Füzuli rayonunun Qaraxanbəyli kənd sakini Abbasova Bəsti İlkərəm qızı 20 il ailəli olduğu həmkəndlisi Qasımov Qəhrəmanla torpaq əkib-becəriblər. Bəsti xanım “Dəryaz” qəzeti redaksiyasına göndərdiyi video-müraciətində deyir:
“Həyat yoldaşım vəfat edəndən sonra kənd icra nümayəndəsi Polad Məmmədov mənim torpağımı əlimdən alıb qaziyə verib. Mən şəhid bacısıyam, rəhmətlik qardaşım gizir olub, I Qarabağ müharibəsində 12 güllə yarası alraq şəhid olub. İndi Polad Məmmədov məni – şəhid bacısını qazi ilə üz-üzə qoyur. Özü də deyir ki, sənin qardaşın köhnə şəhiddir”.

Qaraxanbəyli kəndinin digər sakini Babayev Mənsur Sulduz oğlu Aprel döyüşçüsü, Vətən müharibəsi iştirakçısı, III qrup Qarabağ əlilidir.
Deyir ki, özü də, həyat yoldaşı da işsizdir. İki azyaşlı uşaqları var. Dəfələrlə işlə bağlı Füzuli Rayon İcra Hakimiyyətinə müraciət edib. Ancaq müraciətinə müsbət cavab verilməyib: “Axırda sözləri bu oldu ki, ”get, əlin hara qəlbidir, ora qoy”. 20 gün dayanmadan Prezidentə, vitse — Prezidentə, Prezident Administrasiyasının yüksək vəzifəli şəxslərinə məktublar yazdım, lakin cavab gəlmədi. Aydın oldu ki, Füzuli rayon poçtundan dövlət başçısına ünvanlanan məktublarım qayıdıb gəlir icra başçısına, o da cırıb tullayır. İcra Hakimiyyətinin Şəhid ailələri, müharibə əlilləri və iştirakçıları ilə iş şöbəsinin müdiri Hafiz və onun köməkçisi İlkin mənə deyirlər ki, müharibədə dərədə gizlənmisən, indi gəlib bizdən iş tələb edirsən. Kənd icra nümayəndəsi Polad Məmmədov gəlib mənə deyir ki, “yuxarı” məktub yazma, yoxsa, sənin üçün çətin olacaq”.

Öyrənmişik ki, qaziyə iş tapılmadığı halda Polad Məmmədov öz qohum-əqrəbalarını işlə təmin edib, adını xadimə kimi rəsmiləşdirdiyi həyat yoldaşı Arzu Məmmədova isə işə çıxmır, müftə maaş alır.

Əməkdaşımız Polad Məmmədovla əlaqə saxlayıb məsələyə münasibətini soruşduqda bildirib ki, qazi Mənsur Bbaayevə 30 hektar yer veriblər ki, əksin. Di gəl, həmin torpaq başqasının adına rəsmiləşdirilib, dövlət tərəfindən əkin üçün ayrılan subsidiya vəsaiti isə mənimsənilir.

Eynən onun kimi Bəsti Abbasovaya da kənddə qeydiyyatda olan, Bakıda yaşayan qazi üçün ayrılmış torpaq sahəsi göstərilib ki, əksin. Amma qanuniləşdirilməyib, subsidiyası “pay-püşk” edilib. Ona görə də əkin əkmək üçün imkanları yoxdur.

Deryaz.az

Bağlı qalan sirrlər ədalətsiz HÖKMün verdiyi fəsadlar

Bir müddət əvvəl "Merac" Holding İdarə heyətinin sədrinin müəmmalı həbsi ilə bağlı məqaləmiz dərc edilmişdi. Məsələ ilə bağlı uzun müddətdir araşdırmalarımızdan yeni məlumatlar əldə edə bildik. Belə ki, Merac Holding idarə heyətinin sədrinin həbsinin qaranlıq məqamlarını gün üzünə çıxarmaqdayıq. 9 il əvvəl baş vermiş həbs niyə məhkəmə zalından kənarda müzakirələri belə qadağan edilib.

Amma iki gün bundan öncə "Xacmaz Tv" adlı sosial şəbəkədə edilən paylaşım çox maraqlara səbəb oldu. İllər sonra hamıya naməlum qalmış videolar kimlər tərəfindən yenidən gündəmə gətirilir. Belə ki, bizim dərc etdiyimiz məqalə göründüyü qədər bir çox maraqlı şəxsləri hərəkətə keçiribdir. Həmin cinayət işində bir çox vəzifəli şəxslərin adının keçməsinə baxmayaraq həbs edilən yalnız bir nəfər oldu. Bu günə qədərdə şəxsin ölüsündən dirisindən xəbər yoxdur. Bəs həbs edilmiş şəxsi harda hansı şəraitdə saxlanılması çox maraqlı məqamların ortaya çıxmasına səbəb olcaq.

