Teref.az yazır ki, Yeni Nəşrlər jurnalının redaktoru Yaşar Zeynalovun nəvəsi 2008-ci il təvəllüdlü Tuncay İlkin oğlu Zeynallı həkim səriştəsizliyi və səhlənkarlığının qurbanı olub.. Bəli ürəyində yüzlərlə arzusu olan, özünü gələcəyin həkmi kimi görən Tüncay balamız elə həkimlərin səhlənkarlığı nəticəsində vəfat etdi və bir ailənin ürəyinə od saldı...
Teref.az xəbər cverir ki, Tüncayın babası Yaşar Zeynalov yazır:
08 yanvar 2023 tarixi bizim ailəmin həyatında bir fırtına kimi qopdu. 14 yaşlı nəvəm Tuncay evə gələrkən qarda ayaqları sürüşərək arxası üstə yerə yıxılıb, beli və başı asfalta çırpılır. Yoldaşları onu evə gətirəndə evdəkilər hiss edir ki, Tuncay heç kimi tanımır. Başından aldığı zərbə ilk fəsadlarını göstərməyə başlamışdı. Tuncayın yaddaşının yerinə gəlməyəcəyindən əmin olan oğlum İlkin onu Semaşko xəstəxanasına təcili tibbi yardım şöbəsinə çatdırır. Növbətçi həkimə Tuncayın yıxıldığını və ilkin görünən fəsad kimi yaddaşının itdiyini bildirir. Bu zaman həkim Osmanov Bayram adlı həkim uşağın başının tomoqrafiya olunmasını tövsiyə edir. Tomoqrafiyanın nəticəsinə baxarkən Elşən adlı həkim "keçikçi amneziya"dır (müvəqqəti yaddaş pozuntusu) heç bir təhlükəsi yoxdur deyib xəstəxanada qalmasına ehtiyac görmür. Əslində xəstə yıxılıbsa, görünən xəsarət yoxlanılıbsa, görünməyən və ehtimal olunan xəsarətlər müainə olunmalı idi. Həkimə Tuncayın arxası üstə zərbə ilə yerə çırpıldığını demişiksə, bizim çəkinizi getməsə də, həkim daxili orqanların rentgen və UZİ müayinəsini etməli idi. Etmədi. Niyə, çünki xəstə öz övladı deyildi. Xəsarətin ilkin müayinəsində buraxılan səhv-yəni xəstənin digər orqanlarının müayinə edilməməsi Tuncayda sonradan əmələ gələn ağrıların mənşəyinin təyin edilməsində çətinliklər yaratdı. Əslində bir neçə gün sonra müraciət etdiyimiz Abşeron mərkəzi xəstəxanasının həkimləri "çoban" deyil həkim olsaydılar, Tuncayın UZİ edərdilər və daxildə olan problemləri görərdilər. Ayaqdan başlanan ağrını mənşəyinə varmadan ayaq üçün "karset" və ağrı kəsici mazlar yazan həkimdən nə gözləyəsən?
Artıq yıxılandan 15 gün sonra ağrılar daha da kəskinləşməyə başladı. Bu müddət ərzində həkimlər heç bir köməklik göstərə bilmədilər. Təsəvvür edin müraciət etdiyimiz xəstəxanalar Tuncayın durumunun ağır olduğunu nəzərə alıb, onun bu xəstəxanada yatmalı olduğunu bizə demirlər. Ötür-ötür oyunu ilə sanki bizim əsəblərimizi test edirdilər.
