Britaniyanın növbəti Baş nazirinin kim olacağı haqqında yeni məlumatlar dərc edilib.

"DogruXeber.az" "Sky News"a istinadən xəbər verir ki, keçmiş kansler və Tory liderliyinin finalçısı Rişi Sunak bu iş üçün hazır olduğunu bildirib.

Bundan əlavə, Ümumilər Palatasının lideri Penni Mordaunt da "ictimai çıxışlarında Baş nazirliyə hazır olduğunu açıq şəkildə ifadə edib.

Dünən daxili işlər naziri vəzifəsindən istefa verən Suella Braverman da Britaniya liderliyi üçün təklif edilib.

Bundan əlavə, xalq isə keçmiş Baş nazir Boris Consonun yenidən hakimiyyətə gəlməsini istəyir.

Britaniyanın hazırkı müdafiə naziri Ben Uolles də Baş nazirliyə nazmizədlər sırasında göstərilib.

İsrailin müdafiə naziri Benni Qantz gələn həftə Türkiyəyə səfər edəcək.

Modern.az xəbər verir ki, bu barədə İsrailin Müdafiə Nazirliyi məlumat yayıb.

Bildirilib ki, Qantz Türkiyənin milli müdafiə naziri Hulusi Akarla görüşəcək.

Nazirlik qeyd edib ki, səfər İsrail və Türkiyə arasında təhlükəsizlik sahəsində əməkdaşlığın yenilənməsi çərçivəsində həyata keçirilir.

Böyük Britaniyanın keçmiş Baş naziri Boris Consonun Liz Trassın istefasından sonra Mühafizəkarlar Partiyasının liderlik yarışında iştirak edəcəyi gözlənilir.

APA xəbər verir ki, bu barədə "Times" nəşri yazıb.

Nəşrin məlumatına görə, artıq Mühafizəkarlar Partiyasının bir neçə deputatı Consonun Trassı əvəz edə biləcəyini təklif edib.

"O, (Boris Conson) insanların fikrini öyrənməyə çalışır, lakin eyni zamanda bunun milli maraq məsələsi olduğuna inanır", - deyə "Times"-in siyasi xəbərlər üzrə redaktoru Steven Svinford bildirib.

Ərdoğan bu gün Azərbaycana gəlir: Əliyevlə birlikdə Zəngilanın işğaldan azad edildiyi gündə Zəngilan Beynəlxalq Hava Limanının açılışını edəcəklər;
Səfər sərhədimizdə hərbi təlimlər keçirən və Bakıya qarşı müxtəlif kanallarla təhdid irəli sürən İrana Ankara və Bakının birlik mesajının verilməsi baxımından da yerinə düşür.
Ötən ilin oktyabr ayında da İran Araz boyu ərazilərdə hərbi təlimlərlə “güc nümayişi” sərgiləmişdi və həmin ərəfədə Ərdoğan Füzuli Hava Limanını açılışı məqsədilə işğaldan azad edilən ərazilərə gəlmişdi. Bir il sonra yenə eyni ssenari təkrarlanır: Türkiyənin Azərbaycanda, ümumiyyətlə bölgədə olmasına qarşı çıxan Tehran hərbi təlimlərlə nələrisə nümayiş etdirməyə çalışır və öz hərbçilərinə bir-iki güllə atıb gedirlər.
Əliyevlə Ərdoğanın Arazın sahilində verəcəkləri mesajlar da maraqlı olacaq.
Asif Nəqimanlı
Teref.az

Sülhəddin Əkbər: “Azərbaycan İranla münasibətlərin kəskinləşməsində maraqlı deyil”

İran İkinci Qarabağ müharibəsi nəticəsində torpaqların azad edilməsi faktı ilə bağlı rəsmi Bakını sözdə təbrik etsə də, ötən iki il ərzində Tehranın praktiki addımlarında bu faktdan heç də məmnun qalmadığını sezmək olar.
Azərbaycanın müharibədən sonra özü üçün prioritet elan etdiyi Zəngəzur dəhlizi layihəsinin əleyhinə atılan addımlar və bəyanatlardan tutmuş SEPAH-ın Azərbaycan sərhədlərində təlimlər keçməsini azərbaycanlı ekspertlər açıq təhdid kimi qəbul edirlər.