UluTv.info-un əldə etdiyi ən son məlumata görə, holding sədrinin səhhəti heçdə qənaətbəxş deyil. Onun yaxınlarından məlumatları dəqiqləşdirmək istəməyimizə baxmayaraq, yaxınları vəzifəli şəxslərin onlara verə biləcəyi zərərdən ehtiyat edərək S.Əliyevin və onun cinayət işi ilə bağlı bir kəlimə belə demək istəmirlər. Belə olduğu halda bugün "Xacmaz Tv" kimi bir sosial platformanın 9 il əvvəl baş vermiş cinayət işinin detallarından paylaşım etməsi kimlərin maraqların təmin etdiyi sualını yaratmaqdadır. Bu edilən paylaşım isə məhs məhkəmə sənədlərinin daxilindən çıxarış olduğu məlum məsələdir. Arxivdən bunu çıxarılmasın kimlər təmin edib buda bir sual doğurur. Bu suala isə S.Əliyev və ya həmin yüksək çinli məmurlar cavab vermək iqtidarındadır.Onuda bildirək ki həmin cinayət işində keçmiş Baş Prokuror Eldar Həsənovun qardaşı Ələkbər Həsənovun, Sulatanəli (Ağacan Abıyev köməkçisi olub), Çingiz Abbasov (məmur kirvəsi olaraq özünü tanıtmış şəxs) Təhsil Nazirliyinin, Qaçqınların və Məcburi Köçkünlərin İşləri Üzrə Dövlət Komitəsinin, Fövqaladə Hallar Nazirliyinin məmur və nazirliklərin statuslu nümayəndələri adlarının halanmasına baxmayaraq bu günə qədər susurlar. Çoxlu subut və möhtəbər dəlilərin olmasına baxmayaraq ədalət bərqərar edilmədi.

Buna səbəb isə bu şəxslərə qarşı məhkəmə sədrinə müəmmalı zənglər və tapşırıqların icrası əmri verilir. Bu isə həmin şəxslərin dindirilməsinin qarşısını aldığı kimi cinayət işinində daha bir müəmmalı hökmün verilməsinə gətirib çıxarmasına zəmin yaradıb. Milyonları yeyənlər azadlıqda yalnız sənətlərlə işləyib pula əli dəyməyənlər həbsdə illərin keçirir. Məhkəmə prosesi düzgün aparılmasına maniələr məhs ilk günlərdən başlanır. Hətta əldə etdiyimiz məlumatlarda qeyd edilirki, yuxarıda sadalanan məmur və nazirlik nümayəndələrinə, nümayəndəliyidə Ələkbər Həsənov edir. Həbsə alınan şəxslə durmadan görüşünə getmək onunla saatlarla danışmaq və onların adlarının açıqlanmaması üçün yüksək məbləğlər təklif edilir. Lakin şəxs törrətmədiyi və yemədiyi vəsaitin hesabatını verməkdən qaçmır. Məhkəmə zalında hər şeyi olduğu kimi danışır.

S.Əliyevin danışdıqlarına isə hər zaman olduğu kimi sifarişli işlərdə diqqət edilmir. S.Əliyevin vəkilləri nə qədər vəsadətlər subutlar təqdim etmələrinə baxmayaraq hakim etməli olduğu hazır ona verilmiş hökmü onun üzünə oxuyur. Apellyasiya Məhkəməsində keçirilən iclasda ilkin məhkəmə zamanı S.Əliyevin yazılı və şifahi verdiyi ifadələrinin protokolara əlavə edilmədiyi aydın olur. Bu isə yenədə Bakı Ağır Cinayətlər Məhkəməsinin hansı yüksək çinli məmurdan çəkinərək şəxsin Konustitusiyada göstərilən hüquqlarınından onu məhrum etdiyi aşkar olur. Şəxsə özünə müdafiə Prezumisiyasından istifadəyə şərait yaradılmır. Şəxs ifadələrini yazılı və şifahi verməsinə baxmayaraq "ona əziyyət çəkib özünü yorma onsuzda məhkum ediləcəksən" deyilmir. Aparılan məhkəmə prosesi qanunlarla deyil teatr janrına uyğunlaşdırılır. İttiham edilən şəxsdə qanunun onu dinlədiyini subutlarına hüquqi qiymət veriləcəyin düşünür. Sonda isə fiasko nə qanun nə hüquq heç bir məhkəmə baxışında siz deməyin yox imiş.

