 |
|
|
Aqrar sektorun inkişafı üçün son illərdə milyonlarla manat vəsait xərclənməsi, bu tədbirlərin bu gün də davam etdirilməsinə baxmayaraq, istənilən nəticə əldə edilməyib. Əksinə, son 5 ildə buğda istehsalından tutmuş, bütün məhsul növlərində geriləmələr aqrar sektorunun inkişafı ilə bağlı gözləntilərdə məyusluq yaradıb.
Bu gün gündəlik məişətdə istifadə etdiyimiz göyərtidən tutmuş, bibərə qədər ölkəmizə idxal olunursa, həyəcan təbili çalınmalıdır. Uğursuz kənd təsərrüfatı siyasəti,qeyri ixtisas sahiblərinin aqrar sektora vəzifəyə gətirilməsi, KTN-də yerlibazlığın tüğyan etməsi, qohum-qardaşın uyğun gəldi-gəlmədi vəzifələrə yerləşdirilməsi yüksək nəticələr əldə edilməsini əngəllədi. Nəticədə, kağız üzərində olan göstəricilərlə mövsüm zamanı əldə olunan nəticələr uyğunsuzluq təşkil etdiyindən Azərbaycana digər ölkələrdən gətirilməyən kənd təsərrüfatı məhsulu qalmadı.Amma ki, bu günün özündə də nazirlik rəsmilərinin göstərişinə uyğun olaraq, hamı bir nəfər kimi "yüksək göstərici rəqəmlərlə əhatələnmiş" şəkillər paylaşır. Təsəvvür edirlər ki, bununla ictimai rəydə yaranmış mənfiləri silib atacaqlar.
Faktinfo.az saytı xatırladır ki, kənd təsərrüfatı məhsullarının istehsal xərclərinin əsas hissəsini dövlət öz üzərinə götürüb, dörd dövlət proqramı qəbul edilib, lakin kənd təsərrüfatı məhsullarına dair idxaldan asılılıq əksinə, artıb. Ət istehsalından danışmağa dəyməz, DGK və Statistika Komitəsinin açıqlamaları göstərir ki, Azərbaycana idxal olunan ət son 5 ildə azı 3 dəfə artıb. Eləcə də, 2019-cu ildə ölkəmizdə 2 149 000 ton buğda istehsal edildiyi halda, 2020-ci ildə bu göstərici 1 867 000 ton olub. 2021-ci ildə bu rəqəm 1 885 000 ton buğda tədarük edilib. 2022-ci ildən isə danışmağa dəyməz.
Çay istehsalı 2020-ci ildə Azərbaycanda cəmi 600 ton yaşıl çay yarpağı istehsal olunduğu halda, bu rəqəm ölkəmizə idxal olunan çaydan 22 dəfə azdır. Ümumilikdə, 2021-ci ildə ölkəmizə 13 984 000 ton çay idxal olunub. 2022-ci ildə bu rəqəm bir qədər də geriləyib.
Gündəlik həyatımızda istifadə edilən kartof, soğan, kələm, kök məhsulları isə illər əvvəl təlabatı azı 8 ay qarşıladığı halda, istehsal olunan bu məhsullar artıq daxili təlabatı 5 ay təmin edə bilmir. Payız fəsli başlar-başlamaz kartof, soğan, kələm, kök və s. məhsullar ölkəyə idxal olunur. Soğan isə ümumiyyətlə, 2002-ci ilin yayından idxal olunmağa başladı. Xatırlayanlar bilir ki, ekspertlər soğanın idxal olunmayacağı təqdirdə, qiymətinin 1,5-2 manata qədər yüksələ biləcəyini bildirmişdilər. Hazırda, bu siyahıya badımcan, bibər, göyərti və s. məhsulları da əlavə etmək olar.
Son illərə qədər bir az şərab istehsalı və ixracı, o cümlədən satışı ilə üz ağardırdı, onun da zayı çıxdı. Artıq Rusiyaya ixrac etdiyimiz şərab içkisi ilə bağlı mövqe itkisinə də məruz qalmışıq. Azərbaycan bazar payını Abxaziya, Moldovaya belə uduzub.
