www.dunyapress.info

idmət rəisi meşələrin qəniminə çevrilən mafiyanı niyə müdafiə edir? - İLGİNC

Yaradılıb 29.11.2023 10:53 | Baxış sayı: 230

Ekologiya və Təbii Sərvətlər Nazirliyinin (ETSN) Meşələrin İnkişafı Xidmətinin rəisi Cabbar Qəribov mediaya geniş müsahibə verib. Müsahibədə xidmət rəisi son günlər Yardımlı meşələrində baş verən yaşıl soyqırıma da münasibət bildirərək qeyd edib ki, şikayət edən sakinlər yoxlamalardan razı qalıblar. Şikayətçilərin necə razı salındığına keçməzdən əvvəl Cabbar Qəribovun müsahibəsindəki həmin hissəni olduğu kimi təqdim edirik:

– Son günlərdə Yardımlıda qanunsuz ağackəsmə ilə əlaqədar sosial şəbəkələrdə məlumatlar paylaşılır. Bununla bağlı nə deyə bilərsiniz?

– Yardımlı rayonunun Ləzir kəndinə yaxın meşə sahəsində qanunsuz qırıntıların baş verməsi barədə daxil olan şikayət əsasında, şikayətçinin iştirakı ilə əraziyə baxış keçirilib. Dövlət Ekoloji Təhlükəsizlik Xidmətinin, Meşələrin İnkişafı Xidməti əməkdaşlarının apardıqları araşdırma zamanı qanunsuz ağac kəsintisi faktı təsdiqini tapıb. Qanunsuz kəsilmiş ağacların hamısı qeydiyyata alınıb. Faktda cinayət əməli olduğundan toplanan materiallar aidiyyəti üzrə hüquq-mühafizə orqanlarına göndərilib. Ən əsası, şikayətçi araşdırmadan razı qalıb, sosial şəbəkələrdə yoxlamanın düzgün aparıldığını, ağacların diametrinə uyğun olaraq təbiətə dəyən ziyanın məbləğinin düzgün hesablandığını qeyd edib. Yada salım ki, ətraf mühitdə ən önəmli komponentlərdən biri də bizim meşələrimizdir və onları qorumaq hamımızın borcudur. Bu baxımdan, şikayət edən şəxsə sayıqlığına və təbiətimizə qayğısına görə təşəkkür bildiririk.

Cabbar Qəribovun niyə belə danışdığının səbəbini bilmirik. Amma şikayət edən sakinlərin redaksiyamıza və sosial şəbəkələrə ötürdüyü görüntülər xidmət rəisinin yalan danışdığını ortaya qoyur. Belə ki, yoxlama aparan ekologiya işçilərinin ağacların diametrini azı iki dəfə azaltdığı video görüntülərdə əksini tapıb. Və bunu qəsdən etdikləri də açıq aydındır. Sözügedən görüntülərdən sonra Cabbar Qəribovun belə müsahibə verməsi onun da bu işdə maraqlı tərəf olduğunu deməyə əsas yaradır. Əks halda xidmət rəisi yoxlamaların obyektiv keçirilməsi barədə fikir bildirməzdi.

VİDEO BURADA: https://www.youtube.com/shorts/_tPR2wdW50E

İkinci bir tərəfdən Ləzir meşələrində bütün qırıntıların araşdırıldığını deyən xidmət rəisi növbəti yalanını danışıb. Sakinlər bildirir ki, ekologiya işçiləri kiçik ərazidə yoxlama aparıb. 56 iri diametrli ağacı kəsilməsini müəyyənləşdirsələrdə, sənəddə 50 ağacı qeyd ediblər. Başqa qırıntı sahələri və ətrafdakı dolaylar yoxlanılmayıb.

Şikayətçilərin necə razı salınmasına gəlincə təkcə onu bildirmək istəyirik ki, Ləzir meşələrini qanunsuz ağac kəsintisi faktlarını ictimailəşdirən və mediaya açıqlama verənlərdən biri həmin meşə dolayına gözətçi təyin olunub. Görünür, Cabbar Qəribov əsl günahkarları cəzalandırmaq əvəzinə şikayətçiləri ələ almaqla işini bitmiş sayır…

Son zamanlar hüquq-mühafizə orqanlarının Meşələrin İnkişafı Xidmətinin əməkdaşlarına qarşı keçirdiyi əməliyyatlardan sonra Cabbar Qəribovun meşələrin qəniminə çevrilən ekologiya işçilərinin müdafiəsinə qalxması ilginc məqamlardan xəbər verir…

Mənbə: "aztoday.az"
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Qazaxın icra başçısı yeni naziri “ağzından süd iyi gələn uşaq” adlandırıb?

Yaradılıb 29.11.2023 09:42 | Baxış sayı: 499

Son illər ölkənin müxtəlif sahələrində, o cümlədən idarəetmədə aparılan islahatlar ciddi müsbət dəyişikliklərə səbəb olub. Bu fonda, illərlə kreslosuna yapışıb qalmış yaşlı məmurların gənc kadrlarla əvəzlənməsi xüsusi diqqət çəkir. Müasir texnologiyalarla ayaqlaşa bilməyən, sovet psixologiyasının əsiri olan odioz fiqurların yerinə müasir dünya görüşlü, çevik qərarlar qəbul etməyi bacaran cavan və perspektivli şəxslərin gətirilməsi idarəetməyə yeni nəfəs verir.

