 |
|
|
Füzulidə mina hadisəsi baş verib.
Azərbaycan Respublikasının Minatəmizləmə Agentliyinin (ANAMA) Mətbuat Xidmətindən APA-ya verilən məlumata görə, 2022-ci 30 sentyabr tarixində Füzuli rayonunun işğaldan azad edilmiş Yuxarı Dilağarda kəndi ərazisində minalardan təmizlənməmiş ərazidə tank əleyhinə minanın partlayışı baş verib.
Təhlükəli əraziyə qeyri-qanuni yolla daxil olma nəticəsində 1986-cı il təvəllüdlü Əsədov Amid Fətullah oğlu və 2007-ci il təvəllüdlü Quluzadə Çərkəz Bahadur oğlu həlak olub. Xəstəxanaya çatdırılan 1973-cü il təvəllüdlü Quliyev Bahadur Məhi oğlunun vəziyyəti isə qənaətbəxşdir. Həyati təhlükəsi yoxdur.
ANAMA bir daha xəbərdarlıq edir ki, işğaldan azad edilmiş ərazilərdə müharibənin partlayıcı qalıqları təhlükəsi qalmaqdadır. İşğaldan azad edilmiş ərazilərə səfər edən, eləcə də bu ərazilərdə fəaliyyət göstərən vətəndaşlara diqqətli olmağı, bələd olmadıqları təhlükəli ərazilərə icazəsiz yollarla daxil olmamağı tövsiyə edir.
Türkiyə Milli Təhlükəsizlik Şurası sentyabrın 28-də iclas keçirdi. İclasın sonunda yeddi maddəlik bəyanat qəbul edildi.
Bəyanat Türkiyə-Yunanıstan münasibətlərinin müharibə həddinə çatması ilə yedəyə alınan digər risk faktorlarının qiymətləndirilməsi, perspektiv müdafiə marşrutlarının dəqiqləşdirilməsi istiqamətini müəyyən edir.
Birinci maddə PKK, FETÖ və İŞİD kimi terror təşkilatlarının terror-təxribat fəaliyyətinin təhlilinə əsaslanır və gələcək üçün Türkiyənin həyata keçirə biləcəyi gizli və ya açıq əməliyyatların konturlarını göstərir.
Bu xüsusda Türkiyənin Suriyadakı mövcudluq şkalasını qaldırması, həmçinin PKK və FETÖ-yə qarşı isə həm daxildə, həm də başqa ölkələrdə yeni fəaliyyət dairəsi cızacağı qaçılmaz hala gələcək.
İkinci maddə Türkiyənin İraqdakı maraqlarının müdafiəsi üçün təhlükəsizlik tədbirlərinin gücləndirilməsini ehtiva edir, amma hiss edilir ki, Ankara İraqdakı proseslərin xarakterinin fərqliliyini nəzərə alaraq bu ölkəyə dair planını ayrıca xətt üzrə icra edir. Nəzərə alınmalıdır ki, İraqda hökumət qurulması prosesində problemlər müşahidə edilir.
Türkiyə İraq hakimiyyətində rıçaqlara yiyələnmək meyillərini bu ölkədəki PKK-ya qarşı mübarizə ilə paralel şəkildə diqqətdə saxlayır.
Təhlükəsizlik Şurası Yunanıstanla gərginlik mövzusunu 3-cü bəndə daxil edib. Yəqin, göstərilir ki, Türkiyənin Suriyada genişmiqyaslı hərbi əməliyyatlar keçirməsi və İraqdakı “Pəncə-Kilit” əməliyyatının miqyasını genişlətməsi digər oyunçuların maraqları ilə toqquşduğundan onlar Yunanıstan kartına kapital qoyurlar.
Bu nöqtədə Türkiyə daha çox ABŞ və Fransaya vurğu edir, çünki Yunanıstanın həlledici dəstəkçiləri bu iki ölkədir. Görünür ki, masada hərb variantı mövcuddur, yoxsa Təhlükəsizlik Şurası Yunanıstanın hərbi hərəkətliliyinə qarşı beynəlxalq hüququn icazə verdiyi bütün vasitələrdən istifadə etməklə cavab veriləcəyini bəyan etməzdi!
Dördüncü maddədə ABŞ-ın Cənubi Kiprə silah embarqosunu aradan qaldırması dəyərləndirilib, bunun Aralıq dənizində sülh və balansı mənfi istiqamətə sürükləyəcəyi qeyd olunub.
Türkiyə cavab olaraq Şimali Kipr Türk Respublikasının beynəlxalq səviyyədə tanınmasının vacibliyini önə çəkib, hiss etmək çətin deyil ki, Türkiyənin rəqibləri həm də bu çağırışın önünə keçmək üçün müxtəlif vasitələri işə salaraq onları yerbəyer edirlər.
Bəyanatın 6-cı maddəsi Ukraynadakı müharibənin yaratdığı humanitar fəlakətin qarşısının alınması üçün Türkiyənin səylərini davam etdirəcəyini, 7-ci maddə isə Liviyadakı proseslərdə Ankaranın mövqeyinin möhkəmləndirilməsi istiqamətlərini göstərir.
Türkiyə Təhlükəsizlik Şurasının yaydığı sənədin 5-ci bəndinin şərhini isə sona saxladıq.
Bu bənd Azərbaycan-Ermənistan sərhədindəki toqquşmalar fonunda kənar oyunçuların hansı mövqedə dayanmasına işarə edir. Ankara hesab edir ki, Ermənistan özünə təqdim edilən sülh fürsətlərini dəyərləndirmək əvəzinə, təxribata təhrik edilib.
Bunun açması odur ki, Ermənistan özünün havadarları ilə Azərbaycana qarşı hərəkətə keçib. Toqquşmalardan sonra ən çox ABŞ, Fransa və İrandan İrəvana dəstək ifadə olunduğunu nəzərə alsaq, Ermənistanın hansı qaynaqlardan ruhlandığını görmək mümkündür.
Təhlükəsizlik Şurasının birinci maddəsinin məğzini 5-ci maddəyə də proyeksiya etmək lazımdır, bu mənada hesablamaq çətin deyil ki, Türkiyə Cənubi Qafqaz regionunda hansısa terror fəaliyyətinin canlanacağından ehtiyat edir.
Diqqətdə saxlamağa ehtiyac var ki, Ermənistan PKK terrorçularının gizlənməsi üçün əlverişli yerlərdən biridir. Üstəgəl, Cənubi Qafqazda İŞİD düşüncəli təhlükələr, FETÖ mərkəzli hərəkətlər baş qaldırarsa, buna qarşı da Türkiyə preventiv tədbirlərini gücləndirəcək.
NƏTİCƏ olaraq qeyd edə bilərik ki, bütün proseslər bir-birilə zəncirvari bağlıdır.
