 |
|
|
Türkiyənin İstanbul şəhərində 3,1 bal gücündə zəlzələ baş verib.
Bu barədə Kandilli Rəsədxanası məlumat yayıb.
Bildirilib ki, yeraltı təkanların dərinliyi 3 kilometr olub. \\Bizim.Media
Yaxın günlərdə qısa bir müddət Gəncə şəhərində oldum. Bu müddət o qədər səmərəli keçdi ki, şəhərin vəziyyəti haqqında tam və müfəsssəl məlumatlar toplaya bildim. Ciddi müşahidələr apardım, ilk əvvəl özümə də inanılmaz gələn dəqiq məlumatlar əldə etdim. Müşahidələrim və əldə etdiyim statistik rəqəmlər məni Gəncə şəhəri ilə bağlı silsilə məqalələr dərc etməyə sövq etdi. Bəribaşdan deyim ki, Azərbaycanın ikinci paytaxtı hesab olunan, 340 mindən çox əhalisi olan Gəncə böyük təhlükə altındadır, şəhər reanimasion durumdadır və dövlətçilik ənənənələri, ideoloji iş, kadr siyasəti özünün süqut dövrünü yaşayır. Əhalinin sosial rifahından, təhsilin, səhiyyənin, infrastrukturun, turizmin, biznes mühitinin vəziyyətindən isə danışmağa dəyməz.
QISA ARAYIŞ: Gəncə Şəhər İcra Hakimiyyətinin başçısı Niyazi Bayramovla bağlı əhali arasında oturuşmuş bir fikir formalaşıb. Şəhər əhalisi hesab edir ki, icra başçısı yalnız günün birinci yarısı işdə olur, günü ikinci yarısından etibarən isə vaxtını yaxın dostları ilə bərabər içki məclislərində keçirir.
Azərbaycanın ən strateji əraziləri siyahısında ilk yerlərdən birində qərarlaşan Gəncə şəhəri həm mərhum prezident Heydər Əliyevin və həm də Prezident İlham Əliyevin xüsusi diqqət dairəsində olub. Şəhərin ölkədaxili və qlobal əhəmiyyətinin artırılması istiqamətində Prezident İ.Əliyev kifayət qədər tapşırıq və göstərişlər verib. Amma sabiq icra başçısı Elmar Vəliyevin zamanında qalan problemlər N.Bayramovun dövründə daha da dərinləşib, hazırda Gəncədə baş verən açıq və gizli proseslər müsbət perspektivlər vəd etmir. Dövlət başçısının tapşırıqları bir çox hallarda yarımçıq icra olunub. Demək olar ki, icra başçısı ilə əhali arasındakı rabitə tamamilə itib.
Gəncə şəhəri müasir Azərbaycan tarixinin ən səs-küylü hadisələri ilə tarixin yaddaşına düşüb. Ötən əsrin 90-cı illərində Surət Hüseynovun qiyamı, 2018-ci ildə Gəncədə baş verən hadisələr və sabiq icra başçısı E.Vəliyevin güllələnməsi Gəncə şəhəri ilə bağlı tutarlı strategiyanın işlənib hazırlanmasını labüd edirdi. Müxtəlif dini cərəyanlara məxsus radikal qrupların və kriminal komandaların formalaşması bu gün də Gəncənin ən ağır və strateji problemi kimi vitrindədir.
Gəncədə nə baş verir?
- Narkomaniya və narkotik maddələrin satışı ən pik həddə çatıb
- Dilənçilik bütün şəhəri bürüyüb
- Müxtəlif dini cərəyanlara və xarici ölkələrə bağlı radikal qruplaşmalar açıq, gizli və yarıgizli şəkildə təşkilatlanıb
- Kriminal aləmin nümayəndələri şəhərdə əsas söz sahiblərinə çevriliblər
- Ziyalılar şəhəri tərk edərək Bakıya köçürlər
- Binzesmenlər qorxudulur, vergi məmurları onlardan qanunsuz vəsaitlər tələb edirlər
Sovet dövründə Gəncə şəhərində 150-dən çox istehsal müəssisələri fəaliyyət göstərirdi. Bu gün həmin müəssisələrin çox az bir qismi, onlar da insan əməyindən az istifadə olunmaqla, müasir texnologiya ilə öz fəaliyyətini davam etdirir. Gənclərin işsizlik problemi onların kriminal aləmə və radikal dini qruplaşmalara meyl etməsinin əsas səbəbi kimi hələ də öz aktuallığını saxlayır.
