“Bermud üçbucağı” Şimali Atlantikada illər ərzində baş verən bir sıra müəmmalı itkinlərlə məşhur olan və şəhər əfsanələri və sui-qəsd nəzəriyyələrinin mövzusu olan bir yerdir. Bununla belə, Bermud adalarının çox şimalında “Alyaska Üçbucağı” kimi tanınan başqa bir eyni dərəcədə qəribə və sirli qara “üçbucaq” var.

Lent.az xəbər verir ki, Karib dənizinin şimal sahillərində yerləşən arxipelaq olan Atlantik okeanındakı Bermud adaları dünya miqyasında tanınır. Böyük Britaniyanın xaricdəki ərazilərindən biri olan Bermud adaları əslində “təhlükə üçbucağının” şaquli nöqtəsidir. Üçbucağın digər tərəfləri ABŞ-ın Florida ştatı və ABŞ-a bağlı olan Puerto Riko muxtar bölgəsidir. Bu 3 yer arasındakı bölgəyə “Bermud üçbucağı” deyilir. Ancaq bu günə qədər saysız-hesabsız seriallara, filmlərə və romanlara mövzu olan “Bermud üçbucağı”ndan başqa qəribə və təhlükəli bir üçbucaq da var. Bermudadan xeyli şimalda yerləşən və “Alyaska Üçbucağı” kimi tanınan bu bölgədə 20 mindən çox insan müəmmalı şəkildə yoxa çıxıb.

Borrou, Ankorik və Cuno şəhərləri arasındakı “Alyaska üçbucağı” olaraq bilinən meşə sahəsində indiyə qədər 20 min insanın itkin düşməsi bölgəni qəribə və sirli edir.

Ən azı “Bermud üçbucağı” qədər təhlükəli hesab edilən “Alyaska üçbucağı” ilk dəfə 1972-ci ildə təyyarə qəzasında kəşf edilib. 1972-ci ilin oktyabrında Ankorikdən Cunoya gedən kiçik sərnişin təyyarəsinin qəfil yoxa çıxması ictimaiyyətin diqqətini çəkdi. Yüzlərlə kilometr ərazidə çoxsaylı axtarışlara baxmayaraq, nə sərnişinləri, nə də qalıqları tapmaq mümkün olmadı. Üstəlik, bu təyyarə qəzası “Alyaska Üçbucağı”nda nə ilk, nə də sonuncu idi. Bu, bu günə qədər davam edəcək qəribə hadisələrin yalnız başlanğıcı idi.

ABŞ Nümayəndələr Palatasının üzvü Tomas Heyl Boqqs və bir çox siyasətçi Alyaskada yoxa çıxan ilk təyyarədə səyahət edirdi. Təyyarə üçbucağın üzərindən keçərkən müəmmalı şəkildə yoxa çıxıb. Xəbər Vaşinqtona çatanda ABŞ tarixində o vaxta qədər həyata keçirilən ən əhatəli axtarış-xilasetmə əməliyyatı başlandı.

40 hərbi və 50 mülki təyyarə günlərlə axtarış-xilasetmə əməliyyatları həyata keçirildi. Lakin bütün səylərə baxmayaraq, itən təyyarəni tapmaq mümkün olmadı.

İddialara görə, Boqqs ABŞ-ın keçmiş prezidenti Con Kennedinin qətlini araşdırmaq üçün təyin olunmuş komissiyanın üzvü olub və istintaq zamanı sir saxlanılan məxfi məlumatları əldə edib. Bəziləri hesab edirdilər ki, Boqsun “Alyaska üçbucağı” üzərindən uçması təsadüfi deyil. Saysız-hesabsız cavabsız sualları olan itirilmiş təyyarə faylı qapalı qaldı.

“Alyaska Üçbucağı” və ərazidəki saysız-hesabsız itkilərlə bağlı görkəmli nəzəriyyələrdən biri 1986-cı ildə Federal Aviasiya Administrasiyasına (FAA) təqdim edilən qəribə hesabatdan gəldi. Hesabatda Yaponiya Hava Yollarının 1628 saylı uçuşunun 3 naməlum uçan obyektlə (UFO) qarşılaşdığı iddia edilir.