Aqşin Kərimov
DİA.AZ
Ermənistanın keçmiş prezidenti Robert Koçaryan bir neçə gün əvvəl vəd verdiyi kimi İrəvanda mətbuat konfransı keçirib. Koçaryan hazırkı vəziyyətin Ermənistan və Qarabağ erməniləri üçün ağır olduğunu etiraf edib. Keçmiş prezident onu da bildirib ki, bölgədə Ermənistanın rolu xeyli azalıb. Əsas söz sahibi Türkiyə və Azərbaycandır. Koçaryanın bir başqa etirafı Rusiyanın və Kollektiv Təhlükəsizlik Müqaviləsi Təşkilatının bölgədə rolunun və Azərbaycana təsir imkanlarının azalmasıyla bağlıdır. Koçaryan “bəs çıxış yolu nədir” sualına cavab verə bilməyərək, əvvəlcə hakimiyyətə yiyələnməyin vacib olduğunu bildirib.
Ancaq bunun çıxış yol olmadığını Ermənistanın birinci prezidenti Levon Ter-Petrosyan deyib. O, Ermənistan üçün çıxış yolunun Qarabağ məsələsinin unudulmasından, o cümlədən Azərbaycan və Türkiyə ilə sülh sazişlərinin imzalanmasından keçdiyini bildirib. Koçaryan Levon Ter-Petrosyanın bu yanaşmasını qəbul etməsə də, hakimiyyətə gəldiyi halda vəziyyətdən çıxış yolunu göstərə bilməyib.
"Atlas" Araşdırmalar Mərkəzinin rəhbəri Elxan Şahinoğlu vurğulayıb ki, Koçaryan “itirilmiş torpaqları geri qaytaracağıq” şüarını səsləndirməyə də risk etməyib. Çünki artıq o da anlayır ki, Ermənistan indi o halda deyil ki, Azərbaycana nəsə diktə edə bilsin:
"Koçaryan təklif edib ki, Ermənistan İranla birgə Qərbi Zəngəzurda birgə hərbi təlimlər keçirsin. Onun fikrincə, bu, Azərbaycanın Qərbi Zəngəzur istiqamətində irəliləməsinin qarşısını ala bilər. Qeyd edib ki, Tehran belə təlimlərlə bağlı bir il əvvəl Baş nazir Nikol Paşinyana müraciət edib. Paşinyan isə məsələni uzadıb. Görünür, Paşinyan Vaşinqtonun məsləhəti ilə İranla birgə hərbi təlimlərdən çəkinib. Bəs Koçaryan bunu hardan bilir? Böyük ehtimalla İran emisarları Paşinyandan narazılıqlarını onun əsas rəqiblərindən biri Koçaryana bildiriblər. İrandakı rejim bu saat canının hayındadır, Paşinyan ötən il İranla birgə hərbi təlimə razılaşmayıbsa, hazırda bu, İrəvanın maraqlarına heç uyğun deyil. Ermənistan rəsmiləri hər ay Tehrana deyil, Vaşinqtona səfər edirlər".
Analitik deyib ki, Koçaryan Ermənistan hakimiyyətinin Qarabağdan çəkildiyini və taleyin ümidinə buraxdığını söyləyib: "O hesab edir ki, “Qarabağ” Bakı ilə birbaşa dialoqa çalışmalıdır. Hazırkı şərtlər altında Qarabağın “müstəqllliyinin” mümkünsüzlüyünə işarə edib. Beləliklə, keçmiş "Dağlıq Qarabağ"da separatizmin əsasını qoyanlardan biri, torpaqlarımızın işğalının və azərbaycanlılara qarşı soyqırımların memarı olan şəxs də çarəsiz durumda olduqlarını etiraf edib. O, hakimiyyətin dəyişdirilməsi zərurətini vurğulasa da, bölgədə Azərbaycan və Türkiyə amili ilə hesablaşmaq məcburiyyətində qaldığını söyləyib. Levon Ter-Petrosyan da eynisini demişdi".
Ermənistan müxalifəti sərhəddə tez-tez baş verən atışmaların Azərbaycan tərəfindən törədilməsindən əmin deyil. Xüsusən də təxribat yaratmamaq əmrinə zidd olaraq sərhəddə baş verən atışmanın ermənilər tərəfindən təşkil edildiyi bildirilir.
DİA.AZ ovqat.com-a istinadla xəbər verir ki, məlumatı Rusiyanın Avia.pro saytı yayıb.
Məlumatda konkret hansı müxalifət partiyasından söhbət getdiyi açıqlanmasa faktiki olaraq Ermənistan Müdafiə Nazirliyinin dezinformasiya siyasəti ilə öz təcavüzkar əməllərinə haqq qazandırdığına eyham vurulur.
Xatırladaq ki, ötən axşam Ermənistan Müdafiə Nazirliyi açıqlama verərək, Azərbaycan hərbçilərinin ağır silahlardan istifadə etməklə Ermənistan ərazisini atəşə tutduğu məlumatını yaymışdı. «Minaatanlardan və iriçaplı artilleriya qurğularından istifadə etməklə çoxsaylı zərbələr nəticəsində Ermənistan ordusu itki verib, möhkəmləndirilmiş ərazilər isə dağıdılıb, Azərbaycan qoşunlarının hücumlarının qarşısı alına bilib», - Ermənistan Müdafiə Nazirliyinin rəsmi açıqlamasında belə deyilirdi.
Məlumatı Ermənistanın baş naziri Nikol Paşinyan da təkrarlayaraq, dünya birliyini Azərbaycanın hücumlarını pisləməyə çağırmışdı: “Bu, Ermənistanın müstəqilliyinə, suverenliyinə və demokratiyasına hücumdur. Azərbaycanın işğalı pislənilməli və dayandırılmalıdır”.
Azərbaycan tərəfi isə Ermənistan hərbçilərinin mövqelərinə zərbələr endirilməsi faktını təsdiqləsə də, bunun təxribatlara adekvat cavab addımları olduğunu vurğulamışdı.
«Atəşkəs haqqında əldə olunmuş razılaşmaya baxmayaraq Ermənistan silahlı qüvvələrinin bölmələri sentyabrın 28-i saat 18:00 radələrində Azərbaycan Ordusunun Kəlbəcər rayonunun Alagöllər istiqamətində yerləşən bölmələrini müxtəlif çaplı atıcı silahlardan atəşə tutub.
Atəş nəticəsində Azərbaycan Ordusunun hərbi qulluqçusu İsgəndərov Nicat Hidayət oğlu yaralanıb.
Hərbi qulluqçumuza lazımi tibbi yardım göstərilir.
Azərbaycan Ordusunun qeyd olunan istiqamətdə dislokasiya olunan bölmələri tərəfindən adekvat cavab tədbirləri görülüb.
