“Ya Ermənistan Qarabağı tanıyacaq və Qarabağ Ermənistanın bir hissəsi olacaq, ya da Rusiya onu ilhaq edəcək”.

Hurriyyet.Az xəbər verir ki, bunu rusiyalı təbliğatçı, “ictimai xadim” Sergey Karnauxov deyib.

Karnauxov bu müsahibəsində Azərbaycana qarşı bütün nifrətini nümayiş etdirib. O, azərbaycanlıları “quldur”, “adamyeyən” adlandırıb. Çıxışının sonunda Azərbaycanı ciddi cəzalandırılmaqla hədələyib.

Onun masahibəsindən bir neçə sərsəm fikri təqdim edirik:

“Qarabağ kimindir? Biz dəqiq bilirik ki, Krım bizimdir. Biz onu müdafiə etdik.

İrəvanda tutarlı siyasi doktrina olmadığı halda, türklər uyğun gördüyü hər şeyi alacaq. Türkiyə Azərbaycanın, Ərdoğanın dostu Riçard Mur Türkiyənin arxasındadır.

Bu, müharibə deyildi. Bu, Azərbaycanın, onun türk kuratorlarının erməni “könüllülər”inə qarşı “soyqırım” siyasəti idi. Həmin müharibədə Ermənistan ordusu “vuruşmayıb”.

Zəngəzur dəhlizi Rusiyaya lazım deyil. Bu, bizə və İrana qarşı təhdiddir.

KTMT bu münaqişədə özünü ideal aparır. KTMT-yə kim müraciət edib? Mənə bir kağız verin ki, Ermənistan KTMT-dən hərbi yardım istəyib. Belə bir sənəd yoxdur.

Biz öz təşəbbüslərimiz çərçivəsində hərəkət edə bilmərik”.

Xatırladaq ki, bundan əvvəl də Karnauxov Qarabağı Rusiyaya birləşdirmək “ideya”sını irəli sürüb.

Vətən müharibəsindən sonra regionda yeni reallıqları işə salan Azərbaycan yekun sülhün humanizm prinsipləri əsasında təmin olunması üçün çalışır.

Tez-tez dəyişən danışıqlar masası sülh prosesinin ləngitsə də, hələ də davam edir.

Vətəndaşlığımızı qəbul edəcək ermənilərin digər xalqlar kimi bərabər hüququna sahib olacağının dəfələrlə qarantını versək də, prosesin başlamasını istəməyən qüvvələr müxtəlif yollarla münasibətləri korlamağa çalışırlar.

Hazırda regionda davam edən gərginlik fonunda ermənilərdə belə bir düşüncə var idi ki, Azərbaycan Qarabağda ermənilərin yaşadığı bəzi ərazilərə zor gücü ilə girəcək.

Lakin, Ekologiya və Təbii Sərvətlər Nazirliyi və “Azərgold” QSC-nin əməkdaşlarının daxil olduğu qrupun torpaqlarımıza səfəri bu düşüncəni alt-üst etdi.

Qarabağa yollanan mütəxəssislərimiz sülhməramlıların Xocalıdakı qərargahına səfər edərək qeyri-leqal iqtisadi fəaliyyətlər çərçivəsində faydalı qazıntıların qanunsuz istismarının aparıldığı yataqlarda monitoriq üçün yol xəritəsi hazırlamağa başlayıb.

Baku TV-nin mövzu ilə bağlı hazırladığı süjeti təqdim edirik:

“Əks halda, bu siyasət Ermənistan üçün onların təsəvvür etmədiyi qədər ağır nəticələrə gətirə bilər”.

Bu fikirləri Azərbaycan, Rusiya və Ermənistan Baş nazir müavinlərinin ötən gün Moskvada keçirilmiş görüşünün nəticəsiz bitməsinə münasibət bildirən Milli Məclisin deputatı Aydın Hüseynov Yenicag.az-a açıqlamasında deyib.

Onun sözlərinə görə, Ermənistanın bundan sonra bütün istiqamətlər üzrə danışıqlar prosesini uzatmaq imkanları tükənib:

“Əvvəla, bunu nəzərə almalıyıq ki, Ermənistan müstəqil siyasət yürütmək imkanına malik deyil. Onun siyasətinə ənənəvi müttəfiqi olan Rusiya, müsəlman həmrəyliyini bayraq etsə də, bunun əksinə davranan İran və xaricdəki erməni diasporu ciddi təsir göstərir.

Reallıq bundan ibarətdir ki, Zəngəzur dəhlizi açılmalıdır. Bu işin reallaşdırılması Azərbaycanın Naxçıvanla, o cümlədən qardaş Türkiyə ilə quru yolu ilə əlaqəsinin saxlanılmasını təmin edəcək. Eyni zamanda, dəhlizin açılması region dövlətlərinin əməkdaşlığı baxımından da onların maraqlarına uyğundur.

Bəli, Ermənistan istər bu məsələdə, istərsə də ümumilikdə nizamlama prosesi üzrə danışıqların uzadılmasına cəhd göstərir. Lakin Ermənistanın Zəngəzur dəhlizinin açılmasına bundan sonra da müqavimət göstərmək imkanı yoxdur. Ermənistan 2020-ci il 10 noyabr üçtərəfli bəyanatla üzərinə götürdüyü bütün öhdəlikləri yerinə yetirməlidir. Əks halda, bu siyasət Ermənistan üçün onların təsəvvür etmədiyi qədər ağır nəticələrə gətirə bilər”.