Yenilənmə, gəncləşmə siyasəti, təbii ki, köhnə məmurların ürəyincə deyil. Ürəklərində bu prosesdən narazılıq və narahatlıq keçirsələr də, dilə gətirməyə cəsarət etmirlər. Amma heç də hamısı yox…

Sən demə, ali rəhbərliyin qərarlarına açıq şəkildə etiraz etmək cəsarətini özündə hiss edən məmurlar da varmış. Bu fakt Müdafiə Sənayesi Nazirliyinə 37 yaşlı bir şəxsin rəhbər gətirilməsindən sonra xüsusi diqqət çəkib. Daha doğrusu, aşağıda adını çəkəcəyimiz məmurun “partlamasına” səbəb olub.

“TƏCRÜBƏSİZ, İDARƏETMƏ QABİLİYYƏTİ OLMAYAN, AĞZINDAN SÜD İYİ GƏLƏN UŞAQLARI YÜKSƏK VƏZİFƏLƏRƏ TƏYİN EDİRLƏR. MƏNƏ ÇATMIR DƏ! QƏBUL ETMİRƏM BELƏ TƏYİNATLARI!”.

Bu sözlər Qazax Rayon İcra Hakimiyyətinin (QRİH) başçısı Rəcəb Babaşova məxsusdur. Söhbət Prezidentin imzası ilə 2016-cı ildə vəzifəyə təyin edilmiş və 8 ildən çoxdur böyük bir rayona rəhbərlik (yerli sakinlərin dili ilə desək, ağalıq) edən bir məmurdan gedir. Və bu məmur, yenə Prezidentin imzası ilə təsdiqlənən digər təyinatlara etiraz edir!

Təəccüblüdür və təsəvvür etmək çətindir, hə? Bəli, bunu onun dilindən eşidənlər də öncə təəccübləniblər. “Bunu onun dilindən eşidənlər” deyərkən, ailə üzvləri və ya ən yaxın dostları nəzərdə tutulmur. İşin ən təəccüblü tərəfi odur ki, adam bu fikirləri rayon sakinləri ilə görüşlərin birində dilə gətirib – qorxmadan, çəkinmədən, açıq və acıqlı şəkidlə!

Yaxşı, başçı niyə od püskürüb? Cəsarətli olduğunu camaata göstərmək üçünmü? “Yuxarıdan” qorxmadığını nümayiş etdirmək üçünmü? Arxasının bərk olduğunu isbat etmək üçünmü?

Gəlin öz dilindən anlamağa çalışaq. Yuxarıdakı açıqlamaları verməzdən bir neçə ay öncə QRİH-in Aparat işçiləri ilə iclasda cənab Babaşov belə bir qəzəb-hikkə-narazılı dolu açıqlama verib:

“O ZAMAN MƏNƏ DEMİŞDİLƏR Kİ, SƏN QAZAĞA MÜVƏQQƏTİ GÖNDƏRİLİRSƏN, BİR AZ ORALARDA BAŞINI QAT, DAHA YÜKSƏK VƏZİFƏYƏ GƏTİRİLƏCƏKSƏN. AMMA 2016-CI İLİN MAYINDAN MƏNİ ATIBLAR BU BATAQLIĞA, YADA SALAN DA YOXDUR. BU 8 İLDƏ UŞAQ-MUŞAĞI YÜKSƏK POSTLARA GƏTİRDİLƏR, MƏNƏ VERDİKLƏRİ SÖZÜ TUTMADILAR. DEMƏLİ, MƏNİM BAŞIMIN ALTINA YASTIQ QOYUBLAR, YA DA İSTƏYİBLƏR Kİ, PUL XƏRCLƏYİM”.

Pul xərcləmək demişkən, adam sonradan “səhvini” anlayıb, öz təbirincə desək, “aldadıldığını” anlayıb və daha “ağıllı” davranmağa qərar verib. Başlayıb rayonu qarış-qarış satmağa, yağmalamağa, sərvət toplamağa – yenə öz təbirincə desək, “itirdiklərini geri qaytarmağa”. Bu gün mədəniyyət beşiyində, üç dövlətin qovşağında yerləşən yurdda, strateji bir rayonun inzibati mərkəzi olan Qazax şəhərində satılmamış, mənimsənilməmiş bir qarış torpaq qalmayıb. Adam uşaqların əyləndiyi, yaşlıların dincəldiyi parkları belə, satmaqdan tamahını saxlaya bilməyib.

Hörmətli başçı “yuxarıdan” gözləntilərinin doğrulmamasının (sanki ölkə başçısı buna vəd veribmiş kimi) acısını təkcə Prezidentin qərarlarına etiraz etməklə çıxara bilmir, hirsi bununla da soyumur. Tabeliyində olan məmurlara, tabeliyində olmayan idarə-müəssisələrin rəhbərlərinə və işçilərinə, məktəb direktorlarına, bağça müdirlərinə, hətta sıradan rayon sakinlərinə demədiyi təhqiramiz ifadə qalmayıb. Ağır söyüş-təhqirlərinə qarşı çıxanları ya işdən çıxardır (çıxartdırır), ya da şərləyir, ləkələyir, “ilişdirir”.

Bu cəsarətli məmurla bağlı rayon camaatı daha bir maraqlı faktdan danışır. Azərbaycanda tərif təəccüblü məsələ deyil, amma bəllidir ki, bu təriflərin bəlli ünvanları var və həmin ünvanların buna haqqı çatır. Məsələn, dövlət başçısı gördüyü böyük işlər, misilsiz xidmətlər qarşılığında, ən azından, Qarabağ zəfərinin memarı olaraq tam haqq edir ki, xalqı tərəfindən xoş sözlər eşitsin.

