Dövlət Tikinti İdarəsinin işçiləri Prezidentdən KÖMƏK İSTƏDİLƏR... - NARAZILIQ VAR!

Yaradılıb 23.04.2023 09:44 | Baxış sayı: 124
Ardını oxu...
Naxçıvan şəhəri, Şərur rayonunda yerləşən Dövlət Tikinti İdarəsinin işçiləri tərəfindən “Hürriyyət” qazetinin redaksiyasına şikayət məktubu daxil olub. Saytımız vasitəsilə Prezident İlham Əliyevə müraciət eədn şikayətçilər yazırlar:

“Cənab Prezident!

Biz, Naxçıvan şəhəri, Şərur rayonunda yerləşən Dövlət Tikinti İdarəsinin işçiləri olaraq Sizdən xahiş edirik ki, müraciətimizin araşdırılması üçün tapşırıq verəsiniz.

Öncə onu qeyd edək ki, biz xalqımızın gələcəyi və rifahı naminə atdığınız addımları və siyasətinizi alqışlayırıq. Biz Şərur Rayon Dövlət Tikinti İdarəsinin işçiləri olaraq, işlə bağlı problemlərimizi sizə çatdırmaq istəyirik.

İllərdir Şərur Rayon Tikinti İdarəsində usta və fəhlə olaraq işləyirik. Burdan əldə etdiyimiz gəlirlə ailəmizi dolandırır, uşaqlarımıza çətinlikl ədə olsa gələcək qurmağa çalışırıq. Bu idarə 80 ildir fəaliyyət göstərir. Hətta bizim babalarımız belə, burada işləyərək, bizləri bu günlərə çatdırıblar.

Beş ildir işlərimiz zəif olsa da, azdan-çoxdan evimizə çörək pulu aparırıq. Amma bu gün Şərur rayon Dövlət Tikinti İdarəsi ləğv edilib, yüzdən artıq ailə başçısı işsiz qalıb. Onların da ailə üzvünü hesablıyanda, bu, yeddi yüz nəfərə gedib çıxır.

Cənab Prizdent!

Biz hal-hazırda ailəmiz və övladlarımız qarşısında öz öhdəliyimizi yerinə yetirə bilmirik. Bu səbəbdən, Sizə müraciət edərək bildirik ki, uşaqlarımız ac qalıb, xəcalətdən evimizə gedə bilmirik, bizə kömək edin, iş yerimiz bağlanmasın, biz də usta və fəhlələr olaraq ölkəmizə, dövlətimizə və xalqımıza alın tərimizlə xidmət edək, övladlarımızı vətənpərvər ruhda böyüdək.

Cənab Prizdent!

İndiyə kimi işlədiyimiz işlərin belə, doğru-düzgün haqqını ala bilməmişik. Sədərək rayonunda yerləşən Sərhəd Gömrük Keçid Məntəqəsində tikilən “Tır parkı”nda bizi işlədib, əmək haqqımızı verməyiblər. Sizdən xahiş edirik ki, müraciətimizi diqqətdə saxlayıb, bizə kömək edəsiniz. Əminik ki, bizə kömək edəcəksiniz, ailəmizin qabağında xəcalətli qoymayacaqsınız”. //“Hürriyyət”//
 

“Ermənistan mina terroruna görə Azərbaycana təzminat ödəməlidir” – ŞƏRH

Yaradılıb 23.04.2023 09:43 | Baxış sayı: 82
Ardını oxu...
“Son hadisələr göstərir ki, Ermənistan tərəfi bütün məsələlərdə olduğu kimi mina xəritələrinin verilməsində də süni əngəllər yaradır, Azərbaycana qarşı heç bir xoşməramlı münasibət göstərmir və beynəlxalq hüququ kobud şəkildə pozmağa davam edir”.

Bu fikirləri Oxu.Az-a politoloq İlqar Vəlizadə erməni təxribatı nəticəsində basdırılmış mina partlaması ilə 3 hərbçimizin xəsarət alması haqqında danışarkən deyib.

O xatırladıb ki, ermənilərin mina təxribatının nəticəsində faciəvi hadisələr davam edir, itkilərimiz artır:

“Beynəlxalq təsisatlar, təşkilatlar səviyyəsində dəfələrlə bu məsələləri qaldırmalıyıq. Azərbaycan tərəfi Ermənistana iradlarını dönə-dönə bildirməlidir ki, nəticədə heç olmasa beynəlxalq təşkilatlar ermənilərdən bunu tələb edə bilsin. Ermənistanın onsuz da xoşagəlməz imici formalaşıb. Rəsmi İrəvan hansısa tədbirlər görməlidir ki, bunu heç olmasa yaxşıya doğru dəyişə bilsin.

Beynəlxalq hüquq normalarına, qoşulduğu konvensiyaların şərtlərinə, o cümlədən minalarla əlaqədar konvensiyanın tələblərinə əməl etməyən, hüquq prinsiplərini pozan Ermənistana heç kim təsir etməyib. İndi də vasitəçi ölkələr, beynəlxalq təşkilatlar Paşinyan hakimiyyətinə təsir göstərmirlər. İstənilən halda biz çalışmalıyıq beynəlxalq səviyyədə Ermənistanın yararsız siyasətinə diqqətin cəlb olunmasını təmin edək. Başqa çıxış yolumuz qalmır.

Digər tərəfdən müxtəlif səviyyələrdə müzakirələr aparılır ki, Ermənistan Azərbaycana təzminat ödəsin. Düşünürəm ki, digər qanun pozuntuları ilə yanaşı mina terroru ilə bağlı da Azərbaycana dəyən zərərin ödənilməsi beynəlxalq məhkəmələrin diqqətində olmalıdır. Bu məsələ ilə bağlı hüquqşünaslar, mütəxəssislər işləməlidirlər ki, Ermənistan mina terroruna görə məsuliyyətə cəlb edilsin”.

