Dövlət başçısı 6 sentyabr 2023-cü ildə "Müddətli həqiqi hərbi xidmətə çağırılan vətəndaşların tibbi şəhadətləndirilməsi sahəsində fəaliyyətin təkmilləşdirilməsi ilə bağlı bəzi tədbirlər haqqında” Fərman imzalayıb.

Fərmana əsasən bir sıra kateqoriya üzrə rəy verilmiş hərbi xidmətə çağırılanlarla bağlı yekun tibbi müayinəni bu ildən Əmək və Əhalinin Sosial Müdafiəsi Nazirliyi həyata keçirir.

Yekun tibbi müayinəni Nazirliyin tabeliyindəki Dövlət Tibbi-Sosial Ekspertiza və Reabilitasiya Agentliyi (DTSERA) hərbi-həkim komissiyalarının tibbi müayinəsinin nəticələri və müddətli həqiqi hərbi xidmətə çağırılan vətəndaşların əyani tibbi müayinəsi əsasında aparır.

Bəs Nazirliyin özündə bu sahədə şəffaflıq hansı səviyyədədir?

"Arqument.az"a verilən məlumata görə, Nazirlik vətəndaşlara bu sahədə xüsusi tələbkarlıqla yanaşsa da, öz işçilərinə, ələxüsus vəzifəli şəxslərinə olduqca yumşaq standartlar tətbiq edir və onlara münasibətdə bu məsələlərə göz yumur.

Bildirilir ki, Nazirliyin tabeliyində Əmək Bazarı və Sosial Müdafiə Məsələləri üzrə Milli Observatoriyanın İdarə Heyətinin 6 fevral 1989-cu il təvəllüdlü sədri Elnur Səfərli Novruz oğlu hətta Azərbaycanın vaxtilə işğalda olmuş Cəbrayıl rayondan olmasına baxmayaraq hərbi xidmətdə olmayıb.

"Onun hərbi xidmətdən yayınması səhhətinin buna imkan verməməsi və hərbi xidmətə yararsızlığı ilə əsaslandırılsa da eyni şəxs Nazirlikdə işə qəbul edilərkən tam sağlam və fəaliyyət qabiliyyətli olması ilə bağlı "Forma 86” sağlamlıq haqqında Arayış təqdim edib. Necə olur ki, vətən qarşısında borcunu yerinə yetirmək, kişi cinsindən olan vətəndaş kimi hərbi xidmətini icra etmək lazım olanda Elnur Səfərlinin sağlamlığı buna imkan vermir, amma vəzifəyə, kresloya, işə və imtiyazlara çatanda bu adam tam sağlam şəxsə çevrilir? Babalarının erməni tapdağı altında qalan məzarlarının, doğulub böyüdüyü yurd-yuvasının, ata ocağının təəssübünü, qeyrətini çəkməyən, hərbi xidmətdən yayınan birisi vəzifə məsuliyyətini necə dərk edə bilər?" - deyə məlumatda qeyd olunur.

Təsadüfi deyildir ki, Milli Observatoriyanın adı mediada qurumun keçmiş sürücüsü yaralı qazi Elmar Şərifovun onun gecə-gündüz vəzifəli şəxslər tərəfindən istismar edilməsi ilə hallanmışdı.

Məlumata görə, Elnur Səfərli həmin qurumda çalışan şəhid Ələkbər Məmmədovun övladını şəxsi qisas zəminində inzibati üsullarla təqib edib.

İşğalda olmuş rayondan olmasına baxmayaraq hərbi xidmətdən yayınmış, rəhbərlik etdiyi qurumda yaralı qaziyə və şəhid övladına "qan udduran” Elnur Səfərli Zəfər günü və digər bu kimi bayramlar ərəfəsində hardansa bir şəhid ailəsi tapıb özünü şəkil çəkdirmək üçün ora yetirir. Görünür ki, belələrinə şəhid ailəsi məhz foto çəkdirmək və ucuz reklam üçün lazımdır.

Məlumatda bildirilir ki, heç bir elmi dərəcəsi, iqtisadiyyat, sosial sahə və məşğulluq sahəsində nəinki təhlil və tədqiqatları, hətta təhsili və mütailəsi belə olmayan Elnur Səfərli heç bir əhəmiyyətli idarəetmə təcrübəsi və qabiliyyəti olmadan həmyerlisi Nazirliyin Aparatının Strateji planlaşdırma və innovasiya şöbəsinin müdir müavini Rəşad Zalovun və həmin şöbənin keçmiş müdiri, hazırda Dövlət Məşğulluq Agentliyinin sədri, eyni regiondan olan Sadiq Əliyevin himayəsi ilə sosial sahədə "Beyin Mərkəzi” funksiyası yerinə yetirməli olan bu quruma rəhbər təyin edilib.

