 |
|
|
Türkiyə Mərkəzi Bankının 92 illik tarixi ərzində ona ilk dəfə qadın rəhbər təyin olunub.
“AzPolitika.info” Türkiyə mediasına istinadla xəbər verir ki, Hafize Gaye Erkan ilə dünyada qadınların idarə etdiyi mərkəzi bankların sayı isə 23-ə yüksəlib.
180-dən çox ölkənin mərkəzi banklarının rəhbərləri üzərində aparılan araşdırmaya görə, 2013-cü ildə qadınların rəhbərlik etdiyi mərkəzi bankların sayı 21 idisə, 2023-cü ildə bu rəqəm 22-yə yüksəlib. Hafize Qaye Erkanla birlikdə bu rəqəm 23-ə çatıb.
Kristin Laqard 2019-cu ildən Avropa Mərkəzi Bankının (ECB) prezidentidir.
Jorgovanka Tabakovic 2012-ci ilin avqustundan Serbiya Mərkəzi Bankının, Janette Semeleer isə 2008-ci ildən Aruba Mərkəzi Bankının prezidentidir.
Sindi Şotlandiya 2002-ci ildən Kayman Adaları Maliyyə Təşkilatının sədri, Rosanna Kosta 2022-ci ildən Çili Mərkəzi Bankının sədri, Malanqu Kabedi-Mbuyi 2021-ci ildən Konqo Demokratik Respublikası Mərkəzi Bankının sədri, Rebekka Patrisia Santoman 2022-ci ildən Honduras Mərkəzi Bankının rəhbəri, Anita Angelovska Bejoska 2018-ci ildən Makedoniya Respublikası Mərkəzi Bankının sədri, Nor Shamsiah Mohd Yunus 2018-ci ildən isə Malayziya Mərkəzi Bankının sədridir.
Victoria Rodriguez Ceja 2022-ci ildən Meksika Bankının prezidenti, İda Volden Baxe 2022-ci ildən Norveç Bankının prezidenti, Elvira Nabiullina 2013-cü ildən Rusiya Mərkəzi Bankının prezidenti, Maiava Atalina Ainuu-Enari 2011-ci ildən Samoa Mərkəzi Bankının prezidentidir.
Catia Tomasetti 2018-ci ildən San Marino Mərkəzi Bankının, Karolin Abel 2012-ci ildən Seyşel Adaları Mərkəzi Bankının qubernatoru, Nguyen Thi Hong 2020-ci ildən Vyetnam Mərkəzi Bankının qubernatoru, Elizabeth Genia isə qubernatordur. 24 yanvar 2023-cü ildən Papua Yeni Qvineya Mərkəzi Bankının sədri, Than Than Swe isə 2022-ci ildən Myanma Mərkəzi Bankının sədridir.
Digər tərəfdən, ABŞ-da bəzi regional mərkəzi banklara qadınlar rəhbərlik edir. Syuzan Kollinz 2022-ci ildən Boston FED-in prezidenti, Lori Loqan 2022-ci ildən Dallas Fed-in prezidenti, Loretta Mester 2014-cü ildən Klivlend FED-in prezidenti, Meri Deyli isə 2018-ci ildən San Fransisko Fed-in prezidentidir.
Xəbər verdiyimiz kimi, ötən həftədən sosial şəbəkələrdə vəfat edən atasına başdaşı qoymaq üçün su daşıyıb satdığını deyən 10 yaşlı Elvinin videosu yayılmışdı.
TEREF.AZ xəbər verir ki, Baku TV qardaşı Eminlə birlikdə nənəsinin himayəsində yaşayan Elvinin rayonunda (Gədəbəy) olub.
Azyaşlıların nənəsi və anası danışaraq maddi imkanlarının qənaətbəxş olmadığını bildiriblər.
“4 ildir ayrılmışıq. Kimsəsiz insanam, qonşular kömək edir, dolanıram. Aliment də kəsiblər, vallah, verə bilmirəm. Fəhləlik olanda gedib 5-3 manat qazanıram. Elə gün olur ki, ac yatıram... Onlarla görüşmək istəyirəm. Amma məni küçədə görəndə daşa basırlar”, - deyə uşaqların anası deyib.
Daha ətraflı süjetdə:
ARB telekanalında yayımlanan “Səni axtarıram” proqramında hər kəsi təəccübləndirən hadisə yaşanıb.
