Malayziyanın Cohor əyalətində yaşayan 18 yaşlı qız mübahisə zamanı 16 yaşlı qardaşına bıçaq ataraq öldürüb.

Bakıvaxtı.az bildirir ki, bu barədə "Asia One" xəbər verir.

Məktəbdən qayıdan qohumlar maşında yer üstündə mübahisə edib. Yeniyetmələrin anasının sözlərinə görə, evə qayıdan qardaş bacısını ələ salıb və ona gülüb. Qız əsəbiləşərək bıçağı götürüb yeniyetməyə atıb. Zərərçəkən hadisə yerində ölüb.

Polis qızı həbs edib və o, qardaşını öldürdüyünü etiraf edib. Qeyd olunur ki, qardaş və bacı mehriban ailədə böyüyüb, məktəbdə yaxşı oxuyublar.(milli.az)

Yeniyetmələrin valideynləri evdən bayıra çıxmırlar və hələ də şok vəziyyətindədirlər. Müstəntiqlər hadisənin bütün şəraitini müəyyənləşdirirlər.

1984-cü ilin 31 oktyabrında dünyanın gündəmini dəyişən hadisə baş verdi. Yeni Dehlidəki Səfdərcunq küçəsində yerləşən Baş nazir iqamətgahında İrlandiya televiziyası adından ondan müsahibə götürməyə gələn jurnalisti qəbul eləməyə hazırlaşırdı. Baş nazir onu burada gözləyirdi. Onu qarşılamaq üçün ayağa duranda, avtomatların tətiyi basıldı. Ona 33 güllə dəymişdi.
Səhəri ölkədə aləm qarışdı. Ölkənin bir çox yerində meydana gələn münaqişələrdə 20 mindən çox siqh həyatını itirdi, onlarla ibadətxanaları yandırıldı. Oğlundan ölkədə nə baş verdiyini soruşanda, o, belə cavab vermişdi: “Böyük ağac yıxılanda, yer titrəyər”.

Lent.az “Onu tanı”da İndira Qandidən bəhs edəcək

İndira Qandi 1917-ci il 19 noyabrda Hindistanın şimalındakı Uttar Pradeş əyalətinin Allahabad şəhərində görkəmli siyasətçi, azadlıq mübarizi Cəvahirləl və Kamalanın ailəsində dünyaya gəlmişdi. Bu ailənin siyasi yaşamının əsası baba, tanınmış vəkil Motilal Nehru tərəfindən qoyulmuşdu. Baba Nehru ingilis müstəmləkəçiliyinə qarşı çıxan millətçi Ümumhindistan Milli Konqresinin aparıcı liderlərindən biri idi. İndiranın atası Cəvahirləl Nehru da öz atasının yolu ilə gedərək, Hindistan müstəqillik hərəkatının liderinə çevrilmişdi. İndira anadan olanda atası Cəvahirləl Nehru Mahatma Qandinin rəhbərliyi ilə başlanan müstəqillik hərəkatına qoşulmuş və tezliklə əfsanəvi liderin ən yaxın silahdaşlarından birinə çevrilmişdi.

Uşaq ikən evlərində keçirilən siyasi toplantıların şahidi olan İndira o zamanın ən məşhur simalarından olan Mahatma Qandi ilə yaxından tanış olmuş və onun təsiri altına düşərək siyasətə qatılmışdı. Bir az yaşa dolandan sonra o, gənclər arasında “Vanara Sena” hərəkatını qurdu. Hərəkat üzvləri ölkədə müstəqillik çağırışı ilə siyasi aksiyalar keçirir və bununla da ictimaiyyətin diqqətini özlərinə cəlb edirdilər. Eyni zamanda onlari Ümumhindistan Milli Konqresi fəallarının polisin təqiblərindən xilas olmalarına yardım edirdilər. İndira 18 yaşında olanda anası vərəm xəstəliyindən dünyasını dəyişdi. Həmin dövrdə o, təhsilini davam etdirmək üçün İngiltərəyə getdi. Elə orada da Ümumhindistan Milli Konqresinin üzvlərindən olan Feroz Qandi ilə tanış oldu. Bir çoxlarının hesab etdikləri kimi, İndira Qandi Mahatma Qandi ilə qohum deyildi. Bu soyad ona əslən fars (oda sitayiş edənlər) icmasından olan həyat yoldaşı Feroz Qandidən miras qalmışdı. Yeri gəlmişkən, fərqli dini təriqətlərə məxsus olduqlarına görə onların arasında rəsmi nikah qeyri-mümkün idi.