Daha ətraflı məlumat əldə etmək istərkən aşağıdakı linklə tanış olmaq olar:(https://www.rbc.ru/newspaper/2022/04/22/62611db69a79477a73626f6f),(https://www.faktinfo.az/news/son-iller-olkemiz-serab-satisinda-bazar-payini-diger-olkelere-uduzub-ilk-beslikde-olan-italiya-ispaniya-gurcustan-fransa-ve-portuqaliya-rusiyaya-umumilikde-foto
Bu elə bir dövrə təsadüf edir ki, artıq ruslar araqdan çox şərab və pivəyə üstünlük verirlər. Bu mövqe itkisi isə hələ bizimkiləri maraqlandırmır. İstehsal etdikləri şərab məhsulları daxili bazara hesablanırmış kimi görünür, bunun özünü doğruldub-doğrultmayacağı isə zaman məsələsidir.
KTN-nin tabeçiliyində Üzümçülük və Şərabçılıq Elmi-Tədqiqat İnstitutuna gəlincə, İnam Kərimov ora da bir kimya müəllimini əyləşdirib. Adam, tenderlərə qol çəkmək, İnstitutun rayonlardakı sınaq stansiyalarına ayrılan pullara qıraqdan baxmaqla,ting istehsal etmək üçün milyon manatlara imza atmaqla məşğuldur. Bəlkə heç özü də bilmir nə üçün əyləşdirilib o kresloya.Yoxsa, Üzümçülük və Şərabçılıq Elmi-Tədqiqat İnstitutun direktoru Vüqar Səlimov kreativ fikirləri, nəticəyə gəldiyi elmi-tədqiqat işləri, Azərbaycan şərablarının dünya bazarlarına çıxarılması, təbliği, reklamı ilə bağlı bir işə imza atmış olardı.Uzağa getməyək normal üzüm sortlarına dair 200 min ting tələb olunsa,o da yoxdur.Azərbaycan şərablarının təbliği ilə bağlı hansısa bir tədbirə də rast gəlinmir.
Səhv ediriksə, adam qalxıb desin ki, Kənd Təsərrüfatı nazirinə təklif verib, o da axrıncı dəfə Beynəlxalq Dequstasiyada Azərbaycan şərabları ilə bağlı bir cümləlik fikir səsləndirib. Varsa, durub danışsınlar. Belə anlaşılır, Üzümçülük və Şərabçılıq Elmi-Tədqiqat İnstitutu pul "realizə" etmək üçün bir vasitədir. Eləcə də orada baş verən dava-dalaşlar, narazılıqlar, elmi dərəcəsi, profili inistituta uyğun olmayan şəxslərin şöbə müdiri təyin olunub irəli çəkilməsi heç kimi maraqlandırıb narahat etmirsə, demək fikirlərimizin həqiqətlə əlaqəsi daha yüksəkdir.
Ümumiyyətlə, Üzümçülük və Şərabçılıq Elmi-Tədqiqat İnstitutun direktoru Vüqar Səlimov yoldaşa bir sual verən gec yada tez tapılar ki, orada dövlət proqramından irəli gələn neçə bəndə əməl edilib,inistitutda nə işlə məşğulsunuz?Yox, bəlkə də səhv edirik, deyəsən orada Dövlət Proqramından irəli gələn bir "punkta" əməl olunub.O da az-çox Azərbaycan şərablarını Beynəlxalq sərgilərdə təbliğ etməyə savadı çatan,dünya miqyaslı dequstatorların diqqətinə çatdıra bilən,şərabçılıqla bağlı dövlət proqramının hazırlanıb,ərsəyə gəlməsinə əməyi keçən şərabçı-alim Taryel Pənahovu o inistitutdan işdən çıxartmaq olub.
