Avtomobilin dövlət qeydiyyat nişanı yararsız olan sürücülərə xəbərdarlıq edilib.Törədilə biləcək hər hansı bir inzibati xəta zamanı xüsusi texniki vasitələr nömrəni dəqiq qeydə almaqda çətinlik çəkir və yaxud elektron protokol başqa bir şəxsə tərtib olunur.Belə faktların qarşısını almaq məqsədi ilə Baş Dövlət Yol Polisi İdarəsi sürücülərə xəbərdarlıq edib. İdarənin əməkdaşı Elvin Hacıyev Xəzər Xəbər”ə deyib ki, sürücülər nəqliyyat vasitələrinin nömrə nişanına mütəmadai olaraq nəzarət etməlidirlər.

Adətən avtomobilin dövlət qeydiyyat nişanında hərf, rəqəm və bayrağın zədələnməsi avtoyuma məntəqələrində şırnaqlı suyun yaxından vurulması zamanı olur. Əgər nömrə nişanları normada nəzərdə tutulan standartların tələblərinə cavab verməsə, nəqliyyat vasitələrinin istismarının qadağan edilməsinə səbəb olan nasazlıq olduğuna görə həmin nəqliyyat vasitələri yol hərəkətindən kənarlaşdırılır. Yəni yol polisinin ixtiyarı var ki, həmin nəqliyyat vasitəsini saxlasın və onların istismarını qadağan etsin.

Qeyd edək ki, sürücü avtomobilinin qeydiyyat nişanında nasazlıq aşkar etdikdə ərazi üzrə qeydiyyat, imtahan mərkəzlərinə yaxınlaşıb, cütünə 50 manat ödəməklə yenisini ala bilər.

Domodedovo və Vnukovo aeroportlarında eniş-uçuş müvəqqəti dayandırılıb
Rusiyanın paytaxtı Moskvanın Domodedovo və Vnukovo hava limanlarında reys qəbulu və göndərişi müvəqqəti olaraq dayandırılıb.

“Report” xəbər verir ki, bu barədə TASS aviaxidmətlərə istinadən məlumat yayıb.

“Baza” teleqram kanalının məlumatına görə, hava limanlarında dron təhlükəsi ilə əlaqədar “Xalça” rejimi elan olunub.

Təyyarələrin Şerementyevo aeroportuna yönləndirildiyi bildirilib.

Taksi xidməti sektorunda göstərilən xidmətin keyfiyyətinin yüksəldilməsi, bu sahədə mövcud qanunvericilik bazasının günümüzün tələbinə uyğunlaşdırılması məqsədilə mühüm islahatlara başlanılıb. İlk növbədə qanunvericilik bazası təkmilləşdirilir. “Avtomobil nəqliyyatı haqqında”, “Yol hərəkəti haqqında”, “Lisenziyalar və icazələr haqqında” və “Dövlət rüsumu haqqında” Qanunlara, eləcə də İnzibati Xətalar və Vergi Məcəllələrinə dəyişiklik edilməsi ilə bağlı məsələ parlamentin müzakirəsinə çıxarılaraq üçüncü oxunuşda qəbul edilib. Dəyişikliklərlə bağlı Prezident İlham Əliyev 18 avqust 2023-cü ildə Fərmanlar da imzalayıb. Bu, taksi fəaliyyətində səmərəli nəzarət mexanizmlərinin yaradılması baxımından olduqca əhəmiyyətlidir. Dəyişikliklər sahəyə dövlət nəzarətini həyata keçirməyə imkan verəcək, vətəndaşlarımız üçün keyfiyyətli taksi xidmətlərinin təqdim olunmasına, sürücülərin isə layiqli iş şəraiti ilə təmin olunmasına gətirib çıxaracaq.

Rəqəmsal İnkişaf və Nəqliyyat Nazirliyindən Hurriyyet.az-a verilən məlumata görə, qanunvericiliyə olunan dəyişikliklər taksi xidməti sektorunda bir sıra yenilikləri nəzərdə tutur. Son illər gündəlik leksikonda tez-tez rast gəlinən “taksi sifarişi operatoru” ifadəsi ilk dəfə hüquqi-normativ sənədlərdə əksini tapıb. Dəyişikliyə əsasən, taksi sifarişi operatoru fəaliyyəti göstərmək üçün 3000 manat dövlət rüsumu ödənilməlidir.

Qeyd edilib ki, “Lisenziyalar və icazələr haqqında” qanuna edilən dəyişiklik sayəsində taksi xidməti sektorunda tətbiq olunan digər yeniliklər isə buraxılış vərəqəsi və icazə kartı ilə bağlıdır. Buraxılış vərəqəsi taksi fəaliyyəti göstərmək istəyən hüquqi şəxslərə və ya fərdi sahibkarlara təqdim olunan icazə növüdür. Buraxılış kartı isə taksi kimi istifadə olunan nəqliyyat vasitəsi üçün nəzərdə tutulub. “Dövlət rüsumu haqqında” Qanuna əsasən buraxılış vərəqəsi üçün dövlət rüsumu 125, buraxılış kartı üçün isə 25 manat müəyyən edilib.

