4 aydır ki, icra başçısı 5 aparıcı vəzifəyə kadr tapmır - Masallıda kadr qıtlığı...

Yaradılıb 01.12.2022 09:18 | Baxış sayı: 90
Ardını oxu...
Masallıya 4 ay öncə icra başçısı təyin edilən Araz Əhmədovun uğurlu işləri az deyil. Amma narahatçılıq doğuran məqamlar da diqqətdən yayınmamalıdır. Bəzilərinin xoşuna gəlsə də, gəlməsə də həmin uğurların və uğursuzluqların bir çoxunu sadalamışıq, yeri gəldikcə digərlərini də sadalayacağıq.

Əsas odur ki, Masallıda sanki bir xof var idi, o götürülüb; əksəriyyət sanki bir-birini güdür, ən yaxın dostlar bir-birinin üzünə durmağa, şantaj edilməyə məcbur edilirdi.

Hazırda diqqət çəkən, əksəriyyətin maraqla gözlədiyi bir suala çoxları cavab gözləyir; bir neçə aydır ki, vakant olan mühüm vəzifələrə kimlər təyinat alacaq?

Görünən odur ki, aparıcı vəzifələrdə kök salanları işdən çıxartmaq bir dərd idisə, onların yerinə layiqli kadr tapmaq daha böyük dərd imiş.

Hazırda Masallıda hansı vəzifələr vakantdır?

Masallı İH Başçısının 1-ci müavini;

Ərazi İdarəetmə və Yerli Özünüidarəetmə orqanları ilə iş şöbəsinin müdiri;

Memarlıq və Tikinti şöbəsinin müdiri;

Sənədlərlə və vətəndaşların müraciəti ilə iş şöbə müdiri və bu şöbənin məsləhətçisi;

İH Başçısının Masallı Şəhər İnzibati Ərazi Dairəsi üzrə nümayəndəsi və müavini;

İH Başçısının Yeddioymaq Kənd İnzibat Ərazi Dairəsi Nümayəndəsi və müavini.

İcra başçısının sürücüsü. (Xatırladaq ki, bu iş də elə belə iş deyil)

Kadr çatışmazlığı, necə deyərlər, gözə girir. Nədən 230 mindən yuxarı əhalisi olan bir rayonda xeyli təhsilli kadrların işsiz olduğu vaxtda, aylıq məvacibi 1000-1500 manat olan bu vəzifələrə kadr tapmaq belə çətin olub?

Versiyalar:

1. İcra başçısı tərcümeyi-halı təmiz, qaranlıq keçmişi olmayan, həm də peşəkarlığı, mədəniyyəti, tamahsızlığı, adamlarla işləmək bacarığı olan kadr axtarır;

2. Məhz icra hakimiyyətində rüşvətə, təmənnalı münasibətə kəskin qadağa qoyulduğu üçün heç kim “quru maaş”la işləmək istəmir;

3. İcra başçısının Masallıdakı iş adamları və paytaxtda ciddi nüfuzu olan məmurlar arasında kifayət qədər dostları var. Və həmin şəxslər bu mühüm postlarda da “öz kadrlarını” görmək istəyir. Belə ki, 1 kresloya 4-5 nəfər göz dikib və həmin vəzifəyə 1 nəfəri təyin etmək, digər 4-5 nəfəri narazı salmaq deməkdir. Həm də hər şeyə diqqət edənlər həmin təyinata görə təxmin edəcəklər ki, icra başçısı hansı qüvvəyə güvənir.

4. İcra başçısı kadrları elə adamlardan soruşur ki, onlar da həmin vəzifələrə özlərindən də zəifləri təklif edir, daha qabarıq görünsünlər. Başqa cür ola da bilməz. “Güllə”ni öz “ayaq”larına vurmayacaqlar ki?

5. Belə bir versiya da var ki, yanvar ayında icra hakimiyyətlərində ciddi struktur dəyişikliyi olacaq və buna görə boş yerlərə təyinatlara maraqlı deyillər.

(Başqa versiyası olan varsa, buyurub bu yazının paylaşılacağı Zahir Amanov FB səhifəmizin şərh bölümündə yaza bilər).

Onu da xatırladaq ki, bu vaxta qədər bir neçə idarə müdiri, ərazi nümayəndəsi, müavini, məsləhətçisi işdən azad edilib və yerinə təyinatlar da olunub. Lakin bu təyinatların bəzisi elə də uğurlu alınmayıb. “Yaşıllaşdırma” və “kommunxoz” adlanan təşkilatlara, eləcə də qeyri-rəsmi köməkçi vəzifəsinə rəhbərlərin digər məkanlardan (“Yaşıllaşdırmaya” Gəncədən, “kommunxoza” Bakıdan(Astara əsilli), qeyri-rəsmi köməkçinin Naxçıvandan gətirilməsi maraqlı suallar doğurdu.

Həmçinin əksəriyyətin yaxşı insan, cəsarətli və işgüzar kadr kimi tanıdığı Barat Nağıyevin (Yeyənkənd Ərazi Dairəsi üzrə nümayəndəsi ) tələsik, təsadüfü səbəbdən işdən azad edilməsi heç də razılıqla qarşılanmadı. Əksinə, iş və mənəvi keyfiyyətlərinə görə Barat müəllimdən xeyli aşağı ranqda olanların vəzifədə saxlanması və qorunması da təəccüb doğurur.

Eləcə də İcra Hakimiyyətinin özündə vəzifədə qalanlara baxanda, bəzən gedənlərə həsəd aparırsan.

Memarlıq və Tikinti şöbəsinin müdiri işləmiş Abbas Mikayılovun da vəzifədən getməsi sual doğuran məsələlərdəndir. A. Mikayıovun təbii ki, nöqsanları var idi. Bir çox qanunsuz tikililərin sənədləşməsində onun da rolu olub. Lakin nəzərə alsaq ki, A. Mikayılov iddiasız, təbiət etibarı ilə mülayim, qalmaqallardan uzaq və işini bilən bir adam idi. Onun ayağına yazılan nöqsanların əsas səbəbkarı isə əvvəlki icra başçısının olması da heç kimə sirr deyil. Yəni təbiət etibarı ilə kobud, qanunsuz əməllərə meyilli olan Şahin Məmmədov göstəriş verəndən sonra, o kim idi ki? Həm də hansı peşəkar arxitektor 1000-1500 manata işləyər? Heç bir layihənin pulu deyil?

