TEREF

Sabiq millət vəkili, Naftalan Şəhər İcra Hakimiyyətinin keçmiş başçısı Musa Musayev Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində fəaliyyət göstən “ASAN xidmət” barəsində tənqidi fikirlər səsləndirib.
Yeniavaz.com xəbər verir ki, o, qərbi azərbaycanlıların şəxsiyyət vəsiqəsində doğum yerinin dəyişdirilməsi prosesinin çətinləşdirildiyini iddia dib və buna görə “ASAN xidmət”i tənqid edib.
“Bu gün səhər qalstukumu taxdım, kastyumumu geyindim, çox həvəslə və şux bir əhval-ruhiyyə ilə 1 saylı “ASAN xidmət”ə üz tutdum. Məqsədim şəxsiyyət vəsiqəmi yeniləyib, doğma rayonumun və kəndimin adını tarixiləşdirmək idi. Bu məsələni mən vaxtilə parlamentin tribunasından 2000 və 2005-ci illərdə iki dəfə səsləndirmişdim. Bir neçə pəncərədən keçdim, mənasız sorğu sual... Nəhayət, doğum şəhadətnaməsinin tərcüməsi, həyat yoldaşımın sağ olması barədə arayış, anamın sağ olması barədə, 1998-ci ildə dünyasını dəyişən atamın ölüm kağızını və s. tələb etdilər. Anladım ki, “ASAN xidmət” çətin xidmətlə əvəzlənib, sakitcə sənədlərimi götürüb kor-peşman oradan uzaqlaşdım.
Deməli “Asan xidmət”də də erməni əli var? Yüzminlərlə qərbi azərbaycanlının şəxsiyyət vəsiqəsini dəyişməsi yəqin ki, baş tutmayacaq!”

Məlumat üçün qeyd edək ki, 2000-2005-ci illərdə millət vəkili, 2006-2010-cu illərdə isə Naftalan Şəhər İcra Hakimiyyətinin başçısı vəzifəsini icra etmiş Musa Musayev hazırda 20 saylı Nərimanov ikinci seçki dairəsinin sədri və Yeni Azərbaycan Partiyasının (YAP) Təftiş komissiyasının üzvüdür.

Kamil Zeynallının Moskvanın Domodedovo hava limanında saxlanılması ilə bağlı məsələ Rusiyadakı Azərbaycan səfirliyinin nəzarəti altındadır.

Pravda.az xəbər verir ki, bu barədə Azərbaycan Xarici İşlər Nazirliyinin açıqlamasında deyilir.

Nazirlikdən bildirilib ki, Kamil Zeynallıya müvafiq konsulluq-hüquqi yardım göstərilir.

Əlavə məlumat olarsa bildiriləcək.

Azərbaycanda ilk ödənişli yol olan Bakı-Quba-Rusiya Federasiyası ilə dövlət sərhədi yolu 2023-cü il oktyabrın 20-də istifadəyə verildi. Bundan sonra əsas müzakirə mövzusu ödənişli yolda maksimum sürət həddi oldu. Lakin hələ də qeyd olunan magistralda hər hansı sürət həddi qoyulmayıb. Bu məsələ dəfələrlə sosial şəbəkələrdə müzakirə obyektinə çevrildi. Bəziləri sürət həddi olmadığı üçün qəzaların və ölü sayının çox olacağı fikrini irəli sürdü. Əksəriyyət də ürəyi istəyən sürətdə sürmək üçün nişan qoyulmamasının tərəfdarı oldu.

Lakin son iki həftə ərzində artıq ikinci xanım sürücü Bakı-Quba-Rusiya ödənişli yolunda yüksək sürətə görə saxlanılaraq, barələrində tədbir görülüb. Qeyd edək ki, həmin xanımlar saatda 200 kilometr civarında avtomobillərini idarə ediblər. Onların saxlanılaraq cərimələnməsi də bir müzakirə məsələsinə çevrilib. Belə ki, həmin yolda heç bir sürət həddi işarəsi qoyulmadığı halda sürücülərin niyə cərimələndiyi çoxlarına qaranlıq qalıb.