Aysel Aslan

“Azərbaycanla Ermənistanın mövqeləri yaxınlaşanda belə təxribatlar baş verir”

Yaradılıb 22.04.2023 09:55 | Baxış sayı: 224
Ardını oxu...
Ermənistan parlamentinin hakim “Vətəndaş müqaviləsi” partiyasından olan deputatı Ovik
Ağazaryan “Facebook”dakı səhifəsində İrəvanda keçirilən ağır atletika üzrə Avropa
çempionatının açılış mərasimində Azərbaycan bayrağının yandırılmasını pisləyib.
“Bir vətəndaş və parlament deputatı olaraq, xalqımda vəhşi və adamyeyən tayfalara xas olan
təzahürləri tamamilə aradan qaldırmaq üçün mümkün olan hər şeyi etmədiyimə görə bütün
beynəlxalq sivil ictimaiyyətdən üzr istəyirəm. Mən utanıram”, – deyə deputat yazıb.
Eyni zamanda, müsabiqənin təşkilatçıları və Ermənistanın səlahiyyətli orqanları hadisəni
pisləməyiblər. Ermənistanın Təhsil, Mədəniyyət və İdman Nazirliyi hesab edir ki, “insident tez bir
zamanda aradan qaldırılıb”. Azərbaycan komandasının çempionatda iştirakdan imtina etməsinə
gəlincə, nazirlik bunu “idman etikası baxımından problemli” adlandırıb.

Hadisənin səbəbkarı, Azərbaycan bayrağını yandıran Ermənistan İctimai Televiziyasının
əməkdaşı Aram Nikolyan cəzalandırılmayıb. O, iki saat polis idarəsində saxlanılıb və heç bir
sanksiya tətbiq olunmadan sərbəst buraxılıb.
Nikolyanın bu hərəkəti Ermənistanın bir çox ictimai-siyasi xadimi tərəfindən dəstəklənib. Belə ki,
Serj Sarqsyanın Respublikaçılar Partiyasından deputatı, Ermənistanın keçmiş təhsil naziri
Armen Aşotyan “Facebook” səhifəsində yazıb ki, “Aram Nikolyan Azərbaycanın bayrağını yox,
nikolizm simvolunu yandırıb”.
Aysor.am xəbər verir ki, öz növbəsində Ermənistanın baş naziri Nikol Paşinyan İctimai
Televiziyanın rəhbərliyinə stilistik studiyanın rəhbəri Aram Nikolyanın Azərbaycan bayrağını
yandırdığına görə işdən çıxarılması barədə göstəriş verib.
Bu, ancaq Ermənistanda baş verən hadisələrdir. Eyni zamanda, hadisənin bölgəmizdəki
vəziyyətə necə təsir edəcəyi barədə düşünmək yerinə düşər. Nikolyan kimin maraqlarına uyğun
hərəkət edib? Onun arxasında hansısa qüvvələr ola bilərmi? Yoxsa bu, bir nəfərin aksiyasıdır? Və
baş verən hadisə Ermənistan və Azərbaycan arasında sülh müqaviləsinə yaxınlaşma
perspektivinə necə təsir edəcək?
Politoloq, Şərq-Qərb Araşdırmalar Mərkəzinin direktoru Ərəstun Oruclu məsələ ilə bağlı
fikirlərini Press Klubla bölüşüb.
O, hesab edir ki, Ermənistanda Azərbaycan bayrağı ilə baş verənlər birmənalı şəkildə təxribatdır.
“Ermənistan hökuməti bunda maraqlı idimi? Məncə, yox. Hakimiyyətin reaksiyası tam əksini
deyir. Bəs nə baş verib? Niyə bu məqsəd üçün İctimai TV-nin əməkdaşından istifadə olunub?
Bu, hadisədə düşmən əlinin olduğunu deməyə əsas verir. Biz görürük ki, Ermənistan və
Azərbaycanın sülh sazişinin əldə edilməsi istiqamətində mövqeləri yaxınlaşanda, ən azından
stabil danışıqlar prosesinin başlanması istiqamətində cəhdlər ediləndə, bunu məhv etmək,
qarşısını almaq üçün müxtəlif təxribatlar həyata keçirilir.

Məncə, Azərbaycan bayrağı ilə baş verənlər bu seriyadandır. Və rəsmi İrəvanın, hökumət
üzvlərinin, hakim partiyadan olan deputatların reaksiyası onu deməyə əsas verir ki, hər kəs
təxribat baş verdiyini anlayır.
İrəvanda olan azərbaycanlı idmançıların zorla saxlanması, az qala girov olması və s. bağlı da
informasiya var idi.
Hesab edirəm ki, burada mövqelərin yaxınlaşmasının, ən azından stabil sülh danışıqlarının
aparılmasının qarşısını almaq üçün sistemli iş aparılır. Bu kimin marağındadır? Bu niyə baş
verir? Düşünürəm ki, bunu yalnız təxmin edə bilərik. Sərhəddə hərbi toqquşmanı təşkil edən,
keçən ilin sentyabrında qarşıdurmanı təşkil edən qüvvə. Şübhəsiz ki, regionda sabit sülh və
inkişafa nail olmağın açarı Azərbaycan və Ermənistan arasında sülh prosesidir. Və belə inkişaf
olduğu təqdirdə, regiona xarici təsir kəskin şəkildə azalır. Belə təsirin effektivliyi azalır.
Prinsipcə, biz bunu son 35 ildə müşahidə edə bilərik. Bu proses davam edir və hesab edirəm
ki, Ermənistan hakimiyyəti tam və hərtərəfli araşdırma aparsa, bütün bunları təhrik edənlərin
izinə düşəcək. İrəvanın nəinki araşdırma aparması, həm də araşdırmanın nəticələrini dərc
etməsi çox ağıllı addım olardı. Ümid edirəm ki, bu, baş verəcək.
Bu hadisənin sülh müqaviləsinin perspektivlərinə necə təsir edəcəyinə gəlincə, düşünürəm ki,
bunun həlledici mənfi təsiri olmayacaq, amma şübhəsiz ki, hər iki tərəfdə mənfi ictimai əhvalruhiyyə yaradacaq. Yaxşı olardı ki, bu cür təxribatlara köklənməyək, nəyin bahasına olursaolsun, sülh danışıqlarını davam etdirək. Çünki yuxarıda qeyd etdiyim kimi, regionda sabit
sülhün əldə olunması məhz Bakı ilə İrəvan arasında sülh sazişinin əldə olunmasından keçir”, –
deyə Oruclu yekunlaşdırıb.
Rauf Orucov