Teref.az baku.ws-ə istinadən bildirir ki, Elşən adlı bəy 27 il əvvəl itkin düşən bacısı Azadə Mirzəyevanın tapılması üçün verilişə müraciət edib.
Proqramda Elşən əslində bəy deyil, xanım olduğunu, adının isə Gülər olduğunu deyərək hər kəsi təəccübləndirib.
Bacısı Azadə itkin düşəndən sonra Gülərin həyatı məhv olub. O, kişi paltarı geyinərək küçələrdə bacısı Azadəni axtarmağa başlayıb. Parklarda yatıb, küçələrdə gecələməli olub.
Veriliş zamanı Gülər, “Heç kim mənə kəm gözlə baxmasın, namusum tapdalanmasın deyə oğlan libası geyinib kişi işləri görürəm”, – sözlərini söyləyib.
O, bacısının itkin düşməsində isə ögey bacısı Cəmiləni ittiham edir. Gülər bacısı Azadə geri qayıdarsa, qız libası geyinib onu qarşılayacağını deyib.
Dünyada yalnız 20 nəfərə verilən təqaüdün qaliblərindən biri də azərbaycanlı məktəbli olub. Sumqayıt şəhəri 24 nömrəli məktəbin 9 “d” sinif şagirdi Şəhanə Cavadzadə Avropa İttifaqının və Birləşmiş Millətlər Təşkilatının dəstəyi ilə yaradılan “Eastern Partnership European School in Georgia” beynəlxalq məktəbinə tam təqaüdlə qəbul olub.
Gənc istedad gələcək təhsilini isə kompüter mühəndisliyi üzrə davam etdirmək niyyətindədir. Bu barədə Oxu.Az-a Şəhanənin anası Kəmalə Cavadzadə bildirib.
Onun sözlərinə görə, qızı Tbilisidəki məktəbdə iki il, beynəlxalq bakalavriat proqramı üzrə oxuyacaq.
K.Cavadzadə bir neçə təqaüd proqramına müraciət etdiklərini qeyd edib:
“Düşünürəm ki, bu, müəllimlərin zəhmətinin nəticəsidir. Bütün gözəl nemətlər kimi, yaxşı övlad da təkcə bir ailənin deyil, xalqın mənəvi sərvətidir. Bu günə qədər Şəhanəyə dərs keçən ibtidai sinif müəllimləri başda olmaqla hər kəsə ayrı-ayrılıqda minnətdarlıq bildirirəm.
Hazırda istedadlı gənclər üçün çox yaxşı şərait yaradılıb. Hər il müxtəlif proqram seçimləri olur. Biz də bir neçəsində özümüzü sınadıq.
Tbilisidəki məktəbdən sonra növbəti mərhələlər haqqında konkret düşüncəmiz yoxdur. Hansı universiteti qazana bilsə, orada da oxuyacaq”. Kəmalə Cavadzadə təqaüdün məbləği barədə məlumatlı olmadıqlarını əlavə edib:
“Təqaüdə təhsil, nəqliyyat və yataqxana xərcləri daxildir. Bizə bu barədə konkret məbləğ deyilməyib. Lakin tam təqaüd olduğu dəqiqdir”.
Sumqayıt şəhəri 24 saylı tam orta məktəbin direktoru Nəsibə Cabbarova Oxu.Az-a Şəhanənin buraxılış imtahanında uğurlu nəticə əldə etdiyini qeyd edib:
“Şəhanəyə anası dəstək olur. Anası Kəmalə xanım ingilis dili müəllimidir. Eyni zamanda təlimçidir. Uşağını hər yerə aparır. Uşaq özü də istedadlıdır. Respublika fənn olimpiadasının, Respublika fənn müsabiqələrinin qalibidir. İngilis dilindən beynəlxalq sertifikatları, qızıl medalı var. 9-cu siniflər arasında əlaçıdır. Buraxılış imtahanında maksimum bal olan 300-dən 265 topladı. Şəhanə çalışır ki, hər bir olimpiadaya qoşulsun. Sonuncuda da təqaüd proqramı ilə təhsil qazandı. Uğurlu olsun!”
Çjan Çzi Çinin ən gözəl aktrisası hesab olunur. Çoxları onu “Geyşanın xatirələri” romantik dramındakı baş rolu ilə xatırlayır. “Geyşanın xatirələri” filmi 2005-ci ildə nümayiş olunub. Premyeradan təxminən 20 il sonra ekran işinin süjetini xatırlayanlar az olacaq. Amma əminliklə demək olar ki, aktrisanın valehedici gözəlliyini unutmaq mümkün deyil. Və belə görünür ki, aktrisa eyni obrazı 44 yaşında da oynaya bilər. Çünki illər keçsə də, kino ulduzu əvvəlki cazibədarlığını itirməyib.