Əsas şüarı təmizlik və halallıq olan icra başçısının aparatında bu gün də elə kadrlar var ki, təmizliklə onlar arasında yerlə göy arasında fərq var. (Bəzi sabiq məmurlardan bir neçəsi danışırdı ki, orada biri var, onun qorxusundan binaya girəndə pulu maşına qoyurduq ki, cibimizi axtaranda 3-5 manatdan artıq pul tapmasın, yaxud başqa birisi müdirlərdən borc adı ilə kütləvi pul alıb, sonra qaytarmırdı və sair).

Keçmiş xatirələrdən ayrılıb bu günə qayıdaq. Bu gün İcra hakimiyyətinin “Beyin Mərkəzi” kimlərdir?

Keçmişdə rayon sovetinin deputatları, plenum var idi, büro üzvləri var idi... Bəs bu gün? Təkcə icrada Şura adlanan bir qurum var ki, onun da son illər hansı məsələni müzakirə etdiyi yada gəlmir.

Bəs icra başçısı hər hansı qərarı verəndə kimlə, yaxud kimlərlə məsləhətləşir?

Bu gün bəziləri özünü əvvəlki icra başçısı dövründə guya əzabkeş, etirazçı olan bir kadr kimi göstərir. (Belə yerdə deyirlər e... “yalançının...”). Sizlər deyildinizmi, hətta qadınlar, ağsaqqallar olan yerlərdə əvvəlki icra başçısının etikadan kənar ifadələrinə susub, “lal gəlin-kar gəlin” prinsipi ilə susub küncə qısılanlar, onların haqqın müdafiəsinə qalxanların üzünə duranlar. İndi belələri 230 minlik Masallıya hansı üzlə məsul vəzifədə çalışır?

(Adamın yadına “Mama Roza”ların insanlara “namus-qeyrət” dərsi keçmək əhvalatı düşür.)

Doğrudanmı, indiki şərtlərlə bir icra başçısının təmizlik siyasəti yeritməsi mümkündürmü?

Bir az keçmişə qayıdaq.

2012-ci ildə Rafil Hüseynov Masallıya icra başçısı təyin olunanda “Çəpərüstü söhbət” rubrikamızda yazmışdıq ki, “Hamı alır, başçı almır”. Gördük ki, bəziləri inciyir, dedik, bəlkə əksini yazaq – “Başçı alır, heç kim almır”.

Bəs bu günün mənzərəsi necədir? “Hərbi komissarlıq” deyilən qurumda “şirinlik-filan” olur, olmur? Bütün məktəblərdə “ölü canlar”, “xadimə biznesi” yığışdırılıbmı? Güzəştli dərman verilən günlərdə Mərkəzi Xəstəxanada başyardıya son qoyulubmu? Hüquq mühafizə orqanları bir çox cinayətlərə göz yummaq üçün dədə-baba qaydası ilə olan “insanpərvərliklərini” tərgidiblərmi? Bəzi yerlərdə dəllalar yığışdırılıbmı? Siyahını xeyli uzatmaq da olur. Təkcə, bəzi yerlərdə dəyişən formadır, mahiyyət yerindədir.

Ümumiyyətlə, indiki şərtlər daxilində tərtəmiz işləmək mümkündürmü? Məsələn, ərazi nümayəndəliklərinə verilən qeyri-rəsmi tapşırıqlar hansı pullar hesabına icra edilir? Filan yola qum-çınqıl tökdür, filankəslərə yardım et, qazının evin təmir etdir. Hansı pulla? Bir rəsmi xeyriyyə cəmiyyəti varmı?

400-500 məvacib alan bəzi məmurlar, xüsusən məktəb, bağça rəhbərləri ayda 5-10 dəfə rayonda keçirilən tədbirlərə hansı vəsaitlə gedir?

Bəs necə olmalıdır? Yuxarının pul almamağı ilə hər şey düzəlirmi?

“Həsiri basma, dolan gəl” siyasəti ilə hara qədər gedə bilərik? Lap son aylardakı “pensiya oyunlarına ” görə kimlər cəzalandı?

Bir də iş təkcə pul alıb-almamaqdan getmir ki... Misal var, “sən südlü inək ol, vur sərinçi aşır”.

Bu gün əksər idarələrin, eləcə də icra hakimiyyətinin əsas günahı aşkarlığın olmamasıdır. Əsil aşkarlıq yoxdursa, məncə, hər hansı təmizlikdən söz açmaq istehza doğurur.

Biz nəyi görmək istəyirik, lakin görə bilmirik?

İcra hakimiyyətinə məxsus sayt açıq-aşkar bu gün ki informasiya tələbatını ödəmir. Şəhid adı, Qazi adı hamımız üçün əzizdir, müqəddəsdir. Onlara nə qədər yardım edilsə də, azdır. Lakin, bəzi hallarda yardımdan daha çox, bəzi şəxslərin reklamına həsr olunur. Elə bil, bu adın kölgəsinə sığınıb, digər işləri unutdurmaq istəyirik. Adamın yadına məşhur misal düşür: “Faciəni çox təkrarlayanda komediyaya oxşayır”.

Yəni sözümüzün müxtəsəri odur ki, məlum saytı nə qədər şəhid, qazı ailələrin yardımları, QHT-lərin press-relizləri, idman xəbərləri... ilə yükləmək olar. Tutaq ki, Qızılağac kənd məktəbində ölkə səviyyəli tədbir keçirilir. Məşhur bəstəkar-həkim-şair Şahin Musaoğlu və Azərbaycan Yazıçılar Birliyinin katibi, tanımış yazıçı Elçin Hüüseynbəyli və başqaları ilə olduqca maraqlı görüş keçirilir, işıqlandırırıq. Amma icranın saytı bunu işıqlandırmır.

