elanından bir neçə saat əvvəl İsveç Kral Elmlər Akademiyası məktub göndərərək, mükafatın qaliblərinin adlarını qeyd edib. Reuters yazır ki, məktubun səhvən göndərildiyi güman edilir.
Qarabağ separatçılarının sonuncu "prezidenti" Samvel Şahrananyanın da həbs edildiyi bildirilir.
Bakupost.az xəbər verir ki, bu barədə sosial şəbəkələrdə məlumat yayılıb.
Ermənistanın "Hrapark" nəşri də öz mənbələrinə istinadən Şahramanyanın həbs edildiyini bildirib.
Azərbaycan Dövlət Neft Şirkətinin (SOCAR) birinci vitse-prezidenti Xoşbəxt Yusifzadə dünyasını dəyişib.
AzVision.az -ın əldə etdiyi məlumata görə, akademik 93 yaşında vəfat edib.
Qeyd edək ki, Xoşbəxt Yusifzadə 1930-cu il yanvarın 14-də Bakının Pirşağı kəndində anadan olmuşdur. 1947-ci ildə orta məktəbi bitirmiş və M. Əzizbəyov adına Azərbaycan Sənaye İnstitutunun (indiki Azərbaycan Dövlət Neft və Sənaye Universiteti) geoloji-kəşfiyyat fakültəsinə daxil olub. İnstitutu 1952-ci ildə "Neft və qaz yataqlarının geologiyası və kəşfiyyatı" üzrə bitirərək "dağ mühəndisi-geoloq" ixtisasına yiyələnmişdir.
O, 1957-ci ildə ailə qurmuşdur. İki övladı var.
1960-cı ildə "Neft quyularının və laylarının tədqiq edilməsi və Neft Daşları yatağının cənub-qərb qanadının neftli obyektlərinin səmərəli işlənilməsi və istismarı məsələləri" mövzusunda namizədlik dissertasiyası müdafiə etmiş, geologiya-minerologiya elmləri namizədi alimlik dərəcəsinə layiq görülmüşdür.
1987-ci ildə Moskvanın Yanar Qazıntıların Geologiyası və İşlənməsi İnstitutunda "Dəniz neft və qaz yataqlarında axtarış-kəşfiyyat işlərinin sürətlə aparılmasının prinsip və metodları" mövzusunda doktorluq dissertasiyası müdafiə etmiş, geologiya-mineralogiya elmləri doktoru elmi dərəcəsinə layiq görülmüşdür. 2005-ci ildə ona "Professor" elmi adı verilmişdir. 2007-ci ilin aprel ayında Azərbaycan Milli Elmlər Akademiyasının həqiqi üzvü seçilmişdir.
Onun bilavasitə iştirakı və rəhbərliyi ilə Xəzər dənizi hövzəsinin Azərbaycan, Türkmənistan və Rusiya sektorlarında 20-dən artıq neft və qaz yatağı, o cümlədən dünyada məşhur olan "Azəri", "Çıraq" və "Günəşli" yataqları kəşf edilmiş və istismara daxil edilmişdir. 1988-ci ildən başlayaraq xarici şirkətlərlə birgə aparılmış demək olar ki, bütün işlərdə, o cümlədən "Azəri-Çıraq-Günəşli" (dənizin dərin hissəsi) yataqlarının işlənməsində, "Əşrəfi" (1998-ci il), "Qarabağ" (1998-ci il), nəhəng "Şahdəniz" (1999-cu il), iri "Abşeron" (2011-ci il) kimi yataqların, eləcə də 2010-cu ildə ARDNŞ-nin öz gücü ilə açdığı "Ümid" yatağının kəşf edilməsində əvəzedilməz rolu olmuşdur.
X. Yusifzadənin elmi araşdırmaları neft və qaz-kondensat yataqlarının kəşfində və işlənməsində qarşıya çıxan problemlərin həll edilməsi işinə böyük töhfə olmuşdur. Onun rəhbərliyi və bilavasitə iştirakı ilə aparılan elmi-tədqiqat işlərinin nəticələri bu məşhur alimin və görkəmli istehsalat təşkilatçısının nəşr olunmuş 188 elmi əsərində, o cümlədən 12 monoqrafiyasında və 8 ixtirasında öz əksini tapmışdır.