Maraqlıdır ki, bu məlumatlar mediada işıqlandırılsa da, sözügedən qurum və Elnur Səfərli hər hansı bir reaksiya bildirmir.

"Azur" Ticarət Mərkəzi insanların həyat və sağlamlığına təhlükə törədən fəaliyyətlə məşğuldur.

TEREF xəbər verir ki, bu barədə Azad İstehlakçılar Birliyi tərəfindən məlumat verilib.

Məlumata görə, “Azur” Ticarət Mərkəzinin sahibləri ilə “FB COMPANY” MMC arasındakı qarşıdurma artıq insanların həyat və sağlamlığına ciddi təhlükə yaradacaq səviyyəyə gəlib çatıb.

Məsələdə MMC-nin direktoru Qəribov Anar Əli oğlu və fərdi sahibkar Əliyev Ağa Ələmdar oğlunun da adı hallanır. Belə ki bir milyon manatdan çox zərərin əvəzini qarşılamaq üçün sahibkarlar insan orqanizmi üçün son dərəcə zərərli olan maddələrin təsirinə məruz qalmış paltarı anbardan çıxarıb satmaq qərarına gəliblər.

Məlumatda qeyd olunur ki, “Azur”un rəhbəri olan Fuad Rzayev (“Azərenerji” ASC-nin prezidenti Baba Rzayevin oğlu) və Babək Babayev (“Yeni Həyat” şirkətlər qrupunun rəhbəri) ilə Anar Qəribov və Ağa Əliyev arasında mübahisə 2020-ci ildə başlayıb.

O zaman ticarət mərkəzinin rəhbərliyi aralarında bağlanan müqavilənin şərtlərini pozaraq sahibkarlara məxsus 20 min ədəddən artıq paltarı, o cümlədən uşaq geyimlərini “Azur”da icarəyə götürdükləri mağazadan icazəsiz şəkildə çıxararaq, “Grand Hayat” Yaşayış Kompleksinin zirzəmisinə aparılması barədə göstəriş veriblər.

“Azad İstehlakçılar” İB tərəfindən əldə olunan materiallar göstərir ki, mağazadan çıxarılan mallar uzun müddət rütubətli, baxımsız şəraitdə, müvafiq qulluq göstərilmədən saxlanıldığından xarab olub, kiflənib, çürüyüb, üzəri müxtəlif qurd və həşəratların təsirinə (parazit, helment yumurta izi) məruz qalıb.

Qeyd edilib ki, 8 aprel 2022-ci il tarixli məhkəmə iclasına dəvət edilmiş Ədliyyə Nazirliyinin Məhkəmə Ekspertizası Mərkəzinin eksperti Elvin Qəhrəmanov da satış üçün nəzərdə tutulan geyim əşyalarının yararsız, avadanlıqlarda isə qüsurların olmasına dair rəsmi ekspert rəyini təqdim etməklə bildirib.

Amma “Azur” rəhbərləri başladığı işi sona çatdırmaq və sahibkarlara vurduqları ziyanı ödəməkdən yayınmaq üçün paltar və avadanlıqları “təmizləmək” qərarına gəliblər. Bunun üçün isə insan orqanizminə son dərəcə təhlükəli olması səbəbindən beynəlxalq razılaşma əsasında istifadəsinə qadağa qoyulan DDT (DUST) preparatından istifadə edilib.

Təhlükəli maddədən (DDT) istifadə edildiyini Bakı Apellyasiya Məhkəməsinin qərarı əsasında cəlb edilmiş “Az-Ekspertiza” MMC -nin götürdüyü nümunələri təqdim etdiyi Azərbaycan Akkreditasiya Mərkəzində akkreditasiya olunmuş “Chemlab” laboratoriyası 2023-cü ildə sınaq protokolu ilə təsdiq edib.

Bu faktdan sonra növbəti mərhələyə əl atılıb. Eyni təşkilatın, yəni Ədliyyə Nazirliyinin Məhkəmə Ekspertizası Mərkəzinin digər eksperti Kamran Dünyamalıyev növbəti ekspertiza rəyində, nədənsə növbəti məhkəmə baxışında, öz kollegiyası Elvin Qəhramanovun öncə verdiyi ekspert rəyini təksib edərək, həmin mallarının 85%-nin satışa yararlı olması dair ekspert rəyi verib.

Məhkəmə Ekspertiza Mərkəzinin iki ekspertinin bir-birinə zidd olan iki rəsmi sənədi təəccüb və sual doğurur.