Publika.az xəbər verir ki, bu filmdən sonra çinli qadınlar dövrümüzün ən gözəl aktrisaları siyahısına daxil edildi və onlar getdikcə Hollivud filmlərinə dəvət almağa başladılar.
Bu yaxınlarda məlum oldu ki, Çzi 44 yaşı haqlayıb. O, xeyriyyəçiliyə daha çox diqqət yetirir və moda evləri ilə işləyir. Bundan əlavə, 2020-ci ildə kino ulduzu ikinci dəfə ana olub. Buna görə də o, bütün boş vaxtını ailəsi ilə keçirməyə üstünlük verir.
Çinli qadınlar uzun illər gənc qalmaq qabiliyyəti ilə məşhurdurlar. Ancaq Çzi bu işdə xüsusilə seçilir. Təzə fotolarına nəzər salsaq, görərik ki, o, "Geyşanın Memuarı"nın premyerasında olduğu kimi gözəl və cəlbedicidir. İddia olunur ki, o, vaxtaşırı plastik əməliyyatlar etdirir. Bununla belə aktrisa süniliyə qaçmadan çalışır ki, təbii gözəlliyini maksimum qorusun.
Tanınmış rəssam Fransuaza Jilo Manhettendə (ABŞ) xəstəxanada vəfat edib.
Sənətkarlığı məşhur rəssam Pablo Pikasso ilə uzun və keşməkeşli romantik münasibəti səbəbindən kölgədə qalan Jilonun ölümünü qızı Aureliya Engel təsdiqləyib. Onun sözlərinə görə, 101 yaşlı anası ömrünün son günlərində ürək və ağciyər xəstəliklərindən əziyyət çəkib.
Fransuaza Jilo 1921-ci ildə Parisdə (Fransa) anadan olub. Onun ilk sərgisi 1943-cü ildə işğal olunmuş Parisdə baş tutub. Sonra özündən 40 yaş böyük Pikasso ilə tanış olub. 1948-ci ildə cütlük bir yerdə yaşamağa qərar verib. Bu birlikdən onların iki övladı - Klod və Paloma dünyaya gəlib (Paloma hazırda Pikassonun ən məşhur varisidir - o, “Tiffany&Co” zərgərlik evinin dizayneridir).
Jilo və Pikasso 1953-cü ildə ayrılıblar. Qeyd edək ki, o, Pikassonun çoxsaylı məşuqələri arasında rəssamı tərk edən yeganə qadın olub.
Ayrıldıqdan sonra Jilo rəsm çəkməyə və əsərlərini sərgiləməyə, həmçinin kitablar yazmağa davam edib.
Jilonun Pikasso ilə daha bir qalmaqalı onun 1964-cü ildə Karlton Leyklə birgə yazdığı və dərhal beynəlxalq bestsellerə çevrilən “Pikasso ilə həyat” adlı memuarına görə olub. Kitab Pikassonu o qədər qəzəbləndirib ki, o, Jilo və iki övladı ilə bütün əlaqələri kəsib, keçmiş sevgilisini üç dəfə məhkəməyə verib (hamısında da uduzub). Kitab əsasında 1996-cı ildə “Fil dişi satıcısı” filmi çəkilib.
Bütün qalmaqallara baxmayaraq, Jilo Pikasso ilə ayrıldıqdan sonra həyatına davam edib: 1956-cı ildə həmkarı Lyuk Simonla ailə qurub. Cütlük 1962-ci ildə qarşılıqlı razılaşma əsasında boşanıb. 1970-ci ildə isə o, ilk poliomielit peyvəndini hazırlayan amerikalı virusoloq Conas Salkla evlənib.
Yeri gəlmişkən, 2021-ci ildə rəssamın qızının mavi tonlarda portreti olan “Paloma gitara ilə” (1965) və “Canlı meşə” əsərləri hərracda hər biri 1,3 milyon dollara satılıb.
Mənbə: MK.ru
Avropa Komissiyasının Prezidenti Ursula von der Leyen NATO Baş katibi postuna gəlməkdə maraqlı olmadığını deyib.