Pilot, obyektlərin təyyarə ilə ayaqlaşdığını və qeyri-sabit reaksiyalarla işıq saçaraq hərəkət etdiyini görməzdən əvvəl ilkin olaraq onun hərbi olduğuna inandıqlarını deyib. Bu iddialar daha sonra mülki, həmçinin hərbi radarlar tərəfindən təsdiqləndi və bəziləri “Alyaska Üçbucağında” baş verən minlərlə qəribə itkin düşmə hadisəsinin yadplanetlilərə aid edilə biləcəyini düşünməyə vadar etdi.

Başqa bir nəzəriyyə isə “Alyaska Üçbucağında” nəhəng fırlanan enerji burulğanlarının olması idi. İddialara görə, enerji burulğanının fırlanma istiqaməti insan davranışına təsir edə bilər. Məsələn, saat əqrəbi istiqamətindəki burulğan müsbət emosiyalar yaradırdısa, saat əqrəbinin əksinə olan burulğan insanlarda mənfi emosiyalar və çaşqınlıq yaşamağa səbəb olur. Əslində, elektron oxunmaların “Alyaska Üçbucağında” əhəmiyyətli maqnit pozuntuları aşkar etdiyi və ərazidə axtarış aparan şəxslərin kompaslarının 30 dərəcədən çox sönük olduğu bildirildi.

Daha əvvəl bölgədə olmuş insanlar bu iddianı dəstəkləyiblər. Onlar həmçinin çaşqınlıq hiss etdiklərini və ya eşitmə halüsinasiyaları yaşadıqlarını bildirdilər. Bu faktlar insanların niyə “Alyaska üçbucağında” itdiyini və ya qəzaya uğradığını izah edə bilər.

Bölgədə baş verənlərlə bağlı başqa bir nəzəriyyə yerli Amerika folkloruna əsaslanırdı. Yerli Tlingit və Tsimshian xalqları Alyaska səhrasında ov axtaran, “Kuştaka” kimi tanınan forma dəyişən bir canlının hekayələrini danışırdılar.

“Kuştaka” xarici görünüşünə görə su samuruna bənzəyirdi. Bu məxluq qurbanlarını ya parçalayıb, ya da özü kimi kuştakaya çevirərək səhranın dərinliklərinə aparırdı.

“Alyaska üçbucağında” fövqəltəbii hadisələrin baş verdiyinə inanmaq sirli və maraqlı olsa da, alimlərin işi tamam başqa idi. “Alyaska üçbucağı”nın izahatı sadəcə olaraq, coğrafiya idi. Bu bölgəyə il boyu qar yağırdı. Ərazi vəhşi canlıların, gizli mağaraların eləcə də iri yarğanların olduğu nəhəng buzlaqların evi idi. Təyyarələr məhz bu səbəbdən qəzaya uğraya bilərdi. İddialara görə, itkin düşən sərnişinlər dərin çuxurlara düşərək, dərhal qarın altında yoxa çıxa bilər. Qar o qədər güclü yağır ki, hətta təyyarələr nəhəng ölçülərinə baxmayaraq, qalır qar örtüyünün altında tez yoxa çıxırlar. Üstəlik, Alyaska ərazi baxımından Texasdan iki dəfə çox böyükdür və 730 min nəfər əhalisi ilə sıx məskunlaşma olmayan yerdir.

Nəzəriyyələr çox olsa da, doğru olan tək şey bu bölgənin çox təhlükəli və ölümcül olmağa davam etməsidir.

Azərbaycanda bir çox dövlət məmurlarının vəzifə səlahiyyətlərindən öz şəxsi mənafeləri üçün istifadə etmələrinə dair media və sosial şəbəkələrdə çoxsaylı materiallar yayımlanıb. Vəzifəli şəxslər tutduqları postun imkanlarından yararlanaraq şəxsi bzineslərini çiçəkləndirmək uğrunda sanki yarışa giriblər.

TEREF.AZ-ın Yenicag.az-a istinadən əldə etdiyi məlumatda Sumqayıt Apellyasiya Məhkəməsinin hakimi Şəmsəddin Abbasovun da həmin məmurların sırasında özünə möhkəm yer tutduğu iddia edilir. Qeyd edək ki, Sumqayıt şəhər Apellyasiya Məhkəməsinin hakimi Şəmsəddin Abbasovun adının biznesdə hallanması yeni söhbət deyil.

