 |
|
|
Naxçıvan şəhəri, Zərifə Əliyeva küçəsi, döngə 3, ev 19 ünvanında yaşayan Mirzayi Nurəngiz Sabir qızı tərəfindən “Hürriyyət”in redaksiyasına şikayət məktubu daxil olub. Saytımız vasitəsilə Azərbaycan Prezidentinin Naxçıvan MR üzrə səlahiyyətli nümayəndəsi Fuad Nəcəfliyə, Dövlət Təhlükəsizliyi Xidmətinin Naxçıvan Baş İdarərəsinin rəisi Möhsün Aşurova, Naxçıvan MR Prokurorunun müavini Sənan Paşayevə müraciət edən şikayətçi yazır:
“Bildirirəm ki, 2017-ci il may ayının 15-dan Ağciyər Xəstəlikləri Dispanserində işə başlamışam. Başladığım gündən 15 gün gündəlik işləmişəm. Anam xəstə olduğu üçün növbəli işə keçmək istədim. Bunu baş həkim İlqar Rzayevə bildirdim. Məndən 200 manat pul istədi və dedi ki bu puldan mənə 50 manat qalacaq, qalanını isə Səhiyyə Nazirliyinnə verəcəm.
Üç il palata tibb bacısı işləmişəm, analıq məzuniyyəti yerinə. Sonra baş həkim məni otağına çağırıb dedi ki, “işçi qayıdır yerinə, 400 manat gətir, sənə daimi oklad verim”. 400 manat verdim, mənə növbətçi qeydiyyatçı kassir okladı verdi.
2020-ci ilin fevral ayından Ağciyər Xəstəliklər Dispanseri Publik Hüquqi Şəxs oldu. 2020-ci ilin mart ayında etibarən biz qəbzlərlə işləməyə başladıq. Gündəlik qəbzlərin sürəti və nağd pulları təhvil-təslim kitabına imza ataraq baş tibb bacısı Rzayeva Hekayətə verirdik. Oktayabr ayının 23-nə qədər bu qayda ilə işlədik. Oktaybrda Səhiyyə Nazirliyin baş mühasibi Asəf Musayevin göstərişi ilə pulları və qəbzləri xəstəxananın mühasibi Afət Sadıqlıya təhvil verirdik.
2021-ci ilin aprel ayına qədər işlədim. Biz növbətçi kassir tibb bacısı olmağımıza baxmayaraq, baş həkim İlqar Rzayev gündəlik işçilər gedəndən sonra növbətçi kassirləri evə buraxır və xəstələri özü qəbul edirdi. Burdan da aydındır ki, itən ağ qəbzləri özü üçün işlədirdi.
Qeyd edim ki, 2020-2021-ci illər COVİD -19 xəstəliyinin olduğu dövrlər idi. Həmin müddətdə xəstələrin sayı-hesabı yox idi. Əsasən də xəstələri iş saatından sonraya çağırırdı. Aprel ayının 7-də Səhiyyə Nazirliyinin “yoxlamaları” oldu. Baş mühasibin otağında yoxlamalar aparıldı. Bunu da qeyd edim ki, bu yoxlamada biz iştirak etməmişik. Səhiyyə nazirliyinin baş mühasibi Asəf Musayev baş həkimin otağından gülə-gülə çıxaraq dedi ki, bütün “sastav” dəyişilməlidir. Sonra da mənə baxaraq, “birinci səndən başlayacam” dedi.
Səhəri günü məlum oldu ki, mühasibin otağından qəbzlər və pullar yoxa çıxıb. Halbuki otağın açarı baş həkim də və Afət Sadıqlıda olmuşdu. Kəsir gələn pulları 4 kassir (Mirzəyeva Hülya, Hüseynova Xatirə, Ələkbərova Bəyim və mən), baş tibb bacısı Rzayeva Hekayət və mühasib Afət Sadıqlının üzərinə müəyyən məbləğlərdə pul summası qoyuldu.