Bu barədə Ursula von der Leyen Almaniya televiziyası WDR-in Berlində təşkil etdiyi forumda bildirib.
“Əlbəttə ki, mən bunun üçün münasib deyiləm. NATO böyükdür və o mövcud olmasa idi, yaradılmalı idi. Mən NATO-da müdafiə naziri kimi işləməkdən çox həzz alırdım, lakin əlbəttə ki, bu postda özümü görmürəm. Mənim yerim Avropadır”, – Ursula von der Leyen qeyd edib.
Xanım von der Leyen gələn il keçiriləcək Avropa Parlamenti seçkilərindən sonra Avropa Komissiyasının rəhbərliyinə ikinci müddətə namizəd olub-olmayacağı ilə bağlı isə danışmayıb. O, ilin ikinci yarısında bu barədə qərar verməyi planlaşdırdığını bildirib.
Qeyd edək ki, NATO-nun Baş katibi Yens Stoltenberq 2014-cü ildən bu postdadır. Onun səlahiyyət müddəti keçən il başa çatmalı idi, lakin Rusiyanın 2022-ci ilin əvvəlində Ukraynaya genişmiqyaslı hərbi müdaxiləsindən sonra sabitliyi təmin etmək üçün bu müddət uzadıldı.
NATO üzvü olan ölkələrin liderləri iyulun 11-12-də Litvanın paytaxtı Vilnüsdə keçiriləcək sammitdə bir araya gələrək yeni Baş katib barədə qərar verməlidir. Ancaq hələ ki heç bir namizədin adı açıqlanmayıb və Stoltenberqin səlahiyyət müddətinin yenidən uzadılması ehtimalı azdır.
Tanınmış vəkil Şəfiqə Nağıyevanı avtomobil vurub.
Olay-ın məlumatına görə, hadisə vəkil Tarix Əliyevin doğum günü məclisindən çıxarkən avtomobil yolunu keçəndə baş verib.
Digər qonaqlar vəkili avtomobil ilə hospitala aparıblar.
Vəkilin özü ilə əlaqə saxlamağa çalışılsa da, telefonuna cavab verən şəxs Nağıyevanın hazırda yanında olmadığını, hadisədən məlumatsız olduğunu bildirib.
1981-ci il təvəllüdlü Sahil sevgi münasibətində olduğu tanışı Aydanı (adlar şərti verilib – red.) intim fotoları ilə şantaj edib.
Teref.az Teleqraf.com-a istinadən xəbər verir ki, Sahil Aydanı və onun yaxın qohumlarının haqqında rüsvayedici məlumatlar yaymaqla 100.000 manat məbləğində pulunu əldə etmək qərarına gəlib.
Sahil bu məqsədlə Aydanın müxtəlif vaxtlarda “instaqram” sosial şəbəkəsi vasitəsi ilə ona göndərdiyi özünə məxsus intim xarakterli fotoşəkillərini onun yaxın qohumlarına göstərib, haqqında rüsvayedici məlumatları yaymaqla hədələyib.
Bu hədə ilə 1 oktyabr 2020-ci ildə Aydan və atası Bəxtiyardan 50.000 manat məbləğində pul tələb edib. Oktyabrın 15-də Abşeron rayonu, Novxanı qəsəbəsi, Dəniz yolu küçəsində yerləşən “Alfa” restoranında Bəxtiyardan tələb etdiyi 50.000 manat məbləğində pulu alıb.
Bundan sonra Sahil Aydanı yenə də eyni görüntülərlə şantaj edib. O, 27 fevral 2021-ci ildə telefon vasitəsi ilə həm Aydanı, həm də atası Bəxtiyara yenidən hədə-qorxu gələrək onlardan əlavə 50.000 manat məbləğində pul tələb edib.
Zərərçəkmiş Aydan və onun atası Bəxtiyar tərəfindən hüquq-mühafizə orqanlarına edilən şikayət əsasında Sahil məsuliyyətə cəlb olunub.
“Evimi satdım”
İstintaq orqanı tərəfindən Sahilin barəsində Cinayət Məcəlləsinin 182.3.2-ci (külli miqdarda əmlak əldə etmək məqsədlə hədə-qorxu yolu ilə tələb etmə) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Sahil ona elan olunan ittiham üzrə özünü təqsirli bilib.