Belə anlaşılır, Kənd Təsərrüfatı Nazirliyinin bütün strukturlarında, o cümlədən, Üzümçülük və Şərabçılıq Elmi-Tədqiqat İnstitutunda idarəetmənin optimallaşdırılması həyata keçirilməlidir. Təbii, bu hər tərəfli maliyyə təftişindən sonra olmalı, indiyə qədər ora ayrılmış dövlət vəsaitinin səmərəliliyi yoxlanılmalıdır. Bəlkə də, kiçik bir şöbə şəklində Azərbaycan Dövlət Aqrar Universitetinə birləşdirilməlidir.Əks təqdirdə, heç bir səmərəsi olmayan Üzümçülük və Şərabçılıq Elmi-Tədqiqat İnstitutu dövlət iqtisadiyyatına yük olmaqda davam edəcək.
FAKTİNFO.AZ
Naxçıvan Muxtar Respublikasında (MR) hərbi hospitalda çalışan bir qrup qadın işçi tərəfindən Hurriyyet.az saytının redaksiyasına şikayət məktubu daxil olub. Adlarının anonim qalmasını xahiş edən şikayətçilər hospitalın baş həkimi Niyaməddin Seyidovdan narazıdırlar:
“Yazaraq sizdən xahiş edirik ki, bizim problemi işıqlandırasınız.
Niyaməddin Seyidov Naxçıvan hərbi hospitalının işçilərinə açıq-aşkar zülm verir. Bu insan bir çox qadın işçilərə qənim kəsilib. Xəstəxananın yarı faizi öz qohum-əqrabasıdır. Hər biri Xok kəndinin sakinləridir. Özü gətirdiyi işçilərin birinin də xətrinə dəymir. Cavan qızlara əsəbləşən kimi onları hərbi hissələrə yönləndirir.
Belə biabırçılıq, belə ədalətsizlik olar? Bir dəfə yoxlama təşkil olunsa, hər şey ortaya çıxacaq. Etiraz edənə töhmət yazır, səsini çıxardanı hərbi hissəyə yönəldir.
“Tik tok” sosial şəbəkəsində də bu həkimin əlindən bezən işçilər var. Orada öz problemlərini yazırlar ki, bəlkə səslərini eşidən olar. Bu insan kimi xoşlamır, kimdən narazıdırsa, onu incidir, 13-cü maaşını kəsir, şiddətli töhmət verir və yaxud da hərbi hissəyə göndərir.
Bir çox qadın kimi, hərbi hissəyə getmək istəmirik. İradımızı bildirməyə də qorxuruq. Arxasında duran kimdirsə bu adam heç kəsdən qorxmur. Qadınları çox incidir. Ancaq gərək şəxsiyyətsiz, ləyaqətsiz bir qadın olaq ki, onun dedikləri, etdiyi hərəkətlər bizə təsir etməsin. Elələrimiz var ailə dolandırırıq, “işimizdən olsaq necə olar” deyə düşünürük? Bilirsiz, burda da iş tapmaq mümkün deyil. Xahiş edirəm bizim səsimizi lazımi yerlərə çatdırın. Bu insan evimizə çörək pulu aparmağımıza mane olur”.
Redaksiyadan: Yazıda adları qeyd olunan şəxslərin mövqeyini dərc etməyə hazırıq. //Hurriyyet.az//
Ətin qiymətinin bahalaşması istənilən halda müzakirə edilən mövzulardan olub.
Digər bir səbəb isə Azərbaycan Qida Təhlükəsizliyi Agentliyinin (AQTA) ət kəsimi məntəqələri ilə bağlı nizamlayıcı tədbirləri yekdil həyata keçirə bilməməsidir.Elə ət satışı məntəqəsi var gigiyena qaydalarına əməl etməklə heyvanı satış məntəqəsinin arxasında və ya ona bitişik ərazidə kəsir.İstehlakçılar da, nəyin ətini aldıqlarının fərqində olurlar.Bir qsim ət satışı məntəqəsi isə, satdığı əti kənardan gətirir.O da olur ki,ət satış məntəqəsinin birinə heyvanı yerində kəsdiyinə görə,300 manat cərimə yazılır,bunu həyata keçirdən digər ət satış məntəqəsinə 300 manat cərimə yazmaq mümkün olmur.Yəni AQTA bir sıra "mühafizə olunan" ət satış məntəqələrinə söz deyə bilmir.Bu kimi hallar ayrı seçkiliyə,narazılığa səbəb olur.Hazırda,Bakının Nizami rayonunda yerləşən bir neçə ət satışı məntəqəsinə 300 manat cərimə yazılması ilə bağlı məktub göndərilib.
