Belə ki,keçən ilin mart ayında işə götürdüyü işçini bu ilin fevral ayında aldadaraq işdən çıxarmalı oldu. Səbəb isə,özünün dediyinə görə,ona göstərilən göstəriş olub. (Fakt var, sübut var)
Keçən dəfə telefonla əlaqə saxlayıb sual verirəm ki, Elşad müəllim, işçini aldadaraq ərizə yazıb səbəbsiz yerə işdən çıxardın və işçiyə demisən ki,narahat olma yaxın günlərdə yenidən işinə qaytaracam. Mənimlə danışan ərəfədə isə bildirdin ki, Elnur mənlik deyil, mən sadəcə mənə göstərilən göstərişi icra etmişəm. (Fakt var,sübut var)
Mən üzümü tutub Azərbaycan Respublikasının Elm və Təhsil Nazirliyinə cənab nazirimiz Emin Əmrullayevə müraciət edirəm:
Hörmətli Nazir! Mən başa düşmürəm,Təhsil ocağı nə vaxtdan göstəriş ilə fəaliyyətə başlayıb? Belə olan halda Təhsil sistemi məhvə doğru getmirmi? Bu nə biabırçılıqdır?
Elşad Quliyev hələ bir utanmaz-utanmaz keçən dəfə mənə deyir ki,özü könüllü olaraq ərizə yazıb işdən çıxıb. Yalançının ata bə atasına lənət əgər özü könüllü ərizə yazıb işdən çıxıbsa? Kişi olan şəxs bu qədər yalan danışarmı və kiminsə ailəsinin çörəyi ilə oynayarmı?
P.S. Bu günə qədər susdum. Bu saatdan sonra susmayacam. Artıq ölümü belə göz önünə almışam. Bir sözlə,adamı intihar həddinə çatdırıblar. Bəsdirin! Sizin əlinizdən Vətənimizi qoyub harasa köçməliyik? Niyə axı? Niyə Vətənimizi sizə görə tərk etməliyik? Adamı niyə məcbur edirsiz? Nədir günahımız? Millətimizə və Dövlətimizə sadiq olub,canla-başla xidmət etmək?
Budurmu günahımız?
Hörmətli Nazir, Emin Amrullayev ! Elşad Quliyevin aldığı maaş cəmi 560 manatdır. Zəhmət olmasa araşdırılsın görək Elşad müəllimin Qazax, Çinar dibi deyilən ərazidə neçə Obyekti, neçə Evi və neçə bahalı Avtomobili var? 560 manat maaşla bu qədər sərvəti necə əldə edə bilər sizcə? Çox yaxşı olardı ki, Elşad Quliyevin yığdığı bu qədər sərvət Dövlət nəfinə keçirilsin və məncə bir çox Qazaxlılar buna sevinərdi. Bu adamlar kasıb təbəqədən nə istəyirlər? Niyə imkan vermirlər yaşamağa? Niyə diri-diri insana cəhənnəmi yaşadırlar?
SƏBƏB???
Elnur Quliyev
Qeyd: Adları çəkilən şəxs və qurumların mövqeyini dərc etməyə hazırıq!
TEREF