Belə ki, bir neçə il öncə “Xudat Balıq” ASC-nin sabiq direktoru, iş adamı Güləhməd Güləhmədov mətbuat vasitəsilə ədliyyə naziri Fikrət Məmmədova ünvanladığı məktubda bildirirdi ki, Abbasov Şəmsəddin Rizalı oğlu 01 mart 2006-cı il tarixdən bu günə qədər (2020-ci il) sözügedən Səhmdar Cəmiyyətin Direktorlar Şurasının üzvüdür. İş adamı ədliyə nazirinə belə bir müraciət ünvanlamasının səbəbini isə Şəmsəddin Abbasovun ona məxsus təsərrüfatın qeyri-qanuni yollarla başqaları tərəfindən əlindən alınması prosesində birbaşa iştirak etməsi ilə əlaqələndirmişdi (link: https://azpolitika.info/?p=128132).

Bundan başqa, ölkə mətbuatında yayımlanan digər məlumatda Şəmsəddin Abbasovun bizneslə məşğul olan qardaşının tez-tez İrana gedib-gəldiyi və bu ölkə ilə sıx əlaqədə olduğu vurğulanır (link: https://azfakt.com/sumqay_t_apellyasiya_mehkemesinin_hakimi_yeni_biznese_girişib).

Redaksiyamıza daxil olan məlumata əsasən, Sumqayıt Apellyasiya Məhkəməsinin hakimi Şəmsəddin Abbasov vəzifəsindən sui-istifadə edərək avtomobil mühərriklərinin ehtiyat hissələrinin təmiri sahəsində inhisarçı mövqeyə sahiblənib. Haşiyə olaraq qeyd edək ki, avtomobil mühərriklərinin təmiri işi kənardan kiçik biznes təəssüratı yaratsa da, əslində, çox gəlirli bir sahədir. Azərbaycanda hər il dövlət və özəl şirkətlər balanslarında olan avtomobillərin təmiri üçün milyonlarla manat vəsait xərcləyirlər.

İddialara görə, bu biznesdə milyonlarla manat vəsaitin dövr etdiyini yaxşı bilən Şəmsəddin Abbasov vəzifə səlahiyyətindən sui-istifadə edərək dövlət qurumlarının və böyük şirkətlərin rəhbərləri ilə müxtəlif vasitələrlə əlaqə quraraq onların təmir işləri üzrə sifarişlərinin bacısı oğlu Fətiyev Arif Əminağa oğlunun adına yaratdığı MMC-yə verilməsini təşkil etdirir.

Əldə etdiyimiz məlumata görə, Arif Fətiyevin adına yaradılan avtomobillərin təmir sexi hazırda Abşeron rayon Masazır qəsəbəsi Rafiq Dünyamalıyev küçəsində fəaliyyət göstərir. Göstərilən ünvanda yeni inşa edilən avtomobil mühərriklərinin təmir sexininin heç bir tikinti sənədinin olmadığı da bu informasiyanın mühüm elementidir.

Eyni zamanda, ölkə mətbuatında dərc edilən xəbərlərdə Arif Fətiyevin avtomobil mühərriklərinin təmiri işi ilə yanaşı, həm də Masazır qəsəbəsi ərazisində həyət evlərinin qanunsuz tikintisi ilə məşğul olduğu da deyilir. Həmin məlumatlarda Arif Fətiyevin dayısı Şəmsəddin Abbasovun dəstəyi və himayəsi altında Masazır qəsəbəsində Qaçaq Nəbi küçəsi və digər ərazilərdə torpaq sahələri alaraq, heç bir müvafiq sənədləşmə işləri aparmadan fərdi evlər tikərək satışını həyata keçirdiyi qeyd olunur.

Hakim Şəmsəddin Abbasovun vəzifə səlahiyyətlərindən sui-istifadə etməsinə Məhkəmə-Hüquq Şurası hələ ki, qiymət verməyə tələsmir. Məlumat üçün xatırladaq ki, Məhkəmə-Hüquq Şurası Azərbaycan Respublikasında hakimlərin fəaliyyətinin qiymətləndirilməsi, zərurət olduqda intizam məsuliyyətinə cəlb edilməsi, habelə hakimlərlə bağlı korrupsiyaya şərait yaradan digər məsələləri öz səlahiyyəti daxilində həll edən məhkəmə hakimiyyətinin özünüidarə funksiyalarını həyata keçirən orqandır. Məhkəmə-Hüquq Şurasının Şəmsəddin Abbasovla bağlı bu günə qədər tədbir görməməsinin və xidməti araşdırmalar aparmamasının səbəbləri müəmmalıdır.