26 yanvar 2023-cü il tarixi mənim ömrümdə Azərbaycanda səhiyyə sisteminə və həkimlərə nifrət etdiyim gün kimi həyatıma həkk olundu. Ağrıları şiddətlənən nəvəmi Əhmədlidə yerləşən Nevroloğiya İnstituna apardıq. Burada Tuncayı MRT müayinəsindən keçirəndən sonra növbətçi həkim "qarın boşluğunda öd, qara ciyər zədələnmələrindən başqa, başında (qulağının arxa hissəsində) sümük zədəsi olduğunu və bu nahiyədə çirk yığıldığını bildirdi. Bizə xəstənin təcili LOR həkiminə göstərilməsi tövsiyə edildi. Ağrıdan maşına güclə oturan Tuncayın Respublika Mərkəzi Kliniki Xəstəxanaya gətirdik. Biz bura çatanda artıq saat 19:30 idi. Təcili yardım şöbəsində və ümumən xəstəxanada bir LOR həkimi tapılmadı ki, Tuncaya baxsın. Təsəvvür edin, biz növbətçi həkimə uşağın durumunun ağır olduğunu, bakıda hansı xəstəxanada LOR həkiminin olduğunu soruşduq. Bizə axşam vaxtı heç bir xəstəxanada növbətçi LOR həkiminin olmadığını bildirdilər və sabah gəlməyimizi dedilər. Həmən gecə Tuncayın şiddətli ağrılarla evdə keçirdiyi son gecə oldu. Ertəsi gün ümüdümüzü göydə Allaha, yerdə həkimlərə bağlayaraq yenidən xəstəxanaya gəldik. Bu zaman Tuncayın gözlərinə sarılıq dolmuş, bədəni saralmış, əllərində lopa qızartılar əmələ gəlmişdi. Axşamdan əlaqə saxladığımız tanış həkim bizə uşağın təcılı əməliyyat olunmasını bildirdi. Bizə əməliyyat öncəsi təcili qan analizlərinin verilməsi, təkrar MRT olunması üçün digər xəstəxanalara nisbətən yaxın olan UNİ Klinikaya getməyimiz, və bütün müayinələrin dövlət hesabına olunacaq deyə tövsiyyə olundu. Bu özəl tibb müəssisəsində də İcbari Tibbi Sığortanın və TƏBİB-in nümayəndəsi otururdu.
TƏBİB-in nümayəndəsi bizdən məlumatları alandan sonra TƏBİB-lə, daha dəqiq desək bu klinikaya Təbibdən kurator olan Rəna adlı xanımla əlaqə saxladı. Bir qədər gözlədikdən sonra mənə məlum oldu ki, bunlar maksimum çalışırlar ki, müayinə, analizlər dövlət tərəfindən ödənilməsin. Məcbur qalıb bütün analizlərin haqqını özümüz ödəməyə hazır olduğumuzu bildirdik. Dərhal qandan analizlər götürüldü. Analizlərin cavabına əsasən bir daha təcili əməlıyyat olunması üçün K.Fərəcova adına Elmi-Tədqiqat Pediatriya İnstitutuna (OMD) göndərildik. Biz ora çatanda Tuncayın durumu çox ağır idi. Xəstəxananın direktoru Allahverdi Musayev xəstənin gecikdirilməsi səbəbindən qarın boşluğunda ciddi fəsadların olduğunu və uşağın əməliyyatı böyük proses olduğundan, Mərkəzi Klinikadan həkimlər dəvət etdiyini bildirdi. Lakin ilkin tıbbı müdaxilədən bir saat sonra Tuncay balamın ürəyi ağrılara dözməyərək dayandı. Mərkəzi Klinikadan gələn türkiyəli həkimlər nə qədər çalışsalar da Tuncayı həyata qaytara bilmədilər.
Bütün bu acıları yaşayan oğlum Ilkinin sonda dediyi söz, məni param parça etdi:
"Tuncay bu zalım dünyadan keçərək canını qurtardı".
Lakin mən bu acını bizə yaşadan başda səhiyyə naziri olmaqla, TƏBİB-in Rəna adlı əməkdaşına, UNİ klinikanın rəhbərliyinə, ilk gündən Tuncayın xəsarətlərin nəzərə almayan, UZİ və Retgen müayinələri etməyən Semaşkonun təcili yardım şöbəsinin səhlənkar həkimlərinə arzu edirəm ki, onlar da bizim yaşadığımız faciəni yaşasınlar ki, başqaları bu faciə ilə üzləşməsin.
Sadəcə sözün bitdiyi yer.....
Ruhu şad olsun!!!
Teref.az

"TikTok çıxardanın atasına lə@nət!!… Demək, Sevgi Evi qadın və uşaq sığınacağının rəhbəri Könül gecə 12-də alıb bir köməksiz körpəni qucağında 2 saat oturub TikTokda canlıda pul qazanır… Sən Ləmansan, Bayram Nurlusan, nə bilim, Azərsən???TikToker olmaq istəyirsən, get öz uşaqlarını al qucağına canlıdakılarsan şir-şlyapa dilən də. Köməksiz körpələri, onların məcburiyyətdən, çarəsizlikdən susan analarını niyə istismar edirsən?!!O körpənin gözlərində qorxuya baxın… Adamın ürəyi parçalanır. 2 saat qoymur uşaq tərpənə… Soruşuram sizdən - şiddət görməyən uşaq bu cür qorxa bilər? Qətiyyən!!! O uşaq bu qadından qorxur! Beləsinə uşaq tapşırmaq olar??? Ailələrindəki şiddətdən qaçanlar üçün yaradılan sığınacaq vermək olar??? Bu özü işgən@cə maşını, istismarçıdır ki…."