Bəs, Babaşov hansı haqqın sahibidir ki, şanını ucaltmaqla məşğul olsun? Bütün toplantılarda, görüşlərdə, kef məclislərində insanlar bir-bir ayağa qalxıb bunu mədh etməyə məcbur və məhkumdurlar. Artıq Qazaxda Prezident barədə xoş demək, iclaslarda dövlət başçısının xidmətlərindən danışmaq təcrübəsi arxivə göndərilib. Varsa-yoxsa, Rəcəb Babaşov! Ancaq onu mədh etməli, başqa rayonların icra başçılarını pisləyib bunu tərifləməli və “Allah sizi başımızdan əskik etməsin” duasını dilindən düşürməməlisən.

Deyəsən, adam həqiqətən cəsarətlidir. Heç bir məmurun dilinə gətirə bilmədiyi narazılığı mərdi-mərdanə bəyan edirsə, yuxarılarla olan məxfi söhbətlərini camaatla rahatca bölüşürsə, mədhiyyələrdə adını onu ora təyin edənin adından qabağa keçirə bilirsə, demək ki, gerçək cəsarət sahibidir. İndi belə bir məmuru təqdirmi edəsən, yoxsa tənqidmi?

Mənbə: Avronews

Bu uşaq evində uşaqlar soyuq su ilə çimizdirilir - VİDEO

Yaradılıb 29.11.2023 09:39 | Baxış sayı: 221

Xətai rayonunda yerləşən və fəaliyyət göstərən 3 saylı xüsusi internat məktəbində qalmaqallı olaylar nəinki bitmək bilmir, hətta bəlkə də "məşhurluğun zövqünü yaşamaq həvəsi"lə artmaqda davam edir.

"DogruXeber.az" xəbər verir ki, bir neçə ay əvvəl sakini olan yeniyetmələrdən birinin qalmaqallı açıqlaması ilə gündəmi silkələyən Xətai rayon 3 saylı internat məktəbi barəsində daha bir videogörüntü sosial şəbəkələrdə yayılıb. Hansı ki, həmin görüntülərdə bir xanım sözügedən məktəbin şəraitsizliyindən, müəllim çatışmazlığından, onkoloji xəstəliyi olan müəllimlərin dərs saatlarının satılmasından, rüşvət və yeyintidən bəhs edir.

Qeyd edək ki, bu məktəb birinci vitse-prezident Mehriban xanım Əliyevanın təşəbbüsü ilə 2016-cı ildə əsaslı təmir olunub və artıq oradakı atraksionların belə sınmış, istifadəyə yararsız olduğu deyilir. Xanım iddia edir ki, bir neçə ay əvvəl Xətai rayon icra hakimiyyətinin başçısı məktəbdəki nöqsanların iki ay müddətində aradan qaldırılacağına şəxsən söz verib və...

Bəli, "və"dən sonrası yoxdur, Rafiq Quliyev sözünü tutmayıb.
İnternat məktəblərinin tabe olduğu qurum Bakı şəhər İcra Hakimiyyətidir, amma onun da bəhs edilən görüntülərə qarşı hər hansı bir reaksiyasına rast gəlinmir.

3 saylı internat məktəbindən şikayətçi olan xanım iddia edir ki, məktəbdə müəllim çatışmazlığı var, lakin icra hakimiyyətində həmin məktəbin adına bir neçə maaş kartları mövcuddur. Yəni, kağız üzərində olan "işçilər"in maaş kartları.

Bəli, "kağız üzərindəki işçilər" anlayışı artıq uzun illərdir ki, bir çox dövlət qurumlarında "dəbdə" olan "gəlir yeri"dir, daha doğrusu dövlət büdcəsindən oğurluq üsulu desək tam dəqiq ifadə etmiş olarıq. Bu da bir reallıqdır ki, bir çox dövlət məmurları öz yaradıcılıq qabiliyyətlərini dövlətin və cəmiyyətin inkişafına deyil, dövlətdən pul oğurlamağın yollarını tapmağa sərf edirlər.

Necə ki, aylar öncə İmişli şəhər bələdiyyəsinin sədri Mehman İsmayılovun buna bənzər taktikasının şahidi olmuşduq. Yeri gəlmişkən, elə bələdiyyə sədri Mehman İsmayılov da redaksiyamıza Əsmər Əkbərovanın adına əmək haqqı yazılması prosesini məhz İmişli rayon İcra Hakimiyyətinin başçısı Elçin Rzayevin tapşırığı ilə həyata keçirdiyini etiraf etmişdi.
Amma, nədənsə aidiyyatı qurumlar hələ də susur...

Əlqərəz...

Bu dəfə mövzumuz Xətai rayonu və Bakı şəhər icra hakimiyyətlərinin nəzarətində olan 3 saylı internat məktəbindəki yeyinti və baxımsızlıqdır.

Yeri gəlmişkən, son illər tez-tez yayımlanan və səs-küy doğuran mövzulardan biri də məktəblərdə, uşaq bağçalarında və uşaq evlərində uşaqların müəllim tərəfindən şiddətə məruz qalması barəsində olan xəbərlər və şikayətlərdir. Zaman-zaman güclü ictimai qınaq qarşısında şiddət uyğulayan tərəfin işindən azad edildiyi, yaxud töhmət verildiyi və sair kimi cəza növləri barəsində mətbuatda yer alan xəbərləri də çox görmüşük. Lakin, görünən odur ki, bundan "dərs götürən" bəzi müəllimlər şiddətə son qoymaq yerinə, şiddət göstərməyin daha fərqli, özü üçün təhlükəsiz versiyalarını kəşf ediblər.