Meydan.tv xəbər verir ki, Azərbaycan və İran prezidentlərinin Astanadakı görüşündə tərəflər arasında mübahisə olub. İlham Əliyev mübahisə zamanı İranı işğalçı Ermənistanı silahlandırmaqda və ona dəstək verməkdə, İbrahim Rəisi isə Azərbaycanın İsraillə münasibətlərinə diqqət çəkib. Görüşdən dərhal sonra İran Azərbaycanla sərhədə qoşun yığmağa başlayıb.

SEPAH-ın bundan əvvəlki təlimlərinə Azərbaycan rəsmilərindən, o cümlədən prezident İlham Əliyevdən etiraz reaksiyası gəlmişdisə, hazırda sərhədlərdə keçirilən təlimlərlə bağlı rəsmi Bakı susmağa üstünlük verir.
Təlimlər zaman etibarilə də işğal altında olan torpaqların azad edilməsinin ikinci ilinə təsadüf edir. İran bununla kifayətlənməyib, Xudafərin körpüsünə Azərbaycan bayrağının taxıldığının ikinci ildönümü günündə (18 oktyabr) təlimlərin bir hissəsini məhz həmin sərhəd ərazisində keçirib. SEPAH bir az da dərinə gedərək, Xudafərin körpüsünün fonunda Azərbaycana təhdid olan videoçarx hazırlayıb.

Bundan başqa, iranlı jurnalistlər öz “Telegram” kanallarında bu təlimlərin Azərbaycana bir xəbərdarlıq olduğunu bəyan edirlər.

Təlimlərin bir qismi ordunun çayı keçmək üçün ponton körpülərin tikilməsinə həsr edilib. Çayın digər sahilinin Azərbaycan olduğunu nəzərə alsaq, təlimlərin məqsədinin çayı keçib, ölkə ərazisinə daxil olma planlarının mövcudluğunu təxmin etmək olar.

Hazırda hadisələri izləyən bir çox ekspertin bir sualı var – İran nəyə hazırlaşır?

“İran tərəfdən Azərbaycana təhlükə hər zaman var”

Məsələni Meydan TV üçün şərh edən Azad Demokratlar Partiyasının sədri Sülhəddin Əkbər deyib ki, İran İslam Respublikası istəyini gizlətmir, bunu Ali dini rəhbər, prezident, xarici işlər naziri, ayrı-ayrı hərbçilər səviyyəsində də zaman-zaman bildirib.

“Tehranın istəyi konkretdir, Zəngəzur dəhlizinin açılmasını istəmirlər. Çünki bu açılım Azərbaycanın güclənməsinə, Bakı-Ankara əlaqələrinin sıxlaşmasına və Türk Dövlətləri Təşkilatının daha da fəallaşmasına səbəb olacaq. Həmçinin, İran türkləri üçün güclü nümunə ortaya çıxacaq. Bu baxımdan İran Zəngəzur dəhlizinin açılmasını dövlət birliyi üçün təhlükə sayır”, – o deyib.

O hesab edir ki, dəhlizin açılacağı halda Azərbaycanın, Mərkəzi Asiya dövlətlərinin, Türkiyə və Çinin İrana olan ehtiyacı azalacaq.

Sülhəddin Əkbərin fikrincə, Tehran Ermənistanı sanksiyalardan yan keçmək üçün istifadə edir ki, bura qaçaqmalçılıq, narkoticarət və digərləri daxildir.

“Xüsusən də İnqilab Keşikçiləri narkoticarətə rəhbərlik etdiklərindən bu məsələdə daha aqressivdirlər. Çünki əraziyə beynəlxalq nəzarət olduğundan əvvəlki kimi sərbəst hərəkət edə bilməyəcəklər”, – Sülhəddin Əkbər deyib.

O hesab edir ki, İran tərəfdən Azərbaycana təhlükə hər zaman var.

“Ümumiyyətlə, Azərbaycan dövlətinin varlığını İran öz dövlət varlığı üçün təhdid hesab edir. Əvvəla, İran Azərbaycanın mövcudluğunu özünə təhdid sayır. İkincisi, dünyəvi dövləti teokratik rejimi üçün təhlükə sayır. Həm də demokratik seçim də xarici vektor inkişafı baxımından Tehrana təhlükədir”, – partiya sədri deyib.