Lənkəranda həkim məntəqəsi baxımsız vəziyyətdədir - VİDEO

Yaradılıb 22.04.2023 09:54 | Baxış sayı: 128
Ardını oxu...
Lənkəran rayonunun Girdəni kənd həkim məntəqəsi açınacaqlı vəziyyətdədir.

Xezerxeber.az-ın məlumatına görə, həkim məntəqəsinin binasının divarları çatlaq, bünövrəsi çökmüş, pəncərə və qapıları isə qırıq-salxaq vəziyyətdədir.

Həkim məntəqəsi 1948-ci ildə tikilib. 1964-cü ildən Girdəni kənd xəstəxanası kimi fəaliyyət göstərib. 2010-cu ildə xəstəxana ləğv olunub, yenidən həkim məntəqəsi kimi fəaliyyət göstərməyə başlayıb.

Sakinlər deyir ki, məntəqənin bu vəziyyətdə olması çox təhlükəlidir. Binalar köhnədir və xidmət üçün isə heç bir şərait yoxdur.

Həkim məntəqəsinin müdiri Məhəmməd İmamverdiyev bildirir ki, məntəqə bir neçə kəndin əhalisinə, təxminən 7 min nəfərə xidmət edir. Bunlardan da 1760 nəfəri uşaqlardır.
Tibb məntəqəsinin vəziyyəti ilə bağlı TƏBİB-in rəsmisi Zamirə Ədilova da açıqlama verib.

Şöbə müdiri bildirib ki, İcbari tibbi sığorta sisteminə keçidlə əlaqədar aparılan islahatlar çərçivəsində rayon mərkəzi xəstəxanalarının, o cümlədən ilkin səhiyyə xidmətinin strukturunda təkmilləşdirmə işləri aparılır. 2022-2024-cü illəri əhatə edən plan çərçivəsində Ailə Sağlamlıq mərkəzlərinin sayının artırılması, yeni ilkin səhiyyə xidmətləri müəssisələrinin tikilməsi və təmiri, kadrlarla təminatı əsas məsələlərdəndir. Bu istiqamətdə araşdırmalar aparılır, analizlər edilir və plana uyğun olaraq işlər həyata keçirilir.

Daha ətraflı süjetdə:

 

Xankəndindən son görüntülər: Hayklar talonla 1 kq banan və 1 kq alma üçün növbədə...- VİDEO

Yaradılıb 22.04.2023 09:40 | Baxış sayı: 71
Ardını oxu...
Xankəndində separatçıların və Rusiyanın "sülhməramlı" hərbi kontingentinin girovluğunda qalan hayklar talonla 1 kq. banan və 1 kq alma almaq üçün növbəyə düzülüblər.

Moderator.az xəbər verir ki, bu haqda Xankəndində yaşayan erməni bloger "Facebook" səhifəsində paylaşdığı məlumat və video-görüntülər vasitəsilə danışıb.

"30 il Qarabağ dağlarından qızıl çıxardılar və kasıb ermənilərin uşaqları vətənlərini müdafiə etdiklərini hesab edərək bunun üçün öldülər. Və Drmbon(Kəlbəcər rayonunun Mehmana kəndi- S.L.) kəndindəki ən qızıllı "damar" sorulub tükənəndən sonra qərara gəldilər ki, Qarabağ artıq Ermənistana lazım deyil.

Robert Köçəryan indi haradadır, Serj Sarkisyan haradadır - axı bütün resursları onlar idarə edirdi" - deyə bloger Qarabağdakı haykların bu acınacaqlı duruma düşməsində Ermənistanın terrorçu eks-prezidentlərini günahlandırır.

 
 
 

Azercell` vətəndaşı ÇİLƏDƏN ÇIXARDI: `Bakının göbəyində edir bunu...` - NARAZILIQ VAR!

Yaradılıb 22.04.2023 09:39 | Baxış sayı: 81
Ardını oxu...
"Şikayətim - bu, məni xəstəliyə salan "Azercell" şirkətindəndir". DİA.AZ bildirir ki, bu barədə "Müştərinin Səsi" sosial qrupundakı paylaşımında Azər Məmmədli adlı istifadəçi giley edir.

Ardını oxu...
Artıq çilədən çıxdığı aşkar şəkildə duyulan narazı abonent fikirlərini belə ifadə edir: "İlahi, il olub 2023 amma bu şirkət hələ də doğru-düzgün internet provayderliyi edə bilmir.

Ardını oxu...
4G (LTE)-nin adı var, özü yox. Adicə 120 kb həcmi olan səs yazısını açmaqda 1 saat düşünür bu internet.

Düz Bakının göbəyində edir bunu. Kürdəmirin hansısa düzündə etsə, yandırmaz məni".