Xoşbəxt Yusifzadənin rəhbərliyi və bilavasitə iştirakı ilə dəniz neft-qaz yataqlarının işlənilməsinin nəzəri əsasları hazırlanmış və həyata keçirilmişdir. Onun elmi fəaliyyəti sahə elmi-tədqiqat və layihə təşkilatları ilə, Azərbaycan Milli Elmlər Akademiyasının (AMEA-nın) institutları ilə bağlı olmuş, birgə tədqiqatların nəticələri istehsalatda müvəffəqiyyətlə tətbiq edilmişdir.
X. Yusifzadə AMEA-nın Neft Ekspedisiyasında, Dərin Neft-Qaz Yataqları Problemləri İnstitutunda da fəaliyyət göstərmiş, dəniz neft və qaz yataqları ehtiyatlarının hesablanmasına, onların işlənilmə layihələrinin tərtib edilib həyata keçirilməsinə rəhbərlik etmiş, yataqların işlənilməsi ilə əlaqədar bir sıra elmi-metodiki və nəzəri məsələlərin həllində bilavasitə iştirak etmişdir.
Xoşbəxt Yusifzadə Azərbaycan Milli Elmlər Akademiyasının akademiki, Rusiya Beynəlxalq Mühəndislər Akademiyasının fəxri akademiki, Türk Dünyası Araşdırmaları Beynəlxalq Elmlər Akademiyasının akademiki, Gürcüstan Milli Elmlər Akademiyasının xarici üzvü, Azərbaycan Respublikası Prezidenti yanında Ali Attestasiya Komissiyası rəyasət heyətinin üzvü, "Azərbaycan Neft Təsərrüfatı" və "Azərbaycanın geofizika yenilikləri" jurnalları, Azərbaycan Milli Ensiklopediyası redaksiya heyətlərinin üzvü, Azərbaycan Geofizikləri Milli Komitəsinin, Azərbaycan Neftçi-Geoloqları Cəmiyyətinin, Amerika Neftçi-Geoloqları Assosiasiyasının, Avropa Alim-Geoloqları və Mühəndisləri Assosiasiyasının, Azərbaycan Respublikası Ağsaqqallar Şurasının üzvü idi.
O, sağlığında "Şöhrət" ordeni (Azərbaycan) (18 sentyabr 2004), "Şərəf" ordeni (11 dekabr 2009), 1-ci dərəcəli "Əmək" ordeni (19 sentyabr 2017), "Azərbaycan Xalq Cümhuriyyətinin 100 illiyi (1918-2018)" yubiley medalı (2019-cu il), "Heydər Əliyev" ordeni (13 yanvar 2020) və "İstiqlal" ordeni (13 yanvar 2000) ordenləri ilə təltif olunub.
Bakinin Xətai rayonu, Afiyəddin Cəlilov küçəsi - 11 k ünvanında fəaliyyət göstərən “Flora Holland” gül mağazası deyəsən, dövlət dilimizin Azərbaycan dili olduğunu unudub.
Əgər belə olmasaydı, endirimlə bağlı elanını ana dilimizdə yazmayıb rus dilində yazmağı və dilimizi “ikinci sort” yerinə qoymağı rəva bilməzdi.
flora-hoƏlbəttə, biz bilmirik bu mağazanın – şirkətin rəhbərliyi kimin əlindədir, kimdir sahibi, hansı millətin gen daşıyıcısıdır, amma bura Azərbaycandır və dövlət dilimizə hörmət etmək hər bir kəsin borcudur! Kimlər isə “ruskoyazıçnı” ola bilər və biz rusun dilini ana dilimiz səviyyəsində bilə bilərik, amma başqa millətin dilini təbliğ edib, ana dilimizi gözdən salmağa imkan verməməliyik.
Düşünürəm ki, “Flora Holland” da hansı ölkədə fəaliyyət göstərdiyinin fərqində olsa yaxşıdır.
Bu xalq, işğalda olan torpaqlarını ermənilərdən xilas etmək üçün minlərlə şəhid verib qəhrəmanlıq dastanı yazıb və o şəhid oğullar o torpaqları ona görə qanları ilə sulayıb Vətən etməyiblər ki, onların “ana dilini ağladıb”, əcnəbinin dilini başa çəksinlər!
Vətənə, dilimizə olan bu sevginin mənasını, anlamını dərk etməyənlər bunu anlasalar yaxşıdır!
Tezadlar.az