Məhkəmədə ifadə verən Sahilin sözlərinə görə, zərərçəkmiş şəxslərdən 50 min manat alıb: “5 ay sonra yenidən əlaqə saxlayaraq pul istəmişəm. Özümü 50 min manata münasibətdə təqsirli bilirəm. Zərərçəkmiş Aydanı məktəbdən tanımışam, onunla münasibətim olub. Gənc vaxtlarımızda Aydanla evlənməkdən ötrü evimi satdım. O vaxt Aydan mənə dedi ki, Bakıdan ev al, yoxsa başqasına ərə veriləcək. Bakı şəhərində ev ala bilmədiyim üçün pulum batdı”.
“İntim şəkillərini ərinə göstərəcəyimi bildirdim”
Təqsirləndirilən şəxs qeyd edib ki, 2019-cu ildə Aydanla sosial şəbəkə vasitəsi ilə ünsiyyət qurub:
“Bundan sonra bizim münasibətimiz yarandı. Biz cinsi əlaqədə olduq. Aydan mənə intim şəkillərini göndərdi. Daha sonra intim şəkillərini ərinə göstərəcəyimi, onu rüsvay edəcəyimi bildirdim. Buna görə Aydanın atası ilə görüşərək ondan 50 min manat pul istədim.
Aydanın atası Bəxtiyar evini sataraq 50 min manatı mənə verdi. Pulu verməsəydi, hamı Aydanla bir yerdə olmağımızı biləcəkdi.
50 min manatı aldıqdan sonra Bəxtiyarın məni sosial şəbəkədə izlədiyini gördüm. Məni vatsapda izlədiyinə görə yenidən Bəxtiyara zəng etdim, 2-ci dəfə 50 min manat istədim. O, pulu verməyəcəyini bildirdi.
Bəxtiyara qızı ilə birlikdə olduğumu hamının biləcəyini, onları rüsvay edəcəyimi dedim. 2-ci dəfə zəng edərək, yenə 50 min manat istədim. Birinci dəfə görüşdüyümüz yerdə yenidən görüşdük. 50 min manat pul istədim”.
“Orta məktəbdən münasibətimiz vardı”
Təqsirləndirilən şəxs ibtidai istintaqa verdiyi ifadəsi məhkəmədə elan olunaraq araşdırılıb.
O, həmin ifadəsində göstərib ki, Aydanla orta məktəbdən tanış olub: “Məndən bir sinif yuxarı oxusa da, onunla sevgi münasibətlərində olmuşam. Münasibətlərimiz universitet dövründə də davam edib. Həmin ərəfələrdə avtoxuliqanlıq etdiyimə görə iki gün saxlanıldım. Lakin cinayət məsuliyyətinə cəlb edilmədim. Aydan və ailəsi bunu eşitdi. Ona görə Aydan mənə dedi ki, ailəsi evlənməyimizə razı deyil. Belə olan halda biz ayrıldıq. Hər birimiz başqa-başqa adamlarla ailə həyatı qurduq”.
“Kriminal aləmin üzvləri ilə yaxınlığımdan danışdım”
Təqsirləndirilən şəxsin sözlərinə görə, təxminən 2019-cu ilin əvvəllərində dəqiq xatırlamadığı “Odnoklassniki” və ya “İnstaqram” sosial şəbəkəsində Aydanın onun şəbəkə hesabına baxdığını görüb: “Bundan sonra ona mesaj göndərdim. Aydan da cavab yazdıqdan sonra danışmağa başladıq. Danışıqlarımız təxminən 4-5 ay sonra görüşməyimizlə nəticələndi.
İlk görüşdə Baş Dövlət Yol Polis İdarəsinin yaxınlığında yerləşən otelə getdik, intim münasibətdə olduq. Xırdalanda yerləşən oteldə də bir neçə dəfə görüşdük. Mən yalandan Aydana kriminal aləmin üzvləri ilə yaxınlığımdan danışdım. Belə danışmaqda məqsədim Aydanın belə adamlardan xoşu gəldiyini hiss etməyim olmuşdu. Əslində qab-qacaq satan sıradan bir ticarətçiyəm”.
“Qərara gəldim ki, atasından pul alım”
Təqsirləndirilən şəxs deyib ki, onun xahişi ilə Aydan bütün bədəninin və qurşaq hissədən yuxarı paltarsız şəkillərini də instaqram sosial şəbəkəsi vasitəsi ilə ona göndərib: “Aydana şəkilləri sildiyimi desəm də, əslində silməmişəm.