Nəticədə, Bakı Apellyasiya Məhkəməsi laboratoriyanın sınaq protokolunun nəticəsini sübut kimi qəbul etməyib və kanserogen tərkibli geyimlərin (o cümlədən uşaq geyimləri) ) 85%-nin satışa yararlı olması barədə qətnamə çıxarıb. Sonradan Ali Məhkəmənin Kommersiya Kollegiyası da həmin qətnaməni dəyişdirmədən qüvvədə saxlayıb.

“FB COMPANY”MMC-nin AİİB-in tələbi əsasında təqdim etdiyi məlumatda qeyd olunur ki, paltarların istifadə üçün tam yararsız olduğunu sübut edən və məhkəmə iclası zamanı məhkəmə zalında quraşdırılmış nəzarət kamerası altında təqdim edilən yüzlərlə foto və videomaterial məhkəmə işinin materialları arasından yoxa çıxıb. AİİB-ə təqdim olunan məlumata görə, bu foto və videomateriallarda paltarların sonradan sağlamlıq üçün son dərəcə təhlükəli olan kimyəvi maddələrlə” təmizlənməklə” onların kif bağlaması, üzərində qurdların olması faktları olub. Əks olunan faktların izinin itirilməsinə yönəlmiş hərəkətlər bu əməllərin qəsdən törədildiyinə dəlalət edir.

Verilən məlumatda o da qeyd olunur ki, bu işdə yeni fiqurlar ortaya çıxıb. Məlum olub ki, zəhərli maddələrlə “təmizlənmiş” paltar və avadanlıqların saxlanıldığı anbar bir xanımın adına sənədləşdirilib. Qəribov və Ağayev yeni sahibkar haqqında indi xəbər tutublar. Xanım sahibkar paltar və avadanlıqların 4 il ərzində onun anbarında saxlanmasına etiraz etməyib, hüquqları ilə bağlı iddia qaldırmayıb. Amma indi o sahibkarların malları tez bir zamanda anbardan çıxarılması və daşınma xərclərinin “FB COMPANY” MMC tərəfindən ödənilməsi ilə bağlı Bakı Şəhər Binəqədi Rayon Məhkəməsinə müraciət edib.

Bu malların bazara çıxarılmasının qarşısını almaq üçün AİİB mediaya müraciət etməklə bərabər, İqtisadiyyat Nazirliyi yanında Antiintisar və İstehlak Bazarına Nəzarət Dövlət Xidmətinə, Daxili İşlər Nazirliyinə, Respublika Prokurorluğuna və Səhiyyə Nazirliyinə rəsmi müraciətlər göndərib.

Demokrat.az

Qalmaqallı “Pilot 16” MMC Nəsimi rayonunda daha bir vətəndaşın evini başına uçuraraq, yerlə-yeksan edib. Bu barədə Editor.az-a evi dağıdılan Novruzov qardaşları küçəsi 55 ünvanında yaşayan Yusif Quliyev məlumat verib. Onun sözlərinə görə, bu gün həyat yoldaşı Məhbubə Quliyevanın adına qeydiyyatda olan ev şirkət tərəfindən yerlə-yeksan edilib:

“Evimin və torpağımın bütün qanuni sənədləri, çıxarışı mövcuddur. Bu artıq şirkət tərəfindən mənim mülkiyyətimə olam üçüncü hücumdur. İlk dəfə 2023-cü il martın 18-də “Pilot 16” MMC tərəfindən ağır texnika ilə dağıdılaraq məhv edildi. Bu faktla bağlı Nəsimi rayon Polis İdarəsində cinayət işi başlanılıb.

Daha sonra işin icraatı Nəsimi rayon prokurorluğuna verilib. Prokurorluqda şirkətin vəzifəli şəxsləri barədə vəzifə səlaahiyyətlərini aşma maddəsi ilə istintaq aparılıb və hazırda iş məhkəmədədir. Buna baxmayaraq, məhkəmə gedə-gedə 31 avqust 2024-cüü il tarixində “Pilot 16″ MMC yenidən evimi dağıtmağa cəhd edib. Evin hasarı ilə darvazası məhv edilib. Bu faktla bağlı da prokurorluq araşdırma aparır”.

Vətəndaş qeyd edir ki, Nəsimi rayon Məhkəməsi “Pilot 16” MMC-yə onların evində və ona aparan yolda tikinti-söküntü işləri aparmağı qadağan edən qərar çıxarıb: “Lakin buna baxmayaraq, bu gün mən işdə olarkən “Pilot 16″ MMC-nin nümayəndəsi İlqar müəllim öz qolçomaqlıları ilə mənim evimi tamamilə söküb, məhv etdilər. Bu işin başında şirkətin direktoru Aslan Quliyev və İlqar müəllim durur. Bunlar məhkəmənin qərarını saya salmır. Şirkətin direktoru Aslan Quliyev və İlqar müəllim dəfələrlə mənə deyiblər ki, boşuna çalışma. Onlar deyir ki, Nəsimi rayonunda hər yerdə bizi görəcəksən, polis də, prokurorluq da bizim sözümüzü deyir. Hazırda bu vəziyyətlə bağlı polis və prokurorluğa müraciət etmişəm”.