DİA.AZ bildirir ki, müraciətinin sonunda vətəndaş digər abunəçilərə xitab edərək sual edir: "Hər kəsdə bugündədi Azercell-in interneti?"

Məsələ ilə bağlı dia.az olaraq qarşı tərəfi də dinləməyə hazırıq...
 
 
 

“Vahid Çin” prinsipi, hərbi yol və... – Üfüqdə müharibə görünür

Yaradılıb 21.04.2023 09:13 | Baxış sayı: 73
Ardını oxu...
Dünya “çətin Çin sualı” ilə qarşı-qarşıyadır: Pekinin “çek kitabçası” diplomatiyasına keçib

2022-ci ildə Rusiyanın Ukraynaya genişmiqyaslı işğalı başlamazdan əvvəl bəziləri Çin faktorunu vacib amillərdən biri adlandırırdılar - çünki Kremlin Qış Olimpiya Oyunlarının sonuna qədər silaha əl atmayacağı deyilirdi. Rusiya Federasiyasının qarşıya qoyduğu məqsədlərinə çata bilmədiyi bir ildə Pekin işə qarışdı və Ukrayna üçün “sülh planı” təklif etdi. İndi də yəqin ki, özü müharibəyə hazırlaşır. Mövzu ilə bağlı UNİAN maraqlı araşdırma aparıb. AYNA sözügedən yazını istinadla təqdim edir:

Çin mövzusu və onun Ukraynanı ələ keçirməklə bağlı rus fantaziyalarına “dəstək verməsi” aktuallığını itirmir. Və belə bir təəssürat yarana bilər ki, diqqət Rusiyanın Avropada açdığı müharibəyə yönəlib, əslində qarşıdurma artıq Çin-ABŞ oxu boyunca gedir. Bu ilin əvvəlindən Çinin ABŞ üzərindəki “casus gülləsi”ni və Amerika mediasına görə, Rusiya kəşfiyyatının Çinin transferi təsdiqləməsi barədə məlumat verdiyi Pentaqonun sızan məxfi sənədlərindəki məlumatları qeyd edə bilərik. Moskvaya silah göndərilməsi və Çin Xalq Respublikası ordusunun Tayvana zərbələr endirmək imkanlarını işlədiyi Çin hərbi təlimləri və s.

Məsələn, Ukraynada Rusiya hərbçilərinə Çin silahlarının tədarükü ilə bağlı heç bir təsdiqin olmamasına baxmayaraq, Çin Xalq Respublikası ittihamlara cavab verməli olub. Xüsusən də Çinin xarici işlər naziri Qin Qanq bildirib ki, Pekin onu Ukrayna və Rusiyaya tədarük etməyəcək.

"Hərbi məhsulların ixracı ilə bağlı Çin ağlabatan və məsuliyyətli mövqe tutur. Çin münaqişənin müvafiq tərəflərinə silah tədarük etməyəcək, həmçinin qanun və qaydalara uyğun olaraq ikili təyinatlı malların ixracını edəcək və nəzarət edəcək", - deyə bildirdi.

Ukrayna Xarici İşlər Nazirliyinin keçmiş rəhbəri Pavlo Klimkinin sözlərinə görə, çinlilər yeni Avropa təhlükəsizlik sisteminin müəyyənləşdirilməsində iştirak üçün oynayırlar: “Üstəlik, onların bu mövqeyi təkcə qeyri-Qərbdə deyil, Qərb dünyasında da öz tərəfdarlarını tapa bilir. Bir nümunə, Fransa və Braziliya prezidentlərinin bir-birindən çox fərqli, eyni zamanda, çox oxşar olan iki səfərini göstərmək olar”.

"Görünür, Fransa ilə Braziliya arasında ortaq cəhətlər azdır, lakin onlar müstəqil mövqe mənasında xüsusi olmağa çalışırlar və ya çox vaxt sadəcə bunu göstərmək istəyirlər. Sonra Makron yenə də “Avropa strateji muxtariyyəti” haqqında danışmağa başladı ki, bu, təbii ki, Çin üçün yumşaldıcı mövqedir. Çünki Pekin heç də kollektiv Qərbin özünə rəqib olmasını istəmir... Nəticə etibarı ilə Makronun Çinə səfəri nə Ukraynada müharibəyə son qoymaqla geniş mənada Avropada sülhün əldə edilməsinə üstünlük verdi, nə də Qərbin kollektiv həmrəyliyinin gücləndirilməsinə təkan verdi”, deyə diplomat qeyd edir.

Braziliya prezidenti Luiz İnasio Lula da Silvanın Pekində verdiyi bəyanatlara gəlincə, diplomat vurğulayıb ki, o, bir daha həm ABŞ, həm də Avropa İttifaqı tərəfindən Ukraynada müharibəyə həvəsləndirmənin dayandırılmasının vacibliyindən danışıb: “Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi cavab olaraq Silvanı Rusiya və Çin tezisini təbliğ etməkdə ittiham edib. Lakin bu səfərlər onu göstərir ki, Pekin ətrafındakı dinamikanı və intriqanları qoruyub saxlamağı bacarır", - Klimkin söyləyib.

“Dünya Ukraynanın qələbələri sayəsində daha təhlükəsiz və proqnozlaşdırıla bilən olacaq. Və bu arqumentlər öz maraqlarını üstün tutanlara aydın olmalıdır. Bu, həm cari ilin, həm də gələcək üçün əsas vəzifələrdən biri olacaq”, - deyə o, bildirib.

Çin müharibəyə hazırlaşır?