2020-ci ilin əvvəllərində pandemiya dövründə Aydanla görüşə bilmədiyimdən qərara aldım ki, bir daha görüşməyək. 2020-ci ilin sentyabrın sonunda mənə təcili pul lazım olduğuna görə qərara gəldim ki, hədə-qorxu gəlməklə Aydanın atası Bəxtiyardan pul alım.
Bundan başqa, həmin hərəkətlə Bəxtiyardan məni Aydanla ayırdığına görə qisas da ala bilərdim. Bu məqsədlə Aydana dedim ki, gəl sonuncu dəfə görüşək. Oktyabrın 1-də onun işlədiyi məktəbin yaxınlığında özümə məxsus avtomobildə görüşdük. Bu zaman Aydana dedim ki, atana, anana mənimlə intim münasibətlərimin olmağımı desin.
Bildirdim ki, nömrəmi atana ver, atanla danışıb, bu işi tamamlayaq. Əks halda münasibətlərimiz barədə hamının, Aydanın ailə üzvlərinin məlumatı olacaq. Bu işlər üçün Aydana oktyabrın 3-nə kimi vaxt verdim”.
“Vaxtilə mən əziyyət çəkmişəm, indi də sən əziyyət çək”
Sahilin ifadəsinə görə, oktyabrın 3-də Aydanın atası Bəxtiyar ona zəng edib:
“Bəxtiyarı həmişə yemək yediyim Novxanı qəsəbəsində yerləşən “Alfa” restoranına dəvət etdim. Onu restorana gətirmək üçün tanış taksi sürcüsü Rasimdən xahiş etdim.
Bəxtiyarla restoranın həyətində oturduq. Ona yalandan kriminal aləmlə sıx əlaqələrimdən danışdım. Qızı Aydanın məndə intim şəkillərinin, mesajlarının olduğunu dedim.
Bəxtiyar məndən nə istədiyimi soruşdu, bu işin həlli, yəni materialları məhv edilməsi və heç kimə yaymamaq üçün 50.000 manat istədim.
Bəxtiyar pulunun olmadığını deyəndə qızı ilə bağlı bütün materialların hamıya yayılacağını dedim. Bəxtiyarın Xırdalan şəhərində evinin olduğunu bildiyimdən dedim ki, get evini sat, pulu gətir, mənə qızını o vaxtı verməmisən, mən əziyyət çəkmişəm, indi də sən əziyyət çək. Bəxtiyar fikirləşəcəyini dedi və getdi”.
“Elə bilirsən, hesabı silməklə iş bitir?”
Sahil bildirib ki, Bəxtiyara 15 gün vaxt verib: “Sonradan Aydana pulla bağlı tələsmələrini və yaxud materailları yayacağımla bağlı hədə-qorxular gəlməyə davam etdim. Bəxtiyar da mənimlə görüşüb, dediyim pulu verəcəyini, lakin bundan sonra bir daha bu söhbətlərin təkrarlanmasını istəmədiyi dedi. Söz verdim ki, pulu çatdırsa, bir daha bu söhbət təkrarlanmayacaq.
Həmin ərəfədə vatsap vasitəsi ilə Aydanın əvvəldən mənə göndərmiş olduğu paltarsız şəkillərini təzədən özünə göndərdim. Bildirdim ki, elə bilirsən, hesabı silməklə iş bitir, hər şeyi özümdə saxlamışam. Bundan sonra Aydangil qorxdular”.
Sahilin sözlərinə görə, 2020-ci ilin oktyabrın 15-də Bəxtiyar ona zəng edib və bildirib ki, pul hazırdır: “Həmin gün Novxanı qəsəbəsində “Alfa” restoranında görüşdük. Bəxtiyar orada mənə 50.000 manat verdi. Mən də pulu götürdüm və materialları məhv edəcəyimə, bir daha onları narahat etməyəcəyimə söz verdim. Pulu şəxsi ehtiyaclarıma xərclədim”.
“Mənə söz verdiyimi xatırlatdı”
Təqsirləndirilən şəxs qeyd edib ki, 2021-ci ilin fevralında ona yenidən pul lazım olub: “Başqa çarə tapa bilmədim və qərara gəldim ki, yenidən Aydana, atasına hədə-qorxu gələrək onlardan pul tələb edim.