Xətai rayon 3 saylı internat məktəbindən yayımlanan daha bir görüntülərdə azyaşlı uşaq müəllimənin cəza olaraq, onu soyuq su ilə çimizdirdiyini deyir və bunun şahidi olan digər uşaqlar da bunun həqiqət olduğunu təsdiq edirlər.

Videonu izləmək üçün bu mavi yazıya toxun !!!

Bu isə o, deməkdir ki, nə bir neçə il əvvəl bu məktəbdə etiraz edən müəllimlər, nə aylar əvvəl yemək verilmədiyindən danışan, dövlət tərəfindən onlara göndərilən qida məhsullarının mənimsənilməsini açıqlayan yeniyetmə və sair kimi olaylar, nə sözügedən məktəbin direktoruna, nə də icra hakimiyyətlərinə zərrə qədər təsir etməyib. Çünki, onlar üçün hər hansı bir problem yaranarsa, o məktəbdə yaşadıqlarını dilə gətirən yeniyetmənin xəstə olduğunu iddia edərək, onu, el arasında "dəlixana" deyilən psixoterapiya xəstəxanasına yerləşdirmək kimi müxtəlif vasitələrlə digər problemləri də rahatlıqla dəf edəcəklərindən əmindirlər.

Hər halda mətbuatın və cəmiyyətin gözünün önündə baş verən hadisələr belə düşünməyə əsas verir.

Redaksiyamız hər kəsin söz haqqını tanıyır.

DogruXeber.az

Möhbalıyev "həmkarlara" ayrılan vəsaitin artırılmasını istədi VƏ... - Putyovkalar 30 faiz bahalaşdı

Yaradılıb 29.11.2023 08:27 | Baxış sayı: 214

Bir neçə gün əvvəl parlamentin Əmək və sosial siyasət komitəsinin iclasında Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev dolayı yolla sanatoriyalara getmək üçün putyovkalarla bağlı dövlət büdcəsindən ayrılan vəsaitin artırılmasını tələb etdi.

Qaynarinfo-nun məlumatına görə, Səttar Möhbalıyev bildirib ki, 10-15 il bundan əvvəl Əmək və Əhalinin Sosial Müdafiəsi Nazirliyi tərəfindən ayrılan vəsait hesabına 35 min insanı sanatoriyalara getmək üçün putyovkalarla təmin etmək mümkün idi: "Amma hazırda ayrılan həmin vəsait hesabına yalnız 12 min insana putyovka verə bilirik. Odur ki, bu kimi məsələlərə baxılmasını təklif edirəm".

Apardığımız araşdırmaya əsasən, AHİK 16135 həmkarlar ittifaqı təşkilatını və təqribən 1121946 həmkarlar ittifaqı üzvünü əhatə edir. Bu, 2021-ci ilin statistik göstəricisidir. Hazırda həmin rəqəm 1,2 milyon nəfəri əhatə edir.

Bu gün heç kimə sirr deyil ki, dövlət qurumlarında və digər təşkilatlarda çalışanların aylıq əmək haqqından ayrılan üzvlük pulları hesabına həmkarlar təşkilatına milyonlarla vəsait daxil olur. Onlar arsında illərdir ki, əmək haqqından həmkarlar təşkilatına vəsait ödəyib, putyovka almayanlar da var. O, da sirr deyil ki, əksər həmkarlar təşkilatı rəhbərləri putyovkaları öz yaxınlarına verir və ya satır, ən yaxşı istirahət yerlərinə rəhbər şəxslərin özləri və yaxud yaxınları göndərilir.

AHİK-in tabeliyində olan "Kurort" Qapalı Səhmdar Cəmiyyətinin tərkibində 5 sanatoriya mövcuddur. Bu sanatoriyaların əksəriyyətində putyovkalar satılır. Satışdan gələn gəlirin hara sərf olunması isə Səttar Möhbalıyev və onun çevrəsindən başqa heç kimə məlum deyil.

İnsanlar "Kurort" QSC-də putyovkaları həm nağd şəkildə ödəniş etməklə, həm də cəmiyyətin hesabına müvafiq vəsaiti köçürməklə əldə edə bilirlər. Bu sanatoriyalarda ötən il 1 nəfərin günlük istirahəti üçün 40 manatdan 65 manata kimi putyovka satırıldısa, hazırda bu vəsaitin məbləği 30 faizdən çox artırılıb.

"Şıx" sanatoriyasında (dayaq-hərəkət xəstəliklərinin müalicəsi) bir günlük bir nəfərin istirahəti 77-85 manat arasında dəyişir. Sanatoriya əməkdaşı saytımıza açıqlamasında qiymət artımının səbəbini son illər müşahidə olunan bahalaşma ilə əlaqələndirib.

"Abşeron" mədə-bağırsaq sanatoriyasında bir nəfərin istirahəti ötən il günlük 35-45 manat arasında idisə, hazırda bu rəqəm 58 manatdan 78 manata kimi dəyişir. Sözügedən sanatoriyanın əməkdaşı da saytımıza açıqlamasında qiymət artımını ərzaq və qeyri-ərzaq məhsullarının dəyərinin artması ilə əlaqələndirib.

Əldə etdiyimiz məlumata görə, imtiyazlı şəxslər üçün putyovkalardan yalnız şəhid ailələri və kiçik qrup əlillər istifadə edirlər. Dövlət qurumların tabeçiliyində fəaliyyət göstərən həmkarlar təşkilatlarının özlərində də güzəştli şərtlərlə işçilərə verilən putyovkaların qiyməti qaldırılıb.