Rayonda mühüm əhəmiyyətli, kilometrlərlə kanalqazma işləri aparılır, biz işıqlandırıq. Bu sayt işıqlandırmır. Bəs nəyi işıqlandırır? Qasımlı kəndində yola bir maşın palçıqlı qum tökülüb, Hişgədərə də 2 ağac budanıb və digər informasiya yükü olmayan xəbərlər.

Hamı deyir ki, icra başçısı təmiz işləyir, halal adamdır. Bu fikirlərə mən də inanıram. Həm də ürəkdən inanıram. Onun kifayət qədər cəsarətli adam olduğu barədə də məlumatlar var. Həm də deyirlər ki, başçının çox işlərdən xəbəri yoxdur. İnanaq? Təkcə yerli qəzetin abunə adı ilə 20 min manatdan artıq pul mənimsədiyini, heç tabeliyində olan 2 işçiyə normal əmək haqqı vermədiyini yazırıq, ortaya konkret faktlar qoyuruq. Yazını manjetdə çap edirik. Reaksiya yoxdur...

Masallıda qazlaşdırma işi digər rayonlarla müqayisədə çox yüksəkdir. Bu barədə məlumat almaq üçün icranın müavin Adəm Məhərrəmova zəng edirəm. Deyir, xəstəyəm. 2 saat sonra bəlli olur ki, Sərçuvar kəndində, ona məxsus çayxanada çay dəsgahındadır. Səhəri yenə dəfələrlə zəng vururuq, cavab yox, mesaj yazırıq, cavab yox. Qeyri-rəsmi köməkçiyə zəng vururuq. “Baş üstə” deyir, cavab yoxdur.

Arzu etdiyimiz informasiyanı kimdən alaq? Sizdən hər hansı şəxsi xahiş etmirik ki? Müsbət işiniz təbliğ etmək istəyirik də.

İcra başçısından şəxsən xahiş edirəm ki, Masallı rayonda şəhidlərin xatirəsinə 30-dan artıq bulaq tikilib. Bunların şəklin verin, bir blokda video-rolik düzəldək. Təklif ürəkdən bəyənilir. 10 günə şəkillər çəkilir. Məlumat ala-yarımçıq olduğu üçün, əlavə informasiya istəyirik. Müavin mütəxəssisin, mütəxəssis fotoqrafın, fotoqraf mütəxəssisin üstünə atır. Bir ay keçir, nəticə yoxdur.

Yaxşı, indi məlumat almaq üçün icrada kimə müraciət edək. Bu necə iş üsuludur?

İcra başçısının 100 günü ilə bağlı yazıda 15 təklif verdik. Əksəriyyət də bəyəndi. Birinə reaksiya verilmədi.

Təkcə, cənab başçısının özünə verdiyim təklif – 8 noyabr Zəfər Günü tədbirinə, Şahin Musaoğlu, Rəsmiyyə Sabir, Adil Baxışlı kimi tanınmışların dəvət olunması təklifi istisna olunmaqla heç bir təklif reallaşmadı.

Bütün bunları yazmaqla heç də hörmətli Araz müəllimin gecə-gündüz çalışıb, rayonda apardığı abadlıq, quruculuq işlərinə, keçmişdən bu günə cəsarətli addımlarına, özünü xərcləmiş kadrların meydandan silinməsinə, səmimiyyətdən gələn sadəliyinə, din-iman adamı olmağına kölgə salmaq istəmirik.

Lakin elementar idarəçilik qaydaları var da.

Öz-özümə deyirəm: -Görəsən, Masallıda söz sahibləri kimdir? Niyə bir dəfə onlarla açıq görüş olmur ki, bilək kimin arzusu, təklifi nədir?

Masallıda məşhur Market söküntüsü də unudulmayıb.

Təkcə cənub xəbərtv-nin bununla bağlı canlı yayımını 60 minə yaxın insan izləyib, 500-dən artıq rəy var.

Nə qədər ki sökülmürdü, hamı deyirdi, niyə sökmürlər? Bu qədər ağac kəsilib, binanın zirzəmisi zəbt edilib, həmin binada bir çox sakinlər üçün problem yaranıb və sair.

Sökülən kimi isə başladılar ki, filankəslərə pul çatmayıb, haqsızlıq ərzə dirənib, niyə icranın bir addımlığnda olan qanunsuz tikilini heç kim görmürdü?

Sanki hər 2 tərəf haqlıdır?

Bəs günahkar kim idi?

Dəqiq rəy vermək çətin olsa da, bu olayda 2 dolaşıq məqam var idi: Birincisi, əvvəlki rəhbərlik Şahin Məmmədov iş yerinin və evinin 1 addımlığında sənədi olmayan tikiliyə yol verməməli idi.

İkincisi, İcra hakimiyyəti köhnə üsullarla, şəhid ailəsi, özünü xərcləmiş hacılar- filan-la özünü müdafiə etməməli idi.

Meydana icranın hüquqşünası, rayonun “Baş ziyalısı”, “Baş ağsaqqalı”, “Baş veteranı”, “Baş İctimai Şurası” çıxmalı, bir-iki gün əvvəl ictimai müzakirə keçirilməli, bu görüş, bu müzaikirə cəmiyyətə təqdim olunmalı idi və sair.

Yerli sakinlərdən də gileyliyik. 5 minə yaxın FB dostumun 98 faizi öz “hücrəsində” mürgüləyir, heç bir məsələyə reaksiya vermir, bəzisi də ancaq “mız” qoymaqla məşğuldur.

Yazdıqlarımıza da çox bənd olmayın. Yəqin ki, yaxın vaxtlarda Masallı ilə vidalaşıb, şair demişkən, “biz olmayan yerə gedəcəyik”.

Heç kimdən heç nə umub - küsəcəyim də yoxdur.

Hər şey Sizin olsun, sizin olsun-

- dəstə-dəstə yaltaqlar da...

- ordenli-medallı riyakarlar da...

- gecə-gündüz mərdlikdən danışıb, namərdlik edənlər də...