Onu da qeyd edim ki, Asəf Musayevin dediyinə görə ağ qəbzlər də yoxa çıxıb. Qəbzləri isə baş həkim İlqar Rzayevin “sol əli” Gülnar Nəcəfova vəkalətnamə ilə mətbəədən götürürdü. Yoxlamalar zamanı isə Gülnar Nəcəfovanın adı çəkilmədi. Səhərisi günü növbədən çıxanda məni baş həkimin otağına çağırdılar. Otaqda Asəf Musayev, İlqar Rzayev və mən idim. Məndən 1250 manat pul istədilər və iki saat vaxt verdilər. Həmin vaxtı mənə dedilər ki, kəsrlər bağlanandan sonra məsələ də bağlanacaq. Mən də qızıllarımı girov qoyub, 1250 manat gətirib Asəf Musayevə verdim. Bizim aramızdan baş tibb bacısı Rzayeva Hekayət pul verməkdən imtina edərək dedi ki, “bizim bu işdə günahımız yoxdur, mən pul verməyəcəm”.
Araşdırmalara görə Hekayətə təhvil verdiyimiz müddətdə heç bir problem çıxmamışdır. Həmin gün Səhiyyə Nazirliyinin hüquqşünası Səbuhi İbrahimov tapdalanmış hüquqlarımızı qorumaq əvəzinə, başımızın üstündə duraraq öz diqtəsi ilə saxta izahat yazdırdı. Baş tibb bacısı onu dediyi izahatı yazmadı. Sonra da bizi baş həkimin otağına çağıraraq qarşımıza bir akt qoydular ki, bura qol çəkin. Biz də qorxaraq, oxumadan qol çəkdik. Və bizə dedilər ərizə yazın ki, öz ərizəmizlə işdən çıxırıq, b işi ört-basdır edib sizi 1-2 aya işlə təmin edəcəyik.
Yeddi ay işsiz qaldım. Bu yeddi ayda demək olar ki, hər gün Səhiyyə Nazirliyinə getdim ki, mənə iş versinlər, iki uşaq oxuduram, maddi cəhətdən imkanımız yox idi. Bir dəfə Səhiyyə Nazirliyinin aparat rəhbəri Vüqarın yanında oldum, ona iki uşaq oxutduğumuzu, imkanımızın olmadığını dedim. Mənə belə cavab verdi ki, “vacibdir sənin uşaqların oxusun, getsinlər fəhlə işləsinlər”.
Baş tibb bacısı məhkəmədə günahsız olduğunu və bu işin qurma oyun olduğunu sübut etdi. Aydındır ki, xəstəxanada əl birliyi ilə maliyyə yeyintisi olub, bunu da ört-basdır etmək üçün günahsız insanları “qurban” verdilər. Bundan sonra məni çağırıb Onkoloji xəstəxanada daimi boş oklad olmasına baxmayaraq, analıq məzuniyyəti yerinə verdilər. Bu günə qədər də Səhiyyə Nazirliyinə dəfələrlə getməyimə baxmayaraq, məni daimi işlə təmin etmirlər.
Sizdən xahiş edirəm ki, bu iş yenidən dəqiq araşdırılsın, görək itən pullar və ağ qəbzlər hara yoxa çıxdı?! Bu haqda Hüquq Mühafizə Orqanlarına niyə xəbardarlıq edilmədi? Bu işdə əli olanlar və bu oyunun təşkilatçıları kənarda qaldı, günahsız insanlar isə işdən azad edildi. Bu işdə əli olan həqiqi günahkarlar aşkarlansın və cəzalandırılsın”.
Hazırladı: KƏNAN
Redaksiyadan: Qarşı tərəfin mövqeyini dərc etməyə hazırıq.
Yasamal rayon Akim Abbasov küçəsi 20- də 5- dən çox irigövdəli ağaclar kəsilərək yerində artırılma edilib.
Teref.az yazır ki, bu barədə AFN.az-a məlumat verən mənbə bildirib ki, ağacların kəsilməsi (daha doğrusu, yoxa çıxarılması-red.) isə Bakı Şəhər İcra Hakimiyyətinin Yaşıllaşdırma Təsərüüfat Birliyi tərəfindən həyata keçirilib: "Deyə bilərlər ki, ağaclar köçürülüb, amma kökündən yalandır. Çünki nə yaz deyil, nə payız, qışın qarlı ayında ağac köçürülməsi mümkün deyil. Ağacların köçürülməsi əsasən payız aylarında baş tutur. Məhv ediblər neçə illik ağacları. Yerini isə kimlərəsə satıblar, ya da öz obyektlərinin yerini böyüdüblər".
İcbari Tibbi Sığorta üzrə Dövlət Agentliyi "Avromed Company” Qapalı Səhmdar Cəmiyyəti (QSC) ilə satınalma müqaviləsi imzalayıb.