Daş qəlbli insanları neylərdin İLAHİ
TEREF-in poçtuna daxil olan aşağıdakı məktubu oxuyandan sonra dahi şairimiz Sabirin bu misrasına nəzirə olaraq belə dəyişdik:
Daş qəlbli HƏKİMLƏRİ neylərdin İLAHİ
Şikayətçi Buzovna sakini Sadıqova Kəmalə xanımın məktubunun nöqtə vergülünə əl dəymədən oxuculara təqdim edirik. Həqiqətəndə humanizmin carçıları sayılan həkimlərimizin belə qəddarlığı çox təəcüblənduirdi bizi. İnanıram oxucularda oxuduqdan sonra eyni hisslər keçirəcək. Məktubdakı orfoqrafiq səhvlərə görə üzr istəyirik. Kəmalə xanım məktubunda yazır:
"Salam . Mən Sadıqova Kəmalə yazıb sizə bildirirəmki ayın 6 sı Usaq nevralogiya xəstəxanasına iki uşaqımla birlikdə yaxınlaşıb müraciətimi bildirdim.İra gəlməzdən öncə Buzovnada öz palikninkamızdan göndərişlə gəlmişdim .Qızıma şəfa klinikasında eplepsiya diaqnozu qoyulmuşdu.Usaqın öz həkimi usaqın vəziyyəti yaxşı olmadıqı üçün onu uşaq nevralogiyasına müalicə almaq üçün yazdı. Mən xəstə uşaqnan tık başıma taksi ilə gəldim . Əvvəl bilmirəm kim idi bizi qəbul etmədi sonra Solmaz adında həkimi çaqırdı. Bildirdiki bugun gecə dejurbasi odu . Solmaza uşaqın bütün sənədlərini göstərdim uşaq ora gəlməzdən öncədə sudurqa keçirmişdi. Mənə deyirki sənin uşaqın xəstə deyil. İndi bu dəqiqə uşaq sudurqa keçirsə inanaram. Məndə dedimki uşaq xəstədiki həkim yatmaq üçün göndəriş verib saqlam olsa idi niyə bura gətirirdim o isə çox insafsız qəlbində bir damcı belə olsa mərhəmət hiissi olmayan biridi . Nəqər xais etdim uşaq xəstədi bizi birdə yola vurma heç olmasa gecə burda qalaq usaqın başı eqeq olunsun xəstə çıxmasa gedərəm . Amma qulaq asmadı . O qədər pis oldumki aqladım tək gəlmisdim uşaqlar ilə axşam olurdu artıq evə necə gedəcəm düşündüm. Axran var idi orda o dediki mən icazə verərdim qalmaqınıza ama Solma qoymur. Heç olmasa dedim otaq istəmirəm xəstələr gözləyən yerdə oturub gözləyək səhər açılar uşaqlar eqeq olunar xəstə çıxmasa çıxıb gedərəm. Bu necə qayda qanundu düşmənik bir dövlətin övladıyıq o boyda xəstəxanada nolardı bir küncdə oturub gözləyəndə buqədər insafsızlıq olar . Axran dedi inciməyin mənə söz gələr yoxsa icazə verərdim . Amma Solmaz qoymadı mən körpə uşaqlarla xəstəxananın qabaqında qaranlıqda çarəsiz qaldım . Sonra yol keçərkən bir insana rast gəldim yaxınlasıb par yeri soruşdum düşündüm gecəni orda qalaq . Gördü iki uşaq gecə vaxti bizi tək qoymadı yolu keçməyə apardı parka yenə ürəyi dözmədi dedi burda qala bilmırsiz apardı xəstəxanın qabaqına axranı çaqırdı xaiş etdi gecəni qalsınlar burda oda dediki mənnən olsa qoyaram Solmaz icazə vermir . Sonra apardı axran bizi içəri Solmaz çıxıb getmişdi harasa . Orda bir insaflı xanım var idi istəyirdi qalaq amma solmazdan qorxurdu dedi zəng vurum deyim görüm nə deyəcək . Zəng vurdu Solmaz yenədə qoymadı Axranında bizə ürəyi aqrıyırdı çox istədi kömək etsin amma olmadı. Biz çıxdıq çölə bizə kömək edən əminin yoldaşı yaxınlaşdı bizə dedi günahdı sizi burda qoya bilmərəm. Gedək bizdə qalın . Mən razı deyildim naatçılıq vermək istəmirdim nə qədər təkid etsəmdə getmirəm qulaq asmadı bizi apardılar evlərinə düz xəstəxana ilə üzbəüz bina evində olurdular iki balaca otaq evləri var idi . Amma ürəyləri oqədər yumuşaq mərhəmətli insan idilər ki bizi tək qoymadılar . İndi sizdən xaişim odurki Solmazla baqlı bir tədbir görəsiz o gün cəkdiyim əziyyətlər uşaqlarımın çarəsizliyi gözümün önündən getmir xəstə uşaq əsə qalmışdı o əmi bizə rast gəlməsə idi başımıza nələr gəkərdi . Ora dövlət xəstəxanasıdi oboyda xəstəxanada bidənə bizə icazə vermədi qalaq sizdən xaiş edirəm məndə sizin bir balaniz bu haqsızlıqı yerdə qoymayın.
Birdə qeyd etmək istəyirəm ki, səhər hamıdan birinci adam biz idik eqeq olunmalı idi, uşaqlar eqeq həkimləri bizi yubatdı saat 4ə qədər. Gözlədik düşdüm beşinci adam beşincidəndə qabaq 4 düncü idi. Kimsə basqa adam gəldi keçdi içəri heçnə edə bilmədim. Tələb etdim həkim və onun köməkçisi məlumat vermədən qapını baqladı. Xaiş edirəm orda kamera var tələb edin, baxın uşaq uzanıb üstün örtmüşəm. Baxın çəkdiyimiz əziyyətlərə kiminsə pulu coxdu verib girir içəri, yəqinki rüşvət alırlar bizə çox haqsızlıq olundu."
Əlaqə nömrəm 070 5077787
Qarşı tərəfin mövqeyini dərc etməyə hazırıq!
TEREF

VI çağırış Milli Məclisin deputatı Hicran Hüseynova və bacısı Fransada dəniz sahilində 5 milyon avroluq villanı buldozerin qabağına verib yerində kompleks tikdirir.

Bu barədə araşdırmaçı jurnalist Cavanşir Həsənli məlumat yayıb.

O bildirib ki, tikinti ilə bağlı bələdiyyə sənədinə görə kompleksdə iki villa, iki hovuz, yeraltı qaraj və qonaqlar üçün evin inşası nəzərdə tutulur.