- üzünə durduqlarının qucağında oturanlar, qorxaqlığından , miskinliyini gizlətmək üçün “stuniyorların” gölgəsində gizlənənlər;

- tərif, şöhrət xəstəliyinə tutulub, bunun arxasında qorxaqlığını, acizliyini ört-basdır edən məmurlar da, başqa səlahiyyət sahibləri də;

- “Meydan da” sizin olsun, “Şeytan da”, kef edin özünüz üçün.

Son əvəzi

İnanırıq ki, hörmətli Araz müəllim yazdıqlarımıza səmimiyyətlə, həssaslıqla yanaşacaq, əvvəlki başçı kimi üstümə qadınlı-kişili 40 üzəduran göndərməyəcək, trolları bizə yönəltməyəcək.

Bir daha bildirirəm ki, təkcə masallılar yox, az qala, bütün bölgə sakinləri icra başçısı Araz Əhmədovu çox güclü fiqur sayır, ona böyük ümidlə baxır, ölkə başçısının uğurlu təyinatlarından biri sayır. Araz müəllim özü də böyüklük göstərib etiraf edir ki, bu sahədə təcrübəsi azdır. Biz demirik ki, tufan qopartsın, “partizanlıq” etsin. Amma düşünürük ki, daha qətiyyətli addımlar atmaq, cəmiyyətə daha açıq olmaq mümkündür.

Cenub.az. Zahir Əmənov

Ceyranbatanda "Azəriqaaz"-ın sayğac dəyişdirmə oyunu - Bütün yayı yatıb indi soyuqda 3 gün qazsız qoyublar FOTO

Yaradılıb 01.12.2022 08:31 | Baxış sayı: 119
Ardını oxu...
Abşeron rayonu Ceyranbatan qəsəbəsi Yeni Məhəllə yaşayış massivi ərazisində artıq 3 gündür ki, xəbərdarlıq edilmədən təbii qazın verilməsi dayandırılır. Azəriqaz İB-nin işçiləri bunu sayğacların dəyişdirilməsi ilə əlaqələndirirlər.
TEREF.AZ yazır ki, bunu redaksiyamıza şikayət edən vətəndaşlar yazıb. Daha sonra onlar yazırlar:
Qəsəbə camaatı artıq boğaza yığılıb. Sayğacları dəyişmək üçün soyuq qış aylarını gözləmək lazımdırmı? Azəriqaz İB-nin səriştəsiz fəaliyyəti insanları etiraz etməyə məcbur edir. Azyaşlı körpələr və yaşlı insanlar evdə donur. Bəzi məmurlar qəsdən əziyyət verir ki, insanlar bezsin və etiraza qalxsınlar.
Teref.az
Ardını oxu...
Ardını oxu...
Ardını oxu...
 

Seymur Talıbovun sement zavodunun FETO-çu direktoru kimdir? VİDEO

Yaradılıb 01.12.2022 08:29 | Baxış sayı: 144
Ardını oxu...
Kərimov Kamal Əmir oğlu 2021-ci ildə Gəmiqaya Holdinq Şirkətlər İttifaqının “Naxçıvan Sement Zavodu” MMC-nin baş icraçı direktoru təyin edilib.

Bu barədə Zavodda işləyən fəhlə Ovqat.com-a məlumat verib.

“Naxçıvan Sement Zavodu” MMC Kəngərli rayonunun Böyükdüz kəndində mənzillənən sement zavodudur. Zavod 2013-cü ilin aprelində dövlət qeydiyyatına alınıb.

Qeyd edək ki, Kamal Kərimov xan Vasif Talıbovun qudasının qohumu olduğu bildirilir.

Sözügedən zavodda sementlə yanaşı, digər tikinti materialları da istehsal olunur.

K.Əmirov Azərbaycanın təbii sərvətlərinin talan edilməsi, vergidən yayınması məsələsi araşdırmalı və istintaqa cəlb edilməlidir.

Həmçinin Kamal Kərimovun digər ailə üzvlərinin də Gəmiqaya Holdinqdə yüksək vəzifəyə gətirildiyi qeyd olunur.

Eyni zamanda K.Əmirov sement zavoduna özünün yaxın əlaqədə olduğu FETO-çu dostlarını da mühüm postlara təyin etmişdir.

Bununla bağlı əlavə məlumat dərc ediləcək.
Ovqat.com
 
 
 

İcbari tibbi sığorta `PRİPİSKASI`... - ARAŞDIRMA

Yaradılıb 30.11.2022 10:05 | Baxış sayı: 87
Ardını oxu...
Tibbi sığortadan kimlər, necə faydalanır? Vətəndaşlar pulsuz xidmət, məmurlarsa korrupsiya imkanı əldə edib. Toplum TV-nin araşdırması göstərir ki, bəzi hallarda tibb müəssisələri göstərilməyən tibbi xidmətləri də rəsmiləşdirirmiş.

Prezidentin tərif etdiyi tibbi sığorta sistemindən Bakı sakini Sevda Əliyeva heç vaxt istifadə etməyib. Deyir, dövlət xəstəxanalarına etibarı yoxdur deyə, bütün tibbi xidmətləri özəl müəssisələrdən almağa üstünlük verir. Amma bu yaxınlarda sürprizlə qarşılaşıb. Elektron hökumət sistemində onun dövlət xəstəxanalarında aldığı xidmətlər haqqında qeydlər var.

İcbari tibbi sığorta sistemi belə qurulub ki, tibb müəssisələri və həkimlər də xidmət göstərdiyi hər bir xəstəyə görə məvacib alır. Sevda Əliyevaya göstərilməyən xidmət üçün də dövlət pul ayırıb, amma vətəndaş xidməti görməyib.

Həkim ekspert Aydın Əliyev deyir ki, belə hallar tək-tük deyil:

Mütəmadi halda insanların belə şikayətlərinin olması göstərir ki, sistemin problemləri var. Düzdür, təzədir. Amma İcbari Tibbi Sığorta şəffaf olmalıdır. İndiyədək heç bir hesabatları olmayıb. Tibbi idarə edən qurumlar şəffaf deyil. Bu problemlərin aradan qaldırılması üçün yetəri addım atılmır.