Vurğulanıb ki, taksi sifarişi operatoru fəaliyyəti göstərmək üçün icazə, buraxılış vərəqəsi və buraxılış kartı 7 il müddətinə verilir.

Qanunvericiliyin tələbinə riayət olunmasını təmin etmək baxımından nəzarət tədbirlərinin olması mütləqdir. Məhz buna görə də İnzibati Xətalar Məcəlləsinə bir sıra dəyişikliklər edilib. Taksi xidməti sektorunda qanunvericiliyin tələbinin pozulması inzibati məsuliyyət yaradır ki, bunun üçün də cərimə sanksiyaları nəzərdə tutulub. Taksi sifarişi operatorları tərəfindən avtomobil nəqliyyatı haqqında qanunvericiliyin pozulmasına, yəni icazə olmadan taksi sifarişi operatoru kimi fəaliyyət göstərilməsinə görə vəzifəli şəxslər on min manat məbləğində, hüquqi şəxslər qırx min manat məbləğində cərimə ediləcək.

Taksi sifarişi operatorları “Fərdi məlumatlar haqqında” Azərbaycan Respublikasının Qanununa uyğun olaraq, taksi sifarişi xidmətinin göstərilməsi zamanı istifadə olunan fərdi məlumatların informasiya sistemlərini dövlət qeydiyyatından keçirmədiyi və fərdi məlumatların mühafizəsi ilə bağlı tələblərə riayət etmədiyi halda cərimə olunacaq. Vəzifəli şəxslər beş min manat məbləğində, hüquqi şəxslər iyirmi min manat məbləğində cərimə edilir.

“Taksi sifarişi operatorlarının informasiya sistemlərində olan sifarişləri, habelə sürücünün iş və istirahət rejimi ilə bağlı məlumatları AYNA İnformasiya Sisteminə real vaxt rejimində ötürülməsini təmin edən mexanizmin yaradılmamasına və ya həmin mexanizmin fəaliyyət göstərməməsinə görə vəzifəli şəxslər beş min manat məbləğində, hüquqi şəxslər iyirmi min manat məbləğində cərimə edilir. Taksi minik avtomobilləri ilə sərnişin daşımalarına buraxılış vəsiqəsi və avtonəqliyyat vasitələrinin texniki vəziyyətinin reysqabağı yoxlanılmasının, sürücülərin reysqabağı tibbi müayinəsinin təşkili imkanı barədə sənədləri və ya müvafiq xidmətlərdən istifadə olunmasına dair texniki məntəqə və ya tibb məntəqəsi ilə müqavilələri olmayan daşıyıcıya, habelə müvafiq buraxılış kartı və taksi minik avtomobillərinin sürücülərinin xüsusi hazırlıq keçməsini təsdiq edən sənədi olmayan sürücüyə taksi sifarişi xidmətinin göstərilməsinə görə vəzifəli şəxslər iki yüz manat məbləğində, hüquqi şəxslər üç yüz manat məbləğində cərimə edilir”, - deyə qeyd olunub.

İqbal Məmmədovun obyekti BELƏ TƏHLÜKƏ SAÇIR - Nazirlikdən AÇIQLAMA
Tarix: Bu gün, 17:49 | Çap et
İqbal Məmmədovun obyekti BELƏ TƏHLÜKƏ SAÇIR
Lerik rayonunda kəsilmiş toyuqların qanı çaya axıdılır.

Teref.az yazır ki, bu barədə saytımızın 12-08-2023 sayında yazmışdıq.
Lerikin deputatı İqbal Məmmədova ağır ittihamlar: 10 ildir işlətdiyi broyler çayı yarasız edib, çaydan su əvəzinə qan gedir.
(https://teref.az/manset/293567-lerikin-deputati-iqbal-memmedova-agir-ittihamlar.html)

Belə ki, rayonun Piran kəndində yerləşən broyler sexində kəsilən toyuqların qanının çaya axıdılması oranı yararsız hala salıb.

Qeyd edək ki, həmin sexin deputat İqbal Məmmədova məxsus olduğu bildirilir.

Məsələ barədə Ekologiya və Təbii Sərvətlər Nazirliyinə sorğu ünvanladıq.
Nazirliyin tabeliyində olan Dövlət Ekoloji Təhlükəsizlik Xidmətinin rəsmisi Bəhruz Məhəmmədov Oxu.Az-ın sorğusuna cavab olaraq bildirib ki, Lerik rayonunun Piran kəndi ərazisində fəaliyyət göstərən “Lerik Broyler” Məhdud Məsuliyyətli Cəmiyyətində (MMC) ətraf mühitin mühafizəsi haqqında qanunvericiliyin tələblərinə riayət olunması vəziyyəti Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb:

“Araşdırma zamanı “Lerik Broyler” MMC-nin fəaliyyəti ilə əlaqədar bir sıra çatışmazlıqlar və nöqsanlar aşkar edilərək aktlaşdırılıb.

“Hazırda araşdırma materialları aidiyyəti dövlət orqanları ilə birlikdə təhlil edilir və təhlillərin nəticəsindən asılı olaraq “Lerik Broyler” MMC barəsində qanunamüvafiq tədbirlər görüləcək”.