Bildiririk ki, baş vermiş insidentə görə bütün məsuliyyət vəziyyəti məqsədyönlü şəkildə gərginləşdirməyə çalışan Ermənistanın hərbi-siyasi rəhbərliyinin üzərinə düşür», - Azərbaycan Müdafiə Nazirliyinin rəsmi açıqlamasında qeyd olunub.
Avia.pro-ya inansaq, erməni müxalifləri də faktiki olaraq Azərbaycan Müdafiə Nazirliyinin bu iddialarını təsdiqləyiblər.
Səbuhi Abbasov ATƏT-in tədbirində "Göyçə Azərbaycandır" dedi, erməniləri təşvişə saldı - VARŞAVADAN VİDEO
7NEWS.az xəbər verir ki, 26 sentyabr tarixində Polşanın paytaxtı Varşava şəhərində "ATƏT-in İnsani Dəyərlərin Qiymətləndirilməsi Konfransı" öz işinə başlayıb. Konfransda ATƏT üzvü olan ölkələrin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak edirlər.
Tədbirdə iştirak edən ASGA sədri, 7NEWS.az saytının baş redaktoru Səbuhi Abbasov ATƏT-ə üzv olan dövlətləri erməni vandalizminə qarşı mübarizəyə səsləyib: "Azərbaycan bütün azadlıqların, o cümlədən də din azadlığının yüksək səviyyədə təmin olunduğu tolerant ölkədir. Bəli, bu gün ölkəmizdə bütün azadlıqlar - mətbuat, söz, sərbəst toplaşmaq, o cümlədən, vicdan azadlığı təmin edilib. Azərbaycanda bütün xalqların, bütün konfessiyaların, dinlərin nümayəndələri bir ailə kimi yaşayırlar. Heç vaxt ölkəmizdə dini zəmində heç bir qarşıdurma olmayıb. Azərbaycan eyni zamanda, beynəlxalq aləmdə dinlərarası dialoqun möhkəmləndirilməsinə öz mühüm tövhəsini verib. Təsadüfi deyil ki, son illərdə ölkəmiz dünyanın multikulturalizm mərkəzlərindən birinə çevrilib. Ölkəmizdə keçirilən beynəlxalq tədbirlər, humanitar və mədəniyyətlərarası dialoq forumları, dünya dinlərinin liderlərinin zirvə görüşləri - bütün bunlar Azərbaycan reallığıdır. Azərbaycan-Slavyan Gəncləri Assosiasiyası olaraq mütəmadi şəkildə slavyan xalqlarının nümayəndələri ilə birgə tədbirlər, layihələr həyata keçirir, problemlərini öyrənir və həllinə nail oluruq. Hal-hazırda bu sahədə ən böyük problem erməni işğalından azad olan ərazisində dini abidələrin bərpası məsələsidir. 30 il ərzində Ermənistan tərəfindən işğal edilən ərazilərdə bir dini, mədəni abidə salamat qalmayıb, məscidləri donuz fermasına çevirmişdilər. Hal-hazırda Azərbaycan höküməti onların bərpasını xüsusi proqramla həyata keçirir. Eyni zamanda, anadan olduğum qədim Azərbaycan torpağı olan Göyçə mahalında da bir dənə olsun Azərbaycan xalqına aid dini abidə qalmayıb, hamısı darmadağın edilib. Bütün dünya ictimaiyyətini bu məsələdə aktiv olmağa, Erməni vandalizminə yox deməyə çağırıram. Göyçə Azərbaycandır, Qarabağ Azərbaycandır və nida. Diqqətinizə görə təşəkkür edirəm."
Məlumat üçün qeyd edək ki, Səbuhi Abbasov ATƏT-in yüksək səviyyəli konfransında rəhbərlik etdiyi qurumun daxili imkanları hesabına iştirak edir.
Britaniyanın “MI-6” kəşfiyyat xidmətinin məlumatına görə, Rusiya Ukrayna ərazisini taktiki nüvə silahıyla vuracaq məkanları müəyyənləşdirib.
Plan hazırdır. Ukrayna prezidenti Volodimir Zelenskinin Kremli bu planı haqqında məlumatı var.
ABŞ-ın Avropadakı qoşunlarının keçmiş komandanı Ben Hodces bildirib ki, əgər Rusiya taktiki nüvə silahı işlətsə, ABŞ Qara dəniz donanmasını tamamilə məhv edəcək. Bu nüvə müharibəsinə yol açacaq.
Maraqlıdır, Rusiya Ukrayna və Qərb dünyasıyla ölüm-dirim savaşına başlayarsa, taktiki nüvə silahları havada uçuşarsa Kreml Qarabağdakı hərbçilərini geri çəkərmi?
Ümumiyyətlə Rusiya səfərbərliyə həyata keçirməkdə çətinlik çəkdiyi halda Kremlin Qarabağdakı hərbçilərini Ukraynaya göndərməsinə ehtiyac var.
Doğrudur, Kreml hərbçiləri vasitəsilə Qarabağda varlığını qorumağa çalışır. Ancaq hazırda Rusiyanın taleyi Ukraynada həll olunur.
Kreml bizi Qarabağ separatçılarıyla baş-başa buraxarsa, ərazimizdə nəzarəti tam bərpa edərik. Bu variant istisna deyil.
Elxan Şahinoğlu
Teref.az
Xəbər verdiyimiz kimi, bu gün Azərbaycan Prezidenti, Silahlı Qüvvələrin Ali Baş Komandanı İlham Əliyev və xanımı, Birinci vitse-prezident Mehriban Əliyeva işğaldan azad olunmuş torpaqlara səfər edib.
Səfər çərçivəsində Prezident və xanımı Şuşada Yuxarı Gövhərağa məscidini ziyarət ediblər.
27 sentyabr - Anım Günü həyata keçirilən səfər zamanı Prezident və xanımı Yuxarı Gövhərağa məscidində torpaqlarımızın işğaldan azad olunması zamanı canından keçərək şəhidlik zirvəsinə ucalan qəhrəmanların ruhuna dualar ediblər.
XalqXeber.Az
“Azərbaycanda vətəndaş cəmiyyəti yeni mərhələyə başlayır və QHT-dövlət münasibətləri sahəsində bir sıra müsbət nümunələr formalaşdırılıb”.
Bu sözləri “Vətəndaş” İctimai Birliyinin sədri Günel Səfərova ATƏT-in Demokratik İnstitutlar və İnsan Hüquqları Bürosunun Varşavada keçirilən ənənəvi toplantısında zamanı deyib.
O qeyd edib ki, Azərbaycanda QHT-Dövlət münasibətləri son illər yüksəliş dövrünü yaşayır:
“Son iki ildə sahəyə məsul rəsmilər bu istiqamətdə müəyyən addımlar atır. İndiyədək Prezidentin köməkçisi Hikmət Hacıyevin QHT nümayəndələri ilə bir neçə görüşü olub və bu görüşlərdən sonra bu qənaətə gəlmək olur ki, dövlət QHT sektorunu düşdüyü vəziyyətdən çıxarmağın yollarının axtarılmasında maraqlıdır. Bu sahədə atılan addımlar arasında QHT-lərə Dövlət Dəstəyi Agentliyinin yaradılması, onun Müşahidə Şurasında müstəqil imicli təşkilatların təmsilçiliyinə şərait yaradılması da var.