AHİK-in Mətbuat və ictimaiyyətlə əlaqələr şöbəsinin müdiri Rəşad Nəsirov sözügedən məsələ ilə bağlı Qaynarinfo-ya açıqlamasında bildirib ki, dövlət büdcəsindən ayrılan vəsait artırılarsa, həmkarlar tərəfindən istirahətə göndərilənlərin sayında da artım olacaq:

"Təbbi ki, biz dövlət büdcəsindən bu məsələyə ayrılan vəsaitin artırılmasını istəyirik. AHİK sədri Səttar Möhbalıyev də parlamentin komitə iclasında da bu məsələyə aydınlıq gətirdi. Amma dövlət büdcəsindən məbləğin nə qədər artırılması mənim səlahiyyətimdə olan məsələ deyil. Səttar müəllim hazırda Türkiyədə səfərdə olduğundan bu məsələyə açıqlama verə bilməyəcəyik".

AHİK rəsmisi bəzi dövlət qurumlarından putyovkalar satılması və yaxud öz qohum-əqrabalarına verilməsi ilə bağlı məsələyə isə belə aydınlıq gətirib:

"Bu barədə AHİK-ə heç bir məlumat daxil olmayıb. Əgər ittifaq üzvü putyovka satılması ilə bağlı faktla üzləşibsə, o zaman AHİK-in qaynar telefon xəttinə (012 492 66 93) və elektron poçt (info@ahik.org) ünvanına müraciət edə bilər. Bütün müraciətlər araşdırılır və iddia olunan fakt öz təsdiqini taparsa, müvafiq tədbirlər görülür".

Facebook-da paylaş

Kəmaləddin Heydərovun qohumu Ağdaşı belə məhv edir

Yaradılıb 29.11.2023 08:25 | Baxış sayı: 144

Yazıma Ulu öndə Heydər Əliyevin söylədiyi “Bayrağmız dövlətçiliyimizin və müstəqilliyimizin rəmzidi” sözləri ilə başlamaq istəyirəm. Yazıma bu sözlərlə başlamaq isə heçdə əbəs yerə deyil. Yazıda sizə Fövqəladə Hallar Naziri Kəmaləddin Heydərovla yaxın qohumuğu ilə bilinən Ağdaş rayon İcra başçısı Tofiq İbrahimovun ölkə bayrağına hörmətsizliyi və rəhbərlik etdiyi rayonda baş verənlərdən məlumatsız olmasından və vurdum duymazlığından yazacam..
Ölkə başçısı Cənab İlham Əliyevin
14 aprel 2012-ci tarixində imzaladığı sərəncamla Tofiq İbrahimov Ağdaş rayonuna İcra başçısı təyin edilmişdi. Təyinatından bu günə qədər Tofiq İbrahimov demək olar ki, Ağdaş rayonu üçün ürək açan bir iş görməmişdi. Ağdaş rayonundan edilən şikayətlərdən də aydın görünür ki, bu firimiz də yanılmamışıq 11 il rayona rəhbərlik edən T. İbrahimov Ölkə başçısının rayonda səlahiyyətli nümayəndəsi olaraq rayon əhalisi arasında məşğulluğun artırılması sosial rifahın və rayonun infrastrukturunun yaxşılaşdırılması yönündə məqsədli olaraq çalışmayıb.

Bir nüansı da nəzərənizə çatdırım ki, Tofiq İbrahimov Ağdaş əhalisinin güzaranının yaxşılaşdırılması yönün də bir iş görməməsi ilə yanaşı ölkə atributlarına da hörmətsizlik edir. Bir neçə gün öncə sosial şəbəkə istifadəçisi Murad Rza Oğlunun Ağdaş rayon bayraq meydanından çəkib paylaşdığı videodan da aydın görsənir ki, rayonun İcra hakimiyyatinin inzibati binasının bir neçə yüz metirliyində yerləşən rayonun bayraq meydanından T.İbrahimovun xəbəri yoxdu..

Ən dəhşətlisi isə yazını hazırlayan zaman icra başçısı haqqında bizə deyilən söz oldu. Çünki yazını hazırlayan zaman icra başçısının fəaliyyəti haqqında araşdırma aparırıq və bəzi məlumatları rayonda olan mənbəmizdən dəqiqləşdiririk. Məlumatı dəqiqləşdirən zaman bizə olduqca çox maraqlı sual verildi. Siz bilirmisiniz ki, Tofiq İbrahimov Fövqaladə Hallar Naziri Kəmaləddin Heydərovun qohumudu? Buradan belə çıxır ki, T.İbrahimovun etdiklərindən föqal nazir Kəmaləddin Heydətərovun da məlumatı var.
Tofiq İbrahimov rayona rəhbərlik etdiyi 11 il ərzində demək olar ki, rayon düşüş dövrünü yaşamışdı.
Araşdırmamız davam edir.
24 saat.az

Facebook-da paylaş

"Bu həkimdən uzaq durun" - , 6 saylı Doğum Evində nə baş verir? Video

Yaradılıb 28.11.2023 10:04 | Baxış sayı: 255

Sosial şəbəklərdə tanınmış blogger olan Şəhriyar Nadir video paylaşıb. Gundeminfo.az xəbər verir ki, Şəhriyar Nadir Bakıda 6 saylı Doğum Evində ona qarşı fırıldaq edilyini iddia edib.