Qaradağ rayon sakini Sübhan Bəşirlini də 23 saylı Birləşmiş Şəhər Xəstəxanasında icbari tibbi sığorta çərçivəsində müayinə ediblər. Daha doğrusu, etməyiblər. Amma bu barədə qeydi özünün də xəbəri olmadan sistemə əlavə ediblər. Toplum TV-yə danışan Sübhan Bəşirli bildirir ki, göstərilən tarixdə o heç ölkədə də olmayıb.

“Şəffaflıq Azərbaycan” Korrupsiyaya Qarşı Mübarizə İctimai Birliyinin icraçı direktoru Əliməmməd Nuriyev sadalanan faktlarla bağlı bir neçə hüquqpozma halı olduğunu deyir.

Elektron kabinetdə Sübhan Bəşirlini müayinə edən həkim kimi göstərilən Vüqar Feyziyev söyləyir ki, belə bir xəstəni heç vaxt görməyib.

İcbari Tibbi Sığorta Agentliyi deyir ki, pripiskadan xəbərləri yoxdur. Məsələni araşdıracaqlarını da vəd edirlər. Bəs siz necə, elektron kabinetinizi yoxlamısınızmı? Bəlkə yeni xəstəliyiniz var, xəbəriniz yoxdur?

Toplum TV

 

Şapka Mamed” falçıya “Gelandewagen” bağışlayıb

Yaradılıb 30.11.2022 08:47 | Baxış sayı: 87
Ardını oxu...
“TuranBank” ASC-nin son dövrlər sədri kimi təqdim olunan Fəzail Musayev Misgər oğlu Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) prezidenti Məmməd Musayevin yaxın qohumu imiş.

Bir neçə ildir sözügedən banka sədr seçilən F.Musayevin atası Misgər Musayev Məmməd Musayevin əmisi oğludur. İddiaya görə, bununla da bankın əsl sahibi mətbuatın gözündən uzaq qalmağa, sadəcə Konfederasiyadakı işlə məşğul olduğunu göstərməyə cəhd edib.

Qeyd edək ki, Fəzail Musayev bankın təftiş komisiyyasının üzvü, sonradan isə İH sədrinin I müavini vəzifəsində çalışıb.
Xatırladaq ki, mətbuatdakı materiallarda “Şapka Mamed” ləqəbi ilə adlandırılan Məmməd Musayevin “TuranBank”ın əsl sahibi olduğu, oğlu Fuad Musayev isə banka xüsusi nəzarət etdiyi bildirilir.
Həmçinin digər idialara görə, M.Musayevinn tanınmış ekstrasens Zirəddin Rzayevin yaxın münasibətləri var. Bütün M.Musayevin ekstrasenslə daim əlaqədə olduğu, işlərinin yaxşı alınması üçün onun “sehirli gücləri”rinə müraciət etdiyi deyilir.

Məlumatda bildirilir ki, hətta bu dostluq münasibətinə görə, M.Musayevin övladının ailəsində problem yaşandığı və boşanmaya səbəb olduğu iddia edilib. Mətbuatda gedən məlumata görə, Musayevlər ailəsi hər il falçılara yüz min manatlarla vəsait sərf edirlər. Hətta, Məmməd Musayevin xanımı bir neçə il əvvəl tanımış falçı Zirəddin Rzayevə “Mersedes Gelandewagen” bağışlayıb.

Qarşı tərəfin mövqeyini işıqlandırmağa hazırıq.

mənbə// 32gun.az
 
 
 

"Şərurlu İsfəndiyar"dan daha bir şikayət... - VƏTƏNDAŞ 14 İLDİR HALALCA MƏNZİLİNİ ALA BİLMİR

Yaradılıb 30.11.2022 08:04 | Baxış sayı: 86
Ardını oxu...
Ötən gün "Hürriyyət"in redaksiyasına müraciət edən Bakı şəhəri, Nəsimi rayonu, Asif Məhərrəmov küçəsi (Şamaxinka), bina 50, mənzil 3-də yaşayan İdrak Hacıbaba oğlu Zülfüqarlı 4 fevral 2008-ci il tarixdə "Olimpus-Az" MMC-dən aldığı 79 kvadratmetrlik 2 otaqlı mənzilin dəyərini tam ödəsə də, indiyədək sözügedən mənzilin ona verilmədiyini bildirib.

Bu səbəbdən də Yasamal Rayon Məhkəməsinə müraciət etdiyini deyən şikayətçinin sözlərinə görə, məhkəmə onun xeyrinə qətnamə çıxarıb və işi icraya göndərib, lakin icra şöbəsi hələ də üzərin düşən vəzifəni yerinə yetirmir: "Mən 4 fevral 2008-ci il tarixdə "Olimpus-Az" MMC ilə mənzil tikintisi haqqında müqavilə bağlamışam. Əlimdə bunu təsdiq edən bütün zəruri sənədlər, o cümlədən kassa mədaxil ordenin qəbzi mövcuddur. Həmin qəbzdə qeyd olunur ki, "Olimpus-Az" MMC-yə 79 kvadratmetrlik 2 otaqlı mənzilin qarşılığında 47005 manat pul ödəmişəm. Lakin üzərindən 14 il keçməsinə baxmayaraq, hələ də həmin mənzil mənə təhvil verilməyib. Bununla bağlı Yasamal Rayon Məhkəməsinə müraciət etmişəm və mənim xeyrimə qətnamə çıxarılıb. Belə ki, Yasamal Rayon Məhkəməsinin hakim Elçin Firudin oğlu Qurbanovun sədrliyi ilə 19 sentyabr 2011-ci il tarixdə çıxardığı qətnamədə deyilir ki, iddiaçı qismində mənim - İdrak Hacıbaba oğlu Zülfüqarlının cavabdeh "Olimpus-Az" MMC ilə bağladığım 4 fevral 2008-ci il tarixli mənzil tikintisi haqqında müqavilə ləğv edilsin. Həmçinin, Cavabdeh "Olimpus-Az" MMC-dən sözügedən müqavilə üzrə ödənilmiş 47005 manat məbləğində pul alınaraq mənə verilsin. Lakin bu günədək məhkəmənin qərarı icra olunmayıb".