Doğrudan da, gələcəkdə Ukraynada təhlükəsizlik vəziyyətinin pisləşməsi bitməyəcək. Çin Rusiyanın təcavüzünə dünyanın reaksiyasını öyrənməklə təcrübə toplayır. Və tamamilə mümkündür ki, Tayvanın Çinin hücumu ilə bağlı qorxularının möhkəm əsası var. Xüsusilə 1949-cu ildə vətəndaş müharibəsi başa çatdıqdan sonra Çin Xalq Respublikası Tayvana nəzarət iddiasında olduğundan və Tayvanın dövlətinin tərkib hissəsi olması tezisi Çinin əsas idarəetmə sənədlərində - Konstitusiyada, strateji planlar, hərbi doktrina və s. mövcuddur. İndi bu qarşıdurmanın köhnə variantı sadəcə olaraq Ukraynanın informasiya məkanında daha intensiv şəkildə görünməyə başladı.

“Adastra” analitik mərkəzinin Asiya-Sakit okean regionu üzrə eksperti Anton Qanotskinin sözlərinə görə, Si Cinpin 2015-ci ildən bəri Çinin “mübarizə aparmağa hazırlaşmalı” olduğunu deyir. Cinpin üçüncü müddətə rəhbər seçildikdən sonra bu cür bəyanatlar daha yüksək və tez-tez səslənir: “Çünki bu, Çinin dirçəlişinin ideoloji gündəminə daxildir. Tayvan üzərində birbaşa münaqişənin yaranması hazırda ən çox ehtimal olunan ssenaridir. Baxmayaraq ki, söhbət təkcə Tayvandan getmir. Çinin genişləndiyi Cənubi Çin dənizini də qeyd etməliyik”.

“Məhz Rusiya-Ukrayna müharibəsi Pekinə nümayiş etdirdi ki, hətta nüvə dövləti ilə də döyüşmək mümkündür və bunun nüvə apokalipsisinə gətirib çıxaracağı fakt deyil. Buna görə də Çin amerikalılarla toqquşma ehtimalını öz üzərinə götürür”, - deyə ekspert vurğulayıb.

“NewGeopoliticsResearchNetwork”ün Asiya bölməsinin rəhbəri Yuri Poita isə qeyd edir ki, hazırda bir çox işarələr Çinin həqiqətən də qarşıdurmaya hazırlaşdığını göstərir: "Çin Tayvan üzərində nəzarətinin olması üçün hərtərəfli strategiya həyata keçirir. Bu, Tayvan və materikin eyni dövlətin hissələri olduğu "Vahid Çin" prinsipinin həyata keçirilməsi yolu ilə həyata keçirilir. Beləliklə, əsas yanaşma diplomatik əlaqələri olan ölkələrdir. Tayvanla diplomatik əlaqələr olmamalıdır. Çin Tayvanı beynəlxalq mühitdən sıxışdırmaq üçün birgə səy göstərir. Və məsələn, bir neçə həftə əvvəl Paraqvay Tayvanla əlaqələri kəsdi. Çində buna “çek kitabçası” diplomatiyası deyirlər”.

Beləliklə, onun fikrincə, Pekin üçün “Vahid Çin” prinsipinin həyata keçirilməsi mütləq hərbi yolla baş tutmalı deyil: “Bu yol Çin üçün ən mənfi yoldur. Lakin sülh yolu ilə məqsədə çatmaq mümkün deyilsə, hərbi əməliyyatlar istisna oluna bilməz. Və son 5-10 ildə Çinin ali siyasi rəhbərliyinin diqqət mərkəzində olan məsələ budur. Onlar getdikcə daha çox bəyan edirlər ki, əgər məqsədə dinc yolla nail olmaq mümkün deyilsə, o zaman Çin hərbi yolu istisna etmir. Bu ritorika daha aqressiv hala gəlib və indi daha tez-tez istifadə olunur. Bu, deməyə əsas verir ki, Çin getdikcə daha çox hərbi yolun mümkünlüyünü nəzərdən keçirir”.

Yuri Poitanın istinad etdiyi başqa bir əlamət hərbin qurulmasıdır - hərbi büdcənin illik 6-7% artması, hərbi islahatlar və Çinin hərbi təlimlərinin Tayvan üzərində nəzarətin qurulmasına yönəldilməsi: "Çin Hərbi Dəniz Qüvvələrinin modernləşdirilməsinin, axınının böyük hissəsi əməliyyatların şərq teatrına yönəlib. Şərq Komandanlığı Tayvan boğazındakı əməliyyatlara cavabdehdir. Bundan əlavə, Çin silahlı qüvvələri daha böyük imkanlar baxımından islahatlar aparır. Çin ordusunun islahatı buna yönəlib”.

“Nəticədə, Çin hər il 20-yə yaxın gəmi buraxır və hazırda belə döyüş platformalarının sayına görə dünyada birinci yerdədir. Çinin dənizdə keçirdiyi təlimlər isə Tayvanı ələ keçirmək üçün keçirilir”, - ekspert deyir.

"Təxminən dörd ssenari var və onların hamısı, o cümlədən bloklama, tammiqyaslı işğal, məhdud hərəkətlər, raket zərbələri və ya boz zona əməliyyatları tətbiq olunur. Təlim çox intensivdir", - Yuri Poita deyir.

Lakin onun sözlərinə görə, hələlik Çin və ABŞ arasında qarşıdurma yox, strateji rəqabət var: “Nə Çin, nə də ABŞ buna hazırdır”.

Bu fikri Ukraynanın ABŞ-dakı keçmiş səfiri Valeri Çalıy da bölüşür. O, yüksək səviyyəli konqresmenin Tayvana hücum ediləcəyi təqdirdə ABŞ-ın nə edəcəyi ilə bağlı verdiyi cavabdan məyus olduğunu bildirib: “Belə olan halda Konqres Amerika qoşunlarının göndərilməsi ilə bağlı qərara baxacaq, əgər amerikalılar bunu dəstəkləsələr...”.