Rəsmi səviyyədə qeyri-hökumət təşkilatları ilə geniş onlayn müzakirələr göstərir ki, hökumət artıq QHT-ləri tərəfdaş kimi görür, dialoqda maraqlıdır. Gözləyirik ki, bu dialoq davamlı olsun və indiyədək olan nəticəsiz danışıqlar kimi qalmasın.
Günel Səfərova deyib ki, QHT-lər təkliflə çıxış edib və dövlət qurumlarına təqdim edib:
“Qeyd edim ki, həm Agentlik, həm də vətəndaş cəmiyyəti qurumları 2014-cü ildə və sonrakı müddətdə QHT qanunvericiliyinə edilmiş dəyişikliklərin aradan qaldırılması üçün konkret təkliflər hazırlayaraq hökumətə təqdim edib. O təkliflər vətəndaş cəmiyyəti ilə bağlı indiyədək mövcud olan narahatlıqların aradan qaldırılmasına yönəlib. Bu narahatlıqlar ilk növbədə QHT-lərin qeydiyyatı sahəsində mövcud olan problemlərlə bağlıdır. Qeyri-hökumət təşkilatlarının (QHT) reyestri, qrant müqavilələrinin qeydə alınması, QHT-lərin bank əməliyyatları ilə bağlı bir sıra prosedurlar elektronlaşdırılır.
Güman edirik ki, Milli Məclisin payız sessiyasında qanunvericiliyə ilkin dəyişikliklər ediləcək və sonrakı mərhələdə addım-addım irəliyə gediləcək.
Təşkilat sədri ATƏT-in toplantısında Vətən müharibəsi haqda da danışıb:
“İkinci Qarabağ savaşında, 44 günlük müharibədə Azərbaycanın qeyri-hökumət təşkilatları, tarixində ilk dəfə olaraq həmrəylik nümayiş etdirdi və bu həmrəylik mühiti bu gün də davam edir.
Əslində Pandemiya və müharibə vətəndaş cəmiyyətinin nə qədər zəruri təsisat oldugunu bir daha təsdiqlədi. QHT-lərin fəaliyyəti nəticəsində bəzi beynəlxalq təşkilatlar səfərbər edildi, real mənzərənin ortaya çıxarılmasına xidmət edən hesabatlar hazırlandı. Bəli qərəzli hesabatlar da oxuduq.
İkinci Qarabağ müharibəsi müddətində Azərbaycana gələn bəzi insan hüquqları müdafiəsi ilə məşğul olan beynəlxalq təşkilatlar müharibə müddətində Azərbaycana gəldilər və sivillərin Ermənistan tərəfindən hədəfə alındığı faktını öz hesabatlarında da göstərmişlər.
Qeyd edim ki, 100 nəfər mülki əhali həyatını itirib. Belə bir sual yaranır bəs burda iştirak edən digər insan hüquq təşkilatları harda idilər?
Sonda bir təklifim var. Ermənistan 4 ölkə ilə qonşudur və onun 3-nə ərazi iddiası var. Gürcüstan (Cavakh), Azərbaycan Qarabağ, Türkiyədə Anadolu. Bu platforma və zaman Ermənistana sülh şəraitində yaşamağı öyrətməlidir.
www.yenicag.az
Azərbaycanın Birinci Vitse-prezidenti Mehriban Əliyeva 27 sentyabr - Anım Günü münasibəti ilə paylaşım edib.
APA-nın xəbərinə görə, paylaşımda deyilir:
“Uca tanrıdan şəhidlərimizə rəhmət, onların ailələrinə güc və səbir diləyirəm”.
Bu gün Vətən müharibəsinin başlamasından iki il ötür. "Report" xatırladır ki, 2020-ci ilin sentyabrın 27-də Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusu Ermənistan silahlı qüvvələrinin hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə bütün cəbhə boyu əks-hücum əməliyyatlarına başlayıb.
Belə ki, 2020-ci il sentyabrın 27-də Ermənistanın növbəti irimiqyaslı təxribatlara başlamasına, Azərbaycan Ordusunun mövqelərinə və mülki yaşayış məntəqələrinə atəş zərbələri endirməsinə cavab olaraq əks-hücum əməliyyatı işə düşüb, sonradan “Dəmir Yumruq” adını alan bu əməliyyat Vətən müharibəsinə çevrilib.
44 günlük Vətən müharibəsi dövründə Azərbaycan Prezidenti, Ali Baş Komandan İlham Əliyev xalqa müntəzəm müraciətlər etdi. Bu müraciətlər Azərbaycan xalqını ayağa qaldırdı, onu yumruq kimi sıx birləşdirdi, müharibənin gedişatına və taleyinə güclü təsir göstərdi. Hər bir müraciət növbəti qələbələrin müqəddiməsinə çevrildi.
Azərbaycan Prezidenti 2020-ci il sentyabrın 27-də Vətən müharibəsinin gedişində xalqa ilk müraciətində bütün cəmiyyəti qəti qələbəyə köklədi.
Prezident İlham Əliyev 2020-ci il oktyabrın 4-də ikinci dəfə, oktyabrın 9-da üçüncü dəfə, oktyabrın 17-də dördüncü dəfə, oktyabrın 20-də beşinci dəfə, oktyabrın 26-da xalqa altıncı dəfə müraciət edib. Dövlət başçısının xalqa hər müraciətində yeni-yeni müjdələr, xoş xəbərlər eşidilirdi. Məhz buna görə dövlət başçısının müraciətini bütün dünya azərbaycanlıları sevə-sevə gözləyir və dinləyirdi.
Elə döyüşlərin ilk günündə bir sıra kəndlərlə yanaşı, Azərbaycan Ordusu üçün strateji nöqtələrdən biri olan Murovdağ zirvəsi düşmən işğalından azad olundu. Bu isə həm şəxsi heyət arasında, həm də xalq arasında böyük sevinc və ruh yüksəkliyinin daha da artmasına gətirib çıxardı. 44 gün ərzində döyüş meydanında hər gün qazanılan nailiyyətlər növbəti qələbələrin əldə olunmasına təkan verirdi. Beləliklə, oktyabrın 3-də Azərbaycan Ordusu artıq Talış və Suqovuşan qəsəbələrini azad etməklə cəbhənin şimal istiqamətində düşmənin mövqelərini sarsıtdı. Eyni zamanda, paralel olaraq döyüşlərin davam etdiyi cənub cəbhəsində də xoş xəbərlərin sədası eşidilirdi. Təbii ki, bütün müjdəli xəbərləri Azərbaycan xalqına məhz Silahlı Qüvvələrin Müzəffər Ali Baş Komandanı, Prezident İlham Əliyev çatdırırdı.