Qaldı AQTA nümayəndəsinə, yerində hal şahidinin iştirakı olmadan,akt tərtib etmədən ət satışı məntəqəsində heyvanın kəsilməsini qarşı tərəfə necə subut edir,bu da müəmmadır.Cərimə yazılan tərəf AQTA-ya çağrılır, orada məlum olur ki,adam ora niyə çağrılıb.
Bu kimi hallar da tərəflər arasında ziddiyyətə çevrilir,cərimə ödəyən tərəf ödədiyi pulu istehlakçının aldığı ətin maya dəyərinə daxil edir.Çox sadə,həmin gün bir neçə saatlığa həmin məntəqədə müxtəlif bəhanə gətirilərək ətin kiloqramını 1 manat baha satır,məsələ bununla da bir müddət qapanır.
FAKTİNFO.AZ
XalqXeber.Az
“Azərbaycan Respublikasının Medianın İnkişafı Agentliyi” Publik Hüquqi Şəxs (MEDİA Agentliyi) tərəfindən keçirilən tender müsabiqəsinin qalibi “RG GROUP COMPANY” MMC (VÖEN – 1007663201) olub.
Yeniavaz.com açıqlanan rəsmi məlumata istinadən bildirir ki, MEDİA Agentliyi media sahəsinin inkişafı prosesində gənclərin fəal iştirakının təmin edilməsi, onların bu sahəyə dair biliklərə yiyələnməsi, həmçinin dövlətçilik ənənələri və vətənpərvərlik ruhunda yetişməsi, sosial məsuliyyət hissinin gücləndirilməsi istiqamətində təşkil ediləcək tədbirlər üçün “RG GROUP COMPANY” MMC-yə 142 min 903 manat 90 qəpik ödəyəcək.
Qeyd olunan tədbirlərin təşkili məqsədilə “RG GROUP COMPANY” MMC müxtəlif məhsullar (bloknot, çanta, qələm, rozet, kepka, gödəkçə və s.) hazırlayacaq, həmçinin müxtəlif xidmətlər ( foto-video çəkiliş, çay-qəhvə, icarə və s.) göstərəcək.
Məlumat üçün qeyd edək ki, “RG GROUP COMPANY” MMC tender elanından 6 ay əvvəl – 30.06.2022-ci il tarixində dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Binəqədi rayonu, Mirmahmud Kazımovski ev 56, m. 5-də yerləşir. Şirkətin qanuni təmsilçisi Mehrəliyev Rəşid Əfqan oğludur.
“RG GROUP COMPANY” MMC ilə bağlı diqqət çəkən məqamlardan biri odur ki, açıq internet resurslarında bu adda şirkətin avtomobillər üçün motor yağları satdığı qeyd olunub. Məsələn, “Facebook”da “RG Group Company” adlı səhifə var və həmin səhifədə “rggroup.az” saytına keçid qoyulub. Qeyd olunan veb-saytda da şirkətin adı “RG Group” olaraq göstərilib.
Özünü “RG Group” kimi təqdim edən şirkətlə əlaqə saxladıq və məlum oldu ki, bu şirkətin rəsmi adı “ARG Group” MMC-dir (VÖEN – 1406279661). Şirkətdən bildirdilər ki, “Facebook”dakı səhifə və veb-sayt MMC dövlət qeydiyyatına alınmazdan əvvəl açılıb. Lakin dövlət qeydiyyatına alınan (20.12.2022-ci il) zaman məlum olub ki, “RG Group” adlı MMC artıq mövcuddur. Belə olan halda MMC-nin adını “ARG Group” olaraq dəyişdiriblər. “ARG Group” MMC-nin direktoru bizimlə söhbətdə onu da qeyd etdi ki, yaxın zamanda müvafiq dəyişikliklər ediləcək.