Onun fikrincə, Azərbaycan açıq siyasət apardığından Türkiyənin, ABŞ-nın, İsrailin və Avropa Birliyinin bu regionda inkişafı Tehran üçün müəyyən risklər yaradır. Sülhəddin Əkbər hesab edir ki, bu faktorlara görə narahatlıq tədricən artacaq.

“Amma Azərbaycan hələ Rusiyanın geopolitik sferasında yerləşdiyindən İran kəskin hərəkətə getməyəcək. Bundan başqa, Azərbaycanın NATO-da Türkiyə kimi güclü müttəfiqi var. Həmçinin Azərbaycan özü də hərbi təhlükəsizlik baxımından xeyli güclənib, 90-cı illərdəki Azərbaycan deyil. Yəni potensial təhlükə var və bu, aktuallaşmağa meyllidir. Bununla bərabər Çinin, İsrailin, Böyük Britaniyanın və Avropa Birliyinin orta dəhlizlə bağlı marağı var. Bu amillər İran təhlükəsini əsasən neytrallaşdırır, amma tam ortadan qaldırmır”, – o deyib.

Azərbaycan rəsmilərinin bu təhdidlərə reaksiya verməməsinə gəlincə, Sülhəddin Əkbər düşünür ki, rəsmi Bakı İranla münasibətlərin kəskinləşməsində maraqlı olmadığına görə, susmağa üstünlük verir.

“Rəsmi açıqlamanın verilməsi rəsmi addımın atılmasını da tələb edir. Bu da münasibətlərin gərginləşməsinə, kəskinləşməsinə gətirəcək. İndiki halda Azərbaycan bunda maraqlı deyil”, – Sülhəddin Əkbər hesab edir.

“Azərbaycan rəhbərliyi bilir ki, İran özünü böyük təhlükəyə düçar edib hərbi əməliyyat başlamaz”

Mövzuya münasibət bildirən politoloq Zərdüşt Əlizadənin sözlərinə görə, rəsmi Bakı da anlayır ki, Tehran hər hansı güc tətbiq etsə, başı çox ağrıyar, ona görə də Azərbaycan İranın bu hərəkətlərinə çox etinasız yanaşır.

“İran hazırda elə bir vəziyyətdədir ki, ona özünü çox ehtiyatlı aparmağın lazım olduğunu bilir. Bir çox qüvvə İrana “diş qıcayır” və bu rejimdən “zəncir çeynəyir”. Ona görə də İran İslam Respublikası özünü ehtiyatlı aparmalıdır. Hesab edirlər ki, Azərbaycan rəhbərliyinin əsəbləri zəifdir, yaxud qorxur. Əksinə Azərbaycan rəhbərliyi qorxmur. Azərbaycan bilir ki, İran özünü böyük təhlükəyə düçar edib hərbi əməliyyata başlamaz. İranın Azərbaycana qarşı güc işlətməyinin qarşısını alan iki çox ciddi amil var: birincisi İrandakı azərbaycanlılar, ikincisi İsrail”, – politoloq deyib.

Zərdüşt Əlizadə əmindir ki, Azərbaycanı İran tərəfindən real təhlükə gözləmir. Ölkə rəsmilərinin də İrana qarşı bəyanat verməməyini, politoloq onların təcrübəli siyasətçi olmaları ilə əlaqələndirir.

“Əgər yüngül çəkili siyasətçilər olsaydılar, mütləq mənasız bəyanat verib “suyu bulandırardılar”. Amma hökumət başa düşür ki, bəyanat verməyin yeri deyil”, – Zərdüşt Əlizadə qeyd edib.

Ali Rada BMT-nin üzv dövlətlərini və beynəlxalq təşkilatları bu ölkə daxilində törədilən beynəlxalq cinayətlərin tərəfsiz qaydada araşdırılmasına çağırış edib.

Ukrayna Ali Radası İçkeriya Çeçenistan Respublikasını Rusiya Federasiyası tərəfindən müvəqqəti işğal olunmuş ərazi kimi tanıyıb və çeçen xalqına qarşı işlənmş genosidi ittiham edib («UNİAN»).