Diplomatın sözlərinə görə, Çinin Tayvana qarşı mümkün hərbi əməliyyatının əsas şərti hazırlıqsız, zəif Tayvandır: “Bunu həm Taypey, həm də onun müttəfiqləri başa düşür. Ona görə də Çinlə söhbətlərdə, Rusiya ilə söhbətlərdə olduğu kimi, Qərb də analoji taktika aparır - hücumun baha başa gələcəyini və təcavüzkarın uğursuzluğa düçar olacağını daim vurğulayırlar”.
Müəllif: Turan Abdulla
ayna.az

Paşinyan KTMT missiyasını şərt qoşaraq Ermənistanda yerləşdirir...

Yaradılıb 21.04.2023 08:47 | Baxış sayı: 80
Ardını oxu...
Nikol Paşinyan Kollektiv Təhlükəsizlik Müqaviləsi Təşkilatı (KTMT) missiyasını Ermənistanda yerləşdirməyə hazır olduğunu bildirib. Paşinyan bunu deyərkən şərt qoşan əlavəsini də unutmayıb: “Ancaq bu missiyanın effektiv olması lazımdır”. Maraqlıdır ki, Nikol Paşinyan Avropa İttifaqının missiyasını Ermənistanda yerləşdirərkən “ancaq bu missiyanın effektiv olması lazımdır” əlavəsini etməmişdi.
Nikol Paşinyan KTMT missiyasını təmas xəttində yerləşdirməklə nəyə ümid edir? Avropa İttifaqının Ermənistandakı missiyası Azərbaycan hərbçilərinin təmas xəttində möhkəmlənməsinə və istehkamlar qurmasına mane olmadı və bu Nikol Paşinyanı məyus etdi. Paşinyan anladı ki, Avropa İttifaqı Azərbaycanla münasibətləri gərginləşdirmək istəmir. “Avropa İttifaqı missiyası ilə KTMT-nin missiyasını müqayisə etmək olmaz. KTMT missiyasından gözləntilərimiz Avropa İttifaqı missiyasından daha çox olmalıdır” – deyən Paşinyan Kollektiv Təhlükəsizlik Müqaviləsi Təşkilatının Ermənistan qarşısında təhlükəsizliyin təmin edilməsi kimi öhdəlikləri olduğunu bildirib.
Rusiya KTMT missiyasının Ermənistanda yerləşməsində maraqlıdır. Bununla bağlı layihə də hazırlanıb. Ancaq Avropa İttifaqı missiyası kimi KTMT missiyasının da Azərbaycanın sərhədi möhkəmlədəcək çalışmalarına mane olacaq mexanizmləri yoxdur. Digər tərəfdən KTMT-ə üzv olan ölkələrin tamamı ilə Azərbaycanın sıx münasibətləri mövcuddur. Təmas xəttindəki missiyaya görə, KTMT-yə üzv olan ölkələr Azərbaycanla münasibətlərin gərginləşməsində maraqlı deyillər. Paşinyan bir müddətdən sonra KTMT missiyasından da məyus qalacaq, bununla da onun heç bir alternativi qalmayacaq.
Elxan Şahinoğlu
Teref.az
 