Şəhriyar Nadir bildirib ki, həyat yoldaşın doğuçla əlaqədar 6 saylı doğum evinə aparıb. O İcbari Tibbi Sığortanın imkanlarından yararlanmaq qərarına gəlib.

Ş.Nadir deyir ki, Doğum Evinə müraciət etdiyi zaman onu Kəmalə Heydərova adlı gəkim qəbul edib.

Lakin doğuş prossesində əməliyyyat zamanı həkimiin səhvi qüzündən həyat yoldaşının səhhətində cidi problemlər yaranıb. O iddia edib ki, məhz həkim Kəmalə Heydərovanıın əməliyyat zamanı etdiyi səhvi üzündən həyat yoldaşınn həyatına ciddi təhlükə yaranıb. Daha sonra K.Heydərova Şəhriyar Nadirə deyib ki, daxili qanaxma baş verib və xəstə təkrar əməliyyata alınmalıdır. Təkrara əməliyyat zamanı isə Ş.Nadirdən 1000 manata yaxın pul istəyən Kəmalə Heydərovadan şikayətçi olan bloggerin video müraciətini sizlərə təqdim edirik.

Eyni zamanda Gundeminfo.az olaraq səhifəmizdə bütün tərəflərin mövqeyini yayımlamağa hazırıq.

Direktor Yardımlı meşələrində baş verən yaşıl soyqırımı belə gizlədir - NAZİRİN NƏZƏRİNƏ...

Yaradılıb 28.11.2023 09:59 | Baxış sayı: 133

Yardımlı rayonunda meşələrin kütləvi şəkildə məhv edilməsi fonunda baş verən ekoloji cinayəti gizlədilməsinə cəhdlər göstərilməsi barədə xəbər vermişdik.

Bildirmişdik ki, 11 Saylı Regional Meşə Təsərrüfatı Mərkəzinin 1 saylı meşəbəyliyinin 2 saylı dolayında meşəni son bir-neçə həftədə talan ediblər.

AzToday.az-ın əldə etdiyi məlumatlar isə göstərir ki, Ekologiya və Təbii Sərvətlər Nazirliyinin yayılan görüntülərlə bağlı yoxlamaları yerli ekologiya idarəsinin rəhbərliyinin məsuliyyətini azaltmaq məqsədi ilə keçirilir. Belə ki, yoxlamaya cəlb olunan şəxslərin yerli ekologiya idarələrinin işçisi olması fonunda ağacların kütləvi kəsilməsi və işlik materiallar üçün cavan toğaların kəsilməsi faktları rəsmiləşdirilmir.

Şikayətçilərin birinin redaksiyamıza təqdim etdiyi görüntülər yoxlama aparan ekologiya işçilərinin müdhiş saxtakarlığa əl atdığını göstərir. Belə ki, diametri 1.1 metr olan ağacı ekologiya müfəttişi Rauf ölçü qoyulmamış 52 santimetr göstərir və bu barədə ölçünü götürən şəxsə piçıltı ilə bildirir. Görüntülərdə cinayət faktını əks etdirən səs aydın şəkildə eşidilir.

Bunu etməkdə məqsəd cinayət faktını gizlətməkdir. Çünki mövcud normativ sənədlərdə qanunsuz kəsilmiş ağacın diametri 52 sm və ondan aşağı olduqda cərimə 50 manat yazılır. 52-dən yuxarı hər santimetrə görə isə əlavə 33 manat cərimə hesablanır. Videoda görünən ağacın diametri 110 santimetrdən çox olduğu görünür ki, bunun da cəriməsi ən azı 1954 manat edir. Müfəttişlərin isə sözügedən ağaca 50 manat cərimə yazmaq istədiyi tam şəkildə aydın olur. Onların hansı səbəbdən bu addımı atdığını səbəbini və baş verən ekoloji cinayət faktını hüquq-mühafizə orqanları araşdırmalı və günahkarları layiqli şəkildə cəzalandırmalıdır.

Redaksiyamıza təqdim olunan foto və videolardan isə açıq şəkildə görünür ki, Ləzir meşələrindəekologiya işçilərinin iştirakı ilə baş verən yaşıl soyqırımda yüzlərlə iri diametrli ağaclar kəsilib. Amma 11 Saylı Regional Meşə Təsərrüfatı Mərkəzinin rəhbərliyi baş verən cinayət faktını gizlətməyə çalışır. Belə ki, Mərkəz direktoru Nəsimi Nəsibov bu günlərdə şikayətçilərdən birini meşə gözətçisi təyin etdirməklə cinayət faktını üstünü örtmək niyyətindədir…

Ümid edirik ki, nazir Muxtar Babayev Ləzir meşələrində baş verən yaşıl soyqırımın yenidən yoxlanılması barədə qərar verəcək. Və cinayətə yol verən Meşə Təsərrüfatı Mərkəzinin rəhbərliyi barədə cinayət işinin başlanılması barədə hüquq-mühafizə orqanlarına müraciət edəcək. Əks təqdirdə Meşə Təsərrüfatı Mərkəzinin rəhbərliyi tərəfindən meşələrin məhv edilməsi prosesi daha geniş miqyasda davam etdiriləcək.