Editor.az vətəndaş Yusif Quliyevin iddiaları ilə bağlı “Pilot 16” MMC-nin direktoru Aslan Quliyev və hüquqşünası Nicat Əliyevlə dəfələrlə əlaqə saxlamağa çalışsa da, bu şəxslər telefona cavab verməyiblər.

Ötən il “Azərsu” Açıq Səhmdar Cəmiyyəti və Azərbaycan Meliorasiya və Su Təsərrüfatı Açıq Səhmdar Cəmiyyəti vahid qurumun, yeni yaradılan Azərbaycan Dövlət Su Ehtiyatları Agentliyinin tərkibində birləşdirildi. Dövlət Su Ehtiyatları Agentliyində aparılan struktur dəyişikliklərindən sonra Meliorasiya və Su Təsərrüfatı ASC-nin Hidrogeoloji-Meliorativ Xidmət və Suların İstifadəsinə-mühafizəsinə Nəzarət İdarəsinin əsasında Agentlik yanında Suların İstifadəsinə və Mühafizəsinə Dövlət Nəzarəti Xidməti, Meliorasiya və Su Təsərrüfatı ASC-nin çevrilmə formasında yenidən təşkili yolu ilə Regional Su Meliorasiya Xidməti, “Azərsu” ASC-nin çevrilmə formasında yenidən təşkili yolu ilə İri Şəhərlərin Birləşmiş Su Təchizatı Xidmət, Meliorasiya və Su Təsərrüfatı ASC-nin Meliorasiya Elmi Tədqiqat İnstitutunun çevrilmə formasında yenidən təşkili yolu ilə Su və Meliorasiya Elmi Tədqiqat İnstitutu, Meliorasiya və Su Təsərrüfatı ASC-nin Tikilməkdə olan meliorasiya və irriqasiya obyektlərinin birləşmiş müdiriyyətinin çevrilmə formasında yenidən təşkili yolu ilə Tikilməkdə Olan Obyektlərin Müdiriyyəti yaradıldı.

Köhnə, hamının tanıdığı dövlət qurumlarının adları dəyişdirilsə də fəaliyyətləri əvvəlki kimi davam etməkdədir. “Azərsu” ASC-nin çevrilmə formasında yenidən təşkili yolu ilə yaradılan İri Şəhərlərin Birləşmiş Su Təchizatı Xidməti tərəfindən energetika sahəsi üçün lazım olan mal-materialların və avadanlıqların satın alınması üzrə 01.10.2024-cü ildə başlanılmış açıq tenderə yekun vurulub və “DELUXE ELECTRİC AZERBAİJAN” Məhdud Məsuliyyətli Cəmiyyəti ilə 1.493.349,64 manat məbləğində satınalma müqaviləsinin bağlanılması planlaşdırılır. Məlumat dövlət satınalmalarının vahid internet portalında 01.11.2024-cü il tarixdə dərc edilib.

Qeyd edək ki, “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş mal-materialların və avadanlıqların satın alınması üzrə keçirilmiş açıq tenderdə ehtimal olunan qiyməti 2.444.151,46 manat müəyyən edilib.

Dövlət satınalmalarının vahid internet portalına yerləşdirilmiş bu məlumatdan görsəndiyi kimi satınalan təşkilatın müəyyən etdiyi ehtimal qiyməti ilə təchizatçının təklif etdiyi qiymətlər arasında kəskin fərq var.

Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.

Amma göründüyü kimi “İri Şəhərlərin Birləşmiş Su Təchizatı Xidməti” açıq tender müsabiqəsində ehtimal olunan qiymətlə müqayisədə 20 faizdən dəfələrlə aşağı qiymət təqdim etmiş “Deluxe Electric Azerbaijan” MMC ilə satınalma müqaviləsi bağlamışdır ki, bu da “Dövlət Satınalmaları haqqında” Qanunun tələblərinin pozulması deməkdir.

Qeyd edək ki, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “DELUXE ELECTRİC AZERBAİJAN” (VÖEN:8303323391) Məhdud Məsuliyyətli Cəmiyyətinin 22.06.2011-ci il tarixdə 6 saylı Ərazi Vergilər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 3500.00 manat olan MMC-nin hüquqi ünvanının CƏLİLABAD RAYONU, GÖYTƏPƏ Ş, HƏSƏNABAD, ev 04, m. 0, qanuni təmsilçisi kimi isə Zamanlı Ceyhun Sarvan oğlu qeyd olunub.