MEDİA Agentliyindən 145 min manatlıq tender müsabiqəsini udan “RG GROUP COMPANY” MMC barəsində isə açıq internet resurslarda heç bir məlumat yoxdur. Belə görünür ki, bu addan başqa bir şirkətin (ARG Group-un) istifadə etməsi də MMC rəhbərliyini narahat etmir.
Rəsmi saytı, sosial şəbəkə hesabları olmadığı üçün tender elanından cəmi 6 ay əvvəl yaranan “RG GROUP COMPANY” MMC-nin daha əvvəl analoji sahədə hansı fəaliyyətinin olduğu barədə də məlumat almaq mümkün deyil.
Xatırladaq ki, “Dövlət satınalmaları haqqında” Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır…
Samux rayonunun Alabaşlı qəsəbə sakini Rəcəbov Madər Rəcəb oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, onun qızının diplomu olmasına baxmayaraq, Təhsil Şöbəsi onu işlə təmin etmir:
“Mən, Rəcəbov Madər Rəcəb oğlu, 2-ci qrup əliləm. İki qardaşım 1-ci Qarabağ müharibəsi zamanı şəhid olub. Oğlum Rəcəbov Rəcəb 2-ci Qarabağ müharibəsində iştirak edib, Şuşanın azad olunması medalı ilə təltif olunub.
Cənab Prezidentimizin sərəncamına əsasən, Samux rayon Təhsil Şöbəsi və regional təhsil idarəsinin müdiri təyin olunan Anar Qədiməliyev işini düzgün yerinə yetirmir. Belə ki, dəfələrlə qızım üçün iş yerləri tapıb məlumat vermişəm ki, bu şöbədə iş yeri var, xahiş edirəm qızımı ora işə qəbul edin. Hər dəfəsində rədd cavabı almışam.
Hal-hazırda Samux rayonu 1 saylı körpələr evində aşbaz vəzifəsi boşdur, amma mənim qızımı ora işə qəbul etmirlər. Verdiyim sənədləri itirirlər və yaxud da ərizələri cırıb atırlar.
Özümə görə ailəmi dolandıran insanam. Mənim əlavə pulum yoxdur ki, kimlərəsə verim. Aşbaz işinə görə də pul verməliyəm? Qızımın diplomu var, amma iş tapa bilmirəm.
Bu məsələ ilə bağlı Emin Əmrullayevə də müraciət etmişik. Oxuyan da iş tapmır, oxumayan da. Amma pulu olan savadsız belə olsa, işlə təmin olunur”.
Redaksiyadan: Yazıda adları qeyd olunan şəxslərin mövqeyini dərc etməyə hazırıq. //Hurriyyet.az//
Azərbaycanda vəzifəli şəxslərin falçılara, cadugərlərə inanması, onların “köməklərindən” yararlanması barədə mətbuatda, sosial şəbəkələrdə vaxtaşırı məlumatlar yayımlanır.
Amma bu məlumatların dəqiqliyi heç vaxt sübut olunmayıb, onların şayiə olmasına inananlar daha çox olub.
Bu dəfə yayılan görüntülər isə deyilənlərin heç də şayiə olmadığını ortaya çıxarır.
7NEWS.az xəbər verir ki, bu günlərdə “Tik-tok” və “Facebook” platformalarında “Azərenerji” rəhbəri Baba Rzayevin falçı və ekstrasenslərin fəaliyyətindən bəhrələndiyini sübut edən kadrlar ortaya çıxıb.
Kadrlardan görünür ki, dini qiyafədə olan bir şəxs şam yandıraraq, Baba Rzayevin qəbul otağının qarşısında dualar oxuyur, sonra isə tərkibi bəlli olmayan mayeni onun otağına səpir.
Həmin görüntüləri təqdim edirik:
DİA.AZ: - "Geofizika və Geologiya İdarəsindən açıqlanan faktı təqdim edirəm. Əgər yazılanlar həqiqəti əks etdirirsə, bu halda Korrupsiya haqqında Qanunun 7-ci maddəsi kobud şəkildə pozulur". DİA.AZ bildirir ki, bunu tanınmış insan hüquqları müdafiəçisi, “Neftçilərin Hüquqlarının Müdafiə Təşkilatı” (NHMT) İctimai Birliyinin sədri Mirvari Qəhrəmanlı bildirib.