Bu barədə qərarın (Ukrayna Ali Radasının İçkeriya Çeçen Respublikasının Rusiya Federasiyası tərəfindən müvəqqəti işğal olunmuş ərazi kimi tanınması və çeçen xalqına qarşı işlənmiş genosidin pislənməsi barədə, qeydiyyat nömrəsi 8132) lehinə 287 xalq deputatı səs verib.

Bəyanatda deyilir ki, Ali Rada Rusiya Federasiyasının birinci (1994-96) və ikinci (1999-2009) müharibə tarixlərində İçkeriya Çeçen Respublikasında həyata keçirdiyi beynəlxaq cinayətləri, çeçen xalqının genosidi siyasətini və çar rejiminin cinayətkar fəliyyətini (1817-1864) və sovet hakimiyyətinin (1944) cinayətlərini təqlid etdiyini pisləyir.

Ali Rada BMT üzv dövlətlərini və beynəlxalq təşkilatları müasir İçkeriya Çeçen Respublikası ərazisində həyata keçirilmiş cinayətlərin tərəfsiz və müstəqil araşdırılmasını təmin etməyə və günahkarları məsuliyyətə cəlb etməyə çağırır.

İsrail Türkiyədə şaxtada baş verən partlayışa əlaqədar Türkiyə tərəfinə yardım təklif edib.

Bu barədə İsrail Baş naziri Yair Lapid öz “Twitter“ində yazıb.

“Bartın vilayətində baş verən dəhşətli faciədən sonra İsrail Türkiyənin yanındadır. Türkiyə xarici işlər naziri Mövlud Çavuşoğlu ilə əlaqə saxlayıb həlak olanların ailələrinə başsağlı və yaralıların tezliklə sağalmasını arzuladım. Mən bu ağır zamanda Türkiyəyə İsrailin yardımını təklif etdim” , - deyə Baş nazir Lapid bildirib.

NATO-nun baş katibi Yens Stoltenberq Litva Prezidenti Gitanes Nauseda ilə hərbi alyasın növbəti sammitinə hazırlıqla bağlı telefon danışığı aparıb.

Bu barədə Y.Stoltenberq tviterdə yazıb.

“Litva Prezidenti ilə gələn il Vilnüsdə keçiriləcək NATO sammitinə hazırlıqla bağlı səmərəli söhbət apardıq”, - o, qeyd edib.

Bundan başqa, tərəflər Rusiya ilə müharibədə Ukraynaya dəstəyin göstərilməsinin vacibliyini müzakirə edib və Belarusun bu qeyri-qanuni münaqişədə iştirakından narahatlığını ifadə ediblər.

Uzun müddətdir İran ermənipərəst mövqeyi ilə Azərbaycan ictimaiyyətinin narazıçılığını artırmaqda davam edir.

Torpaqlarımızın 30 illik işğalı dövründən indiyədək sadəcə növbətçi bəyanatlarla kifayətlənən cənub qonşumuz ikibaşlı siyasət yürüdərək ermənilərin könlünü xoş etməyə çalışır.

İran hakimiyyətinin “Ermənistan ərazi bütövlüyü qırmızı xəttimizdir” ifadəsi onların mahiyyətindən xəbər verir.

Regionda Azərbaycanın güclənməsindən narahat olan İran, işğal dövründə rahatlıqla silah və narkotik ticarəti ilə məşğul olduğu ərazilərimizin əllərindən çıxmasını istəmir.

Daha ətraflı Baku TV-nin süjetində:

Oktyabrın 13-də Astanada Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putinlə görüşü olub.

Dövlətimizin başçısını salamlayan Prezident Vladimir Putin dedi:

-Hörmətli İlham Heydər oğlu, Sizinlə bugünkü tədbir çərçivəsində indi görüşmək fürsətinə görə çox şadam. Biz Sizinlə müntəzəm olaraq görüşürük və həmişə nədənsə danışmağa mövzu var. Çünki çox müxtəlif istiqamətlər üzrə kifayət qədər geniş qarşılıqlı fəaliyyət mövcuddur. Rusiya Azərbaycanın aparıcı iqtisadi-ticari tərəfdaşlarından biri kimi qalmaqdadır və əmtəə dövriyyəsi artır. Məncə, ötən il 14 faiz artıb, bu ilin ilk 7 ayı ərzində 7 faizdən çox artıb. Bizim iqtisadi operatorlar Azərbaycan iqtisadiyyatına 4,5 milyard dollar sərmayə yatırıblar.

