Rusiyada sürücü bilet pulu olmayan yaşlı qadın sərnişinə hücum edib! Rusiya bu gün....

Bakının Sabunçu rayonunda bıçaqlanma hadisəsi baş verib.

Hadisə Kürdəxanı qəsəbəsində qeydə alınıb.

Qəsəbədəki sosial sığınacaqda yaşayan Tatyana Ağayeva dava zamanı bıçaqlanıb. Yaralı xəstəxanaya yerləşdirilib. O, cərrahi əməliyyat olunub.

Onun hansı səbəbdən bıçaqlandığı araşdırılır.

Sabunçu Rayon Polis İdarəsinin 15-ci Polis Bölməsinin əməkdaşları hadisə yerinə cəlb edilib.

Şərq qadını nağıl qoşmağı da, həyatı nağıl etməyi də yaxşı bacarır. Həm öz həyatını, həm də mənsub olduğu xalqın yaşamını müsbət tərəfə dəyişən, “Şərqin kraliçası” adlandırılan Şeyxa Moza kimi.

Qətər əmirinin ikinci həyat yoldaşı Şeyxa Moza bin Nasir əl-Misnəd digər Şərq qadınlarından fərqli olaraq həyat tərzi, ictimai fəallığı, geyimi və gözqamaşdıran tərzi ilə fərqlənir.

Xanım Moza üçün istisnalar var. Digər Şərq qadınlarına qadağa olunanlar ona aid deyil. O, həmişə kölgədə qalan ərəb qadını stereotipini dağıdan qadınlardandır.

Qətər əmiri Şeyx Həməd bin Xəlifə Al Taninin ölkəsi üçün gördüyü işlərdə ikinci həyat yoldaşı Şeyxa Mozanın da əli var. Qətər əmiri bu ağıllı qadının ictimai həyatdakı fəallığını dəstəkləyir və onun fikri ilə hesablaşır. O, Qətərin idarəçiliyində söz sahibi olan dairələrdə xüsusi nüfuza malikdir. Hətta şayiələr gəzir ki, əmirin üçüncü dəfə evlənməsinin səbəbi hər kəsə Mozanın Şeyx üzərindəki hakimiyyətinin sərhədsiz olmadığını göstərmək üçün imiş. Amma bütün bunlara baxmayaraq, Moza ağlı, eleqantlığı və özünəməxsus şarmı ilə hər kəsi kölgədə qoymağı bacardı.
Şeyxa Moza müdrik bir qadın kimi öz gələcəyinin də qayğısına qalıb. O bilirdi ki, həyatı əri hakimiyyətdə olduğu müddətdə təhlükəsizdir. Bəs Həmədin birinci həyat yoldaşından olan oğlu taxta çıxandan sonra onun taleyi necə olacaqdı?

Moza illərlə çəkdiyi zəhmətinin bəhrəsini təhlükəyə atmamaq üçün ərindən tələb edir ki, gələcək varisin namizədliyinə yenidən baxsın. Nəhayət, Moza həyat yoldaşını oğulları Təmim bin Həmədi vəliəhd şahzadə etməyə inandırır. Şeyx isə həqiqətən də sevimli həyat yoldaşını razı salmaq üçün bu inanılmaz addımı atır.

Ətraflı Baku TV-nin araşdırmasında:

İranda məcburi hicab tələbindən imtina edən şirkət işçilərinə cinayət işi açılıb.

Bu barədə “Azad İran” “Telegram” kanalı xəbər verib.

Məlumata görə, “Taqçe” şirkətinin qadın əməkdaşlarının iş yerində hicab tələbinə riayət etməmələrinə dair sosial şəbəkələrdə şəkillərin dərc edilməsindən sonra bununla bağlı məhkəmə işi açılıb.

Sosial şəbəkələrdə Bakının mərkəzində gənc qadının zorla avtomobilə mindirilməsini əks etdirən görüntülər yayılıb.

