Qızmar günəş altında çalışan sakinlər: “İstidə insanlar istirahətə gedirlər” - VİDEO

Yaradılıb 11.08.2023 09:26 | Baxış sayı: 329
Ardını oxu...
Paytaxtda qızmar günəş altında çalışan insanların sayı az deyil.

Baku TV onlar barəsində süjetə hazırlayıb.

Küçədə satış həyata keçirən şəxslər hazırda havanın isti olması səbəbindən işlərin zəyiflədiyini bildiriblər.

“İstidə insanlar istirahətə gedirlər, burada məhsul alanların sayı azalıb”.

Daha ətraflı süjetdə:

 

"Nazir söz verdi, amma sözünə əməl etmədi..." - GİLEY

Yaradılıb 10.08.2023 10:35 | Baxış sayı: 132
Ardını oxu...
DİA.AZ: - Gənclər və İdman Naziri Fərid Qayıbovdan narazılıq var. DİA.AZ bildirir ki, bu barədə GƏncə sakini Əli Meydan Gəncəli gileyini ifadə edib.

Narazı vətəndaş yazır: "Cənab Nazirin qəbulunda oldum. Samux rayonunda keçirilirdi qəbul.

Qəbula şəhid anasıyla birlikdə girmişdik. Cənab nazirdən xahiş etdik ki, Gəncə şəhəri Azərbaycan küçəsinə uşaqlar üçün futbol meydançası tikmiməsi üçün köməlik etsin.

Nazirdən kömək istədik, amma hec bir köməlik göstərmədi...

Burdan xahiş edirik ki, nazir sözünü tutsun. Çünki kömək edəcəyinə söz vermişdi"

Məsələ ilə bağlı dia.az olaraq cənab nazirin də mövqeyini işıqlandırmağa hazırıq...
 

Ən "stajlı" icra başçıları: Yerləri dəyişsə də, vəzifələri dəyişmir - SİYAHI

Yaradılıb 10.08.2023 09:11 | Baxış sayı: 133

Ardını oxu...
İcra başçılarının fəaliyyəti hər zaman cəmiyyətin diqqət mərkəzində olub.

DİA.AZ bildirir ki, Cebhe.info hazırda fəaliyyətini davam etdirən icra başçılarının ümumi “stajı” haqqında araşdırma aparıb.

Kim neçə ildir icra başçısıdır:

*Abşeron rayon İcra Hakimiyyətinin başçısı Abdin Fərzəliyev 20 ildir icra başçısı işləyir. O, 2022-ci ildən Abşeron rayonuna başçılıq etsə də, buna qədər Nizami (2003-2005) və Nərimanov (2005-2022) rayonunda icra başçısı işləyib.

*Ağcabədi rayon İcra Hakimiyyətinin başçısı Rafil Hüseynovun isə 11 il icra başçısı stajı var. O, 2019-cu ildən Ağcabədi rayonunun icra başçısıdır. Buna qədər isə Masallı rayonunda (2012-2019) bu postu tutub.

*Ağdam rayon İcra Hakimiyyəti başçısı Vaqif Həsənov isə 5 ildir bu vəzifəni icra edir. Buna qədər isə Qaradağ (2006-2011) və Xəzər (2011-2018) rayonunda başçının müavini vəzifəsində çalışıb.

*Ağdaş rayonunun icra başçısı Tofiq İbrahimov 2012-ci ildən bu vəzifədə işləyir. Tofiq İbrahimovun 19 illik icra başçısı təcrübəsi var. O, 2004-cü ildən 2010-cu ilə qədər Qəbələdə, 2010-2012-ci illərdə isə Lənkəranda başçı işləyib.

*Ağstafa rayon İcra Hakimiyyətinin başçısı Seymur Orucov isə gənc icra başçılarındandır. O, 2020-ci ildən Ağstafa rayonuna başçılıq edir.

*Ağsu rayonunun icra başçısı Rövşən Bağırov 2021-ci ildən Ağsuya rəhbərlik etsə də, buna qədər 14 il Lerik rayonunda başçı postunu tutub. Ümumi olaraq Rövşən Bağırovun 17 il icra başçısı təcrübəsi var.

*Astara rayon İcra Hakimiyyətinin başçısı Qəzənfər Ağayev 2012-ci ildən bu rayonda işləyir. Buna qədər isə o, 2006-2012-ci illərdə Masallı rayonuna rəhbərlik edir. Ümumi olaraq Qəzənfər Ağayevin 17 illik icra başçısı stajı var.

*Bakı şəhər İcra Hakimiyyətinin başçısı Eldar Əzizovun da 23 illik icra başçısı stajı var. O, 2018-ci ildən Bakı meridir. Buna qədər isə Nizami rayonu (2000-2003), Gəncə şəhəri (2003-2011), Sumqayıt şəhəri (2011-2015) və Səbail rayonunda (2015-2018) icra başçısı işləyib.

*Binəqədi Rayon İcra Hakimiyyətinin başçısı Elxan Allahverdiyev də gənc icra başçılarındadır. O, 2018-ci ildən bu vəzifəni icra edir.