Ailələrin dağılması, boşanmaların artması geniş vüsət alıb və son 5 il ərzində dilənçiliyin səviyyəsi bir neçə dəfə artıb. Dilənçilər arasında qadınlar çoxluq təşkil edir, əvvəlki illərdən fərqli olaraq, dilənçiliyin yaş səviyyəsi çox aşağı düşüb və 5-8 yaş arası qız uşaqları küçələrdə, ticarət mərkəzlərinin, restoranların qarşısında fasiləsiz dilənirlər. Əgər əvvələr daha çox Yevlaxdan gələn qaraçılar dilənirdilərsə, indi ailəsi dağılmış qadınlar, təqaüd yaşına çatmış yaşlılar və əmək qabiliyyətli gənc qızlar dilənçilik edirlər.
İnsanların, xüsusilə, gənclərin məşğulluq problemlərinin həll edilməməsi, işsizliyin kütləvi hal alması onların radikal qruplaşmalara meyl etməsini təmin edən əsas faktordur.
Gəncə şəhərinin ziyalıları həmişə ölkənin mədəni, elmi, ictimai-siyasi həyatında aktiv rol oynayıblar. İndi şəhərdə ziyalı mühiti o qədər zəifləyib ki, onlar şəhərin həyatında heç bir rol ala bilmirlər. Diqqətsizlikdən əziyyət çəkən şəhər ziyalılarının təxminən 20%-i son 5-6 il ərzində Gəncəni tərk edərək, Bakıya köçüblər. N.Bayramov öz sələfi E.Vəliyevin kursuna sadiq qalaraq, daha çox layiq olmayan kadrları irəli çəkməklə, intellektual təbəqəni şəhərdən qovub çıxarır. Heç şübhəsiz ki, belə olan halda şəhərdə dini radikalizm və kriminal durum daha da güclənmiş olur.
Gəncədə şəbəkələşmə və təşkilatlanma...
Gəncədə gənclərin işsizlikdən əziyyət çəkməsi, onların narkotik və spirtli içkilərin aludəçisinə çevrilməsi milli dövlətçiliyimiz üçün ciddi təhdidlər yaratmaqdadır. Müxtəlif radikal dini qrupların təsiri altına düşən bu gənclər başqa ölkələrin maraqlarına xidmət etdiklərini açıq şəkildə etiraf etməkdən çəkinmirlər. Zamanında bu gənclərlə işləmək lazım idi. Bəlkə də Azərbaycanda çox həssas əhali kütləsinə sahib birinci şəhər Gəncədir. Gəncə müxtəlif ölkələrin dini təbliğatı üçün ən münbit ərazilərdən biridir, çünki burada oturuşmuş, dəyişilməyən zeyniyyət mövcuddur və kölə zehniyyəti aradan qaldırmaq üçün də gənclər arasında köklü heç bir iş görülməyib.
Məni tanıyanlar bilirlər ki, təriqərtçi deyiləm, amma təriqət məsələsi məqsədli şəkildə ortaya atılanda öz mövqeyimi ifadə etməyi də bacarıram. Məhz “suların bulandığı” məqamda mən əsil-kökümün qaynaqlandığı və qürur duyduğum şiə olduğumu həmişə üsyankar şəkildə ifadə etmişəm. Zaman-zaman başlanan məqsədli proseslərdə də öz qələmimi süngü etməkdən çəkinməmişəm, dindarlar, ilahiyyatçılar, alimlər, ictimai-siyasi xadimlər qaçıb gizlənəndə mən döyüşmüşəm, bunu hər kəs bilir.
Amma Gəncədə durum tamamilə fərqlidir. Burada Vətənə xəyanət, İrana casusluq var.
Hazırda Gəncədə radikal dini qruplaşmaların üzvü olan və İranın gizli servislərinə xidmət edən minlərlə gənc var. Əldə etdiyim məlumatlardan görünür ki, hazırda Gəncədə 17-dən artıq dini qruplaşma gizli və yarıgizli şəkildə fəaliyyət göstərir. Onların İranın xüsusi xidmət orqanlarından, eləcə də, Qum şəhərindəki dini-ideoloji mərkəzlərdən tapşırıqlar aldığı heç bir şübhə doğurmur. İran meylli şəxslərin təxminən 20-25%-i radikal fikirlərini ifadə etməkdən çəkinməsələr də, hələki “yatmağa” üstünlük veriblər. Bu şəxslərə “İranın şiəliyə heç bir aidiyyatının olmadığını” aşılamaq üçün çox gecikmişik.