Daha sonra qanundan sitat gətirən hüquq-müdafiəçisi qeyd edir:
Maddə 7.Yaxın qohumların birgə işləməsinə yol verilməməsi
7.1. Vəzifəli şəxslərin yaxın qohumları, seçkili vəzifələr və qanunvericiliklə nəzərdə tutulan digər hallar istisna olmaqla, bilavasitə onun tabeliyində olan heç bir vəzifə tuta bilməzlər.
7.2. Bu Qanunun 7.1-ci maddəsinin tələblərini pozan şəxslər həmin tələblərin pozulması müəyyən edildikdən sonra 30 gün müddətində həmin pozuntunu könüllü olaraq aradan qaldırmadıqları halda tabeliyi istisna edən başqa vəzifəyə keçirilməli, bu mümkün olmadıqda isə həmin şəxslərdən biri tutduğu vəzifədən azad olunmalıdır.
7.3. Bu Qanunun 7.2-ci maddəsində göstərilən əsaslar üzrə vəzifədən azad olunmuş şəxslər digər orqanlarda, idarə, müəssisə və təşkilatlarda vəzifə tuta bilərlər".
İndi isə keçək olayın mahiyyətinə DİA.AZ-ın məlumatına görə, M.Qəhrəmanlı işçilərdən birinin təqdim etdiyi məlumatlara söykənərək çox ciddi və müdaxilə zərurəti olan faktları təqdim edib. Hər halda gərəkən qurumların Geofizika və Geologiya İdarəsində nələrin baş verdiyini araşdırması zərurəti yaranır. Beləliklə, işçilərdən biri yazır:
"Salam hörmətli Mirvari xanım! Sizdən xahiş edirəm, Geofizika və Geologiya İdarəsində gedən özbaşınalıqların araşdırılmasına köməklik göstərəsiniz... Belə ki GGİ-də İdarə rəisi tərəfindən öz qohum-əqrəbası istənilən vəzifəyə keçirilib:
- Bacısı oğlu Elvin İsmayılov ekspedisiya rəisi,
- Orxan İsmayılov, digər bacisi oğlu Qravimetriyanın rəisi,
- Qardaşı Mübariz sınaq quyusunun rəisi,
- Qayni Elvin energetik
- Mövsümi fəhlələrdən əmisi oğlu Elburus xalası uşqları və digərləri...
hegemonluq edirlər.
Yerdəyişmələr isə imtahansız gedir, necə istəyirlər elə də edirlər..."
İddia olunanlarla bağlı dia.az olaraq bütün maraqlı tərəfləri dinləməyə hazırıq...
“Rayonumuzun 15 min əhalisi vardı, indi 3 min nəfər qalıb, bu gedişlə yaxın vaxtlarda insansız yaşayış məntəqəsinə çevriləcək”.
Ovqat.com-a SOS siqnalına bənzəyən bu şikayət məktubu Sədərəkdən göndərilib.
Qeyd edək ki, Sədərək Azərbaycanı Türkiyəyə birləşdirən nöqtədə yerləşir. Cənub-qərbdən Türkiyə ilə 11 km, şimal-qərbdən Ermənistanla 24 km məsafədə həmsərhəddir. Bu baxımdan olduqca geosiyasi əhəmiyyətə malikdir. Onun bu geosiyasi əhəmiyyətini nəzərə alan Azərbaycan SSR Ali Soveti hələ 1990-cı ilin avqustun 28-də Sədərəyə rayon statusu vermişdi. Gözlənilirdi ki, Sədərək rayona çevrildikdən sonra böyüyəcək, ölkəmizin ən önəmli iqtisadi bölgəsinə və istehkam qalasına çevriləcək. Təəssüf ki, Sədərək rayona çevrildikdən sonra gözlənilənin tam əksinə proseslər getdi. Naxçıvan Muxtar Respublikası və yerli hakimiyyət başçılarının diqqətsizliyi nəticəsində rayon əhalisi getdikcə öz yurd-yuvalarını tərk edib başqa ölkələrə qaçdı. Beləcə, 15 min nəfərlik Sədərək rayonunda hazırda, iddialara görə, cəmi 3 min adam qalıb. Kənd sakini Vidadi Rzayevin redaksiyamıza göndərdiyi məktubda bildirdiyinə görə, xüsusilə yerli rəhbərliyin qohumbazlığına və korrupsionerliyinə son qoyulmasa, yaxın zamanlarda Sədərək ümumiyyətlə insansız yaşayış məntəqəsinə çevriləcək.
