 |
|
|
Zelenski Krivoy Roqa hücumdan sonra rus dilində rusiyalı hərbçilərə müraciət edib, Rusiya təkrar zərbə endirib…
“Siz mülki insanlarla döyüşən zəiflərsiniz, siz döyüş meydanından qacaraq haradasa uzaqlardan zərər vurmaq istəyən əclaflarsınız…”
Ukraynanın Krivoy Roq şəhərinə İnqulets çayında bəndin qismən dağılması, nəticədə şəhərin bir neçə rayonunun su basması və sakinlərin təxliyə edilməsinə gətirib çıxaran dünənki zərbədən sonra Ukrayna prezidenti Vladimir Zelenski rus dilində rusiyalı hərbçilərə müraciət edib.
Sozcu.az xəbər verir ki, bu barədə prezident Ofisinin saytında məlumat verilib.
O, bəyan edib ki, dinc vətəndaşlara hücumlar Rusiyanın uduzacağının daha bir səbəbidir.
“Rusiya təkcə bu müharibəni deyil, tarixin özünü uduzacaq. Tarixi insanlar yazır, insan olmayanlar heç vaxt tarix yaza bilməzlər.
Siz tarixdə kim olaraq qalacaqsınız?
Bu raketlətlə zərbə endirənlər kim olaraq qalacaq?
Bizim torpağımıza gələnlər, kim olaraq qalacaqsınız?
Zəifllər kimi!
Siz mülki insanlarla döyüşən zəiflərsiniz.
Döyüş meydanından qaçaraq haradasa uzaqlardan zərər vurmaq istəyən əclaflarsınız.
Siz tarixdə terrorçu olaraq qalacaqsınız və öz nəvələriniz sizə görə xəcalət çəkəcəklər”, – Ukrayna lideri deyib.
Zelenski əlavə edib ki, Krivoy Roqddakı bəndə raket zərbəsi rusiyalı əsgərlərin mənəvi-psixoloji vəziyyətini xilas edə bilməyəcək.
“Onlar anlayıb ki, komandanlıq yaramazdır və onlar Ukraynada bütün istiqamətlərdə tar-mar olacaq.
Heç bir terrorla Rusiya bunu dəyişə bilməyəcək, çünki terror buna əl atanların yalnız zəifliyini göstərir”, – prezident Ukrayna dilində davam edib.
Xatırladaq ki, dünən axşam Rusiya qoşunları “Kinjal” və “İsgəndər” raketlərilə Krivoy Roq şəhərinin hidrotexniki infrastrukturuna zərbələr endirib.
Nəticədə İnqulets çayında suyun səviyyəsi 2-3 metr qalxıb, 112 evi su basıb.
Gecə bənddə qəzanın nəticələrinin arada qaldırılması üçün tədbirlər görülüb.
Sentyabrın 15-də çayda su axını azalıb, onun səviyyəsi enməyə başlayıb.
Bu gün Krivoy Roq hərbi administrasiyasının rəhbəri Alekdandr Vilkul şəhərə daha bir raket zərbəsi barədə məlumat verib.
“Krivoy Roqa raket zərbəsi endirilib. Sığınacaqlarda qalın. Heç nəyi çəkib sosial şəbəkələrdə yerləşdirməyin”, – o, özünün Telegram-kanalında yazıb.
Son məlumatlara görə, raket zərbəsi sənaye müəssisəsinə endirilib və ciddi dağıntılara gətirib çıxarıb.