Gəncədə daha bir təhlükə - Əhalinin dindar təbəqəsinin içində “Sunqurçu”ların təşəkkül tapmasıdır. “Nurçu”luğun bir qolu olan “sunqurçu”lar Gəncədə 6-7 dərsxana təşkil edərək formalaşmağa başlayıblar.
Əvvəllər Azərbaycan Texnologiya Universiteti “Fətullah Gülən camaatı”na mənsub şəxslərin nəzarətində idisə, indi vəziyyət qismən dəyişib, amma ümumən şəhərdə və müxtəlif müəssisələrdə “nurçu”ların Fətullaha bağlı qolu öz mövcudluğunu qoruyub saxlaya bilib.
Rayon rəhbərliyi baş verən bütün bu proseslərə nəzarət etmək iradəsinə sahib deyil.
Sahibkarlar isə qorxu altında yaşayır. Vergi məmurlarının sahibkarları qorxudaraq, onlardan əlavə vəsaitlər tələb etməsi və bu qanunsuz hərəkətləri işğaldan azad edilən ərazilərdə aparılan quruculuq işlərinə sərf olunacağını bəhanə gətirərək həyata keçirməsi Gəncə şəhərinin biznes mühitinin dəhşətli və qorxulu mənzərəsinin praktiki ifadəsidir.
P.S. Şəhərin biznes mühiti, səhiyyə və elm sahəsi, bərbad idarəetmə müxanizmləri, infrastrukturu haqqında ayrı-ayrılqıda məqalələrimizi oxuya biləcəksiniz...
Müəllif: Samir Feyruzov
Teref.az
Azərbaycanda məhkəmə-hüquq sistemi fəlakətli durumda...
Uzun-uzadı giriş-filan yazmadan konkret mövzuya keçmək istəyirik. Son bir ayda ölkəmizin məhkəmə-hüquq sistemi ilə bağlı ölkə mediasında yayılan 3 RƏSMİ xəbərə nəzər salaq və özümüz üçün nəticə çıxardaq.
Bir daha qeyd edirik ki, hər 3 xəbər rəsmi orqanlar tərəfindən yayılıb. Birinci xəbərdən bəlli olur ki, Bakı Ağır Cinayətlər Məhkəməsinin 12 il həbs cəzası verdiyi şəxsə 1 il sonra Bakı Apellyasiya Məhkəməsi BƏRAƏT verib. Belə ki, İran vətəndaşından aldığı külli miqdarda narkotik vasitəni satmaqda təqsirli bilinərək 12 il azadlıqdan məhrum edilmiş şəxsin cinayət işinə yenidən baxılıb. Hökmdən təqsirləndirilən şəxsin vəkili apellyasiya şikayəti verib. İşin mahiyyəti ondan ibarətdir ki, 43 yaşlı Azərbaycan vətəndaşı İran vətəndaşı ilə əvvəlcədən əlaqəyə girib, onun göndərdiyi narkotiki "Dağüstü park” ərazisində daşın altından götürərkən saxlanılıb. Onun evinə baxış zamanı da narkotik vasitə (heroin) evində aşkar edilib.
İş materiallarında qeyd olunub ki, təqsirləndirilən şəxs narkotik vasitəni satış məqsədilə ələ keçirib. Ona qarşı Cinayət Məcəlləsinin 234.4.3-cü ( külli miqdarda narkotik satışı) maddəsi ilə ittiham elan olunub. Bakı Ağır Cinayətlər Məhkəməsində bəlli olub ki, təqsirləndirilən şəxsin evindən çıxan KÜLLİ MİQDARDA NARKOTİK maddədən xəbəri olmayıb. Və təqsirləndirilən şəxs narkotik maddəni ŞƏXSİ İSTİFADƏ üçün alıb. Ay bərəkallah, KÜLLİ MİQDARDA narkotiki şəxsi istifadəsi üçün alıb. Yaxşı onun evinə KÜLLİ MİQDARDA narkotiki kim qoyub, deyir ki, xəbərim yoxdur... Və nəticədə 12 il HƏBS olunan şəxsə BƏRAƏT verilib. Vallahi, heç “Min bir gecə nağıllarında” belə gülməli hallar olmayıb. Yaxşı əgər bu adama BƏRAƏT verirsinizsə, onda onu 1 il həbsdə saxlayan, ona 12 il iş cəza verən hakimlərin məsələsinə niyə baxmırsınız..? Bəs o hakimləri cəza gözləmir..?