14 ildir ki, üzləşdiyi problemin həlli məqsədiylə aidiyyatı orqanlara müraciət etdiyini vurğulayan İdrak Zülfüqarlı hələ də məsələnin öz həllini tapmadığını qeyd edib. Şikayətçi əlavə edib ki, bununla bağlı 21 dekabr 2021-ci il tarixdə Yasamal Rayon İcra Şöbəsinin böyük icra məmuru İsmayıl İsmayılov tərəfindən icra edilməyən və ya qismən icra edilmiş icra sənədinin məhkəməyə və ya digər orqana qaytarılması haqqında qərar qəbul edilib. Qərarda deyilir ki, Yasamal Rayon Məhkəməsinin 19 sentyabr 2011-ci il tarixli qətnaməsi icra edilmədən məhkəməyə qaytarılsın. Gördüyünüz kimi, bununla da icra məmuru məhkəmənin qətnaməsini icra etməyib. İsmayıl İsmayılov bunu onunla əsaslandırıb ki, aparılmış icra tədbirləri nəticəsində borclu "Olimpus-Az" MMC-yə məxsus hər hansı əmlak və gəlirlər müəyyən edilməyib: "Habelə "Olimpus-Az" MMC-nin faktiki olaraq fəaliyyət göstərmədiyi və rəhbəri Qurbanov Rauf Novruz oğlunun 05.01.2012-ci il tarixdə Penitensiar Xidmətin müalicə müəssisəsində öldüyü nəzərə alınaraq icra sənədləri Yasamal Rayon Məhkəməsinə qaytarılıb".

Məlumat üçün bildirək ki, Ağır Cinayətlərə Dair İşlər üzrə Məhkəmənin qərarı ilə "Olimpus-Az" MMC-nin rəhbəri Rauf Qurbanova 2010-cu ildə 11 il həbs cəzası verilib. İki il sonra isə o, həbsxanada dünyasını dəyişib. Deyilənlərə görə, sonradan tikinti maqnatı, "Şərurlu İsfəndiyar" kimi tanınan iş adamı İsfəndiyar Axundova məxsus "Şərur" MTK həmin binanın tikintisini davam etdirib. Həmçinin, o da qeyd olunur ki, İsfəndiyar Axundovun oğlu, "Qlobal Azəri" MMC-nin sahibi Mehdi Axundov "Olimpus-Az" MMC-nin ortağı olub. Görünür, elə bu səbəbdən də bir müddət sonra "Şərurlu İsfəndiyar" "Olimpus-Az" MMC-ni "Şərur" MTK-ya birləşdirib. Lakin buna baxmayaraq, İdrak Zülfüqarlı kimi yüzlərlə vətəndaş hələ də halalca mülklərinə sahiblənə bilmirlər.

Sonda İdrak Zülfüqarlı onu da əlavə edib ki, üzləşdiyi problemin həlli məqsədiylə iş adamı İsfəndiyar Axundovun qəbuluna düşmək istəsə də, buna nail ola bilməyib: "O, məni qəbula buraxmamaqla yanaşı, təhqircəsinə dedi ki, get hara şikayət edirsən et. Odur ki, "Hürriyyət" vasitəsiylə Prezident İlham Əliyev başda olmaqla, aidiyyatı qurumlara müraciət edir, onlardan məsələnin həllində köməklik gəstərmələrini, günahkarların cəzalandırılmasını xahiş edirəm".

"Hürriyyət"

P.S. Məsələ ilə bağlı yazıda adıçəkilən şəxslərin də mövqeyini işıqlandırmağa hazırıq.
 
 
 

Bakı Baş Səhiyyə Mərkəzinin BAHALI OFİSİ – “Bu faktın ciddi araşdırmaya ehtiyacı var”

Yaradılıb 29.11.2022 09:03 | Baxış sayı: 88

 
 
 
 
 
 
 
 
Ardını oxu...

Səhiyyə Nazirliyinin "Bakı Baş Səhiyyə Mərkəzi” Publik Hüquqi Şəxsi Zeynalov Natiq Vahib oğluna məxsus qeyri-yaşayış sahəsini icarəyə götürüb. Bakı Baş Səhiyyə Mərkəzi Natiq Zeynalov ilə satınalma müqaviləsi imzalayıb və binanın bir illik icarəsi üçün 516 min 279 manat 12 qəpik ödəyəcək.

Qeyd edək ki, Yasamal rayonu, Mikayıl Müşfiq küçəsi 1M ünvanında yerləşən və Bakı Baş Səhiyyə Mərkəzi tərəfindən icarəyə götürülən bina inzibati mərkəz kimi istifadə ediləcək.

Məlumat üçün bildirək ki, Bakı Baş Səhiyyə Mərkəzinin icarəyə götürdüyü binada daha əvvəl Dövlət İmtahan Mərkəzi fəaliyyət göstərirdi. DİM 2015-ci ildən 2022-ci ilin iyun ayına kimi Natiq Zeynalova məxsus binada fəaliyyət göstərib. Qeyd olunan tarixdən sonra isə həmin binanı Bakı Baş Səhiyyə Mərkəzi icarəyə götürüb.

Təbii ki, dövlət qurumlarının özəl obyektləri baha qiymətə icarəyə götürməsi hər zaman ciddi müzakirələr yol açıb. Çünki, bu tip icarə müqavilələri hər zaman korporativ maraqlara xidmət edir.

Məsələyə münasibət bildirən iqtisadçı ekspert Natiq Cəfərli Bizim.Media-ya açıqlamasında bu cür halların korrupsiya mənbəyi olduğunu bildirdi:

“Belə faktların ciddi araşdırmaya ehtiyacı var. Burda korporativ maraqlar aşkar edildikdə isə mütləq şəkildə müvafiq dövlət qurumları məsələyə müdaxilə etməlidir”.