Oktyabrın 4-də Ali Baş Komandanın Cəbrayılın azad olunması ilə bağlı müjdəsi cəbhənin cənub istiqamətində də ciddi irəliləyişlərin əldə olunduğunu göstərirdi. Oktyabrın ilk on günlüyündə bir sıra yaşayış məntəqələrinin düşmən tapdağından azad olunması artıq Ermənistan ordusunda böyük çaxnaşmalara səbəb olmuşdu. Böyük panikaya düşən düşmən yalnız ordu sıralarından və döyüş meydanından qaçmaqla canını qurtarmağa çalışırdı. Azərbaycan Ordusu isə düşməni qova-qova torpaqlarımızı qarış-qarış azad etməklə qarşıya qoyulan tapşırıqları icra etməklə məşğul idi.
Oktyabrın 9-da Hadrut qəsəbəsinin, oktyabrın 17-də isə Füzuli şəhərinin azadlığı ilə düşmənin artıq beli qırılmış oldu. Müharibənin 21-ci günündə düşmən üzərində əldə olunan qələbələr nəticəsində Ermənistanın siyasi-hərbi rəhbərliyi məğlubiyyətlərinin fərqinə varmışdılar. Təbii ki, geriyə dönüş yox idi. Amma döyüşlər daha şiddətlə davam edirdi və hər gün Ali Baş Komandan tapşırıqlar verir, eləcə də hər gün bütün cəbhəboyu yeni-yeni xoş xəbərlərin sədası eşidilirdi. Oktyabrın 18-də Xudafərin qəsəbəsinin azad olunması ilə Azərbaycan Ordusu cənub cəbhəsində daha bir tarixi ədaləti bərpa etdi. Cəmi iki gün sonra isə Prezident İlham Əliyev bütün zəngilanlıları sevindirən müjdəni xalqa çatdırdı. Belə ki, oktyabrın 20-də Zəngilan şəhəri düşmən işğalından azad olundu. Bir gün sonra - oktyabrın 21-də Mincivan qəsəbəsi də azadlığına qovuşdu. Ayın 22-də Zəngilan rayonunun Ağbənd qəsəbəsinin işğaldan azad olunması ilə Azərbaycan-İran dövlət sərhədinin uzun illər Ermənistan Silahlı Qüvvələri tərəfindən zəbt edilən 132 kilometrlik hissəsi də tam nəzarətə götürüldü.
Artıq oktyabr ayının bitməsinə bir neçə gün qalırdı. Azərbaycan Ordusu qarşıya qoyulan tapşırıqları tam yerinə yetirməli və işğal edilmiş bütün torpaqları azad etməli idi. Beləliklə, oktyabr ayının 25-də Qubadlı şəhəri də işğaldan azad olundu. Bu qələbə də əldə olunan digər qələbələr kimi həm şəxsi heyət arasında, həm də xalq arasında ruh yüksəkliyi ilə qarşılandı. Döyüşlər isə davam edir, Azərbaycan hərbçiləri işğalda olan torpaqların böyük bir hissəsini artıq azad etmişdilər. Növbəti hədəf Şuşa şəhəri idi. Prezident demişdi ki, Şuşasız bizim işimiz yarımçıq olar. Beləliklə, noyabrın 8-də Azərbaycan Prezidenti, Müzəffər Ali Baş Komandan İlham Əliyev Şəhidlər xiyabanından xalqa müraciətində Şuşa şəhərinin işğaldan azad olunduğunu elan etdi. Düşmən Şuşanın azad olunması ilə Azərbaycan Ordusu qarşısında diz çökməyə məcbur oldu. Ermənistan Şuşanın Azərbaycanın nəzarətinə keçməsindən sonra artıq məğlubiyyəti ilə barışdı və kapitulyasiya aktına imza atmağa məcbur oldu. Şuşa uğrunda gedən döyüşlər Vətən müharibəsində Azərbaycan Ordusunun qələbəsi ilə nəticələnən ən uğurlu əməliyyatlardan biridir.
Şuşanın azad olunmasından bir gün sonra 70-dən çox yaşayış məntəqəsi də işğaldan azad edildi, düşmən diz çökdürüldü, onun kapitulyasiya aktına imza atmaqdan başqa çıxış yolu qalmadı.
2020-ci il noyabrın 10-da Ermənistanın kapitulyasiya aktı - “Azərbaycan Respublikasının Prezidenti, Ermənistan Respublikasının baş naziri və Rusiya Federasiyasının Prezidentinin Bəyanatı” imzalandı.
Beləliklə, Prezident İlham Əliyevin rəhbərliyi altında Azərbaycan həm döyüş meydanında, həm də siyasi arenada öz gücünü, qüdrətini bütün dünyaya göstərdi. Vətən müharibəsi dövründə dövlət başçısı informasiya cəbhəsində Ermənistanın bütün təbliğatının üzərindən dünyanın aparıcı media qurumlarına müsahibələri ilə xətt çəkdi. Prezident İlham Əliyev istər xalqa müraciəti, istər tviter paylaşımları, istərsə də bu müddətdə verdiyi 30-a yaxın müsahibəsi ilə bütün dünyada Azərbaycanın haqq carçısına çevrildi.
Həmin gün xalqa sayca səkkizinci müraciətində İlham Əliyev milli şüara çevrilmiş “Qarabağ Azərbaycandır və nida” ifadəsinin artıq bütün Qarabağı əhatə etdiyini və Ermənistan-Azərbaycan münaqişəsinə son qoyulduğunu elan etdi.
Hərbi müstəvidə əldə edilən qələbənin siyasi müstəvidə davam etdirilməsi nəticəsində 44 günlük Vətən müharibəsindən sonrakı 20 gün ərzində 3 rayon – noyabrın 20-də Ağdam, noyabrın 25-də Kəlbəcər, dekabrın 1-də isə Laçın Azərbaycana təhvil verildi.
Bu münasibətlə Azərbaycan Prezidenti dekabrın 1-də xalqa növbəti dəfə müraciət edərək Ağdam, Kəlbəcər və Laçının bir güllə atmadan, bir şəhid vermədən qaytarıldığını bildirib.
Beləliklə, Ermənistan hərbi birləşmələrinin 4 il ərzində tədricən işğal etdiyi və 30 ilə yaxın dövr ərzində işğalda saxlayaraq ərazisində güclü hərbi istehkamlar, maneələr, müdafiə xətləri qurduğu Azərbaycan torpaqları 44 gün ərzində azad edildi. Azərbaycan Respublikasının ərazi bütövlüyü bərpa olundu, Ermənistan-Azərbaycan münaqişəsi tarixə çevrildi.