Apardığımız ətraflı araşdırmada məlum oldu ki, şirkət “PROJECTS UNITY” Məhdud Məsuliyyətli Cəmiyyəti kimi təsis edilib. Təsisçisi və ilk qanuni təmsilçisi Ehtibarzadə Eldar Ehtibar oğlu olub. 03.11.2024-cü ildən MMC-nin adı dəyişdirilərək “Deluxe Electric Azerbaijan” olub.

Göründüyü kimi “İri Şəhərlərin Birləşmiş Su Təchizatı Xidməti” ilə “Deluxe Electric Azerbaijan” MMC arasında bağlanmış satınalma müqavilələrində satın alınan malların qiyməti Qanunun tələb etdiyi ehtimal olunan qiymətlə müqayisədə 20 faizdən dəfələrlə aşağı, 50 faizə yaxındır. Bu da keçirilmiş tender prosedurunda saxtakarlıq hallarına yol yerildiyinə əsaslı şübhələr yaratmaqla bərabər, satın alınan malların mənşə və keyfiyyət sertifikatlarının olmadığına da şübhələr yaradır. Bu da öz növbəsində satın alınacaq malların keyfiyyət göstəricilərinin aşağı olma ehtimalını artırır.

Redaksiya bütün bu göstərilənlərə aydınlıq gətirilməsi məqsədi ilə “İri Şəhərlərin Birləşmiş Su Təchizatı Xidməti”nin Satınalma Komissiyasına və “Deluxe Electric Azerbaijan” MMC-yə ünvanladığı sorğu məktubu cavabsız qaldı.

Göründüyü kimi “Azərsu” ASC-nin çevrilərək “İri Şəhərlərin Birləşmiş Su Təchizatı Xidməti” olmasına baxmayaraq burada qanunlara əvvəlki kimi yenə də riayyət olunmur. Elektron mediada “Azərsu” ASC-nin satınalmalarda yol verdiyi qanunsuzluqlarla bağlı kifayət qədər təkzib olunmamış məlumatlar, faktlar var. Bu faktlar da onlardan biri.

Buradan Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinə sual ünvanlamaq istərdik. “İri Şəhərlərin Birləşmiş Su Təchizatı Xidməti”nin ehtimal olunan qiymətdən 50 faiz aşağı qiymət təklifi edən “Deluxe Electric Azerbaijan” MMC-ni qalib seçməsinə nə ad vermək olar? Qanunsuzluq, yoxsa…

Buna işbirliyindən başqa heç bir ad vermək olmaz. Buna “İri Şəhərlərin Birləşmiş Su Təchizatı Xidməti” sözügedən MMC-dən ucuz, keyfiyyəti məlum olmayan mal-materiallar və avadanlıqlar almaqla dövlət vəsaitinə qənaət adı altında pul silmək də demək olar.

Aktualinfo.org

Xəbər verdiyimiz kimi, bu ilin ilk 8 ayı ərzində Bakıda yerləşən ünvanların daha birində – “Bakı şəhəri, Xətai rayonu, Xocalı ev 55”də qanuni təmsilçiləri, nizamnamə kapitalları və qeydiyyat tarixləri arasında bənzərliklər olan onlarla şirkət dövlət qeydiyyatına alınıb.
Yeniavaz.com xəbər verir ki, bu şirkətlərin bir çoxu riskli vergi ödəyicisi hesab olunsa da, Dövlət Vergi Xidmətinin açıqladığı məlumatlarda onlar riskli vergi ödəyiciləri sırasına daxil edilməyiblər.
Məlumat üçün bildirək ki, Nazirlər Kabinetinin “Riskli vergi ödəyicisinin, o cümlədən riskli əməliyyatların Meyarları”nın təsdiq edilməsi haqqında Qərarının 2.1.8-ci bəndində göstərilir ki, beşdən çox hüquqi şəxsin icra orqanının rəhbəri olan fiziki şəxslər və onların icra orqanının rəhbəri olduğu belə hüquqi şəxslər riskli vergi ödəyicisi hesab olunur.
“Bakı şəhəri, Xətai rayonu, Xocalı ev 55” ünvanında qeydiyyata alınan 18 şirkətin 3 nəfər və ya hər 6 şirkətin 1 nəfər qanuni təmsilçisi olub. Qeyd etdiyimiz kimi, belə olan halda (1 nəfər 5-dən çox şirkətə rəhbərlik etdikdə) bu şirkətlər Nazirlər Kabinetinin Qərarına görə riskli vergi ödəyicisi hesab olunur.
Lakin maraqlıdır ki, Dövlət Vergi Xidmətinin rəsmi saytında yer alan “Riskli vergi ödəyiciləri barədə məlumatın verilməsi” bölməsində axtarış aparıldığı zaman adları aşağıda qeyd olunan şirkətlərin heç biri riskli vergi ödəyicisi kimi qeydə alınmayıb.