Mənbə: AzToday.az
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

“Araz” super-marketi həm müştəriləri, hım də “Ariel”i aldadır

Yaradılıb 28.11.2023 09:22 | Baxış sayı: 254

“Araz” super-marketlər şəbəkəsinin mağazalarında satılan bəzi mallara endirim kampaniyaları tətbiq olunur. Endirim elanları hətta radio verilişlərinin içində reklam kimi səsləndirilir və səsgücləndirici qurğular vasitəsilə mağazaların salonunda müştərilərə də eşitdirilir.
Hərçənd, hər şey heç də göründüyü, göstərildiyi kimi deyil. Bu günlərdə redaksiyamıza müraciət edən müştəri bildirir ki, “Araz” marketlər şəbəkəsinin Bakı şəhəri, Azadlıq prospekti – 103 ünvandakı mağazadan toplam qiyməti 42.60 AZN təşkil edən bir neçə adda məhsul, o cümlədən, 5 kq-lıq bağlamada “Ariel” yuyucu tozu alıb. Müştərinin mağazanın içində çəkdiyi fotoşəkildən bəlli olur ki, yuyucu tozun 5 kq-lıq bağlamasının qiyməti 30.99 AZN-dən 15.99 AZN-ə endirilib. Müştəri malları alıb evə qayıdandan sonra mağazanın kassasından verilən qəbzə baxıb görüb ki, yuyucu toz ona 15.99 AZN-ə deyil, 21.99 AZN-ə satılıb. Beləliklə, müştəri 6 AZN aldadılıb.
Məsələ ilə əlaqədar “Araz” super-marketlər şəbəkəsinin aid olduğu “Veysəloğlu” Şirkətlər Qrupunun ictimaiyyətlə əlaqələr müdiri Pərvanə xanımla vatsapp vasitəsilə əlaqə saxladıq. İlk əvvəl şirkət rəsmisi problemi sistem xətası kimi təqdim etməyə çalışdı: “Bunların elanı artıq mağazalarda gedir radioda. Endirim çox olduğu üçün kassada sistemi dəyişməyə ləngiyir əməkdaşlar. Çeki dərhal təqdim etsinlər, dəyişsinlər”. Öz növbəmizdə bildirdik ki, hər şeyi olduğu kimi dərc edəcəyik, hadisəni də, onun verdiyi izahı da. Pərvanə xanım əvvəlcə “lazım deyil, Siz soruşdunuz, mən cavab verdim”, sonra isə “özünüz bilin” dedi və ardından həmin müştəriyə ünvanladığı belə bir tövsiyəsini çatdırmağı bizdən xahiş etdi: “Siz o müştəriyə deyin ki, çeki əlinə götürüb “Nəşriyyat”ı gəzənə qədər mağazada pulunu geri alsın. Ya da o müştəri Siz özünüz deyilsəniz”.
Pərvanə xanım bizə vatsap vasitəsilə mağaza əməkdaşının səsini də göndərdi: “Burda heç bir problem yoxdur, qiymətlər doğru keçir. 30 AZN-lik çek tamamlananda məhsul endirimə düşür. Burda 30 AZN endirimdə olan “Ariel”lə bir yerdə tamamlanıb. Elə olmalı deyil. Yəni, digər məhsulların cəmi qiyməti 30 AZN olmalıdır ki, “Ariel” endirimə düşsün. Burda heç bir qiymət fərqi yoxdur. Yəni, “Ariel”in normal qiyməti 21.99 AZN-dir, həmin qiymətlə də keçib, burda heç bir səhv yoxdur. 21.99 AZN-ə olan mal ümumiyyətlə, endirimdə olan mal deyil, endirimdə olan 5 kq-lıq maldır. 21.99-a olan 3 kq-lıq “Ariel”in qiymətidir”.
Bunun ardından şirkət rəsmisinin növbəti mesajı gəldi: “Ariel” məhsulundan 30 AZN-lik alanı nəzərdə tutur. Bu endirim “Araz”ın yox, “Ariel”in verdiyi endirimdir. Məhsul istehsalçısı öz məhsulundan daha çox sata bilmək üçün həvəsləndirici qiymət endirimi qoyub bizim mağazada. Siz səhv malı müqayisə edirsiniz. Endirim 5 kililuq “ariel”ədir, çekdəki 3 kq olan məhsuldur. Adam görmür ki, məhsul 3 kiloluq götürür, ya 5 kiloluq?”
Belə çıxır ki, “Araz” super-marketi“Ariel” yuyucu tozunun 5 kq-nı 15.99 AZN-ə, 3 kq-nı 21.99 AZN-ə satır? Hansı avam müştəri bu fürsəti qaçırar? Buradan belə nəticə hasil olur ki, “Araz” super-marketlər şəbəkəsi həm müştərini, həm də “Ariel” yuyucu tozunu onlara satdıran distribütoru da aldadır. Axı, “Araz”a kim ixtiyar verib ki, “Ariel”in etdiyi endirim hesabına müştəriyə özünün 30 AZN-lik digər məhsulunu sırısın?

Əgər müştəri doğrudan da 5 kq götürübsə, kampaniya indi də qüvvədədir 5 kq üçün, pulun qalığını alsın.

İbrahim Hümbətov

Aşıqbayram su anbarı elə bil DÖVLƏTİN DEYİL... - KİMİNSƏ ŞƏXSİ MÜLKÜDÜR...

Yaradılıb 28.11.2023 09:10 | Baxış sayı: 138

Redaksiyamıza iki gün əvvəl İsmayıllıdan ilginc informasiya daxil olmuşdu.
Söhbət Aşıqbayram su anbarı ilə bağlı idi. Qeyd olunan yazı dərc olunduqdan sonra əraziyə yaxın kəndlərdə yaşayan insanların müraciətləri artmağa başladı.