TEREF.AZ Qaynarinfo-ya istinadla xəbər verir ki, maliyyə dəyəri 45 855 968.2 AZN olan müqavilədə "Şəkərli diabet xəstəliyi Dövlət Proqramı üzrə inyeksion şəkərsalıcı və oral hipoqlikemik dərman vasitələri”nin satın alınması nəzərdə tutulur.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Avrpmed Company” QSC 20 dekabr 2001-ci ildə qeydiyyata alınıb. Nizamnamə kapitalı 57000 AZN olan şirkətin qanuni təmsilçisi İskəndərov Kamran İnqilab oğludur.
Kamran İskəndərovun haqqında açıq mənbələrdə yer alan məlumatlarda onun "Coca Cola” şirkətinin Ukrayna və Moldova üzrə nümayəndəliyinin baş meneceri vəzifəsində işlədiyi qeyd edilir. O, ötən ilin fevralında "Avromed Company”nin baş direktoru vəzifəsinə təyin olunub.
"Avromed Company” QAC-nin sahibinə gəlincə, mediada gedən məlumatlarda şirkətin deputat Cavanşir Feyziyevə məxsus olduğu bildirilir. Deputatla bağlı biorafik məlumatlarda da onun 2002-2010-cu illərdə QSC-nin baş direktoru vəzifəsində çalışdığı göstərilir.
İngiltərədə Cavanşir Feyziyevin ailəsinə məxsus 5.6 milyon funt-sterlinqin müsadirə olunması ilə bağlı materiallarda isə onun 2013-cü ildə viza müraciəti zamanı özünü "Avromed Company” QSC-nin icraçı direktoru kimi təqdim etdiyi bildirilir.
2020-ci ildə isə şirkətin yaydığı açıqlamada qeyd edilir ki, Feyziyev 2010-cu ilə qədər "Avromed”in direktoru vəzifəsində çalışıb, 2016-cı ildə isə səhmlərini satıb.
Lakin yerli media bu açıqlamanı həqiqətə uyğun saymır. Hər halda Feyziyevin Britaniya məhkəməsində verdiyi ifadələrdə ziddiyyətlərin olması onun hələ də "Avromed”ə nəzarət etdiyinə şübhələr yaradıb.
Qida Təhlükəsizliyi Agentliyinin (AQTA) tabeliyində fəaliyyət göstərən Qida Təhlükəsizliyi İnstitutu tərəfindən keçirilən tender müsabiqəsinin qalibi məlum olub.
TEREF.AZ Yeniavaz.com-a istinadla xəbər verir ki, tender müsabiqəsinin qalibi “Duohıve” MMC (VÖEN - 1503672811) olub.
Qida Təhlükəsizliyi İnstitutu “Duohıve” MMC-dən AQTİS-də (Avtomatlaşdırılmış Qida Təhlükəsizliyi İnformasiya Sistemi) müvafiq uyğunlaşdırmanın aparılması, təkmilləşdirmə və yeni funksionallıqların hazırlanması işlərini satın alacaq.
MMC görüləcək işlərin qarşılığında Qida Təhlükəsizliyi İnstitutundan 149 min 34 manat alacaq.
Məlumat üçün bildirək ki, “Duohıve” MMC 10.07.2017-ci ildə dövlət qeydiyyatına alınıb. Nizamnamə kapitalı 200 manat olan MMC-nin hüquqi ünvanı Nərimanov rayonu, Koroğlu Rəhimov, ev 22 C, m. 14-də yerləşir. MMC-nin qanuni təmsilçisi Məmmədov Zəka Vəlixan oğludur.
“Duohıve” MMC barəsində açıq internet resurslarda geniş məlumat mövcud deyil. Məlum olan odur ki, bu MMC yalnız AQTA və Qida Təhlükəsizliyi İnstitutunun keçirdiyi tenderlərdə qalib olur.
“Duohıve” MMC 2020-2023-cü illərdə AQTA və Qida Təhlükəsizliyi İnstitutunun keçirdiyi ümumi dəyəri 591 min manat olan 6 tender müsabiqəsinin qalibi olub.