Eyni zamanda Dövlət Vergi Xidmətinin rəsmi saytına yer alan “Kommersiya qurumlarının dövlət reyestri məlumatlarının verilməsi” bölməsində də axtarış aparıldığı zaman adları aşağıda qeyd olunan şirkətlərin riskli vergi ödəyicisi olmadığı bildirilir.

İllərdir ki, başıbəlalı Cəbrayıl və Xocavənd rayonları barəsində vətəndaş narazılıqları səngimək bilmir.

"Başıbəlalı" ona görə deyirik ki, birinci növbədə 30 ildən çox bu doğma torpaqlarımız öz övladlarına həsrət qalıb, 30 ildən çox düşmən tapdağı altında inləyib. Şükürlər olsun ki, ölkə başçısının müdrik siyasəti və qəhrəman oğullarımızın şücaətləri ilə adı çəkilən rayonlar da daxil olmaqla, işğal altında olan bütün ərazilərimiz 4 ildir ki, azadlığına qovuşub. Amma, hər iki rayonun rəhbəri (icra başçısı) əhalinin bu sevincini qursağında qoyub.

Özü də İstər Cəbrayıl rayon icra hakimiyyətinin başçısı Kamal Həsənov, istərsə də Xocavənd rayon icra hakimiyyətinin başçısı Eyvaz Hüseynovun barəsindəki vətəndaş narazılıqlarını yayımlayan kimi, sanki ikisinin birlikdə toplayıb saxladığı trol dəstəsi o, dəqiqə keçir "gücləndirilmiş iş rejimi"nə. Doğrusu, Eyvaz Hüseynovun qara-qura işləri və bunu aşkar edən müəllimə qarşı "qisas əməliyyatı"ndan bəhs edəcəyimiz yazının girişində bu iki məmurun adını birlikdə çəkməyimizə səbəb də həmin trolların yanaşmasıdır. Elə ki, bu iki rayondan biri barəsində tənqidi material yayımlandı, dərhal şərh bölməsində ikisinin adını birlikdə çəkərək, hələ bir məntiqsizcə "yeganə" sözünü işlədib, "Kamal Həsənov ilə, Eyvaz Hüseynov yeganə icra başçılarıdır ki, Qarabağ döyüşlərində iştirak ediblər" cümlələrini yazırlar.

Düzü, "yeganə" sözünün işlədildiyi cümlədə, "lar" cəm şəkilçisinin işlədilməsi, hər iki başçının "xalqı sevməsi" iddiası qədər gülünc görünür.

Bu dəfəki mövzumuz Xocavənd rayon sakininin "DogruXeber.az"a müraciətilə bağlı olduğuna görə, hələlik söhbətimizi Eyvaz Hüseynovla davam etdiririk. Kamal Həsənovun vətən və xalq" sevgisi"ni 32 ildir şəhid ailəsinə göstərdiyi "diqqət və hörmətdən" aydın görmək mümkündür ki, bu barədə dəfələrlə portalımızda bəhs etmişik. Qarşıdakı günlərdə həmin mövzunun davamını yayımlayacağıq.

Eyvaz Hüseynova gəldikdə isə, torpağı sevməsi barəsində heç bir fikrimiz yoxdur, doğrusu buna heç zərrə qədər şübhəmiz də yoxdur. Çünki, onun torpağa olan sevgisini yaxınlarının adına rəsmiləşdirib qamarladığı yüzlərlə hektar torpaq sahələrinə baxanda da aydınca görmək mümkündür.



Halbuki, vətən, torpaq uğrunda canını qurban verən yüzə yaxın şəhid ailələri və qazilər təsərrüfatla məşğul olmaq üçün torpaq sahələrinin olmadığı iddiası ilə illərdir müraciət etmədikləri dövlət qurumu qalmadığını deyirdilər.

Əlqərəz...

Bu barədə Eyvaz Hüseynov fəaliyyətində müsbətə doğru heç nə dəyişməsə də dəfələrlə bəhs etmişik.