Natiq Cəfərli başqa bir vacib məsələyə də toxundu:

“Dövlət və hökümət qurumlarının keçirdiyi tenderlərdə məmurlar özlərinə və yaxud yaxınlarına aid şirkətlərin qalib elan etməsi tez-tez rast gəlinən haldır. Dəfələrlə bunun şahidi olmuşuq. Yuxarıda qeyd olunan fakt da belə halların növbətisidir. Çox zaman Tender haqqında, Satınalmalar haqqında qanunvericiliyin tələblərinin pozulması ilə bu baş verir. Baxmayaraq ki, qanunvericilikdə yazılıb ki, bəlli təcrübəsi olan şirkətlər tenderə cəlb oluna bilər. Amma reallıqda görürsən ki, 5-10 gün əvvəl yaradılmış şirkətlər qalib elan olunur. Və yaxud özlərinə yaxın olan şirkətlərlə müqavilə imzalanır”.

Şiddətli töhmətdən sonra vəzifə: - Nazir qalmaqallı direktoru müdafiə etdi, özü isə...

Yaradılıb 29.11.2022 08:59 | Baxış sayı: 58
Ardını oxu...
Valideynlərdən pul tələb etməsilə bağlı səs yazısı yayılan 45 nömrəli məktəbin direktoru Axundova Nəcibə Novruz qızına şiddətli töhmət verilərək 34 nömrəli məktəbə direktor təyin edilməsi geniş müzakirələrə yol açıb.

Elm və təhsil naziri Emin Əmrullayev səs yazısı yayılan direktorların bir məktəbdən digərinə yerdəyişmə edilməsi məsələsinə media üçün keçirilən brifinqdə aydınlıq gətirən zaman 34 nömrəli məktəbin direktoru Nəcibə Axundova barədə də açıqlama verib. Nazir məktəb direktorları ilə bağlı həmişə narazılıqların olduğunu diqqətə çatıdırıb:

"Düşünürəm ki, bundan sonra da olacaq. Bir hal olmuşdu ki, 45 nömrəli məktəbin direktoru başqa məktəbə təyin edilib. Direktor təyin olunanda uyğun məktəbi tapmağa çalışırıq. Məktəbin nəticəsinin aşağı getməsi həmişə direktorla bağlı olmaya bilər. Direktorla bağlı neqativ hallar olanda araşdırılır. Dəfələrlə olub ki, məktəblərdə problem olub və biz direktoru işdən azad etməmişik. Çünki araşdırma zamanı məlum olub ki, birbaşa onunla bağlı olmayıb.

Bu baxımdan biz Nəcibə Axundovaya növbəti dəfə şans verdik. Mənim şəxsi fikrim ondan ibarətdir ki, ona növbəti şans vermək səhv qərar deyil. Bütün hallarda belə olacaq deyə bir şey yoxdur. Düşünürəm ki, bu məsələdə ictimaiyyət nazirliyin qərarını anlayışla qarşılayacaq".

İstisnadır, hər kəsə aid deyil...

Nazir Emin Əmrullayev adı rüşvət qalmaqalında hallanan 45 nömrəli məktəbin direktorunun 34 nömrəli məktəbə təyin edilməsinə aydınlıq gətirən zaman direktorların bir illik, müvəqqəti təyin olunduğunu və nəticələrinə nəzarət edildiyini qeyd edib:

"Neqativ hal olanda araşdırılır. Bəzən xüsusi hallar olur. Bunlar həssas qruplardır. Nəcibə Axundovaya daha bir imkan vermək qərarına gəldik. Zaman göstərəcək, şəxsi fikrim budur ki, bu, səhv qərar deyil. İstisnadır və bunun müəyyən əsası var. Lakin bu hər kəsə aid deyil".

Direktor bundan nəticə çıxaracaq...

Nazir məlum çıxışı zamanı "Səsyazısı yayılan direktora şans verdik. 45 nömrəli məktəbin direktorunun 34 nömrəli məktəbə direktor təyin olunması istisna haldır. Hesab edirəm cəmiyyət bu qərarı anlayışla qarşılayacaq. Həmin direktorla söhbət aparılıb və o bundan nəticə çıxaracaq", - deyib.

Nazirin istefası tələb edilir

Tanınmış ictimai fəalların da məsələyə yanaşması birmənalı olmayıb. Belə ki, sosial şəbəkədə aktiv fəaliyyəti ilə tanınan ictimaiyyət nümayəndələri nazirin rüşvətxor olduğu deyildiyi direktora şans verməsini kəskin şəkildə qınayıblar. Nazirin birabırçı faktı təsdiqləyərək, cəmiyyətdən anlayış göstərməsini istəməsi, direktorun cəzalanmalı olduğu halda “mükafat olaraq ona yeni vəzifə verilməsi” pislənilib. İnsanlar sosial şəbəkədə yanaşmanın olduqca ədalətsiz olduğunu bildiriblər. Bəzi təhsil ekspertləri, məsələn, Elçin Əfəndi nazirin bu cür qərar qəbul etməsinə görə onun istefa verməsini tələb edib.

Deputat nazirin qərarını alqışladı: “Vaxt verək...”

Bununla bərabər, nazirin qərarını alqışlayanlar da olub. Belə ki, Milli Məclisin Elm və təhsil komitəsinin üzvü Aqiyə Naxçıvanlı deyib ki, nazirin üstünə düşmək düzgün deyil. Deputatın fikrincə, nazir direktora şans verirsə, yəqin, onun bu addımını həmin dəqiqə hədəf almaq lazım deyil, nəsə fikirləşib, hansısa fikirləri var:

"Bəlkə hazırda həmin direktoru işdən çıxarmaq istəmir, ya da bu məsələyə bir azdan baxacaq. Emin Əmrullayev məktəb direktorunu elə-belə bağışlayıb, vəzifəsində saxlamayıb ki. Bunabənzər faktlar olub və görmüsünüz ki, nazir hamısında radikal qərar verib. Bəlkə, rüşvət həmin məktəbdə total bir vəziyyət alıb, ya da başqa faktlar var? Hər halda nazir bu sahədə birinci şəxsdir. İnanmıram ki, Emin Əmrullayev kor-koranə hansısa qərar qəbul edə.