Məsələnin aydınlaşdırılması üçün Baş Dövlət Yol Polisi İdarəsinə üz tutduq. İdarənin inspektoru polis baş leytenantı Elvin Hacıyev Lent.az-a açıqlamasında bildirib ki, nişan qoyulmasa belə avtomagistrallarda qüvvədə olan qanun ödənişli yola da aiddir:

"Baş Dövlət Yol Polisi İdarəsi tərəfindən mütəmadi olaraq bu istiqamətdə nəzarət-profilaktiki tədbirlər həyata keçirilir. Lakin təəssüflə bildirmək istəyirəm ki, bəzi sürücülər görülən tədbirlərə məhəl qoymurlar və qanunvericiliyin tələblərinə qeyri-ciddi yanaşırlar ki, bu da xoşagəlməz halların yaşanmasına səbəb olur. Mövcud qanunvericiliyin tələblərinə əsasən avtomagistrallarda sürət həddi aşılmamalıdır. Qanunvericiliyi pozanlar barəsində qanunamüvafiq tədbir görülür.

Nəzərə almaq lazımdır ki, ani bir diqqətsizlik xoşagəlməz hallara gətirib çıxara bilər. Bu baxımdan sürücülərdən xahiş edirik ki, yol hərəkəti qaydalarına tam ciddi şəkildə riayət etsinlər”.

Xatırladaq ki, avtomagistrallarda maksimum sürət həddi 110 km/saat, minimum isə 50 km/saat-dır.

Xırdalan şəhərinin mərkəzi küçəsində bir aydan çoxdur dağıdılan səki bərpa edilmir.

Tribunainfo.az-a yazan sakinlər bildirib ki, Xırdalanın Məmməd Əmin Rəsulzadə küəsinin problemləri bitmir. Sakinlər qeyd edib ki, hələ bu küçə mərkəzi küçədir və Abşeron Rayon İcra Haimiyyətinin binası da burada yerləşir. Buna baxmayaraq, küçə bərbad vəziyyətdirir. Piyada səkisi bir aydan çoxdur qazılıb və o şəkildə də qalıb.
Qazılan yerdə nə iş aparılır, nə də quyunun üstü bağlanır. Sakinlər bildirir ki, küçənin normal işıqlanma sistemi olmadığı üçün xüsusilə axşam saatlarında səkilərdə bu cür çuxurlar problem yaradır. İcra hakimiyyətinin pəncərəsi də bu yola baxır, həmçinin bu yoldan keçir. Ancaq qəribədir ki, icra hakimiyyəti sakinləri narahat edən bu problemi həll etməyə çalışmır.
Sakinlər bildirir ki, lazımi bütün qurumlara etdikləri müraciətlər cavabsız qalır.

Qarşı tərəfin də mövqeyini işıqlandırmağa hazırıq.

"Birinci mərtəbələrdəki mənzillərin obyektə çevrilməsi, qanunsuzdur və binaların dözümlülüyünü azaldır"Azadlıq prospekti 89-a saylı binanın birinci mərtəbəsindəki mənzil
Son zamanlar şəhərin müxtəlif ərazilərində, xüsusən də köhnə binalarda zirzəmilərin, birinci mərtəbə mənzillərin obyektə çevrilməsi halları baş verir. Baxırsan ki, illərlə mənzil olan bir yerin içində nəsə iş görürlər. Sabah qarşınızda böyük bir obyekt var. Bu proseslər zamanı yaradılan səs-küy, texnikanın fəaliyyəti bir kənara, həm də binaların dayanıqlılığı zəiflədilir. Axı bu binalar tikiləndə, onların layihəsi veriləndə kim düşünə bilərdi ki, 70 il sonra sütunları sökülüb obyektə çevriləcək? Həm də üzərində 5 və daha çox mərtəbəni saxlayan birinci mərtəbə və ya zirzəmi…
Görünən odur ki, Bakıda məmurların gözü ciblərindən başqa yeri görmür. Belə bir hadisə bir neçə gün əvvəl Bakının bu məsələlərlə bağlı daim qalmaqallı olan Nəsimi rayonunda baş verib. Qonşu binanın sakinləri baxıb görüblər ki, həyətlərində binanın birinci mərtəbəsinin pəncərəsini söküb, qapı ediblər. Bu azmış kimi böyük bir səki-pilləkən tikib, yolu da zəbt ediblər. Sakinlər hər yerə, elə bizim redaksiyamıza da müraciət ediblər. Bu şikayətçi sakinlərdən biri də, “Bələdiyyələrin fəaliyyətinin təbliği” İctimai Birliyinin sədri Vüqar Tofiqlidir.
Vüqar Tofiqli Bizimyol.info xəbər portalına açıqlamasında təkcə şikayətçi sakin kimi deyil, həm də məsələ haqqında məlumatlı olan bir ekspert kimi danışıb. Ekspert bildirib ki, "Bakının baş planı artıq təsdiq edilib. Müəyyən açıqlamalar var. Düzdür, baş planla bağlı çox geniş məlumat almaq mümkün olmasa da, belə güman etmək olar ki, son 20-30 il ərzində Bakı şəhərində heç bir plana sığmayan pərakəndə şəkildə atılan addımların yaratdığı problemlər həll ediləcək. Bakı şəhərində, xüsusən də Bakının mərkəz rayonlarında son vaxtlar heç bir qanuna söykənməyən addımlar atılır. Binaların birinci mərtəbələrinin obyektə çevrilməsi, bu qəbil addımlardandır".