*Xətai rayonuna başçılıq edən Rafiq Quliyev isə 2019-cu ildən başçı işləyir.

*Xəzər rayon İcra Hakimiyyətinin başçısı Elşən Salahov da 2019-cu ildən başçı postunu tutur.

*Qaradağ rayon İcra Hakimiyyətinin başçısı Süleyman Mikayılov 2010-cu ildən bu rayona rəhbərlik edir. Buna qədər isə o, 2005-2010-cu illərdə Lənkəran şəhərinə rəhbərlik edib. Qısa müddət isə 2005-ci ilin 13 mayından 21 dekabrına qədər Yardımlı rayonunda işləyib. Ümumi olaraq Süleyman Mikrayılovun 18 illik icra başçısı təcrübəsi var.

*Nərimanov rayon İcra Hakimiyyətinin başçısı Elgin Həbibullayev 2022-ci ilin 18 fevralından bu vəzifədə çalışır.

*Nəsimi rayon İcra Hakimiyyətinin başçısı Asif Əsgərov 2015-ci ildən bu rayona rəhbərlik edir. Buna qədər isə o, Zaqatala (2006-2009) və Səbail (2009-2015) rayonunda başçı işləyib. Ümumi olaraq Asif Əsgərov 17 ildir icra başçısı işləyir.

*Pirallahı rayon İcra Hakimiyyətinin başçısı Vasif İmanov 2013-cü ildən bu postu tutur.

*Sabunçu rayon İcra Hakimiyyətinin başçısı Adil Vəliyev isə 2012-ci ildən bu rayonda icra başçısıdır.

*Səbail rayon İcra Hakimiyyətinin başçısı Vüqar Zeynalov da gənc icra başçılarından sayılır. O, 2018-ci ildən bu rayona rəhbərlik edir.

*Suraxanı rayon İcra Hakimiyyətinin başçısı Əziz Əzizov da uzun müddətdir başçı vəzifəsini icra edir. O, 2019-cu ildən Suraxanı rayonunda işləsə də, buna qədər Cəlilabad (2006-2018) və Yasamal (2018-2019) rayonlarında başçı işləyib. Ümumii olaraq Əziz Əzizovun 17 illik icra başçısı təcrübəsi var.

*Yasamal rayon İcra Hakimiyyətinin başçısı Elşad Həsənov da gənc rayon rəhbərlərindədir. O, 2019-cu ildən Yasamal rayonuna rəhbərlik edir.

*Balakən rayon İcra Hakimiyyətinin başçısı İslam Rzayev 2011-ci ildən bu rayona rəhbərlik edir.

*Beyləqan rayon İcra Hakimiyyətinin başçısı Asif Ağayevin də 10 illik icra başçısı təcrübəsi var. O, 2018-ci ildən Beyləqan rayonuna rəhbərlik edir. Buna qədər isə 2013-2018-ci illərdə Şamaxı rayonuna rəhbərlik edib.

*Bərdə rayon İcra Hakimiyyətinin başçısı Vidadi İsayev 2011-ci ildən bu rayona rəhbərlik edir. Buna qədər isə o, Tərtər (2005-2011) rayonunun başçısı olub. Beləliklə də Vidadi İsayev 18 ildir başçı işləyir.

*Biləsuvar rayon İcra Hakimiyyətinin başçısı Faiq Qürbətov isə 2020-ci ildən başçı işləyir.

*Cəbrayıl rayon İcra Hakimiyyətinin başçısı Kamal Həsənov isə 2016-cı ildən bu postu tutur.

*Cəlilabad rayon İcra Hakimiyyətinin başçısı Rafiq Cəlilov da 2021-ci ildən başçı işləyir.

*Füzuli rayon İcra Hakimiyyətinin başçısı Alı Alıyev isə 2011-ci ildən bu rayona rəhbərlik edir.

*Gədəbəy rayon İcra Hakimiyyətinin başçısı Orxan Mürsəlov 2022-ci ildən icra başçısı işləyir.

*Gəncə şəhər İcra Hakimiyyətinin başçısı Niyazi Bayramov 2018-ci ildən şəhərə rəhbərlik edir. Buna qədər o, 6 il Mingəçevir şəhərinin (2012-2018) başçısı olub.

*Goranboy rayon İcra Hakimiyyətinin başçısı Məhərrəm Quliyev isə 2011-ci ildən başçı işləyir. O, 2011-2019-cu illərdə Ağstafa rayonuna rəhbərlik edib, 2019-cu ildən isə Goranboyda başçı işləyir.

*Göygöl rayon İcra Hakimiyyətinin başçısı Elvin Paşayev isə 2022-ci ildən icra başçısıdır.
*Hacıqabul rayon İcra Hakimiyyətinin başçısı Rüstəm Xəlilov də 2019-cu ildən başçı postunu tutur.

*Xaçmaz rayon İcra Hakimiyyətini başçısı Elnur Rzayev də 2019-cu ildən başçı işləyir.

*Xızı rayon İcra Hakimiyyətinin başçısı Xəzər Aslanov 2012-ci ildən bu rayona rəhbərlik edir. Buna qədər isə 2006-2012-ci illərdə Yardımlı rayonunda başçı işləyib. Xəzər Aslanovun 17 illik icra başçısı təcrübəsi var.