Boğulanın son ümüdünün saman çöpündə olmasınıda əlindən alınması hökümdə 10 il azadlıqdan məhrum edilsin kəlməsi olur. İnsan tamamilə çökür. Ruhən mənəvi çökən insan ondan sonra ailəsi ilə belə danışacaq halda olmur. Məhkum həyatını xəstəliklərlə sadəcə mübarizə etməklə keçirir. Əldə etdiyimiz məlumata görə, S.Əliyevin son durumu 9 il əvvəl aldığı travmadan yaranan səhhətin deformasiyası bu gündə onunla yoldaşlıq edir. Məsələ bununlada bitmir. 2014-cü ildə həbs edilən holding sədri 2 il üç ay müddətindən sonra yəni 2016-cı ildə uzun sürən müzakirələrdən və gələn tapşırıqlardan sonra şəxsə 10 il hökm oxunur. Lakin bununla S.Əliyevdən şəxslər əlçəkmir. Həqiqətləri məhkəmə zalında danışdığına görə, Onu cəzasının üstə cəza olaraq mənəviyyatı ilə oynanılması Ədliyyə Nazirliyinin Penitensiar Xidmətinin 2 saylı cəzaçəkmə müəssisəsinin rəis müavini işləmiş Eldəniz Həziyevə sifariş edilir.

O gündən şəxsin hətta insan kimi yatması-durması konustitusion hüquqları tamamilə azadlığı kimi əlindən alınır. Şəxs 10 il azadlıqdan məhrum edilir və Ə.Həsənovun səyləri şəxsin insani dəyərlərdən tamam uzaqlaşdırılmasına gətirib çıxarır. Ə.Həsənovun bu məsələlərdə tək olmadığı, milyonları birgə mənimsədiyi şəxslərində dəstəyi ilə "daydayı" olmayan holding rəhbəri zülmə düçar qalır. Hər gün döyülmə, kars, işgəncə görməsi ilə bağlı əldə etdiyimiz məlumatdan isə S.Əliyevə məxsus mülklərin E.Həziyev tərəfindən zorla mənimsənilməsidə ifadə edilib. Hələ bununla bitmir heçnə Eldəniz Həziyev tərəfindən şəxslə türmə daxilində narkotiklə bağlı ittiham irəli sürülür. Həyatı boyu narkotik vasitələrdən istifadə etməyən anlayışı olmadığı bir maddələrin ittihamı ilə üz-üzə qoyur. Uzun müddət kars şəraitində cəza çəkmək və ittihamın hansı tarixdə məhkəmənin baxışına veriləcəyin gözdədiyi halda S.Əliyevdən məcburi qaydada törətmədiyi əmələ görə yüksək məbləğ ödətdirdikdən sonra yenidən türmə içindək türmədən buraxılaraq zindan həyatına qaytarılır.

Əldə etdiyimiz məlumatlar bununla bitmir...
Araşdırmamız davam etdiyi kimi əldə edilən məlumatların təhlilinində bitməsindən sonra növbəti məqalələrin dərc ediləcəyi günü gözləyin.