Amma bütün bunlara baxmayaraq, burada da İndira Qandi özünün sərt və dönməz xarakterini göstərdi. Cütlük 1942-ci ilin martında evləndi. 1944-də ilk oğlu Raciv, bir il sonra da Sancay dünyaya gəldi.

Hindistan müstəqilliyini əldə etdikdən sonra baş nazir olan atasına yardım etmək üçün İndira Dehliyə getdi. Feroz isə Allahabadda qaldı. Dehlidə İndira atasının həm katibi, həm də məsləhətçisi olaraq çalışmağa başladı. O, atası ilə birgə xarici ölkələrə səfərlərdə olur və bu səfərlər onun siyasi lider kimi püxtələşməsində önəmli rol oynadı.

1951-ci ildə müstəqil Hindistanda ilk azad seçkilər keçirildi. O, bu seçkilərdə həm atasına, həm də ayrı yaşamalarına baxmayaraq, əri Feroza yardım etdi. Feroz hökumətdəki korrupsiyaya qarşı mübarizəyə başladı və sığorta şirkətlərindən birində bununla bağlı ciddi nöqsanları üzə çıxardı. Onun bu mübarizəsi İndiranın atasının qurduğu hökumətdə maliyyə naziri vəzifəsini tutan şəxsi vəzifəsindən istefa verməyə məcbur etdi. Bu, İndira ilə Feroz arasında münasibətləri gərginləşdirdi və sonda onlar boşanmalı oldular. Az sonra Feroz infarkt keçirərək yatağa düşdü. Boşanmalarına baxmayaraq, İndira Kəşmirdə yaşayan keçmiş ərinin yanına gedərək bir müddət onun qayğısını çəkdi. Ərinin ölümündən sonra isə bütün həyatını siyasətə həsr etdi.

1964-cü ildə atası vəfat etdi və bu vaxt o, baş nazir Şastrinin təklifini qəbul edərək informasiya və mətbuat naziri oldu.


Bu zaman ölkənin cənubunda hind dilində danışmayan əyalətlərdə üsyanlar baş verdi. Qandi bu səbəbdən də üsyan edən əyalətlərin ən iri şəhərlərindən olan Mədrəsə getdi və hökumət əleyhinə çıxışların yatırılmasına başçılıq etdi. Bu onu daha da şöhrətləndirdi. Artıq onun hakimiyyət zirvəsinə gedən yolu açılmışdı.
1966-cı ildə keçirilən parlament seçkilərində Qandi rəqibi Morarji Desaini qabaqlayaraq qələbə çaldı. Bununla da o, ölkənin müstəqilliyi tarixində 4-cü və ilk qadın baş nazir oldu.

İndira Hindistanı nüvə dövlətinə çevirdi. SSRİ-yə yaxınlaşdı, Moskva Dehliyə xeyli hərbi yardım etdi.


Parlamentdə böyük səs çoxluğuna malik olan İndira ölkənin Konstitusiyasına dəyişikliklər etdi və daxili siyasətdə inqilabi təsir bağışlayan islahatlar həyata keçirdi. 1979-ci ildə keçirilən seçkilərdə Qandi yenidən qələbə çaldı. Hakimiyyətə qayıdan Qandi bu dəfə Pəncab əyalətində yaşayan əhalinin əksəriyyətini təşkil edən siqhlərin mərkəzdən ayrılma cəhdlərinin qarşısını almalı oldu. 5 il sonra, bu gün özü siqhlərin qurbanı oldu.