Tender müsabiqəsində diqqət çəkən məqam odur ki, “Duohıve” MMC təsis olunan zamanın onun qanuni təmsilçisi Rəşad Məmmədağa oğlu Xalıqov olub. Rəşad Xalıqov 2020-ci ilin yanvar ayından 2021-ci ilin aprel ayına kimi Qida Təhlükəsizliyi Agentliyinin İnformasiya texnologiyaları və innovativ həllər sektorunun müdiri olub.
Rəşad Xalıqov AQTA-da yüksək vəzifə tutduğu zaman – 2020-ci ildə “Duohıve” MMC bu qurumun informasiya texnologiyaları ilə bağlı keçirdiyi 3 tender müsabiqəsinin qalibi olub.
“Dövlət Satınalmaları haqqında” Qanunun 13-cü maddəsinin tələblərinə görə satınalma prosedurlarından əvvəlki üç il ərzində satınalma prosedurlarında iştirak edən iddiaçının əməkdaşı və ya vəzifəli şəxsi olanlar satınalma prosedurları zamanı satınalan təşkilatın təmsilçisi, məsləhətçisi və satınalmalarla əlaqədar digər vəzifələrin icraçısı ola bilməzlər.
Qanunun tələbindən də göründüyü kimi, tender keçirilən zaman (2020-ci ildə) satınalan təşkilatın, yəni AQTA -nın təmsilçisi (İnformasiya texnologiyaları və innovativ həllər sektorunun müdiri) 3 il əvvəl – 2017-ci ildə iddiaçının, yəni “Duohıve” MMC -nin vəzifəli şəxsi (qanuni təmsilçisi) olub.
Onu da bildirək ki, 2017-ci ildə “Duohıve” MMC-yə, 2020-ci ildə isə AQTA-nın İnformasiya texnologiyaları və innovativ həllər sektoruna rəhbərlik edən Rəşad Xalıqov "2007-2015 Dövlət Proqramı" çərçivəsində 2007-2012-ci illərdə bakalavriat və 2012-2013-cü illərdə magistratura səviyyələri üzrə Fransada "Université de Franche-Comté Besançon" ali təhsil müəssisəsindən məzun olub. Xalıqov hazırda Nəqliyyat, Rabitə və Yüksək Texnologiyalar Nazirliyinə məxsus "AzInTelecom” MMC-də informasiya və kommunikasiya texnologiyaları üzrə müşavir vəzifəsini icra edir.
Diqqət çəkən məqamlardan biri də odur ki, açıq internet resurslarında “Duohıve” MMC ilə bağlı olan azsaylı məlumatlardan biri AQTA sədri Qoşqar Təhməzlinin qardaşı oğlu Şahbaz Təhməzlinin rəhbərlik etdiyi “İPE Group” MMC-yə məxsus “rahatyasam.az” saytının bu şirkət tərəfindən hazırlamasıdır.
Məsələyə aydınlıq gətirilməsi üçün AQTA-nın mətbuat xidmətinə müraciət ünvanlasaq da, heç bir cavab ala bilmədik.
Şikayətim “Azercell” şirkətinin təqdim etdiyi digital kartdandır. Şəkillərdən göründüyü kimi, iki dəfə uğursuz ödəniş olub, amma hər dəfə 5 manat balansımdan silinib. Bu artıq ikinci dəfədir baş verir. Deməli biz fikir verməsək, bizim cibimizdən 10 manat pul oğurlanacaq və bununla bağlı hər hansı bir xəbər verilməyəcək.
Tribunainfo.az xəbər verir ki, bu barədə adını qeyd etməyən şikayətçi bildirib. Onun sözlərinə görə, “Azercell” bu vasitə ilə vətəndaşların cibinə girir:
“1 ay qabaq da mağazada uğursuz ödənişə görə 1.09 balansdan çıxıldı, amma geri qayıtmadı, mən isə məsələnin üzərində qalmadım. Bu səfər iki dəfə ard-arda hesabdan pul silinib, halbuki aptekdə qəbzin üzərində uğursuz ödəniş yazılmışdı, eləcə də, google pay-də”.
Azərbaycanın Bakı, Gəncə, Sumqayıtdan sonra dördüncü böyük şəhəri olan Mingəçevir Dövlət Universiteti ilə bağlı yazmaq istəyərkən, xırda bir araşdırma aparmalı oldum.