*Xocalı rayon İcra Hakimiyyətinin başçısı Şahmar Usubov 2000-ci ildən bu rayona rəhbərlik edir. Şahmar Usubovov 23 illik icra başçısı stajı var.

*Xocavənd rayon İcra Hakimiyyətinin başçısı Eyvaz Hüseynov ən çox başçı işləyən şəxsdir. O, 1992-ci ildən Xocavənd rayonuna başçılıq edir. Eyvaz Hüseynov 31 ildir icra başçısıdır.

*İmişli rayon İcra Hakimiyyətinin başçısı Elçin Rzayev isə 2020-ci ildən başçı işləyir.

*İsmayıllı rayon İcra Hakimiyyətinin başçısı Nahid Bağırov da 2020-ci ildən bu postda çalışır.

*Kəlbəcər rayon İcra Hakimiyyətinin başçısı Azər Qocayev da 2020-ci ildən icra başçısıdır.

*Kürdəmir rayon İcra Hakimiyyətinin başçısı Elxan İbrahimov isə 2022-ci ildən bu vəzifəni tutur.

*Qax rayon İcra Hakimiyyətinin başçısı Musa Şəkiliyev isə 13 ildir rayona rəhbərlik edir. O, 2010-cu ildən Qaxın icra başçısıdır.

*Qazax rayon İcra Hakimiyyətinin başçısı Rəcəb Babaşov 2016-cı ildən bu rayona rəhbərlik edir.

*Qəbələ rayon İcra Hakimiyyətini başçısı Səbuhi Abdullayev isə 13 ildir (2010-cu ildən) bu rayona rəhbərlik edir.

*Qobustan rayon İcra Hakimiyyətinin başçısı Adil Məmmədov da uzun müddət icra başçısı işləyən şəxslərdəndir. O, 2011-ci ildən Qobustanda işləyir. Buna qədər isə Oğuz (1994-2002), Qəbələ (2002-2004) və Biləsuvar (2004-2011) rayonlarında icra başçısl işləyib.Qusar rayon İcra Hakimiyyətinin başçısı Şair Alxasov isə 2007-ci ildən bu rayonda icra başçısı işləyir. Laçın rayonu İcra Hakimiyyətinin başçısı Aqil Nəzərli isə 2016-cı ildə bu rayona rəhbərlik edir.

*Lerik rayon İcra Hakimiyyətinin başçısı Əkbər Abbasov isə 2022-ci ildə bu vəzifəyə təyinat alıb.

*Lənkəran şəhər İcra Hakimiyyətinin başçısı Taleh Qaraşov da uzun müddət icra başçısı işləyənlərdəndir. O, 2012-ci ildən Lənkəran şəhərinə rəhbərlik edir. Buna qədər isə Kürdəmir (1996-2002), Cəlilabad (2002-2006), Neftçala (2006-2011) və Astara (2011-2012) rayonlarında icra başçısı işləyib. Ümumi olaraq Taleh Qaraşov 27 ildir icra başçısıdır.

*Masallı rayon İcra Hakimiyyətinin başçısı Araz Əhmədov isə 2022-ci ildən bu postu tutur.

*Mingəçevir şəhər İcra Hakimiyyətinin başçısı İlham İsmayılov isə 2018-ci ildən icra başçısı işləyir.

*Naftalan şəhər İcra Hakimiyyətinin başçısı Vüqar Novruzov da 2019-cu ildən icra başçısıdır.

*Neftçala rayon İcra Hakimiyyətinin başçısı Mirhəsən Seyidov da 2020-ci ildən başçı işləyir.

*Oğuz rayon İcra Hakimiyyətinin başçısı Eyvaz Qurbanov isə 2011-ci ildən (12 il) bu rayona rəhbərlik edir.
*Saatlı rayon İcra Hakimiyyətinin başçısı Elmir Bağırov 2020-ci ildən başçıdır.

*Sabirabad rayon İcra Hakimiyyətinin başçısı Siraqəddin Cabbarov 2008-ci ildən başçı vəzifəsində işləyir. O, 2008-2019-cu illərdə Saatlı rayonuna rəhbərlik edib. 2019-cu ildən isə Sabirabad rayonuna rəhbərlik edir.

*Salyan rayon İcra Hakimiyyətinin başçısı Sevindik Hətəmov 2012-ci ildən icra başçısıdır. O, 2012-16-cı illərdə Yardımlı rayonunda icra başçısı olub. 2016-cı ildən isə Salyan rayonuna başçılıq edir.

*Samux rayon İcra Hakimiyyətinin başçısı Alı Qocayev isə 2005-ci ildən icra başçısıdır. O, 2005-2012-ci illərdə Binəqədi rayonunun icra başçısı olub. 2012-ci ildən isə Samux rayonunun icra başçısıdır.

*Siyəzən rayon İcra Hakimiyyətinin başçısı Novruz Novruzov 2019-cu ildən bu rayonun rəhbəridir. O, buna qədər Lerik (1995-2002), Goranboy (2002-2007) və Şabran (2007-2019) rayonunda başçı işləyib. Novruz Novruzov ümumilikdə 28 ildir icra başçısıdır.