Vətən müharibəsində Azərbaycan parlaq qələbə qazanaraq Ermənistanı məğlub etdi, işğala son qoydu. Bu 44 günün hər günü Azərbaycanın şanlı tarixidir. Azərbaycan xalqı və dövləti Vətən uğrunda şəhid olan qəhrəman övladlarının işıqlı xatirəsini əziz tutur, onları daim xüsusi ehtiramla yad edir, qazilərin əməyini yüksək qiymətləndirir və onlarla qürur duyur. Ermənistan ordusundan qənimət kimi götürülmüş texnikaların bir hissəsi 2020-ci il dekabrın 10-da Bakıda hərbi paradda nümayiş etdirilib, onlar həmçinin 2021-ci ilin aprelində Bakıda açılmış Hərbi Qənimətlər Parkında sərgilənir.
Artıq azad olunmuş ərazilərdə bərpa və yenidənqurma işləri davam etdirilir, bütün infrastrukturlar yenidən qurulur. Yeni şəhərlər, kəndlər və yaşayış məntəqələri salınır. İşğaldan azad edilmiş ərazilərə qayıdış başlayıb. Azərbaycanlıların öz doğma yurdlarına, əzəli torpaqlarına səfərləri rahat şəkildə təmin olunur. Təbii ki, zaman-zaman azad olunmuş bütün ərazilərin sahibləri öz yurdlarına qayıdacaq. Bununla yanaşı, vurğulamaq lazımdır ki, Ermənistan yenə də revanşist fikirlərlə yaşayır, sülh istəmir. Buna görə də Ermənistana son sərhəd döyüşlərində növbəti dəfə ağır dərs verilib. Onların bu dəfə də diqqətinə çatdırıldı ki, dəmir yumruq yerindədir və hər an istənilən təxribatın qarşısının alınmasında düşmənin başını əzmək üçün hazırdır. Eyni zamanda, Azərbaycan hər zaman dünyada və regionda sülhün tərəfdarı olub. Azərbaycan dövləti bu mövqeyini bütün dünyaya açıq şəkildə nümayiş etdirir. Vətən müharibəsindən sonra Ermənistanla münasibətlərin normallaşması üçün təqdim etdiyi sülh təklifi Azərbaycanın mövqeyinin bariz nümunəsidir.
Vətən müharibəsi dövründə yaşayış məntəqələrinin və yüksəkliklərin işğaldan azad edilmə xronologiyası:
№ TARİX RAYON YAŞAYIŞ MƏNTƏQƏSİ
1. 27.09.2020 Füzuli Qaraxanbəyli
2. 27.09.2020 Füzuli Qərvənd
3. 27.09.2020 Füzuli Horadiz kəndi
4. 27.09.2020 Cəbrayıl Böyük Mərcanlı
5. 27.09.2020 Cəbrayıl Nüzgar
6. 27.09.2020 Kəlbəcər Murovdağ zirvəsi
7. 03.10.2020 Cəbrayıl Mehdili
8. 03.10.2020 Cəbrayıl Çaxırlı
9. 03.10.2020 Cəbrayıl Aşağı Maralyan
10. 03.10.2020 Cəbrayıl Şəybəy
11. 03.10.2020 Cəbrayıl Quycaq
12. 03.10.2020 Füzuli Aşağı Əbdürrəhmanlı
13. 03.10.2020 Tərtər Suqovuşan
14. 03.10.2020 Tərtər Talış
15. 04.10.2020 Cəbrayıl Cəbrayıl ş.
16. 04.10.2020 Cəbrayıl Şükürbəyli
17. 04.10.2020 Cəbrayıl Çərəkən
18. 04.10.2020 Cəbrayıl Daşkəsən
19. 04.10.2020 Cəbrayıl Horovlu
20. 04.10.2020 Cəbrayıl Mahmudlu (kənd)
21. 04.10.2020 Cəbrayıl Cəfərabad
22. 04.10.2020 Cəbrayıl Yuxarı Maralyan
23. 04.10.2020 Cəbrayıl Dəjəl
24. 04.10.2020 Cəbrayıl Karxulu
25. 05.10.2020 Cəbrayıl Şıxalıağalı
26. 05.10.2020 Cəbrayıl Sarıcallı
27. 05.10.2020 Cəbrayıl Məzrə
28. 09.10.2020 Cəbrayıl Qışlaq
29. 09.10.2020 Tərtər Çaylı
30. 09.10.2020 Cəbrayıl Qaracallı
31. 09.10.2020 Cəbrayıl Əfəndilər
32. 09.10.2020 Cəbrayıl Süleymanlı
33. 09.10.2020 Füzuli Yuxarı Güzlək
34. 09.10.2020 Füzuli Gorazıllı
35. 09.10.2020 Xocavənd Hadrut q.
36. 09.10.2020 Xocavənd Sor
37. 14.10.2020 Füzuli Qaradağlı
38. 14.10.2020 Füzuli Xatınbulaq
39. 14.10.2020 Füzuli Qarakollu
40. 14.10.2020 Xocavənd Bulutan
41. 14.10.2020 Xocavənd Məlikcanlı
42. 14.10.2020 Xocavənd Qırmızıqaya
43. 14.10.2020 Xocavənd Dağdöşü
44. 14.10.2020 Xocavənd Tağaser
45. 15.10.2020 Füzuli Arış
46. 15.10.2020 Cəbrayıl Doşulu
47. 15.10.2020 Xocavənd Edişə
48. 15.10.2020 Xocavənd Düdükçü
49. 15.10.2020 Xocavənd Edilli
50. 15.10.2020 Xocavənd Çiraquz
51. 16.10.2020 Xocavənd Xırmancıq
52. 16.10.2020 Xocavənd Ağbulaq
53. 16.10.2020 Xocavənd Axullu
54. 17.10.2020 Füzuli Füzuli ş.
55. 17.10.2020 Füzuli Qoçəhmədli
56. 17.10.2020 Füzuli Cuvarlı
57. 17.10.2020 Füzuli Pirəhmədli
58. 17.10.2020 Füzuli Musabəyli
59. 17.10.2020 Füzuli Çimən
60. 17.10.2020 Füzuli İşıqlı
61. 17.10.2020 Füzuli Dədəli
62. 18.10.2020 Cəbrayıl Hacılı
63. 18.10.2020 Cəbrayıl Hacı İsaqlı
64. 18.10.2020 Cəbrayıl Xudafərin q.