Yeri gəlmişkən, anasından sonra Baş nazir olan Raciv də onun aqibəti ilə üzləşdi. 1991-ci ildə “Tamil qaplanları”nın təşkil etdikləri sui-qəsd nəticəsində öldürüldü.
İndira Qandi dəfələrlə SSRİ-yə səfər etmişdi. 1970-ci illərin əvvəlində Moskvaya növbəti səfərlərinin birində Qandi SSRİ-nin o vaxtkı rəhbəri Leonid Berejnevə Azərbaycana da getmək istədiyini bildirəndə Sov.İKP MK-nın Baş katibi təəccüblənir.

İndira Qandini Azərbaycana aparan səbəb isə Bakıdakı “Atəşgah”ı məbədini ziyarət imiş. Sən demə, hələ 1950-ci ildə də atası ilə SSRİ-yə səfər edəndə Cəvahirləl Nehru onu Bakıdakı “Atəşgah”a aparıbmış.

İndira Qandinin Azərbaycandakı tarixi məkana ziyarəti təşkil olunur.

O, Moskvadan Bakıya gələrək, Suraxanıya gedir və “Atəşgah” ziyarətini gerçəkləşdirir...

Gəncədə 24 yaşlı qadın dəm qazından boğulub.
Teref.az oxu.az-a istinadən xəbər verir ki, Gəncə sakini, 1998-ci il təvəllüdlü E.Sadıxova yaşadığı evdə hamam otağında dəm qazından boğularaq ölüb.

Faktla bağlı araşdırma aparılır.

Bir çox subay xanımlar bahalı gəlinlikdə toy etməyi arzuayırlar, lakin bəziləri üçün bunun heç bir əhəmiyyəti yoxdur, əsas sevdiyin insanla ailə qurmaqdır.

Teref.Az xəbər verir ki, ABŞ-ın Ohayo ştatından olan Culiya Linç ikincilərdəndir.

13 il sevgili olduğu şəxslə münasibətlərini rəsmiləşdirən bu qız toy məclisinə cəmi 3 dollar 75 sentə (təxminən 6 manata) aldığı gəlinliklə 8 dollarlıq (təxminən 14 manatlıq) ayaqqabıda gəlib. (sonxeber.az)

ABŞ-ın Tennessi ştatında yaşayan Phi adlı qadın 8 fərqli kişi ilə münasibətindən 11 uşaq dünyaya gətirib.
Bakupost.az xarici mediaya istinadən xəbər verir ki, qadının dedikləri hamını şok edib.
Qeyri-adi yaşayışından danışan qadın başqalarının ona damğa vurduğunu, amma vecinə almadığını bildirib. Phi əlavə edib ki, o, başqa kişilərdən uşaq sahibi olmağa davam edəcək.
Gənc qadın niyə belə etdiyini də açıqlayıb. Bildirib ki, əgər 1 əri olsaydı və ölsəydi, uşağı atasız qalacağdı. Ancaq 8 fərqli kişidən 11 uşağı olan qadın kişilərdən biri ölsə belə, uşaqlara digər kişilərin baxacağını bildirib.
Phinin növbəti açıqlaması da hamını heyrətləndirib. O, peşman olmadığını və bundan sonra fərqli kişilərdən uşaq sahibi olmağa davam edəcəyini bildirib.
Qeyd edək ki, gənc qadın sosial media hesabında da uşaqları ilə əylənir və videolar paylaşır. Diqqət çəkən məqam odur ki, Phinin bəzi uşaqlarının ataları qaradərilidir.

Rusiya-Ukrayna müharibəsi ilə bağlı etdiyi paylaşımlarla tanınan jurnalist Gülsüm Xəlilova tutulub.

32gun.az Türkiyə KİV-ə istinadən xəbər verir ki, o, Zaqrebdən İstanbula uçuş edərkən, saxlanılıb.

Xatırladaq ki, bir müddət əvvəl Rusiya G.Xəlilovanın saxlanılması ilə bağlı İNTERPOL-a müraciət ünvanlamışdı.