İndi ikinci məhkəmə işinə qısaca nəzər salaq. Avtomobillə ana və iki azyaşlı uşağını vurub öldürən sərxoş sürücüyə 6 il 6 ay cəza verildi. Şəki Ağır Cinayətlər Məhkəməsində Qubada avtomobillə ana və iki azyaşlı uşağını vurmaqda təqsirləndirilən şəxsin cinayət işi üzrə məhkəmə istintaqı yekunlaşıb. Məhkəmənin hökmü ilə o, 6 il 6 ay müddətinə azadlıqdan məhrumetmə cəzasına məhkum edilib.
Təsəvvür edirsiniz, 3 insanın, bir ailənin həyatını məhv edib, özü də sərxoş vəziyyətdə və 6 il 6 ay cəza alıb. Bir toyuq oğrusuna da 5 il cəza verilir, 3 insanı həyatdan məhrum edənə də...
İndi üçüncü məhkəmə işinə nəzər salaq. 240 manat rüşvət alana.... - 7 il 6 ay həbs verildi Dörd gün öncə Bakı Apellyasiya Məhkəməsi bu qərarı verib. 3 insanı öldürənə 6 il 6 ay, 240 manat rüşvət alana isə 7 il 6 ay cəza verilir. Bax, Azərbaycanda məhkəmə-hüquq sistemi belə fəlakətli durumdadır.
Deməli, Şimal Ərazi Baş Gömrük İdarəsinin Şirvanlı Gömrük Postunun rüşvət almaqda təqsirli bilinərək şərti cəza verilmiş əməkdaşı ilə bağlı hökmdən verilmiş apellyasiya protestinə baxılıb. Bakı Apellyasiya Məhkəməsində keçirilən iclasda dövlət ittihamçısı etirazını əsaslandırıb. Prokuror deyib ki, baxılan iş birinci instansiya məhkəməsində düzgün araşdırılmayıb, törədilən cinayətin ağırlığına münasibətdə yüngül cəza təyin edilib. Hakimlər heyəti prokurorun protestini əsaslı, müdafiəçinin şikayətini əsassız hesab edib. Qərara əsasən, gömrük əməkdaşı rüşvət almaqda təqsirli bilinərək 7 il 6 ay azadlıqdan məhrum edilib. O, məhkəmə zalında həbs olunub.
Təsəvvür edirsiniz, birinci instansiya məhkəməsi ŞƏRTİ İŞ verib, Bakı Apelyasiya Məhkəməsi 7 il 6 ay. Yenə həmin suallar… Bu qədər fərq ola bilməz… Əgər belədirsə, birinci instansiya məhkəməsinin hakimləri mütləq cəza almalıdır. Ulu Öndər Heydər Əliyev əbəs yerə demirdi: “Dövlət iki şeydən sarsıla bilər: günahkar cəzasız qalanda və günahsıza cəza veriləndə”.
P.S. Xırda bir hesaqblama apardıq. 240 manata 7 il 6 ay cəza. 240 : 7.5 = 32 manat.
Deməli, 32 manat rüşvətə görə 1 il həbs cəzası. Görəsən bu qayda ilə yüz milyonları mənimsəyən Müdafiə Nazirliyinin vəzifəli şəxslərinə neçə ƏSR cəza düşür..?
Gundelik-baku.com
Elm və Təhsil Nazirliyi məhkəməyə verilib.
Qaynarinfo xəbər verir ki, iddiaçı İsmayılova Ramilə Əmir qızıdır.
Onun iddiasına Bakı İnzibati Məhkəməsində baxılacaq. Ramilə İsmayılovanın iddia tələbi işə bərpa ilə bağlıdır.
Araşdırmalarımız zamanı məlum olub ki, o, 45 saylı orta məktəbdə fiziki tərbiyə üzrə ibtidai sinif müəlliməsi olub.
Onun hansı səbəbdən işdən çıxarıldığı bəlli deyil. Məlum olan odur ki, Ramilə İsmayılova bu qərardan narazıdır.