Deməli, Mingəçevir Dövlət Universiteti Azərbaycan Respublikası Prezidentinin 24 iyul 2015-ci il tarixli Sərəncamına əsasən Azərbaycan Respublikası Təhsil Nazirliyinin tabeliyində olan Mingəçevir Politexnik İnstitutunun bazasında ali təhsilin bütün səviyyələri üzrə kadr hazırlığını həyata keçirən Azərbaycan Respublikası Təhsil Nazirliyinin tabeliyində yaradılmışdır. Sonra rektor Şahin Bayramovla bağlı xırda bir araşdırma aparmalı oldum. Bu adamın özü haqqında yazdığı ÖMÜR YOLUnu oxuyanda adamın nəfəsi kəsilir. Az qala bir roman boyda tərcümeyi-hal. Nə bilim, Polşada çıxış elədim, Çində konfransda oldum, Fransada koordinator oldum-filan….
Bu adam yazır ki, 2018-ci ildən Azərbaycan İlahiyyat İnstitutunun Himayəçilər Şurasının üzvüdür. Yahu, İlahiyyatın sənə nə dəxli var..? Bu adamın dissertasiya mövzuları ilə tanış oldum və dəhşətə gəldim. Bunlar necə alim olublar..?
Sözün qısası, cənab rektorun uppuzun tərcümeyi-halı aşıqların qoşduğu dastandır. DASTAN dedim, yadıma Şahin Bayramovun Azərbaycan Dövlət İqtisad Universitetində DİSTANT və əlavə təhsil mərkəzində şöbə müdiri vəzifələrində çalışması düşdü. Həə, cənab Şahin Bayramov "Narxoz”da distant təhsil diplomlarının neçəyə satıldığını yəqin ki, bilirsiniz..?
Deməli, bu illər ərzində sizlər külli miqdarda pullar qazanmısınız. Və həmin pulların hesabına Mingəçevir Dövlət Universitetinə rektor təyin olunmusunuz. Hazırda Mingəçevir Universitetində imtahanların qiyməti, kadrların təyinatı sanki açıq bazar qaydaları ilə aparılır. Bu hələ harasıdır..? Cənab rektorun Mingəçevir Dövlət Universitetində təmir, avadanlıqların alınması, mebel-zad adı altında keçirdiyi tenderlər, əsl korrupsiya mənbəyidir.
Məlumdur ki, "Dövlət satınalmaları haqqında” Qanun var. Amma bu qanuna əməl edən yoxdur. İki gün öncə məlum oldu ki, musiqi məktəbi köhnə, dəyəri 300-400 manat olan royal musiqi alətinə 15 min pul verib, yəni kağız üzərində.
Bəli, Mingəçevir Dövlət Universiteti "MAYA-AK İNŞAAT” Məhdud Məsuliyyətli Cəmiyyəti (MMC) ilə əməlli-başlı bazarlıq yapır. Mingəçevir Dövlət Universiteti "MAYA-AK İNŞAAT” MMC ilə cari təmir işləri ilə bağlı 12.02.2021-ci il tarixdə 78770 manat dəyərində müqavilə bağlayıb. Görəsən, cari təmirə 80 min manatı necə ayırmaq olar..? Bu əməkdaşlıq barədə məlumatlar dövlət satınalma portalı vasitəsilə ictimaiyyətə açıqlanıb. Amma,… Mingəçevir Dövlət Universiteti bu tələbat və satınalmalarda bir mənbədən istifadə edilməsi metodunun səbəbləri barədə məlumat vermir. Niyə məlumat vermir..? Axı, Qanunda bütün bu əməliyyatların şəffaf olması qeyd edilir. Azərbaycan Respublikası Prezidentinin 29 yanvar 2002-ci il tarixli, 668 saylı Fərmanı ilə qüvvəyə minmiş "Dövlət satınalmaları haqqında” Azərbaycan Respublikası Qanununa əsasən 5000 manatadək olan satınalmalar müqavilə, 5000-50000 manat arası satınalmalar kotirovka sorğusu metodu, qiyməti 50000 manatdan çox olan işlərin, malların və xidmətlərin satınalınması istisna yoxdursa, açıq tender üsulu ilə həyata keçirilir… Bəs cənab rektor niyə tender keçirmədən birbaşa müqavilə imzalayıb..? Belə faktlar kifayət qədərdir ee…biz sadalamaq istəmirik.