Yardımlaşmaq, ehtiyacı olana əl tutmaq əlbəttə yaxşı bir haldır. Ancaq indi bəhs edəcəyimiz süjetdə yardım etmək adıyla insanların pulunu mənimsəyən şəxsdən danışacağıq . Hansı ki, 22 yaşlı qızın fotolarından istifadə edib, başqalarına yardım edirmiş kimi əslində özünə pul yığıb. Bütün bunları Şəkidə yaşayan bir qadın edib. Artıq onun kimliyi də məlumdur.

"Facebook"da Lamiyə Qafarova, "İnstaqram" və "Tik-Tok" sosial şəbəkələrində isə Fidan Məmmədli adlı profillər açıb, yardım adı ilə pul topladılar. İnsanların inamından sui-istifadə etmək azmış kimi, onları təhqir etməkdən də çəkinmədilər...

Adlar müxtəlif olsa da, bütün profillərdə istifadə olunan fotolar eynidir və hər biri 22 yaşlı Fəridə Rəhimliyə məxsusdur. Bu gənc qız isə baş verənlərdən tam xəbərsiz olub.

44 günlük müharibə dönəmində xəstəxanalarda könüllü olaraq tibb bacısı kimi fəaliyyət göstərən Fəridənin qazilərimiz ilə çox sayda fotoları var. Elə dələduz da özünü insanlara tibb bacısı kimi tanıdıb və qazilər ilə olan şəkillərdən daha çox istifadə edib.

Məsələ ilə bağlı Daxili İşlər Nazirliyinin şöbə rəisi Elşad Hacıyev "Xəzər Xəbər"ə bildirdi ki, qarşı tərəfdən üzr istəyən şəxs cinayət təqibindən yayınmaq üçün bu addımı atıb. Bütün hallarda polis tərəfindən qanunauyğun olaraq zəruri tədbirlər icra olunur. Daxil olan müraciət əsasında araşdırma aparılır. Təfərrüatlar isə araşdırmadan sonra məlum olacaq.

Ətraflı Xəzər TV-nin süjetində:

Litva hakimiyyəti rusiyalı jurnalist Kseniya Sobçakın ölkəyə daxil olduğunu təsdiqləyib.

“Sobçak ölkəyə daxil olmaq hüququna malikdir, çünki onun İsrail pasportu var”, - deyə Respublika Dövlət Təhlükəsizlik Departamentinin direktoru Daryus Yaunişkis bildirib.

O, əlavə edib ki, Sobçak İsrail vətəndaşı olaraq vizaya ehtiyac duymur və ölkədə 90 günə qədər qala bilər.

Yaunişkis həmçinin qeyd edib ki, Sobçakın Litvanın təhlükəsizliyinə təhdid yarada biləcəyinə dair əllərində heç bir məlumat yoxdur.

Xatırladaq ki, ötən gün Kseniya Sobçakın Rusiyadan qaçdığı, barəsində həbs qərarı olmasına baxmayaraq, digər ölkəyə keçməyə nail olduğu bildirilib.

Həmçinin Belarus kanallarında Kseniya Sobçakın Litva ilə sərhədi keçməsini əks etdirən videolar paylaşılıb.

Teleaparıcı və bloger Kseniya Sobçak ötən gecə Rusiyanı tərk edərək Belarus ərazisi ilə Litvaya gedib.

APA xəbər verir ki, bu barədə TASS-a hüquq-mühafizə orqanlarından məlumat verilib.

“O, çərşənbə axşamı günü, gecə gec saatlarda Moskvadan çıxıb. Eyni zamanda internet vasitəsilə dünən Dubaya, bu gün isə Türkiyəyə aviabilet alıb. O, əməliyyatçıları çaşdırmaq üçün belə edib. Nəticədə Belarus vasitəsilə Litvaya daxil olub”, – deyə hüquq mühafizə orqanlarından bildirilib.

Qeyd olunub ki, müstəntiqlərin əlində Sobçakın saxlanması barədə qərar olub, lakin o, qaça bilib.

Qeyd edək ki, bu gün səhər saatlarında Sobçakın Moskva vilayətindəki bağ evində axtarış aparılıb. Axtarışın Sobçakın kommersiya direktoru Kirill Suxanova qarşı iş üzrə aparıldığı bildirilib.