Ağcabədi Pedaqoji Kollecində tələbəyə diplom bir ildir ki, verilmir.
Redaktor.az bu barədə elektron poçtuna baş verən neqativ halla bağlı şikayət məktubu daxil olduğunu xəbər verib. Həmin xəbərə görə, Xəlilova Aysu Vüqar qızı 2019-cu ildə həmin kollecin məktəbəqədər təhsil ixtisasına qəbul olub, 2023-cü ildə isə başa vurub. Lakin üstündən 1 ildən çox keçməsinə baxmayaraq, diplomunu ala bilmir.

Şikayətçinin atası Vüqar Xəlilov dəfələrlə kollecin rəhbərliyinə müraciət etsə də, diplomun aqibəti barədə məlumat yoxdur.

O bildirib ki, kollecin direktor köməkçisi Könül xanıma, dekan Aynur Babayevaya, təlim-tərbiyə rəhbəri Rövşən Bayramova müraciət edib. Ancaq onlar Vüqar Xəlilova hər dəfə “tezliklə veriləcək” deyərək onu geri qaytarıblar. Odur ki, şikayətçi qızının diplomunun verilməsi üçün mətbuatdan kömək istəməyə məcbur olub.

Məsələ ilə bağlı Redaktor.az-ın əməkdaşı Ağcabədi Pedaqoji Kollecinin məsul şəxslərindən biri Şahin Nəbili ilə bir neçə dəfə əlaqə saxlayıb və o, hər dəfə bildirib ki, diplomda kod səhvliyi olduğuna görə yeni diplomun verilməsi üçün nazirliyə müraciət olunub. Sonuncu zəngimizdə isə Şahin Nəbili bizə səs tonunu qaldıraraq, “kimə istəyirsiniz, hətta nazirliyə şikayət edin. Məsələ məni maraqlandırmır”, – deyərək telefonu söndürüb.

Məsələ ilə bağlı Elm və Təhsil Nazirliyinin mətbuat xidməti ilə əlaqə saxladıqda isə oradan bizi Elm və Ali Təhsil üzrə Dövlət Agentliyinin Sənədlərlə və müraciətlərlə iş sektorunun baş məsləhətçisi Osman Əşrəfova yönəltdilər.

İlk vaxtlarda Osman Əşrəfov problemin həlli ilə maraqlanacağını desə də, daha sonra o da məsələdən qaçıb. Bizim müraciətimizə cavab olaraq, əvvəlcə kollecdən sənədlərin gəlmədiyi üçün diplomun gecikdiyini bildirdi, daha sonra isə təzadlı olaraq, diplomda əslində mətbəə səhvlərinin olduğunu qeyd etdi. Hazırda isə o, bizim nə zənglərimizə, nə də mesajlarımıza cavab verir.

Göründüyü kimi elm və təhsil naziri Emin Əmrullayevin gənc kadrları nəinki adi vətəndaşların, hətta jurnalistlərin belə müraciətlərinə etinasız yanaşırlar.

Əvvəla axı niyə bir dövlət sənədində səhvə yol verilib? Əgər bu səhv varsa, onu aradan qaldırmaq, yeni diplom vermək niyə bu qədər uzanır? Kiçik bir məsələ bir ildir niyə həllini tapmır? Bəlkə diplomda mətbəə səhvliyi yox, başqa bir müəmma var? Osman Əşrəfovu Ağcabədi Pedaqoji Kolleci ilə nə bağlayır ki, onların səhvini ört-basdır edir, suallarımızdan yayınır?

Axı həmin kollecin məzununun hardasa işə qəbulu üçün ona diplom lazımdır. İndi Aysu Xəlilova daha nə qədər gözləməlidir ki, onun diplomu hazır olsun?

Qusar rayon İcra Hakimiyyəti Başçısının Qusar şəhər İnzibati Ərazi üzrə Nümayəndəliyi tenderinin nəticələrini elan edib. XALQ.AZ xəbər verir ki, tenderin qalibi “Topxana Layihə İnşaat” MMC olub.

Şirkətlə 8.850 manat məbləğində müqavilə imzalanıb. Qusar Rayon İcra Hakimiyyəti Qusar şəhər İnzibati Ərazi üzrə Nümayəndəliyi sifarişi ilə Qusar MİM-nin balansında olan H.Əliyev pr 146 saylı binanın təmir işlərinin layihə smeta sənədlərinin hazırlayacaq.

Şübhəli məqam budur ki, adicə layihə smeta sənədlərinin hazırlanması üçün 8.850 manat fantastik rəqəm deyil mi?

“Topxana Layihə İnşaat” MMC elmi araşdırma apararaq layihə smeta hazırlayacaq. Bunula bağlı adı çəkilən qurumların mövqeyini öyrənmək mümkün olmadı.