Hansısa yollarla Milli qəhrəman adı alan qardaşını, ozünün müharibə iştirakçısı olmasını müxtəlif yollarla hər fürsətdə xalqa sırıyan Eyvaz Hüseynovun bir neçə ay əvvəl bir çıxışı yayımlanmışdı. O, birinci Qarabağ savaşında itkin düşmüş 7 şəxsin cənazələrinin ailələrinə təhvil verildiyi zaman etdiyi həmin pafoslu çıxışında tez-tez "biz" ifadəsini işlədərək, öz keçdiyi döyüş yoluna diqqət çəkməyə çalışırdı. Hansı ki, ertəsi günü cənazəsi təhvil verilən şəhidlərdən birinin xanımı agentliyimizin tabeliyində fəaliyyət göstərən "Kanal14" YouTube kanalı ilə canlı bağlantı yaradaraq, icra başçısı Eyvaz Hüseynovun 7 cənazə arasında belə ayrıseçkilik saldığını iddia etdi.

İndi ay Eyvaz müəllim, o, odlu-alovlu çıxışın hara, narazı saldığın üçün gözünün yaşını tökərək ah-nalə edən şəhid xanımının söylədikləri hara?

Hələ kommunal təsərrüfat birliyinin işçilərini şəxsi işləriniz üçün işlətdiyinizi yayımlayan müharibə veteranının döyülməsini demirik.
Üstəlik, işsiz qaldığı üçün ailəsini dolandıra bilmədiyindən gileylənən daha bir veteran - Natiq Axundovun dərdi də dərdiniz olmadı ki, bir yol çarəsinə baxasınız.

15-16 ildir qisas uğruna işsiz qoyduğunuz ali təhsilli müəllim olan Vəzifə Bayramova ilə intriqanızın səbəbi heçolmasa bəllidir. Bu barədə xanımın redaksiyamıza danışdıqlarını aşağıda təqdim edəcəyik. Bizə daha çox maraqlı olan, sizin cəbhə yoldaşlarınız sayılan şəhid, qazi və veteranlara qarşı bu qədər soyuqqanlı, hətta, onların iddialarına əsaslanaraq desək, qəddar olmanızın səbəbidir.

Xocavənd rayon Muğanlı kənd sakini və eyni zamanda həmin kəndin orta məktəbində uzun illər Azərbaycan dili-ədəbiyyatı müəllimi işləyən, lakin 15-16 il əvvəl məhz Eyvaz Hüseynovun tapşırığı ilə özündən xəbərsiz işinə xitam verilən, Vəzifə Bayramova iddia edir ki, "Mən 2005-ci ildə rayonumuzda cərəyan edən haqsızlıqlara etirazımı ictimailəşdirmək üçün, məktub şəklində "Ədalət" qəzetinə göndərdim.

Bununla da Eyvaz Hüseynovun mənimlə ədavəti başladı. Məni işimdən azad etdirib, yerimə öz dostunun gənc qızını işə aldırdl. İllərdir işimə qayıtmaq üçün müraciət etmədiyim aidiyyatı qurum qalmayıb, hamısı da baxılması üçün rayona göndərirlər, rayon da Eyvaz Hüseynovun tapşırığından çıxa bilmir. Amma, Eyvaz Hüseynovun özü və onun "əmrlərini icra edən" bütün səlahiyyətlilər ölkə başçısının nəinki etimadını doğrultmurlar, hətta, tapşırıqlarına ümumiyyətlə məhəl qoymurlar.

Bir neçə dəfə müraciət etdiyim sözdə millət vəkili olan keçmiş deputat Elman Məmmədov da Eyvazın ona peşkəş verdiyi torpaq sahələri və digər "qarşılıqlı hörmətlər" xatirinə mənim müraciətlərimə gözünü, qulağını bağladı.

İndi yenicə deputat edilən Polad Bülbüloğlunun qəbulunda olub, "bəlkə ilk addımlarını müsbət işlərlə atmaq istər" ümidilə, ondan mədət ummaq istədim, o, da başqa deputatlar kimi "əlyetməz"ə çəkildi.

Qəbuluna düşmək üçün Milli Məclisə belə getdim, amma nəticə 0."

Bəli, Xocavəndin qara bəxtinə urcah edilmiş Eyvaz da belə Eyvazdır. Araz aşığından, Kür topuğundan olan və gənc yaşda bu vəzifəyə gəlib, 32 illik taxt-tacda qocalan Eyvaz müəllim bu davranışları ilə deyir ki,"burda mənəm, Bağdadda kor xəlifə".

Binəva sakinlərin dərdini təsəvvür etdikcə adamın ürəyi ağrayır. Nə yazıq ki, yuxarıda sadalanan narazılıqlar nə birincidir, nə də sonuncu. Odur ki, mövzuya qayıdacağıq.

Redaksiamız hər kəsin söz haqqını tanıyır.