Bu məqsədlə fevralın 27-də Bəxtiyara zəng etdim. Daha sonra taksi sürücüsü olan tanışım Rasimə yalandan dedim ki, Bəxtiyar pul borcludur, zəng edib “Alfa” restoranına görüş təyin etsin, o da gələcək. Martın 1-də saat 14 radələrində Rasim zəng etdi. Biz telefonla Bəxtiyarla danışanda dedim ki, yenidən 50.000 manat pul verməlisən, yoxsa qızın Aydana aid məlumatları, materialları yayacam. Bəxtiyar mənə söz verdiyimi xatırlatdı. Lakin pul tələb etməyə davam etdim.
Bir-iki gün sonra eyni restoranda Bəxtiyara zəng vurdum. O, zəngə cavab vermədi. Rasimə Bəxtiyarın evinin yerini izah etdim, oraya göndərdim ki, onu evlərindən götürərək restorana gətirsin. Rasim də getdi, Bəxtiyarla danışdı, amma o, gəlməkdən imtina etdi.
Mən də Bəxtiyara telefonla danışdıqda hədə-qorxu ilə pulu tələb etməyə davam etdim. Təxminən bir gün sonra ona dedim ki, 50.000 manat pulun yoxdursa, 10.000-15.000 manat ver, məsələni həll edək. Amma Bəxtiyar pul vermədi”.
“Dedi ki, bunların əvəzini səndən çıxacam”
Cinayət işi üzrə zərərçəkmiş Aydanın sözlərinə görə, təqsirləndirilən Sahillə orta məktəbdə birlikdə oxuyub: “Yaşıd olsaq da, Sahil məndən bir sinif aşağı oxuyub. Məktəbi bitirdikdən sonra universitet dövründə də bizim sevgi münasibətlərimiz olub.
Biz ailə həyatı qurmaq istəmişik. Təxminən 2002-ci ilin yay aylarında Sahil avtomobildən oğurluq etdiyinə və polisə müqavimət göstərdiyinə görə tutuldu. Onun avaraçılığa meyilli həyat tərzi sürməsi səbəbindən ondan ayrılmaq qərarına gəldim. Görüşəndə valideynlərimin ailə qurmağımıza razı olmadıqlarını bildirdim. Sahil də əsəbiləşdi və dedi ki, bir neçə il sonra qarşıma çıxsan, bunların əvəzin səndən çıxacam”.
“Şəkilləri sildiyini dedi”
Zərərçəkmiş qeyd edib ki, 2019-cu ilin əvvəllərində onun İnstaqram sosial şəbəkə hesabına Sahildən mesaj gəlib: “Əvvəl cavab yazmasam da sonra onunla yenidən danışmağa başladım. Bu danışıqlarımız təxminən 4-5 ay sonra görüşməyimizlə nəticələndi.
Ərimdən xəbərsiz 2019-cu ilin yaz aylarında Sahillə ilk görüşdə otelə getdik, intim münasibətdə olduq. Sahilin təkidli xahişlərindən sonra bədənimin və qurşaq hissədən yuxarı paltarsız şəkillərimi də instaqram sosial şəbəkəsi vasitəsi ilə ona göndərdim.
Lakin şəkilləri göndərəndən və Sahil baxandan sonra silirdim ki, şəbəkənin yaddaşında şəkillərim qalmasın. Sahil də şəkilləri sildiyini dedi”.
“Bu sözləri ciddiliklə dediyini anladım”
Zərərçəkmiş deyib ki, 2020-ci ilin əvvəllərində pandemiya dövründə görüşə bilməyiblər və bundan sonra bir daha onunla görüşməməsinə qərar alıb: “2020-ci ilin sentyabrın sonunda Sahil mənə dedi ki, gəl sonuncu dəfə görüşək. Biz oktyabrın 1-də işlədiyim orta məktəbin yaxınlığında Sahilin avtomobilində görüşdük. Mənə dedi ki, ata-anana intim münasibətlərimizi denən. Nömrəsini də atama verməyimi məsləhət gördü ki, bu işi tamamlasınlar. Əks halda münasibətlərimiz barədə hamının və ailə üzvlərimin məlumatı olacaq.
Mən buna etiraz edəndə Sahil məni daha artıq hədə-qorxu gəlməyə başladı. Bundan sonra Sahilin bu sözləri ciddiliklə dediyini anladım”.
Zərərçəkmiş ifadəsində atası Bəxtiyarın Sahil ilə görüşməsindən, Sahilin onun atasından hədə-qorxu yolu ilə 50 min manat almasından danmışıb.