Bəli şikayətçi bildirir ki, deyilənlər həqiqətdir və bu məsələ ilə bağlı təxminən bir ay əvvəl rayon icra hakimiyyətinin başçısı Nahid Bağırovun qəbulunda da olublar. Biz başçıya bildirdik ki,gölün suyu qəsdən azaldılıb və məqsəd aydındır ancaq mal-qaramız palçığa batır və xüsusi texnika olmasa onları xilas edə bilmirik. Cənab başçı məsələ ilə bağlı öz göstərişini verdi ancaq müdir Elşad Quliyev onu eşitmədi və bu gün mənzərə göz qabağındadır.Həqiqətən meliorasiya rəisi balıq alverinə girişib və bu işi bir qrup idmançı və Qarabağ qazilərinin əli ilə həyata keçirir.
Hörmətli redaksiya: Elşad Quliyev qoçularına deyib ki,işinizi görün və kim sizə mane olsa əzişdirin qorxmayın lazım olsa yaxın qohumum korrupsiya idarəsində işləyir sizə kömək edəcək.Bu adam bilinmir ki, dövlət qulluqçusudur ya balıq alverçisi.
Hörmətli redaksiya: Biz sizə video çarxlar göndəririk və burada açıqca görünür ki, balıq tor ilə necə tutulub məhv olunur. Bütün bunlar 6-saylı regional ekologiya və təbii sərvətlər idarəsinin gözləri qarşısında baş verir, ancaq onlar dinə bilmir çünki bu işdən onlara da pay düşür.
Balıq tutulub "Dərə" kafesi adlanan yerdə satılır. Bütün sifarişçilər oradan gəlib alıb aparırlar.
Xahiş edirik bu məsələnin daha çox ictimailəşməsi işində bizə kömək edəsiniz.
Yaxın günlərdə biz bir qrup kənd sakinləri yenidən rayon icra hakimiyyətinə şikayət etmək üçün gedəcəyik. Əlimizdə olan foto və video çəkilişləri tədricən sizə göndərəcəyik.Ancaq xahiş edirik ki, bu materialları it-bata salmayasınız çünki bir xeyli yerli və respublikanın başqa yerlərində olan saytlara, YouTube kanallarına müraciət edərək kömək istəmişik aldığımız cavab bu olub ki, Elşad müəllim dostumuzdur bizlik deyil.Yəqin onlara da balıq kababı yedizdirirlər?

Əvvəlcədən təşəkkür edirik
Hörmətlə bir qrup İsmayıllı sakini.

Mövzu tərəfimizdən araşdırılır.

Mənbə: azerinfo.info
Təqdim etdi: DİA-AZ.COM (Ərsoyun Bloqu)

Burda tibbdən... təbabətdən başqa HƏR ŞEY VAR... - İLGİNC İDDİALAR...

Yaradılıb 28.11.2023 09:08 | Baxış sayı: 152

Ölkə səhiyyəsində son illər aparılan islahatlar nəticəsində xeyli irəlləyişlər olsada, bu hələki tibb sahəsini tam əhatə eləməyib. Bir çox xəstəxana və tibb məntəqlərində hələdə hələdə rüşvət, xəstələrə baxımsızlıq və sair problemlər qalmaqdadır.

Belə problemli qurumlardan biri də uzun müddətdir ki, ölkə mətbuatının gündəmindən düşməyən Sabirabad Sabirabad rayon Mərkəzi Xəstəxanasıdır. Bir müddət öncə Sabirabad rayon Mərkəzi Xəstəxanasına yeni direktor təyinatı baş verdi. Belə ki, adı müxtəlif növ korrupsiyada və qurumu idarə edə bilməməkdə hallanan Ənvər Lumanov vəzifəsindən çıxarıldı və yerinə tibb üzrə fəlsəfə doktoru Həsən Hüseynov təyin edildi. Ancaq Həsən Hüseynovun Sabirabad xəstəxanasına direktor təyin edilməsindən sonra da adı çəkilən qurumda yenə problemlər qalmaqda davam edir.

AzFakt.com-a daxil olan məlumata görə Sabirabad xəstəxanasında yeni direktor yenə də köhnə “komanda”üzvüləri ilə işləməkdə davam edir. Belə ki, xəstəxananın uşaq doğum şöbəsinin baş tibb bacısı Sevinc Hüseynova Həsən Hüseynovun ən yaxın adamı olmaqla bərabər, həmdə keçmişdə olduğu yenə də qurumu qeyri – rəsmi idarə edir. Baş tibb bacısı vəzifəsinidə üstələyən Sevinc Hüseynova direktor və baş həkimdən sonra xəstəxanada üçüncü şəxs olduğu bildirilir.

Məlumat mənbəmiz qeyd edir ki, idarəçiliyin Sevinc Hüseynova verilməsi yeni direktor Həsən Hüseynovada sərf edir. Çünki baş tibb bacısı özünün sərt və kobud xasiyyəti ilə xəstəxanada nizam intizam yaradır. Ancaq getdikcə güclənən və direktoruda “ovucuna” alan Sevinc Hüseynovanın tibbi personala yuxarıdan aşağı baxması, hətta onları təhqir eləməkdən belə çəkinməməsi o anlama gəlir ki, Sevinc Hüseynova keçmiş xələfi Lalə Dadaşovanın etdiklərindən nəticə çıxartmayıb. Bu o, Lalə Dadaşova idi ki, Sevinc Hüseynovanın bütün iplərini əlinə alaraq, tərpənməyə qoymurdu…

Mənbə: "AzFakt.com"
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

213 -dən səhifə 569