Bəli, cənab rektor üçün yüz minlərlə dövlət vəsaitini talamaq, həzmi-rabedən keçirmək olar, amma…
Təsəvvür edirsiniz xristian Avropanın bir çox ölkələrində müsəlman qadınlara hicabla dərsə, işə gəlməyə icazə verilir. Amma bizim cənab rektor Şahin Bayramov gənc tələbə qızın hüququnu pozur. Belə ki, 326 bal toplayan gənc qız Mingəçevir Dövlət Universitetinin "Metodika” ixtisasına qəbul olub. Lakin universitet rəhbərliyi daxili nizamnaməni əsas gətirərək onun sənədlərini qəbul etməyib.
Bu barədə qızın anası deyir: "Qızım bu il Mingəçevir Dövlət Universitetinə qəbul olub. Avqustun 16-da qeydiyyatdan keçmək üçün universitetə getdik. Amma universitetin rektoru hicablı olduğuna görə qızımın sənədlərini qəbul etməyəcəklərini bildirdi. Dedi ki, bizim universitetdə hicab geyinən qızlar təhsil ala bilməz. Bax belə, qızım qaldı havada. Qızımın psixoloji vəziyyətinə görə də narahatam. Biz onu çətinliklə repititor yanına hazırlıqlara göndərmişik, xeyli pul xərcləmişik. İstəmirəm əziyyətimiz batsın”.
İndi gördünüzmü, cənab rektor Şahin Bayramov rüşvəti, korrupsiyanı, dövlət malını mənimsəməni HALAL hesab edir, amma hicabla dərsə gəlməyi qəbul etmir.
Mənbə: Gündəlik Bakı
Goranboy rayonunun 4 kəndinin illərdir suvarma suyu çatışmazlığından əziyyət çəkdiyini xəbər vermişdik. Belə ki, Goranboyun Səfikürd, Qızılhacılı, Tatarlı və Balakürd kəndlərinin suvarma suyu kəsilib. Kənd sakinlərinin iddiasına görə buna səbəb Goranboy Suvarma Sistemləri İdarəsinin özbaşınalığı, problemi gözmədən gəlmələri və həllinə maraqlı olmamalarıdır.
Şikayətçilər növbəti dəfə saytımıza müraciət edərək, problmin dərinləşdiyini və suvarma suyu məsələsində çarəsiz qaldıqlarını dilə gətiriblər:
“Biz Goranboy Suvarma Sistemləri İdarəsindən pul istəmirik. Sadəcə dolanmaq və çörək qazanmaq üçün su istəyirik. Bağ-bostanlarımız susuzluqdan quruyur. Su olsa, göyərti, meyvə və becərdiyimiz məhsullarla çörək pulu qazanarıq.
Bəs nə edək, kimə müraciət edək? Bilsək ki, problemi həll edəcəklər, gözləyərik. Amma yalan vədlərlə illərdir başımızın altına yastıq qoyurlar. Belə olmaz axı... Niyə özümüz özümüzə düşmən olmalıyıq? Axı, nə qədər görməzdən gəlmək olar?”
Kənd sakinləri qeyd edib ki, Qaraçay çayından sözügedən kəndlərə həmişə su gəlib:
“Sonradan o suyun qarşısı süni maneələrlə kəsilib. Təbiətin suyunu kəsməyə kim ixtiyar verib? İcra başçısı iki aydan bir kənddə yığıncaq keçirir, müəyyən vədlər verir, amma problem həllini tapmır”, - deyə Goranboy sakinləri etiraz edib.
Qeyd edək ki, məsələni ilk ictimailəşdirəndə saytımıza açıqlama verən Goranboy Suvarma Sistemləri İdarəsinin rəisi İlqar Məhərrəmov problemi həll edəcəklərini və Tatarlı kəndində arteizian quyusu qazılacağını demişdi.
Bu dəfə Bizim.Media-ya açıqlama verən Goranboy Suvarma Sistemləri İdarəsinin rəsmisi Müşfiq Əvəzov isə idarə rəisindən fərqli olaraq problemin birdəfəlik həll olunacağı tarixi qeyd edib.
O, sözügedən kəndlərə suvarma suyunun verilməsi üçün bir və ya iki ay ərzində artezian quyusunun qazılacağını vəd edib:
“Goranboy Rayon icra Hakimiyyəti də məsələdən xəbərdardır və cənab başçı bilir ki, hansı kəndlərdə bunun üçün yer var. Təxminən bir -iki aya ora su veriləcək”, - deyə qurum əməkdaşı əlavə edib.