Vüqar Tofiqli
Ekspertin fikrincə, binaların birinci mərtəbələrində olan mənzillərin obyektə çevrilməsi binaların konstruksiyasına uyğun olmayan şəkildə həyata keçirilir. Bu proses binaların möhkəmliyini, dözümlülüyünü azaltmış olur və digər vətəndaşları da təhlükə qarşısına qoymuş olur. Vüqar Tofiqli hesab edir ki, bəzi məmurlar buna göz yumurlar.
“Bu gün bu çox ciddi məsələdir. Tək bir strukturun bu prosesin qarşısın alınması qeyri-mümkündür. Kompleks şəkildə bu məsələlərin həlli vacibdir. Bizim yaşadığımız Azadlıq prospekti 91 saylı binaya bitişik 89-a ünvanında vətəndaş pəncərəni qapı edib, özünə obyekt etmək istəyir. Bununla bağlı vətəndaşlar ayağa qalxıb, müvafiq orqanlara rəsmi müraciətlər ünvanlanıb. Buna reaksiya veriləcək. Vətəndaşın özü də dərk etməlidir ki, mənzilini obyekt etməklə, pəncərəni qapı etməklə, ümumi istifadədə olan bir ərazini zəbt edir. Orada “çörək qazanmaq” istəyi nəticə etibarı ilə digər sakinlərin də narahatlığı hesabına olur. Bir söz var ki, “kiminsə bədbəxtliyi hesabına xoşbəxtlik qurmaq qeyri-mümkündür”. İndi bu vətəndaş sahibkarlıqla məşğul olmaq istəyəndə və yaxud da hər hansı bir məmur digər bir məmura şərait yaradıb, müəyyən məsələlərin həllinə yardımçı olursa, hər halda vətəndaşların da fikri nəzərə alınmalıdır. Burada da əsas məsələ prosesin qanuna uyğun şəkildə həyata keçirilməsidir”-deyən Vüqar Tofiqli bildirib ki, bu gün bu "vərdiş" Bakının Nəsimi rayonu ərazisində, mərkəz ərazilərdə çox geniş şəkildə vüsət alıb.
Ekspertin fikrincə, bu xüsusilə, pilot layihə çərçivəsinə düşmüş ərazilərdə, o cümlədən söküntü olacaq ərazilərdə çox geniş vüsət alıb. Müəyyən məmurlar bundan istifadə edərək, müəyyən maliyyə vəsaiti əsasında bu kimi hallara göz yumurlar.
Vüqar Tofiqli, maraqlı bir məqama da toxunub. Ekspert qeyd edib ki, söküntü aparılacaq bəzi ərazilərdə sözün əsl mənasında özbaşnalıq hökm sürür.
“Bu gün Bakının mərkəz küçələri var ki, burada ancaq birmərtəbəli binalar var. Bu gün bir mərtəbəli olan binaların üzərində ikinci mərtəbə inşa edirlər. Sabah söküntü aparacaq sahibkarlar da problemlə qarşılaşacaqlar. Yəni əlavə maliyyə xərci ilə üz-üzə qalacaqlar.
Bu proseslərə ciddi nəzarət olmalıdır”-deyən Vüqar Tofiqli hesab edir ki, bu problemin həllini bir qurumdan gözləmək düzgün olmazdı. Bu problemlərin həllinə kompleks şəkildə yanaşmaq lazımdır.
Ekspert bildirib ki, mərkəzi icra orqanları kompleks şəkildə bu proqram hazırlamalıdır.
“Artıq qanunsuz tikililərlə bağlı müəyyən addımlar atılır. Sənədi olmayan torpaq sahəsində inşa edilmiş hansısa bir əmlakın işıq, qaz xəttinin çəkilməsi qadağan edilib. Bu məsələlərdə də bir qadağa və nəsə bir addım atılmalı, bununla yanaşı əhali arasında da maarifləndirmə işi aparılmalı, o cümlədən də bu məsələlərə “göz yuman” və ya şərait yaradan məmurlar da ciddi cəzalandırımalıdır”-deyə Vüqar Tofiqli bildirib. Ekspert hesab edir ki, bu kimi qeyri-qanuni addımların atılması, bütövlükdə bu şəhərin görüntüsünə də xələl gətirir.
Vüqar Tofiqli qeyd edib ki, obyektə çevrilmiş olan mənzillərin bir çoxu artıq öz istismar müddətini başa çatdırıb və bu ərəfədədir. 50-80 il əvvəl tikilmiş binalardır. Bu binalar sovet dövrünün ilkin dövrlərində tikilmiş binalardır. Bu binaların dayanıqlılığını zəiflətmək birbaşa vətəndaşı təhlükə ilə üz-üzə qoymaq deməkdir. Bu səbəbdən də, hüquq mühafizə orqanları, mərkəzi icra orqanları bu məsələlərdə göz yummamalı və hərhansı bir maraq naminə vətəndaşı təhlükə ilə qarşı-qarşıya qoymamalıdırlar.
“Cənab prezident elan etdiyi kimi Azərbaycanda yeni dövr başlayır. Xalqı narahat edən problemlərin daha sürətli həllinə təkan veriləcək. Bu həlli vacib olan məsələlərdən biri də, məhz bu cür qanunsuz addımların atılmasının qarşısının alınmasıdır. Paralel olaraq sənədsiz və statusda olmayan mənzillərə hüquqi status verilməsi, yəni çıxarışların verilməsidir. Düşünürəm ki, bunlar kompleks şəkildə öz həllini tapmalıdır. Burada əsas məsələ vətəndaş məmnunluğunun təmin edilməsi məsələsi olmalıdır. Necə ki, daim cənab prezident bununla bağlı öz fikirlərini də deyir. Qeyd edir ki, “hər bir məmur xalqın xidmətçisidir” və məmurun da xalqın xidmətçisi olması üçün birinci növbədə xidmətini lazımi səviyyədə həyata keçirməlidir. Əgər məmur öz hərəkəti ilə vətəndaşa narahatlıq və təhlükə yaradırsa, sabah bir təhlükəli məqam gələndə sudan quru çıxmağa çalışacaqsa, belə bir məmurun o vəzifədə qalmasına ehtiyac yoxdur”-deyə Vüqar Tofiqli bildirib.