Elnurə Tağıyeva
UluTv.info

İcbari tibbi sığortanın tətbiqi bölgələrdə tibbi xidmətlərə əlçatanlığı təmin etsə də, bəzi tibb müəssisələrində müayinə aparatlarının işləmədiyi barədə şikayətlər var. Dünən Bərdə rayon Mərkəzi Xəstəxanasının həkim-radioloqu Rüxsarə Salmanova Facebook sosial şəbəkə hesabında iş otağında olan rentgen aparatının işləmədiyini, onun təmiri üçün müraciətlərinin bu günədək cavabsız qaldığı barədə paylaşım edib. Onun sözlərinə görə, iki ilə yaxındır skopiya aparatı işləmir və heç kim də problemin həllinə təşəbbüs göstərmir. R.Salmanova iddia edib ki, 44 günlük müharibədən sonra qazilərin müayinəsi üçün bu aparat çox işlədildiyindən xarab olub.
TEREF.AZ bildirir ki, Sputnik Azərbaycan faktı araşdırmaq üçün Bərdə rayon Mərkəzi Xəstəxanasının baş həkimi Vüsal Məmmədovla əlaqə saxlayıb.
Baş həkim Sputnik Azərbaycan-a bildirib ki, hazırda Bərdə Mərkəzi Xəstəxanası Bərdə rayonu ilə yanaşı bir neçə rayonun sakinlərinə tibbi xidmət göstərir. R.Salmanovanın kabinetində olan rentgen aparatını ümumi xəstəxanada rentgen aparatının işləməməsi kimi təqdim etməsi düzgün deyil. Bərdə rayon Mərkəzi Xəstəxanasında 4 ədəd stasionar rentgen, 2 ədəd portativ rentgen və 1 ədəd C-qol fəaliyyət göstərir.
Baş həkimin sözlərinə görə, R.Salmanovanın otağında olan rentgen aparatının istifadə müddəti başa çatıb. Aparatın balans dəyəri elə həddə düşüb ki, onun təmirinə maliyyə ayırmaq sərfəli deyil. Amma hazırda xəstəxanada 7 rentgen aparatı mövcuddur və sözügedən xarab aparatı təmir etməyə ehtiyac yoxdur. Şikayətçi həkimə rentgen aparatı olan otaqlarda növbəli işləmək təklif olunsa da o, bununla razılaşmayıb, öz otağı üçün ayrıca aparat qoyulmasını tələb edib.
"R.Salmanova istəyir ki, öz otağında ayrıca rentgen olsun və orda xəstələri qəbul etsin. Çünki, o koronavirusun yayıldığı dövrdə otağında xəstələri rentgen müşahidəsindən keçirməklə yanaşı onlara resept də yazıb. Bu isə qanuna görə yolverilməzdir. Biz buna imkan vermədiyimizdən, o, narazı qalıb", - deyə Baş həkim bildirib.
V. Məmmədov bildirib ki, xəstəxanaya quraşdırılan rentgenlərin birinin qiyməti 200 min manatdan bahadır.
"Biz heç iki ay deyil ki, həmin rentgeni alıb xəstələrin istifadəsinə vermişik. İndi təkrar hər həkimin otağına ayrıca rentgen alınmasına nə ehtiyac var? Digər rentgenlərin də dəyişdirilməsi üçün müraciət olunub. Onlar işlək olsa da, gələcəkdə onları da yeniləyəcəyik", - deyə V. Məmmədov bildirib.
Baş həkim bildirib ki, indiyədək heç bir pasiyent rentgendən keçə bilmədiyinə görə şikayət etməyib: "Bərdə Rayon Mərkəzi xəstəxanası 24 saat işləyir. Hətta Tərtər, Ağcabədi, Ağdamdan avtoqəza keçirənlər gecə saatlarında belə gəlsə Xəstəxanada rentgen müayinəsi ilə təmin olunurlar".
V. Məmmədov şikayət edən R. Salmanovanın işə gəlmədiyini də vurğulayıb. Bildirib ki, R.Salmanova xəstəlik vərəqəsi açdıraraq gedib Sumqayıtda hansısa özəl xəstəxanada çalışır.
İcbari Tibbi Sığorta üzrə Dövlət Agentliyindən Sputnik Azərbaycan-ın sorğusuna cavabda bildirilib ki, Bərdə RMX-da ümumilikdə 4 stasionar rentgen, 2 portativ rentgen, 1 C-qol rentgen aparatı vətəndaşların xidmətindədir. 2021-ci ildən etibarən tibb müəssisələrində struktur dəyişiklik aparılıb. Aparılan struktur dəyişikliyinə əsasən 2021-ci ilin sonundan etibarən Bərdə Müalicə Diaqnostika Mərkəzi Bərdə Rayon Mərkəzi Xəstəxanasına birləşdirilib və xəstəxananın tabeliyində fəaliyyət göstərir. Aparatlardan 1 C-qol və 1 stasionar rentgen cihazı Bərdə RMX-nın 6-cı korpusunda (yəni keçmiş Bərdə Müalicə Diaqnostika Mərkəzi), digər 2 portativ, 3 stasionar rentgen aparatı isə xəstəxananın binasında yerləşir. Vətəndaşlar sözügedən tibb müəssisəsinə müraciət edərək icbari tibbi sığorta çərçivəsində ixtisaslı həkimin tibbi göstərişinə əsasən rentgen müayinəsindən istifadə edə bilərlər.
TƏBİB-dən o da bildirilib ki, Bərdə Rayon Mərkəzi Xəstəxanasında hazırda ümumilikdə 4 stasionar rentgen, 2 portativ rentgen, 1 C-qol rentgen aparatı vətəndaşların xidmətindədir. Vətəndaşların ixtisaslı həkimin tibbi göstərişinə əsasən rentgen müayinəsindən istifadə etməsi üçün avadanlıq çatışmazlığı mövcud deyil. Bərdə Rayon Mərkəzi Xəstəxanasının həkim-rentgenoloqu Rüxsarə Salmanovaya da hazırda mövcud olan rentgen kabinetlərdə fəaliyyət göstərməsi təklif olunub.