 |
|
|
İmişli şəhər icra nümayəndəsinin müavini Elvin Heydər oğlu Babayev həbs edilib.
“Unikal”ın məlumatına görə, Elvin Babayevə Cinayət Məcəlləsinin 178-ci (dələduzluq) maddəsi ilə ittiham elan edilib.
Qeyd edək ki, Elvin Babayev Azərbaycan Ordusunun general-mayoru Münasib Babayevin qardaşı oğludur.
Xəbər verdiyimiz kimi, bu gün Bakı şəhəri, Xətai rayonu, Yusif Səfərov küçəsində yerləşən Respublika Perinatal Mərkəzində yanğın baş verib.
Hadisə ilə bağlı Fövqəladə Hallar Nazirliyi yeni məlumat yayıb.
Bildirilib ki, hadisə yerinə cəlb olunmuş FHN-in Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzinin qüvvələri təxliyə işlərini həyata keçirib.
Fövqəladə hallar nazirinin müavini general-leytenant Etibar Mirzəyev hadisə yerindədir.
Qeyd edək ki, hazırda körpələr Mərkəzdən təxliyə edilir.
Çelyabinsk vilayətinin Arqayaşski rayonundakı keçiddə ağır dəmir yolu qəzası baş verib.
32gun.az xəbər verir ki, bu narədə Ural Nəqliyyat Prokurorluğundan məlumat verilib.
Məlumata görə, qəza İşalino stansiyasında idarə olunan keçiddə baş verib.
Orada yük qatarı sərnişin vaqonuna çırpılıb. “Rusiya Dəmir Yolları” QSC-nin mətbuat xidmətinin məlumatına görə, qatar dayanacağa yaxınlaşan zaman maşinist əyləc etməyə vaxt tapmamış yoldan keçən avtomobilin sürücüsü qadağan olunmuş işıqforda relsə çıxıb.
Xoşbəxtlikdən ölən və yaralanan olmayıb. Hazırda bu fakt araşdırılır.
Qazaxıstanın Pavlodar vilayətinin Maykainski mədənində uzunluğu 200 metr, eni 500 metr və dərinliyi 150 metr olan təmizləmə quyusuna düşən avtobus tapılıb.
Məlumata görə, avtobus Balxaşdan gətirilən, Qazaxıstanın yeganə sənaye georadarından istifadə edilməklə tapılıb. Hazırda ərazidə intensiv qazıntı işləri aparılır.
Qeyd edək ki, yanvarın dördündə baş verən qəza zamanı avtobusda üç xilasedici və bir sürücü olub.
Bakıda mövcud infrastrukturun güclü yağıntılar zamanı subasmaların qarşısını almağa imkan verməməsinin səbəbləri açıqlanıb.
Bu, Bakı şəhərinin Baş Planında əksini tapıb.
Baş Planda qeyd edilib ki, Abşeron yarımadasında yağış suları üçün kanalizasiya sistemi çox kiçik ərazidə təmin edilib. Bakı şəhərinin mərkəzi hissəsində yağış suları qismən magistral drenaj şəbəkəsinə axıdılır. Məişət kanalizasiyasından ayrı yağış kanalizasiyası quraşdırılsa da, yağış suları tullantı suları ilə qarışır. Şəhər daxilində mövcud şəbəkənin əhatə dairəsi dəyişir. Şəhərin bir çox yerində magistral yağış kanalizasiya xətləri yoxdur. Mövcud infrastruktur güclü yağıntılar zamanı subasmaların qarşısını almağa imkan vermir. Bu aşağıdakı səbəblərlə əlaqədardır:
– mövcud boruların suburaxma gücündən tam istifadə etməyə imkan verəcək sistemlər mövcud deyil. Yağış sularının yağış kanalizasiyasına axıdılması üçün sututucu qurğuların sayı kifayət qədər deyil;
– yağış suları kanalizasiyaya axıdılmır, çünki binaların damında yığılan suyu toplayan novçalardakı yağış suyu birbaşa yollara axıdılır;
– Bakı şəhərinin topoqrafik quruluşuna görə yağış suları nisbətən aşağı ərazilərə toplanaraq gölməçələrin əmələ gəlməsinə səbəb olur;
– mövcud sistemin gücü yerüstü axınların və böyük miqdarda yağış sularının səmərəli şəkildə axıdılması üçün kifayət etmir (sistem tam gücü ilə işləsə belə);
– bundan əlavə, güclü yağış hadisələri zamanı böyük miqdarda yağış sularının saxlanmasına imkan verəcək sistem yoxdur və ya gücü çox məhduddur.
Su təchizatı və kanalizasiya sistemindən fərqli olaraq, “Azərsu” ASC-nin yağış sularının idarə olunması ilə əlaqədar hansı vəzifələri daşıdığı aydın deyil. Əsas və kombinə edilmiş yağış suları infrastrukturu “Azərsu” ASC-yə məxsus olduğu və cəmiyyət tərəfindən idarə edildiyi halda, ikinci və üçüncü dərəcəli yağış sistemləri və onların əsas sistemə qoşulmaları cəmiyyətin səlahiyyətləri sırasına daxil deyil. Su təchizatı infrastrukturu ilə yanaşı, “Azərsu” ASC tərəfindən həmçinin məişət və yağış kanalizasiya şəbəkələrinin təkmilləşdirilməsi planlarının hazırlanmasına da böyük sərmayələr qoyulub.
Türkiyənin Dənizli şəhərində qayığı ilə yola çıxdıqdan sonra bir daha xəbər alınmayan iş adamı Yasin Cinkayanın meyiti tapılıb.