65. 19.10.2020 Cəbrayıl Soltanlı
66. 19.10.2020 Cəbrayıl Əmirvarlı
67. 19.10.2020 Cəbrayıl Maşanlı
68. 19.10.2020 Cəbrayıl Hasanlı
69. 19.10.2020 Cəbrayıl Alıkeyxalı
70. 19.10.2020 Cəbrayıl Qumlaq
71. 19.10.2020 Cəbrayıl Göyərçin Veysəlli
72. 19.10.2020 Cəbrayıl Niyazqulular
73. 19.10.2020 Cəbrayıl Keçəl Məmmədli
74. 19.10.2020 Cəbrayıl Şahvəlli
75. 19.10.2020 Cəbrayıl İsaqlı
76. 20.10.2020 Füzuli Dördçinar
77. 20.10.2020 Füzuli Kürdlər
78. 20.10.2020 Füzuli Yuxarı Əbdurrəhmanlı
79. 20.10.2020 Füzuli Qarğabazar
80. 20.10.2020 Füzuli Aşağı Veysəlli
81. 20.10.2020 Füzuli Yuxarı Aybasanlı
82. 20.10.2020 Cəbrayıl Safarşa
83. 20.10.2020 Cəbrayıl Həsənqaydı
84. 20.10.2020 Cəbrayıl Fuğanlı
85. 20.10.2020 Cəbrayıl İmambağı
86. 20.10.2020 Cəbrayıl Daş Veysəlli
87. 20.10.2020 Cəbrayıl Ağtəpə
88. 20.10.2020 Cəbrayıl Yarəhmədli
89. 20.10.2020 Xocavənd Ağcakənd
90. 20.10.2020 Xocavənd Mülküdərə
91. 20.10.2020 Xocavənd Daşbaşı
92. 20.10.2020 Xocavənd Günəşli
93. 20.10.2020 Xocavənd Çinarlı
94. 20.10.2020 Zəngilan Zəngilan ş.
95. 20.10.2020 Zəngilan Havalı
96. 20.10.2020 Zəngilan Məmmədbəyli
97. 20.10.2020 Zəngilan Həkəri q.
98. 20.10.2020 Zəngilan Şərifan
99. 20.10.2020 Zəngilan Muğanlı
100. 21.10.2020 Füzuli Gecəgözlü
101. 21.10.2020 Füzuli Aşağı Seyidəhmədli
102. 21.10.2020 Füzuli Zərgər
103. 21.10.2020 Cəbrayıl Balyand
104. 21.10.2020 Cəbrayıl Papı
105. 21.10.2020 Cəbrayıl Tulus
106. 21.10.2020 Cəbrayıl Tinli
107. 21.10.2020 Zəngilan Mincivan q.
108. 21.10.2020 Zəngilan Babaylı
109. 21.10.2020 Zəngilan Üçüncü Ağalı
110. 21.10.2020 Zəngilan Sarıl
111. 21.10.2020 Zəngilan Xumarlı
112. 21.10.2020 Zəngilan Hacallı
113. 21.10.2020 Zəngilan Xurama
114. 21.10.2020 Zəngilan Cahangirbəyli
115. 21.10.2020 Zəngilan Turabad
116. 21.10.2020 Zəngilan İçəri Müşlan
117. 21.10.2020 Zəngilan Qıraq Müşlan
118. 21.10.2020 Zəngilan Məlikli
119. 21.10.2020 Zəngilan Üdgün
120. 21.10.2020 Zəngilan Baharlı
121. 22.10.2020 Füzuli Mollavəli
122. 22.10.2020 Füzuli Yuxarı Rəfədinli
123. 22.10.2020 Füzuli Aşağı Rəfədinli
124. 22.10.2020 Cəbrayıl Sirik
125. 22.10.2020 Cəbrayıl Şıxlar
126. 22.10.2020 Cəbrayıl Məstalıbəyli
127. 22.10.2020 Cəbrayıl Dərzili
128. 22.10.2020 Zəngilan Kolluqışlaq
129. 22.10.2020 Zəngilan Malatkeşin
130. 22.10.2020 Zəngilan Zəngilan (kənd)
131. 22.10.2020 Zəngilan Genlik
132. 22.10.2020 Zəngilan Vəliqulubəyli
133. 22.10.2020 Zəngilan Qaradərə
134. 22.10.2020 Zəngilan Çöpədərə
135. 22.10.2020 Zəngilan Tatar
136. 22.10.2020 Zəngilan Tiri
137. 22.10.2020 Zəngilan Əmirxanlı
138. 22.10.2020 Zəngilan Qarqulu
139. 22.10.2020 Zəngilan Bartaz (kənd)
140. 22.10.2020 Zəngilan Dəlləkli
141. 22.10.2020 Zəngilan Ağbənd q.
142. 23.10.2020 Xocavənd Dolanlar
143. 23.10.2020 Xocavənd Bünyadlı
144. 23.10.2020 Cəbrayıl Dağ Tumas
145. 23.10.2020 Cəbrayıl Nüsüs
146. 23.10.2020 Cəbrayıl Xələfli q.
147. 23.10.2020 Cəbrayıl Minbaşılı
148. 23.10.2020 Zəngilan Vənədli
149. 23.10.2020 Zəngilan Mirzəhəsənli
150. 23.10.2020 Qubadlı Zilanlı
151. 23.10.2020 Qubadlı Kürd Mahruzlu
152. 23.10.2020 Qubadlı Muğanlı
153. 23.10.2020 Qubadlı Alaqurşaq
154. 25.10.2020 Zəngilan Birinci Alıbəyli
155. 25.10.2020 Zəngilan İkinci Alıbəyli
156. 25.10.2020 Zəngilan Rəbənd
157. 25.10.2020 Zəngilan Yenikənd
158. 25.10.2020 Cəbrayıl Qovşudlu
159. 25.10.2020 Cəbrayıl Sofulu
160. 25.10.2020 Cəbrayıl Dağ Maşanlı
161. 25.10.2020 Cəbrayıl Kürdlər
162. 25.10.2020 Cəbrayıl Hovuslu
163. 25.10.2020 Qubadlı Padar
164. 25.10.2020 Qubadlı Əfəndilər
165. 25.10.2020 Qubadlı Yusifbəyli
166. 25.10.2020 Qubadlı Çaytumas
167. 25.10.2020 Qubadlı Xanlıq
168. 25.10.2020 Qubadlı Sarıyataq
169. 25.10.2020 Qubadlı Mollabürhan
170. 25.10.2020 Qubadlı Qubadlı ş.