"Səhər avtobusla işə gəlirəm. Bir kişi avtobusa minib, əlindəki balaca əl çantasını qabaqda oturcaqların arasına qoyub, keçib arxa tərəfdə əyləşdi. Ərinmədim, çantanı götürüb, yaxınlaşdım.
- Sizindi?
- Hə.
- Zəhmət olmasa, özünüzdə saxlayın, balaca şeydi.
- Yeməyimdi, işə gedirəm.
- Olsun, qardaş, ancaq özünüzdə saxlayın.
Sağ olsun, sözümü yerə salmadı.
Kimlərisə qorxutmaq, əhali arasında panika yaratmaq fikrində deyiləm. Ancaq bir-birinin ardınca qazandığımız uğurları düşmənlərimizin beləcə rahat şəkildə həzm edəyəcəyinə inanmıram. Siyasətdə, diplomatiyada, hərb meydanında rəzilcəsinə məğlub olan bu çaqqal sürüsünün, fahişə yığnağının taktikanı dəyişəcəyinə adım kimi əminəm. Dəyişilən taktika nə ola bilər? Terror!
İctimai nəqliyyatda, insanların gur olduğu yerlərdə, qapalı məkanlarda gözümüz dörd olmalıdır. Hər şübhəli məqam, detal, şəxs barədə hüquq-mühafizə orqanlarına xəbər vermək lazımdır. Şükür olsun Tanrıya, Azərbaycanımızın, Dövlətimizin, Xalqımızın yarıdı, ancaq yenə də bunların illərdən bəri törətdikləri cinayətləri xatırlasaq, hansı düşmənlə üz-üzə durduğumuzu unutmamalıyıq!".
Bu fikirləri jurnalist İlham Tumas feysbuk səhifəsində paylaşıb. Həmkarımız bu günlərdə insanların daha ehtiyatlı və ətrafa qarşı diqqətli olmalı olduğunu qeyd edib.
TEREF.AZ-ın məlumatına görə, jurnalistin fikirlərini "Sherg.az"a şərh edən təhlükəsizlik məsələləri üzrə ekspert Rəşad Rza bildirib ki, terror aktı Ermənistan tərəfindən hər an gözlənilən hadisədir:
"İstənilən bir vəziyyətdə bunu edə bilərlər. Buna qarşı dövlətimiz tərəfindən lazımi tədbirlər görülüb. Belə halların qarşısının alınması üçün güc strukturu tərəfindən agentura şəbəkəmiz çox operativ işləyir. Ona görə də heç bir narahatlığa gərək yoxdur. Təbii ki, ehtiyatı əldən verməmək lazımdır. İnsanlar çox olan yerlərdə diqqətli olmalıyıq. Çünki hər an hər şey ola bilər. Sabit və sülh şəraitində yaşamağmıza baxmayaraq, terrordan heç kəs sığortalanmayıb".
Bakının Sabunçu rayonunda ailə məişət zəminində bıçaqlanma olub.
APA xəbər verir ki, hadisə Maştağa qəsəbəsində baş verib.
Belə ki, 1986-ci il təvəllüdlü Təranə Gülverdi qızı Tapdıqova həyat yoldaşı ilə dava edib.
Dava zamanı T.Tapdıqova bıçaqlanıb.
Yaralı Sabunçu Tibb Mərkəzinə yerləşdirilib.
Sabunçu Rayon Polis İdarəsinin 14-cü Polis Bölməsinin əməkdaşları faktla bağlı araşdırma aparırlar.
Vasif Talıbovun istefasından sonra onun səlahiyyətləri avtomatik olaraq sədrin birinci müavini olan Azər Zeynalova keçdi. Digər müavin yeri isə uzun müddət boş idi. Azər Zeynalovun post-Talıbov dönəmində postunda qala bilməsi, hətta vəzifələrə təyinatların da onun tərəfindən imzalanması, bu personanın sanki reabilitasiya olunduğu təəssüratını yaradırdı.
Sual olunurdu: Vasif Talıbov dönəmində “boz kardinal” rolunu oynayan bu şəxs adını islahatçı qoyan yeni komandaya necə isnişə bilib? Ancaq ən maraqlı hal Prezident İlham Əliyevlə Ərdoğanın Naxçıvanda keçirilən görüşü zamanı yarandı. Azər Zeynalov ali səlahiyyətli şəxs olsa da, rəsmi protokola onun yox, vəzifə ierarxiyasında ondan aşağı pillədə olan Ali Məclisin müavini Anar İbrahimovun adı salınmışdı. Prezidentlərin Naxçıvan görüşü zamanı Azər Zeynalov ümumiyyətlə gözə dəyməyib.