"32gun.az" xəbər verir ki, iş adamının cansız bədəni Yunanıstanın Samos adasında sahilində aşkarlanıb.
Kişinin meyit aidiyyatı qurumlara təhvil verilib.
Yasin Cinkayan Dənizlidəki təbii daş firması "Faber Mermer"in sahibi imiş.
Futbol üzrə Türkiyə Superliqasında XIX turun oyunları davam edir.
Modern.az xəbər verir ki, bu gün daha iki qarşılaşma keçirilib.
Günün ilk matçında “Sivasspor” səfərdə “Kayserispor”a 3:1 hesabı ilə qalib gəlib.
Digər qarşılaşmada isə çempionluğa iddialı “Fənərbağça” rəqib meydanında “İstanbulspor”u darmadağın edib – 5:1. Qonaqların heyətində qollardan dördünü Cengiz Ünder vurub. Digər qola Edin Ceko imza atıb. Meydan sahiblərinin heyətində isə Muammer Sarıkaya fərqlənib.
Bu qələbədən sonra xallarını 47-yə çatdıran “Fənərbağça” liderliyini davam etdirir. 5 xalı olan “İstanbulspor” isə sonuncu – 18-ci sırada qərarlaşıb.
Qeyd edək ki, tura bu gün keçiriləcək “Qalatasaray” – “Konyaspor” görüşü ilə yekun vurulacaq.
Mingəçevirdə tələbə dəm qazından boğularaq ölüb.
"Cebhe.info" xəbər verir ki, Şabran rayon sakini, Mingəçevir Turizm Kollecinin tələbəsi, 2002-ci il təvəllüdlü Nihad İsayev kirayədə yaşadığı mənzildə dəm qazından boğularaq ölüb.
Araşdırma aparılır.
"Cebhe.info" məlumat üçün bildirir ki, dünən Bakı Dövlət Universitetinin SABAH qruplarının Kompüter elmləri ixtisasının III kurs tələbəsi Qasımov Sənan Mahir oğlu dəm qazından boğularaq vəfat edib.
Cəlilabadda fermerlər min bir əziyyətlə becərdikləri məhsulun pulunu ala bilmirlər.
Xezerxeber.az xəbər verir ki, söhbət rayonun Maşliq kəndinin bir qrup təsərrüfatçısının düşdüyü acınacaqlı vəziyyətdən gedir.
Təsərrufat sahibləri iddia edir ki, ötən mövsüm istixana şəraitində becərdikləri kartofu İqbal adlı bir şəxsə satıblar. Onların sözünə görə, bu satışda həmin alıcıya Vüsal adlı bir həmkəndliləri vasitəçi olub. Amma, sonra söz verən alıcıdan kimsə bir qəpik də ala bilməyib.
İddiaya görə, İqbalın şikayətçilərə 3 min manatdan 10 min manata qədər borcu var.
Daha ətraflı videomaterialı təqdim edirik:
Dörd il əvvəl ABŞ-ın hava hücumu nəticəsində öldürülən keçmiş iranlı komandirin anım mərasimləri zamanı azı 89 nəfərin ölümü ilə nəticələnən partlayışlara görə məsuliyyəti ekstremist İslam Dövləti (İD) qruplaşması öz üzərinə götürüb. İranın daxili işlər nazirinin yanvarın 5-də verdiyi məlumata görə, hücumlarla əlaqədar çox sayda şübhəli həbs olunub.
İslam Dövləti Telegram kanalında verdiyi açıqlamada ölkənin cənub-şərqindəki Kirman şəhərində elit Qüds qüvvələrinin keçmiş komandiri Qasım Süleymaninin ölümünün ildönümü qeyd edilən vaxt iki üzvünün "partlayıcı gödəkçələrini işə saldığını" bildirib.
İsrailin Qəzza zolağında ABŞ və Avropa İttifaqı tərəfindən terror təşkilatı kimi təyin edilmiş HƏMAS-la müharibəni və İranla müttəfiq olan Yəməndəki Husi üsyançılarının Qırmızı dənizdə ticarət gəmilərinə hücumlarını davam etdirdiyi üçün insident regionda münaqişənin genişlənməsi qorxusunu gücləndirib.
Daxili işlər naziri Əhməd Vahidi dövlət televiziyası ilə çıxışında partlayışlarda əli olmaqda şübhəli bilinən bir neçə nəfərin həbs edildiyini bildirib.
"Ölkəmizin bacarıqlı kəşfiyyat orqanları Kirmandakı terror partlayışlarında iştirak edən ünsürlərlə bağlı çox yaxşı sübutlar tapıb və bu hadisədə əli olanların bir hissəsi həbs edilib" - deyə, Vahidi bildirib.
İran rəsmiləri hücumda İsrail və ABŞ-ın əli olduğunu deyərək, bunun İsrail-HƏMAS müharibəsindən qaynaqlanan daha geniş Yaxın Şərq gərginliyi ilə əlaqələndirməyə çalışıb.
Qurbanların kütləvi dəfn mərasimində danışan İran prezidenti İbrahim Rəisi və İran İslam İnqilabı Keşikçiləri Korpusunun baş komandanı Hüseyn Səlami heç bir sübut təqdim etmədən, bu kimi iddialar irəli sürüb. Toplanan izdiham "Amerikaya ölüm!" və "İsrailə ölüm!" şüarları səsləndirib.
ABŞ partlayışların arxasında İsrail və ya Vaşinqtonun olması ilə bağlı iddiaları rədd edib.