171. 26.10.2020 Cəbrayıl Çələbilər
172. 28.10.2020 Zəngilan Birinci Ağalı
173. 28.10.2020 Zəngilan İkinci Ağalı
174. 28.10.2020 Zəngilan Zərnəli
175. 28.10.2020 Füzuli Mandılı
176. 28.10.2020 Cəbrayıl Qazanzəmi
177. 28.10.2020 Cəbrayıl Xanağabulaq
178. 28.10.2020 Cəbrayıl Çullu
179. 28.10.2020 Cəbrayıl Quşçular
180. 28.10.2020 Cəbrayıl Qaraağac
181. 28.10.2020 Qubadlı Qiyaslı
182. 28.10.2020 Qubadlı Əbilcə
183. 28.10.2020 Qubadlı Qilican
184. 30.10.2020 Cəbrayıl Xudaverdili
185. 30.10.2020 Cəbrayıl Qurbantəpə
186. 30.10.2020 Cəbrayıl Şahvələdli
187. 30.10.2020 Cəbrayıl Xubyarlı
188. 30.10.2020 Zəngilan Aladin
189. 30.10.2020 Zəngilan Vejnəli
190. 30.10.2020 Qubadlı Kavdadıq
191. 30.10.2020 Qubadlı Məmər
192. 30.10.2020 Qubadlı Mollalı
193. 02.11.2020 Cəbrayıl Çapand
194. 02.11.2020 Cəbrayıl Qoşabulaq
195. 02.11.2020 Zəngilan Dərə Gilətağ
196. 02.11.2020 Zəngilan Böyük Gilətağ
197. 02.11.2020 Qubadlı İşıqlı
198. 02.11.2020 Qubadlı Muradxanlı
199. 02.11.2020 Qubadlı Milanlı
200. 04.11.2020 Cəbrayıl Mirək
201. 04.11.2020 Cəbrayıl Kavdar
202. 04.11.2020 Zəngilan Məşədiismayıllı
203. 04.11.2020 Zəngilan Şəfibəyli
204. 04.11.2020 Qubadlı Başarat
205. 04.11.2020 Qubadlı Qarakişilər
206. 04.11.2020 Qubadlı Qaracallı
207. 07.11.2020 Füzuli Yuxarı Veysəlli
208. 07.11.2020 Füzuli Yuxarı Seyidəhmədli
209. 07.11.2020 Füzuli Qorqan
210. 07.11.2020 Füzuli Üçüncü Mahmudlu
211. 07.11.2020 Füzuli Qacar
212. 07.11.2020 Füzuli Divanalılar
213. 07.11.2020 Cəbrayıl Yuxarı Məzrə
214. 07.11.2020 Cəbrayıl Yanarxac
215. 07.11.2020 Qubadlı Qəzyan
216. 07.11.2020 Qubadlı Balasoltanlı
217. 07.11.2020 Qubadlı Mərdanlı
218. 07.11.2020 Zəngilan Beşdəli
219. 07.11.2020 Xocalı Qarabulaq
220. 07.11.2020 Xocalı Baharlı
221. 07.11.2020 Xocavənd Ataqut
222. 07.11.2020 Xocavənd Hünərli
223. 08.11.2020 Şuşa Şuşa ş.
224. 09.11.2020 Füzuli Qobu Dilağarda
225. 09.11.2020 Füzuli Yal Pirəhmədli
226. 09.11.2020 Füzuli Yuxarı Yağlıvənd
227. 09.11.2020 Füzuli Dilağarda
228. 09.11.2020 Füzuli Seyidmahmudlu
229. 09.11.2020 Füzuli Ələsgərli
230. 09.11.2020 Füzuli Aşağı Güzlək
231. 09.11.2020 Füzuli Govşatlı
232. 09.11.2020 Füzuli Mirzəcamallı
233. 09.11.2020 Füzuli Şəkərcik
234. 09.11.2020 Füzuli Merdinli
235. 09.11.2020 Füzuli Şıxlı
236. 09.11.2020 Füzuli Qaraməmmədli
237. 09.11.2020 Füzuli Dövlətyarlı
238. 09.11.2020 Füzuli Hüseynbəyli
239. 09.11.2020 Füzuli Saracıq
240. 09.11.2020 Xocalı Dəmirçilər
241. 09.11.2020 Xocalı Çanaqçı
242. 09.11.2020 Xocalı Mədətkənd
243. 09.11.2020 Xocalı Sığnaq
244. 09.11.2020 Şuşa Daşaltı
245. 09.11.2020 Xocavənd Susanlıq
246. 09.11.2020 Xocavənd Binə
247. 09.11.2020 Xocavənd Tuğ
248. 09.11.2020 Xocavənd Ağdam
249. 09.11.2020 Xocavənd Azıx
250. 09.11.2020 Xocavənd Böyük Tağlar
251. 09.11.2020 Xocavənd Salakətin
252. 09.11.2020 Xocavənd Zoğalbulaq
253. 09.11.2020 Xocavənd Arakül
254. 09.11.2020 Xocavənd Tağaverd
255. 09.11.2020 Xocavənd Zərdanaşen
256. 09.11.2020 Xocavənd Şexer
257. 09.11.2020 Cəbrayıl Hüseynalılar
258. 09.11.2020 Cəbrayıl Söyüdlü
259. 09.11.2020 Cəbrayıl Aşağı Sirik
260. 09.11.2020 Cəbrayıl Qalacıq
261. 09.11.2020 Cəbrayıl Molla Həsənli
262. 09.11.2020 Cəbrayıl Əsgərxanlı
263. 09.11.2020 Cəbrayıl Yuxarı Nüsüs
264. 09.11.2020 Cəbrayıl Aşıq Məlikli
265. 09.11.2020 Cəbrayıl Niftalılar
266. 09.11.2020 Cəbrayıl Qərər
267. 09.11.2020 Qubadlı Yuxarı Mollu
268. 09.11.2020 Qubadlı Aşağı Mollu
269. 09.11.2020 Qubadlı Xocik
270. 09.11.2020 Qubadlı Qaraimanlı
271. 09.11.2020 Qubadlı Xəndək
272. 09.11.2020 Qubadlı Həmzəli
273. 09.11.2020 Qubadlı Mahruzlu
274. 09.11.2020 Qubadlı Hal
275. 09.11.2020 Qubadlı Ballıqaya
276. 09.11.2020 Qubadlı Ulaşlı
277. 09.11.2020 Qubadlı Tinli
278. 09.11.2020 Qubadlı Xocahan
279. 09.11.2020 Qubadlı Boyunəkər
280. 09.11.2020 Qubadlı Qaraqoyunlu
281. 09.11.2020 Qubadlı Çərəli
282. 09.11.2020 Zəngilan Keçikli
283. 09.11.2020 Zəngilan Ördəkli
284. 09.11.2020 Zəngilan Sobu
285. 09.11.2020 Zəngilan Qaragöz
286. 09.11.2020 Zəngilan İsgəndərbəyli
287. 09.11.2020 Zəngilan Bartaz q.
288. 09.11.2020 Zəngilan Bartaz (2300 m)
289. 09.11.2020 Zəngilan Sığırt (1370 m)
290. 09.11.2020 Zəngilan Şükürataz (2000 m)
291. 09.11.2020 Laçın Güləbird
292. 09.11.2020 Laçın Səfiyan
293. 09.11.2020 Laçın Türklər
294. 20.11.2020 Ağdam Ağdam
295. 25.11.2020 Kəlbəcər Kəlbəcər
296. 01.12.2020 Laçın Laçın
azpolitika