Əldə etdiyimiz məlumata görə, Azər Zeynalovu tam bitirən səbəblərdən biri də onun keçirilən lokal anti-terror tədbirlərindən sonra ölkə başçısına ünvanladığı təbrikin mətnində səlahiyyət həddini aşması olub.
Həmin təbrik Naxçıvan Ali Məclisinin rəsmi orqanı olan “Şərq qapısı” qəzetində dərc edilib. Maraqlıdır ki, qəzet mətni məxsusi olaraq Azər Zeynalovun təbriki başlığı ilə dərc edib. Bu da haqlı narazlıq yaradıb: Azər Zeynalov kimdir ki, şəxs olaraq bütün naxçıvanlıların adından danışır? Bəlkə də, sözügedən təbrik Ali Məclisin adından ünvanlansaydı normal qarşılanardı.
Azər Zeynalovun həbs edilməsi ilə bağlı məlumatlar yayılsa da, rəsmi qurumlar bu xəbəri nə təsdiq, nə də təkzib edir. Bir faktı qeyd edək ki, Azər Zeynalovun millət vəkili kimi toxunulmazlığı var. Onu məsuliyyətə cəlb etmək üçün, əvvəlcə mandatı əlindən alınmalıdır. Hələ ki, bu hadisə baş verməyib.
Məhəmmədəli Qəribli
Azinforum.az
Almatı şəhərinin Bostandık rayon məhkəməsində qeyri-adi məhkəmə prosesi gedir. Şəhər sakinlərindən biri Yevgeni Sartin keçmiş həyat yoldaşına qarşı məhkəmə iddiası qaldırıb. İddianın mövzusu Qrişka adlı tutuquşu olub. Yevgeni Sartin boşandıqdan sonra quşun onunla qalmasını tələb edir və iddia edir ki, Qrişka onun keçmiş arvadı ilə qalsa, quşun psixoloji vəziyyəti kəskin şəkildə pisləşəcək.
Yevgeni həmçinin dəymiş ziyana görə hazırkı məzənnə ilə təxminən 448 ABŞ dolları məbləğində kompensasiya tələb edir. Bu məbləğə tutuquşu və onun qəfəsinin alınmasına xərclənən pullar daxildir.
Təqsirləndirilən Yekaterina Sandler deyir ki, tutuquşu qızı Yevaya hədiyyə olaraq alındığı üçün Qrişkanı keçmiş ərinə vermək niyyətində deyil. Üstəlik, onların başqa bir tutuquşu var idi ki, onun ölümündən sonra Yeva çox narahat olub və onun əvəzinə bu tutuquşu alınıb.
"Bizim bir quşumuz var idi. Təəssüf ki, o öldü. Uşaq çox narahat olduğu üçün eyni quş tapmaq qərarına gəldik. Bizim əvvəlki tutuquşu danışırdı. Qızım və mən ona danışmağı öyrətmək üçün çox əziyyət çəkdik . O, çox söz bilirdi. Biz bütün şəhərdə yenisini axtardıq və tapdıq” - deyə, Yekaterina bildirib.
Keçmiş ərinin narahat olduğu iddia edilən Qrişkanın psixoloji vəziyyətinə gəldikdə, Yekaterinaya görə, quşun psixikasına mənfi təsir göstərən heç kim və ya heç bir şey yoxdur. Yekaterina və qızının yaşadığı mənzil tutuquşun otaqdan otağa keçməsini rahat etmək üçün təchiz olunub. Yekaterina deyir ki, quş qəfəsdə oturmağı sevmir və uzun müddət orada qaldıqda ucadan etiraz edir.
Lakin iddia ərizəsində Yekaterina keçmiş əri quşun psixoloji vəziyyətindən narahat olmaq üçün əsası olduğunu göstərib. O, iddia edir ki, cavabdehin evində ev heyvanı ilə heç bir əlaqəsi olmayan bir şəxs yaşayır və iddiaçı onun tutuquşuya necə münasibət göstərdiyini bilmir.
Yevvgeninin iddia ərizəsində Qrişkanın həyatındakı bu cür dəyişikliklərin tutuquşunun "danışmağı dayandırmasına, çox aqressivləşməsinə və dişləyə bilməsinə səbəb ola biləcəyi deyilib.
amerikaninsesi