Nyu-York polisi BMT-nin mənzil-qərargahı önündə dinc aksiya keçirən həmvətənlərimizə qarşı təxribat törədən Cobanyan Sulyanı həbs edib.

“Report”un ABŞ bürosu xəbər verir ki, polis BMT-nin mənzil-qərargahı önündə dinc aksiya keçirirən həmvətənlərimizə qarşı təxribat törədən erməniləri sorğuya çəkib.

Əraziyə gələn polis əməkdaşları şikayətçi tərəfləri dinləyir. Polis hadisəyə dair foto və videoları incələyir.

Aksiya iştirakçılarının sorğusu davam edir.

00:02

ABŞ-nin Nyu-York şəhərində yaşayan Azərbaycan icmasının fəalları BMT-nin mənzil-qərargahı önündə aksiya keçirirlər.

“Report”un ABŞ bürosu xəbər verir ki, aksiya Ermənistanın guya Azərbaycanın Laçın yolunu bağlamaqla “humanitar böhran” yaratdığına dair iddialarına etiraz məqsədi ilə baş tutub.

Əllərində Azərbaycan bayraqları və plakatlarla əraziyə gələn aksiya iştirakçıları BMT Təhlükəsizlik Şurasından ədalət tələb edirlər.
Dinc aksiya keçirən həmvətənlərimizə qarşı ermənilər təxribat törədiblər.

Onlar yoldan keçən maşınların qarşısını kəsib və həmvətənlərimizə təzyiq göstəriblər.

Qarşıdurma davam edir. Bölgəyə Nyu-York polisləri gəlib.

Qeyd edək ki, BMT Təhlükəsizlik Şurası Ermənistanın müraciəti ilə Laçın yolunu müzakirə etmək üçün təcili iclas keçirir.

Sessiyada Azərbaycanı ölkənin BMT-dəki daimi nümayəndəsi Yaşar Əliyev təmsil edəcək.

Göygöldə fərdi evin zirzəmisi çöküb.

Hadisə evdə təmir zamanı baş verib.

İlkin məlumata görə, dağıntılar altında qalan var.

Hazırda dağıntı altında qalan şəxsin xilasetmə işləri aparılır.

"İran bölgədə problemlərini həll etmiş, bütünlüyünü təmin etmiş, güclü Azərbaycan görmək istəmir"
"İran İslam Respublikası tarixi köklərinə istinad edərək, xristian Ermənistanı qardaş elan etmiş və onun dəstəyi üçün antropoloji dəlillər axtarmağa çalışıb… Onu yaradan elementlər arasında 40 milyona yaxın Güney azərbaycanlı olmasına baxmayaraq, İranın müdafiə refleksləri bütünlüklə rejimin və ölkənin bütövlüyünün qorunması üçündür. İran uzun illər məruz qaldığı sərt embarqolar və davamlı xarici müdaxilələrlə öz təhlükəsizlik rejimini cəmiyyətdə və hətta dövlət səviyyəsində həyata keçirməyə başlayıb. Böyük küçə hadisələrindən sonra bu vəziyyətin qaçılmaz olduğunu söyləmək lazımdır".
TEREF.AZ bildirir ki, bu barədə Bizimyol.info xəbər portalına BAU ULMER müdürü, politoloq İhsan Alpargın danışıb. Politoloq qeyd edib ki,

İran ən yaxın müttəfiqi (baxmayaraq ki, vaxtaşırı onunla üz-üzə gəlirlər) Rusiya ilə olan kəsintisiz quru yolu xəttini (hər zaman onu Azərbaycandan daha təhlükəsiz görür) itirməmək və bölgədə problemlərini həll etmiş, bütünlüyünü təmin etmiş, güclü bir Azərbaycan görmək istəmir. Nəticədə İrandakı azərbaycanlıların təsir altına düşməkdən və ciddi resurs/material təminatı problemi yaşamaqdan və quruda tamamilə təcrid olunmaqdan qorxur. Bu iki səbəbə, yəni iqtisadi və sosial partlayış risklərinə görə, İran Ermənistanın yanındadır.

Alpargın hesab edir ki, İsrailin də İranın tam olaraq, bu qorxuları səbəbilə bölgədə və problemin həllində təsirli olmaq istədiyini görə bilərik. İsrail də İranı təcrid və qapanmış vəziyyətdə saxlamağa çalışır.

“İranın xüsusilə Suriya və İraq müharibəsi ilə Livandakı Hizbullahla birlikdə hər ölkədə təsirini milis qüvvələri artırması, hətta Yəmən daxili müharibəsindəki varlığı və Afrika buynuzundakı baza yaratmağa başlaması İsrailin “Şiə Hilalı” qorxusunu zirvəyə çıxaran hadisələrdir. Ona görə də bu iki dövlət Qarabağ məsələsində əks düşərgədədir”-deyən politoloq vurğulayıb ki, bəzi dairələrdə aktiv Xəzər yəhudiliyinin lobbiçilik təsiri və silah sənayesinin payı da təsdiqlənir.