*İcra Hakimiyyətinin başçısı Zakir Fərəcov 2015-ci ildən Sumqayıta rəhbərlik edir. Buna qədər isə o, 2005-2015-ci illərdə Abşeron rayonunda icra başçısı işləyib.

*Şabran rayon İcra Hakimiyyətinin başçısı Asif Hüseynov 2019-cu ildən bu rayona rəhbərlik edir. Bundan əvvəl isə o, 4 il (2015-2019) Siyəzən rayonunun icra başçısı olub. Şamaxı rayon İcra Hakimiyyətinin başçısı Tahir Məmmədov 2018-ci ildən icra başçısıdır.

*Şəki şəhər İcra Hakimiyyətinin başçısı Elxan Usubov 2011-ci ildən bu rayondadır. Buna qədər isə 2007-2011-ci illərdə Ağstafa rayonunda icra başçısı işləyib.

*Şəmkir rayon İcra Hakimiyyətinin başçısı Rəşad Tağıyev isə 2021-ci ildən icra başçısıdır.

*Şirvan şəhəri İcra Hakimiyyətinin başçısı İlqar Abbasov 2019-cu ildən Şirvanın icra başçısıdır. O, buna qədər Nərimanov (2004-2005) və Suraxanı (2005-2019) rayonunda icra başçısı işləyib. İlqar Abbasov 19 ildir icra başçısı işləyir.

*Şuşa rayon İcra Hakimiyyətinin başçısı Bayram Səfərov 2009-cu ildən bu rayonda icra başçısıdır.

*Tərtər rayon İcra Hakimiyyətinin başçısı Müstəqim Məmmədov isə 2014-cü ildən başçı işləyir.

*Tovuz rayon İcra Hakimiyyətinin başçısı Məmməd Məmmədov 2018-ci ildən icra başçısıdır.

*Ucar rayon İcra Hakimiyyətinin başçısı Mənsur Məmmədov 2015-ci ildən bu rayonda işləyir. Buna qədər isə o, Zərdab (2005-2007) və Göyçay (2007-2015) rayonunun icra başçısı olub.

*Yardımlı rayon İcra Hakimiyyətinin başçısı Ayaz Əsgərov 2016-cı ildən bu rayona rəhbərlik edir. Buna qədər isə 2011-2016-cı illərdə Qazax rayonunda icra başçısı işləyib.

Yevlax Şəhər İcra Hakimiyyətinin başçısı Anar Tağıyev 2019-cu ildən başçı işləyir.

*Zaqatala rayon İcra Hakimiyyətinin başçısı Mübariz Əhmədzadə 2009-cu ildən bu rayonda işləsə də, buna qədər 2007-2009-cu illərdə Qax rayonun icra başçısı olub.Zəngilan rayon İcra Hakimiyyətinin başçısı Ramiz Həsənov 2021-ci ildən icra başçısıdır.

*Zərdab rayon İcra Hakimiyyətinin başçısı Mərdan Camalov 2019-cu ildən bu rayonun rəhbəridir. Buna qədər isə o, 2005-2019-cu illərdə Şirvan şəhərinin icra başçısı olub.
 

Elmar Hüseynovun ailəsinin gizli saxlanılan Azərbaycan səfəri - İLGİNC

Yaradılıb 10.08.2023 08:51 | Baxış sayı: 134
Ardını oxu...
Məlum olduğu kimi, mərhum jurnalistin ailəsi ölkəni tərk etdikdən sonra Bakıya səfər etdikləri açıqlanıb...

Qətlə yetirilən jurnalist Elmar Hüseynovun xanımı və oğlu 17 il sonra Azərbaycana səfər edib.

Abzas Media-ya bu barədə məlumatı hüquqşünas Aslan İsmayılov verib. İsmayılov bildirib ki, Elmar Hüseynovun ailə üzvləri 2 həftə əvvəl Bakıya gəliblər və artıq daimi yaşadıqları Norveçə qayıdıblar:

“Səfəri Diasporla iş üzrə Dövlət Komitəsi təşkil edib. Özləri ailə ilə maraqlanıblar, səfəri təşkil ediblər. Onlar da gəlib 2 həftə burda qaldılar, vətəni gördülər, Elmarın məzarına ziyarət etdilər, doğmaları ilə görüşüb Norveçə qayıtdılar. Bircə mənimlə təmasda oldular, heç kimlə ünsiyyətdə olmaq istəmədilər”.

A.İsmayılov mərhum jurnalistin ailə üzvlərinin onun qətl işinin istintaqı ilə maraqlanıb-maraqlanmadıqları sualını cavablandırmayıb: “Məlumatı lazım bilsə, onlar özləri deyərdilər”,- hüquqşünas bildirib.

Ölkəni tərk edərkən 1 yaş 4 aylıq olan və mətbuatda atasının qara lent bağlanmış fotosunu öpərkən çəkilən şəkili ilə yadda qalan Aslan Hüseynov gununsesi.info saytına açıqlamasında deyib ki, Bakıda ilk dəfə qohumları ilə görüşüb, atasının məzarını ziyarət edib.
“İlk dəfə Bakıya uzun illər sonra gəldim və məni emosiyalar bürüdü. İlk dəfə qohumlarımla görüşdüm, vətənimi, şəhərimi gördüm. Atam Elmarın məzarını ziyarət etdim. Çox kədərli bir an idi. Bilirəm ki, Elmar öz şəhərini çox sevirdi. Mən də Elmar kimi Bakı şəhərinə aşiq oldum. Bakını Avropanın digər şəhərlərindən daha çox bəyəndim, ona görə ki, ən gözəli deyil, ən əzizidir bu şəhər”.

Aslan Hüseynov deyib ki, ölkəyə Azərbaycan diasporunun dəvəti ilə gəliblər.

Diasporla iş üzrə Dövlət Komitəsinin mətbuat xidmətindən isə Abzas Media-ya bildirilib ki, Rüşaniyyə Hüseynovanın müraciəti əsasında onun ölkəyə səfəri təşkil olunub.

"Bu, onun ilk müraciəti idi",- deyə Komitə açıqlamasında bildirib.

E.Hüseynovun həyat yoldaşı Rüşaniyyə Hüseynova və oğlu Aslan Hüseynov səfər çərçivəsində işğaldan azad edilən Şuşa şəhərində də olublar.

Elmar Hüseynov Azərbaycan hakimiyyətini tənqid edən "Monitor" jurnalının yaradıcısı və baş redaktoru olub. O, 2005-ci ildə mənzilinin qarşısında güllənərək qətlə yetirilib. Hadisədən 18 il keçsə də, qətlin sifarişçiləri və icraçıları tapılmayıb.

Jurnalistin qətlindən sonra 2006-cı ildə ailəsi Norveçə köçüb.

13 aprel 2017-ci ildə Avropa İnsan Hüquqları Məhkəməsi Elmar Hüseynovun qətli ilə bağlı istintaqa dair hökmündə, 4 əsas məqamı vurğulayaraq, Azərbaycanı jurnalistin yaşamaq hüququnu pozmaqda təqsirli sayıb. Qərara əsasən, Azərbaycan hökuməti mənəvi zərərə görə 20 min, hüquqi məsrəflərə görə isə 10 min avro cərimələnib.
 

“10 minə yaxın plan yeri boş qalacaq” - Sensasion iddia

Yaradılıb 10.08.2023 08:31 | Baxış sayı: 224
Ardını oxu...
"Bu il ali məktəblərin böyük sayda, azı 10 minə qədər plan yeri boş qalacaq..."

Yenisabah.az xəbər verir ki, bunu təhsil eksperti Kamran Əsədov bildirib.

Ekspert qeyd edib ki, bu il universitetlərin plan yeri kəskin şəkildə artıb:

"Yaxın günlərdə ali məktəblərin bakalavr pilləsinə qəbul olmaq üçün ixtisas seçimi başlayır və sabaha abituriyent-4 jurnalı nəşr olar.

Amma məsələ burasındadır ki, bu il ali məktəblərə qəbul plan yeri 60 minə çatıb. Bütün universitetlərin plan yerləri kəskin şəkildə artıb. Amma abituriyentlərin nəticələri, xüsusilə, 200-dən çox bal toplayan abituriyentlərin sayında ciddi fərq yoxdur.

Qüvvədə olan qəbul qaydalarına görə ümumi balı 150 -dən çox olanlar müsabiqəyə qoşulur, amma onlar məhdud ixtisaslar seçə bilər. Bu halda ali məktəblərin böyük sayda, azı 10 minə qədər plan yeri boş qalacaq.

Xüsusilə, 1-ci ixtisas qrupu üzrə 200 bal ilə seçim ixtiyarı verilən ixtisaslardan boş qalanlar çox olacaq.

2018-ci ildə Təhsil haqqında qanuna dəyişiklik edilib və universitetlərin nəzdində "hazırlıq qrupları" yaradılması nəzərdə tutulub. Lakin 5 ildir ki, heç kim bu barədə danışmır. 2 ildir ki, abituriyent 2 jurnalında bu qəbul nəzərdə tutulur, amma həyata keçirilmir.

Ehtimal etmək olar ki, məhz boş qalan plan yerlərinə qəbul məhz "hazırıq qrupları" adı ilə olacaq. Yoxsa azı 10 mindən çox boş qalacaq plan yerlərini doldurmaq üçün müsabiqə şərtini 100 bala salmazlar.."

Məktəbli forması monopoliyadan çıxıb: - BTE nişan vurur, "Sədərək" ucuz satır...

Yaradılıb 10.08.2023 08:30 | Baxış sayı: 116
Ardını oxu...
Nazirlər Kabinetinin qərarına əsasən, 2023-2024-cü tədris ilində ölkənin hər bir ümumi təhsil müəssisəsi üzrə vahid məktəbli geyimi tətbiq ediləcək.

Həmin qərarda məktəblər tərəfindən 4 cür geyim formasından birinin seçilməsi nəzərdə tutulur. Valideynlər isə bu formaları paytaxt üzrə 18 məntəqədən əldə edə bilərlər.

Lakin bu məntəqələrdən əlavə, bir sıra ticarət mərkəzlərində də məktəbli formaları satılır.

Məsələn, hər il Sədərək Ticarət Mərkəzində satışa çıxarılan məktəbli formaları daha ucuz qiymətə təklif olunur. Bu formaların sintetik materialda olduğu deyilsə də, qiymətləri valideynlər üçün daha əlverişli hesab olunur. Bundan əlavə, bu il sıraya "Panda Kids" şəbəkəsi də qoşulub. Məktəbli formaları "Panda Kids" şirkəti tərəfindən də istehsal olunur.

Xatırladaq ki, əvvəllər məktəblərdə formalara nəzarət olunurdu. Belə ki, "BTE" ("Bakı Tikiş Evi") nişanlı formalardan istifadə etməyən şagirdlərin sayı barədə indiki Elm və Təhsil Nazirliyi məlumatlandırılırdı.

Maraqlıdır, digər mağazalarda satılan və "BTE" nişanı olmayan formaların satışı barədə Elm və Təhsil Nazirliyinə müraciət edilibmi?

TEREF.AZ-ın məlumatına görə, bununla bağlı “Bakı Tikiş Evi”nin (BTE) satış şöbəsinin rəisi Etibar Əzimov Cebhe.info-ya açıqlamasında bildirib ki, hazırda proseslərə nazirlik də nəzarət edə bilmir:

"Biz istehsalçıyıq, satışa çıxarırıq. Məhsullarımızın üzərində "BTE" nişanı var. İnsanlar özləri qiymət verir, kim keyfiyyətli məhsul istehsal edir, gedib oradan alır.

Kimə uşağının taleyi maraqlı deyil, sabah geyinəndə allergiya olacaq və ya hansısa başqa xəstəlik tutacaq, onu maraqlandırmırsa, gedib ucuz, saxta formalar alır. Kim istəyir, bizim satış mərkəzimizdən ala bilər, kim də istəmirsə, bu insanların şəxsi işidir, nə edək?

Bütün ərazilərə nəzarət edə bilmirik. Heç vaxt da nəzarət edə bilməmişik. Qarşısını almaq mümkün deyil. Qarşısını almağa gücümüz də çatmır. Oradan-buradan parça gətirib tikib satırlar. Bu, həmişə olub, yenə də olacaq. Elm və Təhsil Nazirliyi nə etsin? Bu gün bazarda həm keyfiyyətli, həm də keyfiyyətsiz yağ var. Onun qarşısını kim ala bilir? Kim harada necə satır, nə satır, bu bizi düşündürən məsələ deyil.

Biz öz məhsullarımıza cavabdehik. Məhsullarımızın qiyməti baha deyil, üstəlik pambıqdandır, sintetik deyil, zərərsizdir. Keyfiyyətsiz, ucuz mal almaq istəyən gedib Sədərək Ticarət Mərkəzində alır. Məktəbli formalarının satışı ilə bağlı heç bir problemimiz yoxdur. Satışımız yaxşıdır

“`Texnika Şuşa zonasındadır` deyib, bizi yola verirlər” - - Xaçmazın Qımılqışlaq kənd sakinləri ETİRAZ EDİR

Yaradılıb 09.08.2023 12:29 | Baxış sayı: 250
Ardını oxu...
Xaçmazın Qımılqışlaq kəndi rayon mərkəzinə yaxın olan kəndlərdən biridir.

Lakin sakinlər deyirlər ki, kənd rayon mərkəzindən 10 dəqiqəlik uzaqlıqda olsa da, ən azı 25-30 dəqiqəyə gedib rayona çata bilirlər. Səbəb isə kəndə gələn 9 kilometrlik yolun tamamilə dağılmasıdır.

Çala-çuxur yollar sakinlərin cibinə də ziyan vurur. Avtomobil idarə edən kənd sakinləri deyir ki, yolun ucbatından hər 3 aydan bir 300-400 manat xərcə düşürlər.

Ən pisi isə yolun dağılmasına görə kəndə çağırılan təcili tibbi yardım maşınlarının gecikməsidir, kənd sakinləri bildirib.

Xaçmaz rayon icra hakimiyyətinin birinci müavini Bəxtiyar Osmanov BBC-yə açıqlamasında Qımılqışlaq yolundakı vəziyyətdən xəbərdar olduqlarını və Azərbaycan Avtomobil Yolları Dövlət Agentliyi ilə yolun yenidən əsaslı təmir olunması istiqamətində danışıqlar apardıqlarını bildirib.

İcra hakimiyyətinin rəsmisi yolun nə zaman çəkiləcəyi ilə bağlı Agentlikdən onlara dəqiq məlumat verilmədiyini deyib. Azərbaycan Avtomobil Yolları Dövlət Agentliyindən səslənən fikirlərlə bağlı cavab almaq mümkün olmayıb.

Kənddə olarkən sakinlər elektrik xətlərinin yaratdığı təhlükə barədə də danışdılar. Onların sözlərinə görə, kəndin transformatoru 40 il əvvəl quraşdırılıb və həmin tarixdən sonra elektrik xətləri və elektrik dirəkləri yenilənməyib, heç əlavə transformator da qoyulmayıb.

Xaçmaz rayon icra hakimiyyətindən bildirilib ki, kəndlərin elektrik xətləri Sovet dövründən qaldığı üçün onların mərhələli şəkildə yenilənməsinə başlanılıb. Yenilənmə işlərinin Azərişıq tərəfindən aparıldığını deyən Bəxtiyar Osmanov Qımılqışlaq kəndi ilə bağlı da quruma müraciət edildiyini bildirib.

Azərişıq sakinlərin şikayətləri ilə bağlı suallarımızı cavablandırmayıb. Sakinlər deyir əgər aidiyyatı qurumlar qış aylarına kimi kəndin problemlərini həll etməsələr onların yaşayışı daha acınacaqlı vəziyyətə düşəcək. //BBC Azərbaycanca//

 

Görmədikləri işə görə borc yazırlar - "Normalda bir gün gec ödəniş edəndə..."

Yaradılıb 09.08.2023 09:21 | Baxış sayı: 200
Ardını oxu...
"Şikayətim "CityNet"dəndir". DİA.AZ bildirir ki, bu barədə "Müştərinin Səsi" sosial qrupundakı paylaşımında Arzu Umud adlı istifadəçi giley edir.

Ardını oxu...
Narazı vətəndaş daha sonra yazır: "İyun ayının 8-dən Azərbaycanda yaşamıram. Gəlmədən internet provayderini aradım, məlumat istədim. Deyildi ki istifadə etməsəniz, 3 ay ərzində baglanacaq avtomatik.

Baxıram ki bu gün borc yazılıb 18 manat. Qeyd edim ki iyulda ödəniş tələb olunmayıb. Normalda bir gün gec ödəniş edilməsə, internet vermirsiniz. Etmədiyiniz xidmət qarşılığında bu borcu niyə yazırsınız?"

İddia olunanlarla bağlı dia.az olaraq qarşı tərəfi də dinləməyə hazırıq...
 