Qeyd edilən məsələ ilə bağlı Goranboy Rayon İcra Hakimiyyətindən də saytımıza bildirilib ki, mövcud su probleminin müsbət həlli ilə bağlı aidiyyəti dövlət qurumlarına rəsmi müraciətlər ünvanlanıb.
Onu da bildirək ki, Goranboy Suvarma Sistemləri İdarəsi illərdir həll etmək istəmədiyi problemin çözüm yollarını aramaq və icra etmək əvəzinə məsələni mediada işıqlandıran sakinlərə təzyiq göstərib, onların gözünü qorxudub.
Sözügedən qurumla bağlı dəhşətli iddialar da var. Məsələni araşdırıb növbəti sayımımızda təqdim edəcəyik.
Mövzunu diqqətdə saxlayacağıq...
Bizim.Media
Bakı Ağır Cinayətlər Məhkəməsinin hakimi cənab Siyavuş Hacıyevə 39 aydır qanunsuz və saxta ittihamla, etmədiyim cinayətə görə, nazir Sahil Babayevin və müavini Vüsal Nəsirlinin sifarişləri ilə Bakı istintaq təcridxanasında saxlanılan Alışanlı Tural Asif oğlu tərəfindən
İfadəyə əlavə
Cənab hakim!
Sahibi olduğum “TUA” TT MMC-yə 2016-cı il T.F-013/016 müqaviləsinə əsasən Əmək və Əhalinin Sosial Müdafiəsi Nazirliyi tərəfindən 892 min manat pul köçürülüb. Bu 892 min manatın 160 min mantı ƏDV ödənilib. Hər iki müstəntiqlər bilərərkdən, gərəzli, ədalətsiz olaraq bu 160 min manat ödənilən ƏDV-ni ittiham aktına 136 min manat yazıblar. 577 min manat tikinti işləri yerinə yetirilib. Bunuda bilərəkdən az yazıblar. Yenədə eybi yox, olsun. Xüsusi olaraq qeyd etməliyəm ki, ən azı 650 min manat tikinti işləri yerinə yetirilib. 892 min manat köçürülmüş puldan 577 min manat götürülmüş işi və ödənilmiş ƏDV-ni çıxanda qalır 143 min manat. 143 min manatdan ittiham aktlarının hər ikisində öz təsdiqini tapan adı çəkilən nazirliyin hər iki firmaya (“TUA” TT və “AĞRIDAĞ”TT) yığılıb qalmış. 157 min manat pulun 81 min manatını yəni nazir müavini Vüsal Nəsirlinin təsdiq etdiyi 81 min manatı borclarını çıxanda qalır 62 min manat. 62 min manatdan hər iki ittiham aktında əslində ən azı 35 min manatlıq amma 23 min manatlıq təsdiq olunmuş tikinti materiallarını çıxanda qalır 37 min manat. 37 min manatdan zəmanət məktublarına ödənilən 10 min manatdan çox puluda çıxanda qalır 27 min manat. Danılmaz faktdır ki, adı çəkilən nazirliyin - şəxsən nazir Sahil Babyevin və müavini Vüsal Nəsirlinin sahibi olduğum “AĞRIDAĞ” TT MMC-yə şəxsən mənə təsdiq etmədikləri 76 min manat yığılıb qalmış borcları var. Bu 76 min manatdan da 27 min manatı çıxanda Əmək və Əhalinin Sosial Müdafiəsi Nazirliyinin şəxsən nazir Sahil Babayevin və müavini Vüsal Nəsirlinin sahibi olduğum “AĞRIDAĞ” TT MMC-yə şəxsən mənə 49 min manat borcları qalır. Məndə bu 49 min manatı istəmirəm. 24 min beş yüz manat ödənilsin “yaşat” fonduna. 24 min beş yüz manatda ödənilsin Heydər Əliyev fonduna. Mənim qanunsuz, sifarişlə əlimdən alınmış azadlığımı təmin edin. Nə sizdən, nə nazir Sahil Babayevdən, nə Vüsal Nəsirlidən, nə də müstəntiqlərdən heç bir şikayətim, tələbim yoxdur və olmayacaq.
Dərin hörmət və inamla: Alışanlı Tural Asif oğlu.
25 yanvar 2023
ƏLAQƏDAR YAZI: Sahil Babayevin HƏBSDƏKİ QURBANI... - Prezidentə müraciət olundu