“Məcbur qalıb şikayət etdik”
Zərərçəkmiş həmçinin deyib ki, Sahil qeyd olunan məbləği alan zaman onların qarşısına çıxmayacağına söz versə də, sözünə əməl etməyib.
Qeyd edib ki, 2021-ci ildə Sahil yenidən onlara hədə-qorxu gəlməyə başlayıb, onlardan 50 min manat tələb edib: “27 fevral 2021-ci ildə Sahil vatsapdan mənə mesaj göndərdi. Yazmışdı ki, məni necə tanıyırsan?! Mən bu barədə anama dedim.
Sahil yenidən atama zəng etdi, 50 min manat tələb etdi. Əks halda barəmdə onda olan bütün şəkilləri, videoları yayacağıni bildirdi. Sahil mənə və atama ardı kəsilmədən zənglər etməyə başladı. Atam da məcbur olaraq polisə şikayət etdi”.
Cəza narazılıq yaratdı
Bu cinayət işinə Sumqayıt Ağır Cinayətlər Məhkəməsində baxılıb. Məhkəmənin hökmü ilə Sahil 11 il 6 ay müddətinə azadlıqdan məhrum edilib.
Zərərçəkmişlər Aydan və atası Bəxtiyarın vəkilləri tərəfindən apellyasiya şikayəti verilib. Apellyasiya şikayətində Sahilin barəsində olan hökmün dəyişdirilməsini, ona daha ağır cəza təyin olunması istənilib.
Apelyasiya şikayətində qeyd edilib ki, təqsirləndirilən şəxsin hərəkətləri nəticəsində Bəxtiyar və ailəsinin yeganə mülkiyyətində olan Xırdalan şəhərində dəyəri 70-80 min manat olan mənzili yarıbayarı qiymətə satıb, üstünü düzəldərək 50000 manat məbləğində pulu təqsirləndirilən şəxs vermək məcburiyyətində qalıblar.
Qeyd olunub ki, bu gün zərərçəkmiş şəxslər evsiz-eşiksiz qalıblar. Cinayət işinin nə ibtidai istintaqı dövründə, nə də uzun sürən məhkəmə baxışı müddətində dəymiş ziyan ödənilməyib.
Təqsirləndirilən zərərçəkmiş barəsində müxtəlif dövlət orqanlarına rüsvayedici məlumatlarla məktublar yazacağı bildirilib. Şikayətçilər göstəriblər ki, heç bir məhkəmə prosesində təqsirləndirilən şəxs zərərçəkmiş şəxslərdən üzrxahlıq etməyib, əməlindən peşman olmasını dilə gətirməyib, əksinə özünü təqsirsiz hesab edib.
Hazırda zərərçəkmiş Aydanın ailəsi məhz təqsirləndirilən Sahilin hərəkətləri nəticəsində faktiki dağılıb, ailə pərişan vəziyyətə düşüb.
Bu şikayət araşdırılması üçün Sumqayıt Apellyasiya Məhkəməsinə göndərilib. Hakim heyətinin qərarına görə, apellyasiya şikayəti qismən təmin edilib və birinci instansiya məhkəməsinin hökmü dəyişdirilib. Sahilin barəsində olan cəza 12 il 6 aya qədər artırılıb.
Bu qərardan narazı qalan Sahil kasasiya şikayəti verib. O, cəzasının yüngülləşdirilməsini istəyib. Onun kasasiya şikayəti araşdırılması üçün Ali Məhkəməyə göndərilib.
Kasasiya şikayəti təmin edilməyib.
“Vicdan haqqı” serialında Larisa obrazı ilə məşhurlaşan aktrisa Çimnaz Sultanova qeyri-adi paylaşımları ilə daim medianın diqqət mərkəzindədir.
Sarkazm.az Publika.az-a istinadən xəbər verir ki, aktrisa bu dəfə ayaqlarını nümayiş etdirib.
Belə ki, cazibədar aktrisa pərəstişkarının ona göndərdiyi güllərlə “ayaq şousu” göstərib.
Görüntülər sosial şəbəkələrdə qısa zaman ərzində müxtəlif səhifələr tərəfindən paylaşılaraq çoxsaylı baxış əldə edib.
Sənətçinin bu görüntüləri isə sosial şəbəkə istifadəçiləri tərəfindən birmənalı qarşılanmayıb, bəzi izləyicilər bu hərəkətinə görə onu qınaq atəşinə tutublar.
Həmin görüntüləri təqdim edirik: