Bu gün Laçın rayonunun Ermənistanın işğalından azad edilməsindən üç il keçir.

2020-ci ildə 44 günlük Vətən müharibəsində Azərbaycan hərbi müstəvidə Ermənistan üzərində həlledici qələbə qazandı.

Bu qələbənin siyasi müstəvidə davam etdirilməsi nəticəsində 44 günlük Vətən müharibəsindən sonrakı 20 gün ərzində 3 rayon – noyabrın 20-də Ağdam, noyabrın 25-də Kəlbəcər, dekabrın 1-də isə Laçın Azərbaycana təhvil verildi.

Bu münasibətlə Azərbaycan Prezidenti, Silahlı Qüvvələrin Ali Baş Komandanı İlham Əliyev 2020-ci ilin dekabrın 1-də xalqa müraciətində deyib:

“Döyüş meydanında əldə edilmiş parlaq qələbə bu gözəl nəticəyə gətirib çıxardı ki, üç rayonumuz – Ağdam, Kəlbəcər və Laçın bizə qaytarıldı. Biz bu rayonları bir güllə atmadan, bir şəhid vermədən qaytarmışıq”.
Bildirək ki, Azərbaycan 2022-ci ilin avqustun 26-da 10 Noyabr Bəyanatının müddəalarına əsasən, Laçın şəhərinə, Zabux və Sus kəndlərinə nəzarəti bərpa edib.

Qeyd edək ki, Laçın 1992-ci ilin may ayının 18-də Ermənistan tərəfindən işğal olunmuşdu.

Bildirək ki, hazırda Laçının Ermənistanla sərhədində Sərhəd-Buraxılış Məntəqəsi fəaliyyət göstərir.

Antiterror tədbirlərindən sonra azad edilmiş ərazilərdəki mərkəzi rayon xəstəxanalarında improvizə edilmiş partlayıcı qurğular aşkarlanıb.

32gun.az xəbər verir ki, bunu Report-a müsahibəsində ANAMA-nın 5 saylı təmizləmə dəstəsinin əməliyyat rəhbəri Xaliq Zülfüqarov deyib.

O bildirib ki, Xocavənd, Xocalı və Xankəndi rayonlarında tərk edilmiş evlərin və həyətyanı ərazilərin girişində, təsərrüfat tikilisində, yaşayış binaları, mərkəzi rayon xəstəxanası, eləcə də fərdi yaşayış məhəllələri yaxınlığında yerləşən körpülərdə, binaların zirzəmisində də improvizə edilmiş partlayıcı qurğular tapılıb.

Əməliyyat rəhbəri vurğulayıb ki, onlar fəaliyyətləri çərçivəsində həyətyanı sahəni, yolları, evlərin zirzəmisini, damı və sair tamamilə yoxlayırlar:

“Dağdağan kəndində baxış keçirərkən evlərin zirzəmilərində hətta həmin qurğuların hazırlandığı yeri də aşkarladıq. Digər kustar üsulla hazırlanmış bombacıqlar tapmışıq ki, onlar dronlar vasitəsi ilə ərazilərimizə atılırdı”.

“Ermənistanın 30 illik işğalı Qarabağda çox böyük bir məhvə səbəb oldu. Onlar həm yeraltını, həm də torpağın üst hissəsini istismar edirdilər. Ermənilər həm coğrafi, həm də mədəni baxımdan soyqırım törədiblər. Bəlkə də bu, bizim ən çox danışmalı olduğumuz məsələlərdən biridir. Yenidən Qarabağın bir şəkildə inşa edilməsi, vətəndaşlar üçün açılması lazımdır. Ancaq bunun üçün hələ də böyük maneələr var”.
Bu barədə Bizimyol.info xəbər portalına xüsusi müsahibəsində Türkiyəli hərbi və təhlükəsizlik eksperti Abdullah Ağar danışıb. Ekspertin fikrincə, hazırda hərbi mənada fiziki təhdidlər aradan qaldırılmış olsa da, ermənilərin geridə qoyub getdiyi problemlər var. Belə ki, ərazilərin minalanması, hələ də Qarabağın ən böyük problemidir.

“Bilirsiniz ki, 44 günlük müharibədə işğaldan azad edilmiş ərazilərdə çox böyük bir mina problemi oldu. Bütün ərazilərin təmizlənib, təhlükəsiz hala gətirilməsi lazımdır. Qarabağın ətrafdan gələn təhdidlərə qarşı qorunması lazımdır. Çünki, təhdidlər hələ bitməyib. Vəziyyəti sabitləşdirmək və sabitliyi hərhnası bir şəkildə təmin etmək lazımdır”-deyə ekspert vurğulayıb. Onun sözlərinə görə, hələ bölgə stabil hala gəlməyib. Daimi sülhə ehtiyac var. Lakin Ermənistan bu sülhlə bağlı bir çox şərtlər qoyur. Bu şəraitdə vəziyyət gərginləşir.

“Ermənistanın 44 günlük müharibənin uduzmasının bir çox nəticələri oldu. Burada çoxlu öhdəliklər götürülüb. Bu öhdəliklər yerinə yetirilmir”-deyə Abdullah Ağar vurğulayıb.

Laçın rayonunun ən böyük kəndlərindən olan Zabuxda həyat yenidən öz axarına qayıdıb.

AZƏRTAC xəbər verir ki, kənddə yenidən tikilən evlər, yaradılan infrastruktur Zabuxun simasını daha da gözəlləşdirib.

İndi Zabuxun gündüzləri qədər gecələri də parlaq işıqları ilə diqqət çəkir.

Zabux çayının hər iki sahilini əhatə edən kənddə həyat yenidən canlanıb. Doğma sakinlərinə qucaq açan Zabux hər ötən gün simasını dəyişərək gözəlləşir.

Otuz illik işğal dövründə kənd erməni vandalizminə məruz qalsa da, azad edildikdən dərhal sonra buranın yenidən qurulmasına başlanıldı. Qısa müddətdə kənddə evlər və digər obyektlər inşa olunub, yollar abadlaşdırılıb, əhalinin istirahəti üçün park salınıb. Kəndin mərkəzindən keçən çayın üzərində körpü inşa olunub. İndi gündüzlər mənzərəsi ilə seçilən kənd gecələri işıq saçan gözəlliyi ilə diqqət çəkir.
Qeyd edək ki, Zabux kəndində 121 ailənin - 475 nəfərin daimi məskunlaşması təmin edilib.

Zabuxun lentə alınan gecə görüntülərini təqdim edirik:

“Füzulidən çıxanda oğlum nəvəm yaşında idi”.

Bunu Oxu.Az-a açıqlamasında bu gün Füzuli şəhərinə köç edən, keçmiş məcburi köçkün Akif Ədil oğlu Hacıyev deyib.

O bildirib ki, bu gün Füzuliyə nəvələri ilə qayıdır:

“Mən Birinci Qarabağ müharibəsində könüllü iştirak etmişəm. Ehtiyatda olan zabitəm. Füzulidən çıxanda 40 yaşım vardı, oğlum qucağımdakı nəvəm yaşında idi. Bu gün 71 yaşım var, nəvələrimlə qayıdıram.
Hər birimiz Ali Baş Komandana, müzəffər Ordumuza borcluyuq. Allah şəhidlərimizə rəhmət eləsin, qazilərə cansağlığı versin!”

Xatırladaq ki, bu gün növbəti köç karvanı Füzuli şəhərinə yola salınır. Bununla da Füzuli şəhərində 308 ailə, yəni 1 106 nəfərin daimi məskunlaşması təmin edilib.

Aytac Qasımova

Azərbaycan Prezidenti İlham Əliyevin tapşırığına uyğun olaraq, yenidən qurulan Füzuli şəhərinə keçmiş məcburi köçkünlərin qayıdışı davam edir.

Oxu.Az xəbər verir ki, noyabrın 27-də növbəti köç karvanı Bakı şəhərinin Qaradağ rayonundakı “Qobu Park-3” yaşayış kompleksindən yola salınıb.

Bu mərhələdə Füzuli şəhərinə daha 25 ailə - 106 nəfər köçürülür.

Prezident, müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun qazandığı Zəfər nəticəsində məcburi köçkünlərin 30 ildən sonra könüllü, təhlükəsiz və ləyaqətlə doğma yurdlarına qayıtmasına imkan yaranıb. Daha da gözəlləşən və abadlaşan Füzuli şəhərinin sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban Əliyevaya, torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildiriblər, bu yolda canlarından keçən şəhidlərimizi böyük ehtiramla yad ediblər.
Köçürülən ailələr Füzuli şəhərində yenidən tikilən evlərdə məskunlaşacaqlar.

Bununla da Füzuli şəhərində 308 ailə, yəni 1 106 nəfərin daimi məskunlaşması təmin edilib.
https://t.me/oxuaze/71266

Bu gün Kəlbəcər rayonunun Ermənistanın işğalından azad edilməsindən üç il keçir.

Oxu.Az xatırladır ki, Azərbaycan 2020-ci ildə 44 günlük Vətən müharibəsində hərbi müstəvidə əldə olunan qələbənin siyasi müstəvidə davam etdirilməsi prosesinə başlayıb.

10 Noyabr Bəyanatına əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın Azərbaycana təhvil verilib.

Azərbaycan Ağdam, Kəlbəcər və Laçın rayonlarının işğaldan azad edilməsinə itki vermədən nail olub.

Azərbaycan Prezidenti, Silahlı Qüvvələrin Ali Baş Komandanı İlham Əliyev 25 noyabr 2020-ci ildə televiziya ilə müraciətində Kəlbəcər rayonunun işğaldan azad edilməsi münasibətilə Azərbaycan xalqını təbrik edib.
Xatırladaq ki, Kəlbəcər rayonu 1993-cü il aprelin 2-də Ermənistan silahlı qüvvələri tərəfindən işğal edilmişdi.

Bu gün Azərbaycan Kəlbəcərdə infastruktur qurur. Kəlbəcər əsrarəngiz təbiətə, Ermənistanla sərhəddə yerləşdiyindən unikal strateji önəmə sahibdir.

Ötən üç il ərzində Azərbaycan Ordusu Kəlbəcərdəki mövqelərini xeyli dərəcədə möhkəmləndirib.

Azərbaycan Prezidenti İlham Əliyevin tapşırığına uyğun olaraq, yenidən qurulan Füzuli şəhərinə keçmiş məcburi köçkünlərin qayıdışı davam edir.

Oxu.Az xəbər verir ki, noyabrın 24-də növbəti köç karvanı Bakı şəhərinin Qaradağ rayonundakı “Qobu Park-3” yaşayış kompleksindən yola salınıb.

Bu mərhələdə Füzuli şəhərinə daha 25 ailə - 72 nəfər köçürülür.

Prezident, müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun qazandığı Zəfər nəticəsində məcburi köçkünlərin 30 ildən sonra könüllü, təhlükəsiz və ləyaqətlə doğma yurdlarına qayıtmasına imkan yaranıb. Daha da gözəlləşən və abadlaşan Füzuli şəhərinin sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban Əliyevaya, torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildiriblər, bu yolda canlarından keçən şəhidlərimizi böyük ehtiramla yad ediblər.
Köçürülən ailələr Füzuli şəhərində yenidən tikilən evlərdə məskunlaşacaqlar.

Bununla da Füzuli şəhərində 283 ailə, yəni 1 000 nəfərin daimi məskunlaşması təmin edilib.