Sədərəyin strateji əhəmiyyətini nəzərə alıb şikayət məktubunu olduğu kimi diqqətinizə çatdırırıq.
Salam, Heydər bəy!
Mən Rzazadə Vidadi Zeynal oğlu, Sədərək rayon sakini kimi kəndimizin problemlərini sizin vasitənizlə paylasmaq istəyirəm. Ulu öndər rəhmətlik Heydər Əliyev Sədərək haqqında belə demişdir: “Sədərək Naxçıvanın qeyrət qalasıdır”.
Amma hazırda Sədərək rayon icra başçıları o qalanı dağıdırlar. İstər bugünkü, istər bundan əvvəlki icra başçıları qohum-əqrabalarını başlarına toplayıb savadlı-savadsız işlə təmin edırlər. Rayonun imkanlarından oz dədələrinin malı kimi istifadə edirlər. Bu amansız istismarın nəticəsində Sədərək kəndində 15 min əhalidən 3 min qalmayıb, hamı kəndi tərk edib və edir. Bu gedişlə yaxın zamanlarda Sədərək tamamilə tərk edilmiş kəndə çevrilə bilər.
Halbuki Sədərək Azərbaycanımızın ən strateji bölgəsidir, Turan Yolu bu kənddən başlayır. Bu qədər strateji əhəmiyyətinə və Naxçıvanın ən böyük kəndlərindən biri olmasına baxmayaraq, Sədərəkdə yerli rəhbərliyin səhv, bəlkə də məqsədyönümlü siyasəti nəticəsində həyat şəraiti günü-gündən pisləşir. Kəndimzə 10 ildir içməli su çəkilir, amma hələ də yarımçıq qalıb, yollar bərbad gündədir. Əkin-biçin sahələrindən isə heç danışmağa dəyməz. Martın 10-dur suvarma suyumuzu indiyədək verməyiblər. İcra başçısı ancaq pul yığır, 480 hektar bələdiyyə torpağını verib oz qohum-əqrabası əkir .
Sədərək balaca yer olmasına baxmayaraq rayon statusu daşıyır. Burada çoxlu idarə və təşkilatlar var, orda olan iş yerlərində işləyə bilmək üçün gərək ya icrada adamın, ya da pulun ola.
Hörmətli Ali baş komandan Cənab İlham Əliyevin Naxcıvanımıza təyin etdiyi xüsusi Nümayəndə Fuad Nəcəfli rayonumuza gəlmişdi, hamını bir-bir qəbul edib dinləyirdi, biz də dərdinizi deyirdik. Amma icra başçısı bizim Fuad Nəcəfliyə dediyimizin əksini bildirir, bizi yalançı çıxartmağa çalışırdı. Buna nə ad vermək olar, bilmirəm. Amma Ali baş komandan həmişə çıxışlarında icra başçılarına həmişə xəbərdarlıq edib tapşırır ki, insanların qeydinə qalın, dərdlərini dinləyin, vəzifənizdən sui-istfadə etməyin. Sizi vəzıfəyə mən təyin edirəm mən də cıxardıram. Sədərəyin icra hakimiyyəti isə Cənab Prezidentin tapşırıqlarının əksinə gedərək, öz bildiklərini edir.
Hörmətli Heydər Oğuz bəy, sizdən artıq dərəcə xahiş edirəm, mənim yazdıqlarımı işıqlandırasınız. Telefon nömrəmi də paylaşasınız ki, iradı, sözü olan sizi narahat etməsin, birbaşa mənə zəng vursun: 077 545 79 43.