“Qafqazinfo” xəbər verir ki, görüntülərdə bir neçə şəxsin Nərimanov rayonu Həsən Əliyev küçəsində bir qadına qarşı zorakılıq etməsi əks olunub. İddia edilib ki, qadın iradəsinə zidd şəkildə avtomobilə mindirilərək qaçırılıb.

Daxili İşlər Nazirliyinin (DİN) Mətbuat xidmətinin əməkdaşı, polis mayoru Anar Qafarov sorğumuza cavab olaraq bildirib ki, hadisə iyulun 26-da baş verib:
“Nərimanov rayonunda DİN-in “102” Xidməti Zəng Mərkəzinə naməlum şəxsin bir qadını məcburi şəkildə avtomobilə əyləşdirmək istəməsi barədə məlumat daxil olub. Dərhal hadisə yerinə Nərimanov RPİ-nin 16-ci Polis Şöbəsinin əməliyyat qrupu çıxıb. Həmin şəxslər müəyyən olunaraq şöbəyə dəvət ediliblər.

Araşdırmalarla məlum olub ki, onlar 5 ildir ki, birlikdə digər ölkədə yaşayırlar və Bakıya qısamüddətli səfərə gəliblər. Həmin gün isə tərəflər arasında qısqanclıq zəminində sözlü mübahisə yaranıb və hadisənin baş verməsində kriminal tərkibli əlamətlər yoxdur. Toplanmış material əsasında 16-cı PŞ-də təhqiqat araşdırmaları aparılıb. Tərəflərin izahatları alınıb, şikayət tələbi olmadığı üçün onlar sərbəst buraxılıblar”.

Aktrisa Pərvin Abıyeva “Sözbaz” maqazin verilişinə müsahibəsində səsləndirdiyi fikirləri ilə sosial şəbəkələrdə müzakirələrə yol açıb. Pərvin ailə qurmaq istəmədiyini bir daha etiraf edib:
“Həyatımda kiminsə olmağını artıq istəmirəm. Artıq evlənmək və ailə qurmaq istəmirəm”.

Təbii onun bu fikirləri sosial şəbəkələrdə daha çox qınağa səbəb olub. Çünki, efirdə bu cür fikirlərin səsləndirilməsi həm gənc nəslin tərbiyəsinə zərbə vurur, həm də ailə institutunu kökündən baltalayır, yüngül həyat tərzini təşviq edir.

TEREF.AZ-ın məlumatına görə, mövzu ilə bağlı Bizim.Media-ya danışan psixoloq Gülnar Orucova bildirib ki, bir qadın milyonların qarşısında dönə-dönə evlənməyəcəyini və subay qalacağını bəyan edirsə, bu onun yüngül həyat tərzinə marağını göstərir:

“Ailə qurmaq, ana olmaq hər bir qadının ən ülvi və müqəddəs arzusudur. Ən əsası dünyaya uşaq gətirmək hər bir qadının əsas missiyasıdır. Bu missiyadan imtina edən birisinə heç nə ilə haqq qazandırmaq olmaz.

Qadın deyəndə hər birimizdə ailə, uşaq assosasiyası yaranır. Çünki, tarix boyu qadının missiyası bu olub. Baxmayaraq ki, son dönəmlərdə ailə institutu çox böyük zərbələrə tuş gəlib. Hazırda Pərvin Abıyeva kimi düşünən xeyli qadın var. Onlar bütün məsuliyyətdən qaçaraq ancaq özləri üçün yaşayırlar”.

Psixoloq başqa bir vacib məqama da toxunub:

“Digər bir problem bəzi sənət adamlarının efirdə sənətindən yox, öz şəxsi həyatlarından daha çox danışmasıdır. Çünki, özündən daha çox danışan adamların sənətdə heç bir izi olmur. Onlarda tamaşaçının yaddında sənətləri olmadığı üçün fərdi fikirləri və maddi imkanları ilə yadda qalmaq istəyirlər. Bu mənada Pərvin Abıyevanın belə açıqlamalar verməsi başadüşüləndir”.