Lakin adıçəkilən hakimin biznes fəaliyyətinin ictimailəşməsindən sonra Məhkəmə-Hüquq Şurasının hansı addımı atacağı ictimaiyyət üçün də maraqlıdır. Hesab edirik ki, Şəmsəddin Abbasovun iştirakı ilə həyata keçirilən hüquqazidd fəaliyyəti ifşa etmək çox da çətin deyil. Ona görə də, Məhkəmə-Hüquq Şurası xidməti araşdırma başlamalı və müvafiq sorğular əsasında həmin avtoservisin hansı şirkətlərə xidmət göstərdiyini aydınlaşdırmalıdır. Təbii ki, bundan sonra xidmət göstərilən şirkətlərin məhkəmə işlərinə Şəmsəddin Abbasovun hansı tarixlərdə baxdığını və hansı qərarlar qəbul etdiyini, həmin qərarların qanuna uyğun olub-olmadığını müəyyən etmək asanlaşacaq.

Mövzunu diqqətdə saxlayacağıq.

Şimali Koreya lideri Kimin Rusiya lideri Putinlə dünən baş tutan görüşü zamanı Kimin mühafizəçiləri dəqiqələrlə oturacağı stulu siliblər, bu hadisə hətta Kreml rəsmilərini də təəccübləndirib.

32gun.az xəbər verir ki, bu barədə Rusiyanın “Kommersant” qəzeti məlumat yayıb.

Məlumata əsasən Şimali Koreya agentlərinin iclasdan əvvəl kürsüyə uzun müddət baxaraq dezinfeksiyaedici maddələrlə təmizləyib hazır vəziyyətə gətirdikləri deyilib.

Yayımlanan görüntülərdə Şimali Koreya rəsmilərinin uzun müddət stul qarşısında söhbət etdiyi, yoxlama apardığı, ağ əlcək geyinmiş bir şəxsin stulun hər yerini dəqiqələrlə parça ilə təmizlədiyi görünür. Həmin vaxtda Kremlin təhlükəsizlik xidmətinin əməkdaşlarının heyrətlə Şimali Koreyalıları izləməsi diqqət çəkib.

Xəbərə görə, 10-larla cangüdəni ilə Rusiyaya gedən Kimin köməkçiləri birinci kreslonu bəyənmədikdə eyni kreslodan başqa biri də tapılıb.

Qeyd edək ki, Şimali Koreya lideri Kim 12 illik hakimiyyəti dövründə cəmi 7 dəfə xaricə gedib.

Alqı-satqı ilə məşğul olan Mehriban Məmmədxanova 20 ildir Nəsimi rayonunda yaşayır. DİA.AZ bildirir ki, “Vialon” MMC adlı şirkətin əməkdaşları kimi özlərini təqdim edən bir qrup insan keçmiş “Hicaz” kafesini alıb ofis kimi fəaliyyət göstərirlər.

Əmlakçının sözlərinə görə, ərazidə məskunlaşanlara hədə-qorxu ilə 2 min manat məbləğində evlərini boşaltmaları tələb olunur.

Lakin bu məbləğ sakinləri qane etmir.

Qeyd edək ki, vətəndaşların canını boğaza yığan şirkət özgəsinin deyil... yaxşı tanıdığımız keçmiş deputat Əsabil Qasımovun ailə üzvlərinindir.

Məlumatlara görə, Əsabil Qasımovun qardaşı Vüqar Qasımova məxsus “Vialon” MMC ilə bağlı məsələ artıq hüquq-mühafizə orqanlarının da diqqətini cəlb edib.

Bu barədə daha geniş reportajlmız olacaq...

Məsələ ilə bağlı teref.az olaraq qarşı tərəfi də dinləməyə hazırıq...

Sentyabr ayının birində Prezident İlham Əliyevin sərəncamı ilə Cahangir Əsgərov “Azərbaycan Hava Yolları” (AZAL) Qapalı Səhmdar Cəmiyyətinin prezidenti vəzifəsindən azad edilib.