Sadəcə, bir az gözləyək. Əlbəttə, direktor bir dəfə rüşvət alıbsa, ikinci dəfə də ala bilər. Bu, artıq xasiyyətdir - rüşvətdən uzaq qala bilmir. Amma nazirin hansı fikirlərlə nə qərar verdiyini gözləmək lazımdır. Hər halda onun hansısa mülahizələri, planları var. Görək nə olur?! Hamımız Azərbaycanda yaşayırıq, hadisələrin necə cərəyan edəcəyini də görəcəyik. 45 nömrəli məktəbdə başqa müəllimlər də var. Bir az səbir etməyə ehtiyac var. Dərhal nazirin üstünə düşmək, “direktoru bu dəqiqə işdən çıxarsın” demək düzgün fikir deyil. Vaxt verək…”

Direktor nə deyir?

Maraqlıdır, Nəcibə Axundova özü bu haqda nə düşünür?

Adı qalmaqalda hallanan 34 nömrəli məktəbin direktoru Nəcibə Axundova Cebhe.info-ya açıqlamasında barəsində deyilənlərin həqiqəti əks etdirmədiyi bildirərək, yayılan xəbərləri təkzib edib:“Deyilənlər həqiqətə uyğun deyil”.

N. Axundovanın nazirin yaxın qohumu olduğu və 2016-cı il aprel döyüşlərində şəhid olmuş polkovnik-leytenant Sənan Axundovun həyat yoldaşı olması barədə də yazılır.

Xatırladaq ki, Nəcibə Axundovanın sentyabr ayında mediada valideyinlərdən pul tələb etməsi iddiası ilə səsi yayılıb. 45 nömrəli tam orta məktəbin direktoru olduğu zaman Nəcibə Axundovanın 5 yaşlı uşaqlar üçün qrupların açılmasına görə 100 AZN, sinif rəhbərliyi verilən müəllimlərdən isə 1000 manat pul tələb etdiyi iddia olunur. Həmçinin, direktorun müəllimləri təhqir etməkdən çəkinmədiyi, məktəbin müəllimlərindən birinin isə direktorun təzyiqindən intihar həddinə çatdığı da qeyd edilib.
Cebhe.info

Naxçıvanın Standartlaşdırma, Metrologiya və Patent üzrə Dövlət Komitəsində yoxlamalar gedir - Ciddi yeyinti aşkar edilib ....İDDİA

Yaradılıb 29.11.2022 08:52 | Baxış sayı: 76
Ardını oxu...
Qara Pişikdən növbəti qara xəbər
"Qara Pişik" Naxçıvandan yeni xəbər gətirib. Deyir ki, bəs bu gün qaramaskalılar Naxçıvan Muxtar Respublikasının Standartlaşdırma, Metrologiya və Patent üzrə Dövlət Komitəsinə giriblər. Komitənin bir neçə rəhbər şəxsini aparıb sorğuya çəkiblər.
TEREF.AZ yazır ki, bunu ovqat.com saytının baş redaktoru Heydər Oğuz deyir. Heydər bəy daha sonra yuxarıda qeyd etdiyi fikrini şərh edərək deyir:
Ardını oxu...
Bildirdiyinə görə, komitənin fəaliyyətində ciddi yeyintilər və saxtakarlıqlar aşkarlanıb. Deyəsən bu dəfə komitə sədri Bəxtiyar İsmayılovun qara günləri başlayacaq.
Qara Pişik Bəxtiyar müəllimin taleyindən bərk narahatdır. Bildirdiyinə görə, o, xeyli emosional adamdır və çətin ki, bu qara xəbərlərin təzyiqlərini rahat atlada bilə . Zira o, 5 il bundan əvvəl həyəcanından mətbəxdə yığılmış və əlində tutduğu "bıçaq təsadüfən qarnına girmişdi". Baxmayaraq ki, o vaxt bəzi ağzıgöyçəklər Bəxtiyar müəllimin intihara cəhd etdiyini düşünürdülər. Təbii ki, mənim Qara Pişiyim o cür cəfəngiyyatlara inanmır.
Ardını oxu...
Bununla belə, o, eyni hadisənin bir də təkrarlanmayacağından da əmin deyil. Çünki Komitənin fəaliyyətində aşkarlanan qanun pozuntuları Bəxtiyar müəllimin təmkin limitini aşacaq səviyyədə imiş.
Sənin mərhəmət hissinə quzu kəsim, Qara pişik! Gərək bundan sonra sənin adını Muro qoyum.
Teref.az
 
 
 

2 nazir 1 ildə yüz milyonları oğurlayıblarsa gör 27 il Naxçıvana rəhbərlik edən Vasif Taıbovun nə qədər kapitalı var?

Yaradılıb 29.11.2022 08:41 | Baxış sayı: 62
Ardını oxu...
Naxçıvan Muxtar Respublikasının (MR) 2021-ci ildə dotasiyadan kənar büdcəsi 145 milyon 38 min manat icra edilib. Naxçıvan MR-in maliyyə naziri Rafael Əliyev vəzifə səlahiyyətlərindən sui-istifadə və 144 milyon manat dövlət vəsaitini mənimsəməkdə ittiham olunur. Əgər orda 1 nazir 1 büdcə qədər oğurluqda imtina olunursa görün, Naxçıvan MR-in ləğv olunmuş gömrük qurumun şöbə rəisi Mənsur Əsgərov da 132 milyon manatı mənimsəməkdə ittiham olunub. Beləliklə 2 nəfər birlikdə 2 ilin büdcə gəlirlərindən çox vəsait oğurlayıblar. Əgər bu qədər oğurluq imkanı vardısa onda nədən Naxçıvana Azərbaycan dövlət büdcəsindən dotasiya verilirdi, elə oğurlanmış pulları büdcəyə yönəltsəydilər, büdcə dolub daşardı.
İndi baxın görün, bu hesabla 27 il Naxçıvana rəhbərlik edən Vasif Taıbovun nə qədər kapitalı var?
Teref.az

 
 
 

Dünyapress TV

Xəbər lenti