DogruXeber.az

Səhiyyə Nazirliyinin 2 nömrəli Bakı Baza Tibb Kolleci tərəfindən keçirilən tender müsabiqəsinin (Kotirovka sorğusu) qalibi məlum olub.
Yeniavaz.com açıqlanan rəsmi məlumatlara istinadən bildirir ki, dəyəri 31 min 100 manat olan tender müsabiqəsinin qalibi “Megastin LN” MMC (VÖEN - 1203616891) olub.
“Megastin LN” MMC 2 nömrəli Bakı Baza Tibb Kollecinin sifarişilə bu quruma tibbi avadanlıqlar satacaq.
Nizamnamə kapitalı 10 manat olan “Megastin LN”in hüquqi ünvanı Xəzər rayonu, Əli İsazadə (Binə qəs.), ev 23-də yerləşir. MMC-nin qanuni təmsilçisi Səfərzadə İsağ Arif oğludur.
Tender müsabiqəsinin maraqlı və qəribə tərəfi odur ki, qalib şirkət – “Megastin LN” MMC tender müsabiqəsinin başlamasından cəmi 3 ay əvvəl dövlət qeydiyyatına alınıb.
Tender müsabiqəsi 2024-cü ilin 9 oktyabr tarixində başlayıb, tenderin qalibi olan “Megastin LN” MMC isə 2024-cü ilin 1 iyul tarixində dövlət qeydiyyatına alınıb.
Qeyd edək ki, 1 iyul tarixində dövlət qeydiyyatına alınan şirkət bugünə kimi 8 tender müsabiqəsinin qalibi olub.
Xatırladaq ki, “Dövlət satınalmaları haqqında” Qanunun 23-cü maddəsində malgöndərənlərin (podratçıların) ixtisasına dair tələblər yer alıb.
Belə ki, həmin maddənin 23.4.-cü bəndində açıq şəkildə yazılır ki, satınalma müqaviləsinin icrası üçün müvafiq sahədə peşəkarlığının və təcrübəsinin olması, texniki imkanlarının və maddi-texniki bazasının olması, müvafiq tələblərə cavab verən işçi qüvvəsinin olması lazımdır.
Cəmi 2 ay əvvəl yaranan şirkətin xüsusi peşəkarlıq və təcrübə tələb edən tender müsabiqələrində (kimyəvi maddələr, tibbi avadanlıqlar və s.) qalib olması başa düşülən deyil.
“Megastin LN” MMC barəsində açıq internet resurslarda heç bir məlumat yoxdur. Qısa müddətdə ümumi dəyəri 185 min manat olan 8 tenderi udan şirkətin nəinki rəsmi saytı, hətta sosial şəbəkə hesabı belə yoxdur.
Onu da bildirək ki, “Megastin LN” MMC ilə bağlı diqqət çəkən başqa bir məqam isə odur ki, şirkətin qanuni təmsilçisi Səfərzadə İsağ Arif oğlu eyni tarixlərdə fərqli ünvanlarda qeydə alınan daha 2 MMC-yə rəhbər təyin olunub.
Bunlardan biri Xətai rayonu Məzahir Rüstəmov ev 11, m. 14-də qeydiyyata alınan “Şafin RR” MMC (VÖEN – 2008648171), digəri isə Nərimanov rayonu Mustafa Kamal Atatürk ev 35, m. 35-də qeydiyyata alınan “Fosfor RDC” MMC (VÖEN – 1506846651) olub.
Sonda onu da bildirək ki, qeyd olunan ünvanlarda daha əvvəl də çoxsaylı şirkətlər qeydiyyata alınıb və bu şirkətlər də qısa müddətdə çoxsaylı tenderlərdə qalib olublar.

Sumqayıt şəhəri 4-cü mikrorayon ərazisi Cəfər Cabbarlı küçəsində antisanitar vəziyyət yaranıb. Ərazidə yaşayan sakinlər məişət tullantılarının vaxtında daşınmamasından şikayətçidirlər.


"DogruXeber.az"ın məlumatına görə, Bizim.Media-ya danışan sakinlər iddia edirlər ki, ərazidəki zibillərin günlərlə daşınmaması tez-tez baş verir.
Məsələ ilə bağlı Sumqayıt Şəhər İcra Hakimiyyəti ilə əlaqə saxladıq.

Qurumdan Bizim.Media-ya bildridilər ki, maşınlarla bağlı tullantıların daşınmasında gecikmə olub:

“Məişət tullantıları hər gün daşınır və belə problem yarananda dərhal həll olunur. Yəni artıq problem aradan qaldırılıb, həmin ərazidəki tullantılar yığışdırılıb”.