Baş redaktor ona qarşı qurulmuş "tələ"-ni ifşa etdi - FOTO

Yaradılıb 09.08.2023 09:19 | Baxış sayı: 363
Ardını oxu...
İki iri məmurun barəmdə hazırladığı mürəkkəb kompozisiyalı həbs planı
Artıq bir neçə yerdən xəbər alıram ki, “xanın trolbaşısı” müxtəlif şəxslərə belə deyib: “Mənim şairə hörmətim var. Məqsədim ona cinayət işi açdırmaq deyildi. Mən sadəcə onun barəmdə səsləndirdiyi ittihamları üzərimdən atmaq üçün məhkəməyə baş vurmuşam”.
Əziz dostlar, eyni sözlər mənə də deyilib. Həmin şəxs ilk dəfə bu barədə fikirləri məhkəmənin hazırlıq iclasından əvvəl telefon danışığımız zamanı demişdi. Açığı, məni buna inandırmışdı da. Mən də hesab edirdim ki, o məni mülki ittiham qaydasında məhkəməyə verib və tələbi yaydığım məlumatı təkzib etməyimdir. Baxmayaraq ki, həmin tələbi yerinə yetirmək imkanım da yox idi, çünki necə deyə bilərəm ki, hörmətli “qızcığaz” şərhini verdiyim o statusu yazmayıb. Axı yazıb. Bununla belə, məhkəmədə aktiv mübarizə modu seçməyəcəyim, hakim nə qərar çıxararsa, ona etiraz etməyəcəyim, qərarı facebook və Ovqat.com-da heç bir şərh vermədən paylaşacağım barədə qarşı tərəflə razılaşmışdım.
Amma bunun sinsicə uydurulmuş yalan olduğunu məhkəmənin ilk iclasında öyrəndim. Anladım ki, bu yalanın məqsədi məhkəmə hökmünün oxunuşuna qədər mənim başımı qatmaq, öz aktiv müdafiəmi qurmağımın qarşısını almaqdır. Çünki mənə xüsusi ittiham qaydasında cinayət işi açılmışdı və 3 il həbsim istənilirdi. Bu həqiqəti məhkəmənin baş tutmayan ilk iclasında öyrəndikdən sonra hakimin gəlməsini gözləmədən zalı tərk edib, prosesə daha ciddi hazırlaşmağa qərar verdim.
Sözsüz ki, bu həqiqəti anlamağımın daha tutarlı əsasları da var idi. Məhkəmənin ilk iclasından hardasa 10 gün əvvəl qulağıma bir məlumat sızmışdı. Məlumata görə, ölkənin 2 güclü məmuru mənim 2 il həbsimə qərar vermişdilər. Bunun üçün hətta mürəkkəb bir plan da qurulmuşdu. Plana əsasən, “xan trolbaşısı”na mühüm bir rol həvalə ediləcək, o məni əvvəl təhqir və söyüş yağmuruna tutaraq təxribata çəkəcək (məlumatı alanda artıq planın ikinci mərhələsi tamamlanmışdı), sonra isə diffimasiya maddələri ilə məhkəməyə verəcəkdi. Amma mən bu maddələrlə həbs olunmayacaqdım. Çünki bu maddələrlə həbsim Azərbaycana beynəlxalq arenada nüfuz gətirməyə və nəticədə ölkə başçısının müdaxiləsi ilə azadlığa buraxıla bilərdim. Odur ki, məhkəmə məni ilk baxışdan yüngül görünən cəza ilə “mükafat”landıracaqdı. Amma bu, elə bir cəza olacaqdı ki, onun icrasından mütləq boyun qaçıracaqdım. Məhz bundan sonra planın növbəti mərhələsi dövriyyəyə girəcəkdi: mənə CM-nin 309-cu maddəsinə əsasən iş kəsiləcək və 2 il azadlıqdan məhrum ediləcəkdim.
Doğrusu, məhkəmədən əvvəl aldığım bu məlumata o qədər də inanmamışdım. Çünki mən bu hakimiyyətdə təmsil olunan şəxslərin (yeri gəlmişkən, aldığım məlumata görə, planın müəllifi “xan” həzrətləri deyil, onun yaxın dostlarıdır) bu qədər mürəkkəb plan quracaq səviyyədə ağıllı olduğunu düşünmürdüm. Bir də “xan trolbaşısı”nın məhkəmədən əvvəl söylədikləri mənə daha səmimi görünmüşdü. Məhkəmənin baş tutmayan ilk iclasında isə adını hələ ki, çəkmək istəmədiyim həmin 2 məmurun ağıl səviyyəsi barədə gəldiyim qənaətimdə nə qədər yanıldığımı anladım. Sən demə, bu məmurlar nəyi də bilməsələr, başqalarına torba tikmək məsələsində şeytana papış hörəcək qədər ciddi ağıl sahibləri imişlər, sadəcə mənim bundan xəbərim yoxmuş.
Hakimin son anda hətta məhkəmə hökmünü saxtalaşdıraraq ora “üzr istəmək” maddəsini salması da sözügedən 2 məmurun nə qədər ağıllı olduğunu göstərirdi. Bəli, həqiqətən də mən nəinki 2 il, hətta 10 il həbsdə yatmağa razı olaram, amma məni bir xanıma yaraşmayacaq qədər ən nalayiq küçə söyüşləri ilə söyən və söyüş kampaniyasını təşkil edən birisindən üzr istəmərəm.
Mənim son zamanlar aktiv şəkildə öz müdafiəmi təşkil etməyimin başlıca səbəbi də budur. Məqsədim üzərimdə qurulan mürəkkəb kompozisiyalı həbs ssenarisinin qarşısını almaq, uduzduğu halda hələ də əlini yerə vurmayan məlum komandanı ədalət və milli maraqlar qarşısında məğlubiyyətini etiraf etdirməkdir. İnşallah, bu hədəfimə çatmaq üçün lazım gələrsə, Avropa İnsan Haqları Məhkəməsinə qədər gedəcəyəm. Baxmayaraq ki, Avropa məhkəməsində mənim dosyamın adının “Heydər Oğuz Azərbaycana qarşı” olması ehtimalı yüksəkdir və bu ad ruhumu incidir, ən əsası isə bu kimi dosyalar Azərbaycanın əzəli düşmənləri olan güc mərkəzlərinin də işinə yarayır. Zatən Azərbaycandan başqa bütün xarici dövlətlərə, o cümlədən Rusiyaya, İrana, ermənilərə işləyən məlum komandanın əsas hədəflərindən biri də elə budur. Amma mən bir neçə pisin içərisindən ən yaxşı pisi seçmək məcburiyyətindəyəm və bu pisliyə ya Bakıda, ya Brüsseldə qalib gələcəyimə inanıram.
Yeri gəlmişkən, aktiv özünümüdafiə xətti tutmağımdan narahat olan çevrələr də son zamanlar şəxsimə ünvanladıqları müxtəlif açıq və subliminal mesajlarla məni mübarizəmdən yayındırmağa çalışırlar. Hətta bunun üçün yeni saxta profillər yaradıb subliminal mesajlarını onlar vasitəsilə çatdırırlar. Demək olar ki, məhkəmə prosesi ilə bağlı yazdığım hər statusun altına “6 ay nədir ki, cəzanı qəbul et və sus, yoxsa özünü daha çətin uçuruma yuvarladırsan” mahiyyətli ismarışlar yazılır, ünvanıma üstüörtülü şəkildə təhdidlər göndərilir. Mən hələlik həmin saxta profillərin kim tərəfindən idarə olunmasını müəyyənləşdirməyi Daxili İşlər Nazirliyinin öhdəsinə buraxır, bu barədə təxminlərimi dilə gətirmək istəmirəm. Amma bir gün onu da konkret faktlara əsaslanaraq açıqlayacağam.
Haqqımda həbs fərmanı verən 2 məmurun da adını Apellyasiya Məhkəməsinin gedişi sırasında açıqlamağı düşünürəm. Hələ ki, onlara əllərindən gələni 5 qaba çəkmək fürsəti verirəm.
Heyder Oguz
Teref.az
Ardını oxu...
 

Dünyapress TV

Xəbər lenti