Gəncədə zəhərlənmə faktı qeydə alınıb.
Hadisə şəhərin Şah İsmayıl Xətai prospektində yerləşən evlərin birində baş verib.

Mənzildə olan 2015-ci il təvəllüdlü Zəhra Qasımova, 2016-cı il təvəllüdlü Həsən Qasımov, 2011-ci il təvəllüdlü Məryam Qasımova və 2010-cu il təvəllüdlü Məryam Qasımova zəhərlənmə diaqnozu ilə xəstəxanaya yerləşdirilib. Məlumata görə onlar dəm qazından zəhərlənib.//APA

Rusiya media mənsubları video-kameralar vasitəsilə müxalifət lideri Aleksey Navalnının cəsədinin daşınmış ola biləcəyi Federal Penitensiar Xidmətin(FPX) kortejini müəyyən ediblər.

Moderator.az xəbər verir ki, bu barədə "Mediazona" telegram-kanalı məlumat yayıb.

Rusiya mediası Ob çayının kəsişməsindəvideo-müşahidə kameralarının qeydlərini öyrənə bilib - bu, Labitnangidən Salexarda gedən yeganə quru yoldur. Küçə veb-kameralarına ictimai giriş yerli internet provayderlərindən birinin saytında tapılıb - onlar yerli sakinlərə keçidin vəziyyətini qiymətləndirmək və bərə növbələrini müşahidə etmək imkanı verir. Orada bir həftəlik qeydlər saxlanılır.

Belə ki, sözügedən saytda fevralın 16-da saat 23:55-də FPX korteji qeydə alınıb. Məhz onun Navalnının cəsədini daşıdığı güman edilir. Yəni FPX əməkdaşları Navalnının cəsədini anası Lyudmila və vəkilləri həbsxanaya yollanan gecə qəsdən koloniyadan Salexarda aparıblar.