Teref.az yazır ki, bunu Prime TV-nin baş redaktoru Aygün Muradxanlı deyir. Daha sonra Aygün xanım fikirlərini şərh edərək yazır:
"Qurdalayarsan arxasından bir general çıxar. Hər halda bu uzun dilin bir qaynağı var. Olsun…, onu da taparıq.
Dostlar, çatda ona yazan həmkarım İrada İsaqdır. Səhifəsini bağlayıb deyə bir neçə jurnalist dostundan FB-da ictimailəşdirilməsini istədi. İradənin haqlı iradlarına verdiyi lotuyana cavablarına baxın bunun!!! Öyrənmişik ki, atası Ağdam İH başçısının keçmiş müavini olub - Zülfü Qasımov. Başında qalıb yəqin qarşısındakıları aşağılamaq. Biri buna başa salsın ki, atasını qulağından tutub atıblar bayıra.
Azərbaycan Respublikasının Daxili İşlər Nazirliyi, hara baxırsız? Bu qadın uşaqların istismarı ilə məşğuldur. Anonimliyi pozur, hamamda çimən yerdə uşaqların şəkillərini paylaşır. Bütün Türkiyə bundan danışır. Şərh bölümünə o videonu da yerləşdirəcəm. Bəlkə bir qadın avara-narkoman ərindən uşağını götürüb bu sığınacağa pənah gətirib? Bu qadın şəkil-video paylaşmaqla o anonimliyi pozmur? Sabah orda bir cinayət olsa, bu TikTok ceyranı necə alacaq qarşısını? Lütfən bu Könül Qasımova ilə bağlı tədbir görün. Bu tərbiyədə, bu əxlaqda, bu şüurda birisinə onlarla köməksiz durumda qalan insanları etibar etmək olmaz. Bütün iradlara cavabı - əcəb eləyirəm, özüm bilərəm… Bəlkə bunum korlanmış könlü sabah orqan mafiyası ilə işbirliyi çəkəcək? Ya uşaqları kiməsə satacaq? Danışığından görünür ki, o potensialı var. Lütfən, baş verməmiş cinayətlərin qarşısını indidən alın. Onlarla insanın taleyindən söhbət gedir."
İradə İsaqa isə bu məsələni ictimailəşdirdiyi üçün təşəkkür düşür. Özünü himayəçi kimi göstərib uşaqlar üzərindən alver edən belə tiplərlə mübarizədə onunlayıq.
Bütün həmkarlarımdan məsələyə özəl diqqət ayırmalarını xahiş edirəm."
Teref.az olaraq qarşı tərəfin mövqeyinidə dərc etməyə hazırıq!
Teref.az

Turantv.az saytın elektron poçt ünvanına Gəncə təhsili haqqında rüşvət faktı ilə bağlı Aynurə Mehdiyeva adlı şəxs tərəfindən məlumat daxil olmuşdur.
Gəncə-Daşkəsən Regional Təhsil İdarəsində 1,500 min manatlıq pul silinməsi əməliyyatı….
Adı çəkilən Gəncə -Daşkəsən Regional Təhsil İdarəsinin tabeçiliyində olan Samux rayon məktəblərinə və uşaq bağçalarına “XAMA” deyilən ərzaq adı altında 1,500 min manatlıq pul silinməsinə yol verilibdir.
Məlumatı sabiq məktəb direktoru, youtbe sosial şəbəkələrdə çıxışı zamanı bildiribdir. Onun sözlərinə görə Təhsil şefi Anar Qədiməliyev və onun müavini belə bir qanunsuzluğa yol veriblər.
Digər verdiyi məlumata görə, Samux rayon Təhsil İdarəsinin baş mühasibi İlhamə Muradova yuxarıda qeyd etdiyimiz, 1,500 min manatı Anar Qədiməliyev və onun müavininə şəxsən öz əlləri ilə veribdir. Bunun nə qədər doğru olması üçün araşdırma tələb olunur.
Hesab edirik ki, Baş Pokurorluq, Baş Prokurorluq yanında Korrupsiya İdarəsi, Maliyyə Nazirliyi Gəncə -Daşkəsən Region Təhsil İdarəsində araşdırma aparsa yazılanlar öz təsdiqini tapar.
Qarşı tərəfin mövqeyini dinləməyə hazırıq.
Turantv.az