Prezidentin sərəncamı ilə onun vəzifəsini müvəqqəti olaraq QSC-nin birinci vitse-prezidenti Samir Rzayev icra edir.

15 ildir AZAL-a rəhbərlik edən Cahangir Əsgərovun dövründə təyyarə biletlərinin qiymətinin baha olmasından həm əhali, həm Milli Məclisin üzvləri dəfələrlə narazılıqlarını bildiriblər. 2015-ci il iyulun 13-də dövlət başçısı İlham Əliyev AZAL-ın qiymət siyasətini tənqid edib və şirkəti sərnişindaşıma tariflərini azaltmağa çağırıb. Bundan sonra, tariflərdə müəyyən dəyişiklik edilməsini açıqlayan qurumun qiymət siyasətində heç bir dəyişiklik gözə çarpmayıb.

Bundan başqa, Hesablama Palatasının "Azərbaycan Hava Yolları" QSC-də (AZAL) apardığı dövlət əmlakının və dövlət vəsaitlərinin idarə olunmasının auditinin nəticələrində bir sıra nöqsanlara yol verildiyi öz əksini tapıb. Aviabiletlərin qiymətinin qonşu ölkələrlə müqayisədə baha olması, xüsusilə, pandemiyadan sonra daha çox müzakirə olundu. Hazırda Azərbaycanın quru sərhədləri qapalı olduğu üçün yeganə çıxış yolu hava nəqliyyatından istifadədir. AZAL-a alternativ şirkət olmadığı, qurum kiçikbüdcəli şirkətlərin Azərbaycana girişini bağladığı üçün vəətndaşların seçim imkanı yoxdur. Qurum pandemiyadan sonra çökmüş iqtisadiyyatı, insanların sosial durumunu nəzərə alacaq heç bir addım atmadı. Vətəndaşlar rəhbər dəyişikliyindən sonra qurumun qiymətlərdə dəyişiklik edəcəyinə ümid edirlər.

DİA.AZ hazırda AZAL-ın bir sərnişin üçün bir istiqamətdə və 23 kq baqaj da daxil olmaqla aviabiletlərin qiymətini təqdim edir:

Bakıdan Ankaraya getmək istəyənlər sentyabr ayında, əsasən, 526 AZN ödəməlidirlər. Sentyabrın son günləri isə qiymət 435 AZN təşkil edir.

Bakı – İstanbul reysində isə bütün sentyabr ayı və oktyabrın çox hissəsində 295 manata satılan biletlər oktyabrın son günləri və noyabrda 264 AZN-ə enir.

Bakı- Moskva reysində sentyabr, oktyabr ayı üçün bir sərnişin üçün biletin qiyməti 314 AZN-dir. Noyabr ayı üçün qiymətlər 305 AZN olacaq.

Bakı – Tbilisi aviabiletlərinin qiymətləri sentyabr ayında 180- 255 AZN təşkil edir.

Bakıdan Dubay şəhərinə getmək istəyənlər sentyabrda 232 və 323 AZN ödəməlidirlər. Maraqlıdır ki, bu şəhərə getmək üçün qiymətlər noyabr ayında 268 AZN-dək bahalaşır.

Avropaya səfər etmək daha bahalıdır. Ona görə də bəzi vətəndaşlar qonşu ölkələrə gedərək uçuş həyata keçirirlər. Nümunə üçün London şəhərinə gedənlər 1829- 1000 AZN ödəniş etməlidirlər. Bu qiymət yalnız sentyabr ayının son 5 günü 563 AZN-ə düşür ki, onun da 3 gününə bilet yoxdur.

Təqdim olunan qiymətləri ötən ilin eyni dövrü və ötən ayla müqayisə etdikdə qiymətlərdə azalmanın olmadığı müşahidə edilir. Xatırladaq ki, “Azərbaycan Hava Yolları”ndan savayı ölkədə “Buta Airways” fəaliyyət göstərirdi. Həmişə AZAL-ın təyyarə biletlərinin qiymətləri digər aviaşirkətin təqdim etdiyi qiymətdən baha olub. Oktyabr ayında isə hər iki qurum AZAL brendi adı altında birləşəcək.