Heydər Əliyev və Azərbaycanda iqtisadi islahatlar - İsrafil Kərimovun yazısı

Yaradılıb 20.04.2023 08:41 | Baxış sayı: 88
Ardını oxu...
“İqtisadiyyatı güclü olan dövlət hər şeyə qadirdir”. Ümumilli lider Heydər Əliyevin Azərbaycan iqtisadiyyatı sahəsində verdiyi töhfələr deyəndə, ilk xatırlanan məhz bu cümlədir.
1993-cü ildə müstəqilliyini yeni bərpa etmiş ölkə düşmən dövlətlər tərəfindən açıq-aşkar hərbi təcavüz və siyasi təzyiqlərlə boğulurdu. Ölkədə yaranmış xaos, hərc-mərclik məticəsində xalqımız iqtisadi sarsıntılar, çətinliklər girdabına düşmüşdü. Müstəqil Azərbaycan dövlətinin xaosdan çıxarılması, günü-gündən möhkəmləndirilməsi, inkişaf edirilməsi, iqtisadiyyatının gücləndirilməsi istiqamətində vacib və təxirəsalınmaz addımların atılması lazım idi. Bu isə uzun illər Azərbaycan üçün çalışan, onu qabaqcıl ölkələrdən birinə çevrilməsi üçün bütün sahələrdə geniş islahatlar aparan bir şəxsiyyətlə-Heydər Əliyevlə mümkün olardı.
Hələ 1969-cu ildən Heydər Əliyevin Azərbaycana rəhbərlik etməsi ilə ölkənin iqtisadi inkişafının əsaslarının yaradılması, zəngin iqtisadi potensialının ölkənin gələcək inkişafına, xalqın rifahının yüksəlməsinə yönəldilməsi prosesinə start verilib. Məhz iqtisadiyyatın gücləndirilməsi istiqamətində atılan addımlar bu gün Azərbaycanın dünya ölkələri sırasında yer almasına, dünyada vacib ölkələrdən birinə çevrilməsinə səbəb olub.
Dahi siyasətçinin həyata keçirdiyi məqsədyönlü tədbirlər nəticəsində respublika iqtisadiyyatında mühüm struktur dəyişiklikləri aparılıb, sənaye və kənd təsərrüfatının bütün sahələrində inkişafa nail olunub, yeni sənaye sahələri yaradılıb, istehsalla bilavasitə bağlı olan elmi-tədqiqat sahələrinin inkişafına diqqət artırılıb, mütərəqqi texnologiyaların istehsalata tətbiqi sahəsində Azərbaycan bütün SSRİ-də qabaqcıl mövqeyə yiyələnib, istehsal olunan məhsulların keyfiyyəti yaxşılaşıb. 1969-1982-ci illərdə Azərbaycanda elektron maşınqayırması, radiosənaye, yüngül və yeyinti sənayesi üçün maşın və avadanlıq istehsalı və digər mütərəqqi sənaye sahələri yaranıb. Sənayenin inkişafında elmi-texniki tərəqqinin nailiyyətlərinin geniş tətbiqi nəticəsində 1971-1985-ci illərdə 581 adda yeni tipli maşın, avadanlıq, aparat və cihaz nümunələri yaradılıb. Həmin vaxtlar Azərbaycanda buraxılan 350 adda məhsul dünyanın 65 ölkəsinə ixrac olunurdu. Həmçinin 1970-ci ildən Azərbaycanda neft sənayesinin inkişaf etdirilməsi ilə “qara qızıl” Azərbaycan xalqına xidmət edən sahəyə çevrilməsinin əsası qoyulub.
Paytaxt Bakıya, Azərbaycanın rayonlarına gözəllik verən yüzlərlə yaşayış binası, mehmanxana, ölkə iqtisadiyyatında mühüm rol oynayan iri istehsal kompleksləri, su anbarları, yaşıllıq zonaları, istirahət ocaqları, yollar Heydər Əliyevin yorulmaz fəaliyyətinin nəticəsidir. Həmin dövrdə ölkə iqtisadiyyatının inkişaf tarixinə nəzər salanda məhz Heydər Əliyevin sətləri ilə 1975-ci ildə Bakı Məişət Kondisionerləri zavodunun tikilərək istifadəyə verilməsini xüsusi qeyd etmək lazımdır. SSRİ-də yeganə olan bu zavod çox az vaxt zamanında tikilmiş və tezliklə öz fəaliyyəti ilə ölkə iqtisadiyyatında əhəmiyyətli yer tutmağa başlamışdır. Zavod fəaliyyətə başlayandan sonra dəfələrlə burada olan Ulu öndər hər zaman bu müəssisə barəsində xoş sözlər demişdir.
1993-cü il sentyabrın 28-də Bakı Məişət Kondisionerləri zavodunda keçirilən və mənim də iştirak etdiyim paytaxtın sənaye müəssisələri əmək kollektivləri nümayəndələrinin mitinqində çıxışı zamanı Heydər Əliyev qeyd edib: “Başqa respublikalarla müqayisədə Azərbaycanın sənaye potensialı respublikanın müstəqil dövlət kimi inkişaf etməsinə böyük şərait yaradan bir potensialdır. Siz isə, yəni sənaye sahəsində çalışan adamlar – bu zavodları, fabrikləri, digər sənaye müəssisələrini yaradan, onları işlədən adamlar böyük iş görürsünüz. Siz Azərbaycanın müstəqilliyini təmin etmək üçün böyük fəaliyyət göstərirsiniz. Bu fəaliyyətinizə, indiki böhran vəziyyətində zavodları, fabrikləri tam gücü ilə olmasa da, işlətdiyinizə görə və öz peşənizdən, sənətinizdən uzaqlaşmadığınıza görə, öz işinizə, əməyinizə sədaqətli olduğunuza görə hamınıza minnətdarlığımı bildirirəm. Hamınızı bu əmək fədakarlığına görə ürəkdən təbrik edirəm.”
Məhz Ulu öndər Heydər Əliyevin müdriklik və uzaqgörənliklə, dərin inam və qətiyyətlə, məqsədyönlü və ardıcıl şəkildə həyata keçirdiyi qlobal, genişmiqyaslı və çoxşaxəli iqtisadi-siyasət nəticəsində bu gün neft onun əsl sahibi olan Azərbaycan xalqına xidmət edərək ölkəmizin siyasi müstəqilliyinin, iqtisadi tərəqqisinin, insanlarımızın rifahının təmin edilməsinə yönəldilib.
Müstəqil Azərbaycanın yeni tarixinə qızıl hərflərlə həkk olunmuş 20 sentyabr 1994-cü il bugünkü və gələcək nəsillərin yaddaşında əbədi yaşayacaq. "Əsrin müqaviləsi" adı ilə indi bütün dünyada tanınmış bu müqavilənin imzalanması və onun gerçəkləşməsi müstəqil Azərbaycanın iqtisadi inkişaf konsepsiyasını təşkil edən və Heydər Əliyev tərəfindən işlənib hazırlanmış yeni neft strategiyasının həyata keçirilməsinin parlaq təzahürüdür.
Heydər Əliyev strategiyasının həyata keçirilməsi nəticəsində 1995-ci ildən Azərbaycanda inkişafın yeni mərhələsi - bərpa və dinamik inkişaf dövrü başlanıb. 1995-2003-cü illər ərzində ümumi daxili məhsul 90,1 faiz, dövlət büdcəsinin gəlirləri 3,9 dəfə, ölkənin valyuta ehtiyatları 85 dəfə, sənaye məhsulunun həcmi 22,4 faiz, kənd təsərrüfatı istehsalı 52,8 faiz, xarici ticarət dövriyyəsi 4 dəfə, iqtisadiyyatda məşğul olanların orta aylıq əməkhaqqı 6,2 dəfə artıb, inflyasiya səviyyəsi 2-3 faizə qədər endirilib. Bu dövrdə iqtisadiyyata bütün maliyyə mənbələri hesabına 20 milyard ABŞ dolları həcmində investisiyanın qoyulması təmin olunub.
Müasir Azərbaycan dövlətinin banisi Heydər Əliyevin misilsiz idarəçilik qabiliyyəti, gərgin əməyi nəticəsində əldə olunmuş nailiyyətlər sonrakı illərdə ölkə iqtisadiyyatının davamlı və dinamik inkişafı üçün möhkəm zəmin yaradıb. Bir sözlə, Azərbaycanın milli iqtisadiyyatının formalaşmasında Heydər Əliyevin xidmətləri misilsizdir.
Əsası Ulu Öndər tərəfindən qoyulmuş sosial–iqtisadi inkişaf strategiyasının Prezident İlham Əliyev tərəfindən uğurla davam etdirilməsi nəticəsində qazanılmış nailiyyətlər daha da möhkəmləndirilib, makroiqtisadi sabitlik qorunub saxlanılıb, iqtisadiyyatın şaxələndirilməsi təmin olunub, əhalinin sosial rifahı davamlı olaraq yaxşılaşıb.
Prezident İlham Əliyevin Ümummili lider Heydər Əliyevin müəyyənləşdirdiyi startegiyadan qaynaqlanan, reallıqları nəzərə alan məqsədyönlü, çevik sosial-iqtisadi siyasəti nəticəsində iqtisadi çağırışlara dayanaqlılığı ilə seçilən və ölkəni regionun həm də iqtisadi liderinə çevirən milli iqtisadi inkişaf modeli formalaşıb.