Hörmətlə, Vidadi Rzazadə.
HEYDƏR OĞUZ - OVQAT.COM
Şirvan şəhər İcra Hakimiyyətinin başçısı İlqar Abbasov rayondan olan xanımları “iməcilik” adı altına məcburi əməyə cəlb edib. TEREF.AZ yazır ki, bununla bağlı bir qrup şəhər sakini Demokrat.az-a şikayət göndərib.
Şikayətçilər iddia edirlər ki, martın 11-də İcra Hakimiyyəti rəhbərliyinin tapşırığı ilə Şirvan Şəhər Mərkəzi Xəstəxanasının tibbi heyəti də daxil olmaqla, rayonda çalışan qadınlara “ümumşəhər iməciliyinin keçirilməsi” adı altında məcburi şəkildə küçələr təmizlətdirilib.
Məlumata görə, iməciliyə çıxan qadınlara Şirvan şəhər İcra Hakimiyyəti rəsmilərinin müşayiəti ilə yol kənarlarındakı tullantılar və səkilər təmizlətdirilib, digər abadlıq işləri gördürülüb.
Sakinlərin sözlərinə görə, Şirvan şəhər İcra Hakimiyyəti rəhbərliyi texnika ilə görülməsi nəzərdə tutulan işləri qanunsuz şəkildə şəhərdə çalışan xanımlara gördürür.
Məsələ ilə bağlı Şirvan şəhər İcra Hakimiyyətindən telefon zənglərinə cavab verilməyib.
Teref.az olaraq sosial şəbəkə istifadəçisi Latafat Malikova Kürdəmir şəhər təhsilində baş verən özbaşınalıqlardan yazdığı şikyəti saytımılzda işıqlandırmışdıq.
https://teref.az/manset/274264-kurdemir-seher-1-sayli-tam-orta-mektebde-sagirdlerden-mecburi-qayda-6-manat-pul-yigilir-nazirlik-buna-son-qoyacaq.html
Şikayətə rekasiya gözlənilmədən bir az qəribə olub. Daha doğrusu bunu Kürdəmir sayağı reaksiyada adlandırmaq olar. Qanunsuzluqlara yol verənləri cəzalandırmaq əvəzinə bu qanusuzluğu ifşa edən xanımın yaxınlarına təzyiqlər göstərirlər. Yaxınlarına edilən təzyiqlərlə bağlı Lətafət xanım yazır:
"Sizə xəbərdarlıq edirəm.
Nə qədər nöqsan var yazacağam.
Məktəbin ucan binasından yazıram bacımı cağırırlar.
Məktəblərdə yığılan rüşvətdən yazıram,bacımı dərsdən cıxarıb təziq edirlər.
Ondan tələb edirlər statusumu silim.
Ömründə bir hədiyyə , bir dəstə gül almayan,yüksək səviyyədə dərs kecən bacımın həmin məmurlara bir sözü var." Mənim bacım müstəqildir, azaddır."
.
Məktəblər haqqında yazdığım statuslarımı məktəbin və rayonun qiymətləndirmədə yüksək bal yığan müəllim bacıma dəxli yoxdur.
Bacımı müəllimlərə tərifnamə , medal verəndə, dərs bölgüsü olanda axtarın.Axı o əsil müəllimdir.
Biz atamıza oxşamışıq. Savadlı, düz, əxlaqlı.
Nöqsanı düzəltməkdən məktəblərə bir bir zəng edirsiniz.
Bir də mənim ailəmi narahat edənləri məhkəməyə verəcəm .
Sabir demişkən yoxsa bu ayinədə özünüzü əyri gördünüz.
Lətafət Məlikova
Regional İnsan Hüquqları və Maarifləndirmə Mərkəzinin sədri,
Bakı İnsan hüquqları klubunun idarə heyətinin üzvü."
Teref.az olraq aidiyyətli qurumların reaksiya verəcəyinə ümid edərək, səhifəmizin onların mövqeləri üçün acıq olduğunu xəbər veririk!
Teref.az