Hökumətlərarası Komissiyanın həmsədrləri müntəzəm görüşürlər. İşlər Sizin təklif etdiyiniz plan üzrə gedir. Düşünürəm ki, 2024-cü il də daxil olmaqla, Sizin tərəfinizdən təklif olunan bir sıra perspektivli, maraqlı layihələr üzrə gedir. Təbii ki, biz regionda vəziyyətin nizamlanması ilə bağlı məsələləri də həmişə diqqətdə saxlayırıq. Ümidvaram ki, bütün bu məsələlər üzrə bir daha danışmaq fürsətindən də istifadə edəcəyik və mövqelərimizi dəqiqləşdirəcəyik.

X X X

Prezident İlham Əliyev dedi:

Ətraflı
-Vladimir Vladimiroviç, Sizi yenidən görməyimə çox şadam. Siz tamamilə haqlısınız, biz müntəzəm görüşürük, demək olar, bu yaxınlarda Sankt-Peterburqda, o görüşə qədər isə ötən ay Səmərqənddə. Bizim münasibətlər nə dərəcədə dinamik inkişaf etsə də, Siz dediyiniz kimi, bir çox məsələlər üzrə mövqelərimizi dəqiqləşdirməyə həmişə ehtiyac var. Biz ölkələrimiz arasında münasibətlərin bu cür inkişaf etməsinə görə çox şadıq. Fikrimcə, bu münasibətlər ən yüksək səviyyəyə – müttəfiqlik qarşılıqlı fəaliyyət səviyyəsinə çatıb və biz bir çox məsələlər üzrə fəal surətdə irəliləyirik. Siz qeyd etdiniz, təsdiqləmək istəyirəm ki, iqtisadi-ticari əlaqələr üzrə əmtəə dövriyyəsində artım var. İndi müəyyən etdiyimiz və bundan əvvəlki görüşlərdə razılaşdırdığımız layihələr bizə qarşılıqlı ticarəti daha da artırmaq imkanı verəcək. Həmçinin nəqliyyat, energetika sahələrində və humanitar sahədə əməkdaşlıqla bağlı məsələlər. Biz bütün istiqamətlər üzrə müsbət dinamika görürük. Lakin, əlbəttə, hər bir görüşdə biz regionumuzda təhlükəsizliyə, sülhə nail olmaq məsələlərindən yan keçmirik. Biz bu gün bu barədə də danışacağıq. Biz uzunmüddətli sülhə hədəflənmişik. Biz hesab edirik ki, nəhayət bu sülhə nail olmaqdan ötrü öz tərəfimizdən kifayət qədər konstruktiv tezislər təklif etmişik.

Beləliklə, görüşmək fürsətinə görə bir daha təşəkkür edirəm. Əminəm ki, bu görüş də çox məhsuldar olacaq. Sağ olun.

Prezident Vladimir Putin: Sağ olun.

***

“Rusiya Azərbaycanın aparıcı ticarət və iqtisadi tərəfdaşlarından biri olaraq qalır”.

Bunu Rusiya Prezidenti Vladimir Putin Astanada Azərbaycan Prezidenti İlham Əliyevlə görüşündə deyib.

Müxtəlif sahələrdə kifayət qədər böyük bir qarşılıqlı əlaqənin olduğunu bildirən Rusiya lideri qeyd edib ki, iki ölkə arasında ticarət dövriyyəsi artır:

“Keçən il hesab edirəm ki, 14 faiz, bu il isə ilk yeddi ayda yeddi faizdən çox artıb. İqtisadi operatorlarımız Azərbaycan iqtisadiyyatına 4,5 milyard dollar sərmayə qoyublar. Hökumətlərarası komissiyanın həmsədrləri mütəmadi olaraq görüşlər keçirirlər və sizin təklif etdiyiniz bir sıra perspektivli və maraqlı layihələr üzərində, fikrimcə, 2024-cü ilə qədər hesablanmış plana əsasən iş gedir”.

“Təbii ki, biz regionda vəziyyətin nizamlanması ilə bağlı məsələləri daim diqqətdə saxlayırıq”, – Putin əlavə edib.