İsrafil Kərimov – Azərbaycan Jurnalistlər Birliyinin üzvü,
“Qızıl qələm” mükafatı laureatı
DİA.AZ

BU NƏDİR BELƏ: Ölkədə səhiyyə sisteminin başını buraxıblar... - Görünəni budur...

Yaradılıb 20.04.2023 07:55 | Baxış sayı: 179
Ardını oxu...
"Səhiyyəmizdən onsuzda əlimizi üzmüşük. Azərbaycan Respublikası Səhiyyə Nazirliyinin tabeliyindəki istər xəstəxanalar olsun, istərsə də digər obyektlərdə hər gün bir dərəbəylik nümunəsi ilə qarşılaşırıq. Az-çox ölkəmizdə qürurla söhbət açdığımız sabitlik qalmışdı, o da əldən gedir". DİA.AZ bildirir ki, bunu öz gileyində tanınmış jurnalist Zülfüqar Xeyirxəbərov ifadə edib.

Daha sonra narazı jurnalist yazır: "Təxminən saat 21:00 radələrində Səbael rayonu, Bibiheybət yolunda (Səbael DYP ilə üzbəüz) fəaliyyət göstərən "Gloria" Aptekə daxil olub 3 ədəd "Teraflyu" aldım. 3 manat çıxdılar. Qiymətini soruşdum, xanım qız cavab verdi ki 1 manat olub. Ötən həftə həmin yerdən eyni dərmanı səhv etmirəmsə 87 qəpiyə almışdım. Nə zaman bahalşdığını soruşdum. Məlum oldu ki, bahalaşan heç bir şey yoxdu, sadəcə müşətiləri loxlayırlar. İradımı bildirdim, dərmanın dəqiq qiymətini soruşdum. Bu dəfə də xanım qız 95 qəpik olduğunu dedi. Kassadakı bəydən bəs nəyə görə hər dərmana görə 1 manat çıxdığını soruşdum, üstümə hücum çəkdilər. 45-50 yaşlarında üst başı sıliqəsiz bir kişi üstümə şığıdı. Küçə söyüşləri ilə təhqir edib ölümlə təhdid etdi. Deyir "yaxşı edirəm, kefim istəyən qiymətə satıram, bas bayıra yoxsa təpənə bir güllə çaxıb meyitini ataram küçəyə". Səhiyyə nazirimizin canına and olsun ki, şişirdib eləmirəm, əlini cibinə salıb belə də dedi. "Bu saat təpənə bir güllə çaxaram".
Ardını oxu...
Ardını oxu...
Həm də maraqlı bilirsiz nədir? Peşəkar dələduzluq. Kartdan 3 manat çıxır, mən çek tələb edəndə 2.85-lik çek verir. Dövlət Vergi Xidməti yaxşı olar ki, apteklərin fəaliyyətini yoxlasın. Əkəsr apteklərdə çek vermirlər, verdikləri də belə saxtakarlıq.
Hörmətli Azərbaycan Respublikası Səhiyyə Nazirliyi, Azərbaycan Respublikasının Daxili İşlər Nazirliyi ümidvaram ki, həmin şəxsin kimliyi araşdırılacaq, o hər kimdirsə aid olduğu yerə gedəcək.
Hadisə barədə Azərbaycan Respublikası Səhiyyə Nazirliyinin qaynar xəttinə xəbər verə bilmədim, çünki qaynar xəttə heç vaxt cavab vermirlər. Azərbaycan Respublikasının Daxili İşlər Nazirliyinin 102 xidmətinə məlumat verdim. 8-ci bölməyə dəvət edib ərizəmi aldılar. Nəticəsini gözləyirəm. Ortada silahla təhdid var, ictimai yerdə söyüş-təhqir var, istehlakçı hüququnun tapdanması var, süni qiymət artımı, vergidən yaypınma var. Bunlar sıradan hadisə deyil, ölkəmiizn sabitliyinə, təhlükəsizliyinə ciddi təhdidlərdir. Bunun qarşısı vaxtında alınmalı, günahkarlar mütləq cəzalandırılmalıdır. Yoxsa hər yerindən duran xoşu gəlməyənin təpəsinə bir güllə çaxacaq".
Ardını oxu...
Ardını oxu...
Məsələ diqqətimizdədir. İddia olunanlarla bağlı teref.az olaraq qarşı tərəfi də dinləməyə hazırıq...
 

Dünyapress TV

Xəbər lenti